عودة المحاورات

[عادل أبو عمر]

ممكن نختلف على العنوان " عودة المحاروات " لكن لا أظن أننا نختلف عن احساسنا بتغيير ملحوظ في الروح العامة للأعضاء الذين مهما ابتعدوا يعودون بحنين لـــــ "بيت العيلة " بتواجد للأسف مخفي

ممكن صوت الاختلاف أصبح عالي النبرة و معظم الموضوعات تهتم بزاوية واحدة من حياتنا و هي الزاوية السياسية و هي الأهم حاليا لنا كمصريين لكن دائما الحوارات تسير بين طرفين تتحول تلقائيا إلى مواجهات دينية أو تجريح و تخوين في القريب والبعيد و كل الحوارات مهما كانت بدايتها دائما تتحول لخلاف فكري لا يؤدي لاتفاق و رغم ان الاختلاف سنة بين الخلق لا تتبدل لكن اختلافنا في عرض رأينا أصبح حادا بعض الشيء و أخشى أننا قد نفقد الود بيننا كمصريين بعد الذي هوالأساس لبناء حياتنا .

مش معنى كلامي إننا مطلوب نهمل الجانب السياسي لكن احنا مش هنقدر نتفرغ للسياسة 24 ساعة في اليوم و يستحيل أبدا يكون ده مطلوب لأننا التفرغ لم يذكر في شيء على قدر علمي إلا فقط في لفظ " إلا ليعبدون " فإذاكنا لم نستطع تقصيرا من انفسنا ان نعيش العبادة لله في كل حركاتنا و سكناتنا فلا يمكن ان ندعي أننا سخرنا حياتنا للسياسة فقط .. احنا مسئولين نبني مصر و مسئولين نبني أنفسنا و مش عيب نمارس حياتنا و نعبر عن آرائنا في كل الموضوعات .

معرفش العودة (لو صح التعبير) تكون إزاي و مين يبدأ الأعضاء و لا الإدارة طبعا دور الإدارة مش بسيط و هم أدرى به و أحسبهم الأقدر على المتابعة و الرصد

أتمنى أن تعود المحاروات بما تذخربه شخصيات محترمة كثيرة تتمتع برقي الفكر و الرأي و خفة الدم و أتعلم منهم أدب الاختلاف

افتقد تنوع الموضوعات و الأكثر أفتقد أصحابها و هم ليسوا بقليل .

فاكرين الانتاج المشترك سلسلة لماضة الساري .....

مش هاحط رابط .. لأن الرابط في قلوبنا فاكرينه على طول ..

رابط من الاحترام و الحب بين أبناء بيت العيلة .

كل التحية و الاحترام للجميع

عادل

[Alshiekh]

بالنسبة لي

المحاورات تشبه بيت العيلة ، أو البيت الكبير

كل واحد له ركن صغير ، البعض بيسيب ركنه ويسافر ويلف العالم ويقابل اصحاب جدد ، ويمكن يبني له بيت صغير على قده ويعزم صحابه واخوته من بيت العيلة يروحوا يسكنوا معاه ،

لكن بيشده او يشدهم الحنين ويرجعوا يشموا رائحة الذكريات ، كل واحد يرجع يقرأ كتاباته وردوده ، احيانا يضحك ويقارن بين مداخلاته الأولى وكيف كانت بسيطة ولاتزيد عن سطر او سطرين ، وكيف تطورت وتبلورت لتظهر فكره . وفى النهاية قد يأتي لخاطره كلمات نزار قباني علي لسان نجاة الصغيرة :

ما أحلى الرجوع إليه ***** ما أحلى الرجوع إليه

[طارق مصرى]

الحقيقة مع حداثة مشاركتى بالمنتدى لكنى احس فعلا ان المنتدى بحاجة لتنوع الموضوعات و عودة المشاركين السابقين الذين قرات لهم بعض الموضوعات القيمة

[لماضة مصرية جدا]

السلام عليكم و رحمة الله و بركاته

عودة المحاورات

امممم

استاذي كان دايما يقولي ايه

لما صوباع الايد يشير الي حاجة باقي اصابع الكف الواحد تشير الينا

صحيح احنا كلنا بنشارك حضرتك ان جو المحاورات اتغير

ده حقيقي

مش يمكن احنا نفسنا اتغيرنا

مش يمكن احنا نفسنا بقي همنا ان احنا نتابع مين ضرب مين....و مين لبس العمة لمين

عارف استاذي احساس ان حد واقف فوق قمة جبل بس واقف علي طوبة....يا الطوبة دي ثبتته يا اتشالت راح اتدألج من اعلي الجبل لغاية تحت

كلنا اعصابنا مشدودة....و كلنا بتجيلنا فترة نقول بلاها سياسة

بس احنا نعمل شوية توازن....ليه بقي....بقي ليه

علشان اصلا المشوار طويل

و شكلنا كده مكملين لقدام اوي

عارف انت لو سالت نفسك انت بتخش علي انهي توبيكات هتلاقي مثلا ان معظمنا راكن في الموضوعات الجادة...(او زي حالاتي راكن في الموضوعات الخفيفة)...و الحقيقة انا مبسوطة بده لاني بحالو اعمل توازن مع حياتي بره المحاورات

و اقتراحي بقي

انا كل واحد يسال في اخر كل اسبوع يقرا مشاركاته بتاعت الاسبوع دوت....و هيلاقي يا تري ركن كتير في انهاي مكان...و يحاول يستطلع حتة تانية جديدة

الثراء الانساني مش بس من الاشخاص المختلفين و لا بعودة الغائبين مع افتقادنا الشديد ليهم

الثراء الانساني انك تحس انك جواك نفسك لسه قادر تندهش من نفسك

لسه قادر فيه حتة جواك بيستفزها موضوع...و بينكش فيها

الحاجة التانية

انا بحس ان الناس متكتفين...مش عارفة ليه

يعني انا ممكن احكي باريحية اوي....(يعني بريح اوي في الكلام)....وخصوصا فيما يتعلق باي توبيك خفيف او شخصي....و بعدين الاقي نفسي قاعدة اغني فيه لوحدي

اقول يا ربي....شكلي بقي عبيط...قووووووووم ايه......الم شنطة هدومي و اروح توبيك بابا...قصدي بيت بابا

انا قصدي

الجميل في الكتابة...انك تكتب....تعبر....تقرا نفسك في حروفك....مش بس في عقلك

لو فضلت سجين عقلك...مش راح تطلع كلام تلقائي...عفوي....اتكلم براحتك

محدش راح ياخد عنك صورة حلوة و لا وحشة.....انا شخصيا باجي المحاورات علشان اقراني....اقرا نفسي...مش حد تاني

دي وجهة نظري و يا رب اكون اصبت كبدة الحقيقة :closedeyes:

مسا حضرتك....براح الكون بحاله

[pink rose]

انا من رأي ريهام

احنا اتغيرنا

اهتماماتنا اتغيرت

احنا فجأة اتزلزلنا

كلنا كنا عايشين حياتنا بطرق مختلفة فجأة لقينا الام الكبيرة بيحصل فيها زلزال جامد

لدرجة انه زلزلنا عن بعد (باتكلم على المغتربين) فجأة لقيتني مش في السعودية انا في مصر غصب عني مش بارادتي

فجأة كل حاجه وقفت حوالينا الا مصر

دا وصلنا اننا هنا في المحاورات اتحولنا لموضوعات جادة سياسة داخلية ثورة يناير الفساد

ما كانش في مجال و لا مساحة جوانا لموضوعات خفيفة

انا باحس المحاورات بتعبر عن حالة كل واحد فينا

احنا كنا بكل جوارحنا في حياتنا العادية في العالم الواقعي عايشين مصر و بالتالي في المحاورات نفس الشئ

لما كنا كلنا متجمعين تحت اسم مصر بس وقت الثورة و الاحداث كنا كلنا هنا في المحاورات كده

لما اختلفت رؤيانا برة اختلفت هنا

عن نفسي لقيتني جالي اكتئاب في حياتي العادية بقيت احاول اقلل من متابعة الاخبار و البرامج الحوارية لاني كان لازم افصل و الا هايجرالي حاجه

و دا انعكس عليا هنا في المحاورات لقيتني باحاول افتح مواضيع خفيفة لعل يكون في حد زيي و عنده نفس احساسي

من الاخر المحاورات و مواضيعها هو احنا و احساسيسنا

[عادل أبو عمر]

بالنسبة لي

المحاورات تشبه بيت العيلة ، أو البيت الكبير

كل واحد له ركن صغير ، البعض بيسيب ركنه ويسافر ويلف العالم ويقابل اصحاب جدد ، ويمكن يبني له بيت صغير على قده ويعزم صحابه واخوته من بيت العيلة يروحوا يسكنوا معاه ،

لكن بيشده او يشدهم الحنين ويرجعوا يشموا رائحة الذكريات ، كل واحد يرجع يقرأ كتاباته وردوده ، احيانا يضحك ويقارن بين مداخلاته الأولى وكيف كانت بسيطة ولاتزيد عن سطر او سطرين ، وكيف تطورت وتبلورت لتظهر فكره . وفى النهاية قد يأتي لخاطره كلمات نزار قباني علي لسان نجاة الصغيرة :

ما أحلى الرجوع إليه ***** ما أحلى الرجوع إليه

أستاذي الفاضل

كل الشكر لتشريفك بالمرور

لي رأي بسيط .. في بيت العيلة على أرض الواقع لا نكتفي بالجلوس في الصالون و لكن كأفراد عيلة لنا ذكريات في كل أركان البيت حيث نشأنا و حيث لعبنا و حيث جلسنا نتحاور و حيث كانت أفراحنا ..

محاورات المصريين في نظري بيت جميل و الأجمل و هو فضل من الله هو تجمع شخصيات محترمة قلما تتجمع في أي منتديات أخرى ... فكانت وجهة نظري هي عودة التنوع و عدم الاكتفاء بنوعية محددة للموضوعات أو أن يكون لكل منا ركن كما ذكرت حضرتك .. لسبب مهم هو أنني وارد جدا أن أختلف مع حضرتك في مسألة سياسية أو دينية لكن عندما نتناقش في في مجال اقتصادي أو فكري قد أجد عندك ضالتي فتنمو مساحة اتفاق ..

بمعنى أن توجيه اهتمام الشخصيات في موضوعات محددة خسارة لنا جميعا في عدم الإفادة أو الاستفادة في مجالات أخرى بين الأعضاء .

تنوع المشاركات من نفس الأفراد يزيد من مساحة الاتفاق و يقلل من تأثير الاختلاف و يعظم من تبادل المعرفة ..

فنتقبل الرأي من بعضنا و يزيد الود و نعيش حالة بيت العيلة

[عادل أبو عمر]

الحقيقة مع حداثة مشاركتى بالمنتدى لكنى احس فعلا ان المنتدى بحاجة لتنوع الموضوعات و عودة المشاركين السابقين الذين قرات لهم بعض الموضوعات القيمة

تحياتي أخي الفاضل طارق

يشرفني أن نتقابل لأول مرة في بيت العيلة و أسجل احترامي لشخصك الكريم

المحاورات عمرها 10 سنوات بفضل الله في الواقع حضرتك و أنا لسة في السنة الأولى لذلك نرى في المحاروات متعة مختلفة في قراءة موضوعات قديمة و التعرف على الأشخاص الحاليين و أشخاص ليسوا متواجدين حاليا ،

وسبب فتح الموضوع هو دعوة الأعضاء الحاليين لأن يشاركوا أكثر .. فلديهم الكثير من الممكن أن يقدموه لنا ...

و أيضا دعوة للأعضاء غير المتواجدين للعودة للتواجد في بيت العيلة

تم تعديل 2 يوليو 2011 بواسطة عادل أبو عمر

[عادل أبو عمر]

السلام عليكم و رحمة الله و بركاته

عودة المحاورات

امممم

استاذي كان دايما يقولي ايه

لما صوباع الايد يشير الي حاجة باقي اصابع الكف الواحد تشير الينا

صحيح احنا كلنا بنشارك حضرتك ان جو المحاورات اتغير

ده حقيقي

مش يمكن احنا نفسنا اتغيرنا

مش يمكن احنا نفسنا بقي همنا ان احنا نتابع مين ضرب مين....و مين لبس العمة لمين

عارف استاذي احساس ان حد واقف فوق قمة جبل بس واقف علي طوبة....يا الطوبة دي ثبتته يا اتشالت راح اتدألج من اعلي الجبل لغاية تحت

كلنا اعصابنا مشدودة....و كلنا بتجيلنا فترة نقول بلاها سياسة

بس احنا نعمل شوية توازن....ليه بقي....بقي ليه

علشان اصلا المشوار طويل

و شكلنا كده مكملين لقدام اوي

عارف انت لو سالت نفسك انت بتخش علي انهي توبيكات هتلاقي مثلا ان معظمنا راكن في الموضوعات الجادة...(او زي حالاتي راكن في الموضوعات الخفيفة)...و الحقيقة انا مبسوطة بده لاني بحالو اعمل توازن مع حياتي بره المحاورات

و اقتراحي بقي

انا كل واحد يسال في اخر كل اسبوع يقرا مشاركاته بتاعت الاسبوع دوت....و هيلاقي يا تري ركن كتير في انهاي مكان...و يحاول يستطلع حتة تانية جديدة

الثراء الانساني مش بس من الاشخاص المختلفين و لا بعودة الغائبين مع افتقادنا الشديد ليهم

الثراء الانساني انك تحس انك جواك نفسك لسه قادر تندهش من نفسك

لسه قادر فيه حتة جواك بيستفزها موضوع...و بينكش فيها

الحاجة التانية

انا بحس ان الناس متكتفين...مش عارفة ليه

يعني انا ممكن احكي باريحية اوي....(يعني بريح اوي في الكلام)....وخصوصا فيما يتعلق باي توبيك خفيف او شخصي....و بعدين الاقي نفسي قاعدة اغني فيه لوحدي

اقول يا ربي....شكلي بقي عبيط...قووووووووم ايه......الم شنطة هدومي و اروح توبيك بابا...قصدي بيت بابا

انا قصدي

الجميل في الكتابة...انك تكتب....تعبر....تقرا نفسك في حروفك....مش بس في عقلك

لو فضلت سجين عقلك...مش راح تطلع كلام تلقائي...عفوي....اتكلم براحتك

محدش راح ياخد عنك صورة حلوة و لا وحشة.....انا شخصيا باجي المحاورات علشان اقراني....اقرا نفسي...مش حد تاني

دي وجهة نظري و يا رب اكون اصبت كبدة الحقيقة :closedeyes:

مسا حضرتك....براح الكون بحاله

يا أهلا و سهلا بالفاضلة لماضة .. و شكرا على طبق الكبدة

اسمحيلي حضرتك ... لماضة دي حالة استثنائية في الحكاوي .... لأن الكل يستمتع بطريقة كتابتك لأنها تقرأ و كأنها تسمع

عارفة حضرتك أنا كنت باستغرب في بداية اشتراكي في المحاورات إن حضرتك موجودة في الموضوعات الخفيفة و ساعات الدنيا كانت عمالة تضرب تقلب في موضوعات تانية موضوعات جادة ..

طب ايه المشكلة

المشكلة إن حضرتك ليكي رأي يحترم لما شاركتي في الموضوعات الجادة أصبحت متابعة آراء لماضة لا تقل أهمية عن متابعة حكاوي لماضة في الموضوعات الخفيفة ..

قد يتفق مع حضرتك البعض و قد يختلف البعض ... لكن المفروض أن لا يمنع الاختلاف تذكر وجود مساحة كبيرة من الاتفاق في موضوعات أخرى .

ما أقصده إن المشاركة في الموضوعات المطروحة يثري أي موضوع و ليس بالضرورة أن نكون خبراء في كل باب نشترك فيه ... نقول رأينا ..

ممكن رأينا على بساطته يكون مهم لينا أولا ...

أنا بقول رأي لأني مقتنع بيه ممكن أقنع بيه غيري و ممكن يكون فيه خطأ فأجد من يوجهني أو يقنعني بغيره ..

و ممكن رأيي لا يقتنع به غيري و لا أقتنع بغير رأيي ..

مفيش مشكلة هو ده الحوار .. وهو ده بيت العيلة ...

نقعد نتكلم و نضحك و ننتاقش بس مش مفروض نكون نسخة من بعض ..

لكن الجميل هو أن نتعلم و نعلم غيرنا كيف نختلف ..

وعندما نكتشف جوانب مختلفة في شخصيات من نحاورهم تزداد لدينا ثروة الأصدقاء و الأفكار .

[عادل أبو عمر]

انا من رأي ريهام

احنا اتغيرنا

اهتماماتنا اتغيرت

احنا فجأة اتزلزلنا

كلنا كنا عايشين حياتنا بطرق مختلفة فجأة لقينا الام الكبيرة بيحصل فيها زلزال جامد

لدرجة انه زلزلنا عن بعد (باتكلم على المغتربين) فجأة لقيتني مش في السعودية انا في مصر غصب عني مش بارادتي

فجأة كل حاجه وقفت حوالينا الا مصر

دا وصلنا اننا هنا في المحاورات اتحولنا لموضوعات جادة سياسة داخلية ثورة يناير الفساد

ما كانش في مجال و لا مساحة جوانا لموضوعات خفيفة

انا باحس المحاورات بتعبر عن حالة كل واحد فينا

احنا كنا بكل جوارحنا في حياتنا العادية في العالم الواقعي عايشين مصر و بالتالي في المحاورات نفس الشئ

لما كنا كلنا متجمعين تحت اسم مصر بس وقت الثورة و الاحداث كنا كلنا هنا في المحاورات كده

لما اختلفت رؤيانا برة اختلفت هنا

عن نفسي لقيتني جالي اكتئاب في حياتي العادية بقيت احاول اقلل من متابعة الاخبار و البرامج الحوارية لاني كان لازم افصل و الا هايجرالي حاجه

و دا انعكس عليا هنا في المحاورات لقيتني باحاول افتح مواضيع خفيفة لعل يكون في حد زيي و عنده نفس احساسي

من الاخر المحاورات و مواضيعها هو احنا و احساسيسنا

الفاضلة بينك

شكرا لتشريف حضرتك بالمرور

في آخر جزء في مشاركة حضرتك وصفتي سبب المشكلة و حلها .. سبب المشكلة جالنا اكتئاب ... و الحل نحاول نوازن حياتنا و نراجع مصادر الاكتئاب ..

على فكرة ممكن نغير عنوان الموضوع ده و يكون بدل من عودة المحاورات ... يبقى عودة للمحاورات

يعني زي ما حضرتك قلتي نرجع للمحاورات و الموضوعات باحاسيس مختلفة .. مش هننسى أولوياتنا .. و لا هنضيع وقتنا

بالعكس هندور على مكان و موضوعات جادة و خفيفة في بيت العيلة ..

هنا ممكن نتلاقى و هنا ممكن نختلف .. نختلف بنبرة الحرص و ليس نبرة الاستنكار ... مش لا زم نزعق أو نزعل أو يصل الحد لدرجة أن يسقط البعض من نظر بعض لاختلاف في الرأي ..

هنا ممكن نفتح أبواب للأمل بعيد عن الاكتئاب اللي حاوط علينا و نطلع اخواتنا اللي غايبين منه

لأننا في النهاية في مركب واحدة للي هيفرح هينجى لوحده و لا المكتئب هينجى لوحده

[أمل حياتي]

أخي الفاضل عادل أبو عمر ....

موضوعك يثير شجون وأحاسيس نشعر بها جميعا هذه الفترة ....

شي طبيعي أن نجد المواضيع السياسية قد طغت على كل شي فما حدث

في مصر ليس بالأمر السهل ولكنه تغيير للأفضل بعد سنوات عجاف

ولكن ما يثير الشجون أيضا عزوف البعض عن الدخول في محاورات ومناقشات ما عدا السياسه

والتي ليست بالطبع من إهتماماتي الشخصية وقد يكونوا معذورين في سيطرة الأمور السياسية الآن

ولكن .....

الشيء غير الطبيعي والمحزن أن تلاحظ وانت تقلب في موضوعات المنتدى القديمه وهى هواية لي

تلاحظ إختفاء أسماء كثيرة كانت تتردد على المنتدى بقوة .....

المنتدى بحاجه للكثير ولا يمكن ان يتطور دون تكاتف اعضائه كافة ....

أما الكثير فهذا ما سوف اوضحه للمشرفين في وقت لاحق وأعرض ملاحظاتي علها تكون مع ملاحظات غيري

جديرة بالإهتمام ........ وهذا ما أعول عليه نظرا لما لمسته بنفسي من تعاون مع مشرفي المنتدى الأفاضل

نتمنى كلنا عودة الجميع وعودة الروح المرحه والألفة والمحبة على نحو يفيض على الكل ويمسح من

غبار أي مناقشات حادة قد تكون حدثت ....

ولهذا يجب ان نتعامل مع المنتدى كروح الأسرة الواحده ....

إذا اشتكى عضو تداعى له سائر الأعضاء بالسهر والحمي ....

[الغريب]

السلام عليكم

الموضوع ده يمثل لي حلقة جديدة في سلسلة موضوعات بدأت منذ فترة وبالتحديد عقب الثورة التونسية والمصرية وحالة الفوران العربي ..

وأجد الرد عليه كان مجملا في مشاركة رائعة للأخ الفاضل أحمد سيف حينما أجاب على سؤال سكوب : (لماذا لم تعد المحاورات لطبيعتها ؟؟) فأجابه : (لأن ما حولنا ليس طبيعي) ..

هذه هي الخلاصة (ما حولنا الآن ليس طبيعي)

ولابد أن يتأثر جميع الأعضاء باختلاف أفكارهم ومشاربهم وحتى جنسياتهم وبالتالي أختلاف طرحهم في المواضيع المعروضة الآن على الساحة

أهم شئ هو أن لا ننسى أننا في الآخر عائلة كبيرة ، مثل عائلة أي فرد منا بها كل الأفكار والشخصيات ، ولكن في النهاية تبقى أواصر العائلة وحق القرابة هو الباقي

كل سنة وأنتم بخير :flr1:

تحياتي ...