عااجل العربية :: البراءة لثلاثة وزراء من تهمة تبديد الأموال

[م تيمور المراغي]

الله بحكمته خلقنا درجات متفاوته في ردود افعالنا تجاه اي موقف نتعرض له او يقابلنا في شتى مناحي الحياه

فيه ناس سريعة الانفعال سريعة الغضب و الحمية عند تعرض غيرها للظلم

وفيه ناس هادئة بطبعها ومستكينه حتى وان مسها هيا نفسها نصب او لغوب ,,

[Alshiekh]

هل نثق في القضاء؟

هل لدى أحدكم أي أدلة إدانة وقدمها للقضاء ولم يأخذ بها القضاء؟

هل تعلمون ماهية أدلة الإدانة المقدمة للمحكمة ومن ثم تأكد لدينا أن المحكمة قد أهدرت تلك الأدلة الدامغة؟

واضح من معظم الردود أنكم لاتثقون في حكم القضاء ،

وبما انكم لاتثقون في القضاء ؛ لماذا إذن هللتم فرحا وسعادة عندما تمت إحالة المتهمين للقضاء الذي لاتثقون فيه؟

أعتقد أن القاضي ليس من الغباء بأن يهدر أدلة إدانة ويحكم بالبراءة في قضايا تتوجه اليها أنظار الرأي العام.

من كانت لديه أدلة إدانة فليتقدم بها ، أما من كان مجرد متفرج ولايعلم عن مجريات القضايا شيئا ، فليرضى بما يقرره القضاء لانه لايصح ان ندفع القاضي دفعا إلى الإتجاه الذي نريده.

لو كان هناك تقصير في جمع الأدلة فلتبحثون عن أدلة إدانة دامغة ، ولكن لاتطالبوا القاضي بأن يقضي بما تهوون وليس بما امامه من ادلة ادانة

وكما قال الفاضل شرف الدين ، هل تريدون محاكمات أم أحكام؟ لأنها تفرق كثيرا

ولنضع نصب أعيننا حديث رسول الله:

إنما أنا بشر و إنكم تختصمون إلي و لعل بعضكم أن يكون ألحن بحجته من بعض فأقضي له على نحو ما أسمع منه . فمن قضيت له من حق أخيه بشيء فلا يأخذ منه شيئا فإنما أقطع له قطعة من النار

[Abu Reem]

ربنا عرفوه بالعقل

والعقل بيقول لا تجعل خصمك يجرك الي المعركة بارادته ولا تجعله. يستفزك. لان اذا توترت. فلن تفلح بالفوز علي خصمك

- هل افلحت المليونيات السابقة او الجمع السابقة في تحقيق ادانة اي من الكبار

الاجابة هي لا

كانت قبل المليونيات تصدر قرارات بالقبض علي الكبار للتحقيق فيقول البعض ، شفتوا بركة المليونية ونتيجة الضغط، ثم ماذا حدث وماذا اكتشفنا الان

لاشيء ، كل يوم نكتشف ان مسألة محاكمة مبارك وادانته وهو وكبار المتورطين وهم كبير لأن مبارك تنحى بشروط ، ولا يمكن ان يقوم المجلس العسكري بادانته لان هذا يعني تورط كثيرين ولان الامر لن ترضى عنه قوى ودول خارجية كانت ضامنة لهذه الشروط

- السيناريو المطروح الان لعمل مليونية يوم الجمعة القادم وان كان لا يخلوا من اصحاب النوايا الطيبة الا انه لا يخلوا من اصحاب النوايا السيئة

والمليونية القادمة لو تمت هل سيستجيب المجلس العسكري لطلباتها ، الاجابة غير وارد بنسبة 90 ٪

- هل هناك احتمال لحدوث فوضى هذا اليوم ، الاجابة هذا وارد بنسبة كبيرة جدا

- السؤال الاخر ،،، ماذا لو لم يستجيب المجلس لطلبات المليونية او اصدر بعض القرارات المسكنه ثم تراجع عنها او انتهت على لا شيء كما حدث من قبل؟؟

- الاجابة هي المطالبة بسقوط المجلس العسكري وقد يسقط المجلس العسكري او يتنحى وهنا السؤال

ماذا سيكون حال مصر عندها بعد ان تنحت الشرطه وتنحى المجلس العسكري وبالتبعية الجيش عن المشهد وكم ستكون الفرصة مواتيه لفلول النظام السابق وبلطجيته في استغلال الموقف واشاعه الفوضى والسيطره على البلد ؟؟؟

- علي الجانب الاخر هل مخاطر الانتظار لحدوث الانتخابات في سبتمبر القادم هي الاكبر ام مخاطر الدخول في مواجهة الان مع عدة اعداء لا نستطيع حصرهم ؟ هل هو المجلس العسكري ، ام كبار رجال الداخلية ، ام كبار رجال مبارك ، ام انصار عمر سليمان، ام قوى خارجية تستعين ببلطجية النظام السابق، ام مع الطامحين في تغيير ما اراده الشعب من سرعه اجراء انتخابات بالطريقة التي تم التوافق عليها من الاغلبية

[م تيمور المراغي]

نفس الكلام حيتقال لنا لما مبارك والعادلي وظباط الشرطه المتورطين في قتل المتظاهرين يطلعوا براءة

( حنعمل لكم ايه ماهو القضاء لازم يحترم والادلة مش كافية ) !

ولا كأن كان فيه ثورة قامت ولا حاجه

واحنا بس اللي بنعتقل و نتشد على امن الدولة والنيابة العسكرية لاتفه سبب

طيب

حقول لحضراتكم على السيناريو المقبل

سيعاد محاكمة كل رموز النظام السابق بقانون الغدر السياسي ,,

وهو مازال ساريا ومفعلا حتى يومنا هذا

وسيلقى المجرمون جزاءهم العادل والرادع هم ومن سولت له نفسه ان ينجيهم من العقاب ومن القصاص ,,

فيما يلي نص القانون

نص القانون رقم 344 لسنة 1952 والمعدل بالقانون 173 لسنة 1953

حيث ورد به فى المادة الاولى منه فى تطبيق أحكام هذا القانون يعد مرتكبا لجريمة الغدر كل من كان موظفا عاما وزيرا أو غيره وكل من كان عضوا فى أحد مجلسى البرلمان أو أحد المجالس البلدية أو القروية أو مجالس المديريات وعلى العموم كل شخص كان مكلفا بخدمة عامة أو له صفة نيابية عامة وارتكب بعد أول ستمبر 1939 فعلا من الأفعال الاتية :

1- عمل ما من شانه إفساد الحكم أو الحياة السياسة بطريق الإضرار بمصلحة البلاد أو التهاون فيها أو مخالفة القوانين

2- إستغلال النفوذ ولو بطريق الإيهام الحصول على فائدة أو ميزة ذاتية لنفسه أو لغيره من أى سلطة عامة أو أى هيئة أو شركة أو أى مؤسسة

3- إستغلال النفوذ للحصول لنفسه أو لغيره على وظيفة فى الدولة أو وظيفة أو منصب فى الهيئات العامة أو أى هيئة أو شركة أو مؤسسة خاصة أو الحصول على ميزة أو فائدة بإستثناء القواعد السارية فى هذه الهيئات .

4- استغلال النفوذ بإجراء تصرف أو فعل من شانه التاثير بالزيادة أو النقص بطريق مباشر او غير مباشر فى أثمان العقارات والبضائع والمحاصيل وغيرها أو أسعار الأوارق المالية أو الأوراق المالية المقيدة فى البورصة أو القابلة للتدوال فى الأسواق بقصد الحصول على فائدة ذاتية لنفسه أو للغير

5- كل عمل أو تصرف يقصد منه التاثير فى القضاء أو فى اعضاء آيه هيئة خولها القانون فى القضاء أو الإفتاء

6- التدخل الضارب بالمصلحة العامة فى اعمال الوظيفة ممالا اختصاص له فى ذلك أو قبول ذلك التدخل . ويعتبر التدخل من غير المذكورين فى هذه المادة فى حكم الغدر إذا كان المتدخل قد استغل صلته بآيه سلطة عامة

كما نصت المادة الثانية من القانون على الآتى. مع عدم الإخلال بالعقوبات الجنائية أو التأدبية يجاز على الغدر بالجزاءات الاتية .

1- العزل من الوظائف العامة.

2- سقوط العضوية من مجلسى البرلمان او المجالس البلدية او القروية او مجالس المديريات .

3- الحرمان من حق الانتخاب أو الترشيح لأى مجلس من المجلس سالفة الذكر لمدة اقلها 5 سنوات من تاريخ الحكم .

4- الحرمان من تولى الوظائف العامة لمدة أقلها 5 سنوات من تاريخ الحكم .

5- الحرمان من الإنتماء لأى حزب سياسى مدة أقلها 5 سنوات من تاريخ الحكم.

6- الحرمان من عضوية مجالس إدارة الهيئات أوالشركات أو المؤسسات التى تخضع لإشراف السلطات العامة ومن آيه وظيفة بهذه المؤسسات لمدة أقلها 5 سنوات من تاريخ الحكم .

7- الحرمان من الإشتغال بالمهن الحرة المنظمة بقوانين أو المهن ذات التأثير بتكوين الرأى أوتربية الناشئين أو المهن ذات التأثر على الإقتصاد القومى مدة أقلها 5 سنوات من تاريخ الحكم .

8- الحرمان من المعاش كله أو بعضه ويجوز الحكم بإسقاط الجنسية المصرية عن الغادر أو كما يجوز الحكم برد ما أفادة من غدره وتقدر المحكمة مقدار ما يرد ويحكم بالجزاءات ذاتها على كل من إشترك بطريقة التحريض أوالإتفاق أو المساعدة فى إرتكاب الجريمة سالفة الذكر ولو لم يكن من الأشخاص المذكورين فى المادة الأولى

وقد أِشار القانون فى المادة الثانية منه على أن محكمة الغدر محكمة تؤلف برئاسة مستشار من محكمة النقص وعضوية مستشارين من محكمة إستئناف القاهرة يعينهم وزير العدل وأربعة ضباط عظام لا تقل رتبة كل منهم عن الصاغ يعينهم القائد العام للقوات المسلحة ويكون مقر هذه المحكمة مدينة القاهرة ويشمل إختصاصها كل أنحاء الجمهورية.

ويجوز للمحكمة أن تحكم على الغادر وشركائه بتعويض ما حدث من ضرر لأى شخص من الأشخاص الإعتبارية العامة وتتولى النيابة العامة مباشرة الدعوى أمام المحكمة كما أشارت المادة الرابعة إلى كيفية رفع دعوى الغدر من أنها ترفع من لجنة مكونة من إثنين يختارهم المؤتمر المنصوص عليه فى م/ 11 من الإعلان الدستورى لثورة 1952 حيث أشارت م/11 من الإعلان الدستورى إلى أنه يتألف من مجلس قيادة الثورة ومجلس الورزاء مؤتمر ينظر فى السياسة العامة للدولة وما يتصل بها من موضوعات ويناقش ما يرى مناقشته لكل وزير فى وزارته ويمكن القول بالنسبة لثورة 25 يناير أن المجلس الأعلى للقوات المسلحة هو مجلس قياده الثورة ويوجد مجلس الوزراء وبالتالى يمكن تكوين لجنة الإثنين من المجلس الأعلى للقوات المسلحة ومجلس الوزراء وتتولى هذه اللجنة رفع دعوىالغدر على كل غادر ويمكن للجنة فى أداء مهمتها أو لأحد أعضائها أن تنتدب من رجال القضاء أو النيابة العامة أو قاضى تحقيق .

ولذلك يمكن القول أنه ليس هناك عقبة فى رفع الغدر على الغادر .

[se_ Elsyed]

هل نثق في القضاء؟

إحنا هانضحك على بعض يا عم محمد ؟

مش ده القضاء اللي منه القضاة اللي أشرفوا على الإنتخابات الأخيرة .. بل كل الإنتخابات اللي كان القضاء بيشرف عليها وكانوا بيقولوا إن كل شيء تمام وإنها إنتخابات زي البرلنت وخضرا وشريفة ؟

مش ده القضاء اللي نادت الأصوات المحترمة بتنقيته من الشوائب لإن عيب قوي قضاء مصايرنا في يده يبقى فيه فاسدين ؟

مش ده القضاء اللي منه عادل عبد السلام جُمعه ... إبقى أعمل سيرش وأعرف مين هو وإيه القضايا اللي بينظرها الأن بالتخصيص والأمر المباشر ؟

مش ده القضاء اللي مصهين على وجود مبارك في مستشفى خمس نجوم في حين يموت مصابي الثورة في مستشفيات الحكومة حيث الأهمال الذي يبلغ منبت الشعر ؟

وحاول تطمننا وتطمن الناس يا محمد بيه وتقول لنا : لما كل دول أبرياء .. أومال مين كان فاسد وقاتل وسفاك دماء ؟

[م تيمور المراغي]

مش ده القضاء اللي منه عادل عبد السلام جُمعه ... إبقى أعمل سيرش وأعرف مين هو وإيه القضايا اللي بينظرها الأن بالتخصيص والأمر المباشر ؟

وسيرش ليه يا كبير

ده الكلام اللي اتقال عن عبد السلام جمعه من كام يوم وهو بالتاكيد ليس بفريد عصره واونه والعينه من النوع ده كتير

ازاي الراجل ده قاعد لغاية دلوقتي بعد الملفات اللي ظهرت بعد اقتحام مقرات امن الدولة بتثبت عليه ان احكامه كانت بتوجيهات من امن الدولة وبيتم احالة القضايا اللي عاوزها النظام باحكام معينه اليه ,,

تخيلوا انه هو اللي بينظر قضية حبيب العادلي !!!

اليكم مقال طنت قد نقلته هنا عام 2005 ، ويتحدث فيه صحفي أمريكة عن القاضى المفضل( للنظام السابق ) عبدالسلام حمعة ، وكيف ان مسئول كبير حكى له عن السيناريو الذى سيتم مع أيمن نور من تأخير قضيته زتركه للدخول فى المنافسة فى انتخابات رئاسة الجمهورية 2005 ، ثم بعد ذلك محاكمته أمام القاضى المفضل للنظام عبدالسلام جمعة يقوم يطسه حكم يخلو به الجو لالننوس جيمي فى انتخابات 2011.

ولكن الله يمهل ولايهمل.

اليكم المقال

[se_ Elsyed]

هل افلحت المليونيات السابقة او الجمع السابقة في تحقيق ادانة اي من الكبار

وهل المطلوب من المليونيات إنها تُقدم أدلة وتحقق مع المجرمين اللي خربوها ؟

عودة لكلام محمد بيه

بالله عليك يا شيخ ... هايكون شعورك إيه بكره لو مبارك طلع بريء ومعاه بالمرة أحمد عز وجمال .... هل هاتتكلم عن أدلة برضوا ؟

[se_ Elsyed]

بالأمس لو كنت سمعت الكلام ده من أهالي الشهداء كنت هاقول ماشي أهم مكلومين ومنفعلين

لكن اسمعه من صحفيين حضروا الجلسة واكدوا وحلفوا بايمانات المسلمين إنهم عرفوا الحكم بإطلاح سراح المتهمين بكفالة 10 الاف جنية والتأجيل لشهر سبتمبر منذ الصباح الباكر قبل أن ينطق القضاة بالحكم ..

فهذا شيء مُريب وعجيب وفريد من نوعه

[الغريب]

يا جماعة بالله عليكم الأمر يحتاج حكمة وضبط نفس

يمكننا في ردود الأفعال المتعجلة أن ننعش الثورة أو أن نخنقها فتموت

احذروا

فقدان الثقة في القضاء ، وفقدان الثقة في المجلس العسكري خطر كبير

والثقة التامة بالجهازين والإعتقاد بعصمتهم من وباء النظام البائد خطر كبير أيضا

الحل من وجهة نظري في إنتخابات سريعة تحت عين الشعب قبل القضاء ، تعجل انتقال السلطة ليعود الجيش إلى ثكناته والشعب إلى انتاجه

[م تيمور المراغي]

الخلاصة في كلمتين

الممسوكين لما يا خدوا براءة

يبقى اللي بره لو اتمسكوا حياخدوا براءة

اما الممسوكين لو خدوا اعدام

يبقى اللي بره لما حنمسك ابوهم ان شاء الله حياخدوا اعدام

انتهي !

[se_ Elsyed]

أعتقد إننا من العقل والحكمة والخوف على بلدنا في إننا لا ندعو إلى عنف أو تخريب

لكن كل ما في الموضوع هو إن الجميع بيتساءل الأن : هو إيه اللي بيحصل ؟

يعني ولا خطوة إيجابية إتُخذت للتخفيف من معاناة الغلابة اللي قامت عشانهم الثورة .. وكنا فالحين بس إننا ننادي " كرامة ... حرية ... عدالة إجتماعية "

الكرامة ... إتحققت فعلاً من خلال محاكم عسكرية لمدنيين في ثواني وولا السحر وخلال يومين بيتحكم على اللي يقول بِم ... أما المجرمين فنحن ننادي بالقصاص العادل .. وبعدم الضغط على القضاة وبننادي بالصبر

والكرامة إتحققت في إن ناس عايشة معانا تُهدم وتحرق بيوت العبادة الخاصة بهم ... وكل ما في الموضوع إننا بنعمل لجان تقصي حقائق ودوخيني يا لمونه وكله بيندفن في الأدراج ... والدولة بتتعهد بإعادة بناء الكنائس التي حُرقت على يد كائنات فضائية ...

أقسم بالله لو كنتم سمعتم أم أحد الشهداء وهي تتحدث عن إبنها الذي أُعتقل أمام مسرح البالون وهو شاب صغير يمكن 15 أو 16 سنة .. أه بالمناسبة صحيح هي أم أحد الشهداء اللي قتله قناص بطلقة في قلبة . وناس غلابة جداً .. وجت لهم دعوة للتكريم في مسرح البالون وراحوا هناك لقوا الكمين منصوب لهم ... والشرطة نزلت فيها ضرب بالشلاليت وهي ست كبيرة ومريضة .. وطبعاً كانت رايحه وكلها فخر لإنها أم الشهيد .. ومعها إبنها ده وبنت لها في السادس الإبتدائي ... وهي اصلاً أرملة ... فتم إقتيادها في البوكس .. وإبنها في بوكس أخر .. والشرطة رمت البنت في الشارع مع نفسها ... وفي خلال ساعتين الولد إتحول لمحكمة عسكرية .. واخد 15 يوم وهي مع ضغط الشباب المحترم هناك تم إطلاق سراحها من قسم الشرطة لتعود مرة اخرى لمسرح البالون عشان تدور على بنتها الطفلة الصغيرة

والكرامة إن بعد 6 شهور يتذكر المجلس العسكري إن في شهداء ومصابين ضحوا بحياتهم و فدونا بدمهم وأصبح جميع من فوق الكراسي في مواقعهم الأن بفضل الله ثم هؤلاء ... وفين وفين يعملوا لهم صندوق رعايه ...

أما وزراء المالية سواء في عهد أحمد شفيق يا راجل أو في عهد سمير رضوان .. فنفخونا كلام عن ملايين هاتندفع للشهادء والمصابين ... وحتى الأن ولا مليم إندفه لحد

هي دي كرامة الثورة ؟

أما العدالة الإجتماعية .. فتتمثل في تخبط الحكومة ... حد أدنى 700 جنية للمرتبات .. هههههههه تصل في 5 سنوات إلى 1200 ... قول والله ؟ طب فين الحد الأقصى ولا العملية مفتوحة ومكملين على قديمة وعندنا ناس في شركات بترول بيحصلوا على أكتر من مليون جنيه مرتب شهري .. مليون جنيه مصري وده يمكن ما بيحصلش في دول أعضاء في الأوبك ؟؟

أما المعاشات فوعد حكومي من سمير رضوان إنها هاتزيد من أول يوليو .. وبعد كده يلحس كلامه ويقول مش هانقدر نزود المعاشات ..

والعدالة الإجتماعية تتمثل في قتلى وجرحى على طوابير انابيب الغاز والخبز والسلع اللي بعضها أرتفع خلال شهور قليلة إلى ما يزيد عن 100 % .. وكإنها بلد لسه من غير صاحب

أما الحرية .. فحدث ولا حرج ... والناس عايشة عادي من غير بلطجة .. وفي ظل أمن وامان ما حصلوش بصراحة

[Ahmed Anwer]

الخوف و اليقظة مطلوبين ،،

بس علي فكرة دي قضية من عشرين قضية تانية

يعني اللي هيخرج من دي مش هيخرج من اللي بعدها إن شاء الله ،،

وزير العدل الحالي بشهادة كل اللي أعرفهم من رجال القانون

راجل محترم جدا و كان أنزه نائب عام جه مصر و له قرار شهير بإحالة مش فاكر الرقم تحديدا بس رقم ضخم من ضباط أمن الدولة إلي النيابة ، و بعدها لبسوه الجلابية البيضا

رئيس محكمة النقض و رئيس مجلس القضاء الأعلي حاليا من أنزه القضاة و كان قائد تيار استقلال القضاء و أول من اعتصم في نادي القضاة ،

أنا من كام يوم بتفرج علي البني آدمه ريم ماجد و بتقدم تقرير عن محكامة قتلة خالد سعيد و أيه يا معلم تسخين علي ودنه و لحد آمتي و كفاية تأجيل و الدم هيضيع و بعدين ،،،، الخ

يجيي التقرير تلاقي محامي خالد سعيد بيقولك ده أسعد خبر في حياتي و التأجيل ده عشان هنلبس المتهمين تهمة أكبر بعد ما جابنا دلائل جديدة ، و طبعا المتظاهرين بره مش هامهم لدرجة إنهم طلعوا عم خالد سعيد علي مدرعة عشان يشرحلهم و دوول برده مش فاهمين

و يرجعوا للاستوديو قلت بقه خلاص تلاقي ريم ماجد مكنتشي فاهمة ،،، و لا الهوا نفس النغمة

و برده إحنا كمصريين أدائنا أفضل تحت الضغط ، فالضغط مش هيخسرنا حاجة إن شاء الله

و أتمني إن المجلس العسكري يعمل حركة صايعة كمسكن قوي و يجيب حد زي زكريا عبد العزيز أو محمود الخضيري ، يعينوه وزير عدل (( رغم إحترامي لوزير العدل الحالي ) أو نائب عام

ده هيهدي الأمور كام شهر

[raouf]

رغم انى ماكنتش ناوى اشارك فى اى حوار سياسى فى هذه الفترة

ولكن للاسف الخبر فعلا استفزنى جدا

وحصوصا بعد معلومات قراتها غى النيوزوييك النهاردة ان المجلس العسكرى بيفكر ياجل الانتخابات التشريعية 3 شهور

بسنرجع نعيد اللى فلناه قبل كده

- مبارك لن يحاكم من قبل الجيش ابدا وده اما اتفاق مع الجيش عند التنازل او بضغوط خارجية واقرب دليل كمية الفلوس اللى اتبرعت بيها الامارات والسعودية والكويت فى خلال الاسبوعين الماضيين

- براءه الوزراء فى هذه القضايا لا يعنى البراءة التامة لان دى قضية واحدة من مئات القضايا اللى المفروض يكون بيتحقق فيها يعنى هل تتوقعوا كانو حابسين الفقى علشان 17 مليون جنيه ؟

- الفقى والشاعر كل دول ولا يفرقوا مع مبارك وجمال لان دول ولا ليهم اى لازمة دول هايفين وبيتغيروا بجرة قلم اما المهمين واللى فى ايدهم مفاتيح الكنوز لم يتم المساس بيهم لانهم تعالب للاسف واقصد هنا سرور وعزمى والشريف وباقى اللى مظبط نفسه اما اللى اتحكم عليهم النهاردة شوية ادوات

- بصراحة اللى خايف منه من زمان واعلنتها واعلنتها امريكا ان الجيش يحلى له القعدة فى الحكم ويبهرهم الكرسى واعتقد ان ده بدأ يحصل وده بيثبت صحة راينا من زمااااااااان لما قلنا نعمل الانتحابات بدرى عن كده كمان

- اشوف ان عمل مليونية الان جيد بس يكون على راس طلباته حاجة واجدة فقط وهى تطهير القضاء والشرطة

ننسى اى حاجة ثانية لو تم تطهير القضاء والشرطة كل المطالب هاتحقق من محاكمات لان اللى هايجمع الادلة هم الشرطة الطاهرة واللى هايحكم قضاة طاهرين

اما الموجود الان ظباط غير موثوق بهم وقضاة مشكوك فى نزاهتم

ياريت محدش يكبر الموضوع لان دى قضايا مالية يحكمها مستندات فقط ولن يوجد قاضى مهما بلغت طهارته وكره لمن يحاكم يقدر يعكس ما تقوله الاوراق الرسمية

يجب التركيز على قضايا الفساد السياسى وافساد مصر لان دى القضايا التى لا تحتاج مستندات

اما التركيز على القضايا المالية فالعالم دى مظبطة نفسها ومجهزه قوانيها اللى حطوها باديهم قبل كده

تم تعديل 5 يوليو 2011 بواسطة raouf

[م تيمور المراغي]

و أتمني إن المجلس العسكري يعمل حركة صايعة كمسكن قوي

ده هيهدي الأمور كام شهر

انت معانا والا مع التانيين :blink:

- طب احنا التانيين bsh:)

[Ahmed Anwer]

اتفق مع أ / رؤوف ،

مقياس النوايا الحسنة للمجلس العسكري

= الإلتزام بتسليم السلطة عن طريق إنتخابات نزيهة

رغم إيماني العميق بإن 90% من اللي بيسخنوا غرضهم الأول تأجيل الإنتخابات و إنتقال السلطة بالتالي

و لا يفرق معاهم دم شهداء ، و لا محاكمات و لا تطهير

بس إن شاء الله الشعب هيديهم زومبه ،

[م تيمور المراغي]

رغم إيماني العميق بإن 90% من اللي بيسخنوا غرضهم الأول تأجيل الإنتخابات و إنتقال السلطة بالتالي

و لا يفرق معاهم دم شهداء ، و لا محاكمات و لا تطهير

بس إن شاء الله الشعب هيديهم زومبه ،

رمتني بدائها وانسلت

طيب انزلوا انتم الميدان عشان حقوق الشهداء واحنا نتوقف عن الحشد !

لا بترحم ولا تخللي رحمة ربنا تنزل !

نزلنا لوحدنا عشان الباقي تواطئ وتخاذل ,,

لحد ما جرأتوهم علينا

[Ahmed Anwer]

و أتمني إن المجلس العسكري يعمل حركة صايعة كمسكن قوي

ده هيهدي الأمور كام شهر

انت معانا والا مع التانيين :blink:

- طب احنا التانيين bsh:)

يا هندسة الفكرة إن عصر المقاصل انتهي ،

و الفساد متوغل في كل حاجة من أول القضاء لحد الإعلام للشعب نفسه

فأنتا مش عارف تصدق مين و تكدب مين

بس في كل الأحوال مش هينفع تعدم الناس في الميادين العامة بقرار سياسي

يبقي علي الأقل أحطلهم علي راي الجهاز القضائي حد مشهود بنزاهته

بس الحد ده برده مش هيقدر يلتف علي القانون

[الغريب]

رغم إيماني العميق بإن 90% من اللي بيسخنوا غرضهم الأول تأجيل الإنتخابات و إنتقال السلطة بالتالي

و لا يفرق معاهم دم شهداء ، و لا محاكمات و لا تطهير

بس إن شاء الله الشعب هيديهم زومبه ،

bv:- bv:-

الكل فاهم النقطة دي ، بس معلش طنش شوية بس لأنه لازم نوصل لمرحلة يتعرى فيها الجميع

[م تيمور المراغي]

و أتمني إن المجلس العسكري يعمل حركة صايعة كمسكن قوي

ده هيهدي الأمور كام شهر

انت معانا والا مع التانيين :blink:

- طب احنا التانيين bsh:)

يا هندسة الفكرة إن عصر المقاصل انتهي ،

و الفساد متوغل في كل حاجة من أول القضاء لحد الإعلام للشعب نفسه

فأنتا مش عارف تصدق مين و تكدب مين

بس في كل الأحوال مش هينفع تعدم الناس في الميادين العامة بقرار سياسي

يبقي علي الأقل أحطلهم علي راي الجهاز القضائي حد مشهود بنزاهته

بس الحد ده برده مش هيقدر يلتف علي القانون

طيب فيها ايه لما نوحد جهودنا دي مادام هدفنا واحد !

قول ايه النقاط المشتركة

ويطلع بيها بيان موقع عليه من الطرفين

دي اصول العمل التعبوي السليم ,,

ارسلنا عدة رسائل واشارات

لكن مافيش

مستني ردك

[شرف الدين]

وأعتقد إن الثورة القادمة ستكون أعنف وأشد دموية ...

ما شاء الله

الله ينور يا سي السيد

لما نضم دعوتك دي على دعوات حمل السلاح والكفاح المسلح اللي شغالة في منتديات تانية ... نعرف البلد رايحة على فين.

انا بجد مش عارفة اقول ايه

بس بادعي من قلبي ربنا يحفظك و يحميكي يا امي من ولادك قبل اعدائك

ادعي معايا يا استاذ شرف الدين

دا اللي نقدر نعمله دلوقتي

أأنا إن كان عليا دعيت ... وحطيت الدعاء بتاعي في التوقيع كمان ...

اللهم احفظ مصر من الفتن ما ظهر منها وما بطن