اول افطار فى رمضان

[هشام عبد الوهاب]

اول يوم رمضان قرب ... هانفطر فين ...

اكيد زى كل سنة ... عندنا طبعا ...

طيب كلمت اخواتك ...

ياستى لسه بدرى ..

بدرى من عمرك ياحبيبى ... تفتكر نغير الأكل السنه دى ..

اى حاجه ... مش مشكلة ... اقولك ،كلمى اختى و والدتك ،، وحددوا ميعاد الأجتماع السنوى قبل رمضان لتحديد انواع الطعام ....

---

ترررررررررن ...ترررررررن ..

الووووو ... ها ... تحبوا تفطروا ايه اول يوم رمضان ....

[حشيش]

لو مافيهاش رزالة ياهشام...أنا بحب شوربة لسان العصفور على لحمة ضانى وورق عنب ومكرونة باشاميل ولحمة بوفتيك...أقول على الحلو من دلوقتى ولا حتغير عنوانك :)

[حشيش]

ملحوظة: لو تعذر ما سبق لضيق ذات اليد ممكن ملوخية بشوربة ماجى ورز بشعرية :)

[إبن مصر]

عندك حق يا هشام بس انا بافكر فيها من ناحيه اخرى...

ليت كل الايام رمضان فالحياه تجعلنا لا نتجمع مع احباءتا الا فى هذه الايام المباركه..

يااااااااااااااااااااه الايام تجرى بسرعه جدا

كل عام وانتم بخير ... اما الفطار لو شوربه مايه بس مع الحبايب تبقى شهد الجنه....

[Cleo]

عندك حق يا هشام بس انا بافكر فيها من ناحيه اخرى...

ليت كل الايام رمضان فالحياه تجعلنا لا نتجمع مع احباءتا الا فى هذه الايام المباركه..

يااااااااااااااااااااه الايام تجرى بسرعه جدا

كل عام وانتم بخير ... اما الفطار لو شوربه مايه بس مع الحبايب تبقى شهد الجنه....

وغلاوة الأيام المفترجة اللى احنا داخلين عليها يا شيخ لا انت مغير اللوجو بتاعك...!!!! cbyb:

"بشروا ولا تنفروا"

تصبح على خير....

وأحلام سعيدة... vmp:

[bodi]

كل رمضان و انتم بخير

بصراحة انتم جوعتوني

لو مافيهاش رزالة ياهشام...أنا بحب شوربة لسان العصفور على لحمة ضانى وورق عنب ومكرونة باشاميل ولحمة بوفتيك...أقول على الحلو من دلوقتى ولا حتغير عنوانك

لكني بافكرفي اخوانا غير القادرين و اعتقد ان عددهم اصبح غير قليل هل لديهم القدرة لتناول بعض من الاصناف التي ذكرها الاخ حشيش

انا ادعو اخوانا في المنتدي بانهم يقدموا جزء بسيط من هذة الاصناف المميزة لاخواناغير القادرين ة اعتقد ان ثواب هذا الفعل عظيم انشاء الله

[se_ Elsyed]

انا ادعو اخوانا في المنتدي بانهم يقدموا جزء بسيط من هذة الاصناف المميزة لاخواناغير القادرين ة اعتقد ان ثواب هذا الفعل عظيم انشاء الله

الف شكر للعزيز بودي على التذكير بعمل من اعظم الاعمال واحبها إلى الله وهو " إطعام الطعام "

والله العظيم في شهر رمضان بالذات الواحد بتصعب عليه نفسه ... فما بين موائد طعام عامره بصنوف الطعام المختلفة وإيشي خشاف وإيشي حلويات وتبقى ليلة مش فايته لو كان السفرة عليها أكل من بتاع امبارح .. لأ و قبلها ننزل السوق ونشتري حاجات وكأننا بنخزن مؤن علشان الحرب هاتقوم فهايكون في حظر تجول ...... وعلى الجانب الأخر نجد كثيراً من الناس لا يجدون ما يسدون به رمقهم ...

يالا بقى علشان ما نبوظش الموضوع ...

رمضان بيعدي في الغربة ومالوش أي طعم من حيث الدفء العائلي واللمة والناس اللي عماله تجري قبل الفطار ... وبابا الله يرحمه وهو عمال يوضب السلطة وصوت محمد رفعت بيلعلع في الراديو قبل الفطار بخمس دقائق .. ولما كان الوالد يبقى مزاجه عالي كان يعمل لنا سطل عرق سوس ( حكاية ) .. ونتلم كلنا نفطر بسم الله وإحنا بنسمع الراديو وبرامجه الخفيفة ......

هـــــــــــــــــــــــــيه دنيا .

اول يوم رمضان وكالعادة هافطر مع اولادي ونسيبي وعائلته وأخويا الصغير ...

[سقراط المصري]

رمضان بيعدي في الغربة ومالوش أي طعم من حيث الدفء العائلي واللمة والناس اللي عماله تجري قبل الفطار ... وبابا الله يرحمه وهو عمال يوضب السلطة وصوت محمد رفعت بيلعلع في الراديو قبل الفطار بخمس دقائق .. ولما كان الوالد يبقى مزاجه عالي كان يعمل لنا سطل عرق سوس ( حكاية ) .. ونتلم كلنا نفطر بسم الله وإحنا بنسمع الراديو وبرامجه الخفيفة ......

هـــــــــــــــــــــــــيه دنيا .

ys): ys): cbyb: cbyb: cbyb:

[فــيــروز]

الحمد لله غالبا اول يوم رمضان هذا العام هيكون اجازه ..

ربنا يقدرنا على الاستفاده من رمضان كما ينبغى و الخروج به من دائرة شهر القطايف و الكنافه و لسان العصفور "باحبها جدا انا كمان :) " .. اتمنى ان استطيع اداء صلاة التراويح فى الجامع .. فليس هناك افضل من صحبة المساجد .. اتمنى ان نخرج من رمضان بحاله روحيه جيده و ارجو ان يعيننا الله على الابقاء عليها اطول فتره ممكنه بعد انقضاء الشهر الفضيل ..

ربما يكون رمضان هو الشهر الوحيد الذى يتفق فيه افراد الاسره على الافطار فى وقت واحد وفى مكان واحد .. فهذا الشهر رغم كل التغيرات التى طرات على المجتمعات المسلمه لايزال يابى الا ان يكون كريما سخيا كما اراده الله سبحانه و تعالى ..

وكل عام و الامه الاسلاميه بخير :ph34r: <_<

[Salwa]

كل عام وانتم بخير .....

هو فيه حاجة اسمها حقد صحى ؟؟؟؟؟

بجد بجد يعنى ......

اصل انا حاسة انى بحقد عليكم قوى .......

اكثر من 22 سنة لم اقضى رمضان بمصر .....والسنة اللى صادفت انى كنت هناك سافرت ثالث يوم الفجر ..يعنى قضيت يومين اتنين بالعدد .....

كللللللللللل اللى بتتكلمه عليه .....مش موجود عندنا .

لاكنافة ولا قطايف ولا .......فوانيس ..

ولا قمر الدين .......ولا بامية ولا ملوخية ولا ولا ولا ولالالالالا.

اول يوم رمضان هنا بنجتمع كلنا قبل الافطار بساعتين ونسمع ابتهالات وتلاوة القرآن الكريم ....

والافطار بيكون شوربة سواء كان شوربة لحم او فراخ .....ثم صينية فى الفرن سواء كانت لحم بالبطاطس او مكرونة بالباشميل او فراخ بالشامبنيون ......اى حاجة يعنى من دى ...وسلاطات

والمشروبات عصير ليمون طبيعى او كركديه وخروب ../ دائما عندى لأنى احضره من مصر /....ومشروبات غازية ...

وبصراحة رمضان هنا ليس به اى شئ من احتفالاتنا لكنى هنا اجد وقت كبير وهدوء لقراءة القرآن والتعبد رغم انى بتمنى اقضى رمضان فى مصر واصلى التراويح فى مسجد سيدى جابر او مسجد ابو العباس ......

لكن .....ما كل ما يتمناه المرء يدركه ...

آه ...نسيت اقول لكم .....

لازم طبعا بيكون موجود بلح بالحليب .....

ورغم توفر المكسرات هنا بكثرة ....الا ان اولادى كلهم مش بيحبوا الخشاف ...

وانا اصنعه بطريقة جميلة ..قصدى اخلطه.....لنا احنا ماهو احنا مصريين تقليديين ....

وهو انى اضع تين وقراصيا ومشمشية وزبيب ولوز مقشور بالحليب وليس بالمياه.....واضع رائحة الفانيليا ..

خطيرررررر.......

كل عام وانتم بخير ......

[فــيــروز]

....الا ان اولادى كلهم مش بيحبوا الخشاف ...

انا كمان مش باحب الخشاف ده ابدا dct::

يمكن لانى مش باحب البلح من الاساس swar::

[Tafshan]

كل سنه و انتم طيبين و يجعله عامر بالخشاف و القطايف و العرقسوس و يجعل قلوبنا عمرانه بالايمان و الحب اللي مش موجود بالقلب غير في بلدنا ، و الله ما موجود غير في بلادنا ، الكل في مصر بيتسابق علشان يأخذ ثواب سواء بالاطعام و موائد الرحمن اللي بجد مش موجوده بالحجم ده غير في مصر .. او بالتراويح و الدعاء ..

اللهم اهل علينا هذا الشهر بالخير و اصرف عنا شياطين الانس و الجن و تقبل منا و اغفر لنا و ارحمنا ..انت مولانا فأنصرنا علي القوم الكافرين

[bodi]

و الله معاك حقك يا عزيزي سي السيد ان رضان في الغربة ليس له اي طعم لكنك في دولة عربية و ممكن تري مشاهد قريبة من رمضان مصر لكن العبد لله في بلد لاتعرف رمضان و لا عربي و عشت في رمضان الماضي اقسي ايام في حياتي. فنسأل الاخوة في الملتقي بالدعاء لتسهيل الايام علينا في الغربة

[Cleo]

فى العمل قمنا باختيار بعض الأصناف لتوزيعها على الفقراء من العاملين فى الشركة وجارى عمل مسح للسوق وعروض أسعار مختلفة..

إنشاء الله كل شنطة هايكون فيها:

- 5 كيلو رز

- علبة سمن

- 2 زجاجة زيت

- 3 كيلو عدس

- 2 كيلو فول

- 4 كيس مكرونة

- علبة صلصة

- 3 كيلو بلح

- 2 كيلو سكر

ممكن نتفق مع المورد نه يحتفظ بالشنط دى عنده ويدينا كوبونات نوزعها على الناس وهم يروحوا للمورد يستلموا من عنده...

حد فيكم يحب ينفذ الحكاية دى عنده؟؟

[ماجد]

الأخت Cleo

رضى الله عنكم و زادكم رضا....

الشنطه حقيقة مستكمله مما جميعه

ياريت لو فيه امكانيه تزودوا عدد 2 باكو شاى.

و / أو علبة حلاوه صغيره و / أو مكعبات شوربه

ولو فيه امكانيه ماديه لفة قمر الدين لأنه مش كتير من الناس بتعرف تشتريها - ومش كتير بيعرفوا هى ايه اصلا- فبتبقى حاجة جميله جدا.

احنا بقه بنشترى الحاجة جمله و بنقعد نعبيها - عدا السكر- قبل رمضان و الكل بيشترك فى التعبيه و اجمل حاجه هى التعبيه فى جو من المرح و السعاده واكواب من الشاى و الحاجات الحلوة و شعوركم بعمل الخير بس بنفرق اغلبها على ناس بره العمل كل سنه تروحلهم الشنطه.

كمان مافيش داعى للكوبونات لأن بعض الناس تلجأ لاستبدالها بالنقود لظروف الحاجه و تكون نيتك انك تضمنى ولاده ياكلوا من الحاجات دى.

وفقكم الله لعمل الخير دائما