توضيحان هامان للمغتربين " تأشيرة نهائي للشركات ذات النطاق الأحمر .. والزيارة العائلية "

[se_ Elsyed]

كنت عاوز أوضح نقطتين فقط :

1- إنتشرت في الأيام الأخيرة إشاعة ساذجة .. وأكرر .. ساذجة تُفيد بإن الموظف اللي مسافر خارج المملكة . وشركته نطاقها أحمر .. فبيتقفش في المطار وبدل ما يعطوه ختم خروج وعوده .. لأ دول بيعطوه ختم خروج نهائي مع إنه حاصل على خرو وعوده رسمي ...

وربنا ما يوري حد .. تليفونات طول اليوم وألحقنا .. إحنا دلوقت مسافرين أجازة ... طب نعمل إيه ونروح فين ؟

شيء في منتهى السذاجة طبعاً إن الواحد يبقى خارج من البلد وسايب سيارته وبيته واولاده داخل المملكة . ودول يروحوا مخرجينه نهائي ... والحاجات اللي سايبها وراه تولع

كلها إشاعات طبعاً لا اساس لها .. ولما أسأل حد : طب إنت شوفت بعينك أو حد قريب منك حصل له كده .. يقول لك أيوه .. إنت عارف عبد السميع ؟ أهو له جار ساكن جنبه .. جاره ده إبن خالته يمني ... إبن خالتة بقى له صاحب .. يمني برضوا .. بعيد عندك شرب السبرتو واللي جالو جالو ... جاي مسافر اجازة راح مدينه في المطار خروج نهائي

عاوزين نوضح حاجات مهمة ..

- تأشيرة الخروج النهائي لا تُمنح للموظف إلا بعد سحب إقامتة الأصلية وتسليمها للجوزات لإعدامها .

- الخروج النهائي لا تُمنح لأحد إلا بعد التأكد بعدم وجود سيارة على إسمه لأسباب أمنية بديهية كثيرة .

- الخروج النهائي لا تُمنح لموظف وعائلتة خارج المملكة بتأشيرة خروج وعودة إلا بعد أن يتعهد كتابةً إن عائلته لن تعود .. ويسلم إقامتهم كمان للجوزات .. ما بالك وعائلته داخل المملكة وهو بمفرده اللي مترحل بهذا الشكل ؟ .

- وبعدين هانروح بعيد ليه .. ما الدنيا كلها بتسافر بالألوفات كل يوم أهي عشان الاجازات .. ومافيش حاجه حصلت

فمش كل إشاعة الواحد يجري وراها بدون تفكير يا جماعة عشان العملية مش ناقصة بوظان اعصاب

-------

الموضوع الأخر ..

تاشيرة الزيارة العائلية ..

دلوقت لا داعي للتعامل مع وزارة الخارجية مباشرة .. فبمجرد إنك تطبع نموذج الزيارة من على النت .. وتختمه من الغرفة التجارية ... خلاص .. دورك بينتهي لحد كده ... ولازم تدخل بعدين يومين ولا حاجه على موقع الوزارة الألكتروني عشان تتابع حالة الطلب ...

نقطة أخرى خاصة بالزيارة ... ... مهما كان مدة الزيارة اللي متوافق لك عليها ... فلو حصلت عليها من القنصلية السعودية ببلدك .. بيروح هابدينك شهر واحد فقط قابل للتجديد طبعاً

أما عن صلاحية التاشيرة منذ ختمها على جواز السفر .. فهي 3 شهور لازم الزائر يسافر قبلها

[بركة]

شكرا لحضرتك جدا

بس مكتوب لنا على الطلب ان بتوع الرياض بس هما اللي مش هيراجعو الخارجية ويتابعو على النت

احنا في جدة

وزوجي النهاردة راح بالطلب عشان والدته متوثق من الغرفة ومعاه خطاب تعريف من الكفيل

فالموظف اللي في الخارجية قاله روح مكتب الاستقدام لانك مش بكالوريوس فلما زوجي ورا له شهادة البكالوريوس قال له غير بقا المهنة في الاقامة

وخليها محاسب بدل مصور دي ....