انتي جاية اشتغلي ايه؟؟؟؟؟؟؟؟؟؟

[pink rose]

لو ما كنتش انت انت

لا ....... لا

مش دي

لو ما كنتش بشتغل اللي بتشتغله

كنت تحب تشتغل ايه؟

كتير مننا بسبب ظروف خارجة عن الارادة ما اشتغلش اللي كان نفسه يشتغله او اللي كان يحب يشتغله

ايه رأيكم

كل واحد فينا يقول كان نفسه يشتغل ايه

عن نفسي كان نفسي اشتغل في التنقيب عن الاثار

العلم دا بيبهرني

اصلا لو كان ينفع نختار نعيش في انهى زمن

كان هايكون ليا اختيارين

الاول اعيش ايام الرسول عليه الصلاة و السلام

التاني ايام الفراعنة و مش اي وقت لا وقت ما احمس طرد الهكسوس

عشان تعرفوا ان الواحد الثورة في دمه و احلامه من زمان هههههههههههههههه

طبعا بابا رفض رفضا قاطعا دخول كلية آثار لانها في القاهرة و كمان على اعتبار اني هاضيع منه و اعيش مع السياح كل يوم في مكان

و حتى لما دخلت كلية أداب قسم أثار في اسكندرية قعدت اقوله مش هاشتغل هادخل ادرس بس و ما صدقت وافق

جم البهوات دكاترة القسم عملوا تصفية بعد اسبوعين بس من الدراسة و رزعونا امتحانين لاتيني و يوناني كاننا جايين من اثينا في كرتونة bsh:)

و طبعا اللي نجحوا اللي كان بياخدوا درس في المادتين دول

و بعدها ضاع الحلم يا ولدي و قولت مش فارقة اي قسم تاني و دخلت مكتبات :sad:

هاااااااا انتوا كان نفسكم تشتغلوا في اي مجال؟؟؟؟؟؟

تم تعديل 2 يوليو 2011 بواسطة pink rose

[rewsha]

كان نفسي ادخل السن

بس فرقت معايا على نُص في الميه

كان ترتيب الكليات عندي في التنسيق اعلام_السن_اثار _تربيه

ودخلت اثار جامعة القاهره

(وش واحده مطلعه لسانها وبتغيظ بينك روز)

انا بقى عكسك خالص .مش باحب التاريخ نهائي

اللي هون عليه ايام الدراسه هيه المواد التانيه اللي كنا بناخدها (هيروغليفي) (هيراطيقي) (ابطي) وتاريخ الفنون

كان نفسي بقى ادخل قسم ترميم لما دخلت اثار ....لان الكليه 3 اقسام

اثار مصريه واثار اسلاميه وقسم ترميم

ودخلته اسبوعين زي ما انت يا بينك روز دخلتي قسم الاثار

بيس احنا ما عملوش تصفيه بقى

انا اللي سيبته رغم اني كنت عاوزاه .لان السكاشن كانت بتتاخر قوي وممكن نقعد ب6 ساعات في السكشن الواحد

ولاني الوحيده اللي جبت مجموع يدخلني اثار من مدرستي في ثانوي

ماكانش ليه اصدقاء نروح ونرجع مع بعض

فاُجبرت اني اختار قسم اثار مصريه بدل ترميم علشان الرجوع متاْخر (خصوصا في الشتاء)

[أمل حياتي]

عزيزتي pink rose

اقترح تعديل العنوان عشان يبقى الموضوع أوضح

وشكرا على طرحك موضوع مميز ومشوق ولي عودة لاحقه له

[لماضة مصرية جدا]

السلام عليكم و رحمة الله و بركاته

انتي جاية اشتغلي ايه..(وش ماري منيب و هي مصمدة وشها وواقفة في الشباك)

سوااااااااااااقة..(وش بديع خيري و هو بيلطم :lol: )

انا قريت التوبيك و بعدين قعدت انا و اناو لقيت حاجة غريبة جدا و قاعدة احمد ربنا عليها لانها نعمة كبيرة اوي

مافيش حاجة كان نفس اشتغلها الا لما فعلا اشتغلتها

لو مكنشي ده بشكل رسمي كنت بعمله بشكل تطوعي

كان نفسي اشتغل مع الاطفال اللي عندهم لوكيميا و الحمد لله ربنا وفقني

كان نفسي ابقي مدربة اقعد انكش في دماغ اللي قدامي..."و الحمد لله مدربة مهارات تفكير"

كان نفسي اشتغل في التنمية الانسانية و الحمد لله ربنا كرمه عليا كبير اوي

كان نفسي اشتغل اي حاجة ليها علاقة بالرغي و الحواديت....و اديني هارياكم رغي اهوت

اينعم كل ده مياكلشي عيش و لا كرواسون حتي

بس سؤالك خلاني اسال نفسي

انا عايزة اشتغل ايه

و ده لسه كانت العميدة بتاعتي بتقولي عليه

لازم نوصل لمرحلة في الكاريير انك تشتغلي حاجة تشبه روحك...حاجة تشبه ملامحك

الي فعلا بفكر فيه و متاكدة ان ربنا هيحققهولي

ان اشتغل في مجال الاغاثة الدولية...(راسلت اكتر من مرة منظمة اطباء بلا حدود) بس طبعا طلبي غير منطقي لاني مش طبيبة

بس نفسي اشتغل في اي منطقة فيها كوارث...(يا ساتر يا رب..ايه البنت الفقر ديت...سمعاكي انا ع فكرة :lol: )

و جاتلي فرصة في الشغل بتاعي في مصر ان احنا نروح افغانستان و اتطوعت فعلا بس قالولي مش راح ينفع انتي بنت...(وش سعاد حسني و هي هتمسك المكرفون و تقول البنت زي البتاع...ماهياش بتاع)

نفسي اشتغل حاجة دلوقتي ليها علاقة بالاعلام و الافلام الوثائقية....و ابتديت الموضوع دوت بس برضه واخداها بشكل تطوعي مش رسمي و ده اللي بيخلي الامور تبقي ابطا عندي شوية

نفسي اعمل مؤسسة كبيرة...(يعني اوضة و صالة و عفشة ميه...) اسميها فضفضة....الولاد الصغيرين يجوا يلعبوا فيها...و الستات تيجي تتعلم ازاي تقرا افضل ما فيها....و الرجالة مالهومشي لزمة هخليهم يمسكوا البوابة :lol:...قصدي و الرجالة هحاول بس مقدرشي اوعد اني افكك العقد النفساوية المتاصلة جوه تلافيف تلافييف المخيخ الايسر

مش عارفة الشغلانة دي ايه و لا اسمها ايه

بس اللي عايزاه انها تبقي زي المصنع الصغير بدل ما يطلع بواكي شمعدان و علب رابسو...يطلع بني ىدمين متصالحين مع نفسهم و مع الدنيا و لربنا ااقرب

الحاجة الاخرانية علشان انا شايفاكي عمالة توزغديني في كتفي و تشدي من الماكرفون

انا نفسي ابيع جرايد

ايون

بس اعمل كده كشك صغير يبقي فيه كتب من مختلف المجالات

و يبقي فيه كافيه

الناس تيجي و تقرا

و تحط الكتب هي من عندها

و يتناقشوا

ايون و اعمل مشرفة و ادي انذارات و كدهوت :lol:

لا ميكونشي بس مكان كتب و لا جرايد يكون شباك علي العالم الناس تيجي تغير فيه افكارها او تعدلها و تمشي

و برضه مش عارفة ده هيبقي اسمه ايه...(بس بكلم صاحبتي في كندا..قالتلي بيعجبني فيكي طموحك يا لماضة...من التدريس بالجامعة لبياعة جرايد :lol: )

دلوقتي اقدر اسيب المكرفون و مش عارفة حد فهم حاجة..من الوظايف دي اللي ملهاشي اسم

بس نفسي

و متاكدة اني في يوم راح اعملها....ازاي مش عارفة؟؟

اتفضلي المكرفون

و معانا بنتنا الورد القرمزية...(وش حد بيطلع لسان و بيجري و بعدين لبس في الحيط :lol: )

[طارق مصرى]

مهندس ميكانيكا يا ست هااااااااااانم ...

[ابراهيم عبد العزيز]

لو لم اكن اعمل فى مهنتي الحالية

كنت سأعمل بوظيفة HR

Human Resources Development Officer

فأنا أعشق علم ادارة وتنمية الموارد البشرية

وأراها ادارة تعاني من الاهمال (على الرغم من اهميتها العظمى) فى كثير من المؤسسات المالية ( باستثناء المؤسسات الكبرى ) مع انها ترتبط ارتباط وثيق بالموظف وراحته النفسية والمادية والادبية مما ينعكس على غزارة انتاجه فى العمل بالسلب او الايجاب

تم تعديل 3 يوليو 2011 بواسطة ابراهيم عبد العزيز

[عبير يونس]

ايون و اعمل مشرفة و ادي انذارات و كدهوت :lol:

...(وش حد بيطلع لسان و بيجري و بعدين لبس في الحيط :lol: )

حكمتك يارب

اهي جات من عند ربنا

عملتش انا حاجة

هو دايما كده اللي بيجي عليا مبيكسبش

( وش واحدة باصة لفوق و رافعة ايديها مبدية إصبعي السبابة)

انا بقى

كان نفسي اوي اكتفي بالثانوية العامة و اتجوز و اتستت

بس كان مستحيل يبقى والدي دكتور جامعة و انا اعمل كده:lol:

بصراحة والدي هو اللي اختار

لأني مكنتش مختارة طريقي

بصراحة كنت بأحب كل المواد

و دخلت علمي و كنت مفتقدة التاريخ و الجغرافيا جدا

بأحب كل الألوان

بأحب كل حاجة في الدنيا

:lol:

كان نفسي ابقى باليرينة

و كان نفسي ابقى فنانة استعراضية و اعمل الفوازير

و كان نفسي ابقى صحفية

و كان نفسي ابقى أديبة و مفكرة ( لا مش اجندة)

و كان نفسي أبقى مذيعة (قارئة نشرة)

كنت سريعة اوي في الحساب

و احسب بسرعة جدا قبل ما البياع يحسب على الآلة الحاسبة

و كنت بأحفظ أرقام التيلفونات ( دلوقتي بح طبعا)

و يمكن ده اللي خللى بابا يعتقد اني ممكن أبقى محاسبة :lol:

هو اللي اختار لي كلية تجارة و هو اللي اختار لي قسم محاسبة

استفدت من دراستي جدا في حياتي

بس محبتش اشتغل محاسبة

يمكن احباط من التقدير الشعبي المحترم

زملائي اخدوا دبلومات

بس انا اتجهت للعمل في التدريس

مش حأحكي القصة الفقر دي

( انظر الكتاب ص http://www.egyptiantalks.org/invb/index.php?showtopic=79465&view=findpost&p=661905)

المهم

اشتغلت في حاجات كتير

تجربة العمل في التلفزيون طبعا رغم قصرها افادتني كثيرة

فقد عملت 6 شهور فقط و توقفت لحملي و انجابي الكتكوتة الصغيرة

عملي كان في محطة مكة المكرمة

و على حظي كانوا قاعدين في المباني القديمة و بيبنوا المبنى الجديد

فكانت الامكانيات بدائية جدا و همة موظفين اتنين في المونتاج قدام اجهزة بدائية جدا

و كنت بأقعد 3 ساعات مع المونتير عشان تقرير مدته 5 دقائق

كنت بأعمل التقرير من الألف للياء

و عملت فويس اوفر voice over

و هو طبعا التعليق الصوتي

و صعوبته اننا مبنبقاش شايفيين المشاهد اللي بنعلق عليها

بنسجلها في الاستوديو بتوقيت معين

و نتخيل المشاهد

طبعا لأن دي تجربتي الوحيدة

فمعرفش اذا كان المعلقين بيبقوا شايفين اللي بيعلقوا عليه و الا لأ

طبعا مفيش اهتمام بالبرامج الانجليزي في مكة

النشاط كله في المحطة الرئيسية في الرياض

مكنش عندنا غير تقارير نرسلها لهم

و البرنامج اليتيم Spot Light Show :sad:

الترجمة جميلة و احلى حاجة فيها ان منك للكلام اللي قدامك

احيانا كتير يبيقى نفسي مافتحش بقي بكلمة و اشتغل من غير كلام

و طبعا ده مخالف لمهنتي الحالية كمدربة لغة :lol:

بعد قراءتي لكتاب أسرار المليونيرات

تغيرت نظرتي لمفهوم الوظيفة الذي كنت أبحث عنها

وأخطط جديا أن يكون لي عملي الخاص

[Dreamwithme]

بصي بقي يابينك روز سؤالك ده فجأني بصراحة

لأني لما فكرت فيه لقيتني دخلت الكلية اللي كان نفسي فيها وأشتغلت في الكاريير اللي في وجهة نظري الأفضل في مجال دراستي

لكن بالرغم من كده إنتي عارفة البني آدم مايملاش عينه غير التراب لقياني مش مستمتعة ومش مبسوطة

ما علينا لو في عالم آخر ودنيا ثانية كان نفسي أشتغل زي ما الأخت لماضة قالت بياع جرائد بس علي كبير شوية

نفسي أفتح مكتبة وأقعد فيها ودي تيقي كل حياتي ببساطة بين الكتب بس للأسف مش هأقدر أبيع الكتب لكن هأسيب الناس تقرأها ببلاش وترجعها تاني

وبرضه كان نفسي أشتغل مزارعة ....أينعم فلاحة يعني ...زي الجدة بطة (من غير ضحك من فضلك ) يبقي عندي مزرعة كبيرة واسعة فيها خضرة وحيوانات

بس هتقابلني مشكلة إني مش هأقدر أكل من الحيوانات دي عشان هيكونوا أصحابي :closedeyes:

وكان نفسي أفتح محل ورد وأعيش بين الزهور فقط لا غير

وكان نفسي أكون مذيعة وأهري الناس كلام لغاية ما يغيروا المحطة :P

كفاية كده وأسيب الميكرفون للزبون التالي

[raouf]

انا بقى تقريبا عكس كل الناس

الحمد لله طول عمرى من اوائل المدرسة والادراة التعليمية التابع لها

كان نفسى ادخل هندسة بس باحلم ادخل سياسة واقتصاد

رغم انى فى الثانوية كنت علمى لكنى كنت باعشق حاجة اسمها تاريخ وجعرافيا

واكثر ما اكرهه هى الاحياء والكيمياء

المهم دخلت علمى وجبت مجموع طب كمان

وجه مكتب التنسيق

وقامت الخناقة كل اهلى يا ابنى اكتب طب او صيدلة ( الموضة على ايامنا لان مرتبتها وشغلها كان مظلوب ) وكل اهلى فى جهة وانا مصر انى ولا انفع دكتور وةلا صيدلى

بس داخلى كان فيه خناقة تانية وهى هندسة ولا سياسة واقتصاد

وللاسف اللى حسم الموضوع انى شفت عدد من خريحى سياسة واقتصاد بيشتغلوا مدرسين فاخترت الهندسة

هاقول سر ومحدش يضحك طول عمرى كنت باحلم انى هابقى رئيس جمهورية مصر وكنت بابنى ثقافتى على كده بس طبعا اصطدمت بالواقع الاليم بوجود حكومة تقتل اى كفاءة او حلم

المهم انا قلت انى باكره الاحياء والكيمياء تشاء الظروف انى باشتغل مع الاطباء لان شغلى فى ادراة المستشفيات والاجهزة الطبية بس الحمد لله مبدع فى عملى ولا يوحد فى تخصصى الا من يتعدون على اصابع اليد الواحدة

تفتكروا حلمى القديم ممكن يتحقق هههههههههههههه وساعتها هاعين كل واحد منكم وزير

[Ihab Adel]

خلصت صيدلة......فى البداية دخلتها علشان المجموع........بس بعد كده اعتقد انها تستاهل ان الواحد يهتم بيهاbv:-bv:-

تم تعديل 3 يوليو 2011 بواسطة Ihab Adel

[capitshino]

ظابط شرطة بالمطار

علشان اقبض على تيمور او ما ينزل .

[Hisham]

في احوال كتيره ربنا سبحانه بيغير مسار الانسان في حياته بحاجات توقفه ممكن يعتقد انها عراقيل وتوجهه في اتجاه مخالف يتضح بعدها انه افضل له وتحياتي

[امير مجروح]

انا كان نفسى وأمل حياتى ادخل الكلية الحربيةلأنى بحب الحياه العسكرية لدرجة إنى قدمت فيها مرتين .

بعد نتيجة الثانوية قدمت فى الحربية ودى كانت المرة الاولى ومادخلتش بصراحة انازعلت وبكيت اه والله بكيت ..وبعد كده كنت عاز ادخل كية تجارة وكتبت فى الرغبات بتاعت مكتب التنسيق اول 20 رغبة تجارة بمختلف الجامعات والحمد لله جاتلى اول رغبة كتبتها وهى تجارة قنا وبعد اول سنة فى الجامعة قدمت فى الحربية وهى دى المرة الثانية وبرضه ما دخلتش بس وكملت تجارة وحبيت المحاسبة ودخلت قسم محاسبة وبعدين اتخرجت .

وكان فى عقد عمل محاسب فى انتظارى فى جده واحد قريبى جايبهولى فى الشركة الى بيعمل فيها من صاحب الشركة والفيزا مجانا يعنى بسعر رمزى وصاحب الشركة كان منتظر موقفى من التجنيد لاكن للاسف ضاع العقد ودخلت الجيش كان نفسى اشتغل محاسب وادى فرصة ضاعت والفرصة ما تجيش غير مره واحدة

[pink rose]

يا اهلا يا اهلا بكل الاخوة اللي نوروا الموضوع

بصوا بقى بما ان الكل طلع اللي قلبه

خصوصا الاخت بياعة الجرايد و اهرام اخبار جمهورية

و نانا بطة قصدي دريمي هانم

هاقولكم اللي في مكنونات و معاميق معاميقي

انا عاوزة اشتغل في محل دهب

او محل قماش

:closedeyes:

طبعا هاتقولوا ايه لم الشامي ع المغربي :blink:

اقولكم لون الدهب و اشكاله يجنن

كمان قماشات السهرة الوانها و اشكالها تعقد

البريق اللي بيطلع من الاتنين بيتعبلي اعصابي بجد :blush2:

و بيبقى يوم الهنا لما انزل شارع فرنسا في اسكندرية الف على محلات الدهب و اقوم مخرمة على الزنقة و اعيش في محلات القماش :wub:

ليه كده؟؟؟؟؟؟؟؟؟؟؟؟؟؟

ليه عملتوا فيا كده انا كنت في الاول باتكلم عن التنقيب عن الاثار و كنت لابسة برنيطة زي بتاعت عمو زاهي حواس و شكلي كان لطيف اهو بسببكم دخلنا على الزنقة bsh:)

[pink rose]

كان نفسي ادخل السن

بس فرقت معايا على نُص في الميه

كان ترتيب الكليات عندي في التنسيق اعلام_السن_اثار _تربيه

ودخلت اثار جامعة القاهره

(وش واحده مطلعه لسانها وبتغيظ بينك روز)

انا بقى عكسك خالص .مش باحب التاريخ نهائي

اللي هون عليه ايام الدراسه هيه المواد التانيه اللي كنا بناخدها (هيروغليفي) (هيراطيقي) (ابطي) وتاريخ الفنون

كان نفسي بقى ادخل قسم ترميم لما دخلت اثار ....لان الكليه 3 اقسام

اثار مصريه واثار اسلاميه وقسم ترميم

ودخلته اسبوعين زي ما انت يا بينك روز دخلتي قسم الاثار

بيس احنا ما عملوش تصفيه بقى

انا اللي سيبته رغم اني كنت عاوزاه .لان السكاشن كانت بتتاخر قوي وممكن نقعد ب6 ساعات في السكشن الواحد

ولاني الوحيده اللي جبت مجموع يدخلني اثار من مدرستي في ثانوي

ماكانش ليه اصدقاء نروح ونرجع مع بعض

فاُجبرت اني اختار قسم اثار مصريه بدل ترميم علشان الرجوع متاْخر (خصوصا في الشتاء)

سبحان الله

شوفي يا بنتي يا روشةحكمة ربنا

انا كنت هاموت على آثار و ما دخلتهاش

و انتي دخلتيها و انتي عاصرة على نفسك لمونة

فاكرة كلمة عم فاج الدنيا ما بتديش محتاج

بتاعت الف ليلة و ليلة بتاعت شريهان فاطيمة و حليمة و كاويمة

اهو فعلا سبحان الله

ربنا بيقسم الحاجة و يرضي الناس بيها

عن نفسي كنت راضية بمكتبات لان الكلية طوحتني على فلسفة بعد الامتحان اياه

فا تبقى مكتبات اقضى اخف من قضى

[pink rose]

عزيزتي pink rose

اقترح تعديل العنوان عشان يبقى الموضوع أوضح

وشكرا على طرحك موضوع مميز ومشوق ولي عودة لاحقه له

الفاضلة امل حياتي

كل ما اشوف اسمك افتكر الست ام كلثوم و دا بيسبب لي سعادة بالغة

نورتي موضوعي المتواضع

بصي يا ستي بالنوسبة للعنوان

فا دا افيه معروف جدا من مسرحية للرائعة ماري منيب

و انا اخدته كتعبير عن الشغل يعني

و بما ان الموضوع خفيف فا اعتبريه كده زي عامل جذب للزباين

زي الجرايد تلاقي المانشيت كده يشدك و ساعات كتير تدخلي تقري تلاقي الموضوع لا علاقة له بالعنوان

لكن انا على الاقل العنوان له علاقةبالشغل

عموما لو العنوان شاف اغلب الاخوة ان غير مناسب ما فيش مشاكل اغيره

نحن الان في بلد ديموقراطي و انا باحترم رأي الاغلبية

يا ريت يا جماعة لو شايفين العنوان مش ماشي مع الوضوعقولولي و انا اطلب من الادارة تغيره

انما دا لا يمنع حتى يتم انك تنورينا بمداخلاتك عن كنتي نفسك تشتغلي ايه

[pink rose]

السلام عليكم و رحمة الله و بركاته

انتي جاية اشتغلي ايه..(وش ماري منيب و هي مصمدة وشها وواقفة في الشباك)

سوااااااااااااقة..(وش بديع خيري و هو بيلطم :lol: )

انا قريت التوبيك و بعدين قعدت انا و اناو لقيت حاجة غريبة جدا و قاعدة احمد ربنا عليها لانها نعمة كبيرة اوي

مافيش حاجة كان نفس اشتغلها الا لما فعلا اشتغلتها

لو مكنشي ده بشكل رسمي كنت بعمله بشكل تطوعي

كان نفسي اشتغل مع الاطفال اللي عندهم لوكيميا و الحمد لله ربنا وفقني

كان نفسي ابقي مدربة اقعد انكش في دماغ اللي قدامي..."و الحمد لله مدربة مهارات تفكير"

كان نفسي اشتغل في التنمية الانسانية و الحمد لله ربنا كرمه عليا كبير اوي

كان نفسي اشتغل اي حاجة ليها علاقة بالرغي و الحواديت....و اديني هارياكم رغي اهوت

اينعم كل ده مياكلشي عيش و لا كرواسون حتي

بس سؤالك خلاني اسال نفسي

انا عايزة اشتغل ايه

و ده لسه كانت العميدة بتاعتي بتقولي عليه

لازم نوصل لمرحلة في الكاريير انك تشتغلي حاجة تشبه روحك...حاجة تشبه ملامحك

الي فعلا بفكر فيه و متاكدة ان ربنا هيحققهولي

ان اشتغل في مجال الاغاثة الدولية...(راسلت اكتر من مرة منظمة اطباء بلا حدود) بس طبعا طلبي غير منطقي لاني مش طبيبة

بس نفسي اشتغل في اي منطقة فيها كوارث...(يا ساتر يا رب..ايه البنت الفقر ديت...سمعاكي انا ع فكرة :lol: )

و جاتلي فرصة في الشغل بتاعي في مصر ان احنا نروح افغانستان و اتطوعت فعلا بس قالولي مش راح ينفع انتي بنت...(وش سعاد حسني و هي هتمسك المكرفون و تقول البنت زي البتاع...ماهياش بتاع)

نفسي اشتغل حاجة دلوقتي ليها علاقة بالاعلام و الافلام الوثائقية....و ابتديت الموضوع دوت بس برضه واخداها بشكل تطوعي مش رسمي و ده اللي بيخلي الامور تبقي ابطا عندي شوية

نفسي اعمل مؤسسة كبيرة...(يعني اوضة و صالة و عفشة ميه...) اسميها فضفضة....الولاد الصغيرين يجوا يلعبوا فيها...و الستات تيجي تتعلم ازاي تقرا افضل ما فيها....و الرجالة مالهومشي لزمة هخليهم يمسكوا البوابة :lol:...قصدي و الرجالة هحاول بس مقدرشي اوعد اني افكك العقد النفساوية المتاصلة جوه تلافيف تلافييف المخيخ الايسر

مش عارفة الشغلانة دي ايه و لا اسمها ايه

بس اللي عايزاه انها تبقي زي المصنع الصغير بدل ما يطلع بواكي شمعدان و علب رابسو...يطلع بني ىدمين متصالحين مع نفسهم و مع الدنيا و لربنا ااقرب

الحاجة الاخرانية علشان انا شايفاكي عمالة توزغديني في كتفي و تشدي من الماكرفون

انا نفسي ابيع جرايد

ايون

بس اعمل كده كشك صغير يبقي فيه كتب من مختلف المجالات

و يبقي فيه كافيه

الناس تيجي و تقرا

و تحط الكتب هي من عندها

و يتناقشوا

ايون و اعمل مشرفة و ادي انذارات و كدهوت :lol:

لا ميكونشي بس مكان كتب و لا جرايد يكون شباك علي العالم الناس تيجي تغير فيه افكارها او تعدلها و تمشي

و برضه مش عارفة ده هيبقي اسمه ايه...(بس بكلم صاحبتي في كندا..قالتلي بيعجبني فيكي طموحك يا لماضة...من التدريس بالجامعة لبياعة جرايد :lol: )

دلوقتي اقدر اسيب المكرفون و مش عارفة حد فهم حاجة..من الوظايف دي اللي ملهاشي اسم

بس نفسي

و متاكدة اني في يوم راح اعملها....ازاي مش عارفة؟؟

اتفضلي المكرفون

و معانا بنتنا الورد القرمزية...(وش حد بيطلع لسان و بيجري و بعدين لبس في الحيط :lol: )

بصي يا ريهام هانم

في الاول كده كلمتين جد صغيرين عشان ما بقاليش تقل عليه بقى يعملي حموضة انما لازمن يتقالوا

كل ما باشوف مداخلاتك و كلامك و طموحاتك باقول يا ريت شبابنا كلهم يبقوا زيك كده بيكم البلد هاتبقى حاجه كبيرة اوي

يرجع مرجوعنا بقى لعريضة الدعوى اللي حضرتك كاتباها

يعني انتي حاطالي cv تسد عين الشمس ما شاء الله ربنا يزيد و يبارك

و تيجي في اخرتها تقوليلي بياعة جرايد؟

و تعملي زي الست ماجدة الصباحي تمشي تلفي في الشوارع و اخبار اهرام جمهورية و حطة يا بطة يا فلفل شطة فلفل

طب الواحد يدعيلك بايه دلوقتي لما انتي متشحتفة كده على الشغلانة دي

روحي يا لماضة يا بنتي الهي و انت جاهي

وش وش وش وش وش

دي الدعوة بس سرية عشان تستجاب ان شاء الله

و ربنا دعوة حلوة يا بت يا لماضة ربنا يجعلها من حدك و من نصيبك

[pink rose]

مهندس ميكانيكا يا ست هااااااااااانم ...

عارف يا استاذ طارق

حضرتك عملتلي صدمة حضارية دلوقتي

يعني انا عمالة اقرأ المعلقات السبع لصاحبتهم

لماضة كعب الغزال

و انزل شوية اتنقل لعصر لسرعه

و الاقي حضرتك كاتبلي سطر مكون من اربع كلمات

يا جماعة راعوا اني عندي طفلة و عاوزة اربيها

بص يا استاذ طارق ما ينفعش شغل عمو فؤاد و كلمتين و بس هنا نوهائي

مستنين مداخلة تانية لحضرتك تعيد التوازن الزمني للتوبيك

و تحكي و تفضفض كده براحتك

[pink rose]

لو لم اكن اعمل فى مهنتي الحالية

كنت سأعمل بوظيفة HR

Human Resources Development Officer

فأنا أعشق علم ادارة وتنمية الموارد البشرية

وأراها ادارة تعاني من الاهمال (على الرغم من اهميتها العظمى) فى كثير من المؤسسات المالية ( باستثناء المؤسسات الكبرى ) مع انها ترتبط ارتباط وثيق بالموظف وراحته النفسية والمادية والادبية مما ينعكس على غزارة انتاجه فى العمل بالسلب او الايجاب

نورت يا استاذ ابراهيم

فعلا ادارة تنمية الموارد البشرية من اهم الادارات

لان لو الموظف مخنوق ابدا مش هايقدر ينتج

تحياتي يا فندم

[pink rose]

ايون و اعمل مشرفة و ادي انذارات و كدهوت :lol:

...(وش حد بيطلع لسان و بيجري و بعدين لبس في الحيط :lol: )

حكمتك يارب

اهي جات من عند ربنا

عملتش انا حاجة

هو دايما كده اللي بيجي عليا مبيكسبش

( وش واحدة باصة لفوق و رافعة ايديها مبدية إصبعي السبابة)

انا بقى

كان نفسي اوي اكتفي بالثانوية العامة و اتجوز و اتستت

بس كان مستحيل يبقى والدي دكتور جامعة و انا اعمل كده:lol:

بصراحة والدي هو اللي اختار

لأني مكنتش مختارة طريقي

بصراحة كنت بأحب كل المواد

و دخلت علمي و كنت مفتقدة التاريخ و الجغرافيا جدا

بأحب كل الألوان

بأحب كل حاجة في الدنيا

:lol:

كان نفسي ابقى باليرينة

و كان نفسي ابقى فنانة استعراضية و اعمل الفوازير

و كان نفسي ابقى صحفية

و كان نفسي ابقى أديبة و مفكرة ( لا مش اجندة)

و كان نفسي أبقى مذيعة (قارئة نشرة)

كنت سريعة اوي في الحساب

و احسب بسرعة جدا قبل ما البياع يحسب على الآلة الحاسبة

و كنت بأحفظ أرقام التيلفونات ( دلوقتي بح طبعا)

و يمكن ده اللي خللى بابا يعتقد اني ممكن أبقى محاسبة :lol:

هو اللي اختار لي كلية تجارة و هو اللي اختار لي قسم محاسبة

استفدت من دراستي جدا في حياتي

بس محبتش اشتغل محاسبة

يمكن احباط من التقدير الشعبي المحترم

زملائي اخدوا دبلومات

بس انا اتجهت للعمل في التدريس

مش حأحكي القصة الفقر دي

( انظر الكتاب ص http://www.egyptiantalks.org/invb/index.php?showtopic=79465&view=findpost&p=661905)

المهم

اشتغلت في حاجات كتير

تجربة العمل في التلفزيون طبعا رغم قصرها افادتني كثيرة

فقد عملت 6 شهور فقط و توقفت لحملي و انجابي الكتكوتة الصغيرة

عملي كان في محطة مكة المكرمة

و على حظي كانوا قاعدين في المباني القديمة و بيبنوا المبنى الجديد

فكانت الامكانيات بدائية جدا و همة موظفين اتنين في المونتاج قدام اجهزة بدائية جدا

و كنت بأقعد 3 ساعات مع المونتير عشان تقرير مدته 5 دقائق

كنت بأعمل التقرير من الألف للياء

و عملت فويس اوفر voice over

و هو طبعا التعليق الصوتي

و صعوبته اننا مبنبقاش شايفيين المشاهد اللي بنعلق عليها

بنسجلها في الاستوديو بتوقيت معين

و نتخيل المشاهد

طبعا لأن دي تجربتي الوحيدة

فمعرفش اذا كان المعلقين بيبقوا شايفين اللي بيعلقوا عليه و الا لأ

طبعا مفيش اهتمام بالبرامج الانجليزي في مكة

النشاط كله في المحطة الرئيسية في الرياض

مكنش عندنا غير تقارير نرسلها لهم

و البرنامج اليتيم Spot Light Show :sad:

الترجمة جميلة و احلى حاجة فيها ان منك للكلام اللي قدامك

احيانا كتير يبيقى نفسي مافتحش بقي بكلمة و اشتغل من غير كلام

و طبعا ده مخالف لمهنتي الحالية كمدربة لغة :lol:

بعد قراءتي لكتاب أسرار المليونيرات

تغيرت نظرتي لمفهوم الوظيفة الذي كنت أبحث عنها

وأخطط جديا أن يكون لي عملي الخاص

ما شاء الله

ايه يا بنتي اتحاد قوى الشعب العامل دا

باستغرب اوي من اللي يشتغل في 100 شغلانة و ببقى نفسي اعرف احساسه ايه

يعني يكون خريج حاجة و يشتغل حاجة تانية خالص و هو اصلا بيحب حاجة تالتة خالص

اكيد طبعا هايكتسب خبرة كبيرة و اظن دي الميزة و المكسب اللي هايطلع بيه في حياته

ربنا يوفقك يا مصرية يا بنتي

و ابقى قوليلي حوار المشروع الخاص دا اخر تطوراته ايه