عااجل العربية :: البراءة لثلاثة وزراء من تهمة تبديد الأموال

[لماضة مصرية جدا]

فكر فى كل حاجه قبل ما تقول رأيك هتلاقى ان الحل مش فى المظاهرات الحل فى الانتخابات

تحياتى

عنبو

يا عنبو الله يرضي عليك

انتخابات ايه اللي هتتعمل و اصلا الجو كله فاسد زي ما هو

هنرجع تاني نلف في دواير حوالين بعض

يعني لما البشرية اللي طلعت براءة دي النهاردة

تقتكر ده معناه ايه

معناه ان طريقة ادارة الامور مختلفتشي كتير

اما اذا كان عن المجلس العسكري- طيب الله ثراه- و انه يعني مش عارف ان ده ممكن يعمل شحن للناس

فمن موقعي هنا نحب نشكرهم انهم هيوفروا علينا الزعيق اللي قضناه اليومين اللي فاتوا و احنا بنقنع الناس ان المطالب متحققتشي و ان الرجوع لطريقة الضغط هو الحل

من اجمل ما قرات دلوقتي حالا

فيه دول مافييهاش ثورات لكن فيها قرارات ثورية

فيه دول فيها ثورات بس مالهاش قرارات ثورية

احنا لسه هنستني انتخابات؟؟؟؟؟؟؟؟؟؟؟؟؟؟؟

و

[الغريب]

[ابراهيم عبد العزيز]

كما قال الاخ اركتكت ما يحدث ليس إلا تمهيد لأمر الاكبر والذى قد يكون الحكم ببراءة مبارك وابناؤه

والحكم ببراءة سامح فهمي وكل المسئولين فى قضية تصدير الغاز لاسرائيل باسعار تفضيلية

والحكم بانه لا يوجد مجرما فى قضية قتل المتظاهرين وان كل من تم قتلهم لم يكونوا إلا مجموعات من البلطجية حاولوا اقتحام اقسام الشرطة والداخلية وتصدت لهم قوات الامن ببسالة تستحق عليها المكافاة وليس العقاب

ومعركة الجمل سيتم اقفال ملفها وحفظه على أساس أن من اقتحموا الميدان لم يكونوا إلا مجموعة من اهل نزلة السمان المتحمسين الذى ساءهم سوء حالتهم الاقتصادية نتيجة للثورة وتوقف السياحة التى يعتمدون عليهافى معيشتهم فقرروا بدافعا من أنفسهم دون اى محرض على فعل هذا الأمر .

والمضحك فى الامر أن من صدر عليهم أحكام مثل رشيد هم اشخاص خارج البلاد اصلا ويحملون جنسيات لبلاد أخرى ولن تستطيع مصر استردادهم وبالتالى على ما يبدو أن كلها احكام لذر الرماد فى العيون .

الان ما رأي الاخوة الذين يقومون بالهجوم والنقد على أى حركة تدعو للتظاهر ويتهمونها بانها تريد الظهور والتلميع على حساب مصر ؟؟

وتفتكر يعنى ان المجلس العسكرى مش عارف ان الاخبار اليى زى دى هتولع الدنيا والناس كلها هتنزل التحرير وليه فى الوقت ده بيتم الاعلان عن حاجه زى دى مهو كان ممكن تتأجل شويه يعنى لحد لما يوم الجمعه يعدى ؟

فكر فى كل حاجه قبل ما تقول رأيك هتلاقى ان الحل مش فى المظاهرات الحل فى الانتخابات

تحياتى

عنبو

والله يا سيد عنبو وصلني جليا ما تريد قوله وفهمته تماما

ورأيك صحيح

ولكن أيضا أليس هناك خطورة على الثورة عندما تغض الحركات السياسية فى مصر النظر عن الانحرافات التى تحدث لها الأن تحت تبرير أن التركيز على الانتخابات هو الاهم ؟

صحيح أن التركيز على الانتخابات مهم جدا لكى يستطيع الشعب أن يحكم نفسه بنفسه وبمن يريد

ولكن ألا تخشى يا أخى الفاضل أن لو تركت هذه السلبيات الأن دون تقويم ان ياتى يوم الانتخابات وقد استفحلت قوى الثورة المضادة وبالتي تؤثر على سير هذه الانتخابات وياتى اليوم الذى يقول فيه الجميع صدق من قال أن ( ما النار إلا من مستصغر الشرر ) ونحن الان نتغافل عن أمور متعددة تحت ذريعة انها امور صغيرة مقارنة بالاهم وهى الانتخابات !

تحياتي لك

تم تعديل 5 يوليو 2011 بواسطة ابراهيم عبد العزيز

[عنبو]

فكر فى كل حاجه قبل ما تقول رأيك هتلاقى ان الحل مش فى المظاهرات الحل فى الانتخابات

تحياتى

عنبو

يا عنبو الله يرضي عليك

انتخابات ايه اللي هتتعمل و اصلا الجو كله فاسد زي ما هو

هنرجع تاني نلف في دواير حوالين بعض

يعني لما البشرية اللي طلعت براءة دي النهاردة

تقتكر ده معناه ايه

معناه ان طريقة ادارة الامور مختلفتشي كتير

اما اذا كان عن المجلس العسكري- طيب الله ثراه- و انه يعني مش عارف ان ده ممكن يعمل شحن للناس

فمن موقعي هنا نحب نشكرهم انهم هيوفروا علينا الزعيق اللي قضناه اليومين اللي فاتوا و احنا بنقنع الناس ان المطالب متحققتشي و ان الرجوع لطريقة الضغط هو الحل

من اجمل ما قرات دلوقتي حالا

فيه دول مافييهاش ثورات لكن فيها قرارات ثورية

فيه دول فيها ثورات بس مالهاش قرارات ثورية

احنا لسه هنستني انتخابات؟؟؟؟؟؟؟؟؟؟؟؟؟؟؟

و

يظهر يا ريهام انك مخدتش بالك انا عاوز اقول ايه

هما عاوزينا نعمل ثورات وعاوزينا نعمل مظاهرات وعاوزين يكون فيه فوضى وبدليل ظهور خبر ده فى التوقيت ده بالذات لانى زى ما قولت مزيد من الفوضى معناه استمرار المجلس العسكرى فى الحكم لحين تحضير مرشح يرضى عليه المجلس العسكرى والقوه الخارجيه معاً

وبالنسبه للانتخابات انتى مش ملاحظه حاجه ان الناس اليى متوق ليها انها تفوز بمنصب رئيس الجمهوريه كلهم حلوين

سواء الدكتور البرادعى ولا الدكتور عبدالمنعم ابو الفتوح ولا الدكتور حاتم ابو اسماعيل كل واحد من دول كويس وكل واحد من دول ليه رؤيا هتؤدى فى النهايه اليى افادة البلد

وبالنسبه لانتخابات مجلس الشعب استحاله فى الوقت اليى احنا فيه الناس هتروح تنتخب حد فلول لان الناس لسه دمها حامى يعنى لو عملنا انتخابات مجلس شعب اغلب الي هيترشح هيكون ناس محترمه

والرئاسه كذلك

الحل فى الانتخابات وليس فى المظاهرات

تحياتى

عنبو

[عنبو]

كما قال الاخ اركتكت ما يحدث ليس إلا تمهيد لأمر الاكبر والذى قد يكون الحكم ببراءة مبارك وابناؤه

والحكم ببراءة سامح فهمي وكل المسئولين فى قضية تصدير الغاز لاسرائيل باسعار تفضيلية

والحكم بانه لا يوجد مجرما فى قضية قتل المتظاهرين وان كل من تم قتلهم لم يكونوا إلا مجموعات من البلطجية حاولوا اقتحام اقسام الشرطة والداخلية وتصدت لهم قوات الامن ببسالة تستحق عليها المكافاة وليس العقاب

ومعركة الجمل سيتم اقفال ملفها وحفظه على أساس أن من اقتحموا الميدان لم يكونوا إلا مجموعة من اهل نزلة السمان المتحمسين الذى ساءهم سوء حالتهم الاقتصادية نتيجة للثورة وتوقف السياحة التى يعتمدون عليهافى معيشتهم فقرروا بدافعا من أنفسهم دون اى محرض على فعل هذا الأمر .

والمضحك فى الامر أن من صدر عليهم أحكام مثل رشيد هم اشخاص خارج البلاد اصلا ويحملون جنسيات لبلاد أخرى ولن تستطيع مصر استردادهم وبالتالى على ما يبدو أن كلها احكام لذر الرماد فى العيون .

الان ما رأي الاخوة الذين يقومون بالهجوم والنقد على أى حركة تدعو للتظاهر ويتهمونها بانها تريد الظهور والتلميع على حساب مصر ؟؟

وتفتكر يعنى ان المجلس العسكرى مش عارف ان الاخبار اليى زى دى هتولع الدنيا والناس كلها هتنزل التحرير وليه فى الوقت ده بيتم الاعلان عن حاجه زى دى مهو كان ممكن تتأجل شويه يعنى لحد لما يوم الجمعه يعدى ؟

فكر فى كل حاجه قبل ما تقول رأيك هتلاقى ان الحل مش فى المظاهرات الحل فى الانتخابات

تحياتى

عنبو

والله يا سيد عنبو وصلني جليا ما تريد قوله وفهمته تماما

ورأيك صحيح

ولكن أيضا أليس هناك خطورة على الثورة عندما تغض الحركات السياسية فى مصر النظر عن الانحرافات التى تحدث لها الأن تحت تبرير أن التركيز على الانتخابات هو الاهم ؟

صحيح أن التركيز على الانتخابات مهم جدا لكى يستطيع الشعب أن يحكم نفسه بنفسه وبمن يريد

ولكن ألا تخشى يا أخى الفاضل أن لو تركت هذه السلبيات الأن دون تقويم ان ياتى يوم الانتخابات وقد استفحلت قوى الثورة المضادة وبالتي تؤثر على سير هذه الانتخابات وياتى اليوم الذى يقول فيه الجميع صدق من قال أن ( ما النار إلا من مستصغر الشرر ) ونحن الان نتغافل عن أمور متعددة تحت ذريعة انها امور صغيرة مقارنة بالاهم وهى الانتخابات !

تحياتي لك

ياسيدى الفاضل انتخابات مجلس الشعب المفروض كانت هتبقى بعد شهرين ( طبعا هتتأجل بسبب الاحداث اليى هتحصل ) وانتخابات الرئاسه بعد سنه من الان يعنى مافيش فرصه اساسا للعوده والناس مش هتكون لحقت تنسى

يا سيدى الفاضل الناس مش طايقه اى حاجه اسمها الحزب الوطنى وبقى علشان تدمر اى مشرح قدامك يكفيك فقط ان تثبت انه كان عضو فى الحزب الوطنى

لو علمنا الانتخابات الان كل اليى هيجى هيفيد البلد لان كل اليى هيجى هيبقى جاى من الثوره

بص على المرشحين للرئاسه مين اكتر ناس متوقع لهيم الفوز

البرادعى حسام ابو الفتوح وحازم ابو اسماعيل وكلهم حلوين حتى لو اختلفنا فيما بيننا لكن كلهم عاوزين مصلحة البلد

كذلك مجلس الشعب اذا تأخير الانتخابات مش فى صالحنا تأخير الانتخابات فى صالح ناس تانيه عاوز تجب مرشحين على مزاجهم مش مزاج الشعب ولن يكون امام الشعب الا ان يرضى بالمرشح ده والا فتستمر الفوضى

كل الاخبار اليى بتحصل كلها مستفزه وتفتكر هما مش عارفين ان الاخبار دى مستفزه اكيد عارفين ومش عارفين ردة فعل الشعب المصرى اكيد عارفين ولكن ليه بيطلعوا الاخبار دى فى الوقت ده ؟

لانهم عاوزين فوضى عاوزين الناس تولع ولكن الاسراع فى الانتخابات معناه عودة الجيش الى ثكناته بهدوء دون اللجوء الى الدم

تحياتى

عنبو

[م تيمور المراغي]

يا عنبي انت حتى احكام البراءة دي ماهزتش فيك شعره !

ده انت حتى ما استنكرتهاش ولا فارقه معاك

المجرمين بيتسربوا واحد وار التاني

شاطرين بس ع الثوار نيابه عسكرية واعتقالات !

معقول يبقى كل كلامك عن الكرسي والبرلمان والانتخابات وان هرب الجميع !

فين مبادئ ومطالب وحقوق الثوار !

هي الثورة قامت عشان الاخوان يمسكوا الحكم و خلاص !

ابقى قابلني

اول ما حيخلصوا نفسهم ويطلعوا من المحاكم نضيف

اول ناس حيتــ ..... هما الاخوان وقبلهم الثوار وكل اللي عمل راجل عليهم

[شرف الدين]

طب يا اخوانا .. انتو دلوقت مش عاجبكم الحكم ده ... ايه هو الحل القانوني من وجهة نظركم ؟

إلى كل من يعترض على حكم القضاء .. وكل من يدعو للتظاهر ضده .. ألا تفترض أنه من الممكن أن تكون على خطأ ؟ هل أنت معصوم ؟ أليس من المفترض أن القاضي يحكم بناء على الأوراق التي أمامه .. هل اطلعت على أوراق القضية وعرفت أن القاضي قد خالف القانون ؟

ألا يفترض أن القاضي يحكم بمنطق لأن يخطيء الإمام في العفو خير من أن يخطيء في العقوبة ؟

القاضي في قضية أمين الشرطة محمد السني حكم عليه بالإعدام لأنه هارب وعندما يسلم نفسه ستتم محاكمته من جديد .. ولا أريد أن استبق الحكم .. لكن لنعلم جميعا أن تقرير النيابة ( نيابة الفيلد مارشال عبد العزيزي الجندي وزير عدل حكومة الثورة نفسها ) قالت أنه أطلق النيران محاولا منع المتظاهرين من اقتحام القسم.

نظام مبارك كان لا ينفذ أحكام القضاء .. أما الآن فالأمر صار أسوأ .. فالقضاة أصبحوا يتعرضون للإرهاب لإصدار أحكام تابعة لمزاج المتظاهرين لدرجة أن يخرج المستشار سامي عبد الحليم امس ليقول ( لم يخلق بعد من يستطيع توجيه القضاة )..

لعل كل واحد منا يقف ليسأل نفسه .. هل يريد محاكمات أم يريد أحكام ؟

لو أننا نريد محاكمة فعلينا أن نضع أمام أعيننا احتمال الإدانة والبراءة .. أما لو أننا نريد الأحكام .. فيجب على ثوار التحرير أن يرفعوا قائمة بهذه الأحكام في ميدان التحرير في الجمعة القادمة. مثل القائمة السوداء التي اعدوها لضباط الشرطة الذين يجب إقالتهم.

-------------------------------------------------

على الهامش ...

أنا آسف يا ضحى .. كان عندك حق .. والله لو كنتي ادامي دلوقتي كنت اتأسفت لك 20 مرة .. مع إني كنت أول واحد هاجمتك.. لكن كان عندك حق لما قلتي هيبدأ التشكيك في الحكومة والشرطة وبعدها قيادة الجيش وبعدها القضاء ... يبقى ايه اللي فاضل في البلد ؟

تم تعديل 5 يوليو 2011 بواسطة شرف الدين

[احمد رضوان]

إخوتي الإعزاء ، نحن على وشك ضياع الحلم ، نحن على وشك الإرتطام بأرضية الواقع المدببة بعدما إرتفعنا بحلمنا إلى النجوم ويالها من سقطة مدوية لن تقوم لنا بعدها قائمة، نحن على وشك ضياع مستقبل أبناءنا فأستحلفكم بكل عزيز لديكم أن نترك الفرقة ونتوحد على قلب رجل واحد ، وأقراءوا معي مقال منسق إئتلاف ضباط لكن شرفاء لتعرفوا مدى ما نحن مقبلين عليه، وما النصر إلا صبر ساعة ... اللهم رد كيدهم في نحورهم وأكفينيهم بما شئت وكيف شئت.

-----------------------------------------------------------

الإسبوع الحاسم للثورة - بقلم المقدم محمد عبدالرحمن يوسف - منسق ائتلاف ضباط لكن شرفاء بتاريخ 2/7/2011

هذا الإسبوع أعتقد أنه من أخطر الأسابيع التى تمر بها الثورة المصرية

وأعتقد أن فلول النظام بكافه أشكالها ستحاول مدعومة بفلول العادلى المجيشين بالبلطجية ومليارات النظام الفاسد من إحداث محاولة يائسة للفتنة الطائفية ومحاولة إحداث وقيعة بين الجيش والشعب وعندما ينظر الى أحداث غزوة البالون يلاحظ الآتى :

تشابهها مع غزوة الجمل فى نقاط عديدة متمثلة فى نقل البلطجية من عابدين إلى البالون ومن البالون إلى التحرير فى أوتوبيسات وسيارات بدون لوحات كما تم نقل البلطجية من كرداسة إلى مبنى اتحاد الإذاعة والتليفزيون كما حدث فى موقعة الجمل الأولى كما تم تزويدهم بكسر الرخام فى غزوة البالون مثلما تم تزويدهم بكسر الرخام فى غزوة الجمل أيضاَ عن طريق سيارات يشتبه فى تبعيتها لرجال أعمال موالون للنظام البائد وعامل آخر مشترك هو عنصر المفاجأة

فكما تم مفاجأة الثوار بالجمال والخيول والطوب مع تسهيلات أمنية من جهات حكومية بعينها

تم أيضاَ مفاجأة أسر الشهداء المكرمون بمسرح البالون بالبلطجية المجيشين بفعل فلول العادلى والذين تم نقلهم مرة أخرى لميدان التحرير لقمع شباب الثورة مع فلول العادلى وقد كانت غزوة البالون الغرض الاساسى منها هو بالون اختبار تختبر به فلول العادلى رد فعل الشعب من ناحية تقبلها الأساليب الوحشية القمعية من جديد أم لا .. يؤكد ذلك كميات الغاز والخرطوش والمطاطى يعاونهم السنج والسيوف والجنازير وكسر الرخام مع البلطجية فى حماية الأمن

ولولا ستر الله للثورة ومصر لكانت الثورة قد تعرضت لانتكاسة قاتلة إلا ان نزول الشباب فور إستغاثة شباب الثوار الموجودين بالميدان بأعداد ضخمة فاجئت الأمن الذى عاد بإسلوب خطف الثوار بسيارات الإسعاف مما يدل على أن الشرطة لم ولن تتغير إلا بالتطهير الشفاف من تلك العناصر الفاسدة كما نادينا به مراراَ وتكراراَ

وهوجمنا وحوصرنا إعلاميا وتم توجيه حملة تشويه ضدنا لأننا فضحنا القناصة والمتسترين عليهم من قيادات الداخلية الموالية للعادلى

ولنا فى تجربة جورجيا التى طهرت ما لا يقل عن ستة عشر ألف عنصر شرطة فى يوم واحد تم إحالتهم للتقاعد فى بلد عدد سكانه 5 مليون

أى أنه لا مانع من تطهير الشرطة من كل العناصر الفاسدة التى نعرفهم بسيماهم وأماكنهم وأسمائهم.

لذا نهيب بكل أطياف وتيارات العمل السياسى الثورى أن ينبذوا الخلافات ويعودوا كما كانوا يد واحدة حتى تعود روح ميدان التحرير من جديد وعلى كل مواطن مصرى مسلم أو مسيحى أن ينتبه جيداَ لمحاولات فلول العادلى وفلول النظام لإحداث فتنة طائفية أو عمل وقيعة بين الجيش والشعب قبل جمعة الحساب التى سيعقبها اعتصام بالميدان.

اللهم هل بلغت .. اللهم فاشهد

مقدم محمد عبدالرحمن يوسف

منسق ائتلاف ضباط لكن شرفاء

2/7/2011

أخوكم

احمد رضوان

[عنبو]

يا عنبي انت حتى احكام البراءة دي ماهزتش فيك شعره !

ده انت حتى ما استنكرتهاش ولا فارقه معاك

المجرمين بيتسربوا واحد وار التاني

شاطرين بس ع الثوار نيابه عسكرية واعتقالات !

معقول يبقى كل كلامك عن الكرسي والبرلمان والانتخابات وان هرب الجميع !

فين مبادئ ومطالب وحقوق الثوار !

هي الثورة قامت عشان الاخوان يمسكوا الحكم و خلاص !

ابقى قابلني

اول ما حيخلصوا نفسهم ويطلعوا من المحاكم نضيف

اول ناس حيتــ ..... هما الاخوان وقبلهم الثوار وكل اللي عمل راجل عليهم

يا تيمور اقرأ كلامى الله يخليك وفكر فيه وبعدين تعالى ناقشنى فيه لان واضح من ردك انك مقرتش كلامى خالص

وبالنسبه للجمله دى

هي الثورة قامت عشان الاخوان يمسكوا الحكم و خلاص !

احب اقولك ان الثوره قامت مش علشان الاخوان يمسكوا الحكم ولكن الثوره قامت علشان الي عاوزه الشعب هو اليى يمسك الحكم سواء كان اخوان ولا سلفيين ولا ليبرالين اى حد الشعب يصوت عليه بنعم يبقى هو اليى يستحق يمسك الحكم مش حدا تانى

وعلشان بقول الحل فى الانتخابات لا فى المظاهرات لان مزيد من الفوضى معناه مزيد من الحكم العسكرى او مزيد من الفوضى معناه ضياع البلد ملهاش حل تانى اما نفضل فى الحكم العسكرى والحجه طبعا عدم استقرار الامور فى مصر او تدخل فى صراع مع المجلس العسكرى والجيش وبكده تبقى بح واليى يقدر على التانى

اما بالنسبه للناس اليى اخدوا براءه فممكن بسهوله جدا تعيد محاكمتهم من جديد بعد الانتخابات ولا هما خلاص هيتبخروا

الفرق بينى وبينك يا تيمور فى ترتيب الاوليات

ان ترى المحاكمه اهم من امن وسلامة البلد انا ارى ان امن وسلامة البلد اهم من المحاكمات لان عندما تكون فيه بلد قويه هقدر اعمل محاكمه زى ما انا عاوز ولكن لما مكنش فيه بلد فهتبقى غابه يا صديقى

عنبو

[Abu Reem]

كذلك مجلس الشعب اذا تأخير الانتخابات مش فى صالحنا تأخير الانتخابات فى صالح ناس تانيه عاوز تجب مرشحين على مزاجهم مش مزاج الشعب ولن يكون امام الشعب الا ان يرضى بالمرشح ده والا فتستمر الفوضى

كل الاخبار اليى بتحصل كلها مستفزه وتفتكر هما مش عارفين ان الاخبار دى مستفزه اكيد عارفين ومش عارفين ردة فعل الشعب المصرى اكيد عارفين ولكن ليه بيطلعوا الاخبار دى فى الوقت ده ؟

لانهم عاوزين فوضى عاوزين الناس تولع ولكن الاسراع فى الانتخابات معناه عودة الجيش الى ثكناته بهدوء دون اللجوء الى الدم

تحياتى

شوف يا عنبو ، انت جبت الخلاصة اللي الناس مش عاوزه تصدقها

- كلنا عارفين ان فيه تلاعب وفيه اصرار على عدم إدانة مبارك وكبار اعوانه...

وحاجة من اثنين يا اما نمشي في سكة ادانه مبارك وكبار قيادات الداخلية وامن الدولة ، وهذا طريق شديد الخطورة...وقد لا نصل فيه لنتيجة ،

- أو ننظر الى الامام ونسرع في الانتخابات وتسليم الدولة لرئيس منتخب ، ويستطيع بعد ذلك فتح هذه الملفات ، وللعلم الكل مظبت نفسه من المدانين ، علشان مفيش حد يقول ان الكبار هيكونوا تخلصوا من اي ادلة تثبت ادانتهم....خلاص امن الدولة اتحرقت وفرمت ملفاته....

- إذن الامل الاخير لفلول النظام السابق والحالي هو ، اشاعة الفوضى واستفزاز الشعب...حتى يحدث السيناريو اللي انت ذكرته بالأعلى تماما.....

- طيب ونسيب حق الشهداء ونسكت على الافراج على كبار النظام الفاسد ، اقول...نحن نطالب بهذا من اول يوم ثورة والى الان واخرها وقفة 27 مايو الماضية ، فهل جابت نتيجة ؟؟؟؟؟؟؟

- الحل هو الانتخابات البرلمانية والرئاسية والانتظار لشهرين فقط على اي احداث او اخبار استفزازية هو التصرف السليم .....الحالة الوحيدة التي ارى وجوب عمل مليونيات فيها هي..تراجع المجلس العسكري عن كلامه في اجراء انتخابات في موعدها وتسليم الحكم لحكومة ورئيس مدني

غير كده...يبقى بنحارب طواحين الهواء....وان كنا نجحنا في ثورة 25 يناير ...الان الوضع ممكن يكون مختلف ...واكثر شراسة بكثير..ممن يريدون افشال الثورة ويريدوا بنا أن نصل الى الحالة التي عليها سوريا ...او ليبيا....

أو نكون أكثر دهاءا بالتحلي بالصبر...حتى شهر سبتمبر ، وعندها لن يكون هناك اي حجة لاجراء انتخابات في موعدها...اما ثورات ومواجهات عنترية..فهذا هو عز الطلب في هذا الوقت..وكلنا اتفقنا وكنا متخوفين من اي احداث تسبب عدم الاستقرار في فترة الانتخابات والكلام ده منذ شهور ..وهاهو يتحقق الان فلماذا نعطيهم الفرصة؟؟؟

.....

تم تعديل 5 يوليو 2011 بواسطة Abu Reem

[م تيمور المراغي]

المصيبه ان الكل فاكر ان الرئيس حيجي بعد الانتخابات باسبوع !

الرئاسية حتبقى بعد سنه على الاقل من التشريعية

و المجلس اللي حيجيي حيكون بلا سلطة حقيقية لان السلطة حتى الان بيد رئيس الجمهورية اللي بيقوم بمهامه الان المجلس العسكري

يعني قدامنا مش اقل من 14 شهر على اللي بتقولوا عليه ده يحصل

14 شهر يكون اللي هرب هرب واللي ستف اوراقه ستف واللي اتحدف ورا الشمس اتحدف

آه يا بلد !

[se_ Elsyed]

يعني كده بنقول للقتلة اللي شوفناهم بعنينا وهم بيغتالوا زهرة شباب مصر ... مرحباً بكم بيننا ويالله نفتح صفحة جديدة وبراءة يا رجالة ..

وبنقول للحرامية اللي سرقونا وخلوا البلد على الحديدة ... أستمروا وربنا يبارك لكم في المال الحرام

نفسي كل واحد بيدافع عن المجرمين يسأل نفسه لما كل دول ياخدوا براءة ..

أومال مين اللي قتل الشهداء في التحرير والسويس والأسكندرية وجميع مدن مصر ؟

ومين اللي سرق البلد ووزعها على الحرامية ؟

---------------

بإختصار ... وعشان كده ... أنا حجزت وهاكون هناك يوم الجُمعة بإذن الله

وأعتقد إن الثورة القادمة ستكون أعنف وأشد دموية ... ببساطة لإن في 25 يناير كان لنا عدو واضح وواجهناه وطلع بطل من ورق وأنهار في سويعات قليلة ..

أما الأن فإن العدو هو واحد منا ... وأمنا له وأمنا به .. لكنه خذلنا وخدعنا

[م تيمور المراغي]

بإختصار ... وعشان كده ... أنا حجزت وهاكون هناك يوم الجُمعة بإذن الله

وأعتقد إن الثورة القادمة ستكون أعنف وأشد دموية ... ببساطة لإن في 25 يناير كان لنا عدو واضح وواجهناه وطلع بطل من ورق وأنهار في سويعات قليلة ..

أما الأن فإن العدو هو واحد منا ... وأمنا له وأمنا به .. لكنه خذلنا وخدعنا

[الترجمـان]

السلام عليكم ...

المشكله ليست في القضاء المصري ...

فالقضاء يحتاج إلى ادله ومستندات ...

فليكن الاتهام موجه مباشرة للجهات التي قامت بتقديم تلك التحريات والإحالات المضروبه امام القضاء ...

وليكن ايضا الإتهام موجها لمن ليس لديه الاراده في محاكمة هؤلاء اللصوص الأغبياء ...

وجهوا كل غضبكم لمن لا يريد فتح شبابيك الوطن وابوابه امام نسيم الحرية ...

واذا كان استرداد الحق حرفه ..

فليوكل الأمر لمن يستحقه ...

وإن كان المسؤولون ليست لديهم المقدره والاراده في إسترداد ما نهب فليتركوها لمن يقدر على ذلك ومن يمتلك الإراده الحقيقية...

[شرف الدين]

وأعتقد إن الثورة القادمة ستكون أعنف وأشد دموية ...

ما شاء الله

الله ينور يا سي السيد

لما نضم دعوتك دي على دعوات حمل السلاح والكفاح المسلح اللي شغالة في منتديات تانية ... نعرف البلد رايحة على فين.

تم تعديل 5 يوليو 2011 بواسطة شرف الدين

[Alattar]

من المصري اليوم

النائب العام يكلف «الأموال العامة» بالطعن على براءة الفقي والمغربي وغالي

كلف المستشار عبدالمجيد محمود, النائب العام، الثلاثاء، نيابة الأموال العامة بالطعن على الأحكام التي صدرت ببراءة المتهمين أنس الفقي، وزير الإعلام السابق، ويوسف بطرس غالي، وزير المالية السابق (هارب)، وأحمد المغربي، وزير الإسكان السابق، وعهدي فضلي، رئيس مجلس إدارة مؤسسة «أخبار اليوم» السابق، ورجل الأعمال ياسين منصور(هارب)، ورجل الأعمال وحيد متولي (هارب)، من تهمة إهدار المال العام، في قضايا مختلفة.

وكانت محكمة جنايات القاهرة برأت الفقي وغالي من تهم استغلال النفوذ والإضرار العمدي بالمال العام بما بلغت قيمته 70 مليون جنيه، اشتركا فى إهدارها لدعم البرنامج الانتخابى للحزب الوطنى وأعضائه من رموز النظام السابق. كما قضت المحكمة برفض جميع الدعاوي المدنية المقامة ضدهما وألزمت رافعيها بالمصروفات.

صدر الحكم برئاسة المستشار محمد فتحى صادق وعضوية المستشارين مجدى البتيتى وجاد عبدالغفار بحضور محمد حسام، رئيس نيابة الأموال العامة.

وأعلنت المحكمة حكمها حضوريا علي الفقي الذي حضر الجلسة وأودع قفص المحكمة، وأثبتت المحكمة حضوره في محضر جلستها. وغيابيا للمتهم الثاني الذي هرب من البلاد قبل بدء التحقيقات في القضية وإحالته للمحاكمة.

وحضر عدد من أقارب أنس الفقي، الذين أبدوا سعادتهم بالحكم وانصرفوا من القاعة فور انتهاء المحكمة من إعلان أحكامها في القضية وقضايا أخري متهم فيها بعض رموز النظام السابق.

وكانت نيابة الأموال العامة أحالت المتهمين للمحاكمة في أوائل مارس الماضي بعدما أكدت في تحقيقاتها أن الوزيرين استغلا وظيفتيهما في إهدار أموال جهة عملهما التي هي مملوكة للدولة.

ونظرت المحكمة القضية على مدار 4 جلسات سابقة استمعت فيها لمرافعة النيابة والدفاع عن المتهم المحبوس. حيث قالت النيابة في مرافعتها إن الوزيرين السابقين سفكا كل القيم المتعلقة بشرف الوظيفة العامة، وألحقا بالمال العام أضراراً وإهداراً، على الرغم مما أنعم الله به عليهما بالعمل الشريف، فبدلاً من أن يخدما البلد الذى ائتمنهما على مصلحته العامة، سعيا للفتك بماله، الذى هو من حق أبنائه.

وأشار ممثل النيابة العامة إلى أنه ثبت من المخاطبات الرسمية بين الفقى وغالى، قيام الأول بطلب مبلغ ٣٦ مليون جنيه من الثانى لتعزيز موازنة وزارة الإعلام للقيام بأعمال دعاية انتخابية تتعلق بـ«الإنجازات التى تحققت منذ عام ١٩٨١، وحتى عام ٢٠١٠»، فى إشارة للفترة التى تولى خلالها الرئيس السابق حسنى مبارك حكم البلاد.

وذكر أيضًا أنه ثبت من الفحص الذى جرى بمعرفة النيابة واللجان الفنية المختصة، أن وزير الإعلام السابق أنس الفقى قام بصرف قرابة ١٠ ملايين جنيه على تجهيزات خاصة بمؤتمرات واجتماعات الحزب الوطنى والتغطية الإعلامية والدعائية للانتخابات البرلمانية.

وقال: إن شهادة الشهود - وفى مقدمتهم رئيس الإدارة المركزية باتحاد الإذاعة والتليفزيون، ومدير عام الدواوين بوزارة المالية - قررت أنه تم تدعيم اتحاد الإذاعة والتليفزيون (من خلال مخاطبة وزير الإعلام لوزير المالية) بمبالغ قدرها ٨ ملايين جنيه، ثم ١٦ مليون جنيه على التوالى، وأن الفقى حدد أوجه صرف تلك المبالغ فى أعمال دعائية للحزب الحاكم والانتخابات البرلمانية.

وأشار إلى أن الشهود أكدوا أن تلك المبالغ استقطعت من الأموال الاحتياطية المخصصة للسلع الاستراتيجية (القمح - الزيوت - السكر - الأرز وغيرها) والحاجات الملحة ذات الضرورة القصوى، فى مخالفة صارخة لما هو مقرر قانوناً بشأن أوجه الصرف للمال العام وأولويات الإنفاق، فضلاً عن أن قانونى مجلس الشعب والانتخابات الرئاسية يحظران بصورة مطلقة استخدام الأموال العامة ومنشآت الدولة العامة فى أعمال الدعاية الانتخابية لأى طرف من الأطراف وتحت أى بند من البنود.

فيما نفي الدفاع ارتكاب موكله التهم الموجهة إليه من النيابة, حيث إن هذه الأعمال صدرت بعد موافقة كتابية من مجلس الوزراء بتخصيص تلك الأموال, وأن الوزير الفقي لم يكن سوي رئيسا لجهاز الإعلام ومنفذا لقرارات مجلس الوزراء.

كما أصدرت المحكمة نفسها، حكمًا ببراءة أحمد المغربى, وزير الإسكان السابق وعهدى فضلى, رئيس مجلس إدارة مؤسسة «أخبار اليوم» السابق ورجلى الأعمال الهاربين وحيد متولى وياسين منصور فى قضية التربح والإضرار العمدى بالمال العام داخل مؤسسة «أخبار اليوم»، واستقبل المتهمون الحكم بفرحة عارمة.

وأعلنت المحكمة حكمها فى مواجهة المغربى وفضلى اللذين حضرا الجلسة وأودعا قفص الاتهام بصحبة عدد من رموز النظام السابق والمتهمين فى قضايا أخرى محدد للحكم فيها ذات الجلسة.

ونطقت المحكمة بحكمها بعدما أثبتت حضور المتهمين المحبوسين وغيابيا للهاربين، بعد أن استمرت في نظرها نحو 4 أشهر استغرقتهم في سماع مرافعات النيابة والدفاع وكذا شهود الإثبات والنفي، والمدعين بالحق المدني.

وكان محمد النجار، رئيس نيابة الأموال العامة، قال فى مرافعته إن المتهمين استغلوا وظائفهم للثراء الفاحش، وأذكرهم بقوله تعالى: «وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ * مُهْطِعِينَ مُقْنِعِي رُءُوسِهِمْ لاَ يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاء».

وأضاف: «هذه بشارتهم فى الآخرة، أما اليوم فهو حساب الدنيا.. لماذا خنتم أمانتكم التى حملناها لكم ولماذا جعلتمونا نتقاتل على كسرة الخبز، ولماذا أفقرتمونا ولماذا حرمتمونا من شربة مياه نظيفة، ولماذا أسكنتمونا القبور ونحن أحياء واحتفظتم لأنفسكم بالمنتجعات، أهذا من أموال آبائكم وأمهاتكم أم من أموالنا، ولماذا أثقلتم ظهورنا بالضرائب والرسوم لتعدوا الطرق والخدمات إلى منتجعاتكم، ولماذا أفقدتمونا الأمل فى المستقبل حتى أقدم البعض منا على الموت انتحارا أو غرقا أو حرقا ثم تظهرون فى وسائل الإعلام لتتحدثوا عن الإيمان والزهد والرضا».

ووصفت النيابة المتهمين بأنهم عصابة الشيطان وجنده وأعوانه الذين تولوا هذا الأمر بغير حق، وأدركوا ذلك فكانوا لغير الحق مطيعين وبالباطل متمسكين.

فيما قال محمد بيبرس, دفاع المغربى, فى مرافعته إن الجرائم المحال بها الوزير للمحاكمة «مخالفات مدنية» كان من الطبيعى إحالتها إلى القضاء المدنى وليس محكمة الجنايات فهى مجرد مخالفات فى قواعد وإجراءات التخصيص. وأضاف أن النيابة لم تتأكد من السعر الذى تمت به عملية البيع وما إذا كانت مخالفة من عدمه.

ان شاء الله المرة دي ما تبقاش مسكن للناس بس..و يكون فيه جديد

[se_ Elsyed]

وأعتقد إن الثورة القادمة ستكون أعنف وأشد دموية ...

ما شاء الله

الله ينور يا سي السيد

لما نضم دعوتك دي على دعوات حمل السلاح والكفاح المسلح اللي شغالة في منتديات تانية ... نعرف البلد رايحة على فين.

كل ده وما عرفتش رايحه فين ؟؟؟؟؟؟؟؟

البلد رايحه في طريق إهدار حقوق الدم الذي أريق والأموال التي نُهبت .... وكله راح هدر بدون ثمن بل بالعكس المجرمين أخدوا نوط الشجاعة ووسام الأستحقاق

ولا أنت عاوزها تفضل ماشية كده زي ما كانت ماشية أيام مبارك طالما الناس بتاكل وتشرب كل يوم ؟

إنت لو كان لك دم راح هدر ... كنت هاتسكت ؟

ولو كنت حضرت جلسة زي بتاعت مجرمي السويس الي طلعوا بكفالة 10 الاف جنيه إمبارح ... كنت هاتعمل إيه ؟ تقول يحيا العدل وفعلاً الشهيد مات ببلع لفافة بانجو أو كان ماسك مسدس في الشارع وأنتحر ؟

[pink rose]

وأعتقد إن الثورة القادمة ستكون أعنف وأشد دموية ...

ما شاء الله

الله ينور يا سي السيد

لما نضم دعوتك دي على دعوات حمل السلاح والكفاح المسلح اللي شغالة في منتديات تانية ... نعرف البلد رايحة على فين.

انا بجد مش عارفة اقول ايه

بس بادعي من قلبي ربنا يحفظك و يحميكي يا امي من ولادك قبل اعدائك

ادعي معايا يا استاذ شرف الدين

دا اللي نقدر نعمله دلوقتي

تم تعديل 5 يوليو 2011 بواسطة pink rose

[م تيمور المراغي]

محمد النجار، رئيس نيابة الأموال العامة قال فى مرافعته :

"إن المتهمين استغلوا وظائفهم للثراء الفاحش، وأذكرهم بقوله تعالى: «وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ * مُهْطِعِينَ مُقْنِعِي رُءُوسِهِمْ لاَ يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاء».

وأضاف: «هذه بشارتهم فى الآخرة، أما اليوم فهو حساب الدنيا.. لماذا خنتم أمانتكم التى حملناها لكم ولماذا جعلتمونا نتقاتل على كسرة الخبز، ولماذا أفقرتمونا ولماذا حرمتمونا من شربة مياه نظيفة، ولماذا أسكنتمونا القبور ونحن أحياء واحتفظتم لأنفسكم بالمنتجعات، أهذا من أموال آبائكم وأمهاتكم أم من أموالنا، ولماذا أثقلتم ظهورنا بالضرائب والرسوم لتعدوا الطرق والخدمات إلى منتجعاتكم، ولماذا أفقدتمونا الأمل فى المستقبل حتى أقدم البعض منا على الموت انتحارا أو غرقا أو حرقا ثم تظهرون فى وسائل الإعلام لتتحدثوا عن الإيمان والزهد والرضا».

ووصفت النيابة المتهمين بأنهم عصابة الشيطان وجنده وأعوانه الذين تولوا هذا الأمر بغير حق، وأدركوا ذلك فكانوا لغير الحق مطيعين وبالباطل متمسكين.

[se_ Elsyed]

الظاهر إن ناس كتير سوري يعني إيدها في الميه الباردة

على فكرة

إن كان علينا .. فالواحد الحمد لله عايش أحلى عيشه وبعيد عن اي معاناة ومش محتاج ثورة ولا غيره ..

لكن تفتكروا اللي أولادهم ماتوا ... واللي شبعوا سنوات طويلة كلام معسول لا يُسمن ولا يُغني من جوع .. تفتكروا دول هايفضلوا ساكتين على طول ؟

وأرجعوا كده لورا بالذاكرة ... مش كان خوفنا كلنا إن تحصل ثورة جياع ؟ ولا نسيتم

فهل تعتقدوا إن نفس الناس دي الوضع اختلف معاهم خلال الـ 6 شهور ؟ ولا مصيبتهم زادت وجوعهم زاد وفقدوا أعز دم عندهم

وبعد ده كله هناك أصوات تخرج تقول لهم " أضربوا راسكم في الحيط " ... و يحيا العدل .. إنتم اللي مجرمين مش القتلة دول .. والوزرا أبرياء وصفحتهم بيضا .. ومبارك بريء .. وسوزان حلوه ...

تفتكروا دول هايفضلوا ساكتين ؟؟؟؟؟