هل أصبحت هذه هي طريقة تفكير البنات في الزواج ؟

[Tamsite]

[يالا الهول من هذا الزمان الذى اصبحت فيه اسمى العلاقات الأنسانية بهذا التعقيد

عزيزى Tamsite لا أعتقد ان هذا الحل يليق بعلاقة سامية كالزواج

الزواج علاقة تحتاج إلى مجهود من الطرفين

العلاقة الزوجية كالأرض الزراعية تحتاج إلى مجهود كبير ورعاية مستمرة

عزيزي ميفريك

الطريقة التي سبق لي شرحها ، من شانها تقليل الخسائر إلى أقل حد ممكن عند فشل تجربة الزواج بين رجل وامرأة ثبت لكل منهما أنه أساء اختيار الطرف الآخر

دعك من مصاريف الزواج ، وحصول كل منهما على لقب مطلق، والآثار النفسية السيئة على كل منهما من جراء تجربة الزواج الفاشلة

فكل هذه الأضرار من الممكن علاجها مع الوقت وبعض المجهود

ولكن تأتي الطامة الكبرى ، إذا كانت أحد بنود الخسائر هي ( وجود أبناء لأب وأم منفصلين )

هذا البند لن يتم علاجه مع الوقت ولكنه سيصبح في حد ذاته مشكلة تستفحل مع مرور الوقت

هل فهمت يا عزيزي ما أعني ؟؟؟؟

و إذا كان هذا الحل مرفوضا لأنه لا يليق بعلاقة سامية كالزواج ، فهل يليق بهذه العلاقة السامية أن تصبح ( جوازة وخلاص ) ؟؟؟ <_<

لقد قلت أنت عبارة جميلة للغاية ، وأحييك على انتقائها لوصف العلاقة الزوجية

أنها كالأرض الزراعية تحتاج إلى مجهود كبير ورعاية مستمرة

اسمح لي أن أضيف إليها نفس عنصر التشبيه بالأرض الزراعية

أن الأرض الزراعية يلزم اعدادها اعداد جيدا ودقيقا لاستقبال المحصول الذي ستتم زراعته......

واذا كان (محصول الأطفال ) هو احد محاصيل الزراعة في ( أرضية الزواج الزراعية ) فينبغي اولا اعداد هذه الأرض لاستقبال هذا النوع من المحاصيل ، وإلا كان النتاج مشوها وممسوخا وضارا على عكس المرجو منه

تحياتي وتقديري الشديدين ..........

[Maverick]

عزيزى Tamsite اهم ما أريد أن أقوله ان هذا ال attitude الذى تقول عليه لن يجعل العلاقة تستمر أبعد من أول خلاف زوجى

[Tamsite]

يعنى قبل ما كنت الوالدة تطلب منك إنك تتدخل (و معاك حق إنك ترفض) يمكن كان أولى بيها إنها تزرع فى بنتها عزة نفس و تفهمها إنها لو ما لاقتش الراجل اللى يناسبها و يحترمها و تحترمه يبقى فى الحالة دى ضل الحيطة أحسن من ضل الراجل مليون مرة و يغور الجواز و سنينه!  :blink:

هذا هو بيت القصيد يا عزيزي maksoof

انه مافيش داعي ليها الجوازة من اصله ، اذا كان العريس لا يطاق كما ورد وصفه في القصة

وحكاية البنت هتعنس ، و ضل راجل ، والكلام اللي لا يودي ولا يجيب ده المفروض مجتمعنا يبتدي يركنها شوية على جنب ، رأفة بمشاعر البنات على الأقل

لقد تأخر سن الزواج عند الجنسين عموما في هذه الأيام ،

زمان حصل الموضوع ده وكان سببه ان البلد كانت في حالة حرب والشباب معظمهم راحوا الجيش ، وفرص العمل قلت نتيجة تدهور الاوضاع الاقتصادية من جراء الحرب

دلوقتي ،

تردي الأوضاع الاقتصادية نتيجة سياسات فاشلة وحاجة البلاد إلى تغييرات سياسية جذرية ( وهو ليس موضوعنا ) من اسباب رفع سن الزواج عند الشباب عموما ( ذكورا واناث )

لازم يتكيف المجتمع مع هذه الظروف ويتعامل بواقعية شوية مع المشاكل الناتجة عنها

بالنسبة للشباب مافيش مشكلة اطلاقا ، ايه يعني لما الشاب يتجوز و هو عمره ثلاثين - خمسة وثلاثين سنة أو أكثر

بالنسبة للبنات يصبح المتوسط أقل من متوسط اعمار الشباب ، يعني مثلا ممكن البنت توصل ل 28 - 32 سنة أو أكثر

في مشكلة من كده ؟؟؟

مش الظروف هي اللي حكمت بكده ؟؟؟؟

مش العريس ذو الأخلاق المثالية مش قادر دلوقتي يتجوز ؟ وهو عارف كده ؟؟

مش هي دي ظروف مجتمعنا الحالية ؟؟؟؟

تقوم الأم تيجي تورط بنتها مع انسان لا يطاق عشان فاكرة نفسها بتستر البنت و خلاص ، وقال إيه بتنقذها من شبح وهمي اسمه العنوسة ؟؟؟؟؟!!!!!!!!!

أهو ده بقى اللي غير مقبول على الاطلاق ......... <_<

تم تعديل 26 سبتمبر 2004 بواسطة Tamsite

[Tamsite]

عزيزى Tamsite اهم ما أريد أن أقوله ان هذا ال attitude الذى تقول عليه لن يجعل العلاقة تستمر أبعد من أول خلاف زوجى

و حكاية ( جوازة خلاص ) لن تستمر أبعد من شهر العسل واحتمال بعد ليلة الدخلة مباشرة ،

يعني احتمالات نجاحها 0.000001 %

المهم ألا تولد التجربة نتائج سلبية تتنامى مع الوقت و تستفحل ، مثل وجود الأطفال ....

أنا لا شان لي بأولائك الذين أساؤا الاختيار في زواجهم ، فكل واحد فيهم عاقل وراشد وعليه ان يتحمل كافة النتائج المترتبة على تفكيره ......

أنا همي الأكبر من مداخلاتي هذه ، الأطفال ، أحباب الله ، الذين لا ذنب لهم ، والذين سيتحملون حتميا النتائج السيئة لسوء اختيار أبويهم ....

ووجود الأطفال ( لن ) يجعل الأبوين يتمسكا ببعضهما البعض تحت مظلة الزواج ، لو كانا قد أساءا الاختيار .....

ولنا في ذلك نماذج عديدة في مجتمعنا

تحياتي وتقديري ........

[حشيش]

أخى العزيز سى السيد

تحية طيبة وبعد

مقدمه لسيادتكم الدكتور / حشيش أستاذ العنوسة المساعد بأداب الزقازيق :) ...لقد أحسنت صنعاً ياأخى الفاضل بفتح هذا الموضوع حتى يتثنى لنا نحن المتخصصين توجيه أبنائنا وبناتنا العوانس فى المنتدى إلى ما فيه خيرهم فى الدنيا والأخرة <_<

قبل أن أبدأ فى إسداء النصائح لأبنائنا فى المحاورات أود تصحيح معلومة لإبننا العزيز هامو (وكشمير) بخصوص ما ورد فى كلامه :

وحاجة تانية برده بس دي بتحيرني جدا في بنات اليومين دول البنت أما بتتكرر معاها الرؤية الشرعية أو زيارات الخطاب بتتضايق وأحيانا بترضي بأي حد وخلاص عشان تخلص من موقف الرؤية الشرعية

أقول وبالله التوفيق أن الرؤية الشرعية للفتاة يجب أن تتم فى مرصد حلوان وبحضور محرم لها....وشكراً :blink:

[se_ Elsyed]

أقول وبالله التوفيق أن الرؤية الشرعية للفتاة يجب أن تتم فى مرصد حلوان وبحضور محرم لها....وشكراً  <_< 

حشييييييييييييييييييييييييييييش

أركن في حتة ناشفة بدل ما أضربك ..

هو أنت عشان لحقت أخر سبنسة في القطر .. خلاص بقى هاتقضيها تريقه ... الله يرحم التجربة الفلبينية وكوماستكا وكوماستي .. وعجين الفلاحة ونوم العازب .. آه يا نمرود fsh:: .

[moody00x]

هو أنت عشان لحقت أخر سبنسة في القطر .. خلاص بقى هاتقضيها تريقه ... الله يرحم التجربة الفلبينية وكوماستكا وكوماستي .. وعجين الفلاحة ونوم العازب .. آه يا نمرود

نسيت مشروع الصداقة المصرى اللبنانى كمان يا سى السيد..شو بيلبقلك حبيبى..هيك لكان..كمان بيصير..بدك تاكل العنب ولا تنطر الناطور ؟

<_< :blink:

[G.G]

يعنى قبل ما كنت الوالدة تطلب منك إنك تتدخل (و معاك حق إنك ترفض) يمكن كان أولى بيها إنها تزرع فى بنتها عزة نفس و تفهمها إنها لو ما لاقتش الراجل اللى يناسبها و يحترمها و تحترمه يبقى فى الحالة دى ضل الحيطة أحسن من ضل الراجل مليون مرة و يغور الجواز و سنينه! 

شكرا يا أستاذ مكسوف على الملاحظة دي..بيتهيالي أن هذا هو بيت القصيد ..المجتمع اللي بنتكلم عليه و نحمله المشاكل التي تورث للبنات و تجعلهم يتسرعوا و يخطئوا الإختيار ,ليس إلا الناس الذين من المفترض أن يكونوا أقرب الناس للبنت و أولى الناس بمساعدتها و هم الأباء و الأخوات و الإصدقاء المقربين..لأن باقي أفراد المجتمع ,,المعارف مثلا..أصدقاء العمل ..لا يمكن أن يمثلوا أي مصدر للضغط على البنت لأنهم بعيد عن الموضوع أصلا..في حين أننا نجد أن الأباء و الأخوات هم أول الأفراد الذين يساعدوا على ارساء روح الهزيمة في قلب الفتاة و يجعلها تشعر بموقف ضعف مبالغ فيه كأن الدنيا و ما فيها و كأنها هي شخصيا مهما بلغت من أهمية في المجتمع لا تساوى أى شئ بدون رجل ..أى رجل..

و هناك مقولة

Situations are a matter of mind, if u don't

mind , they don't matter...

و أعتقد أنها يمكن أن تطبق بسلاسة جدا على قصية تأخر الزواج و الطلاق..ليس الخوف منهم إلا شبح و وهم أورثنا أياها مجتمعنا الجاهلي الذي ارتدنا اليه..

تم تعديل 26 سبتمبر 2004 بواسطة G.G

[بنت شعنونة]

http://www.egyptiantalks.org/invb/index.ph...wtopic=1905&hl=

[فــيــروز]

G G كتبت:

لأن باقي أفراد المجتمع ,,المعارف مثلا..أصدقاء العمل ..لا يمكن أن يمثلوا أي مصدر للضغط على البنت لأنهم بعيد عن الموضوع أصلا

مش دايما ..

فى الحقيقه هناك اسر الموضوع بالنسبة لها لا يمثل اى مشكله خاصة انه يعد حاله عامه فى المجتمع .. لكن لو القينا نظره على مساهمات اخونا حشيش مثلا بشان هذا الموضوع هتلاقيه اتكلم عن "العوانس" !! وممكن تلاقى بعض زملاء العمل مثلا بيسالوا : هى فلانه ليه ماتجوزتش رغم انها مستأنسه !! :ph34r: او الجيران مثلا فى الطلعه و النزله : ها يا حبيبتى لسه مفيش حاجه !! <_< والاقارب البعيدين الذين لا ترينهم سوى فى الافراح او المياتم كلما يروك يتفحصوا اصابعك وكأنهم يبحثون عن عيل تايه :blink: الى آخر هذه السخافات التى يمارسها المجتمع ببساطه غريبه فى امور فى الغالب لا تخصه :)

[Sherief AbdelWahab]

السيدات - قبل السادة:

سأبدأ من عبارة جميلة في أغنية بهاء سلطان "قوم اقف لو سمحت وانت بتكلمني" وهي: انت ليه ما بتحبش تسمع انك غلطان؟

للأسف..لم أسمع اعترافا كافيا بأن المرأة قد تكون على خطأ و على الفور هاتك يا مداخلات تحمل الشيكارة فوق كتف الطرف الآخر..

صحيح ما قاله أحد الأفاضل عن المعتقدات الخاطئة في مجتمعنا المصري ولكن ما حدث - كما قتلنا كلاما في مواضيع ذات صلة- أن الفتاة المصرية و لنقل قطاعات كبيرة من المصريات تعاملن بطرق أكثر خطأً..

كثير من الفتيات المصريات لا يعرفن ماذا يردن من الرجل و لا يجدن التعامل معه بعقولهن ، فقط حسب النماذج الرجالية التي صادفن في حياتهن ، فلو كان الأب و الأخ جيدين و صورة الرجل إيجابية في عيون نساء العائلة -بالحق أو بالكذب-تستطيع ضمان تعامل سوي مع الرجل أبا و زوجا و شقيقاً ، و طبعا العكس صحيح ، لأننا و الحمد لله اتربينا على التعميم ووضع الكل في سلة واحدة..

و لا أقول أن الشباب يتعاملون مع الفتيات في ما قبل و بعد الزواج بطريقة ملائكية ، لكني قصدت البقاء داخل الموضوع الذي طرحه عزيزي س س ..

خلص الكلام

[se_ Elsyed]

هى فلانه ليه ماتجوزتش رغم انها مستأنسه

يعني إيه مستأنسة ؟!!!

ها يا حبيبتى لسه مفيش حاجه

لأ معليش يا فيروز بقى .. الجملة دي بتتقال لما تكون واحده متجوز وبقى لها فترة طويلة جداً مثلاً ييجي 3 أسابيع ولسه مش حامل .. فالناس بتبقى قلقانة أحسن يكون في حاجة ... فبيسألوها في الرايحة والجاية عشان يطمئنوا dct::

[فــيــروز]

يعني إيه مستأنسة ؟!!!

يعنى مش مضطر تاخد 21 حقنه لو عضتك .. dct::

لأ معليش يا فيروز بقى .. الجملة دي بتتقال لما تكون واحده متجوز وبقى لها فترة طويلة جداً مثلاً ييجي 3 أسابيع ولسه مش حامل .. فالناس بتبقى قلقانة أحسن يكون في حاجة ... فبيسألوها في الرايحة والجاية عشان يطمئنوا

معلش بقى يا س.س. اسمح لى swar::

انت اكيد عمرك ما مريت بهذه المواقف فماتكحش معايا فيها bxg::

هى بتتقال كده عموما اما الناس تحب تتدخل فيما لا يعنيها "هاه مفيش حاجه" !! على اعتبار ان العريس حاجه .. و الحاجه ام الاختراع .. ييييه قصدى ام العريس bxg::

[mokata3a]

المجتمعات الشرقية آه من المجتمعات الشرقية

ان وقع العجل.. كترت سكاكينه

يا جماعة والله انا شاكك في مصداقية موضوع التقطيم في مجتمعنا ومشاكلنا..

وموال "في أوروبا والبلاد المتقدمة ميعملوش كدة" afr2:

وبعدين مسالة ان البنت تعنس والراجل لأ ليها ارتباطات فسيولوجية هي اللي أفرزت المفهوم ده.. رواسب فترة طويلة كانت البنت فيها لا بتتعلم ولا بتشتغل ولا ليها حياة مستقلة والوقتي الوضع اتغير وبيتغير..

لكن في اعتقادي انه لا موضوع مجتمعات شرقية ولا غربية

كل يوم والتاني نشوف الممثل المشهور الامريكي الفلاني يتزوج من الفنانة الفلانية التي تصغره بعشر سنين

وف كل العالم تلاقي موضوع زواج البنت من اللي أكبر منها رائج وسائد (طبعا اللي بيتجوزوا اصلا)

المهم ان أنا شايف ان الراجل كمان ممكن يفوتوا قطر الجواز وهو تعبير عن احتمالات الالتقاء بطرف مناسب

ومسألة جوازة والسلام هوه نفسه موضوع وظيفة والسلام هوه نفسه موضوع كلية والسلام

احنا بقينا بنتشبث في أي حاجة لأننا لسبب ما ما بقاش عندنا أمل نحارب عشانه وانعكس ده على كل اختياراتنا

ليه مافيش أمل

احساس بالعجز

يمكن ظروف الاقتصاد

مش بس البنت اللي يقدري يشيل يشيل

الناس والذمم كلها بقت تتباع وتتشرى

فيه خلل.. ماعتقدش ان سببه اننا شرقيين

ولكن السبب يمكن اننا كأمة أو كشعب مجروحين وبننزف..

ولما نشم نفسنا نصرخ "مجتمع شرقي متخلف" و"موروث ثقافي مشين" مع ان كوننا شرقيين يمكن هوه الحاجةالوحيدة دلوقتي اللي عندنا اللي ممكن نكون فخورين بيها!

[yasovinas]

والله الجماعه ما قصروا طال عمركم جميعا يعني الكل قال وصال وجال في موضوع فعلا شائك وصعب

بس هل المشكله مشكلة بنت او مجموعه قليله من بنات الجيل ولا مشكله عامه يعني هذه الماساه تتكرر مع بنات كتير من هذا الجيل

انا اظن انها مسأله بسيطه قصدي يعني نسبة بسيطه مش ظاهرة ان البنت دلوقت بتتجوز وخلاص قليل قوي

يعني مش كل البنات بتتجوز عن حب ولا عن معرفه لا كل بنت لها سبب للجواز اللي بتدور على الراحه بعيدا عن الزحمه والزنقه في بيت الاهل واللي بتدور على العريس المليان اللي هيجيب لها الشقة والعربية وشاليه المصيف واللي بتتجوز قبل ما يفوتها القطار واللي اتجوزت عن حب يعني الاسباب كتير بس المسؤوليه هنا على البنت اولا واخيرا

وفي حالتنا دي البنت على ما فهمت متعلمه ومقبوله ومن عيله كويسه يعني ما فيش مشاكل وكمان مش كبيرة 24 سنه طيب ايه اللي يرميها على جوازة واقعه سبحان الله له في خلقه شؤون

[Lighthouse]

نعيب زماننا والعيب فينا

في مجتمع يربي البنت على ان لها دور محدد لابديل له

فهي يجب ان تتزوج

واذا تزوجت فيجب ان تنجب

واذا انجبت فيجب ان يكونوا ذكوراً

وهكذا

لايربيها على ان الجمال ليس في الشكل وحده ولكن بجانب الشكل فهناك الجوهر الذي يجب ان تبنيه من اخلاق وعلم وغيره

ويربيها على ان دورها في الحياة ان تقتنص عريس وخلاص عملا بمبدأ ضل راجل ولا ضل حيطة كما سبق وتفضلتم

واذا تأخرت في الزواج لانها تريد ان تختار رجل بحق وليس مجرد ضل :huh:

يبدأ المجتمع في محاصرتها بألسنة حداد ذهاباً وإيابا <_<

ولاأعرف لماذا ينسى الجميع ان الزواج رزق لاحيلة للعبد فيه ونصيب مكتوب لايمكن التدخل فيه من قبل الناس <_<

وتبدأ سلسلة لاتنتهي من التلميحات السمجة من الاقارب والأباعد وكل من هب ودب ينصب نفسه وصياً عليها وقلبه عليها وعايز يطمئن على مستقبلها .

والكل يتعامل معها على انها مقصرة وكأنها هي من تخطب الرجال يجب محاسبتها على هذا التقصير mfb:

فتضطر البنت حتى تنقذ نفسها من لقب عانس والذي يطلق على الرجل والمرأة على حد سواء ولكن مجتمعاتنا العادلة اختصت به المرأة وحدها إمعانا في إراحتها وتمييزاً لها عن الرجل الذي لايستحق هذا اللقب الجميل mf)

صحيح ان هذه النوعية من البنات المتسرعات ليست كبيرة ولكن من يدري

فربما تؤدي محاصرة المجتمع للبنات بأفكاره الغير سمحة عن عدم الزواج وتحميل البنات فوق طاقتهن وحصر العلاقة الانسانية التي جعلها الله مودة ورحمة في مجرد عريس والسلام ومطلقة افضل من لقب عانس على الاقل المطلقة عرفت تتجوز مش زي العانس الخايبة mf(

هناك عيوب في الانسان سواء رجل أو امرأة يمكن التعايش معها وتقبلها فلاوجود لشخص كامل في هذه الدنيا .

ولكن هناك عيوب لايمكن بأي حال من الاحوال التعايش معها او احتمالها كالبخل والكذب وغيرها من العيوب الغير قابلة للإصلاح .

فلماذا يضطر الانسان للتعايش مع شخص معروف سلفاً ان عيوبه جوهرية ولايمكن التعايش معها mfb:

أمر محير بالفعل

قديما قالوا

قعاد الخزانة ولا جواز الندامة

وخير للبنت الا تتزوج عن ان تتزوج رجل محسوب على كشوف الرجال زورا وبهتانا .

نحن بحاجة لإعادة نظر في الكثير من اساليبنا في الحياة

ومزيد من الايمان بالله والاعتراف بأن الزواج رزق ولا حيلة في الرزق

ربنا يهدي الجميع

[mokata3a]

تحية طيبة

ممكن أشارك في ذبح المجتمع وقيمه

المجتمع الذي يقول للبنت "ضل راجل ولا ضل حيطة" والمجتمع الذي يقول للرجل "ان فاتك الميري اتمرغ في ترابه"

المجتمع الذي يقول " كله محصل بعضه"

يا جماعة احكولي عن مواقفكم انتوا في مواجهة ده..

من كان منكم بلا خطيئة فليرميني بحجر

اللي منكم كافح حتى يدرس الكلية التي تمناها طول عمره

اللي منكم استنى حتى تأتي الوظيفة المثالية لأحلامه

اللي منكم واجه ظلم وجبروت رئيسه في العمل ووقاحة أستاذه في الجامعة

اللي منكم قال "كله مش محصل بعضه"

هو ده الشخص الوحيد اللي من حقه يشارك في ذبح المجتمع

آآآه يا مجتمع <_<

[maksoof]

واذا انجبت فيجب ان يكونوا ذكوراً

دى كويسة قوى!

و لما الستات يخلفوا جيل كامل من الذكور يبقى أحفادهم حايجوا منين؟

والله أنا ما أرضى إنى أستبدل بنتى و لا حتى بمليون ولد!

عموما على حسب معلوماتى الضئيلة عن الEmbryology فالراجل هو اللى بيحدد جنس الجنين مش المرأة .. إلا لو كان حد إكتشف نظرية جديدة بعد ما درست المادة دى.

[Lighthouse]

واذا انجبت فيجب ان يكونوا ذكوراً

دى كويسة قوى!

و لما الستات يخلفوا جيل كامل من الذكور يبقى أحفادهم حايجوا منين؟

والله أنا ما أرضى إنى أستبدل بنتى و لا حتى بمليون ولد!

عموما على حسب معلوماتى الضئيلة عن الEmbryology فالراجل هو اللى بيحدد جنس الجنين مش المرأة .. إلا لو كان حد إكتشف نظرية جديدة بعد ما درست المادة دى.

طيب ايه رأيك يامكسوف بقى ان لنا صديق للاسرة

المفروض انه رجل متعلم ويشغل مركز مرموق وعنده 3 بنات كل واحدة تشرح القلب الحزين

وهو نفسه ينجب ولد

ولولا ان زوجته اهلها ذوي سطوة كان تزوج عليها منذ زمن من اجل انجاب الولد

والله غلبت افهمه ان الرجل هو المسؤول عن تحديد جنس المولود ولا حياة لمن تنادي :o

[amir]

قديما قالوا

قعاد الخزانة ولا جواز الندامة

يعنى ايه خزانه ؟ :o

ممكن تضيفى السؤال ده للمسابقه اللغويه