الشللية فى المنتدى!

[طارق مصرى]

ترددت كثيرا فى فتح هذا الموضوع ..و أرجو محدش يزعل منى و عموما ده احساسى يخطأ أو يصيب

أنا شايف إن فى نوع من الشللية فى المنتدى يعنى زميل يكتب موضوع يتهافت باقى شلته للمشاركة و الرد و ممكن يكون الموضوع فعلا بسيط أو بسيط جدا لكن تلاقى كتير من المشاركات والردود الجميلة (و دى حاجة تسعدنى بجد )وموضوع تانى لزميل جديد او قديم بس مش بتاع شلل و ممكن يكون مجتهد فيه او بيطرح قضية مهمة و تلاقى الردود ضعيفة بل ان فى بعض الزملاء ليهم مواضيع مهمة و لا يوجد و لا رد عليهم و لا حتى شكرا , و نفس القصة مع زميل جديد يضع مشاركات بسيطة فى المضمون صحيح بس على الاقل هو زميل فى المنتدى يعنى حتى شكرا , الله يكرمك اى حاجة , انا عارف ان دى طبيعة البشر الشللية سواء فى الطبيعة او على الشبكة لكن ليه منكنش مختلفين و نغير من نفسنا يعنى نعتبر ان المنتدى ده زى الحياه الطبيعية مش من الزوق و احنا قاعدين فى جلسة مثلا او مكان عام وواحد يقول موضوع و محدش يعبره حتى لو كان موضوع بسيط او مكرر الرد عليه حيعمل ايه حيقلل من مكانتى ؟! انا شفت قائمة الاعضاء و شفت كتير جدا لهم مشاركات و تركوا المنتدى ممكن يكونوا انقطعوا لاسباب شتى لكن مؤكد من ضمنها الاحباط لما يطرح اكتر من موضوع و محدش يعبره , عموما النصيحة دى لزملائى الاعزاء و لى قبلكم .. و طبعا مش مقصود من كلامى انى لازم اشارك فى كل موضوع ارجو ان تكون فكرتى واضحة.. و شكرا ..........................

[ViralMind]

فى الحقيقة كنت داخل الموضوع و فاكر انك هتتكلم عن حاجة تانية خالص. :closedeyes:

لا.. كل الكلام ده مش دليل على الشللية.. و يمكن علاقته بالشللية ضعيفة شوية.

الشللية حاجة تانية خالص. :unsure:

و على فكرة.. اغلب المواضيع الجادة و المهمة.. هتلاقى الناس مابتناقشهاش.

اما المواضيع الخفيفة.. او مواضيع الفتنة.. او المواضيع الخاصة بالجدل و الصد و الرد.. هتلاقى الناس لهلوبة فيهم.

[كلمات]

بصراحة بما أني عضوة جديدة وليس لي مواضيع فلم ألحظ هذه الظاهرة

لكن هذا الأمر ملاحظ بكل المنتديات تقريبًا

وبس اللي لاحظته هنا أنه الاقبال شديد على مواضيع بعينها من مسببات الاحتقان و النقاش الحاد الذي قد يصل إلى الخلاف

أتمنى تكون ملاحظتي هيذه ليست بمحلها

أما المواضيع العامة أو الإصلاحية أو حتى مواضيع التي لا جدال فيها

فنجد رد أو ردين والسلام عليكم

أتمنى أن يكون الوضع العام في مصر والعالم العربي هو السبب في ذلك

وأن لا نكون نحن العرب قد أدمنا أسباب الخلاف وابتعدنا عن الأهداف الحقيقية

وهي البناء والتجمع والتوحد على كلمة واحدة فنفيد أوطاننا وعالمنا العربي بشكل عام

لا أعرف إن كان ردي هذا خارج الموضوع ولكن وجدته المكان المناسب لما يطرق بالي الآن

[Om Zayd]

السلام عليكم و رحمة الله و بركاته

اكيد طبيعة بشرية اننا ننتظر تجاوب الآخرين مع ما نطرحه

لكن عشان ارتاح .. بقول كلمتي و أجري على الله

[لماضة مصرية جدا]

السلام عليكم ورحمة الله و بركاته

الحقيقة مش فاهمة قصد حضرتك ايه تحديدا

هل اللي تقصده ان بيبقي فيه توبيكات معينة بتكون معدل المشاركة اعلي من غيرها علي عكس من توقعات حضرتك مثلا و قد يكون التوبيك ده موضوع جاد او موضوع خفيف

و لا هل تقصد ان المنتدي فيه مجموعة من الاضدقاء و بيحاولوا انهم يبانوا قوة مؤثرة بتغيير الراي العام عن طريق رفع التوبيك مثلا و الرد عليه

لو الحالة الاولي فاسمحلي افسرها كالتالي:

1- يرجع لطبيعة الموضوع نفسه...يعني موضوع خاص بالثورة او بحدث كلنا بنتفرج عليه من امبارح هتلاقي نسبة المشاركات فيه بتزيد و ده ممكن تلاقيه في توبيك جاد زي الثورة او توبيك رياضي مثلا زي ماتش بين فريقين

2- بفسرها برضه ان الناس مختلفة و يمكن دخلوها للمنتدي بيكون ليه اسباب مختلفة...يعني اوقات الواحد ممكن يخش بيبقي عايز يقرا حاجة خفيفة يخفف بيها عن الضغط اللي عايشه و اوقات بيبقي عايز يقرا ليها وزن تقيل

و لو حضرتك تقصد الراي التاني ان فيه مجموعة من الاصدقاء بتكون قوة مؤثرة في رفع توبيك معين او تواجده بشكل مستمر

الحقيقة اختلف مع حضرتك من النواحي التالية

1- الناس هنا في المنتدي اعتقد ان احنا في المجمل منعرفشي بعض في الحقيقة فصداقتنا هي صداقة اقتراب افكار و قناعات من خلال ما يطرح في المنتدي

2- انا كقارئة بحاول اخلي عيني دايما علي الفكرة ذات نفسها مش علي صاحبها....و احيانا كتير ممكن اصطدم مع ناس "اصدقائي" بمفهوم حضرتك لان الفكرة اللي قالوها و كتبوها معجبتنيش

المنتدي اللي انا فاهماه انه حوار بين افكار مش شخصيات

و في الحياة الحقيقية راح تلاقي مجموعة من الناس بتتفق في فكرة معينة و دي النواة اللي بتجمعهم

مش عارفة انا فهمت حضرتك صح و لا ايه

بس ع العموم اللي اقدر اقوله لحضرتك

انك تكتب كل ما تراه يمكن في يوم تحول بينك الظروف انك تتواجد في المساحة هنا لكن علي الاقل تكتب اللي ممن ينفع الناس و لو بعد حين لو مروا من نفس المكان

ممكن تدخل علي نفسهم البهجة او تكون كلماتك ليهم امل ممكن يحتاجوه في وقت ما

و اوقات كتير هتلاقي محدش بيشاركك نفس الاهتمام....مش مشكلة بس علي الاقل انت رميت حجر في المياة الآسنة و اكيد الدايرة في يوم راح تتسع و تكبرو توصل اكتر

معذرة علي الاطالة

و اتمني اني اكون رديت بشكل يوضح رأيي

تحياتي استاذي

[tarek hassan]

أحيانا نحن لا نرد على الكلام المتزن الصائب ويكون سكوتنا علامة الرضا والقبول ثم نعقب على الكلام الغير صائب لنكشف ما فيه من خطأ وكذلك الموضوعات الصائبة ربما لا تحتاج لإضافة وهناك موضوعات نشترك فيها لأنها تحمل استفزازا معينا من وجهة نظرنا فاشتراكنا في الموضوعات قد يكون بسبب جودتها أو لما تحمله من عناصر الإثارة أو التشويق ولا أظن أن هناك شلل تشترك في موضوعاتها فقط ولكن كل واحد له فكره الذي يدافع عنه في أي موضوع مطروح

تم تعديل 29 يونيو 2011 بواسطة tarek hassan

[أمل حياتي]

أنا مع أخي طارق مصري تماما ....

كثيرون لا يشجعون على التحاور والمناقشه ....

[طارق مصرى]

فى الحقيقة كنت داخل الموضوع و فاكر انك هتتكلم عن حاجة تانية خالص. :closedeyes:

لا.. كل الكلام ده مش دليل على الشللية.. و يمكن علاقته بالشللية ضعيفة شوية.

الشللية حاجة تانية خالص. :unsure:

و على فكرة.. اغلب المواضيع الجادة و المهمة.. هتلاقى الناس مابتناقشهاش.

اما المواضيع الخفيفة.. او مواضيع الفتنة.. او المواضيع الخاصة بالجدل و الصد و الرد.. هتلاقى الناس لهلوبة فيهم.

مش قصدى ان المنتدى كله قائم على الشللية و لكنها ظاهرة انا حاسس انها موجودة هنا

بصراحة بما أني عضوة جديدة وليس لي مواضيع فلم ألحظ هذه الظاهرة

لكن هذا الأمر ملاحظ بكل المنتديات تقريبًا

وبس اللي لاحظته هنا أنه الاقبال شديد على مواضيع بعينها من مسببات الاحتقان و النقاش الحاد الذي قد يصل إلى الخلاف

أتمنى تكون ملاحظتي هيذه ليست بمحلها

أما المواضيع العامة أو الإصلاحية أو حتى مواضيع التي لا جدال فيها

فنجد رد أو ردين والسلام عليكم

أتمنى أن يكون الوضع العام في مصر والعالم العربي هو السبب في ذلك

وأن لا نكون نحن العرب قد أدمنا أسباب الخلاف وابتعدنا عن الأهداف الحقيقية

وهي البناء والتجمع والتوحد على كلمة واحدة فنفيد أوطاننا وعالمنا العربي بشكل عام

لا أعرف إن كان ردي هذا خارج الموضوع ولكن وجدته المكان المناسب لما يطرق بالي الآن

انا متفق معك تماما, احييك

السلام عليكم و رحمة الله و بركاته

اكيد طبيعة بشرية اننا ننتظر تجاوب الآخرين مع ما نطرحه

لكن عشان ارتاح .. بقول كلمتي و أجري على الله

و جهه نظر جميلة .. بس دى مش نصيحة علشان ارميها البحر دى اراء محتاجة مشاركة و مناقشة و تواصل

السلام عليكم ورحمة الله و بركاته

الحقيقة مش فاهمة قصد حضرتك ايه تحديدا

هل اللي تقصده ان بيبقي فيه توبيكات معينة بتكون معدل المشاركة اعلي من غيرها علي عكس من توقعات حضرتك مثلا و قد يكون التوبيك ده موضوع جاد او موضوع خفيف

و لا هل تقصد ان المنتدي فيه مجموعة من الاضدقاء و بيحاولوا انهم يبانوا قوة مؤثرة بتغيير الراي العام عن طريق رفع التوبيك مثلا و الرد عليه

لو الحالة الاولي فاسمحلي افسرها كالتالي:

1- يرجع لطبيعة الموضوع نفسه...يعني موضوع خاص بالثورة او بحدث كلنا بنتفرج عليه من امبارح هتلاقي نسبة المشاركات فيه بتزيد و ده ممكن تلاقيه في توبيك جاد زي الثورة او توبيك رياضي مثلا زي ماتش بين فريقين

2- بفسرها برضه ان الناس مختلفة و يمكن دخلوها للمنتدي بيكون ليه اسباب مختلفة...يعني اوقات الواحد ممكن يخش بيبقي عايز يقرا حاجة خفيفة يخفف بيها عن الضغط اللي عايشه و اوقات بيبقي عايز يقرا ليها وزن تقيل

و لو حضرتك تقصد الراي التاني ان فيه مجموعة من الاصدقاء بتكون قوة مؤثرة في رفع توبيك معين او تواجده بشكل مستمر

الحقيقة اختلف مع حضرتك من النواحي التالية

1- الناس هنا في المنتدي اعتقد ان احنا في المجمل منعرفشي بعض في الحقيقة فصداقتنا هي صداقة اقتراب افكار و قناعات من خلال ما يطرح في المنتدي

2- انا كقارئة بحاول اخلي عيني دايما علي الفكرة ذات نفسها مش علي صاحبها....و احيانا كتير ممكن اصطدم مع ناس "اصدقائي" بمفهوم حضرتك لان الفكرة اللي قالوها و كتبوها معجبتنيش

المنتدي اللي انا فاهماه انه حوار بين افكار مش شخصيات

و في الحياة الحقيقية راح تلاقي مجموعة من الناس بتتفق في فكرة معينة و دي النواة اللي بتجمعهم

مش عارفة انا فهمت حضرتك صح و لا ايه

بس ع العموم اللي اقدر اقوله لحضرتك

انك تكتب كل ما تراه يمكن في يوم تحول بينك الظروف انك تتواجد في المساحة هنا لكن علي الاقل تكتب اللي ممن ينفع الناس و لو بعد حين لو مروا من نفس المكان

ممكن تدخل علي نفسهم البهجة او تكون كلماتك ليهم امل ممكن يحتاجوه في وقت ما

و اوقات كتير هتلاقي محدش بيشاركك نفس الاهتمام....مش مشكلة بس علي الاقل انت رميت حجر في المياة الآسنة و اكيد الدايرة في يوم راح تتسع و تكبرو توصل اكتر

معذرة علي الاطالة

و اتمني اني اكون رديت بشكل يوضح رأيي

تحياتي استاذي

لا انا قصدت بكل بساطة مفهوم الشللية المعروف يعنى اخش ارد فقط علشان ده فلان اللى بقالنا فترة بنرد على مواضيع بعض و بنعمل لايك لبعض مش علشان الموضوع و انا قلت ده احساس يخطأ او يصيب وو ضحت فى ردى على الاستاذ فيرال مند انى لم اقصد ان المنتدى كله قائم على الشللية انا فاهم كويس انه ممكن توبيكات ممتازة لا يتم الرد عليها او تكون الردود ضعيفة لاسباب اخرى .و شكرا لحضرتك

أحيانا نحن لا نرد على الكلام المتزن الصائب ويكون سكوتنا علامة الرضا والقبول ثم نعقب على الكلام الغير صائب لنكشف ما فيه من خطأ وكذلك الموضوعات الصائبة ربما لا تحتاج لإضافة وهناك موضوعات نشترك فيها لأنها تحمل استفزازا معينا من وجهة نظرنا فاشتراكنا في الموضوعات قد يكون بسبب جودتها أو لما تحمله من عناصر الإثارة أو التشويق ولا أظن أن هناك شلل تشترك في موضوعاتها فقط ولكن كل واحد له فكره الذي يدافع عنه في أي موضوع مطروح

نعم و دى من الاسباب الاخرى لضعف الردود على بعض التوبيكات , فضلا اقرا ردى على الاستاذة لماضة

أنا مع أخي طارق مصري تماما ....

كثيرون لا يشجعون على التحاور والمناقشه ....

المنتدى انعكاس لطبيعتنا نحن العرب فمفهوم النقاش عندنا للاسف ضعيف بعض الشىء, و لكن لا اتفق معك فى انهم كثيرون بل نقول بعض ،

و شكرا جزيلا اخت امل .

و الشكر للزملاء الاعزاء على المرور...تحياتى

تم تعديل 30 يونيو 2011 بواسطة طارق مصرى

[مروان]

متفق معك تماما

والشعور ده يلازمني كثيرا وانا اقرا بعض المشاركات والردود عليها

اعتقد انها طبيعة بشرية حتى في العالم الافتراضي

لكن علينا ان نجتهد في التخلص منها

وليكن شعارنا مازا كتب لا من كتب

تحياتي

[فريح]

أنا متفق معك يا أخ طارق فى أحساسك فهو أمر ملحوظ جداً

و دة السبب اللى مخلينى مقل جداً فى المشاركات بالرغم من كونى متابع و مشترك فى المنتدى منذ قرابة السبع سنوات

و لكن أحب أوضح وجهة نظرى أنه لا توجد شلل و لا حاجه و انما هى طبيعه بشرية كما قيل فى مشاركات سابقة

و الذى يحدث أنه يوجد مجموعه من رواد المنتدى هم الأكثر نشاطاً فى المشاركات وجدت فى أفكارها

إما نوع من التقارب الفكرى أو التنافر و السجال و الجدال الفكرى

كونت فيما بينها جروب أو كما تقول شلة و الموضوع بيتحول تدريجياً و كأنه شات بين مجموعه من الأشخاص

سيكونوا مهتمين جداً بما قاله أعضاء هذه المجموعه الأفتراضية فى هذا الشات اليوم أو أمس و يستمر حبل التواصل بشكل لا شعورى

على هذا النحو

طبعاً أى عضو جديد بالمنتدى أو أى عضو غير مداوم على المشاركات سيجد صعوبة فى التواصل مع هذا الجروب لفترة ليست بالقليلة

حتى يأتى اليوم الذى يقبل فية داخل هذا الجروب و الموضوع محتاج شوية أصرار

طبعاً فى موضوعات أو مشاركات أحياناً من أعضاء خارج الجروب بتفرض نفسها و بستفز الجميع للرد و المشاركة

لكن موضوعات و مشاركات أى عضو فى الجروب مهما كانت قلة أهميتها تجد صدى داخل الجروب كما أوضحت أعلاه

طبعاً الجروب ده يوجد ناس أساسيين و قدامى و هم حجر زاوية هذا الجروب طول الوقت و يعتبر هذا المنتدى مبنى على كتافهم بصراحه

و الباقيين بيتغييروا كل فترة مثلاً كل سنتين تلاقى نشاط لأعضاء معينين ثم يختفوا و يظهر غيرهم و هكذا

لكن فى الأخير أشياء مهمه أود التنوية اليها و هى :-

1- كل ما ذكرتة هو وجهة نظرى و توقعى تقبل الصواب أو الخطأ

2- هذا الأمر طبيعى و فطرى

3- بالرغم من قلة مداخلاتى إلا أن هذاالمنتدى هو أفضل منتدى أتابعه وأتصفحه يومياً تقريباً و أننى أستفدت منه و من أعضائة كثيراً و خاصةً من هذاالجروب الأفتراضى

[ابو محمود]

اولآ خد وهدى نفسك

ياعزيزى دة شيء تعود علية الناس يعنى ثقافة ونشأة اهم شيء اننا علشان نبطل مثلآ نشرب سجائر لازم نعرف الاول السجائر اضرارها اية وهكذا بس هناك ناس لا تقلع عن عادة ما الا عند الاصابة منها بضرر

هناك نوع ما من الشللية لكن متواري ومشد متكرر الا فى مواضيع بتظهر فيها هذة العادة الوراثية وبتكون اما بمواضيع بها نوع من التقارب الفكرى الى حد ما او مواضيع خلافية يعنى بها افكار متعددة واراء كذلك والحكم على صحة الفكرة يحتاج الى فكرة

على العموم اكتب انت بس وغيرك وانا كمان وتأكد ان الموضوع اللي مش بيرد علية حد النهاردة هتلاقى ناس جيباة لحد المنتدى من سنين قديمة وممكن تراجع التوبك بتاع مواضيع جادة دلوقتى وهتلاقى موضوع كتب من 2006 ظهر الان للنقاش وهتلاقى ناس بتختلف وناس بتأيد خد دي كمان

المهم انك لاتيأس من الكتابة واظهار ما بداخلك من مواضيع تفيد وردود تفيد بيها الزملاء وعلى العموم هتلاقى ناس كمان بتشتت المواضيع ودول لنا فيهم كلام تانى ههههههههههههه

[طارق مصرى]

متفق معك تماما

والشعور ده يلازمني كثيرا وانا اقرا بعض المشاركات والردود عليها

اعتقد انها طبيعة بشرية حتى في العالم الافتراضي

لكن علينا ان نجتهد في التخلص منها

وليكن شعارنا مازا كتب لا من كتب

تحياتي

نعم ماذا كتب لا من كتب .. تحياتى لك

أنا متفق معك يا أخ طارق فى أحساسك فهو أمر ملحوظ جداً

و دة السبب اللى مخلينى مقل جداً فى المشاركات بالرغم من كونى متابع و مشترك فى المنتدى منذ قرابة السبع سنوات

و لكن أحب أوضح وجهة نظرى أنه لا توجد شلل و لا حاجه و انما هى طبيعه بشرية كما قيل فى مشاركات سابقة

و الذى يحدث أنه يوجد مجموعه من رواد المنتدى هم الأكثر نشاطاً فى المشاركات وجدت فى أفكارها

إما نوع من التقارب الفكرى أو التنافر و السجال و الجدال الفكرى

كونت فيما بينها جروب أو كما تقول شلة و الموضوع بيتحول تدريجياً و كأنه شات بين مجموعه من الأشخاص

سيكونوا مهتمين جداً بما قاله أعضاء هذه المجموعه الأفتراضية فى هذا الشات اليوم أو أمس و يستمر حبل التواصل بشكل لا شعورى

على هذا النحو

طبعاً أى عضو جديد بالمنتدى أو أى عضو غير مداوم على المشاركات سيجد صعوبة فى التواصل مع هذا الجروب لفترة ليست بالقليلة

حتى يأتى اليوم الذى يقبل فية داخل هذا الجروب و الموضوع محتاج شوية أصرار

طبعاً فى موضوعات أو مشاركات أحياناً من أعضاء خارج الجروب بتفرض نفسها و بستفز الجميع للرد و المشاركة

لكن موضوعات و مشاركات أى عضو فى الجروب مهما كانت قلة أهميتها تجد صدى داخل الجروب كما أوضحت أعلاه

طبعاً الجروب ده يوجد ناس أساسيين و قدامى و هم حجر زاوية هذا الجروب طول الوقت و يعتبر هذا المنتدى مبنى على كتافهم بصراحه

و الباقيين بيتغييروا كل فترة مثلاً كل سنتين تلاقى نشاط لأعضاء معينين ثم يختفوا و يظهر غيرهم و هكذا

لكن فى الأخير أشياء مهمه أود التنوية اليها و هى :-

1- كل ما ذكرتة هو وجهة نظرى و توقعى تقبل الصواب أو الخطأ

2- هذا الأمر طبيعى و فطرى

3- بالرغم من قلة مداخلاتى إلا أن هذاالمنتدى هو أفضل منتدى أتابعه وأتصفحه يومياً تقريباً و أننى أستفدت منه و من أعضائة كثيراً و خاصةً من هذاالجروب الأفتراضى

شكرا على شرحك الجميل و لكن أعترض بشدة على قلة مشاركاتك فى المنتدى شارك و قول رأيك و حتلاقى اللى يقدره

تم تعديل 30 يونيو 2011 بواسطة طارق مصرى

[فريح]

اولآ خد وهدى نفسك

ياعزيزى دة شيء تعود علية الناس يعنى ثقافة ونشأة اهم شيء اننا علشان نبطل مثلآ نشرب سجائر لازم نعرف الاول السجائر اضرارها اية وهكذا بس هناك ناس لا تقلع عن عادة ما الا عند الاصابة منها بضرر

هناك نوع ما من الشللية لكن متواري ومشد متكرر الا فى مواضيع بتظهر فيها هذة العادة الوراثية وبتكون اما بمواضيع بها نوع من التقارب الفكرى الى حد ما او مواضيع خلافية يعنى بها افكار متعددة واراء كذلك والحكم على صحة الفكرة يحتاج الى فكرة

على العموم اكتب انت بس وغيرك وانا كمان وتأكد ان الموضوع اللي مش بيرد علية حد النهاردة هتلاقى ناس جيباة لحد المنتدى من سنين قديمة وممكن تراجع التوبك بتاع مواضيع جادة دلوقتى وهتلاقى موضوع كتب من 2006 ظهر الان للنقاش وهتلاقى ناس بتختلف وناس بتأيد خد دي كمان

المهم انك لاتيأس من الكتابة واظهار ما بداخلك من مواضيع تفيد وردود تفيد بيها الزملاء وعلى العموم هتلاقى ناس كمان بتشتت المواضيع ودول لنا فيهم كلام تانى ههههههههههههه :give_rose:

على فكره أنا الموضوع مش مضايقنى خالص أرجع لما كتبت ستجد أن ما كتبتة عباره فقط عن رصد و تحليل للأمر

المهم كلنا نستفيد من دخول المنتدى سواء بالمتابعة فى صمت أو بالمشاركة الفعالة

أما بخصوص تشتيت المواضيع فمش فاهمها دى

[مصطفى يونس]

انا متفق معاك لان الموضوع ده واضح جدا فى المواضيع المطروحه فى المنتدى وشوف الفرق بين واحد جديد او مش مشهور فى المنتدى طرح موضوع واحد تانى معروف طرح موضوع تانى

تم تعديل 30 يونيو 2011 بواسطة مصطفى يونس

[ابو محمود]

اولآ خد وهدى نفسك

ياعزيزى دة شيء تعود علية الناس يعنى ثقافة ونشأة اهم شيء اننا علشان نبطل مثلآ نشرب سجائر لازم نعرف الاول السجائر اضرارها اية وهكذا بس هناك ناس لا تقلع عن عادة ما الا عند الاصابة منها بضرر

هناك نوع ما من الشللية لكن متواري ومشد متكرر الا فى مواضيع بتظهر فيها هذة العادة الوراثية وبتكون اما بمواضيع بها نوع من التقارب الفكرى الى حد ما او مواضيع خلافية يعنى بها افكار متعددة واراء كذلك والحكم على صحة الفكرة يحتاج الى فكرة

على العموم اكتب انت بس وغيرك وانا كمان وتأكد ان الموضوع اللي مش بيرد علية حد النهاردة هتلاقى ناس جيباة لحد المنتدى من سنين قديمة وممكن تراجع التوبك بتاع مواضيع جادة دلوقتى وهتلاقى موضوع كتب من 2006 ظهر الان للنقاش وهتلاقى ناس بتختلف وناس بتأيد خد دي كمان

المهم انك لاتيأس من الكتابة واظهار ما بداخلك من مواضيع تفيد وردود تفيد بيها الزملاء وعلى العموم هتلاقى ناس كمان بتشتت المواضيع ودول لنا فيهم كلام تانى ههههههههههههه :give_rose:

على فكره أنا الموضوع مش مضايقنى خالص أرجع لما كتبت ستجد أن ما كتبتة عباره فقط عن رصد و تحليل للأمر

المهم كلنا نستفيد من دخول المنتدى سواء بالمتابعة فى صمت أو بالمشاركة الفعالة

أما بخصوص تشتيت المواضيع فمش فاهمها دى

تحياتى ايها الزميل القديم بالمحاورات يؤسفنى جدآ انك اخذت مداخلتى على انها رد على حضرتك يمكن لانها اتت بعد مداخلتك الكريمة ودة سبب انك تهيءلك انها رد على حضرتك انا لا اقصد حضرتك ابدآ انا برد على الاخ صاحب الموضوع الاستاذ طارق وعلشان تعرف انى مش قاصد هههههههههدة بقى عنوان التوبك بتاع التشتيت بس بالله عليك ماتزعل ادعو لمن يغير المسار بان الله يفتح علية ويهدية... تقبل تحيات .. اخوك محمود وتحياتى لصاحب الموضوع ومن شارك برأية

http://www.egyptiantalks.org/invb/index.php?showtopic=21914

تم تعديل 30 يونيو 2011 بواسطة محمودمصطفى

[أبو محمد]

أنا مع أخي طارق مصري تماما ....

كثيرون لا يشجعون على التحاور والمناقشه ....

الأخت الفاضلة "أمل حياتى"

ممكن أمثلة - من فضلك - لتوضيح رأيك .. فرأيك هذا يجب أن نأخذه - جميعا - بمنتهى الجدية .. لأن هذا الموقع هو موقع "محاورات" فى المقام الأول

فإذا كان "كثيرون" لا يشجعون على التحاور والمناقشة فلابد أن هناك خطأ ما

ترى ما هو ؟

هل مثلا هناك من هم عدائيون فى ردودهم ؟

هل هناك من هم لا يراعون آداب الحوار ؟

هل هناك من يتجاهلون الرد على أناس بعينهم ؟

هل هناك من يشخصن الحوار ؟

هل هناك من يشتت المواضيع ؟

هل هناك من يقصرون الحوار على من يتفقون معهم ولا يحاورون المختلفين معهم؟

تريدين إجابتى على كل تلك الأسئلة ؟

الإجابة هى : "نعم" .. ولكن

أليس عالمنا "الواقعى" يشبه إلى حد كبير عالمنا "الافتراضى" ؟

أرشح لحضرتك ثلاثة مواضيع كنت قد فتحتهم (نرجسية بقى :)) عبرت فيها عن رأيى الذى يشبه رأيك إلى حد بعيد .. المواضيع هى :

الرأى والرأى الآخر .. وآداب الحوار

تحاوروا تصحوا .. تحاوروا يرحمنا ويرحمكم الله

بين الصفر وال 180 هناك 178 درجة

[أمل حياتي]

أنا مع أخي طارق مصري تماما ....

كثيرون لا يشجعون على التحاور والمناقشه ....

الأخت الفاضلة "أمل حياتى"

ممكن أمثلة - من فضلك - لتوضيح رأيك .. فرأيك هذا يجب أن نأخذه - جميعا - بمنتهى الجدية .. لأن هذا الموقع هو موقع "محاورات" فى المقام الأول

فإذا كان "كثيرون" لا يشجعون على التحاور والمناقشة فلابد أن هناك خطأ ما

ترى ما هو ؟

هل مثلا هناك من هم عدائيون فى ردودهم ؟

هل هناك من هم لا يراعون آداب الحوار ؟

هل هناك من يتجاهلون الرد على أناس بعينهم ؟

هل هناك من يشخصن الحوار ؟

هل هناك من يشتت المواضيع ؟

هل هناك من يقصرون الحوار على من يتفقون معهم ولا يحاورون المختلفين معهم؟

تريدين إجابتى على كل تلك الأسئلة ؟

الإجابة هى : "نعم" .. ولكن

أليس عالمنا "الواقعى" يشبه إلى حد كبير عالمنا "الافتراضى" ؟

أرشح لحضرتك ثلاثة مواضيع كنت قد فتحتهم (نرجسية بقى :)) عبرت فيها عن رأيى الذى يشبه رأيك إلى حد بعيد .. المواضيع هى :

الرأى والرأى الآخر .. وآداب الحوار

تحاوروا تصحوا .. تحاوروا يرحمنا ويرحمكم الله

بين الصفر وال 180 هناك 178 درجة

استاذي الفاضل أبو محمد ,,,,,

كلامك كله وتساؤلاتك تثير شجوني في أمور لا أحب الخوض فيها

على نحو تفصيلي ولكنني كنت أقول لنفسي لنعطي الجميع فرصه

فقد أكون على خطأ .... ولكي أوضح لحضرتك وجهة نظري لا بد وأن اتحدث

عن المنتدى بالنسبة لي فقد كنت أتابعه من حوالي خمسة سنوات إن لم

تكن أكثر وأحببته جدا لأنني ابحث عن الجدية وليس السطحية ......

ولكن ظروف عملي لم تكن تسمح لي بالتفرغ له لأني لا أحب الحلول الوسط

وليس لدي أي وقت فعلي للكتابة والمشاركه بسبب طبيعة عملي ومنصبي ....

رغم أنني كنت متابعه جيده لحواراته وعرفت الكثير من أعضائه بالأسماء

و أحببته أيضا لمستوى الأعضاء المنتسبين إليه وتركت كل المنتديات وأتجهت له وكذلك بسبب قربي

في عملي لكثير من المغتربين المصريين وكذلك أحتكاك البعض منهم مع عائلتي أسريا

بعلاقات متداخله ....

والذي حصل أن ظروفا أستجدت ساعدتني على الإنضمام لعضوية المنتدى وتفرغت أكثر له

العام الماضي بالتحديد عندما كنت أقضي إجازتي الصيفيه في الإسكندريه

ثم إنقطعت لفترة ثلاثة شهور بعد مضايقه من أحد الأعضاء الذي

ساعدته في موضوع ما ولم أسلم منه ......

فمررت بفترة عزوف كامل عن المنتدي حتى لم

أكن أتابعه نهائي .......

[أمل حياتي]

ثم عدت بنفسي ولكني عندما عدت اشعر بتغيير لدى الكثيرين

طبعا أنا أقول الكثيرين لأن عدد أعضاء المنتدى كثير ما شاء

الله وقد أنتبه لأعضاء دون آخرين لأن مشاركاتي في البداية

كانت في باب مغتربي الكويت فكنت معهم على تواصل دائم

اعتذر للإطالة ..........

فقد فتحت باب الشجون هو رأيي سبق وتحدثت فيه مع بعض الأعضاء

بأنه لا يوجد تشجيع على التحاور أو تبادل للآراء على نحو يمكننا

من اكتساب المعلومات والخبرة من بعضنا البعض أو يمكننا من مناقشة ....

قضيه معينه وسماع الرأي الأخر حسب طبيعة فهمي للمنتدى بأنه ليس منتدى

سطحي وأنه يشجع على الحوار .....

ونرى بعض الأحيان كلمات تشبه التهكم أو السخرية دون أن

نجد من يردعها ولا تحضرني أمثله هنا وأعتذر عن الخوض

فيها فقد تجدها فجأة بين السطور ....

وقلت لنفسي وأقول لها دائما هم ينظرون إليك من جنسية

أخرى ولهذا قد لا يتقبلون فتح حوارات .....

هذا إحساس يزورني أحيانا لذا أفوت ما أقرأه أحيانا ........

وأقول لنفسي دائما بالمصري إنتي داخله عليهم ببيتهم بلاش

تدخلي بحوارات صريحة قد لا تعجبهم ......

وأقول أيضا بأن الظروف السياسية قد تكون مؤثرة ولا تشجع

على التحاور والمناقشات فكل واحد يكتب جمله أو جملتان

ويخرج دون ان نشعر بأننا قد خرجنا بشي ...

ببساطه هذه بعض من أحاسيسي وليس كلها .......

أستاذي الفاضل أبو محمد .....

سأقرأ مواضيعك اليوم دون شك لأنني أبحث عن موضوعات جدية

وأعتذر عن الإطالة وليعذرني الجميع والأخ طارق مصري صاحب

الموضوع على إسهابي في الشرح .......

تم تعديل 1 يوليو 2011 بواسطة أمل حياتي

[طارق مصرى]

اولآ خد وهدى نفسك

ياعزيزى دة شيء تعود علية الناس يعنى ثقافة ونشأة اهم شيء اننا علشان نبطل مثلآ نشرب سجائر لازم نعرف الاول السجائر اضرارها اية وهكذا بس هناك ناس لا تقلع عن عادة ما الا عند الاصابة منها بضرر

هناك نوع ما من الشللية لكن متواري ومشد متكرر الا فى مواضيع بتظهر فيها هذة العادة الوراثية وبتكون اما بمواضيع بها نوع من التقارب الفكرى الى حد ما او مواضيع خلافية يعنى بها افكار متعددة واراء كذلك والحكم على صحة الفكرة يحتاج الى فكرة

على العموم اكتب انت بس وغيرك وانا كمان وتأكد ان الموضوع اللي مش بيرد علية حد النهاردة هتلاقى ناس جيباة لحد المنتدى من سنين قديمة وممكن تراجع التوبك بتاع مواضيع جادة دلوقتى وهتلاقى موضوع كتب من 2006 ظهر الان للنقاش وهتلاقى ناس بتختلف وناس بتأيد خد دي كمان

المهم انك لاتيأس من الكتابة واظهار ما بداخلك من مواضيع تفيد وردود تفيد بيها الزملاء وعلى العموم هتلاقى ناس كمان بتشتت المواضيع ودول لنا فيهم كلام تانى ههههههههههههه

اولآ خد وهدى نفسك

ياعزيزى دة شيء تعود علية الناس يعنى ثقافة ونشأة اهم شيء اننا علشان نبطل مثلآ نشرب سجائر لازم نعرف الاول السجائر اضرارها اية وهكذا بس هناك ناس لا تقلع عن عادة ما الا عند الاصابة منها بضرر

هناك نوع ما من الشللية لكن متواري ومشد متكرر الا فى مواضيع بتظهر فيها هذة العادة الوراثية وبتكون اما بمواضيع بها نوع من التقارب الفكرى الى حد ما او مواضيع خلافية يعنى بها افكار متعددة واراء كذلك والحكم على صحة الفكرة يحتاج الى فكرة

على العموم اكتب انت بس وغيرك وانا كمان وتأكد ان الموضوع اللي مش بيرد علية حد النهاردة هتلاقى ناس جيباة لحد المنتدى من سنين قديمة وممكن تراجع التوبك بتاع مواضيع جادة دلوقتى وهتلاقى موضوع كتب من 2006 ظهر الان للنقاش وهتلاقى ناس بتختلف وناس بتأيد خد دي كمان

المهم انك لاتيأس من الكتابة واظهار ما بداخلك من مواضيع تفيد وردود تفيد بيها الزملاء وعلى العموم هتلاقى ناس كمان بتشتت المواضيع ودول لنا فيهم كلام تانى ههههههههههههه :give_rose:

على فكره أنا الموضوع مش مضايقنى خالص أرجع لما كتبت ستجد أن ما كتبتة عباره فقط عن رصد و تحليل للأمر

المهم كلنا نستفيد من دخول المنتدى سواء بالمتابعة فى صمت أو بالمشاركة الفعالة

أما بخصوص تشتيت المواضيع فمش فاهمها دى

تحياتى ايها الزميل القديم بالمحاورات يؤسفنى جدآ انك اخذت مداخلتى على انها رد على حضرتك يمكن لانها اتت بعد مداخلتك الكريمة ودة سبب انك تهيءلك انها رد على حضرتك انا لا اقصد حضرتك ابدآ انا برد على الاخ صاحب الموضوع الاستاذ طارق وعلشان تعرف انى مش قاصد هههههههههدة بقى عنوان التوبك بتاع التشتيت بس بالله عليك ماتزعل ادعو لمن يغير المسار بان الله يفتح علية ويهدية... تقبل تحيات .. اخوك محمود وتحياتى لصاحب الموضوع ومن شارك برأية

http://www.egyptiantalks.org/invb/index.php?showtopic=21914

استاذى الكريم انا الحمد لله مش زعلان و اهدى نفسى على ايه ؟!!! انا فقط طرحت احساس ووجه نظر لى ، و على اى حال شكرا لك و بدل الوردة خدلك ثلاثة :clappingrose: