انتي جاية اشتغلي ايه؟؟؟؟؟؟؟؟؟؟

[pink rose]

بصي بقي يابينك روز سؤالك ده فجأني بصراحة

لأني لما فكرت فيه لقيتني دخلت الكلية اللي كان نفسي فيها وأشتغلت في الكاريير اللي في وجهة نظري الأفضل في مجال دراستي

الحمدلله دي نعمة من ربنا يا دريمي انك تشتغلي اللي بتحبيه

لكن بالرغم من كده إنتي عارفة البني آدم مايملاش عينه غير التراب لقياني مش مستمتعة ومش مبسوطة

لا ما يمكن دا مجرد زهق او ملل من روتين معين

ما علينا لو في عالم آخر ودنيا ثانية كان نفسي أشتغل زي ما الأخت لماضة قالت بياع جرائد بس علي كبير شوية

لا دي كده فرة و صابت شباب مصر

نفسي أفتح مكتبة وأقعد فيها ودي تيقي كل حياتي ببساطة بين الكتب بس للأسف مش هأقدر أبيع الكتب لكن هأسيب الناس تقرأها ببلاش وترجعها تاني

فكرتيني بميج ريان في فيلم you've got mail

وبرضه كان نفسي أشتغل مزارعة ....أينعم فلاحة يعني ...زي الجدة بطة (من غير ضحك من فضلك ) يبقي عندي مزرعة كبيرة واسعة فيها خضرة وحيوانات

بس هتقابلني مشكلة إني مش هأقدر أكل من الحيوانات دي عشان هيكونوا أصحابي :closedeyes:

مش عارفة يا دريمي حكايتك مع الافلام بس فكرتيني بفيلم الانيمي home at the range بيحكي نفس الحكاية

مزارعة فلاحة يعني بس على اجنبي و عندها مزرعة و بتحب الحيوانات بتاعتها اوي

و يوم لما وقعت في مشكلة الحيوانات ساعدتهافي انقاذ المزرعة

وكان نفسي أفتح محل ورد وأعيش بين الزهور فقط لا غير

وكان نفسي أكون مذيعة وأهري الناس كلام لغاية ما يغيروا المحطة :P

كفاية كده وأسيب الميكرفون للزبون التالي

لا يا بنتي خدي راحتك

هو تقريبا الرغي سمة العصر الحديث في مصر و الدليل قالوله قصدي لماضة :P

نورتي التوبيك يادريمي

[ابوهنا]

انا كان نفسى ادخل تربيه انجليزى

القصه انى كنت من المتفوقين وكنت قسم علمى

فى سنه تالته ثانوى حبيبت لاول مره فى حياتى

وكان حب افلاطونى

المهم جبت 80 فى الميه ودخلت كلية تربيه

كان نفسى ادخل قسم انجليزى

كنت جايب 36 من خمسين فى اللغه الانجليزيه

بالنسبه للطبة ادبى كليه التربيه قسم لغه انجليزيه اخدت من 35 وبالنسبه لعلى من 40

قلت احول اداب

اداب تخدت للعلمى من 42

دخلت تربيه طبيعه وكيمياء

امتحنت الترم الاول

وبدات اعيد الثانويه العامه من اجل التحسين وكنت احضر محاضرات الترم التانى

اعاده ثانويه عامه كان هدفها انى ادخل تربيه انجليزى

المهم ذاكرت الثانويه تانى وكانت قصة الحب خلاص فشلت لانى اهلى رفضوا انى اتجوز البنت اللى حبيتها

المهم جبت 88 فى الميه وجبت 45 فى اللغه الانجليزيه

ودخلت فى صراع رهيب فى البيت من اجل طب او تربيه

من الاخر اقنعونى ان ادخل طب ويمكن اتفوق وادرس طب

وقد كان والحمد لله على كل حال

[pink rose]

انا بقى تقريبا عكس كل الناس

الحمد لله طول عمرى من اوائل المدرسة والادراة التعليمية التابع لها

كان نفسى ادخل هندسة بس باحلم ادخل سياسة واقتصاد

رغم انى فى الثانوية كنت علمى لكنى كنت باعشق حاجة اسمها تاريخ وجعرافيا

واكثر ما اكرهه هى الاحياء والكيمياء

المهم دخلت علمى وجبت مجموع طب كمان

وجه مكتب التنسيق

وقامت الخناقة كل اهلى يا ابنى اكتب طب او صيدلة ( الموضة على ايامنا لان مرتبتها وشغلها كان مظلوب ) وكل اهلى فى جهة وانا مصر انى ولا انفع دكتور وةلا صيدلى

بس داخلى كان فيه خناقة تانية وهى هندسة ولا سياسة واقتصاد

وللاسف اللى حسم الموضوع انى شفت عدد من خريحى سياسة واقتصاد بيشتغلوا مدرسين فاخترت الهندسة

هاقول سر ومحدش يضحك طول عمرى كنت باحلم انى هابقى رئيس جمهورية مصر وكنت بابنى ثقافتى على كده بس طبعا اصطدمت بالواقع الاليم بوجود حكومة تقتل اى كفاءة او حلم

المهم انا قلت انى باكره الاحياء والكيمياء تشاء الظروف انى باشتغل مع الاطباء لان شغلى فى ادراة المستشفيات والاجهزة الطبية بس الحمد لله مبدع فى عملى ولا يوحد فى تخصصى الا من يتعدون على اصابع اليد الواحدة

تفتكروا حلمى القديم ممكن يتحقق هههههههههههههه وساعتها هاعين كل واحد منكم وزير

طب تمام يا باشمندس يعني حضرتك حققت حلمك و دخلت الكلية اللي نفسك فيها

و احلى ما في الموضوع ابداع حضرتك في مجالك

ربنا يوفقك

اما بالنسبة للحلم القديم

اظن الفرصة دلوقتي قدامك

رشح نفسك يا فندم و احنا معاك

بس بقى افتكرني و انا مش طماعة انا عاوزة اكون محافظ اسكندرية و مريم بنتي محافظ الساحل الشمالي و مطروح

و هانرفع راسك صدقني

[mustafagamiel]

انا كان نفسى ادخل تربيه انجليزى

القصه انى كنت من المتفوقين وكنت قسم علمى

فى سنه تالته ثانوى حبيبت لاول مره فى حياتى

وكان حب افلاطونى

المهم جبت 80 فى الميه ودخلت كلية تربيه

كان نفسى ادخل قسم انجليزى

كنت جايب 36 من خمسين فى اللغه الانجليزيه

بالنسبه للطبة ادبى كليه التربيه قسم لغه انجليزيه اخدت من 35 وبالنسبه لعلى من 40

قلت احول اداب

اداب تخدت للعلمى من 42

دخلت تربيه طبيعه وكيمياء

امتحنت الترم الاول

وبدات اعيد الثانويه العامه من اجل التحسين وكنت احضر محاضرات الترم التانى

اعاده ثانويه عامه كان هدفها انى ادخل تربيه انجليزى

المهم ذاكرت الثانويه تانى وكانت قصة الحب خلاص فشلت لانى اهلى رفضوا انى اتجوز البنت اللى حبيتها

المهم جبت 88 فى الميه وجبت 45 فى اللغه الانجليزيه

ودخلت فى صراع رهيب فى البيت من اجل طب او تربيه

من الاخر اقنعونى ان ادخل طب ويمكن اتفوق وادرس طب

وقد كان والحمد لله على كل حال

انت بتتكلم جد يأبو هنا

طب ايه ابو 88 ده متكونشي انت من ايام الستينات ولا ايه

كمل ياكبير

[ابوهنا]

انا كان نفسى ادخل تربيه انجليزى

القصه انى كنت من المتفوقين وكنت قسم علمى

فى سنه تالته ثانوى حبيبت لاول مره فى حياتى

وكان حب افلاطونى

المهم جبت 80 فى الميه ودخلت كلية تربيه

كان نفسى ادخل قسم انجليزى

كنت جايب 36 من خمسين فى اللغه الانجليزيه

بالنسبه للطبة ادبى كليه التربيه قسم لغه انجليزيه اخدت من 35 وبالنسبه لعلى من 40

قلت احول اداب

اداب تخدت للعلمى من 42

دخلت تربيه طبيعه وكيمياء

امتحنت الترم الاول

وبدات اعيد الثانويه العامه من اجل التحسين وكنت احضر محاضرات الترم التانى

اعاده ثانويه عامه كان هدفها انى ادخل تربيه انجليزى

المهم ذاكرت الثانويه تانى وكانت قصة الحب خلاص فشلت لانى اهلى رفضوا انى اتجوز البنت اللى حبيتها

المهم جبت 88 فى الميه وجبت 45 فى اللغه الانجليزيه

ودخلت فى صراع رهيب فى البيت من اجل طب او تربيه

من الاخر اقنعونى ان ادخل طب ويمكن اتفوق وادرس طب

وقد كان والحمد لله على كل حال

انت بتتكلم جد يأبو هنا

طب ايه ابو 88 ده متكونشي انت من ايام الستينات ولا ايه

كمل ياكبير

والله حضرتك ده كان ثانويه عامه 91

وكانت طب اسيوط هى اخر كليه اخدت بمجموع 88 فى الميه بالضبط

تم تعديل 4 يوليو 2011 بواسطة ابوهنا

[pink rose]

خلصت صيدلة......فى البداية دخلتها علشان المجموع........بس بعد كده اعتقد انها تستاهل ان الواحد يهتم بيهاbv:-bv:-

احلى حاجه انك تدخل مجال و تحس بالرضى

ربنا بيكون مجهزلنا حاجات جميلة لواحنا رضينا

الحمدلله يا فندم ان الله ارضاك بما اعطاك

ربنا يديمها نعمة

تحياتي

تم تعديل 4 يوليو 2011 بواسطة pink rose

[pink rose]

انا كان نفسى ادخل تربيه انجليزى

القصه انى كنت من المتفوقين وكنت قسم علمى

فى سنه تالته ثانوى حبيبت لاول مره فى حياتى

وكان حب افلاطونى

المهم جبت 80 فى الميه ودخلت كلية تربيه

كان نفسى ادخل قسم انجليزى

كنت جايب 36 من خمسين فى اللغه الانجليزيه

بالنسبه للطبة ادبى كليه التربيه قسم لغه انجليزيه اخدت من 35 وبالنسبه لعلى من 40

قلت احول اداب

اداب تخدت للعلمى من 42

دخلت تربيه طبيعه وكيمياء

امتحنت الترم الاول

وبدات اعيد الثانويه العامه من اجل التحسين وكنت احضر محاضرات الترم التانى

اعاده ثانويه عامه كان هدفها انى ادخل تربيه انجليزى

المهم ذاكرت الثانويه تانى وكانت قصة الحب خلاص فشلت لانى اهلى رفضوا انى اتجوز البنت اللى حبيتها

المهم جبت 88 فى الميه وجبت 45 فى اللغه الانجليزيه

ودخلت فى صراع رهيب فى البيت من اجل طب او تربيه

من الاخر اقنعونى ان ادخل طب ويمكن اتفوق وادرس طب

وقد كان والحمد لله على كل حال

انت بتتكلم جد يأبو هنا

طب ايه ابو 88 ده متكونشي انت من ايام الستينات ولا ايه

كمل ياكبير

والله حضرتك ده كان ثانويه عامه 91

و الله يا ابو هنا ان شوفت مداخلتك و قولت لا استنى اسيبله فرصة يصلح الرقم

قولت اكيد انت اتلخبطت و كتبت 88 بدل 98

بس بجد الرقم دا صحيح؟

باين علينا نسينا ايام زمان ايام البركة في المجاميع

انما مجاميع اليومين دول تجيب ضغط

واحدة قريبتي دخلت طب بيطري ب 98.5

و كانت هاتتقهر على نفسها

تفتكروا ايامنا الحلوة دي هاترجع تاني؟

[pink rose]

ظابط شرطة بالمطار

علشان اقبض على تيمور او ما ينزل .

دا ايه الاحلام الشريرة دي

بس اقولك على حاجه احلى؟

ضابط شرطة المطار دا اخره هايسلمه لناس تانية يشوفوا شغلهم معاه

لو منك هاشوف مين الناس التانية دي و اظبط معاهم

طالما بتحبه اوي كده

:happy:

في احوال كتيره ربنا سبحانه بيغير مسار الانسان في حياته بحاجات توقفه ممكن يعتقد انها عراقيل وتوجهه في اتجاه مخالف يتضح بعدها انه افضل له وتحياتي

مع حضرتك كل الحق

و زي ما قولت قبل كده احلى حاجه

الرضى بما اعطى الله

بس حضرتك ما قولتلناش كان نفسك تكون ايه؟

تم تعديل 4 يوليو 2011 بواسطة pink rose

[pink rose]

انا كان نفسى وأمل حياتى ادخل الكلية الحربيةلأنى بحب الحياه العسكرية لدرجة إنى قدمت فيها مرتين .

بعد نتيجة الثانوية قدمت فى الحربية ودى كانت المرة الاولى ومادخلتش بصراحة انازعلت وبكيت اه والله بكيت ..وبعد كده كنت عاز ادخل كية تجارة وكتبت فى الرغبات بتاعت مكتب التنسيق اول 20 رغبة تجارة بمختلف الجامعات والحمد لله جاتلى اول رغبة كتبتها وهى تجارة قنا وبعد اول سنة فى الجامعة قدمت فى الحربية وهى دى المرة الثانية وبرضه ما دخلتش بس وكملت تجارة وحبيت المحاسبة ودخلت قسم محاسبة وبعدين اتخرجت .

وكان فى عقد عمل محاسب فى انتظارى فى جده واحد قريبى جايبهولى فى الشركة الى بيعمل فيها من صاحب الشركة والفيزا مجانا يعنى بسعر رمزى وصاحب الشركة كان منتظر موقفى من التجنيد لاكن للاسف ضاع العقد ودخلت الجيش كان نفسى اشتغل محاسب وادى فرصة ضاعت والفرصة ما تجيش غير مره واحدة

جندينا لهمام حامى الحمى

معلش يمكن ما فيش نصيب في الحربية

و تقدر تخدم بلدك في موقع تاني

ما تزعلش على الفرصة اللي راحت

لانها ما كانتش ليك

طالما بتؤدي واجب عليك

اديه باخلاص و امانة

و لما تخلص هاتلاقي ربنا مجهزلك اللي يبسطك ان شاء الله

ربنا يوفقك

[أمل حياتي]

عزيزتي pink rose

اقترح تعديل العنوان عشان يبقى الموضوع أوضح

وشكرا على طرحك موضوع مميز ومشوق ولي عودة لاحقه له

الفاضلة امل حياتي

كل ما اشوف اسمك افتكر الست ام كلثوم و دا بيسبب لي سعادة بالغة

نورتي موضوعي المتواضع

بصي يا ستي بالنوسبة للعنوان

فا دا افيه معروف جدا من مسرحية للرائعة ماري منيب

و انا اخدته كتعبير عن الشغل يعني

و بما ان الموضوع خفيف فا اعتبريه كده زي عامل جذب للزباين

زي الجرايد تلاقي المانشيت كده يشدك و ساعات كتير تدخلي تقري تلاقي الموضوع لا علاقة له بالعنوان

لكن انا على الاقل العنوان له علاقةبالشغل

عموما لو العنوان شاف اغلب الاخوة ان غير مناسب ما فيش مشاكل اغيره

نحن الان في بلد ديموقراطي و انا باحترم رأي الاغلبية

يا ريت يا جماعة لو شايفين العنوان مش ماشي مع الوضوعقولولي و انا اطلب من الادارة تغيره

انما دا لا يمنع حتى يتم انك تنورينا بمداخلاتك عن كنتي نفسك تشتغلي ايه

عزيزتي pink rose شكرا لإعجابك بإسمي أمل حياتي لأنه تعبير عن اغنية جميلة تخص إنسان غالي جدا

شكرا على ردك اللطيف هوه كده خلاص انا فهمت العنوان كويس .... وكان نفسي لو ده اتدمج مع موضوع انت بتشتغل

ايه لأنه حيزود الموضوع القديم إثراء .......

عموما هوه موضوع شيق والواحد يقول في الاخر الخيرة فيما اختاره الله لأن الواحد اما يكون بيدرس غالبا في السن ده

ما يعرفش مصلحته كويس بالذات بالنسبة للتخصص بيكون تايه وبيكبر وبيلاقي توجهاته تغيرت تماما ....

عن نفسي اما خلصت ودخلت مجال العمل في البداية وكان الترجمة كنت باحب عملي جدا ولكن ربنا اراد يفتحلي باب تاني

مع تغيير مكان عملي اكتشفت اني كان لازم ادخل طب واكتشفت اني بألاقي نفسي بالمجال الطبي لأنه إنساني بحت وأيضا

لأن عندي اهتمام دايم بالمصطلحات والأمراض الطبية ....

طبعا تخصصت بالآداب باللغة الإنجليزيه وكنت بأتفوق في مواد الدراما والنقد الأدبي وطبعا كان استحالة أدخل علمي

لأني بأكره الرياضيات جدا مش بأحب الأرقام ولا اللغة بتاعتهم وكان هوايا زمان كله أدبي ....

اما بعد الشغل بعشر سنين تقريبا تخصصت بعدها في مجال معين هوه مجال عملي الحالي اتفاجئت اني جيدة بالحاجات

الطبية وترأست لجان فيها أطباء طبعا مع الخبرة والإهتمام والإطلاع وبعد دورات كتير أخدتها في مجال عملي ....

واللي يعتبر جزء كبير منه طبي ....

معلش طولت عليكم .... تحياتي للجميع

[امير مجروح]

انا كان نفسى وأمل حياتى ادخل الكلية الحربيةلأنى بحب الحياه العسكرية لدرجة إنى قدمت فيها مرتين .

بعد نتيجة الثانوية قدمت فى الحربية ودى كانت المرة الاولى ومادخلتش بصراحة انازعلت وبكيت اه والله بكيت ..وبعد كده كنت عاز ادخل كية تجارة وكتبت فى الرغبات بتاعت مكتب التنسيق اول 20 رغبة تجارة بمختلف الجامعات والحمد لله جاتلى اول رغبة كتبتها وهى تجارة قنا وبعد اول سنة فى الجامعة قدمت فى الحربية وهى دى المرة الثانية وبرضه ما دخلتش بس وكملت تجارة وحبيت المحاسبة ودخلت قسم محاسبة وبعدين اتخرجت .

وكان فى عقد عمل محاسب فى انتظارى فى جده واحد قريبى جايبهولى فى الشركة الى بيعمل فيها من صاحب الشركة والفيزا مجانا يعنى بسعر رمزى وصاحب الشركة كان منتظر موقفى من التجنيد لاكن للاسف ضاع العقد ودخلت الجيش كان نفسى اشتغل محاسب وادى فرصة ضاعت والفرصة ما تجيش غير مره واحدة

جندينا لهمام حامى الحمى

معلش يمكن ما فيش نصيب في الحربية

و تقدر تخدم بلدك في موقع تاني

ما تزعلش على الفرصة اللي راحت

لانها ما كانتش ليك

طالما بتؤدي واجب عليك

اديه باخلاص و امانة

و لما تخلص هاتلاقي ربنا مجهزلك اللي يبسطك ان شاء الله

ربنا يوفقك

ما المشكلة بقى انهم جم دلوقتى ولبسونى ضابط إحتياط ما كنت ادامهم من الاول لاكن انا كلمت ناس تنزلنى إن شاء الله من ضابط لجندى يعنى سنة واحدة....

[عادل أبو عمر]

يا سلااااااام ... بجد حلو أوي الموضوع ده...

خلينا نفضفض شوية ... اتفضلوا اقعدوا لو مش مستعجلين

أنا كنت بحب جدا مهنة المدرس

و بالذات مهنة مدرس العربي

في المرحلة من ستة ابتدائي لتالتة ثانوي كنا بندرس في المدرسة زمان في النصوص قصائد شعر لأكبر الشعراء المصريين زي أحمد شوقي و حاقظ إبراهيم و علي الجارم و إبراهيم ناجي و من الشعراء العرب زي إيليا أبو ماضي و محمد الفيتوري و ممكن من غير العرب زي محمد إقبال ده غير الشعر الجاهلي و شعراء من الدولة العباسية حكاية تانية و فيه الفرزدق و جرير و الجاحظ .. معلش انا بقول من الذاكرة فسامحوني لو أخطأت في الأسماء

صراحة الأشعار كانت فوق الروعة و المدرسين كانوا فعلا بيشرحوا بضمير عاوزين يعلمونا .

وكنت بحب النحو جدا كانوا زمان بيسلمونا كتاب قواعد النحو و الصرف مع الكتب المدرسية كان أهم كتاب عندي مرجع بجد ممتاز ،

بعد كدة النحو فادني جدا بشكل بحمد ربنا عليه جدا لأنه خلاني أقدر بسرعة أقرأ القران بشكل صحيح و أستمتع فعلا بالمعاني ( على قدي طبعا ) و لغاية دلوقتي ممكن ألاحظ لو الإمام أخطأ في الصلاة في القراءة في التشكيل حتى لو مش حافظ .. لأن الخطأ في بعض القواعد ممكن يقلب المعنى نهائيا .. أكبر مثال ( و إذ ابتلى إبراهيم ربه ) و ( إنما يخشى الله من عباده العلماء) لو مش منطوقة بالتشكيل الصحيح يتبدل المعنى .

المهم في تالتة ثانوي كانت أحلى ذكريات حياتي على الإطلاق مع اللغة العربية ... كنا بندرس كتاب عبقرية عمر للعقاد ...

تقريبا قريت الكتاب يجي عشرين مرة .. أول مرة مش قادر أستوعب لغة العقاد .. بس ربنا كرمنا بأستاذ لغة عربية لا أنساه أبدا كان زي ما يكون متخصص في العقاد .. فكان مزيج مدهش بحر علم .. تخيلوا أستاذ قمة الاحترام و العلم و يخلص في تعليم طلابه .. في شرح كاتب لا يتكرر مثل العقاد و الموضوع عن .. عبقرية الفاروق سيدنا عمر بن الخطاب ..الذي قال عنه حبيبنا سيدنا محمد صلى الله عليه وسلمثم لو كان بعدي نبي لكان عمر بن الخطاب... عشان كدة بحب اسم ( عمر ) بجد كنت باعشق حصة اللغة العربية بسبب هذا المزيج المحبب لنفسي .

معلومة توضح المدرس ده كان مخلص إزاي .. في الفصل بتاعنا في تالتة ثانوي كنا 31 طالب ... حلو كدة .. لأ مش حلو .. كان منهم 11 و احد بيعيدوا السنة و دول بقى مستأسدين على باقي الطلبة .. عارفين الواد اللي في فيلم الناظر .. محدش هيتعلم .. بالظبط ..

كانوا مطلعين عيننا معاهم و تاعبين كل الأساتذة .. الأستاذ ده كان بيقول لهم كلام غريب جدا .. كان بيقول أنا بعامل ربنا فيكم يعني لو عاملتكوا بمعاملتكم مش هتفلحوا .. و أنا ممكن أشتغل و أرضي ضميري على أد الفلوس اللي بتديهاني الوزارة أنا باخد اتنين جنيه و نص في اليوم على خمس حصص يبقى الحصة بنص جنيه .. لو جالي موجه .. أدي شغلي على السبورة تاريخ هجري ببريزة و تاريخ ميلادي ببريزة و عنوان الدرس ببريزة و الدرس متحضر في الكشكول ببريزة يفضل ليكم عندي ببريزة شرح تفتكروا هاقولكم إيه ببريزة ...

ربنا يكرمه و يجازيه كل خير من نوعية مدرسين محترمين من زمن التعليم الجميل .. قبل ما وزارة الإعلام تفرض درس إجباري على جميع الطلبة بحفظ منهج مدرسة المشاغبين .. و يعلموا جيل كامل كيفية عدم احترام المدرس ... و بعدها بدأ الانهيار الأخلاقي ... هذا رأيي

صراحة غيرت رأيي في آخر لحظة وقت التنسيق بعد أن صليت استخارة و الحمد لله دخلت أحلى كلية .... كلية التجارة طبعا

فيه مهنة تانية بقى ..

من حظكم مش فاكرها دلوقتي ..

بس ممكن أفتكر و انا واقف في كشك الجرايد بتاع الدكتورة لماضة و عمال أقرا كتب و جرايد .. ببلاش بقى

شكرا على هذه النافذة الجميلة

و سامحوني على الاطالة

أخوكم

عادل ( أبو عمر)

تم تعديل 4 يوليو 2011 بواسطة عادل أبو عمر

[raouf]

طب تمام يا باشمندس يعني حضرتك حققت حلمك و دخلت الكلية اللي نفسك فيها

و احلى ما في الموضوع ابداع حضرتك في مجالك

ربنا يوفقك

اما بالنسبة للحلم القديم

اظن الفرصة دلوقتي قدامك

رشح نفسك يا فندم و احنا معاك

بس بقى افتكرني و انا مش طماعة انا عاوزة اكون محافظ اسكندرية و مريم بنتي محافظ الساحل الشمالي و مطروح

و هانرفع راسك صدقني

يا سيتى اوعدك لو بقيت رئيس والحلم اتحقق هاضم اسكندرية والساحل الشمالى واعملهم ليكى محافظة واحدة ايجار جديد ويورث كمان هههههههههههههه

بس انتى ادعى معايا

[عادل أبو عمر]

انا بقى تقريبا عكس كل الناس

الحمد لله طول عمرى من اوائل المدرسة والادراة التعليمية التابع لها

كان نفسى ادخل هندسة بس باحلم ادخل سياسة واقتصاد

رغم انى فى الثانوية كنت علمى لكنى كنت باعشق حاجة اسمها تاريخ وجعرافيا

واكثر ما اكرهه هى الاحياء والكيمياء

المهم دخلت علمى وجبت مجموع طب كمان

وجه مكتب التنسيق

وقامت الخناقة كل اهلى يا ابنى اكتب طب او صيدلة ( الموضة على ايامنا لان مرتبتها وشغلها كان مظلوب ) وكل اهلى فى جهة وانا مصر انى ولا انفع دكتور وةلا صيدلى

بس داخلى كان فيه خناقة تانية وهى هندسة ولا سياسة واقتصاد

وللاسف اللى حسم الموضوع انى شفت عدد من خريحى سياسة واقتصاد بيشتغلوا مدرسين فاخترت الهندسة

هاقول سر ومحدش يضحك طول عمرى كنت باحلم انى هابقى رئيس جمهورية مصر وكنت بابنى ثقافتى على كده بس طبعا اصطدمت بالواقع الاليم بوجود حكومة تقتل اى كفاءة او حلم

المهم انا قلت انى باكره الاحياء والكيمياء تشاء الظروف انى باشتغل مع الاطباء لان شغلى فى ادراة المستشفيات والاجهزة الطبية بس الحمد لله مبدع فى عملى ولا يوحد فى تخصصى الا من يتعدون على اصابع اليد الواحدة

تفتكروا حلمى القديم ممكن يتحقق هههههههههههههه وساعتها هاعين كل واحد منكم وزير

عارف فيلم الأسد الملك

جه الوقت .... بس مش يا سمبا

جه الوقت يا رؤوف

اتقدم يا بطل

نعم لترشيح الدكتور المهندس رؤوف لرئاسة الجمهورية

تحياتي

مدير حملة الرئاسة

أنا مش أي عاوز حاجة لنفسي انا المهم عندي مصر

لو ممكن بس عمر يمسك وزارة التعليم يوم واحد بس

هو ملوش غير هدف واحد

تخفيف الشنطة المدرسية من على اكتاف الأطفال الأبرياء

والله الولاد بيصعبوا علي

ها ااا ..نقول توكلنا على الله

[Om Zayd]

السلام عليكم و رحمة الله و بركاته

رغم اني مش من عادتي ارغي اطلالالالالالالالالالالالالالالالالالالالالالاقا

بس ما علينا

انا يا افاضل عايزة أفتح حضانة

الطلبة اللي بيجولنا الجامعة عايزة اربيهم صح .. بحب و بعلم و ضمير

و في نفس الوقت الاقي اولاد منقياهم على الفرازة يلعبوا مع زيد و يتعلموا معاه

"تخيلوا احساس المسكين ده لما ماما تبقى في البيت و المدرسة و احتمال الشغل كمان" .. سيطرة مش اي كلام يعني

:closedeyes:

عايزة اعمل نواة .. كل ولد و بنت فيهم يقدر يؤثر في اللي حواليه ايجابيا

.. نفع الموضوع .. نتوسع و تبقى مدرسة.. و يمكن تقلب لجامعة

الله المستعان

اللطيف في الموضوع ان زيد شكله هيكون خلص مدرسة و احتمال جامعة على ما انفذ اللي في دماغي

:blink:

مش مشكلة.. يبقى يساعدني في الادارة

[raouf]

عارف فيلم الأسد الملك

جه الوقت .... بس مش يا سمبا

جه الوقت يا رؤوف

اتقدم يا بطل

نعم لترشيح الدكتور المهندس رؤوف لرئاسة الجمهورية

تحياتي

مدير حملة الرئاسة

أنا مش أي عاوز حاجة لنفسي انا المهم عندي مصر

لو ممكن بس عمر يمسك وزارة التعليم يوم واحد بس

هو ملوش غير هدف واحد

تخفيف الشنطة المدرسية من على اكتاف الأطفال الأبرياء

والله الولاد بيصعبوا علي

ها ااا ..نقول توكلنا على الله

بس كده وادى اول وزارة اتحجزت للاستاذ عمر

وابو عمر طبعا رئيس الوزارء

ها مين نفسه فى وزارة اوكازيون وفرصة والله ومين عارف كده جمهت 2 فى التوقيعات فاضل 29998

ومعايا مراتى ووالدى ووالدتى يبقى هانت شد حيلك يا ابو عمر معايا

[رضوي]

السلام عليكم ورحمة الله وبركاته

موضوعك تووووووجفة يابينك

انا بقي كان نفسي في حاجات غريبة اوي

طول عمري نفسي اشتغل

ضابط شرطة

اه والله دة كان حلمي الاول ............ ومش مجرد حلم ........ اشتغلت عليه شويتين كدة يعني

بس كنت بحلم اني اقبض علي الحرامية واني انظم المرور في شوارع القاهرة علشان زحمة اوي .......... واني اشتغل في الجوازات علشان اخلص شغل الحجاج بسرعة ......... وفي المباحث بقي وابحث ورا اثار الجريمة ( ايون زي المفتش كرومبو كدة )

وكنت بعيش اوهام انا والعيال .......... ومغامرات غريبة

وقولت بقي بلاش اضيع وقت واستنى لما اخلص ثانوية عامة وكده يعني لازم اتدرب من صغري

فبدأت اتمرن علي الرماية ( السلاح ) ودة في سن صغير اوي ......... وكنت بحب اوي الصيد ........ بس مش صيد الطيور او اي كائن حي ........... كان بابا بيعملي اهداف صغيرة ويدربني عليها لحد ما اتمكنت كويس

بعدها بقي بدأت التدريب في النادي ........ واشتركت في فريق العاب القوى ( دة بجانب كورة السلة يعني ) وطلعت مسابقات وحصلت فيها علي المركز الاول ....... واندمجت اوي مع فريق الرماية ...... وكان حلم عمري اني العب رمح ...... بس كان ممنوع ساعتها لأني كنت برده صغيرة

بعد كدة حاولت اقدم في كلية الشرطة ....... بس ربنا ماارادش

الحمد لله

[ViralMind]

بعد قراءتي لكتاب أسرار المليونيرات

تغيرت نظرتي لمفهوم الوظيفة الذي كنت أبحث عنها

وأخطط جديا أن يكون لي عملي الخاص

الاقيه فين الكتاب ده يا استاذتنا الله يكرمك :closedeyes:

هل الكتاب عربى ولا انجليزى؟ لو انجليزى.. يا ريت لو تقدرى تجيبى اسم المؤلف او الisbn بتاعه.. اكون شاكر ليكى جدا.

[Hisham]

ظابط شرطة بالمطار

علشان اقبض على تيمور او ما ينزل .

دا ايه الاحلام الشريرة دي

بس اقولك على حاجه احلى؟

ضابط شرطة المطار دا اخره هايسلمه لناس تانية يشوفوا شغلهم معاه

لو منك هاشوف مين الناس التانية دي و اظبط معاهم

طالما بتحبه اوي كده

:happy:

في احوال كتيره ربنا سبحانه بيغير مسار الانسان في حياته بحاجات توقفه ممكن يعتقد انها عراقيل وتوجهه في اتجاه مخالف يتضح بعدها انه افضل له وتحياتي

مع حضرتك كل الحق

و زي ما قولت قبل كده احلى حاجه

الرضى بما اعطى الله

بس حضرتك ما قولتلناش كان نفسك تكون ايه؟

اهلى وانا عمرهم محدش كان شايف اني انفع في حاجه غير طبيب بشرى التغيير الوحيد اني خرجت بره مصر والعالم العربي بعد التخرج غير كده قصتي مفيهاش اي دراما او حبكه قصصيه معرفش ده كويس ولا وحش ربنا سبحانه يعلم وتحياتي

[عنبو]

عارف فيلم الأسد الملك

جه الوقت .... بس مش يا سمبا

جه الوقت يا رؤوف

اتقدم يا بطل

نعم لترشيح الدكتور المهندس رؤوف لرئاسة الجمهورية

تحياتي

مدير حملة الرئاسة

أنا مش أي عاوز حاجة لنفسي انا المهم عندي مصر

لو ممكن بس عمر يمسك وزارة التعليم يوم واحد بس

هو ملوش غير هدف واحد

تخفيف الشنطة المدرسية من على اكتاف الأطفال الأبرياء

والله الولاد بيصعبوا علي

ها ااا ..نقول توكلنا على الله

بس كده وادى اول وزارة اتحجزت للاستاذ عمر

وابو عمر طبعا رئيس الوزارء

ها مين نفسه فى وزارة اوكازيون وفرصة والله ومين عارف كده جمهت 2 فى التوقيعات فاضل 29998

ومعايا مراتى ووالدى ووالدتى يبقى هانت شد حيلك يا ابو عمر معايا

الحاج عنبو وولده يبايعون على بركة الله ابن الشرقيه البار المهندس رؤوف لرئاسة الجمهوريه داعين الله عزوجل ان يجعلهم زخرا للبلاد

وعلى نفس اليافطه

رد الجميل من شيم ولاد الناس المتأصلين

الواد عنبو الصغير عاوز يبقى وزير الداخليه يا كبير