أولى مفاجآت "الديب" لبراءة مبارك فى قضية قتل المتظاهرين: الشرطة لم تكن مسلحة وانسحبت من تلقاء نفسها.. والرئيس السابق اندهش من رواية سرقة السيارة الدبل

[محمد حامد الغنام]

أولى مفاجآت "الديب" لبراءة مبارك فى قضية قتل المتظاهرين: الشرطة لم تكن مسلحة وانسحبت من تلقاء نفسها.. والرئيس السابق اندهش من رواية سرقة السيارة الدبلوماسية لأن السفارة الأمريكية مؤمنة بـ"المارينز"

الرئيس السابق مبارك

أوضح فريد الديب، محامى الرئيس السابق محمد حسنى مبارك، أن موكله أبدى اندهاشه من حادث السيارة الدبلوماسية التى دهست الثوار فى شارع قصر العينى، وأكد أن مبارك تعجب من رواية سرقة السيارة من مقر السفارة الأمريكية بحى جاردن سيتى لعلمه بوجود عناصر من قوات الـ"مارينز" الأمريكية داخل السفارة لتأمينها، مضيفاً أن الرئيس السابق مقتنع باستحالة سرقة السيارة.

وذكر "الديب"، فى تصريحات خاصة لـ"اليوم السابع"، أنه يبنى دفاعه عن "مبارك" فى قضية قتل المتظاهرين على أن الرئيس السابق متهم فى القضية باعتباره رئيس المجلس الأعلى للشرطة، وهو الذى أصدر توجيهاته للواء حبيب العادلى، وزير الداخلية الأسبق بإطلاق النار على المتظاهرين السلميين، إلا أن ذلك يتنافى مع الحقيقة، لأن العادلى لم يؤمر بإطلاق الرصاص على الثوار.

وأوضح الديب أن دفاتر وزارة الداخلية وقيادة قوات الأمن المركزى أكدت وفقاً لمنشوراتها الذى تضمن التوجيهات المختلفة لاحتواء التظاهرات يوم "جمعة الغضب"، جاء نصه: فى ضوء التداعيات الأمنية الأخيرة على الساحة الدولية والإقليمية والأحداث على الساحة الدولية والمحلية أيضاً، وفى ضوء أحداث الشغب التى وقعت يوم 25 يناير عام 2011م.

وفى ضوء توجيهات وزير الداخلية، تقرر أن دور الأجهزة الأمنية يتمثل فى الحفاظ على الأمن والسلم لكل المواطنين، وأهمية تكثيف كافة جهود الأجهزة المعنية بوزارة الداخلية لاتخاذ كافة الإجراءات والتدابير الأمنية اللازمة، والكفيلة بتحقيق التأمين الكامل لكافة المنشآت العامة والخاصة، والمواجهة الحاسمة والفورية لأى خروج عن الشرعية والقانون، والتأكيد على جميع القوات بالالتزام بقواعد حقوق الإنسان وحرياته وحسن معاملة المواطنين، لما يترتب على ذلك من نقل صورة ذهنية مشرفة لجهاز الشرطة وكل من ينتمون إليه، وتوفير المناخ المناسب لإنجاز المهام بصورة جيدة، والتأكيد على حظر استخدام أسلحة الخرطوش فى مواجهة المواطنين، والعمل للحفاظ على سلامتهم، وعدم استخدام الغازات بجميع أنواعها، وإذا لزم الأمر بعد التنسيق المسبق وصدور تعليمات صريحة، وفقاً للاستخدام الفنى والعلمى، لأقدم رتبة من الأمن المركزى بموقع الحدث.

وأضاف الديب أن قوات الأمن المركزى ورجال الشرطة لم تنسحب بناء على تعليمات أمنية، وإنما انسحبت من تلقاء نفسها بعد تعرضها لهجوم من قبل المتظاهرين، الأمر الذى استدعى نزول القوات المسلحة لاحتواء الموقف.

المصدر اليوم السابع

[شرف الدين]

عزيزي محمد

أنت رجل قانون .. وهناك قضية منظورة الآن أمام القضاء .. وأظنك تعلم أن الكلام حول حيثيات أي قضية منظورة قضائيا في وسائل الإعلام يعد مخالفة للقانون ...

ومثلما ننتقد هؤلاء الذين أصدروا الأحكام المسبقة .. ويطالبون القضاء بالتصديق عليها ...

فإننا ينبغي ألا نتكلم بالدفاع عن الجانب الآخر المتهم في القضية دفاعا يدخل في صلبه ذكر حيثيات القضية

من الممكن أن نتحاور حول تقييم فترة حكم مبارك أو غيرها من الأمور السياسية التي تتعلق بالفترة السابقة ... أما القضية المتهم فيها الرئيس السابق فلا ينبغي التعرض لها إعلاميا.

وقد أعجبني فريد الديب في أنه في الحوارات الإعلامية التي أجراها لم يتعرض بذكر حيثيات القضية ...

لندع القضاء يعمل في هدوء ...

[ريمون]

الحمد لله ظهر الحق

الدفاتر مفهاش حاجه بتقول اطلاق الرصاص على المتظاهرين

و مادام الدفاتر قالت كده يبقى مفيش رصاص اتضرب اصلا

يعنى هى الدفاتر هتكذب؟

كل التهم دى اشاعات اصلا

مفيش نار اتضربت اصلا فى اى حته فى مصر لا فى السويس و لا الاسكندريه و لا القاهره

و الناس اللى بتقولق فيه اكتر من 800 قتيل دى اشاعات برضوا

فعلا مفاجأه من العيار الثقيل

[مصطفى يونس]

خلى اللى بيتكلم عاقل واللى بيستمع اهبل سورى يعنى

[بركة]

والفيديوهات دي كانت لكولالامبور والريس اساسا مات من زمان ومكناش نعرف

[pink rose]

الا هو لو مبارك طق مات بكرة

ايه اللي هايحصل؟

هانزعل؟؟؟؟؟؟؟؟؟

و الله العظيم انا عن نفسي هافرح و اوي كمان

لانه اتذل في الدنيا و دي اكيد كبيرة على نفسه

و هايروح الاخرة بقى بكل اعماله عند الحق

[ابو محمد بن مصطفي]

الا هو لو مبارك طق مات بكرة

ايه اللي هايحصل؟

هانزعل؟؟؟؟؟؟؟؟؟

و الله العظيم انا عن نفسي هافرح و اوي كمان

لانه اتذل في الدنيا و دي اكيد كبيرة على نفسه

و هايروح الاخرة بقى بكل اعماله عند الحق

ليه بس كده ده لو مات هزعل قوي .... احنا لسه مخدناش حقنا

طول ماهو في شرم .... تحت الحماية الدولية ... يبقي لسه مخدناش حقنا

من سنة كنت بقول امتي يغور .... دلوقتي عايزين حق البلد منه

اما الكلام اللي بيقوله الديب ... فده تهيس

معروف ان الجراج بتاع السفارة الامريكية في شارع الشيخ ريحان بعيد عن السفارة

والسواق بيسلم المفتاح علي باب الجراج .... والدخلية ممكن تدخل للجراج بسهوله .....

ومن ضمن الضباط اللي كانوا بالسيارة أسماعيل الشاعر يعني مش عايزة فكاكة

[محمد حامد الغنام]

- ياسادة هذا خبر نشرتة

جريدة اليوم السابع على الشبكة العنكبوتية

وما انا الا ناقل للخبر

الذى نشرتة هذة الجريدة

انصحكم بعدم الحماسة الذائدة عن الحد

بالطبع كلنا حزينين على الذين ماتوا فى الأحداث الماضية

ولكن كيف نصل الى المجرم الحقيقى

وهذا يستوجب الأدلة والبراهين وقرائة اوراء القضية كاملة

ليس للألقاء التهم على اى فريق كان

انصحكم بالحكمة وتحكيم العقل على الواطف جميعا

حتى نصل جميعا الى الطريق الصحيح

[ابو محمد بن مصطفي]

- ياسادة هذا خبر نشرتة

جريدة اليوم السابع على الشبكة العنكبوتية

وما انا الا ناقل للخبر

الذى نشرتة هذة الجريدة

انصحكم بعدم الحماسة الذائدة عن الحد

بالطبع كلنا حزينين على الذين ماتوا فى الأحداث الماضية

ولكن كيف نصل الى المجرم الحقيقى

وهذا يستوجب الأدلة والبراهين وقرائة اوراء القضية كاملة

ليس للألقاء التهم على اى فريق كان

انصحكم بالحكمة وتحكيم العقل على الواطف جميعا

حتى نصل جميعا الى الطريق الصحيح

استاذ محمد مش في حاجة اسمها السلطة والمسئولية ......

السلطة تفوض والمسئولية لا تفوض .....

يعني اللي يعمله اقل عسكري امن مركزي ...... المخلوع مسئول عنه

[لماضة مصرية جدا]

السلام عليكم و رحمة الله و بركاته

انا مع نقطة ان طالما فيه قضية ينظرها القضاء يبقي المفروض النائب العام يستصدر قرار بعدم تداولها من قبل وسائل الاعلام

لو دوسنا علي قلبنا و ابتدينا نقرا الخبر اللي اورده استاذ محمد من جريدة اليوم السابع

و الله انا في الحقيقة انصدمت من الكلام اللي منشور علي لسان فريد الديب...لان كده انا حاسة ان احنا قاعدين علي المصطبة مش بنحاكم رئيس دولة و في قضية امن وطن بحاله

يعني انا مافهمشي في القانون لكت افهم ان فيه مصطلحات اجرائية لازم يستخدمها المحاميون علشان كلامهم يبقي بالادلة

و اكتر لفظين خلوني يتاكد ليا احساس المصطبة و ان اللي بيتكل ده سليمان غانم في ليالي الحلمية لما كان بيحكي للبهروز و المليجي

لما سلمان غانم.....قصدي فريد الديب قالك ايه

قوووووووووم ايه

الريس اندهش.....يا سنة سوخة يا ولاد.....هو اندهش دي يعني انه كان قاعد بيشرب شاي العصاري و بعدين حد جري عليه و قاله الحقنا يا ابا العمدة...راح هو اندهش

طب بلاش اندهش

لما الخبر قال....اصل الشرطة انسحبت من تلقاء نفسها....و الجيش راح برضه نزل من تلقاء نفسه

طب ده علي اعتبار ان القاهرة دي عوبارة عن خمس بلاطات في خمس بلاطات....الشرطة هتاخد بعضيها كده و تنحسب...يعني واحد اتنين...لكن كل الشرطة...لا و ينزل مكانهم كمان الجيش اللي هو في سينا...او علي اطراف القاهرة

طب بلاش دي

سرقة العربية الدبلوماسية...برضه معندوش علم بيها....عداه العيب....هو الراجل راح يقطع نفسه يا رجالة.....ده علي اعتبار ان السفارة دي بالعربية بالعفش مش موجودة في بيته يعني...قصدي علي مصطبته يعني...يووووووه قصدي في دولته يعني

و احنا عندنا في قري مصر لما الحمار او الجاموسة بتتسرق بناخد بعضينا كدهوت و نقول الحقنا يا عمدة...(ارجو الرجوع لاي فيلم ابيض و اسود و ادراجه مع حيثيات القضية يا سيادة المستشارين...وش اي محامي ارياف)....يروح ابا العمدة يشد شيخ الخفر...(اللي هو حبيب ابن العادلي....و يقوله يا ريس حبيب...شوفلنا مين بيسرق البهايم

يا استاذ محمد....اليوم السابع...عايزة توزع جرايد....و انت عايز تقولنا حيثيات

و انا مش شايفة غير حلقة معادة من مسلسل المصطبة بين سليمان غانم

بس اللي احب اقوله

احنا لا بهروز

و لا احنا المليجي

و لا احنا في فيلم ابيض و اسود

الدنيا اتلونت

اتلونت بدم شاب زي حضرتك كان نازل في الشارع مقالشي حاجة غير انه عايز عدالة

دهسته عربية

مش من حقنا بقي ان احنا نسال

الشاب ده مات ليه

كان ذنبه ايه

قولنا نحاسب مين

مش انت افوكاتو اد الدنيا....قولنا.....اشتكي مين

اقدم بلاغ في مين

مش برضه لابا العمدة

لا حول و لا قوة الا بالله العلي العظيم

حد يغطيني و يصوت عليا

--------------------

رديت بالطريقة دي....علشانالخبر بتاع اليوم السابع مينفعشي معاه...غير حكي المصاطب

مع ان اللي اعرفه ان جدي و اعمامي يوم ما كانوا بيحتكموا في حد محدش بيتاخر حقه كل ده....و كما تدين تدان

الظاهر احنا محتاجين نجيب شوية من الصعيد الجواني....عشان نفهم الناس اللي فوق دولم.....مين بيولع في الدرة و في اعصابنا

فوتك بعافية

ا

أولى مفاجآت "الديب" لبراءة مبارك فى قضية قتل المتظاهرين: الشرطة لم تكن مسلحة وانسحبت من تلقاء نفسها.. والرئيس السابق اندهش من رواية سرقة السيارة الدبلوماسية لأن السفارة الأمريكية مؤمنة بـ"المارينز"

اه نسيت اقولك....حلوة اوي صورة المخلوع....فعلا باين عليه الاندهاش....مين المصوراتي؟؟؟

تم تعديل 30 يونيو 2011 بواسطة لماضة مصرية جدا

[tarek hassan]

من حق المحامي أن يدافع عن موكله ويقول ما يشاء حتى لو قال إن مبارك هو من قام بالثورة وأن الشرطة كان معاهم مسدسات ميه وفي النهاية الحكم للقضاء

[محمد حامد الغنام]

تعليق على استاذى الفاضل

ابو محمد

استاذ محمد مش في حاجة اسمها السلطة والمسئولية ......

السلطة تفوض والمسئولية لا تفوض .....

يعني اللي يعمله اقل عسكري امن مركزي ...... المخلوع مسئول عنه

- استاذى الفاضل

انا درست فى الحقوق ان العقوبة شخصية

يعنى حضرتك رب اسرة

جية واحد قريبك عمل جناية محددة

هل القانون يأخذ الجميع

ام الذى ارتكب الجريمة فيأخذ العقوبة ضدة

___________________________

هذا فقط توضيح لكلام حضرتك

لكن حضرتك فى كلامك السابق تخلط القانون المدنى والقانون الجنائى ببعضهما البعض الأخر

وهذا خطا كبير

فنحن هنا نتحدث فى القانون الجنائى

_________________________________

وبخصوص التهمة الموجهة للرئيس السابق

فالمحكمة سيدة كلمتها ولا سلطان عليها

من اى احد كائنا من كان

والمحكمة عموما والقضاء لا يهمة راى الشارع

ولا يعبا به

_________________________

انا شخصيا لا استطيع ان اخوض واتدخل فى هذة القضية

لاننى لا اعلم سوى 1% من القضية فقط

ولست اعلم ال99 % من باقى اوراق القضية

فانا لن اخوض فى القضية حتى لا اكون كالذى يهرف بما لا يعرف

_______________________________

واننى اقدر حماس ست الكل

(( لماضة مصرية جداا))

ولكن كلامها هذا لا يعنى للقاضى الذى هو على المنصة اى شئ

فالقاضى لا يهمة مايدور فى الشارع

ولكن الذى يهمة اوراق القضية فقط لا غير

_________________________________

تحياتى

[Abu Reem]

مش ممكن يالماضة بصراحة انا استمتعت وأنا بقرأ كلامك ووهلكت من الضحك

يعني قلت كل اللي الواحد عاوز يقوله لما يسمع الكلام ده وباسلوب رائع

- آل ايه الشرطة انسحبت من نفسها ، ده علي اساس ان عساكر الامن دول هما الليً بياخذوا القرارات بدلا من حبيب العادلي

وعلي رايك طالما الدفاتر مافيهاش امر باطلاق النار يبقى كله في السليم

اما الادلة الموجوده وفوارغ الطلقات وشهادات الشهود والمصابين دي كلها كانت من غزاة الفضاء اللي كانوا مندسين وسط المتظاهرين

او يمكن من جواسيس اسرائيل اللي كانوا ماليين الميدان مش برده احنا قبضنا علي جاسوس منهم وكان بيتصور في كل حته

والا انتم مش واخدين بالكم ، ابقوا افتكروا بس كلامي ده لما تبقى حجة وجود جواسيس من دول اجنبية تبقى حجة اساسية للدفاع عن عمليات القتل التي تمت اثناء الثورة

هي يعني اسرائيل ها يهون عليها حبيبها اللي في شرم

[شرف الدين]

بسم الله الرحمن الرحيم

الإخوة الأعزاء .....

أدعو كل شخص منكم أن يفترض للحظة أنه على خطأ... ليفترض قليلا أنه يعيش في عالم افتراضي .. ويفكر من الزاوية الأخرى.

دعوكم من أن هناك قضية متهم فيها مبارك والعادلي .. نحن لا نتكلم الآن عن القضية ...

نحن نناقش واقعة حدثت في مصر ... وهي مقتل المتظاهرين.

ودعونا نسأل أنفسنا ...

لدينا ثلاث حوادث ...

حادثة السيارة الدبلوماسية البيضاء ... أخبروني بالله عليكم ... كيف خرجت هذه السيارة من السفارة الأميركية ...

طبقا للقانون الدولي فإن أرض السفارة تعد أرضا تابعة للدولة صاحبة السفارة ... بمعنى أن أرض السفارة الأميركية هي أرض أميركية السيادة عليها لأميركا ولا يجوز لأي قوات أمن مصرية دخولها .. وإلا اعتبر هذا بمثابة إعلان حرب على أميركا ..

كيف خرجت هذه السيارة من السفارة الأميركية ؟

هل شاهد أحدكم مقر السفارة الأميركية في جاردن سيتي ؟ قلعة حصينة ..

وأما قول أحد زملائنا بأن جراج السفارة في شارع الشيخ ريحان والسائق يترك المفتاح مع سايس الجراج .. فهو كلام لا يدخل العقل والمنطق .. لأن السيارات الدبلوماسية ملك للسفارة .. فأي جراج شعبي إذن الذي ستوضع فيه السيارة .. ثم بفرض أنها وضعت فيه ... كيف ستجرؤ الداخلية على سرقة سيارة تابعة للسفارة الأميركية لاستخدامها لدهس المتظاهرين ؟ هل عدمت الداخلية السيارات ؟

دعونا من هذه .. من كان قائد هذه السيارة ؟

أحد الإخوة قال أنه قائدها كان إسماعيل الشاعر مدير أمن القاهرة ... وهو خبر جاء منثورا في احدى الصحف كألاف الأخبار التي نشرت بدون سند ... لنفترض أنه إسماعيل الشاعر فعلا ... لماذا لم تعلن النيابة هذا وتوجه الاتهام صريحا له بأنه كان قائد السيارة الدبلوماسية .. دعكم من هذا .. أليست دماء الشهداء غالية على حكومة الدكتور شرف .. لماذا لم يقم بفتح تحقيق مستقل في هذه الحادثة ... هذه السيارة قتلت بمفردها حوالي 15 متظاهر .. لماذا لم تقم نيابة الفيلد مارشال عبد العزيز الجندي بفتح تحقيق في هذا الموضوع لمعرفة من كان قائد هذه السيارة .. ؟ أم أنها افترضت أن قائدها كان من الداخلية وحولت الفرض إلى يقين بدون أدلة ؟

تعالوا لنقطة أخرى ...

وزير الداخلية الحالي منصور العيسوي .. والذي سبقه محمود وجدي .. صرحا بأن الداخلية لا تمتلك بنادق قنص بالليزر .. وعندنا فيديوهات تؤكد وجود عمليات اقتناص للمتظاهرين ببنادق ليزر ... وهذا يعني أنه إما أن وزيري الداخلية لا يعرفان شيئا عما هو موجود بوزارتهما ... وإما أن بنادق الليزر هذه ملك جهة أخرى .. وهذه الجهة لا يمكن أن تكون الجيش بالطبع ( وهو الجهة الثانية بالدولة المصرح لها بحمل السلاح ) .. إذن .. لماذا لم تقم نيابة الفيلد مارشال عبد العزيز الجندي باستدعاء وزير الداخلية وسؤاله عن حقيقة تصريحاته والتأكد بالفعل من أن الداخلية لا تمتلك بنادق ليزر .. أو التأكد من أن الوزير لا يعرف شيئا عن وزارته .. لماذا لم يتم فتح تحقيق في هذا الموضوع أيضا ؟ .. ولنسل أنفسنا لماذا تلجأ الداخلية للقنص ؟ بإمكانها استخدام البنادق الآلية فهي أسهل وتحصد عددا أكبر من القتلى.

لماذا لم نسأل أنفسنا عن هذا المصور المحترف الذي صادف تصويره لحظة قنص المتظاهرين ببندقية الليزر .. ياللصدف العالية .. من هذا المصور المحترف ؟ لماذا لم يكشف عن نفسه .. ويخبرنا كيف استطاع التقاط هذا الفيديو النادر في نفس اللحظة التي يتم فيها قنص المتظاهرين ( كان عددهم حوالي 3 تقريبا ) .. والعجيب أنه في البداية ركز على توضيح أشعة الليزر .. فهل تبلغ الصدف هذا الحد .. تصوير في نفس لحظة القنص .. وتصوير من زاوية علوية حتى يظهر معها شعاع الليزر .. وتركيز على الليزر ثم مقتل المتظاهرين بعده .. هي ممكن أن تكون صدفة .. صحيح أنها صدفة نادرة جدا لكنها ممكنة .. وممكن أن يكون أيضا شخص يعلم جيدا أن هناك قنص ببندقية ليزر سيحدث في هذا المكان تحديدا ولهذه المجموعة من المتظاهرين تحديدا .. وجاهز للتصوير ومن ثم الرفع عن الانترنت ... لصب مزيد من الزيت على النار .

نقطة ثالثة ... الجامعة الأميركية قدمت بلاغا للنيابة العامة قالت فيه أن أشخاصا قد اقتحموا مقر الجامعة يوم 28 يناير من الباب الخلفي الذي لم يستخدم من مدة طويلة .. وأنهم قد اعتدوا على أمن الجامعة .. هؤلاء الأشخاص كان بعضهم يرتدي زي الشرطة وبعضهم بلباس مدني مسلحين ببنادق آلية طويلة .. وجاءت قوات الشرطة بعد ذلك واقتحمت الجامعة أيضا من الباب الرئيسي ودارت بين قوات الشرطة وبين هؤلاء الأشخاص معركة حامية في كامل أرجاء الجامعة ومنها السطح المطل على التحرير .. لماذا لم نعرف ماذا تم في هذا البلاغ .. ومن هؤلاء الأشخاص الذين اقتحموا مقر الجامعة والذين قاتلتهم الشرطة ؟ لا يمكن أن يكون هؤلاء من الشرطة لأن الشرطة لن تقاتل الشرطة .. فمن كان هؤلاء الأشخاص وأين ذهب هذا البلاغ ؟

لنسل أنفسنا سؤالا أخيرا .. لو أن ضباط الأمن المركزي أخذوا أمرا حقا بفتح النيران .. وفتحوها .. كم كان سيبلغ عدد القتلى .. كان لدينا في التحرير عدد هائل من رجال الأمن المركزي ضباطا وجنودا .. خزانة المدفع الآلي بها ما لا يقل عن 30 طلقة .. لو أن مائتي فرد فقط أفرغ كل واحد منهم خزانة واحدة فقط في أجساد المتظاهرين في التحرير .. لصار العدد 6000 طلقة حية ... سينتج عنها ما لا يقل عن ألفي قتيل على الأقل في التحرير وحده ..

لنفترض أننا نعيش قليلا في عالم افتراضي .. وليسل كل منا نفسه هذه الأسئلة.

تم تعديل 1 يوليو 2011 بواسطة شرف الدين

[محمد حامد الغنام]

كلامك عقلانى استاذ شرف

تم تعديل 30 يونيو 2011 بواسطة محمد حامد الغنام

[عصام أبوالفتح]

ايام حادثة السيارة البيضاء اجريت بحثا مكثفا على اليوتيوب وكانت النتيجة ان السيارة البيضاء التى استخدمت لقتل المتظاهرين ليست الوحيدة من نوعها ولا توجد لدى الامريكان فقط. . .

لاحظوا بداية الفيديو . . عمر سليمان ينزل من سيارة مطابقة تماما للسيارة التى قتلت المتظاهرين. . والمفاجأة ان السيارة نزلته فى اسرائيل

http://www.youtube.com/watch?feature=youtube_gdata_player&v=4_vklOru54s

الان شاهد حادث القتل الجماعى

http://www.youtube.com/watch?feature=youtube_gdata_player&v=ezuFiweCd4M

[Folana]

السلام عليكم ورحمة الله...

ماداهية ليندهش أنه كان رئيس جمهورية كمان...ويكون فاكر نفسه أنه كان رجل أعمال ناجح لا أكتر ولا أقل...وان ايه المانع أنه يأمن مستقبل عياله اللى طلع بهم من الدنيا..ماكل البابهات بتعمل كده...

وماداهية ليندهش أن كان فيه بقعة على الخريطة اسمها "مصر"..وهو المسئول عنها...ويكون فاكر ان دى الابعادية اللى سابها له أبوه وهو كبّر المشروع وطوره ويبقى من حق عياله من بعده...

وماداهية ليندهش ليه المصريين غضبانين قوى كده وبيكرهوه قوى خالص كده...ويكون مفكر انهم فلاحين خراسيس ناكرين للجميل ونسيوا انه كان بيشغلهم عندهم بالسخرة ويرمى لهم ملاليم كل شهر ويرجع يلمهم تانى زى الجباية....ورعاع وغوغاء كما جاء على لسان المحروس ابنه وناكرين خيره ..اما ناس نمردة صحيح..

وماداهية ليندهش انه مصرى أصلا..مع ان اسرته مزدوجة الجنسية وأساسا هم من كفر بريطانيا البلد وكانوا جايين هنا يتابعوا مشاريعهم...

بلا قرف بقى...قرفتونا فى عيشتنا وكرهتونا فى اليوم الاسود اللى شفناه فيه..

وعلى اى حال ..وماله ياخويا وماله....خلى القضاء ياخد مجراه على اقل من مهله ...اوعوا تكونو مستعجلين ..

[Salwa]

السلام عليكم ورحمة الله...

ماداهية ليندهش أنه كان رئيس جمهورية كمان...ويكون فاكر نفسه أنه كان رجل أعمال ناجح لا أكتر ولا أقل...وان ايه المانع أنه يأمن مستقبل عياله اللى طلع بهم من الدنيا..ماكل البابهات بتعمل كده...

وماداهية ليندهش أن كان فيه بقعة على الخريطة اسمها "مصر"..وهو المسئول عنها...ويكون فاكر ان دى الابعادية اللى سابها له أبوه وهو كبّر المشروع وطوره ويبقى من حق عياله من بعده...

وماداهية ليندهش ليه المصريين غضبانين قوى كده وبيكرهوه قوى خالص كده...ويكون مفكر انهم فلاحين خراسيس ناكرين للجميل ونسيوا انه كان بيشغلهم عندهم بالسخرة ويرمى لهم ملاليم كل شهر ويرجع يلمهم تانى زى الجباية....ورعاع وغوغاء كما جاء على لسان المحروس ابنه وناكرين خيره ..اما ناس نمردة صحيح..

وماداهية ليندهش انه مصرى أصلا..مع ان اسرته مزدوجة الجنسية وأساسا هم من كفر بريطانيا البلد وكانوا جايين هنا يتابعوا مشاريعهم...

بلا قرف بقى...قرفتونا فى عيشتنا وكرهتونا فى اليوم الاسود اللى شفناه فيه..

وعلى اى حال ..وماله ياخويا وماله....خلى القضاء ياخد مجراه على اقل من مهله ...اوعوا تكونو مستعجلين ..

صح لسانك يامواطنة فاكرينها من اهل الكهف وصحيت.. :give_rose:

[Folana]

السلام عليكم ورحمة الله...

والله يا استاذ عصام الفيديو اللى حضرتك أدرجته جدد لنا مواجعنا وفكرنى بالايام السودا اللى كنا متثبتين قدام الشاشات بنتابع المجازر بدموعنا ..

هم عايزين يقولوا يعنى ان امريكا الوحشة هى اللى دهست الشباب علشان توقعنا فى بعض مع الملاك الحارس الرئيس المخلوع...بيضربهم تحت الحزام..والله اعلم...

قالك اندهش...:)

[Folana]

السلام عليكم ورحمة الله...

ماداهية ليندهش أنه كان رئيس جمهورية كمان...ويكون فاكر نفسه أنه كان رجل أعمال ناجح لا أكتر ولا أقل...وان ايه المانع أنه يأمن مستقبل عياله اللى طلع بهم من الدنيا..ماكل البابهات بتعمل كده...

وماداهية ليندهش أن كان فيه بقعة على الخريطة اسمها "مصر"..وهو المسئول عنها...ويكون فاكر ان دى الابعادية اللى سابها له أبوه وهو كبّر المشروع وطوره ويبقى من حق عياله من بعده...

وماداهية ليندهش ليه المصريين غضبانين قوى كده وبيكرهوه قوى خالص كده...ويكون مفكر انهم فلاحين خراسيس ناكرين للجميل ونسيوا انه كان بيشغلهم عندهم بالسخرة ويرمى لهم ملاليم كل شهر ويرجع يلمهم تانى زى الجباية....ورعاع وغوغاء كما جاء على لسان المحروس ابنه وناكرين خيره ..اما ناس نمردة صحيح..

وماداهية ليندهش انه مصرى أصلا..مع ان اسرته مزدوجة الجنسية وأساسا هم من كفر بريطانيا البلد وكانوا جايين هنا يتابعوا مشاريعهم...

بلا قرف بقى...قرفتونا فى عيشتنا وكرهتونا فى اليوم الاسود اللى شفناه فيه..

وعلى اى حال ..وماله ياخويا وماله....خلى القضاء ياخد مجراه على اقل من مهله ...اوعوا تكونو مستعجلين ..

صح لسانك يامواطنة فاكرينها من اهل الكهف وصحيت.. :give_rose:

السلام عليكم ورحمة الله...

والله يامدام سلوى يظهر اننا من أهل الكهف فعلا..بيتعاملوا معنا على اننا هطل ولامؤاخذة....وبيعتمدوا على اننا شعب قلبه أبيض وبينسى..مايعرفوش ان كتر البكى بيعلم النوح...

تلاقيه اندهش برضك اننا لسه عايشين وبنفكر بالرغم من كوووووول اللى عمله علشان يسرطنّا ويقمعنا ويليهنا فى الهشك بشك ...

ما انا مش قادرة بقى بصراحة اتعقل فى الرد ...خنقوووونااااا ..ماهو قاعد فى المستشفى الملكى واكل شارب قايم نايم وبيفكر لنا وفى الاخر يخرجوا علينا بخبر اندهاشه...مش عارفة هو غير نشاطه من اكتئاب لإندهاش ولا ايه العوبااارة ....

حسبنا الله ونعم الوكيل