مواقف محرجة

[م تيمور المراغي]

سكر والله يا ساري

ماعنديش نقط خضرا للاسف

انت كنت اول ماتشوف خالك وعمك وولادهم والبوليكا دي كلها !

كنت اعمل ميت

وامسك قلبك

قلبي !

قلبي !

كنت حتاكل دماغهم وتسيطر ع الموقف :happy:

[pink rose]

يا مرحبا يا مرحبا نورك غطى ع الكهربا

يا ريتني عرفت ان موضوعي دا هيرجعك المحاورات تاني يا الساري كنت كتبته من زمااااااان

نورت التوبيك

و من موقف اخونا الساري نتعلم

ان الكذب مالوش رجلين

و ان الاهل يشاء السميع العليم انهم يقفشونا مهما حاولنا نتذاكى عليهم

مش عارفه ازاي بصراحة

كنت دايما لو باعمل اي حاجه من ورا ماما او من ورا بابا

الاقيهم عرفوا من باب عمري ما كنت اتخيل انهم يفتحوه او ربنا يفتحهلهم

و اني اتعلم بقى ابدااااااااااااااااااا

هههههههههههههههههههههههههه

[pink rose]

النهاردة هاحكيلكم موقفين خفاف بدل الموضوع السم بتاع امبارح

هما الحقيقة مش انا اللي اتحطيت فيهم لكن جو حبيبي الله يغفرله و يرحمه رحمة واسعة هما اللي عملهم

اول موقف كان جدو راكب الترام و قاعد جنب الشباك و قاعد في الكرسي اللي قدامه واحد كفيف

المهم الجو برد جدا كان في الشتا المهم جدو قعد يحاول كتير يقفل شباك الترام و تقريبا كان معلق

فا بعد محاولات مضنية اتقفل الا جزء منه

و عندنا في مصر مثل بيقول ايه يا ولاد

نص العمى و لا العمى كله

و اذ فجأتن جدو بنتهى التلقائية يقوم قايل المثل دا للراجل اللي قاعد قدامه

و هووووووووووووب انتبه جدو ان الراجل كفيف و طبعا يا عيني قعد يعتذر منه كتير جدا جدا

بس بعد ما الفاس وقعت في الراس

[pink rose]

الموقف التاني بقى كان قمة الكوميديا و حصل عندنا في البيت

الكل وقع في الارض من الضحك

كان في حالة وفاة عند ناس معارف لينا

و بابا اتصل بيهم يعزيهم و لف علينا التليفون بالدور

الكل طبعا بيقول الكلام المعهود في هاذوها المواقف

البقاء لله

ربنا يصبركم

ربنا يجعلها اخر الاحزان

و هكذا

و جه الدور على جدو

الا و نلاقي جدو واخد التليفون و صوته عالي كده

و الف الف مبروك

و الله فرحت اوي اوي

و يا رب دايما

هههههههههههههههههههههههههههههههههههههههه

ههههههههههههههههههههههههههههههههه

بابا ما بقاش عارف يعمل ايه من كتر الضحك و اخيرا تمالك نفسه و اخد التليفون من جدو و قاله الراجل مات يا حاج مات

و اداله السماعه تاني

و جدو قعد يعتذر ربع ساعة للناس على التليفون

الله يرحمك يا جدو يا حبيبي يا رب ويحسن اليك

[عبير يونس]

شكرا يا ريمو ع الموضوع

و كويس ان مدام كلمات اتشجعت و بدأت تشارك معانا

و اوعي تخافي من المشاركة يا غاليتي

قواعد المشاركة كلها لا تتنافى مع الذوق العام و القيم الأخلاقية المتعارف عليها

على جنب

أنا بأموت في السوريين

انتي من وين ؟

معظم صاحباتي من حلب و زوجة عمي سورية من حمص تقريبا

حأبقى اتأكد من المعلومة

أصلها من قبل ما أتولد وهي عم تحكي مصري

و ما عرفتش انها سورية الا قريب:blush2:

لماضة

بجد ضحكتيني جدا و انا من أول النهار حالتي المزاجية سيئة جدا

ربنا يسعد قلبك

الساري باشا

وينك من زمان يا بويا؟

ده انت طلعت "ساهي" و من وراك دواهي

bsh:)

بالنسبة للموقف اللي حصل معاكي يا ريمو

هو بايخ أكيد

بس بجد هي مسكينة ربنا ينور بصيرتها

و مادام هي بتعمل كده مع الكل

و مادام بينك صلة قرابة

يبقى لازم تاخديها على قد عقلها

و خلليكي انتي الكبيرة العاقلة

مش حقولك ما تزعليش

من حقك تزعلي

بس خلصي شحنة الغضب

و عدّي الموضوع

و متحطيش في بالك

عشانك انتي اولا

قبل ما يكون عشان أي حاجة تانية

عن نفسي

مش فاكرة اي موقف دلوقت

لما افتكر حآجي احكيلكم

[rewsha]

ممكن اقول انا كمان على موقف طازه لسه من اسبوعين .

صلوا على النبي

كنت في المصيف وكنا لمه كبيره gra:- ,وبالليل قررنا ننزل نتعشى و ناخد ايس كريم :Icecream: على احد المطاعم

وكان مطعم شيك قوى....وباقول شيك وباْكد عليها (هاتعرفوا ليه دلوقتي)

المهم كنا حوالي 10

وانا معايا بناتي 13 سنه و11 سنه و9 شهور

بعد ما طلبنا الطلبات بنتي الصغيره (9شهور) قعدت تعيط جامد ,والجو كان هواء

فغطيتها بكوفرته لونها كحلي ووقفت اطب طب عليها

الوضع كالاتي

9 اشخاص قاعدين على طرابيزتين مضمومين على بعض .وانا الوحيده اللي واقفه في وسطهم .والمكان فيه اضاءه خافته

وكنا قاعدين في القعده اللي خارج المطعم

لان في قعده بالداخل وقعده بالخارج في الهواء الطلق

قوم ايه بقى

الا والاقي كبير الجرسونات جاي لي بسرعه من جوه المطعم وواقف على الباب وبيشخط فيه ويقول لي انت واقفه كده ليه؟؟؟؟؟؟؟ :angry:

ساعتها قعدت اتلفت حواليه واشوف هوه بيكلم مين .وقلت له انا؟ :o

قال لي ايوه .

وراح مشوح لي بايده وقايل امشي امشي

كل ده وانا فاتحه بوقي ومش مستوعبه . :blink:

ولقيت جوزي قايم لسه هايتخانق معاه .لانه مش فاهم هوه بيقول كده ليه؟واشمعنى انا بالذات اللي قال لي امشي

عدت ثواني .ولقيت الجرسون لوحده بيعتذر ويقول لي انا اسف كنت فاكرك حد تاني

وقعد يكررها كتير وراح ماشي

هوه مشي من هنا ...وانا استوعبت الموقف.

وقعدت اضحك lo:: لما وقعت على الكرسي من كتر الضحك

اتاريه افتكرني واحده شايله عيل :baby: ومغطياه ورايحه اشحت من الناس اللي قاعده

لاني انا الوحيده اللي كنت واقفه في وسطهم بس على الطرف والباقي كله قاعد

ولما قلت للي معايا على اللي فهمته

كلهم ما بطلوش ضحك :gather:

بس والله كنت لابسه كويس وبنطلون جينز وشميز وعامله لفة الطرحة اسبانش

بس الظاهر الكوفرته الكحلي اللي كنت مغطيه بيها بنتي من الهواء كانت مغطيه كمان على اللوك بتاعي

لدرجة ان الراجل افتكرني رايحه اشحت من اللي قاعدين

وساعتها قلت (ايه التطور ده ) همه الشحاتين بعد الثوره ...بقوا شيك قوي كده :rolleyes:

[pink rose]

بالنسبة للموقف اللي حصل معاكي يا ريمو

هو بايخ أكيد

بس بجد هي مسكينة ربنا ينور بصيرتها

و مادام هي بتعمل كده مع الكل

و مادام بينك صلة قرابة

يبقى لازم تاخديها على قد عقلها

و خلليكي انتي الكبيرة العاقلة

مش حقولك ما تزعليش

من حقك تزعلي

بس خلصي شحنة الغضب

و عدّي الموضوع

و متحطيش في بالك

عشانك انتي اولا

قبل ما يكون عشان أي حاجة تانية

صدقيني دا اللي دايما يحصل

ابقى انا الكبيرة العاقلة مع انها اكبر من ب 10 سنين

نفسي مرة اعمل فيها الصغيرة الهبلة و ارد مرة واحدة في حياتي

ههههههههههههههههههههههه

[pink rose]

ممكن اقول انا كمان على موقف طازه لسه من اسبوعين .

صلوا على النبي

كنت في المصيف وكنا لمه كبيره gra:- ,وبالليل قررنا ننزل نتعشى و ناخد ايس كريم :Icecream: على احد المطاعم

وكان مطعم شيك قوى....وباقول شيك وباْكد عليها (هاتعرفوا ليه دلوقتي)

المهم كنا حوالي 10

وانا معايا بناتي 13 سنه و11 سنه و9 شهور

بعد ما طلبنا الطلبات بنتي الصغيره (9شهور) قعدت تعيط جامد ,والجو كان هواء

فغطيتها بكوفرته لونها كحلي ووقفت اطب طب عليها

الوضع كالاتي

9 اشخاص قاعدين على طرابيزتين مضمومين على بعض .وانا الوحيده اللي واقفه في وسطهم .والمكان فيه اضاءه خافته

وكنا قاعدين في القعده اللي خارج المطعم

لان في قعده بالداخل وقعده بالخارج في الهواء الطلق

قوم ايه بقى

الا والاقي كبير الجرسونات جاي لي بسرعه من جوه المطعم وواقف على الباب وبيشخط فيه ويقول لي انت واقفه كده ليه؟؟؟؟؟؟؟ :angry:

ساعتها قعدت اتلفت حواليه واشوف هوه بيكلم مين .وقلت له انا؟ :o

قال لي ايوه .

وراح مشوح لي بايده وقايل امشي امشي

كل ده وانا فاتحه بوقي ومش مستوعبه . :blink:

ولقيت جوزي قايم لسه هايتخانق معاه .لانه مش فاهم هوه بيقول كده ليه؟واشمعنى انا بالذات اللي قال لي امشي

عدت ثواني .ولقيت الجرسون لوحده بيعتذر ويقول لي انا اسف كنت فاكرك حد تاني

وقعد يكررها كتير وراح ماشي

هوه مشي من هنا ...وانا استوعبت الموقف.

وقعدت اضحك lo:: لما وقعت على الكرسي من كتر الضحك

اتاريه افتكرني واحده شايله عيل :baby: ومغطياه ورايحه اشحت من الناس اللي قاعده

لاني انا الوحيده اللي كنت واقفه في وسطهم بس على الطرف والباقي كله قاعد

ولما قلت للي معايا على اللي فهمته

كلهم ما بطلوش ضحك :gather:

بس والله كنت لابسه كويس وبنطلون جينز وشميز وعامله لفة الطرحة اسبانش

بس الظاهر الكوفرته الكحلي اللي كنت مغطيه بيها بنتي من الهواء كانت مغطيه كمان على اللوك بتاعي

لدرجة ان الراجل افتكرني رايحه اشحت من اللي قاعدين

وساعتها قلت (ايه التطور ده ) همه الشحاتين بعد الثوره ...بقوا شيك قوي كده :rolleyes:

ينفع كده يعني

ما انتوا كنتوا بتشتغلوا في السعودية و الحال مستور

تنزلوا مصر تفضحونا في المصايف كده

يااااااااااااااااي

[لماضة مصرية جدا]

تعرضت لموقف محرج هنا في المحاورات لسة طازة

من شهر عملت مداخلة في موضوع ....

بعد ما بعت المداخلة قريتها بوجهة نظر مختلفة ... حسيت إنها مش مناسبة في حق شخصية محترمة معانا .. "مش مناسبة" ممكن لفظ مهذب شوية ..

أقل تقدير توقعت معاتبتي و للحق كنت أستحق أكثر من العتاب بسبب تجاوزي - عن غير قصد - للحدود الشخصية في الحوار

طب أحاول ألغي المداخلة دي خلاص لزقت فيا ...

بلغت الإدارة و الحمد لله استجابوا لطلبي و حذفوها الحمد لله

بصراحة فضلت زعلان من نفسي فترة طويلة

وبسبب سفر و انشغال كنت قليل الدخول و المشاركة

رجعت وقلت خلاص الموضوع بتاعي كدة اتحذف و أكيد اتنسى

في نفس اليوم لقيت نقطة خضرا لا استحقها ... من نفس الشخصية

بجد حسيت باحراج شديد أني أخطأت في حق شخصية كريمة تقابل الخطأ بالاحسان

السلام عليكم و رحمة الله و بركاته

المداخلة دي مشفتهاش امبارح....(طبعا ماسكة المكرفون و قاعدة ازعق لما صدعتكوا)

يعني مش عارفة اقول لحضرتك ايه...غير آد ايه حضرتك بتأكدلي ان لسه فيه كائنات راقية بطريقة تفكير حضرتك

كونك انك تهتم و زعلان جوه نفسك و بتحاسبها علي نقطة خضرا طارت هنا و لا هناك....فعلا شخصية تستحق كل الاحترام

خليك دايما قريب استاذي...محتاجين...روح كده هنا

مسا حضرتك رقي يليق بيك

[لماضة مصرية جدا]

السلام عليكم و رحمة الله و بركاته

بينكي روز....يعني قريبتك دي درجة اولي و قاعد تصري غي نفسك و تتقطعي انا رايي اذا كانت دي طريقتها مع كل الدنيا متنفعشي معاكي...حطي حدود واضحة و لما تبقي زعلانة عبري عن ده....(شوطي يا امي عايزين الدم يبقي للروكب....وش اي مجنم من عصابة القناع الأسود)

الساري....يا ابني يا ضنايا....يا ضنايا يا ابني...انتي متسمعشي عن حاجة اسمها قلب الام....(اموت و اعرف بيعرفوا ازي....يا اما احنا بنبقي مفضوحين....و خاصة لو حد ركز في عينينا)

روشة........موقف...سحلللللللللللللللللللل......روش اخر سبع حاجات

كلمات...ايه ظروفك مع ذوات الاربع....انا بقول بقي تحكي عن عقدة الطفولة...متاكدة مكنشي فيه مشاكل مع اي كائن زاحف او طائر او حائر و انتي صغيرة بزعارير...(زعارير جمع زعرورة...و دي فورمة شعر فقر اوي لازم نشد فيها الشعر يا لورا يا من النص علي الجانبين)

هو انا ايه جابني ايه اصلا تاني...(وش حد نزل من الميكروباص معرفشي هو فين و معرفشي يرجع تاني)

حبيت اتطمن علي رفاق الكفاح

استمروا يا ولاد

[pink rose]

تعرضت لموقف محرج هنا في المحاورات لسة طازة

من شهر عملت مداخلة في موضوع ....

بعد ما بعت المداخلة قريتها بوجهة نظر مختلفة ... حسيت إنها مش مناسبة في حق شخصية محترمة معانا .. "مش مناسبة" ممكن لفظ مهذب شوية ..

أقل تقدير توقعت معاتبتي و للحق كنت أستحق أكثر من العتاب بسبب تجاوزي - عن غير قصد - للحدود الشخصية في الحوار

طب أحاول ألغي المداخلة دي خلاص لزقت فيا ...

بلغت الإدارة و الحمد لله استجابوا لطلبي و حذفوها الحمد لله

بصراحة فضلت زعلان من نفسي فترة طويلة

وبسبب سفر و انشغال كنت قليل الدخول و المشاركة

رجعت وقلت خلاص الموضوع بتاعي كدة اتحذف و أكيد اتنسى

في نفس اليوم لقيت نقطة خضرا لا استحقها ... من نفس الشخصية

بجد حسيت باحراج شديد أني أخطأت في حق شخصية كريمة تقابل الخطأ بالاحسان

السلام عليكم و رحمة الله و بركاته

المداخلة دي مشفتهاش امبارح....(طبعا ماسكة المكرفون و قاعدة ازعق لما صدعتكوا)

يعني مش عارفة اقول لحضرتك ايه...غير آد ايه حضرتك بتأكدلي ان لسه فيه كائنات راقية بطريقة تفكير حضرتك

كونك انك تهتم و زعلان جوه نفسك و بتحاسبها علي نقطة خضرا طارت هنا و لا هناك....فعلا شخصية تستحق كل الاحترام

خليك دايما قريب استاذي...محتاجين...روح كده هنا

مسا حضرتك رقي يليق بيك

يعني انتي من امبارح لوك لوك لوك لوك

و خليتني ما اخدش بالي من مداخلة الفاضل عادل و لا عرفنا نرحب بيه و لا اي حاجه

لماضة انتي محرومة من الفضفضة لمدة ربع ساعة و لو اعترضتي هاخليهم تلت ساعة

الفاضل عادل ابو عمر

الواحد بجد بيحمد ربنا لما بيلاقي شخصيات في احترام و اخلاق حضرتك

نورت التوبيك يا فندم

بمداخلة غاية في الرقي

و كل سنة و حضرتك بالف خير

[Alrefaey]

موضوع رائع من امبارح مابطلتش ضحك

شكرا ياريمو انتى وضيوفك

[pink rose]

موضوع رائع من امبارح مابطلتش ضحك

شكرا ياريمو انتى وضيوفك

ميرسي يا دكتور

و عاوزينك تنور التوبيك بمداخلة كده و لا كده من الذاكرة عن المواقف المحرجة

[Alrefaey]

ميرسي يا دكتور

و عاوزينك تنور التوبيك بمداخلة كده و لا كده من الذاكرة عن المواقف المحرجة

هحكى لكم موقف زمان حصلى وانا كنت لسه 14 سنه كنت تقريبا فى ثالثة اعدادى وكان لى صديق عفريت شقى جداا :afr: وانا بطبعى هادى :blush2: ,المهم صاحبى ده كان بيحكى لى عن بنت واختها كانو تقريبا فى سننا وانه عاوز يتعرف على واحدة فيهم بس مش عارف اذاى , بعد فترة لقيته جاى مبسوط وقالى ان البنت وافقت انها تقابلة بس بشرط انها هتجيب اختها معاها hg):: ومفيش مانع لو هو معاه صاحبه ,طبعا انا فهمت هو بيلمح لأيه وقلت له انسى ,انا مش بتاع الكلام ده شوف لك حد تانى يروح معاك ,بعد محاولات وضغط منه لأنه كان لحول جداا تغلب فضولى على مبادئى وروحت معاه

المهم البنت تكلمنى وانا وشى فى الارض ومكسوف جداا:blush2: ومش عارف اقول ايه ,عدى الموقف ده وحفلت انه لايتكرر ,جاء صاحبى بعدها وقالى ان البنت بتسأل على طبعا انا رديت عليه بعنف po:: وقلت له الموضوع منتهى حلو ,, لا مش حلو

قالى هى بتقولك هى عايزة تشوفك تانى ولو ماجتشى معايا هى ممكن تجيلك بيتكم !

انا عقلى ساعتها طار وشتمته وقلت له يبلغها ان مفيش موضوع اساسا وانى كنت جاى معاك بالصدفه وانى ماليش فى المواضيع دى

وفى احدى الايام كان عندنا ضيوف وهما بقى بيحكوا ويتحاكو عن اخلاق الرفاعى وشطارته واستقامته والجرس يضرب اروح افتح الباب :blink: الاقى البنت واقفه بتقولى هو انا زعلتك فى ايه انت ليه ماجتش مع صاحبك ,واذا بماما تنادى على مين على الباب وانا ساعتها بقول للارض تنشق وتبلعنى رديت على امى وقلت لها لا ده واحد صاحبى ,يابنتى امشى وهى لا ممكن امشى غير لما توعدنى ,اوعدك بأيه ,بإننا نشوف بعض تانى ,يابنتى انا ماليش فى الموال ده وهى هاتك ياعياط cr((: وشوية وصوتها هيطلع :shutup: ,قلت لها هو ايه اللى يرضيكى دلوأتى قالت انك توعدنى ,قلت لها خلاص :giveup: اوعدك بس امشى ...

الحمد لله مشيت بس اختى الصغيرة كانت واقفه وشايفه الحوار i*: ,المهم بعدها قطعت علاقتى بصاحبى تماما والموضوع انتهى

لا ما انتهاش واذا بإختى الصغيرة تساومنى ههه تعملى كذا ولا اقول لماما انها بنت مش صاحبك يابنتى اللذينه وبعد عدة مساومات زهقت منها وقلت لها قولى وهى ماصدقت خبر وفضحتنى فى البيت

لكن الحمد لله الوالدة كانت بتثق فى جداا وماصدقتش وقالت لاختى انتى اصلا بيتهيىء لك وبتتبلى على اخوكى

الدروس المستفادة ههه

-امشى عدل يحتار عدوك فيك

-الصديق قبل الطريق

[pink rose]

ميرسي يا دكتور

و عاوزينك تنور التوبيك بمداخلة كده و لا كده من الذاكرة عن المواقف المحرجة

هحكى لكم موقف زمان حصلى وانا كنت لسه 14 سنه كنت تقريبا فى ثالثة اعدادى وكان لى صديق عفريت شقى جداا :afr: وانا بطبعى هادى :blush2: ,المهم صاحبى ده كان بيحكى لى عن بنت واختها كانو تقريبا فى سننا وانه عاوز يتعرف على واحدة فيهم بس مش عارف اذاى , بعد فترة لقيته جاى مبسوط وقالى ان البنت وافقت انها تقابلة بس بشرط انها هتجيب اختها معاها hg):: ومفيش مانع لو هو معاه صاحبه ,طبعا انا فهمت هو بيلمح لأيه وقلت له انسى ,انا مش بتاع الكلام ده شوف لك حد تانى يروح معاك ,بعد محاولات وضغط منه لأنه كان لحول جداا تغلب فضولى على مبادئى وروحت معاه

المهم البنت تكلمنى وانا وشى فى الارض ومكسوف جداا:blush2: ومش عارف اقول ايه ,عدى الموقف ده وحفلت انه لايتكرر ,جاء صاحبى بعدها وقالى ان البنت بتسأل على طبعا انا رديت عليه بعنف po:: وقلت له الموضوع منتهى حلو ,, لا مش حلو

قالى هى بتقولك هى عايزة تشوفك تانى ولو ماجتشى معايا هى ممكن تجيلك بيتكم !

انا عقلى ساعتها طار وشتمته وقلت له يبلغها ان مفيش موضوع اساسا وانى كنت جاى معاك بالصدفه وانى ماليش فى المواضيع دى

وفى احدى الايام كان عندنا ضيوف وهما بقى بيحكوا ويتحاكو عن اخلاق الرفاعى وشطارته واستقامته والجرس يضرب اروح افتح الباب :blink: الاقى البنت واقفه بتقولى هو انا زعلتك فى ايه انت ليه ماجتش مع صاحبك ,واذا بماما تنادى على مين على الباب وانا ساعتها بقول للارض تنشق وتبلعنى رديت على امى وقلت لها لا ده واحد صاحبى ,يابنتى امشى وهى لا ممكن امشى غير لما توعدنى ,اوعدك بأيه ,بإننا نشوف بعض تانى ,يابنتى انا ماليش فى الموال ده وهى هاتك ياعياط cr((: وشوية وصوتها هيطلع :shutup: ,قلت لها هو ايه اللى يرضيكى دلوأتى قالت انك توعدنى ,قلت لها خلاص :giveup: اوعدك بس امشى ...

الحمد لله مشيت بس اختى الصغيرة كانت واقفه وشايفه الحوار i*: ,المهم بعدها قطعت علاقتى بصاحبى تماما والموضوع انتهى

لا ما انتهاش واذا بإختى الصغيرة تساومنى ههه تعملى كذا ولا اقول لماما انها بنت مش صاحبك يابنتى اللذينه وبعد عدة مساومات زهقت منها وقلت لها قولى وهى ماصدقت خبر وفضحتنى فى البيت

لكن الحمد لله الوالدة كانت بتثق فى جداا وماصدقتش وقالت لاختى انتى اصلا بيتهيىء لك وبتتبلى على اخوكى

الدروس المستفادة ههه

-امشى عدل يحتار عدوك فيك

-الصديق قبل الطريق

هههههههههههههههههههههههههه

معلش يا دكتور افتكرت المشهد دا لما قريت مداخلة حضرتك

http://www.youtube.com/watch?v=XCt3fi-HGas

[مهندس ابو يوسف]

موضوع جميل ومضحك ايضا

احييكم

[عادل أبو عمر]

الفاضلة لماضة الفاضلة بينك

تحياتي و شكرا على كلماتكم التي لا استحقها و لكنه الكرم من طرفكم كما هو معتاد

----------------------------------------

نرجع للمواقف المحرجة

كنا مجموعة شباب عايشين مع بعض كذا سنة في سكن تبع الشغل كنا لسة كلنا متخرجين جداد و كانت من أحلى الأيام و بقينا مع بعض أعز أصحاب و الحمد لله حتى الآن

واحد مننا اتجوز فاتفقنا نروح و نعمل الواجب اللي هو النقوط يعني ، دخلنا عنده و سلامات و ضحك و شوية و جاب لنا صينية عليها كحك الفرح .. فاحنا كل واحد حط ظرف - احنا بقى عاملين واعيين و متفقين كل واحد هيحط كام في الظرف بتاعه - المهم صاحبنا خد الكام ظرف و قعد يقول و ليه كدة ومش ليه كدة و تاعبين نفسكم المهم دخل بالصينية و راح يجيب لينا شاي ناخده في البلكونة

لقينا صاحبنا رجع بسرعة وبيضحك بنقوله فيه ايه قال مفيش حاجة

بس لو مقولتوش مين اللي جاب الظرف الفاضي هاحدفكم واحد وار التاني من البلكونة .

احنا جالنا حالة ضحك مش عارفين نتكلم أصلا ...

بعدين عرفنا إن واحد مننا فعلا نسي يحط الفلوس في الظرف و كان محرج جدا لأنه بصراحة ده أطيب واحد فينا و محدش يصدق أنه عامل مقلب و لا حاجة و إنه نسي فعلا

بس لو مكنش افتكر .. معرفشي صاحبنا ده كان عمل فينا إيه .

[عبير يونس]

موقف محرج

بس فطست على نفسي من الضحك

زي اللي بيحصل في برامج الكاميرا الخفية

في الشغل كان في اجتماع من يومين

طبعا كلهم بيستقبلوني بالاحضان بقى بعد اما ولدت

و بيسألوني ع البيبي و عايزين يشوفوا صوره

و بعدين واحدة صاحبتي جاية من بعيد

و فاتحة دراعاتها

و الابتسامة على وشها

طبعا رحت لها

طلعت مش شايفاني أصلا

و رايحة لزميلتي اللي ورايا

ههههههههههههههههههههههههههه

طبعا ما كانتش واخدة بالها

و بتسلم ع اللي ورايا لان بقالها مدة ما شافتهاش

بس طبعا الموقف كان كوميدي و كلنا فطسنا من الضحك

و انا ماشية باقول لها

SEE YOU

و هي كانت بتتكلم في التيلفون

و ردت

NO THANK YOU

(على اللي بيكلمها)

:closedeyes:

ما كانش يومي

ههههههههههههههههههههههه