أجسادنا مشحونة بالكهرباء مالعمل!!!

[الدكتورة أم أحمد]

السلام عليكم ورحمة الله وبركاته

في زيارة قصيرة للملكة العربية السعودية أنا وبعض أبنائي

يحدث لنا أمر أزعجني وربما أرعبني

وهو أننا يكهرب بعضنا بعضا كهربة شديدة و عند ملامسة بعض الأشياء

وقد نسمع صوت عال لذلك كأنه ماس كهربي

بإلإضافة لكهرباء في الملابس وتجد سرجا عند لبس بعضها وبعض الفرش (الملابس التي بها إلياف)

ولأنني كنت هنا من أكثر من عشر سنوات لم أكن أجد ذلك ولا أشعر به مطلقا

وفي مصرنا الحبيبة لم نشعر بذلك مطلقا

من حق أولادي أن يهتفوا

هنور هنور

لذلك أردت أن استفسر عن :

سبب ذلك

هل لهذه الشحنات الكهربية خطورة

الوقاية من ذلك

تم تعديل 2 يوليو 2011 بواسطة الدكتورة أم أحمد

[rewsha]

والله يا دكتوره انا كمان نفسي حد يفسر الموضوع بتاع الكهرباء ده ويجاوب على اسئلتك

لان زوجي(طبيب) ولقيته من اسبوع بالظبط بيحكي لي ان في مريضه كانت بتتعالج عنده و اشتكت له من نفس الشكوى بتاعتك

وكانت بتساْله ايه السبب وايه العلاج

بصراحه زوجي احتار وقال لها موضوع انك تسمعى صوت كهرباء وانتي بتسلمي على حد وتكهربيه ده جديد وماسمعناش بيه قبل كده

ولما زوجي جاء وحكى لي ,استغربت جدا

فقلت اعرفك ان مش اني بس اللي كده

هوه احيانا لما بامشي على السيراميك وباكون لابسه (شبشب) معين بيحصل اني لو لمست حد باتكهرب واكهربه كهربه بسيطه بس مش دايما ده بيحصل

ياريت حد يفسر لنا الموضوع ده (خصوصا سماع صوت الكهرباء)

[MZohairy]

الموضوع ده بيحصل في اي بلد نسبة الرطوبه فيها منخفضه

و ده بيحصل لكل الناس في الرياض مثلا (بدون رطوبه مطلقا)

و بمجرد ذهابهم لجده او الخبر (مكان فيه بحر و رطوبه) تختفي المشكله فورا

[طارق مصرى]

ممكن تكون نوع من االكهرباء الاستاتيكية اللى درسناها فى اعدادى ؟حاجة غريبة فعلا بالذات موضوع صوت الكهرباء ززززززززززززز!!!, و تقريبا على ما اتذكر ان فى عامل مصرى فى حراج الاجهزة المستعملة فى الرياض كان قالى حاجة زى كده من فترة بس ما اهتمتش , انا منتظر معك راى الزملاء اهل العلم فى هذا الموضوع

[خالد شحاته]

فعلا الموضوع ده موجود جدااا في اغلرياض انا بعاني منه من اكتر من 10 سنوات بس بقول ممكن تكون شحنة كهرباء زياده في الجسم ومش بدور بس الايام دي زادت جداا اي ما المس اي شي سواء ملبس التلافزيون او الرسفر احول احركه يمين ولا يسار احس بصعقه قويه مزعجه فعلا

[شرف الدين]

السلام عليكم ورحمة الله وبركاته

في زيارة قصيرة للملكة العربية السعودية أنا وبعض أبنائي

يحدث لنا أمر أزعجني وربما أرعبني

وهو أننا يكهرب بعضنا بعضا كهربة شديدة و عند ملامسة بعض الأشياء

وقد نسمع صوت عال لذلك كأنه ماس كهربي

بإلإضافة لكهرباء في الملابس وتجد سرجا عند لبس بعضها وبعض الفرش (الملابس التي بها إلياف)

ولأنني كنت هنا من أكثر من عشر سنوات لم أكن أجد ذلك ولا أشعر به مطلقا

وفي مصرنا الحبيبة لم نشعر بذلك مطلقا

من حق أولادي أن يهتفوا

هنور هنور

لذلك أردت أن استفسر عن :

سبب ذلك

هل لهذه الشحنات الكهربية خطورة

الوقاية من ذلك

ضحكتيني والله يا دكتورة .. طب لو سمحتي ... حضرتك الكهربا بتاعتك 110 ولا 220 عشان نعرف نشخص الحالة كويس ... ههههههههههههههههه

على العموم متخافيش .. ده عرض طبيعي لأي حد بييجي الرياض .. لأن زي ما قال الأخ زهيري الجو هنا جاف لا توجد به رطوبة مطلقا ... والجو الجاف بيساعد على انتقال الشحنات الكهربية ... ونظرا لأن طبعا الملابس والكراسي البلاستيك بيكون عليها شحنات كهربية ساكنة .. فتتنقل فورا بمجرد ما تلمسي حد تاني أو تلمسي حاجة معدنية ...

متخافيش مفيش خطورة من الموضوع ده ... ده ساعات كمان بيطلع شرر .. يعني ده حصل معايا كتير جدا ..

في بخاخ بيتباع في المولات وفي بعض الصيدليات بيكون مكتوب عليه ( لإزالة الشحنات الساكنة من على الملابس ) هو بخاخ تقريبا غطاه ازرق .. بيترش على الملابس وبيساعد على إزالة الشحنات دي .. لكن انا بصراحة مجربتوش

في طريقة تانية كنت بجربها وهي إني بمجرد ما أقوم مثلا من على الكرسي البلاستيك المس أي حاجة خشب الأول قبل ما أمسك المعدن .. كانت بتنفع في حالات كتير ..

على العموم حتى لو كهربتي واتكهربتي ... مفيش مشكلة ..

كهربة قليلة مش هتعمل بلاوي كتيرة.

في حاجة تانية ممكن تحصل للي بييجوا الرياض أول مرة ...

ممكن يحصل نزف من الأنف .. وده برضه بسبب جفاف الجو .. الأغشية المخاطية المبطنة للأنف بتجف وبناء عليه بتشقق بسرعة ويحصل نزف .. ولكن ده بيروح مع الوقت على ما الحسم يتأقلم.

تحياتي وزيارة سعيدة.

[ابراهيم عبد العزيز]

موضوع الواحد لا يستطيع الادلاء برأى فيه

لانه يحتاج رأى المختصين

وانا أيضا أحيانا ولكن قليل يحدث معى هذا الامر

لكن اتجاهله

وكنت أبرره بالحالة المزاجية والله أعلم

[خالد التهامى]

الاخوة الافاضل

هذا الموضوع بيحصل لية هنا فى الخبر انا واولادى وبدات زوجتى بتحويل كل ما يمكن من الملابس التى بها الياف

الى ملابس قطنية

فى حلقة للدكتور مصطفى محمود برنامج العلم والايمان ناقش هذا الموضوع وكان حلة قطعة من النحاس تكون موجودة

معنا كمدالية او اى شىْ داخلة نحاس وقمت بالتجربة ولم احس بعدها بهذة الكهرباء حتى فقدت هذة المدالية

من بعدها اصبحت احس بهذة الكهرباء من وقت لاخر

تم تعديل 2 يوليو 2011 بواسطة khalid altohamo

[طارق مصرى]

طيب الحمد لله انا عايش فى الرياض و اسرتى و الحمد لله الكهربا مبتقربشى مننا (طبعا ما شاء الله و لاحول و لا قوة الا بالله ,و يا ناس يا شر كفاية قر)... الظاهر جسمى موصل غير جيد للحرارة و الكهرباء

[أبو يمنى]

ممكن تكون نوع من االكهرباء الاستاتيكية اللى درسناها فى اعدادى ؟حاجة غريبة فعلا بالذات موضوع صوت الكهرباء ززززززززززززز!!!, و تقريبا على ما اتذكر ان فى عامل مصرى فى حراج الاجهزة المستعملة فى الرياض كان قالى حاجة زى كده من فترة بس ما اهتمتش , انا منتظر معك راى الزملاء اهل العلم فى هذا الموضوع

بالفعل أتصوّر أنها نوع من الكهرباء الساكنة في الجسم ، وتنتظر اللحظة التي تفرّغ نفسها في جسم آخر .

نفس الفكرة التي كنّا ندرسها في الفيزياء عندما كنا ندلك مسطرة بلاستيكية بقطعة من الصوف ، فتتكون شحنة كهربيّة على سطح المسطرة تجتذب إليها قصاصات الورق .

لذا نلاحظ أن هذه الظاهرة تتزايد مع ارتداء الملابس الصوفية .

الحل أن الانسان يربط بجسمه سلك نحاسي ، ويوصله بالأرض بشكل مستمر لتفريغ هذه الشحنات المزعجة .

:)

[م تيمور المراغي]

احكيلك تجربتي

انا عانيت من نفس المشكلة زمان لما كنت في الرياض من 9 سنين

لقيت حل وما حدش يضحك عليه لانه عملي جدا

دورت على الاول على شوز سيفتي مالقيتش لان بيكون فيها جزء معدن

فقمت مستخدم دبوس معدن اللي راسه عريضه جدااا عارفينه ده بتاع التعليق على البوردات الفللين

دي صورته عموما

ده طبعا بعد نزع الغطاء البلاستيك الملون اللي عليه

الاول جربت اني حطيته في كعب الشوز من تحت بقيت بمشي بعمل صوت زي البنات اللي لابسه كعب بالظبط ههههههه

والتصفير بقى ما اقولكومش هههههه

لا بجد

انا حطيته على جنب الكعب الخلفي للشوز

وبقيت كل فتره اميل الشوز على جنب واسمع صوت التفريغ الاستاتيكي وهو بيحصل خصوصا في جدران الاسانسير الستانليس ستيل

تاني حاجه عملتها

اني بقيت قبل ما ادخل العربية

اخللي المفتاح يلمس المقبض المعدني للباب

او اخليه يلمس زرار الاساسنير المعدني وبيطلع شرار سبحان الله في قوته !

معلش اطلت عليكم لكن بكده تخلصت من الصدمات الكهربائية المفزعه كل خمس دقايق اول ما رحت الرياض

تحيتي ,,

[طارق مصرى]

يا رب لك الحمد كما ينبغى لجلال و جهك و عظيم سلطان حمدا يكافىء نعمك

[أبو يمنى]

كهربة قليلة مش هتعمل بلاوي كتيرة.

في حاجة تانية ممكن تحصل للي بييجوا الرياض أول مرة ...

ممكن يحصل نزف من الأنف .. وده برضه بسبب جفاف الجو .. الأغشية المخاطية المبطنة للأنف بتجف وبناء عليه بتشقق بسرعة ويحصل نزف .. ولكن ده بيروح مع الوقت على ما الحسم يتأقلم.

تحياتي وزيارة سعيدة.

هذا صحيح .

وأيضاً جفاف العين ، وأطباء العيون ينصحون المقيمين في البلاد الحارة الجافة مثل السعودية باستخدام قطرات (بديلة للدموع) بشكل دوري مع استخدام نظارات الشمس ، الوالدة تعاني من جفاف العين بشكل كبير ممالم تعد معه القطرات مجدية ، واستبدلتها بـ (مرهم) مرطب .

نسألكم الدعاء لها .

[Alattar]

المشكلة دي أنا بواجهها من أيام ما كنت شغال في القصيم من أربع سنوات تقريبا

و كانت عاملالي عقدة...ما فيش حاجة معدن ألمسها و ما أتكهربش..لام أتكهرب..و أحيانا لما بنكون في مول أو حاجة..و أحط ايدي علي كتف المدام مثلا بجيبها يمين أو شمال..كنت بشوف شرار فعلا بيحصل..و بسمع صوت خفيف كده..

و كل ما أكلم حد في القصيم أو هنا في الرياض..يقوللي..عادي احنا واخدين علي كده

[الغريب]

أنا أول مرة أرى الربط بين المكان وهذه الظاهرة

فعلا الموضوع ده أصبح ملازم لي منذ مجيئي الكويت

باب السيارة خلاص مبقتش ألمسه بسبب الموضوع ده ، وبقيت أقفل أي سيارة أركبها من خلال الجزء البلستيكي الداخلي المبطن

اللي بيضايقني موضوع صوت الكهرباء اللي ساعات بيكون عالي فعلا ، وكأن الأمر كبير

[MZohairy]

هي الكويت مافيهاش رطوبه يا الغريب؟؟؟

[الدكتورة أم أحمد]

والله يا دكتوره انا كمان نفسي حد يفسر الموضوع بتاع الكهرباء ده ويجاوب على اسئلتك

لان زوجي(طبيب) ولقيته من اسبوع بالظبط بيحكي لي ان في مريضه كانت بتتعالج عنده و اشتكت له من نفس الشكوى بتاعتك

وكانت بتساْله ايه السبب وايه العلاج

بصراحه زوجي احتار وقال لها موضوع انك تسمعى صوت كهرباء وانتي بتسلمي على حد وتكهربيه ده جديد وماسمعناش بيه قبل كده

ولما زوجي جاء وحكى لي ,استغربت جدا

فقلت اعرفك ان مش اني بس اللي كده

هوه احيانا لما بامشي على السيراميك وباكون لابسه (شبشب) معين بيحصل اني لو لمست حد باتكهرب واكهربه كهربه بسيطه بس مش دايما ده بيحصل

ياريت حد يفسر لنا الموضوع ده (خصوصا سماع صوت الكهرباء)

شكرا لك أختي الفاضلة روشة

لكن هو حضرتك في مصر أم أيضا في دولة عربية؟؟؟

فإنا سمعت هذا الأمر قبل ذلك من أخ لي في الكويت

لكن في مصر لم أسمع إلا مرة لسكا

ن عمارة كان بها شبكة تقوية للمحمول في بداية دخوله مصر وكانت عاملة رجة إعلامية جامده

[الغريب]

هي الكويت مافيهاش رطوبه يا الغريب؟؟؟

الرطوبة متواجدة باستمرار في المناطق المطلة على الخليج مثل السالمية

ولكن هناك مناطق أخرى بعيدة نوعا ما عن الخليج ودي بتكون في العادة جافة ولكن مع اشتداد الصيف بداية من منتصف أغسطس وحتى نهاية الصيف تدخلها الرطوبة بكثافة هي الأخرى

[Alshiekh]

السلام عليكم

مايحدث هو نتيجة إكتساب اجسامنا لشحنات كهربية ساكنة ( موجبة أو سالبة ) انتقلت لأجسامنا من خلال وسائط خارجية ( حيث الإصل في الأشياء هو أنها متعادلة كهربيا.

لعلنا نتذكر في سنوات الدراسة الأولي عندما كنا نقوم بتجربة حك كيس بلاستيك مع قطعة صوف لنجد بعد ذلك أن الكيس النايلون يلتقط قصاصات صغيرة من الورق ، نفس الشيئ لو استخدمنا مشطا من البلاستيك بعد تسريح الشعر ( الجاف وليس المبلل).

مايحدث هو ان معظم ملابسنا واحذيتنا مصنوعة من مواد بلاستيكية ومع احتكاك الملابس مع بعضها فتقوم بتوليد شحنات كهربية تنتقل لأجسامنا وتزداد قيمة فرق الجهد لهذه الشحنات مع استمرار الإحتكاك ، ولأن احذيتنا تكون نعالها من مواد عازلة ، فالشحنات المكتسبة تظل ساكنة داخل اجسامنا حتي تأتيها فرصة الإنتقال إلى جسم آخر ( شخص آخر لايحمل أي شحنة أو شحناته أقل أو شحناته أعلى فينقلها لنا أو شحناته عكسية ( شحناتك موجبة وشحنات الآخر سالبة فالفرق يكون مجموع تلك الشحنات ).

يساعد على بقاء الشحنات الكهربية الساكنة ( الإستاتيكية ) في الجسم ارتداء احذية عازلة للكهرباء ، ولو كانت تلك الأحذية تحتوي نعالا من الجلود الطبيعية لتسربت تلك الشحنات إلى الأرض ( المتعادلة كهربيا ) بشكل مستمر وبالتالي لن تتراكم داخل أجسامنا.

أيضا من أسباب حدوث ذلك في مناطق دون الأخري هو عوامل الجو في تلك المناطق أو مايسمى ( تأين الجو ) ، ويمكن ملاحظة ذلك فى مصر في أوقات الربيع أثناء العواصف الترابية حيث يحدث أحيانا في بعض الأماكن الصحراوية أن المصابيح الفلورسنت تضيئ بدون كهرباء.

الحل الأمثل للتغلب على هذه المشكلة ( وهذا ماافعله ) في تلك الأوقات هو أنني اجعل المفاتيح في يدي وألامس بها أي أجسام معدنية في طريقي ، وفي المنزل أمشي حافيا أو اضع في قدمي نعل جلد طبيعي.

وبالنسبة للعاملن في مجالات الكهرباء والإلكترونيات وخدمة وتصنيع الكمبيوتر ؛ يوجد اشياء تلبس في القدم ورسغ اليد وتوصل بالأرضي. ويمكن استخدام النوع الذي يلبس في القدم لكل الناس حتى في البيوت.

[م تيمور المراغي]

اخدوا فكرتي وعملوا منها اختراع :happy: