اذهب إلى المحتوى
محاورات المصريين

يوميات..تأملات..خبرات المدربين و المدربات في جميع المجالات

عبير يونس
 مشاركة

Recommended Posts

عبير يونس عضو مبتدئ

عبير يونس

بتاريخ:
  • كاتب الموضوع
بتاريخ:

ستة أسابيع مضت مع أول كورس

أقوم بتدريسه

في بيرلتز مصر

باكتبها و جسمي بيقشعر

لأن ده كان حلم

و دلوقت بقى حقيقة

حأطير من السعادة ان ربنا وفقني انقل خبرات

لعشرة متدربين و متدربات "مصريين"

العشرة دول زرعي اللي طرح ابتسامتهم

كل واحد و واحدة فيهم حيؤثر ايجابيا في ألف شخص

اول جون في شبكة السلبية

و المباراة مستمرة

:)

أعد شحن طاقتك

حدد وجهتك

و اطلق قواك

رابط هذا التعليق
شارك
عادل أبوزيد Rising Star

عادل أبوزيد

بتاريخ:
بتاريخ:

انطباعي القديم جدا ان بيرلتز تقوم بتدريس اللغات فقط انطباع من الستينيات ، أكيد الأمور تغيرت كثيرا في نصف القرن الماضي ، فهل لكي أن تحادثينا عن برنامج التدريب الذي قمتي به و تأملين أن العشرة الذين قمت بتدريبهم قادرون على التأثير في ألف. من عموم الناس.

ما سبق كان إستهلالا لابد منه

بداية أهنئكي من كل قلبي على النجاح الذي أحرزتيه عندما زرعتي نفسك. في مجتمع التدريب و التنمية البشرية في مجتمع غبتي عنه كثيرا ، أهنئك و أتوقع منكي الكثير في القادم من الأيام.

ننتظر من حضرتك المزيد من التفصيلات عن أنواع التدريب التي تقوم بها بيرلتز او غيرها هنا في مصر و لا مانع من أن تذكري تفاصيل البرامج و اسعارها.

مواطنين لا متفرجين


رابط هذا التعليق
شارك
عبير يونس عضو مبتدئ

عبير يونس

بتاريخ:
  • كاتب الموضوع
بتاريخ:

انطباعي القديم جدا ان بيرلتز تقوم بتدريس اللغات فقط انطباع من الستينيات ، أكيد الأمور تغيرت كثيرا في نصف القرن الماضي ، فهل لكي أن تحادثينا عن برنامج التدريب الذي قمتي به و تأملين أن العشرة الذين قمت بتدريبهم قادرون على التأثير في ألف. من عموم الناس.

ما سبق كان إستهلالا لابد منه

بداية أهنئكي من كل قلبي على النجاح الذي أحرزتيه عندما زرعتي نفسك. في مجتمع التدريب و التنمية البشرية في مجتمع غبتي عنه كثيرا ، أهنئك و أتوقع منكي الكثير في القادم من الأيام.

ننتظر من حضرتك المزيد من التفصيلات عن أنواع التدريب التي تقوم بها بيرلتز او غيرها هنا في مصر و لا مانع من أن تذكري تفاصيل البرامج و اسعارها.

أشكر حضرتك يا فندم

الحقيقة تكمن سعادتي اني نقلت خبرات لمصريين

و ده مش تحيز او عنصرية

لكن اعتبره بداية تحقيق الاهداف

مصر تحتاج الان و أكثر من أي وقت مضى إلى التنمية البشرية

بيرلتز معهد لغات طبعا

لكنه بيقدم برامج بالاشتراك مع أماكن أخرى و بالتعاون مع الجامعات

البرنامج اللي قمت بتدريسه اسمه WFP

Work Force Passport

أو جواز سفر لسوق العمل

و هي منحة دراسية مقدمة من احدى شركات التدريب بالتعاون مع ديل كارنيجي للتدريب و طبعا بيرلتز

المنحة تكلفتها

200 جنيها مصريا

و يمر الطالب بامتحان تحديد مستوى اللغة الانجليزية التي لا يجب أن يقل مستوى المتقدم فيها عن المستوى الاول

حيث هناك مستويان قبل هذا المستوى

المنحة تتراوح من 4 الى 6 اسابيع

يدرس فيها المتدرب من 2-3 مستويات لغة

بالاضافة الى برنامج مهاراتي عن المهارات الاساسية لسوق العمل

مشتملة على مهارات اعداد السيرة الذاتية و خطاب التزكية Cover Letter

و الاعداد للمقابلة الشخصية

مع وضع خطة مشروع متكامل من الالف للياء

و تقديمه باستخدام مهارات العرض presentation

خلال الكورس

كان تركيزي على التفاصيل الانسانية

و كيفية التخلص من الضغوط للتمكن من اتمام البرنامج بسلاسة و دون توتر

رغم ضيق الوقت و عبء اللغة الاجنبية

مكاسبي المهنية لا تعد و لا تحصى من البرنامج الذي اضاف لي الكثير

و مكاسبي الانسانية,, عشرة قلوب غضة نقية ساهمت بتوفيق رب العالمين في زيادة اقبالها على الحياة

أعد شحن طاقتك

حدد وجهتك

و اطلق قواك

رابط هذا التعليق
شارك
عادل أبوزيد Rising Star

عادل أبوزيد

بتاريخ:
بتاريخ:

شرح جذاب لفكرة ال WFP و لعلك تعرفين أن هذه المهارات مطلوبة و مطلوبة بشدة. في مصر بالذات

ما سبق كان استهلالا لابد منه

مصر تتميز بهيكل سكاني فيه نسبة عالية من الشباب و هم أمل مصر في مستقبل زاهر ، و السؤال هنا هل هناك ما يشبه هذا البرنامج لمراحل و خلفيات علمية مختلفة.

و أظن أن ذلك مفتاح الإنطلاق لبلدنا و هناك إرهاصات للنجاح. و منها ما تم الإعلان عنه تكوين شركة برأسمال ١٠ مليار جنيه. إسمها أيادي تقوم بتدريب القوى العاملة حسب إحتياجات سوق العمل ( يتصلون برجال الأعمال و يعرفون احتياجاتهم و يقومون بتدريب الشباب لملء هذه الإحتياجات. لأول مرة. الحصان قبل العربية )

مواطنين لا متفرجين


رابط هذا التعليق
شارك
  • بعد 2 شهور...
عبير يونس عضو مبتدئ

عبير يونس

بتاريخ:
  • كاتب الموضوع
بتاريخ:

ختام تاني كورس لبيرلتز جامعة عين شمس

الحصاد المرة دي يتجاوز ال 120 طالب و طالبة

تعلمت منهم قبل أن أعلمهم

و منهم استمد طاقة لذيذة و نضرة

من شباب في أوائل العشرينات

يملؤهم الأمل

ورود مصر اليانعة

اللهم بارك لمصر فيكم أعزائي

أحبكم

ده مش مجرد جون في شبكة السلبية

شبكة السلبية تهتريء

:)

أعد شحن طاقتك

حدد وجهتك

و اطلق قواك

رابط هذا التعليق
شارك
محاور عضو جديد

محاور

بتاريخ:
بتاريخ: (معدل)

اجمل حاجة فى الموضوع ده, انه بيتكلم عن المدرب و احساسه...

أختى الكريمة عبير, ماتزعليش منى... بس انا دايما كان عندى انطباع ان المدربين فى كل مراكز التدريب فى مصر باختلاف مناهجها, هدفهم هو السبوبة و بس... و ده مش عيب قوى لانه فى النهاية أكل عيش, لكن العيب ان نسبة غير قليلة منهم مش بيشتغلوا بضمير, و عشان كده انا عمرى ما حضرت تدريب فى مصر...

على عكس النظام فى الخارج... ممكن crash course لمدة يوم او 3 ايام, الواحد يطلع مستفيد منه جدا, و يفتح باب لعلاقات جديدة و فرص جديدة..

لكن أعتقد انك غيرتى شىء من الانطباع ده عندى, بما إنك مدربة و بتبصى للأمور بزاوية تانية... زاوية تستحق التأمل و تستحق تكرارها كنموذج بين المدربين و المدربات فى مصر.

لما لقيتك كاتبة عن بيرلتز, إفتكرت انى رحت جامعة عين شمس السنة اللى فاتت مع واحدة صاحبتى كانت بتعمل ماجستير فى الجامعة و بتخلص ورق, و فى نفس الوقت ابنها عنده توحد... فكنت بروح معاها للمعهد الخاص بالتوحد - بيقدموا جلسات للأطفال- اللى موجود داخل جامعة عين شمس ربما يكون معهد الدراسات العليا للطفولة - مش متذكر, و لقيت كشك صغير تبع بيرلتز, و كان فيه مندوبين تقريبا بيردوا على استفسارات الطلاب عن البرامج... و كان فيه اعلانات عن البرامج بتاعت سوق العمل و اللغة...

و بينى و بينك, لما شفت الكشك ده, حسيت ان الموضوع مجرد بيزنس و شغل, من غير عائد حقيقى عالطلاب اللى بيدرسوا و عايزين يتفاعلوا مع الموضوع...

و الحقيقة احنا محتاجين البرامج دى جدا جدا جدا... يعنى انا مش اعتراضى عالبرامج, و لكن اعتراضى على الطريقة..

لكن الواقع بيقول اننا محتاجين برامج كتير, و محتاجين كتب كتير مبسطة تطلع للطلبة على مدار صفوفهم الدراسية, و الكتب المبسطة دى تتكلم عن واقع الحياة و الخبرات و التجارب الحقيقية, و يكون فيها توعية للطلبة و الشباب, علشان ميكرروش أخطائنا... لإننا كلنا طلعنا فى الحياة كده بنتعلم مع نفسنا و زى ما تيجى... و تلاقى حبة فاهمين و حبة تانيين مش فاهمين و حبة تالتين فاكرين انهم فاهمين... و مفيش اى نظام ممنهج لتوجيه شباب البلد ده...

الحاجة الوحيدة بس اللى بعيبها على مراكز التدريب نقطتين... أولا ان مفيش ضمير قوى فى جودة التدريس, و ثانيا ان الاسعار بتبقى مبالغ فيها جدا...

يعنى انا على طول بشوف كورسات او برامج تدريبية عن التنمية البشرية و بلاقى ارقام فلكية.... الف جنيه و الفين جنيه و أرقام كده ما انزل الله بها من سلطان...

فأنا أمنية حياتى بجد ان يتم إضافة حصة للطلبة فى المدارس و الجامعات تكون متعلقة بالتنمية البشرية و بتجارب الحياة و تدريب الشباب على سلوكيات معينة تؤهلهم انهم يتعاملوا مع الحياة بشكل سليم... و تناقش مشاكلهم و تجاربهم و تعرفهم الصح من الغلط...

تم تعديل بواسطة محاور

وَإِذَا قِيلَ لَهُمْ تَعَالَوْا إِلَىٰ مَا أَنزَلَ اللَّهُ وَإِلَى الرَّسُولِ رَأَيْتَ الْمُنَافِقِينَ يَصُدُّونَ عَنكَ صُدُودًا (61)


فَكَيْفَ إِذَا أَصَابَتْهُم مُّصِيبَةٌ بِمَا قَدَّمَتْ أَيْدِيهِمْ ثُمَّ جَاءُوكَ يَحْلِفُونَ بِاللَّهِ إِنْ أَرَدْنَا إِلَّا إِحْسَانًا وَتَوْفِيقًا (62)

أُولَٰئِكَ الَّذِينَ يَعْلَمُ اللَّهُ مَا فِي قُلُوبِهِمْ فَأَعْرِضْ عَنْهُمْ وَعِظْهُمْ وَقُل لَّهُمْ فِي أَنفُسِهِمْ قَوْلًا بَلِيغًا (63)


صدق الله العظيم



مَّن يُطِعِ الرَّسُولَ فَقَدْ أَطَاعَ اللَّهَ ۖ وَمَن تَوَلَّىٰ فَمَا أَرْسَلْنَاكَ عَلَيْهِمْ حَفِيظًا (80)



وَيَقُولُونَ طَاعَةٌ فَإِذَا بَرَزُوا مِنْ عِندِكَ بَيَّتَ طَائِفَةٌ مِّنْهُمْ غَيْرَ الَّذِي تَقُولُ ۖ وَاللَّهُ يَكْتُبُ مَا يُبَيِّتُونَ ۖ فَأَعْرِضْ عَنْهُمْ وَتَوَكَّلْ عَلَى اللَّهِ ۚ وَكَفَىٰ بِاللَّهِ وَكِيلًا (81)


صدق الله العظيم



رابط هذا التعليق
شارك
عبير يونس عضو مبتدئ

عبير يونس

بتاريخ:
  • كاتب الموضوع
بتاريخ:

و بينى و بينك, لما شفت الكشك ده, حسيت ان الموضوع مجرد بيزنس و شغل, من غير عائد حقيقى عالطلاب اللى بيدرسوا و عايزين يتفاعلوا مع الموضوع...

الحاجة الوحيدة بس اللى بعيبها على مراكز التدريب نقطتين... أولا ان مفيش ضمير قوى فى جودة التدريس, و ثانيا ان الاسعار بتبقى مبالغ فيها جدا...

يعنى انا على طول بشوف كورسات او برامج تدريبية عن التنمية البشرية و بلاقى ارقام فلكية.... الف جنيه و الفين جنيه و أرقام كده ما انزل الله بها من سلطان...

فأنا أمنية حياتى بجد ان يتم إضافة حصة للطلبة فى المدارس و الجامعات تكون متعلقة بالتنمية البشرية و بتجارب الحياة و تدريب الشباب على سلوكيات معينة تؤهلهم انهم يتعاملوا مع الحياة بشكل سليم... و تناقش مشاكلهم و تجاربهم و تعرفهم الصح من الغلط...

مش عيب خالص على فكرة ان التعليم يمتزج بالبيزنس ما دامت الخدمة المقدمة ذات قيمة حقيقية

بالعكس انا ضد مجانية التعليم

لأن أصل كلمة طالب عالم تعني أنه يطلبه و يسعى خلفه

كانوا بيشدوا الرحال في طلب العلم و بيتكلفوا المال في سبيله

لما تيجي تقدمه لهم مجانا بتقلل من قيمته و المتلقي يزهد فيه و ده عن تجارب

و بالنسبة للمبالغة في الأسعار

فالأسعار في فرع جامعة عين شمس مخفضة إلى ربع قيمة الكورس المقدم في فروع مراكز بيرلتز

خدمة للطالب الجامعي

و بنفس جودة التعليم

فالمدربون هم نفسهم هنا و هناك

اهو بنحاول نشاركهم خبراتنا

لكن محدش بيعرف حد الصح من الغلط غير رب العباد

ما نحن إلا أسلاك توصيل للخير أو لل....

اللهم علمنا ما ينفعنا

و انفعنا بما علمتنا

و انفع بنا

آمين آمين آمين

أعد شحن طاقتك

حدد وجهتك

و اطلق قواك

رابط هذا التعليق
شارك
محاور عضو جديد

محاور

بتاريخ:
بتاريخ: (معدل)

سيدتى الكريمة عبير...

أكيد ان مجانية التعليم غلط إذا كنتى تقصدى التعليم الجامعى... أما التعليم حتى الثانوية العامة, فهو أساسى و مطلوب, و يجب ان يكون هذا هو الحد الادنى من مستوى التعليم المقبول به لدى جميع طوائف الشعب...

أما بالنسبة لإن محدش يعرف الصح و الغلط, مش عارف بصراحة... انتى رأيك ايه؟

عموما الصح و الغلط ليهم اتجاهين... اتجاه فى الحياة الدنيا, و اتجاه فى امور الدين....

أما بالنسبة للصح و الغلط فى الحياة الدنيا, فده مبنى على تجارب و خبرات... زى كده ما الواحد لما بيستخدم خبراته و تجاربه فى شغله و فى حياته اليومية عشان يتفادى أخطاؤه السابقة.. و بالتالى مسألة الصح و الغلط هنا نسبية الى حد ما, و لكن يظل فيه قواعد عامة اثبتت فاعليتها بناءا على تجارب عديدة من قبل عدد لا بأس به من الأناسى...

و هو ده اللى أقصد ان يتم تعليمه للطلبة فى المدارس عشان يقدروا يواجهوا الحياة و يتجنبوا الاخطاء المتكررة...

و أما فيما يخص الصح و الغلط فى أمور الدين.... فالصح واضح و الغلط واضح... زى بالظبط كده ما الكفر واضح و الايمان واضح...

الامور بقى اللى عليها خلاف نتيجة اختلاف فى الفهم, فدى مفيهاش مشكلة و هتلاقيها مسائل ثانوية, و من رحمة ربنا اننا مختلفين فيها, و الاختلاف ده هو اللى بيدى المساحة للإسلام ليكون صالح فى كل زمان و مكان...

لكن يظل الاساس واضح لا لبس فيه... أساس قائم على الكفر بالطاغوت و الايمان بالله وحده لا شريك له... و ان كل من يكفر بالله او يشرك به فهو من الخاسرين الضالين... و يظل حسابه عند ربه...

و انتى نفسك بفطرتك و فطنتك... و أى انسان له قلب سليم... هيقدر يعرف الصح و الغلط... لإننا لما بنعمل حاجة غلط, بنحس بوخزة فى قلبنا...

صحيح ان الوخزة دى ممكن يقل الشعور بها مع الوقت و مع تكرار نفس الخطأ, و لكن ربنا دايما رحيم و بيبعت لنا صدمات تفوقنا و تنضف قلبنا و يدينا فرصة جديدة عشان نرجع لفطرتنا السليمة...

و لكن مسألة اللاشىء و اللا أدرى... و احنا عايشين مش عارفين ايه الصح من الغلط... و هذه الحالة من التوهان اللامتناهى و اللا إرادى... دى مجرد بس حقنة بنج عشان و احنا بنعمل حاجة غلط, منحسش بتأنيب الضمير... و نعلق اخطائنا على شماعة اننا مش عارفين الغلط من الصح...

و اعتقد ان الكلام ده محدش يختلف عليه... لإنى بتكلم كلام عام... دون النظر للتفاصيل الثانوية, و الاختلاف فى التفاصيل الثانوية اختلاف و خلاف جانبى من رحمة و فضل ربنا, و لكن يجب ان يكون الاساس العقائدى واحد... و هو الكفر بالطاغوت و الايمان بالله وحده لا شريك له... و أنه لا حول ولا قوة الا بالله.... فالله يغفر الذنوب جميعا دون الشرك مهما وصلت هذه الذنوب من فجر و مجون.... و بالتالى اى اختلاف بقى تحت الكلام ده مش هيبقى فيه مشكلة و هتلاقيه اختلاف ثانوى جانبى او مؤقت متعلق بفترة زمنية معينة او بمكان معين...

تم تعديل بواسطة محاور

وَإِذَا قِيلَ لَهُمْ تَعَالَوْا إِلَىٰ مَا أَنزَلَ اللَّهُ وَإِلَى الرَّسُولِ رَأَيْتَ الْمُنَافِقِينَ يَصُدُّونَ عَنكَ صُدُودًا (61)


فَكَيْفَ إِذَا أَصَابَتْهُم مُّصِيبَةٌ بِمَا قَدَّمَتْ أَيْدِيهِمْ ثُمَّ جَاءُوكَ يَحْلِفُونَ بِاللَّهِ إِنْ أَرَدْنَا إِلَّا إِحْسَانًا وَتَوْفِيقًا (62)

أُولَٰئِكَ الَّذِينَ يَعْلَمُ اللَّهُ مَا فِي قُلُوبِهِمْ فَأَعْرِضْ عَنْهُمْ وَعِظْهُمْ وَقُل لَّهُمْ فِي أَنفُسِهِمْ قَوْلًا بَلِيغًا (63)


صدق الله العظيم



مَّن يُطِعِ الرَّسُولَ فَقَدْ أَطَاعَ اللَّهَ ۖ وَمَن تَوَلَّىٰ فَمَا أَرْسَلْنَاكَ عَلَيْهِمْ حَفِيظًا (80)



وَيَقُولُونَ طَاعَةٌ فَإِذَا بَرَزُوا مِنْ عِندِكَ بَيَّتَ طَائِفَةٌ مِّنْهُمْ غَيْرَ الَّذِي تَقُولُ ۖ وَاللَّهُ يَكْتُبُ مَا يُبَيِّتُونَ ۖ فَأَعْرِضْ عَنْهُمْ وَتَوَكَّلْ عَلَى اللَّهِ ۚ وَكَفَىٰ بِاللَّهِ وَكِيلًا (81)


صدق الله العظيم



رابط هذا التعليق
شارك
عبير يونس عضو مبتدئ

عبير يونس

بتاريخ:
  • كاتب الموضوع
بتاريخ:

محدش يقدر يعرف ( بتشديد الراء) حد الصح من الغلط

يعني لا أبوية في الموضوع

كل واحد عقله في راسه يعرف خلاصه

أعد شحن طاقتك

حدد وجهتك

و اطلق قواك

رابط هذا التعليق
شارك
محاور عضو جديد

محاور

بتاريخ:
بتاريخ:

سيدتى الكريمة عبير...

انا مش قادر افهم قصدك بالظبط لإن كلماتك تحمل العديد من المعانى, و مش عايز أحمل كلامك معنى لا تقصدينه... و لكن اتمنى ان يتسع صدرك لكلامى و اسئلتى... يمكن افهم منك حاجة مش فاهمها.

بصى يا سيدتى الكريمة... كل إنسان يتحمل نتيجة أفعاله بكل تأكيد, و هو الوحيد صاحب القرار فى تصرفاته و الحساب على الله سبحانه و تعالى...

و لكن لو تركنا الامور فى المطلق بأن محدش يعرف حد الصح من الغلط, فمعنى كلامك ان الكتب السماوية اللى بتعرفنا و ترشدنا للصح من الغلط ملهاش اى قيمة...

بل إن القيود المجتمعية المتمثلة فى الاعراف و التقاليد و القوانين و الدساتير نرميها فى الزبالة كده كلها على بعضها... طالما ان مفيش حاجة اسمها ان حد يعرفنا الصح من الغلط...

الموضوع معقد و مركب الى حد كبير, لإن فيه عدة امور متقاطعة... ما بين ما هو نسبى و مطلق... و ما بين حدود الحرية بين الفرد و المجتمع... فحرية الفرد فى تصرفاته لا يمكن ان تخرج خارج نطاق دائرته الضيقة, فتضر الآخرين...

ده غير ان الانسان لو بصيتى عليه و على طور حياته... هتلاقيه بيحتاج 21 سنة عشان يبلغ يصل سن الرشد الكامل... و بيحتاج 13 او 14 سنة عشان يبلغ و يعقل...

تفتكرى احنا بنحتاج السنين دى كلها ليه عشان نوصل لسن الرشد؟ 21 سنة.... انتى متخيلة كام انسان بيموت قبل ما يوصل لسن 21 سنة اصلا؟

وَإِذَا قِيلَ لَهُمْ تَعَالَوْا إِلَىٰ مَا أَنزَلَ اللَّهُ وَإِلَى الرَّسُولِ رَأَيْتَ الْمُنَافِقِينَ يَصُدُّونَ عَنكَ صُدُودًا (61)


فَكَيْفَ إِذَا أَصَابَتْهُم مُّصِيبَةٌ بِمَا قَدَّمَتْ أَيْدِيهِمْ ثُمَّ جَاءُوكَ يَحْلِفُونَ بِاللَّهِ إِنْ أَرَدْنَا إِلَّا إِحْسَانًا وَتَوْفِيقًا (62)

أُولَٰئِكَ الَّذِينَ يَعْلَمُ اللَّهُ مَا فِي قُلُوبِهِمْ فَأَعْرِضْ عَنْهُمْ وَعِظْهُمْ وَقُل لَّهُمْ فِي أَنفُسِهِمْ قَوْلًا بَلِيغًا (63)


صدق الله العظيم



مَّن يُطِعِ الرَّسُولَ فَقَدْ أَطَاعَ اللَّهَ ۖ وَمَن تَوَلَّىٰ فَمَا أَرْسَلْنَاكَ عَلَيْهِمْ حَفِيظًا (80)



وَيَقُولُونَ طَاعَةٌ فَإِذَا بَرَزُوا مِنْ عِندِكَ بَيَّتَ طَائِفَةٌ مِّنْهُمْ غَيْرَ الَّذِي تَقُولُ ۖ وَاللَّهُ يَكْتُبُ مَا يُبَيِّتُونَ ۖ فَأَعْرِضْ عَنْهُمْ وَتَوَكَّلْ عَلَى اللَّهِ ۚ وَكَفَىٰ بِاللَّهِ وَكِيلًا (81)


صدق الله العظيم



رابط هذا التعليق
شارك
عبير يونس عضو مبتدئ

عبير يونس

بتاريخ:
  • كاتب الموضوع
بتاريخ:

محاور باشا

انت اللهم لا حسد و ماشاء الله لا قوة إلا بالله بتجيب الوقت ده كله منين :)

و اللهم صل على النبي سهران و قايم بدري :)

مين جاب سيرة الكتب السماوية يا فندم

احنا بنتكلم عن المدربين و خبراتهم البشرية,,, البشرررررررية

صباحك سعادة

أعد شحن طاقتك

حدد وجهتك

و اطلق قواك

رابط هذا التعليق
شارك
محاور عضو جديد

محاور

بتاريخ:
بتاريخ: (معدل)

ما انا قلت لك مش عايز افهم كلامك غلط... و طلبت العفو و السماح... :)

شفتى سعيد صالح فى مسرحية العيال كبرت و هو ماسك اربع كتب فى ايده الشمال و اربعه فى ايده اليمين و قاعد يقرا فيهم كلهم؟ أهو انا كده بقى :D...

من أكبر نعم الله سبحانه و تعالى عليا, إنى عندى طاقة كبيرة جدا... طاقة فى التفكير و طاقة فى الحركة و طاقة للقرائة بنهم شديد و طاقة للخروج و الانطلاق.... و مفيش حاجة بتهدنى... يعنى انا مش من النوع اللى ممكن يستنزف بسهولة... لا بعرف أيأس و لا بعرف اسكت...

ضيفى بقى على كده لأساليب ال reaching the full potential... و achieving the highest possible productivity...

الtime management... و التخطيط و الادارة... و تحديد المهام بوضوح و عدم السرحان و التوهان...

و ال multi-tasking techniques و اللى مهمة جدا عشان الواحد يقدر ينجز... بس لازم تتعمل صح. :)

يعنى الحاجة اللى الشخص العادى بيعملها فى ساعة مثلا, انا ممكن اعملها فى 20 دقيقة... لإنى بنجز و بركز و ممكن اعمل حاجتين مع بعض فى نفس الوقت لو أمكن... و ده بيكون عن طريق التبادل... بس ده خطر لو الواحد معملوش صح و ممكن يضيع وقت اكبر من المطلوب توفيره...

يعنى المسألة ببساطة ان معدل طاقتى اعلى من معدل الطاقة للإنسان العادى... او يمكن يكون نفس المعدل او حتى أقل, بس انا بركز... يعنى الجرعة بتاعت الطاقة عندى جرعة مركزة, و بالتالى ده بيوفر فى الوقت....

لو عايزة تاخدى كراش كورس, انا معنديش مانع... :P

غير كده بقى انى عندى احساس داخلى انى هروح بدرى بدرى... :) عشان كده بعيش الحياة بأقصى ما لدى من قوة... عارفة المندفع المتهور اللى مش فارق معاه انه يخسر اى حاجة؟ هو ده انا. :) بس مع فارق بسيط, إنى بحسبها قبل ما اندفع... لكن بمجرد ما احسبها, بنطلق و بطلع كل الطاقة اللى عندى...

ده بالاضافة حضرتك يعنى انى بنام تقريبا من 3 ل4 ساعات بس... و بيكونوا متقطعين, لإنى لازم اكون صاحى فى اوقات مختلفة من اليوم, نظرا لإن طبيعة عملى بتفرض عليا إنى اصحى فى توقيتات دول مختلفة من امريكا لأوروبا لآسيا و أستراليا...

تم تعديل بواسطة محاور

وَإِذَا قِيلَ لَهُمْ تَعَالَوْا إِلَىٰ مَا أَنزَلَ اللَّهُ وَإِلَى الرَّسُولِ رَأَيْتَ الْمُنَافِقِينَ يَصُدُّونَ عَنكَ صُدُودًا (61)


فَكَيْفَ إِذَا أَصَابَتْهُم مُّصِيبَةٌ بِمَا قَدَّمَتْ أَيْدِيهِمْ ثُمَّ جَاءُوكَ يَحْلِفُونَ بِاللَّهِ إِنْ أَرَدْنَا إِلَّا إِحْسَانًا وَتَوْفِيقًا (62)

أُولَٰئِكَ الَّذِينَ يَعْلَمُ اللَّهُ مَا فِي قُلُوبِهِمْ فَأَعْرِضْ عَنْهُمْ وَعِظْهُمْ وَقُل لَّهُمْ فِي أَنفُسِهِمْ قَوْلًا بَلِيغًا (63)


صدق الله العظيم



مَّن يُطِعِ الرَّسُولَ فَقَدْ أَطَاعَ اللَّهَ ۖ وَمَن تَوَلَّىٰ فَمَا أَرْسَلْنَاكَ عَلَيْهِمْ حَفِيظًا (80)



وَيَقُولُونَ طَاعَةٌ فَإِذَا بَرَزُوا مِنْ عِندِكَ بَيَّتَ طَائِفَةٌ مِّنْهُمْ غَيْرَ الَّذِي تَقُولُ ۖ وَاللَّهُ يَكْتُبُ مَا يُبَيِّتُونَ ۖ فَأَعْرِضْ عَنْهُمْ وَتَوَكَّلْ عَلَى اللَّهِ ۚ وَكَفَىٰ بِاللَّهِ وَكِيلًا (81)


صدق الله العظيم



رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...