نيو لوك للمنتدى...

[طارق مصرى]

زملائى الاعزاء يا ترى جالكوا الاحساس اللى كتير بيجلى لما أدخل منتدانا العزيز ؟!!!بيجلكوا احساس ان منتدانا الجميل من ساعة ما انشىء و هو بنفس الالوان و التصميم , الحقيقة انا مشفتش المنتدى من سنين كان تصميمة ازاى والوانه ايه لكن ليه منغيرش و فى األوان و تصميم الواجهه اللى شايف انهم محتاجين تظبيط (انا طبعا مش عاوز الوان و اشكال زى منتديات المراهقين اللى كلها فلاشات و الوانات محمحى و فوشيا)و كمان المصطلحات الخاصة بالعضو مثل ( member - full member -.........) ليه ميكونش (عضو – عضو فعال – عضو مميز ......) و بدل (good-excellent .......) يكون ( جيد –ممتاز ) .......الخ من باب الاعتزاز باللغة , لوحة التحكم و الاعدادات و الملف الشخصى ....الخ كل ده عربى على انجليزى ليه كل ده ميحصلوش اعادة تقييم ليكون أسهل و أوضح و احنا الاعضاء نطرح افكارنا مع السادة المشرفين والمديرين , مش ده بيتنا كلنا........ ولا ايه؟

[لماضة مصرية جدا]

السلام عليكم و رحمة الله و بركاته

اوسكت اوسكت يا استاذ طارق....(وش اي حد من اللي كان بيطلعهم طارق علام في البرنامج بتاعه)

ديك النهار لما غيروا البرمجيات بتاعت المنتدي احنا احتسنا حوسة...مش عايزة اقول لحضرتك عليها..(وش فلاح كفر الهنادوة)

كانت كل التوبيكات اللي ع البانر من نوعية

انا فين

مين طفي النور

حد شايفني....(مش منكن انساه لفتفوتة)

و كل حد فينا بقي داخل المنتدي زي ما يكون ماشي في الضلمة و عمال يتسند علي الحيطة

اقتراح حضرتك جميل جدا و لو عندك ايي اقتراحات ممكن تراسل بيها الادارة

انا اقتراحي صغنتت آد النملة

ان التقييم الاخضر و الاحمر و البنفسجي

نخليهم زي الايك و آن لايك اللي علي الفيس بوك

هتحقق نفس النتيجة

و عندي اقتراح تاني

منكن يبقي عندنا ايقونات روشة كده

يعني ايقونات معبرة اكتر...و مش عارفة دي بيشتروها من انهي بقال

بس ده مجرد اقتراح

و شكرا لاهتمام حضرتك

صباحكم.....نيولوك لافكارنا كلها

تم تعديل 4 يوليو 2011 بواسطة لماضة مصرية جدا

[طارق مصرى]

ياااااخبر ابيض كل ده حصل لما غيروا البرمجيات !!! jdw:: انا اسف خلاص اللى نعرفوااحسن من اللى منعرفوش

[Salwa]

موضوع مكرر.

[ابراهيم عبد العزيز]

أعتقد ان المنتدى على وضعه الحالي جيد

ولا أحبذ كما قال الاخ طارق مصري فى تغير الألوان وجعلها فاقعة مثل بعض المنتديات الأخرى حتى يحافظ هذا المنتدى على خصوصيته الوقورة

ولكن أرى أن هناك اضافتين اذا كان من الممكن انجازهم فسيكون شىء رائع

الأول كما قالت الاخت لماضة اضافة مجموعة أخرة من الايموشنات لاستخدامها فى التعليق حتى يكون التعبير التصويري أكبر

الثاني : اضافة خاصية حفظ خصائص كل عضو فى الكتابة ( مثل حجم الخط ونوعه ولونه وسمكه ....... الخ ) وبالتالى لا يحتاج العضو فى كل مرة يشارك فيها بمداخلة أن يعيد ضبط اعدادات الخط الخاص به .

وشكرا

[طارق مصرى]

اولا:كويس ان الحظر اتشال من على الموضوع و كان حيحذف زى ما الادارة اخبرتنى

ثانيا : بجد بحس ان المنتدى عاوز تجديد فى الشكل ولكن يكون فى نفس الاطار المحترم للمنتدى

ثالثا:الاخ عبد العزيز و الاخت لماضة عرفت رايكم بالنسبة للشكل طيب بالنسبة لتعريب المصطلحات ؟؟؟

[أمل حياتي]

اخي طارق مصري موضوعك كانه قراءه لأفكاري بالضبط ولكن كنت ارى انه من الأفضل ان يعرض

على المشرفين بشكل خاص اولا لأننا لا نعرف فقد يكون مثل ما قالت مدام Salwa انه مكرر

مما يعني أنه قد وسبق مناقشته لديهم وقد يكون لديهم توجهات بشان هذه الملاحظات في

مصلحة الموقع فهم بالنهاية الأقدر على الحكم على الأمور بشكل عام لأننا نرى الجزئيات ولا نرى

الكل ....

تحياتي لك ....

[ابراهيم عبد العزيز]

اتفق معك فى موضوع التعريب يا أخى طارق

يجب أن نجعل اللغة العربية دائما هى السيدة فى وطنها

وأتمنى أيضا اذا أمكن جعل المشاركات فى المنتدى محصورة على اللغة العربية فقط , وأى كتابة بأحرف غير عربية لا يقبلها المنتدى

تم تعديل 4 يوليو 2011 بواسطة ابراهيم عبد العزيز

[طارق مصرى]

موضوع مكرر.

ثم ........؟!!!

اخي طارق مصري موضوعك كانه قراءه لأفكاري بالضبط ولكن كنت ارى انه من الأفضل ان يعرض

على المشرفين بشكل خاص اولا لأننا لا نعرف فقد يكون مثل ما قالت مدام Salwa انه مكرر

مما يعني أنه قد وسبق مناقشته لديهم وقد يكون لديهم توجهات بشان هذه الملاحظات في

مصلحة الموقع فهم بالنهاية الأقدر على الحكم على الأمور بشكل عام لأننا نرى الجزئيات ولا نرى

الكل ....

تحياتي لك ....

جزاك الله خيرا , المضوع جه فى دماغى برضه لكن قلت ايه المشكلة يعنى ليه هنا فى حساسية شوية من الكلام عن النظام فى المنتدى ؟ انا بقول افكارى بشكل محترم و خصوصا ان الموضوع لو اتعرض على الادارة حيكون الكلام محصور بين عدد صغير و لكن اذا عرض بشكل عام مؤكد سنخرج بنتائج افضل , و اذا كان الامر كذلك فمن باب اولى كان عرض التعديلات الدستورية على المجلس العسكرى فقط .

اتفق معك فى موضوع التعريب يا أخى طارق

يجب أن نجعل اللغة العربية دائما هى السيدة فى وطنها

وأتمنى أيضا اذا أمكن جعل المشاركات فى المنتدى محصورة على اللغة العربية فقط , وأى كتابة بأحرف غير عربية لا يقبلها المنتدى

نعم بارك الله فيك