اسف جدا :: استفسارات مكرره بخصوص السفر للسعوديه

[Elcommander]

السلام عليكم اخواني الكرام ... في البدايه بتأسف جدا لأنها استفسارات مكرره من الكثيرين قبلي اللي كانوا اول مره يسافروا فيها للسعوديه وده اكيد ناتج من كثرة القلق والخوف

لكن اللي خلاني اكتب الموضوع ده لأني ملقتش حد بيتكلم عن المعيشه في مدينة ( الخبر ) واسعار الشقق هناك

وكبدايه احب اعرفكم بنفسي انا اسمي ( حازم محي الدين ) 28 سنه - وان شاء الله رايح السعوديه ( مدينة الخبر تحديدا ) الأثنين القادم ( 4/7/2011 ) للعمل في شركة اكسترا للأكترونيات كمهندس صيانه للحاسب الألي PC Senior Technician

فأولي استفساراتي عايز اعرف رأي حضراتكم عن المرتب اللي هيكون ان شاء الله 3000 ريال اساسي + 750 ريال بدل سكن + 300 ريال بدل انتقال هل هو مناسب لطبيعة الشغل

ثانيا المسمي الوظيفي في التأشيره والعقد ( اختصاصي تسويق ) نظرا لأني حاصل علي بكالريوس تجاره فهل ده يؤثر فى اى حاجه لأني هشتغل في عمل مختلف عن الموجود في التأشيره والعقد

ثالثا بخصوص السكن انا عرفت من المنتدي هنا ان فيه سكن عزابي ولكني مفهمتش هل بيكون اكثر من شخص في نفس الغرفه ولا كل شخص فى غرفه مستقله ومنفصله ومتوسط سعر الشقق البسيطه اللي بتتكون من غرفه وحمام ومطبخ فى الخبر وهل بتكون فيهاعفش ولا انا بشتريه

رابعا عرفت ايضا ان لو معايا رخصة قياده مصريه هتفدني هناك لو طلعت رخصه قياده في السعوديه لكني مفهمتش برده هتفيدني فى ايه

خامسا طمنوني عن الجو هل اجيب هدوم صيفي اكتر ولا شتوى

واخيرا اتمني انى اكون ضيف خفيف ان شاء الله معاكم هنا فى المنتدي والسعوديه كمان وربنا يوفقنا جميعا

[مهندس عمرو]

اخي الفاضل انا قريت موضوعك وقفلتو وقلبت على النت ونسيتو بس بيني وبينك ضميري وجعني فقلت لازم ارد عليك لاني يوما ما كنت فمكانك وكنت تايه ومش عارف بس فلقيت نفسي واجبي قدام ربنا مدام عندي معلومة مبخلش بيها على حد ....شوف ياسيدي في البداية انا هكلمك من منطلق معرفتي بمدينه الرياض الي انا عايش فيها ومعنديش فكره عن الخبر او غيرها بس اعتقد انها مش حتفرق لانها مدينة سياحيه ....اولا وبدون احباط ياسيدي الفاضل المرتب ده ممكن تفكر فيه او تبتدي تفكر فيه لو انضرب في 2.5 اما الي انت بتقولو ده تهريج الحياه هنا يا عزيزي بتكلف الشخص الاعزب اكل وشرب بس مالايقل عن 1200 ريال اما المواصلات فببساطه اي مشوار هنا لا يقل عن عشرة ريال شوف انت بقى التلتميت ريال دول هيعملولك ايه اما بالنسبة للسكن فاقل سكن عزابي ممكن تلاقيه هنا عشان تبقى فأوضة لوحدك مش هتقل عن 800 ريال اما لو شقه بقى واوضتين وكده فبتكلم مالايقل عن 1400 ريال في الشهر وبعدين ايه اخبار التامين العلاجي مجبتش سرتو ؟؟؟ الدوا هنا غالي والمستشفيات غاليه جدا .... طيب وتذاكر السفر ؟؟؟ والاجازة ؟؟؟؟ كل الحجات دي لازم تحسمها معاهم وتتكتب في العقد واي اتفاق بوقيقي كأن لم يكن كلو لازم يتكتب عارف انت ابو العروسة المعفن لما يقول للعريس كلو حيتكتب في القايمه حتى الشوك والمعالق اهو انت لازم تعمل زيو كده عشان تضمن حقك ....اللهم اني بغلت اللهم فاشهد واقسم بالله اني مش بكسر مقاديفك ولكن اتمنالك الخير وانك تيجي يابني معزز مكرم بدل ماتبقى غربة وقله فلوس وكسرة نفس لا اشتغل فمصر اي شغلانه ب 600 جنيه ابركلك من البهدله هنا ....هنا ياباشا قرشك هو سندك الوحيد للأسف فحاول تتسند على حاجه كويسة ..........ربنا يوفقك

[egyptawy]

الله يخليك فكر كويس واحسبها قبل ما تاخد اىخطوة عشان ده راتب قليل وعمرو ما قصرش ووضحلك كل حاجة

ربنا يوفقك

[Elcommander]

مهندس عمرو ... شاكر لحضرتك ردك وتوضحيك للأمور لكن كلامك وجعني جدا جدا مش من الأحباط بعد كلامك .. لا ابدا .. ولكن من قلة الحيله لأني مش لاقي فرص تانيه افضل ... حضرتك ممكن تستغرب لو قولتلك اني كنت شغال في شركه هنا فى مصر وباخد 1000 جنيه شهريا ولك ان تتخيل انهم يدوبك بيكفوا مصاريفي الشهريه العاديه ويتبقي حوالي 200 جنيه تقريبا اخر كل شهر على الرغم من اني عازب .. ناهيك عن مشاكل الشغل نفسه واللي دايما صاحب الشغل بيعتبر اللي بيشتغل عنده عبد عايز ياخد منه كل حاجه ويديلوا اقل حاجه يعني دايما ظروف الشغل تحكم اني اقعد بعد الوقت بتاعي مايخلص حوالي 4 ساعات واكثر على الرغم من رفض الأداره دفع اضافي لأى حد عن ساعات العمل الزياده ولو مشيت في الوقت المحدد ليا ببقي انسان غريب ومش قلبي على الشغل ده غير لو أتاخرت عن ميعاد الشغل دقيقه واحده لمده 3 مرات بيبقي فيه خصم نص يوم بعد 3 مرات لكل مره تأخير بعدها :blush2: .. ناهيك عن قلة القيمه والتهزيق من بعض العملاء اللي بتعامل معاهم وده مش لأني مقصر في عملى ( انا مهندس صيانه حاسب الي على فكره ) لا ولكن بسبب قصور في ادارة الشركه عندنا اللي بتأخر اجهزة العملاء عند الوكيل .. واخيرا دي شركة اسمها ( كمبيوتر شوب ) يعني شركه عالية المستوى تبع جروب ( راديو شاك ) و ( موبايل شوب ) لو حضرتك تعرفهم !!!

خلاصة الأمر الدنيا غير مريحه بالمره هنا في مصر خصوصا بعد الثورة وانتهاز اصحاب الأعمال فرصة الثورة بعدم زيادة المرتبات :sad:

فمش عارف والله اعمل ايه لكن طالما الواحد متبهدل في بلده مش هتفرق كتير لما يتبهدل بره بلده على امل ان الواحد يعرف يحوش بس اى قرش بعد البهدله دي

واخيرا حضرتك سألتني عن التأمين الصحي فا أطمنك الشركه بتأمن صحيا على العامل -- وتذاكر السفر علي حسابهم -- والأجازه لمده 42 يوم مدفوعة الأجر بعد سنتين -- وكل ده مكتوب في العقد

مره اخري شاكر رد حضرتك جدا ويارب يارب يوفقنا جميعا ... شكرا جدا egyptawy

[مهندس عمرو]

اخي الفاضل ...قلبي معاك والله ووجعني كلامك وانا عارفو كويس لاني فاهم وعارف الوضع في مصر عامل ازاي سواء قبل ولا بعد الثورة ...بس انا بعترض على كلمه ان البهدله في بلدنا زي البهدله بره لان ببساطه مهما اتبهدلت فبلدك مش حتنام على الرصيف او تنام جعان ابدا حتلاقي ميه ايد بتتمدلك وتحضنك لو مش من الاهل من الاصحاب والجيران وحتى من رجل الشارع العادي اما هنا ياسيدي الفاضل فانت ممكن يحصلك اي حاجه ولا حتلاقي حد يقولك انت فين .....طيب كويس ان التامين مدفوع وحلو اوي ان التذاكر عليهم والاحلى ان الاجازه 42 يوم يعني ممكن تقسمها على نصين تبقى حلوه اوي والي مش عاجبني انها بعد سنتين حاول جاهدا انك تعدلها لسنه واحده بس وده حقك ومتفرطش فيه وزي ماقلتلك وانت حر قرارك فكر كويس اسال حد كبير وعاقل يدلك ويفكر معاك مش عيب ابدا حاول تاني فمصر لمره اخيرة انك تشوف اي حاجه بمرتب احسن شوية مهو كده كده مش حتحوش يبقى مصر احسن وبعدين يا اخي اضغط عليهم شوية وحاول تظبط العقد واتقل شوية هما حيجرو وراك يعني متوافقش على كل حاجه بسرعه وفي النهايه زي مابقولك استخير ربنا اولا واستشير راجل عاقل كبير السن في حياتك يدلك وينصحك وثالثا استفتي قلبك واذا عزمت فتوكل على الله وربنا ييوفقك يارب ويمكن تكون الخبر مختلفه اسال في الموضوع ده لو الخبر الموضوع فيها مريح شويه عن الرياض يبقى توكل على الله وعايزك تعرف بردو هل في اوفر تايم ولا لا حاول تجيب نمر ناس شغاله هناك واسالهم وربنا يكرمك

[Elcommander]

انا فعلا نويت وتوكلت على الله وخت القرار وباذن الله تكون خطوه مهمه ليا والواحد يقدر يستفيد منها بقدر الأمكان ... شكرا جدا لحضرتك يا بشمهندس وبجد سعيد جدا بتفاعلك معايا وببأذن الله ربنا يكرمنا ويوفقنا جميعا

[مهندس عمرو]

انا فعلا نويت وتوكلت على الله وخت القرار وباذن الله تكون خطوه مهمه ليا والواحد يقدر يستفيد منها بقدر الأمكان ... شكرا جدا لحضرتك يا بشمهندس وبجد سعيد جدا بتفاعلك معايا وببأذن الله ربنا يكرمنا ويوفقنا جميعا

فإذا عزمت فتوكل على الله .... وليك عندي نصبحة سحرية خلي قدامك ربنا دايما واتقي الله في كل خطوة وتقرب الى الله وغض البصر واكثر من الصدقات حتلاقي ربنا يباركلك فكل قرش والريال حيبقى كأنو 100 بمشيئة الله تعالى ربنا يوفقك ويباركلك انشاء الله .

[tarek nokia]

شوف انا لي تعامل مع اكسترا لاكثر من خمس سنوات المرتب ممكن يزيد عن كدا بسبب البونص وممكن يوصل الى 5000 الاف وممكن اكثر انت وشطارتك وحسب القسم الي حتعمل فيه ركز على قسم التلفزيون او الكمبيوتر الدوام تبعهم دوام كامل من 10 صباحا الى واحدة ومن 4 مساءا الى 12 مساء وممكن11 مساءا حسب نظام الجدول وفي يوم اجازة طبعا في تأمين وتذكرة طيران الاجازة تقريبا 24 يوم ولو متجوز 30 يوم ده طبعا للمشرفين لان البائع لاتذكرة سفر للزوجة ممكن فيه تأمين مش متأكد وانت لو اثبت وجودك ممكن تبقى مشرف في وقت قصير وخاصة انني سمعت انهم عايزيين يفتحوا فروع في دول الخليج وبعديين مصر والله اعلم

تم تعديل 3 يوليو 2011 بواسطة tarek nokia

[مهندس عمرو]

شوف انا لي تعامل مع اكسترا لاكثر من خمس سنوات المرتب ممكن يزيد عن كدا بسبب البونص وممكن يوصل الى 5000 الاف وممكن اكثر انت وشطارتك وحسب القسم الي حتعمل فيه ركز على قسم التلفزيون او الكمبيوتر الدوام تبعهم دوام كامل من 10 صباحا الى واحدة ومن 4 مساءا الى 12 مساء وممكن11 مساءا حسب نظام الجدول وفي يوم اجازة طبعا في تأمين وتذكرة طيران الاجازة تقريبا 24 يوم ولو متجوز 30 يوم ده طبعا للمشرفين لان البائع لاتذكرة سفر للزوجة ممكن فيه تأمين مش متأكد وانت لو اثبت وجودك ممكن تبقى مشرف في وقت قصير وخاصة انني سمعت انهم عايزيين يفتحوا فروع في دول الخليج وبعديين مصر والله اعلم

ده كلام جميل اوي ومشجع بس المفروض تكون عندك المعلومات دي وتتكتب في العقد ولو ان بيني وبينك محدش بيجيب سيرة البونس في العقود حتى فمصر يعني عامه لو ده كلام انشاء الله سليم تبقى كده مجبورة باذن الله ياريس وانت عشان طيب وقبلت بالقليل ربنا حيفتحلك باب الرز انت بس خليك مع ربنا تكسب .

[Elcommander]

شوف انا لي تعامل مع اكسترا لاكثر من خمس سنوات المرتب ممكن يزيد عن كدا بسبب البونص وممكن يوصل الى 5000 الاف وممكن اكثر انت وشطارتك وحسب القسم الي حتعمل فيه ركز على قسم التلفزيون او الكمبيوتر الدوام تبعهم دوام كامل من 10 صباحا الى واحدة ومن 4 مساءا الى 12 مساء وممكن11 مساءا حسب نظام الجدول وفي يوم اجازة طبعا في تأمين وتذكرة طيران الاجازة تقريبا 24 يوم ولو متجوز 30 يوم ده طبعا للمشرفين لان البائع لاتذكرة سفر للزوجة ممكن فيه تأمين مش متأكد وانت لو اثبت وجودك ممكن تبقى مشرف في وقت قصير وخاصة انني سمعت انهم عايزيين يفتحوا فروع في دول الخليج وبعديين مصر والله اعلم

شكرا جدا يا طارق على المعلومات القيمه دي

... وانا فعلا هكون موجود في قسم الكمبيوتر كمهندس صيانه .. وان شاء الله ربنا هيكرم مادام الواحد الحمد لله بيشتغل بجد وبيراعي ربنا في شغله

ده كلام جميل اوي ومشجع بس المفروض تكون عندك المعلومات دي وتتكتب في العقد ولو ان بيني وبينك محدش بيجيب سيرة البونس في العقود حتى فمصر يعني عامه لو ده كلام انشاء الله سليم تبقى كده مجبورة باذن الله ياريس وانت عشان طيب وقبلت بالقليل ربنا حيفتحلك باب الرز انت بس خليك مع ربنا تكسب .

فعلا يااستاذ عمرو مفيش حاجه في العقد بتتكلم عن البونص ... عامة سواء فيه بونص او لا فعندي اتجاه قوي انى اسافر واخوض التجربه الجديده بحلوها ومرها وبأذن الله تكون تجربه مفيده ... شاكر لحضراتكم جدا

[مهندس عمرو]

شوف انا لي تعامل مع اكسترا لاكثر من خمس سنوات المرتب ممكن يزيد عن كدا بسبب البونص وممكن يوصل الى 5000 الاف وممكن اكثر انت وشطارتك وحسب القسم الي حتعمل فيه ركز على قسم التلفزيون او الكمبيوتر الدوام تبعهم دوام كامل من 10 صباحا الى واحدة ومن 4 مساءا الى 12 مساء وممكن11 مساءا حسب نظام الجدول وفي يوم اجازة طبعا في تأمين وتذكرة طيران الاجازة تقريبا 24 يوم ولو متجوز 30 يوم ده طبعا للمشرفين لان البائع لاتذكرة سفر للزوجة ممكن فيه تأمين مش متأكد وانت لو اثبت وجودك ممكن تبقى مشرف في وقت قصير وخاصة انني سمعت انهم عايزيين يفتحوا فروع في دول الخليج وبعديين مصر والله اعلم

شكرا جدا يا طارق على المعلومات القيمه دي

... وانا فعلا هكون موجود في قسم الكمبيوتر كمهندس صيانه .. وان شاء الله ربنا هيكرم مادام الواحد الحمد لله بيشتغل بجد وبيراعي ربنا في شغله

ده كلام جميل اوي ومشجع بس المفروض تكون عندك المعلومات دي وتتكتب في العقد ولو ان بيني وبينك محدش بيجيب سيرة البونس في العقود حتى فمصر يعني عامه لو ده كلام انشاء الله سليم تبقى كده مجبورة باذن الله ياريس وانت عشان طيب وقبلت بالقليل ربنا حيفتحلك باب الرز انت بس خليك مع ربنا تكسب .

فعلا يااستاذ عمرو مفيش حاجه في العقد بتتكلم عن البونص ... عامة سواء فيه بونص او لا فعندي اتجاه قوي انى اسافر واخوض التجربه الجديده بحلوها ومرها وبأذن الله تكون تجربه مفيده ... شاكر لحضراتكم جدا

على فكرة انا كنت زيك اول لما جاني السفر كان الكل بيقولي استنى عرض احسن وانا كنت مصمم اني اخوض التجربة كتحدي والحمد لله مش ندمان واهي ماشية وربنا يكرمنا جميعا وعامه للسفر سبع فوائد الا السفر للسعودية له 9 فوائد الي هما اخرهم الحج والعمرة وشوف انت لو حجيت بقى من مصر وحججت الحاجه والحاج ومراتك والولاد كل دول حيكلفوك كام كل ده اضرب الراس * 50000 جنيه مصري كل ده بردو لازم تاخدو في الحسبان عشان تقيم مجيئك للسعودية صح