خطاب جماهيرى قريبا للواء عمر سليمان يكشف مفاجآت ثقيلة وأسرار محاولة إغتياله

[محمد حامد الغنام]

عمر سليمان

فى أول تأكيد من نوعه وبعد صمت دام طويلا ، نشرت مواقع الـ Face Book المؤيدة للواء عمر سليمان عن نيته للترشح بالفعل فى الإنتخابات المقبلة رئيسا للجمهورية ، ووصفت هذا النبأ بالصحيح بنسبة 100 % و ذلك فى إحتفالها اليوم بمناسبة بلوغ اللواء عمر سليمان 75 عاما من العمر .

وكشفت نحو 4 مواقع تؤيد سليمان وتتصدر صفحاتها صور خاصة جدا له ، ربما لم تظهر من قبل ، أن اللواء عمر سليمان سيتحدث فى خطاب طويل إلى الجماهير قريبا وربما قبل إنتصاف شهر يوليو الحالى وسيتضمن الخطاب مفاجآت من العيار الثقيل وخاصة أن الشعب المصرى لا يتوقف عن مطالبته بالحديث و كشف أسرار اللحظات الأخيرة من عمر النظام السابق والمتورطين الحقيقيين فى محاولة إغتياله عقب حلف اليمين كنائب للرئيس المخلوع مبارك و التى راح ضحيتها سائقه الخاص و أصيب حارسه إصابات بالغة .

وقالت أن الجنرال عمر سليمان ينتظر الوقت المناسب لإعلان الترشيح رسميا وذلك بعد الإنتهاء من وضع القواعد النهائية لإنتخابات رئاسة الجمهورية ، وطالبت الشباب بمساندته حتى تخرج مصر من محنتها الحالية ونتجاوز مرحلة الفوضى و إنعدام الأمن .

وكشفت المواقع أن حملة تأييد عمر سليمان بدأت بالفعل فى الأسكندرية ، وذلك عبر أولى الندوات التى شارك بها نحو 6 آلاف شاب بعنوان " عمر سليمان رمزا للأمن والإستقرار " ويقودها اللواء أركان حرب سعد العباسى و أشارت إلى أن اللواء عمر سليمان أبدى إهتمامه بها ووعد أعضاء الحملة بلقائهم قريبا ،عقب هدوء الأوضاع فى مصر وإستقرارها .

المصدر الأهرام

[عطر الجنة]

اعتقد ان مهما كان ما يخفى فهو اكيد فساد كبير

المفروض ان كل مصرى بيتطلع الى افاق جديدة

و هذا لن يتأتى الا بوجه جديد لم يشارك فى الحياة السياسية من قبل

حتى لا تؤخذ بعض من افعاله على محمل التخوين و الولاء للنظام السابق

فمصر فيها رجال كثر محترمين و على قدر المسئولية

و بعدين هم رجال السياسة السابقين لسه بيحلموا بمناصب

المفروض كل واحد فيهم عارف ما قدمت يداه

و كمان ده عمره 75 عام يعنى قوته العقلية و البدنية لن تكون فى اوجها

فليفسحوا الطريق للغير فكل واحد من السابقين كان عنده الفرصة ليصلح

و الان ليس من المعقول انه لو اختير سيصلح بل سيمشى على المنوال

تحياتى

[Alshiekh]

ماهي صفته الرسمية كي يلقي خطابا؟

هل لايزال معتبرا نفسه نائبا للرئيس؟

[Alrefaey]

اى وقائع فساد هيقول عليها بالطبع هيكون مشترك فيها بحكم منصبه السابق (رئيس المخابرات- نائب الرئيس)

عمر سليمان -احمد شفيق وجهان لمبارك

مش ناسى قبل التنحى بيومان لما طلع فى التلفيزيون وقال بكل غطرسة مبارك مش هيتنازل وباقى فى الحكم لأخر مدته

اذا كان الفلول مفكرين ان الشعب ناسى او نايم فهم بيحلموااااا

[se_ Elsyed]

اى وقائع فساد هيقول عليها بالطبع هيكون مشترك فيها بحكم منصبه السابق (رئيس المخابرات- نائب الرئيس)

عمر سليمان -احمد شفيق وجهان لمبارك

مش ناسى قبل التنحى بيومان لما طلع فى التلفيزيون وقال بكل غطرسة مبارك مش هيتنازل وباقى فى الحكم لأخر مدته

اذا كان الفلول مفكرين ان الشعب ناسى او نايم فهم بيحلموااااا

الله ينور عليك يا رفاعي ... كندا بتعلم شغل يا رجالة وبتخلي الرؤى واضحه ههههههههه

يا عزيزي كله تهجيص إنتخابي والبيه عاوز يعمل فيها خضرا الشريفة ويطلع نفسه بطل محارب للفساد وإنه كان بيقاوم مبارك ويقول له عيب كده

حتى بالأمارة تشهد عليه النجاحات الفظيعة اللي كان عاملها في ملفات دارفور و فلسطين وجنوب السودان

[لماضة مصرية جدا]

عمر سليمان

أن اللواء عمر سليمان سيتحدث فى خطاب طويل إلى الجماهير قريبا وربما قبل إنتصاف شهر يوليو الحالى

السلام عليكم و رحمة الله و بركاته

بضم صوتي لاستاذي محمد و اتساءل

ايه الجملة المستفزة اللي مكتوبة فوق ديت

هيلقي خطاب للجماهير بمنتصف يوليه...(و اكيد طبعا في ذكري ثورة يوليه)

يا مثبت العقل و الدين يا رب

يعني معني كده كل اللي هيلاقي مكرفون هيمسكه و يقول بيب بيب

طب انا هرشح نفسي لرياسة مصر بعد 10 سنين باذن الله...ينفع اطلع اقول خطاب للجماهير من دلوقتي بروفة يعني

اللهم انا لا نسالك رد القضاء و لكن نسالك اللطف فيه

هنطبق امتي قانون الصحافة...(الايقونة بتاعت اللي بيخبط راسه في الحيط...مش لاقياها بس حاساها اوي)

اي خبر يتحط في اي جريدة من غير محاسبة كده؟؟؟

حاجة تانية و لو عنده شهادة علي وقائع فساد طب ما يتقدم بيها للنائب العام و لا ده شو اعلامي و خلاص

هي الناس دي ليه بتتعامل معانا ان احنا داقين عصافير؟؟؟

تم تعديل 3 يوليو 2011 بواسطة لماضة مصرية جدا

[شرف الدين]

اي خبر يتحط في اي جريدة من غير محاسبة كده؟؟؟

أنا واثق إن الخبر بتاع اللواء / عمر سليمان ... ده هيطلع زيه زي مئات الأخبار اللي عمالين نسمعها ليل نهار ... مالوش أساس .. وحلوة نشرت مواقع الفيسبوك دي ...

المهم يا عزيزتي لماضة ... أسوأ حاجة في الدولة المصرية هو الإعلام المصري ...

وللأسف فعلا محدش بيتحاسب ...

اقرئي هذا الخبر ... حتى تعلمي كم القذارة المنثورة في الإعلام المصري بكل زواياه ... صحافة - تليفزيون - إذاعة - انترنت ..

بوابة الوفد تعتذر لأسرة محمد مدحت

الشاب رحمه الله مات في حادث سيارة عادي في دار السلام - دهسته سيارة نقل .. وطبعا ذهبت جثته إلى القصر العيني ..- وطبعا منظر الجثة كان بشع - قام السيد المحترم محرر الجريدة بنشر الصورة على إنها صورة أحد شهداء جمعة الغضب .. وقام بتزوير اسم صاحب الجثة من ( محمد مدحت ) إلى ( على فتحي ) ... طبعا علي فتحي ده جه منين متعرفيش .. المهم إنه يكون في اسم تاني عشان أسرة القتيل الحقيقية محدش يعرف من الاسم .. والناس تفتكر أنه من الشهداء اللي الشرطة اللي معندهاش أي رحمة ولا إنسانية قتلته بالشكل البشع ده .. عشان الناس تسخن أكتر على الشرطة وعلى البلد والفتنة تزيد مش مهم .. المهم الإثارة.

لكن لسوء حظهم إن أبو الشاب القتيل شاف الصورة .. وعرف انها صورة ابنه ... طلع أب محترم ورفض أنه يتاجر باسم ابنه المرحوم .. ويدخله ضمن قايمة ( أو زفة ) شهداء الثورة عشان يفوز بالمجد واللقاءات الصحفية والحوارات التليفزيونية .. وقدم بلاغ في الصحيفة .. واضطرت الصحيفة مجبرة إنها تطلع الاعتذار ده ..

طالما لم ينصلح حال الإعلام المصري .. فلن ينصلح حال مصر

تم تعديل 3 يوليو 2011 بواسطة شرف الدين

[ذهبية]

هى الناس دى صعبان عليها تقعد فى بيتها

مش متعودين ان تختفى منها الاضواء

خطاب اية و رئاسة اية مش يحمد ربنا انة مرحش الى طرة لاند اساسا

وبعدين هى مصر مفيش فيها شاب فى الثلاثين او الاربعين يرشح نفسة كل المترشحين شباب فوق السبعين

[الغريب]

نفسي أعرف ال 30 ألف اللي معجبين بصفحة تأييد عمر سليمان كمرشح للرئاسة أيه توجهاتهم ؟؟

هل مثلا بيحبوا الكرباج في الحكم ولا أيه بالظبط ؟؟

أنا عندي مدير هنا في الشغل معجب بالموضوع ده وكاره للثورة من الأساس

عمره حوالي 65 سنة وزعلان جدا من بعض خسائره في البورصة بسبب الثورة ، يا ترى هل باقي ال30 ألف بالشكل ده

[Nileman]

ماهي صفته الرسمية كي يلقي خطابا؟

هل لايزال معتبرا نفسه نائبا للرئيس؟

يمكن حيخطب في ندوة او في بيته او حيعمل حوار مع أحد الصحف

لكن انا متاكد انه اكيد عارف ان هو مش نائب الرئيس لأن هو بنفسه اللي ألقى خطاب التنحي:)

تم تعديل 3 يوليو 2011 بواسطة Nileman

[طارق مصرى]

كان عندى صاحب زمان يعشق الخلاف و يحب اوى خالف تعرف , انا خايف تكون زيه يا محمد و عارف ان المنتدى كاره لمبارك و رموز حكمة و كل شوية تغيب و ترجع تتحفنا بهذه الموضوعات وترمى الموضوع و متردش على الاعضاء اللى بيدخلوا موضوعك , يا حبيبى نوع موضوعاتك مؤكد جواك حجات حلوه خلينا نشوفها الدنيا مش كلها مبارك و نظامه و لا عجبك دس لايك اللى نازلة ترف عليك فى كل موضوع لك !!!!!.

تم تعديل 3 يوليو 2011 بواسطة طارق مصرى

[Simba]

انا حاسس ان من ساعة ما الاخوان هدت اللعب وسابت شعار تطهير البلاد ان فيه اتفاق خفي بين الجماعة وبين عمر سليمان

عموما كله هيبان

[طارق مصرى]

انا حاسس ان من ساعة ما الاخوان هدت اللعب وسابت شعار تطهير البلاد ان فيه اتفاق خفي بين الجماعة وبين عمر سليمان

عموما كله هيبان

و هو خلاص الاخوان محتاجين عمر سليمان فى ايه ده ورقة محروقة ، ممكن هو يحاول معاهم وهم ينفضوله

[لماضة مصرية جدا]

نفسي أعرف ال 30 ألف اللي معجبين بصفحة تأييد عمر سليمان كمرشح للرئاسة أيه توجهاتهم ؟؟

هل مثلا بيحبوا الكرباج في الحكم ولا أيه بالظبط ؟؟

أنا عندي مدير هنا في الشغل معجب بالموضوع ده وكاره للثورة من الأساس

عمره حوالي 65 سنة وزعلان جدا من بعض خسائره في البورصة بسبب الثورة ، يا ترى هل باقي ال30 ألف بالشكل ده

و الله يا استاذي انا عديت مرحلة الدهشة الي مرحلة اني اقف عاجزة عن الكلام

لما لقيت في احد استطلاعات الرأي علي مرشح الرئاسة القادم لقيت احد اصدقائي مختار الشفيق احمد رفيق....قصدي الرفيق احمد شفيق

حسيت ان حد جه و فجأة كب علي راسي جردل ميه سائعة

مش تشكيكا في قدرة الشفيق احمدرفيق بس مش متخيلة ان احنا تجيلنا فرصة و قماشة واسعة من الاختيارات و نرجع برضه لمربع

اختار اللي تعرفه و مالكشي دعوة باللي متعرفوش

حقيقي احنا لسه محتاجين ثورة افكار

و برضه دي وجهة نظر

[ابراهيم عبد العزيز]

نريد أن نضخ دماء جديدة فى النظام السياسى المصرى

ونريد حلول غير تقليدية لمشاكلنا الغير تقليدية

وهذا بالطبع لن يأتى عن طريق وجه من النظام السابق واحد اعمدته وايضا عمره 76 عاما

مصر مليئة بالرجال والكفاءات التى يجب أن تاخذ فرصتها

ولن تظل مصر أبد الدهر أسيرة رجال محددين وفكر محدد

الثورة قامت من اجل التغير

[شرف الدين]

بسم الله الرحمن الرحيم

يا جماعة لو احنا بجد طالبين ديمقراطية مش مهلبية ... وأرانب بالملوخية ... يبقى القاعدة اللي مفروض نعرفها كويس هي إن الديمقراطية تنص على

الأغلبية هي التي تقود ...

يعني اللواء / عمر سليمان يترشح ... الفريق / أحمد شفيق يترشح .. لو أحمد عز نفسه طلع براءة من حقه انه يترشح ... أي شخص من حقه إنه يترشح للرئاسة طالما استوفى الشروط...

صحيح لحد دلوقت هو العدد في الليمون .. بس مش مشكلة .. هيتم عمل تصفية في تصفية لحد ما يرسوا على واحد ...

الواحد ده اللي هتختاره الأغلبية ...

لو الأغلبية اختارت الجن الأزرق ... حتى لو اختارت عبود الزمر - لو كان من حقه الترشح - ونجح ولو بفرق صوت واحد ... لازم الأقلية توافق .. ولو نفتكر أن جورج بوش الابن كسب الانتخابات من آل جور سنة 2000... بحكم قضائي بعد حساب أصوات الأميركيين في الخارج.

أهم حاجة نضمنها أنه بعد 4 سنين .. هنعمل انتخابات تانية ... ولو الشخص اللي اختير في الأول مكنش كويس .. هيتم إزاحته من قبل الأغلبية في الانتخابات التانية .. ودي أهم ميزة في الديمقراطية .. إنها تصحح أخطاءها بنفسها ... لو اخترنا في المرة الأولى غلط ... هنتعلم المرة التانية ونختار أصح .. المرة التالتة هيكون الاختيار صحيح بصورة أكبر ... وهكذا.

فالسؤال هنا .. لو مثلا اللواء عمر سليمان أحد أقطاب النظام السابق .. فاز في الانتخابات .. هل 6 أبريل هتوافق ولا هتعترض وتعتصم لحين تحقيق المطالب ؟

هل لو الشيخ حازم ابو إسماعيل نجح في الانتخابات .. هل الليبراليين هيوافقوا ولا هيعتصموا ويطالبوا بإلغاء نتيجة الانتخابات ؟

لو الدكتور البرادعي قال أنا هالغي المادة التانية من الدستور وهخلي الدولة علمانية .. ونجح في الانتخابات .. هل الإسلاميين هيوافقوا ولا هيعترضوا ؟

لازم كل واحد فينا يسأل نفسه السؤال ده ... هل أنا مستعد لتقبل نتيجة الانتخابات ( أيا كانت ) ولا لأ ؟

لو شكينا لحظة واحدة بس في إجابة السؤال ده ...

إذن علينا أن ننتظر فرعون جديد نحن نستحقه.

تم تعديل 3 يوليو 2011 بواسطة شرف الدين

[فريح]

أنا شايف أن استمرار النقاش فى هذا الموضوع مضيعه للوقت إلا لو تم نقلة الى باب دعوه للأبتسام

و يتاخد من بدء الفكاهه و الترويح عن النفس

[MZohairy]

بسم الله الرحمن الرحيم

يا جماعة لو احنا بجد طالبين ديمقراطية مش مهلبية ... وأرانب بالملوخية ... يبقى القاعدة اللي مفروض نعرفها كويس هي إن الديمقراطية تنص على

الأغلبية هي التي تقود ...

يعني اللواء / عمر سليمان يترشح ... الفريق / أحمد شفيق يترشح .. لو أحمد عز نفسه طلع براءة من حقه انه يترشح ... أي شخص من حقه إنه يترشح للرئاسة طالما استوفى الشروط...

صحيح لحد دلوقت هو العدد في الليمون .. بس مش مشكلة .. هيتم عمل تصفية في تصفية لحد ما يرسوا على واحد ...

الواحد ده اللي هتختاره الأغلبية ...

لو الأغلبية اختارت الجن الأزرق ... حتى لو اختارت عبود الزمر - لو كان من حقه الترشح - ونجح ولو بفرق صوت واحد ... لازم الأقلية توافق .. ولو نفتكر أن جورج بوش الابن كسب الانتخابات من آل جور سنة 2000... بحكم قضائي بعد حساب أصوات الأميركيين في الخارج.

أهم حاجة نضمنها أنه بعد 4 سنين .. هنعمل انتخابات تانية ... ولو الشخص اللي اختير في الأول مكنش كويس .. هيتم إزاحته من قبل الأغلبية في الانتخابات التانية .. ودي أهم ميزة في الديمقراطية .. إنها تصحح أخطاءها بنفسها ... لو اخترنا في المرة الأولى غلط ... هنتعلم المرة التانية ونختار أصح .. المرة التالتة هيكون الاختيار صحيح بصورة أكبر ... وهكذا.

فالسؤال هنا .. لو مثلا اللواء عمر سليمان أحد أقطاب النظام السابق .. فاز في الانتخابات .. هل 6 أبريل هتوافق ولا هتعترض وتعتصم لحين تحقيق المطالب ؟

هل لو الشيخ حازم ابو إسماعيل نجح في الانتخابات .. هل الليبراليين هيوافقوا ولا هيعتصموا ويطالبوا بإلغاء نتيجة الانتخابات ؟

لو الدكتور البرادعي قال أنا هالغي المادة التانية من الدستور وهخلي الدولة علمانية .. ونجح في الانتخابات .. هل الإسلاميين هيوافقوا ولا هيعترضوا ؟

لازم كل واحد فينا يسأل نفسه السؤال ده ... هل أنا مستعد لتقبل نتيجة الانتخابات ( أيا كانت ) ولا لأ ؟

لو شكينا لحظة واحدة بس في إجابة السؤال ده ...

إذن علينا أن ننتظر فرعون جديد نحن نستحقه.

عايز اسألك سؤال يا استاذ شرف الدين و جاوبني بدون تحميل السؤال اكبر من حجمه من فضلك

لو حنفترض اننا في بلد نسبة الأميه فيها تفوق نصف عدد السكان (مش بتكلم على نقص الثقافه بل على الغير قادرين حتى على القراءه و الكتابه) ناهيك طبعا عن عدم ثقافة نسبه لا بأس بها من المتعلمين او انصاف المتعلمين

هل ينفع يعتد برأيهم كأغلبيه تختار اختيار صحيح من شأنه رفعة البلد و تقدمها؟

اشكرك

[شرف الدين]

بسم الله الرحمن الرحيم

يا جماعة لو احنا بجد طالبين ديمقراطية مش مهلبية ... وأرانب بالملوخية ... يبقى القاعدة اللي مفروض نعرفها كويس هي إن الديمقراطية تنص على

الأغلبية هي التي تقود ...

يعني اللواء / عمر سليمان يترشح ... الفريق / أحمد شفيق يترشح .. لو أحمد عز نفسه طلع براءة من حقه انه يترشح ... أي شخص من حقه إنه يترشح للرئاسة طالما استوفى الشروط...

صحيح لحد دلوقت هو العدد في الليمون .. بس مش مشكلة .. هيتم عمل تصفية في تصفية لحد ما يرسوا على واحد ...

الواحد ده اللي هتختاره الأغلبية ...

لو الأغلبية اختارت الجن الأزرق ... حتى لو اختارت عبود الزمر - لو كان من حقه الترشح - ونجح ولو بفرق صوت واحد ... لازم الأقلية توافق .. ولو نفتكر أن جورج بوش الابن كسب الانتخابات من آل جور سنة 2000... بحكم قضائي بعد حساب أصوات الأميركيين في الخارج.

أهم حاجة نضمنها أنه بعد 4 سنين .. هنعمل انتخابات تانية ... ولو الشخص اللي اختير في الأول مكنش كويس .. هيتم إزاحته من قبل الأغلبية في الانتخابات التانية .. ودي أهم ميزة في الديمقراطية .. إنها تصحح أخطاءها بنفسها ... لو اخترنا في المرة الأولى غلط ... هنتعلم المرة التانية ونختار أصح .. المرة التالتة هيكون الاختيار صحيح بصورة أكبر ... وهكذا.

فالسؤال هنا .. لو مثلا اللواء عمر سليمان أحد أقطاب النظام السابق .. فاز في الانتخابات .. هل 6 أبريل هتوافق ولا هتعترض وتعتصم لحين تحقيق المطالب ؟

هل لو الشيخ حازم ابو إسماعيل نجح في الانتخابات .. هل الليبراليين هيوافقوا ولا هيعتصموا ويطالبوا بإلغاء نتيجة الانتخابات ؟

لو الدكتور البرادعي قال أنا هالغي المادة التانية من الدستور وهخلي الدولة علمانية .. ونجح في الانتخابات .. هل الإسلاميين هيوافقوا ولا هيعترضوا ؟

لازم كل واحد فينا يسأل نفسه السؤال ده ... هل أنا مستعد لتقبل نتيجة الانتخابات ( أيا كانت ) ولا لأ ؟

لو شكينا لحظة واحدة بس في إجابة السؤال ده ...

إذن علينا أن ننتظر فرعون جديد نحن نستحقه.

عايز اسألك سؤال يا استاذ شرف الدين و جاوبني بدون تحميل السؤال اكبر من حجمه من فضلك

لو حنفترض اننا في بلد نسبة الأميه فيها تفوق نصف عدد السكان (مش بتكلم على نقص الثقافه بل على الغير قادرين حتى على القراءه و الكتابه) ناهيك طبعا عن عدم ثقافة نسبه لا بأس بها من المتعلمين او انصاف المتعلمين

هل ينفع يعتد برأيهم كأغلبيه تختار اختيار صحيح من شأنه رفعة البلد و تقدمها؟

اشكرك

دعني أنا أسألك إذن ... من الذي يدفع ثمن أي سياسة خاطئة ... هل البلد بأكملها أم النصف المتعلم فقط ؟

هل لو كان النصف المتعلم فقط هو اللي هيدفع تمن الاختيار الخاطيء ... إذن ... فلينتخب هو فقط ...

سبحان الله .. أول مادة تنص عليها حقوق الإنسان .. جميع المواطنين متساوون في الحقوق والواجبات ..

ثم أخبرني يا أستاذ زهيري ... هو في أميركا ... بياخدوا رأي غير المتعلمين كمان في الانتخابات ولا لأ ؟

[MZohairy]

بسم الله الرحمن الرحيم

يا جماعة لو احنا بجد طالبين ديمقراطية مش مهلبية ... وأرانب بالملوخية ... يبقى القاعدة اللي مفروض نعرفها كويس هي إن الديمقراطية تنص على

الأغلبية هي التي تقود ...

يعني اللواء / عمر سليمان يترشح ... الفريق / أحمد شفيق يترشح .. لو أحمد عز نفسه طلع براءة من حقه انه يترشح ... أي شخص من حقه إنه يترشح للرئاسة طالما استوفى الشروط...

صحيح لحد دلوقت هو العدد في الليمون .. بس مش مشكلة .. هيتم عمل تصفية في تصفية لحد ما يرسوا على واحد ...

الواحد ده اللي هتختاره الأغلبية ...

لو الأغلبية اختارت الجن الأزرق ... حتى لو اختارت عبود الزمر - لو كان من حقه الترشح - ونجح ولو بفرق صوت واحد ... لازم الأقلية توافق .. ولو نفتكر أن جورج بوش الابن كسب الانتخابات من آل جور سنة 2000... بحكم قضائي بعد حساب أصوات الأميركيين في الخارج.

أهم حاجة نضمنها أنه بعد 4 سنين .. هنعمل انتخابات تانية ... ولو الشخص اللي اختير في الأول مكنش كويس .. هيتم إزاحته من قبل الأغلبية في الانتخابات التانية .. ودي أهم ميزة في الديمقراطية .. إنها تصحح أخطاءها بنفسها ... لو اخترنا في المرة الأولى غلط ... هنتعلم المرة التانية ونختار أصح .. المرة التالتة هيكون الاختيار صحيح بصورة أكبر ... وهكذا.

فالسؤال هنا .. لو مثلا اللواء عمر سليمان أحد أقطاب النظام السابق .. فاز في الانتخابات .. هل 6 أبريل هتوافق ولا هتعترض وتعتصم لحين تحقيق المطالب ؟

هل لو الشيخ حازم ابو إسماعيل نجح في الانتخابات .. هل الليبراليين هيوافقوا ولا هيعتصموا ويطالبوا بإلغاء نتيجة الانتخابات ؟

لو الدكتور البرادعي قال أنا هالغي المادة التانية من الدستور وهخلي الدولة علمانية .. ونجح في الانتخابات .. هل الإسلاميين هيوافقوا ولا هيعترضوا ؟

لازم كل واحد فينا يسأل نفسه السؤال ده ... هل أنا مستعد لتقبل نتيجة الانتخابات ( أيا كانت ) ولا لأ ؟

لو شكينا لحظة واحدة بس في إجابة السؤال ده ...

إذن علينا أن ننتظر فرعون جديد نحن نستحقه.

عايز اسألك سؤال يا استاذ شرف الدين و جاوبني بدون تحميل السؤال اكبر من حجمه من فضلك

لو حنفترض اننا في بلد نسبة الأميه فيها تفوق نصف عدد السكان (مش بتكلم على نقص الثقافه بل على الغير قادرين حتى على القراءه و الكتابه) ناهيك طبعا عن عدم ثقافة نسبه لا بأس بها من المتعلمين او انصاف المتعلمين

هل ينفع يعتد برأيهم كأغلبيه تختار اختيار صحيح من شأنه رفعة البلد و تقدمها؟

اشكرك

دعني أنا أسألك إذن ... من الذي يدفع ثمن أي سياسة خاطئة ... هل البلد بأكملها أم النصف المتعلم فقط ؟

هل لو كان النصف المتعلم فقط هو اللي هيدفع تمن الاختيار الخاطيء ... إذن ... فلينتخب هو فقط ...

سبحان الله .. أول مادة تنص عليها حقوق الإنسان .. جميع المواطنين متساوون في الحقوق والواجبات ..

ثم أخبرني يا أستاذ زهيري ... هو في أميركا ... بياخدوا رأي غير المتعلمين كمان في الانتخابات ولا لأ ؟

يا استاذ شرف الدين حنانيك

انا بسألك سؤال و طالب منك الجواب فضلا لا امرا

بعدها حضرتك اسألني و انا تحت أمرك

اشكرك