قر و أعترف كم حاجه من دول عملتهم و انت صغير

[مغتربة]

بصوا بقى كل واحد يدخل هنا لازم يقر و يعترف كم حاجه من دول كان بيعملهم و هو صغير

متخافوش مش هنقول لحد سركم فى بيرررررررررررررررررررررررررررر :P :P :P

1- تغنى قدام المروحه وهي شغاله علشان الهوا و هو بيغير فى صوتك

2-القلم الجاف طفح فى جيبك ايام الابتدائى

3-تشخبط علي الحيط قال يعنى بترسم احلى من بيكاسو

4- للبناويت تلوني ضوافرك بالألوان الفلوماستر

5- ترج ازازة البيبسي وبعديها تفتحها عشان تبهدل الدنيا

6-شميت ريحة الاستيكة ولقتها عاملة زى الفراولهروحت اكلها

7-تمضى الشهادة لنفسك

8-تقفل باب التلاجة ببطء علشان تشوف مين اللى بيطفى نور التلاجة

9- تستلم جوابات ولى الامر بنفسك و تلحق تخبيها قبل ما بباكيشوفها

10- كنت فاكر ان السحاب هو قطن و متعلق فى السما

11- قعدت مره تفكر كام جردل ملح رموه فى البحر علشان يبقى مالح قوى كدا

12- قعدت تبص على الخروم الى فى التلفيزيون من ورا علشان تشوف الممثليين الى قاعدين جواه

13 - تقف قدام المرايا و تفضل تغنى

14- تبرم اوراق صغيره زى ما تكون سجاير و تحطها فى علبه شريط الكاسيت قال يعنى معاك علبه سجاير و تطلع منها بقى السجاير و تشرب و تعيش

15- اتصدمت لما سمعت فى برنامج ان اسماعيل يس مات و بعديها بيوم تلاقى فيلم جاى ليه فى التلفزيون

16- عملت تقسيمات على المكتب بتاعك بالقلم قال يعنى صوابع بيانو و قعدت تعزف عليها

17- كنت فاكر ان احنا لما بننام كل الحاجات الى فى البيت بتصحى و تعيش بقى حياتها

18-و انت بتدرس امل و عمر كنت فاكرهم معاك فى المدرسه و تقعد كل يوم تدور عليهم فى الطابور

19- البنوتات كانت فاكره انها حضرت فرح ماما و بابا و مسكت الشمعه كمان فيه

20-منت عايز تعرف مين الى بيعمل صوت الصفاره لما بترفع سماعه التليفون

21- طلعت فوق الدولابو نطيت على السرير

22- ربطت ملايه سرير فى ضرف البلكونه الاتنين و عملتها مرجيحه

23- نزلت على درابزين السلم بدل السلالم

24- طلعت على الزوحليقه بالعكس

25- جبت صرصور صغير و حبسته تحت كوبايه قزاز شفافه علشان تشوف هيموت بعد اد ايه

26- تحط قصص ميكى فى درج التخته و تفقراها و الاستاذ بيشرح قدام قال يعنى باصص فى الكتاب

27- للولد لما كانوا بيسالوك و انت صغير عايز تطلع ايه كنت ترد ظابط و البنت كنت تردى دكتوره

28- ضربت بمبه جوه الفصل و المدرس بيشرح ووشه للسبوره

كفايه دول الاول و بعدين نكمل بس زى ما قلنا كله لازم يقول :happy:

مجمع و منقول و من اضافاتى :happy:

[Alrefaey]

دول اللى انا فاكرهم

1-

2-القلم الجاف طفح فى جيبك ايام الابتدائى (كتير كان بيحصل )

5- ترج ازازة البيبسي وبعديها تفتحها عشان تبهدل الدنيا

8-تقفل باب التلاجة ببطء علشان تشوف مين اللى بيطفى نور التلاجة

12- قعدت تبص على الخروم الى فى التلفيزيون من ورا علشان تشوف الممثليين الى قاعدين جواه(انا بالفعل فكيت جهاز كاسيت حته حته واختى الكبيرة لحقتنى وانا بفك التلفزيون بالمفك ) :moil:

- جبت صرصور صغير و حبسته تحت كوبايه قزاز شفافه علشان تشوف هيموت بعد اد ايه(صراحة كان خفاش مش صرصور :sad:

27- للولد لما كانوا بيسالوك و انت صغير عايز تطلع ايه كنت ترد ظابط و البنت كنت تردى دكتوره (انا كنت بقول طيار ولما وصلت الاعدادى كنت بقول دكتور )

28- ضربت بمبه جوه الفصل و المدرس بيشرح ووشه للسبوره(حصل وخدت علقة محترمة ) bngn::

:happy:

:hi:

[بركة]

بصوا بقى كل واحد يدخل هنا لازم يقر و يعترف كم حاجه من دول كان بيعملهم و هو صغير

متخافوش مش هنقول لحد سركم فى بيرررررررررررررررررررررررررررر :P :P :P

1- تغنى قدام المروحه وهي شغاله علشان الهوا و هو بيغير فى صوتك

3-تشخبط علي الحيط قال يعنى بترسم احلى من بيكاسو

4- للبناويت تلوني وشي بالألوان الفلوماستر

7-تمضى الشهادة لنفسك عشان تيته كان نظرها ضعف جدا

8-تقفل باب التلاجة ببطء علشان تشوف مين اللى بيطفى نور التلاجة

13 - تقف قدام المرايا و تفضل تغنى

15- اتصدمت لما سمعت فى برنامج ان اسماعيل يس مات و بعديها بيوم تلاقى فيلم جاى ليه فى التلفزيون

21- طلعت فوق الشفونيرة نطيت على الارض

22- ربطت حبل فى سور البلكونه و عملتها مرجيحه

23- نزلت على درابزين السلم بدل السلالم

24- طلعت على الزوحليقه بالعكس

كفايه دول الاول و بعدين نكمل بس زى ما قلنا كله لازم يقول :happy:

مجمع و منقول و من اضافاتى :happy:

[عبير يونس]

بصوا بقى كل واحد يدخل هنا لازم يقر و يعترف كم حاجه من دول كان بيعملهم و هو صغير

متخافوش مش هنقول لحد سركم فى بيرررررررررررررررررررررررررررر :P :P :P

1- تغنى في الحمام

2-القلم الجاف طفح فى جيبك ايام الابتدائى

3-تشخبط علي الحيط قال يعنى بترسم احلى من بيكاسو

4- للبناويت تلوني ضوافرك بالألوان الفلوماستر

6-شميت ريحة الاستيكة ولقتها عاملة زى الفراوله روحت اكلها

7-تمضى الأعذار لنفسك

8-تقفل باب التلاجة ببطء علشان تشوف مين اللى بيطفى نور التلاجة

10- كنت فاكر ان السحاب هو قطن و متعلق فى السما

12- قعدت تبص على الخروم الى فى التلفيزيون من ورا علشان تشوف الممثليين الى قاعدين جواه

13 - تقف قدام المرايا و تفضل تغنى

14- تبرم اوراق صغيره زى ما تكون سجاير و تحطها فى علبه شريط الكاسيت قال يعنى معاك علبه سجاير و تطلع منها بقى السجاير و تشرب و تعيش و أصب البيبسي في كاسات و اقول نخبك

15- اتصدمت لما سمعت ان عمر خورشيد مات و بعديها بيوم تلاقى فيلم جاى ليه فى التلفزيون

19- البنوتات كانت فاكره انها حضرت فرح ماما و بابا و مسكت الشمعه كمان فيه

21- طلعت فوق رأس السرير (كان عالي) و نطيت على السرير

22- ربطت ملايه سرير فى ضرف البلكونه الاتنين و عملتها مرجيحه

23- نزلت على درابزين السلم بدل السلالم ( كان نفسي بس الدرابزين مكانش من النوع اللي نتزحلق عليه و كان لازق في بعضه بالإضافة اني كنت جبانة :lol: ):blink:

24- طلعت اعلى الزوحليقه بالعكس

25- جبت صرصور صغير و حبسته تحت كوبايه قزاز شفافه علشان تشوف هيموت بعد اد ايه ( لا كنت عايشة في دور الكيميائي بعمل التجارب و خلط المواد) :)

26- تحط قصص ميكى فى درج التخته و تقراها و الاستاذ بيشرح قدام قال يعنى باصص فى الكتاب( لا كنت بأحط الواكمان تحت الطرحة همة يقولوا النشيد الوطني و أنا بأسمع أغاني أجنبية .... بس كنت مدرسة مش طالبة :wub:)

27- للولد لما كانوا بيسالوك و انت صغير عايز تطلع ايه كنت ترد ظابط و البنت كنت تردي عالمة فيزياء

:happy:

[لماضة مصرية جدا]

السلام عليكم و رحمة الله و بركاته

يا دي الفاضيحة ام جلاجل

يا دي الجورسة ام حناجل...(وش عادل امام و هم عامل خط الصعيد)

اللي قطع فيا يا مغتربة

انك قولتي و احنا صغيرين

و انا لقيت ان فيه حاجات من عريضة الادعاء اللي انتي حاطاها

عملتها

و بعملها

و الجيل الجديد واخداها مني....(ولاد اخويا...و لما بيعملوها الاقي تيتة تبصلي و تقولي....انتي السبب يا كبيرة يا هبلة...تعزني اوي تيتة الصراحة)

و نمسكك المكرفون و نقول الوووووووووووووو

1- تغنى قدام المروحه وهي شغاله علشان الهوا و هو بيغير فى صوتك

بحب الوقفة قدام المروحة و اسيب شعري و اعمل اني فتاة فيديو كليب....(كان علي ايامي بقي ايهاب توفيق و كل الموديلز بيطلعوا و ماسكين قيمة 2 متر شيفون و قاعدين يطيروه في الهوا

3-تشخبط علي الحيط قال يعنى بترسم احلى من بيكاسو

بشخبط علي الدولاب من جوه قال يعني مش هيبان.....و كنت اعز اوي اشخبط علي باب الحمام...(نظرا لاني كنت بحب استقر هناك و محدش يسالني كنت بعمل فيه ايه

4- للبناويت تلوني ضوافرك بالألوان الفلوماستر

كنت بحب اشم الالوان.....مشروع مدمن صغير

5- ترج ازازة البيبسي وبعديها تفتحها عشان تبهدل الدنيا

دي عملة سودة و منيلة بنيلة....ليه بقي....علشان اصلا كان المصروف يدوب يجيب ازازة واحدةو بالحركة دي و بحجم ازازة الكولا كان تقريبا بيتفضل منها بوقين

7-تمضى الشهادة لنفسك

و لا عمري......غير مرة في سنة تانية اعدادي طلعت السابعة علي الفصل...بابا قالي فين الشهادة قولتله لسه ماخدنهاش...و بعديها روحت اتفتحت في العياط و قولتله انا اسفة انا كذبت.....(عيلة فقرية اوي كنت اعترف حتي من غير اي تشويح قلم في الهوا)

8-تقفل باب التلاجة ببطء علشان تشوف مين اللى بيطفى نور التلاجة

لا حضرتك انا كنت بعمل حاجة لطيفة خالص....انا اقفلها....و بعدين افتحها...و بعدين اقولها....طفيتي ازاي....و افضل كده لغاية ما اسمع صوت ماما بتزعق عبر الطرقة....تعالي من المطبخ يا لمضة

13 - تقف قدام المرايا و تفضل تغنى

مراية ليه...كان عندي اصحابي في العمارة....و اي اطفال ولاد صحابات ماما...و اذا مكنشي يبقي طقم العرايس و اقعدهم ع السرير...و بعدين اعمل فوازير....و احيانا كنت بعمل اعلانات....و بعدين مارشات عسكرية

14- تبرم اوراق صغيره زى ما تكون سجاير و تحطها فى علبه شريط الكاسيت قال يعنى معاك علبه سجاير و تطلع منها بقى السجاير و تشرب و تعيش

ده ايه العيل طويل التيلة...قصدي طويل البال دوت....يا بنتي انا شربت سوجارة خبط لزق كده في سن السادسة

اخويا الاكبر مني و انتيمي في نفس الوقت كان عنده عادة عجيبة اوي انه في العيد لازم يدخن سيجارة و ميتقفشي...المهم طبعا لاني كنت لازقة في ديله....و هو طول عمره مش بيحرمني من حاجة فراح اداني نفس....و عينك بقي ما تشوف الا النور....كحيت في وشه لما قال جاي...و بعدين بيقولي انا عمري...(ده كان 10 سنين اصلا)....ما شفتش حد بيشرب السيجارة و يفتح بقه و يضحك

17- كنت فاكر ان احنا لما بننام كل الحاجات الى فى البيت بتصحى و تعيش بقى حياتها

لا اصلا مكنتش انام انا و اخويا الا لما نشوف نقار الخشب....و ده ماما كانت بتخوفنا بيه قال يعني علشان نسمع الكلام و ننام...و احنا اصلا كانت بعد ما هي تنام بنقعد نستناه علشان نشوف هو شكله ايه....و بعد كده عرفنا من التلفزيون ان هو صغنتت اوي و دمه خفيف اصلا....و بعدين بقي ماما يئست مننا و كانت بتدور علي ملجأ يتبنانا

19- البنوتات كانت فاكره انها حضرت فرح ماما و بابا و مسكت الشمعه كمان فيه

عمري ما فكرت في فرح ماما و بابا....بس فكرت كتير في فرحي انا و بابا....(وش حد مكسوف اوي)

21- طلعت فوق الدولاب و نطيت على السرير

لان صحتي كانت ضعيفة و انا صغيرة....مكنتش بعمل الحركة دي بوتاتا....[س كنا بنعملها انا و اخويا بطريقة تانية خالص...هو يطلع يعمل طرزان....(و انا شيتا طبعا سمعاكم علي فكرة...) و هوووووووووب ينط علي المرتبة....اللي بنبقي فارشينها علي الارض...اه نسيت اقولكم....اخويا حبيبي...مهجة قلبي....كان بيحطني علي المرتبة علشان...ينط عليا.....طول عمره يعز المصارعة و خصوصا تثبيت الاكتاف

24- طلعت على الزوحليقه بالعكس

طبعا....اصلا هي الزوحيلقة لازم تبقي بالعكس....كان لينا زوحليقة في ابتدائي بتاعتنا....محدش بيجي جنبيها...كنا نركبها بالعكس....و كنا كمان لما نحب نركبها عدل....يا نتزحلق واقفين....يا نعمل قطر يعني نفضل متبتين في بعض علشان لما نتكب من الزوحليقة نبقي متكومين فوق بعض....منتهي العته

25- جبت صرصور صغير و حبسته تحت كوبايه قزاز شفافه علشان تشوف هيموت بعد اد ايه

انا اعترض يا مغتربة....انتي عارفة اني بحب الصراصير...و عمري ما اعمل فيهم الحكاية الاسية دي....بس كنا بنعمل الاختبار دوت في النمل و نجيب حقنة و نفضل كل شوية نفس عليها ميه او سبرتو...الميه علشان تشرب اما السبرتو مش عارفة ليه...(دي اختراعات الكبير بتاع هندسة)

28- ضربت بمبه جوه الفصل و المدرس بيشرح ووشه للسبوره

لا و لله الحمد انا فرقع فيا صاروخ و انا مساكاه...(وش اي حد في فيلم كارتون و بيطلع وشه مصمد)

اختي ولعت الصاروخ....و ادتهوني علشان ارميه...و لسه هحدف.....عينك بقي متشوف الا النور....(المحصلة لبس العيد باظ و زعيق بقي من هنا لغاية سنة قدام)

كفايه دول الاول و بعدين نكمل بس زى ما قلنا كله لازم يقول :happy:

مجمع و منقول و من اضافاتى :happy:

بس خلاص

اي خدمة

و نسيب المكرفون للي بعدي

و نقول الو

اعزائي المستمعين

اهلا و سهلا بيكو في حلقة جديدة من برنامج...طفولة و ذكريات....و لينا في الفضايح حكايات

ايييييييييييييييه دونيا

و حدوووووووووه

[بيسان]

1- تغنى قدام المروحه وهي شغاله علشان الهوا و هو بيغير فى صوتك

2-القلم الجاف طفح فى جيبك ايام الابتدائى

3-تشخبط علي الحيط قال يعنى بترسم احلى من بيكاسو

4- للبناويت تلوني ضوافرك بالألوان الفلوماستر

8-تقفل باب التلاجة ببطء علشان تشوف مين اللى بيطفى نور التلاجة

واضيف كمان انى كنت بحب اغسل اسنانى بالفرشة بس وبدون معجون لان المعجون كان بيخلينيى ابكي

rs: :hearts:

تم تعديل 7 يوليو 2011 بواسطة بيسان

[rewsha]

شخصيا كنت باعمل الحاجات دي

1-تغنى قدام المروحه وهي شغاله علشان الهوا و هو بيغير فى صوتك

3-تشخبط علي الحيط قال يعنى بترسم احلى من بيكاسو

5- ترج ازازة البيبسي وبعديها تفتحها عشان تبهدل الدنيا

7-تمضى الشهادة لنفسك

13 - تقف قدام المرايا و تفضل تغنى

21- طلعت فوق الدولابو نطيت على السرير

23- نزلت على درابزين السلم بدل السلالم

24- طلعت على الزوحليقه بالعكس

28- ضربت بمبه جوه الفصل و المدرس بيشرح ووشه للسبوره

احب اضيف حاجات تانيه انا كنت باعملها وباحبها قوي غير الحاجات اللي فوق دي

1- كنت باحب اقصص ورق وارميه من البلكونه واتفرج عليه وهوه طاير في الهواء

وكمان كنت باحب اجيب ورق الشجر الصغير واقطفه واعمل فيه نفس اللي كنت باعمله في الورق

2- كنا بنتسابق مين ينط عدد اكبر من السلالم (بالاضافه الى اننا كنا بنتزحلق على الدرابزين )

3- كنت باتحايل على بنت الجيران الكبيره تحل لي الواجب علشان اقعد العب مع اختها اللي قدي

4-كنت احب اتمرجح في المراجيح بتاعت زمان اللي شبه المركب دي (بتاعت العيد) واحب اشقلبها قوي

5- امضغ اللبان لحد ما طعمه يروح وافتح واحده تانيه علشان امص الطعم اللي فيهاواول ما الطعم يروح ارميها واخد اللي بعدها

وهكذا

6- اعمل بالونه باللبانه وافرقعها على وشي والشاطر اللي بالونته تبقى اكبر

7- كنت باحب اكل ام الخلول .وبعدها ناخد القشر بتاعها ونغسله ونلونه بالمونوكير ونلزقه على اظافرنا كئنها اظافر طويله :wub:

دي الحاجات اللي فاكراها دلوقتي

تم تعديل 7 يوليو 2011 بواسطة rewsha

[م تيمور المراغي]

انا كنت بجيب ازازة الميه الساقعه من التلاجه وادلقها على التلفزيون عشان المذيعه عطشانه !

كنت - مش عارف ازاي - بنط من فوق الدولاب اوصل للسرير في اخر الاودة !

اجيب قشر اليوستفندي اعصره في عين اختي الصغيره لما عميتها

اتصل بالساعه الناطقة 151 ولما تبتدي تتكلم اقوم شاتمها !

كنت فاكر ان كل بلد فيها الكعبه عشان كنت بسافر بين مصر والسعوديه و زعلت اوي انها في السعودية بس واقعدت اعيط

مزاج افضل العب في الاسانسير طالع نازل والجيران يشتكوني لبابا

كنت فاكر اني لو ركزت شويه حقدر احرك القلم على الديسك

على طول ماما تقول لي على حاجات ولما اسالها عرفتي ازاي ! تقول لي ( العصفورة قالت لي ) وانا افضل وانا ماشي رايح المدرسة ادور على العصفورة بنت التيييت دي اللي بتفتن عليا عند ماما

يتبع ...

[عصام أبوالفتح]

1,2,3,13,23,24

لفت نظرى ان معظمنا كان بيشخبط على الحيط . . ده علشان فراعنه! . . ولا قلة ورق!

[Nileman]

[ 1- تغنى قدام المروحه وهي شغاله علشان الهوا و هو بيغير فى صوتك

2-القلم الجاف طفح فى جيبك ايام الابتدائى

3-تشخبط علي الحيط قال يعنى بترسم احلى من بيكاسو

5- ترج ازازة البيبسي وبعديها تفتحها عشان تبهدل الدنيا

11- قعدت مره تفكر كام جردل ملح رموه فى البحر علشان يبقى مالح قوى كدا

13 - تقف قدام المرايا و تفضل تغنى

23- نزلت على درابزين السلم بدل السلالم

24- طلعت على الزوحليقه بالعكس

كفايه دول الاول و بعدين نكمل بس زى ما قلنا كله لازم يقول :happy:

مجمع و منقول و من اضافاتى :happy:

[مغتربة]

ياه دا احنا طلعنا متشابهين فى حاجات كتير فى صغرنا

طيب انا عندى فكره بس بعد المشاركات ما تكون اكتر من كدا شويه و هو احنا نشوف ايه اكتر حاجه اختارها اغلب الى شاركوا و الى بعديها و كدا علشان نعرف ايه اكتر حاجه نقدرنسمها قاسم مشترك

[عنبو]

موضوع متميز كالعاده استاذه معتربه

بصوا بقى كل واحد يدخل هنا لازم يقر و يعترف كم حاجه من دول كان بيعملهم و هو صغير

متخافوش مش هنقول لحد سركم فى بيرررررررررررررررررررررررررررر :P :P :P

2-القلم الجاف طفح فى جيبك ايام الابتدائى

وعلى حظى يكون القميص ابيض والقلم اسود

3-تشخبط علي الحيط قال يعنى بترسم احلى من بيكاسو

العاده دى فضلت معايا لحد لما خلصت الكليه والدراسات العليا كمان واليى يدخل اوضتى لحد دلوقتى هيلاقى الشخابيط دى منها معادلات كميائيه على اسمى على شوية هبل كده محتفظ بيها

\5- ترج ازازة البيبسي وبعديها تفتحها عشان تبهدل الدنيا

كانت بتحصل بس فى الافراح لان الافراح البيبسى بيكون ببلاش لكن لو انا اليى شاريها فكان بيبقى نفسى اشطفها بميه واشرب الميه يعنى

6-شميت ريحة الاستيكة ولقتها عاملة زى الفراولهروحت اكلها

حتى لو ملهاش ريحيه انا لازم اعمل كده وكان فيه عاده كمان انى لازم اى كشول او كتاب تلاقينى واكل طرف الصفحات من الجناب فوق وتحت

7-تمضى الشهادة لنفسك

مره واحد بس وانا فى الابتدائى ومافيش حد عرف حاجه

8-تقفل باب التلاجة ببطء علشان تشوف مين اللى بيطفى نور التلاجة

لا انا كنت عارف ان فيه زر فى الجنب الباب بيدوس عليه لما يتقفل 9-

12- قعدت تبص على الخروم الى فى التلفيزيون من ورا علشان تشوف الممثليين الى قاعدين جواه

انا كنت فاكر كده وياما حاولت افتح التى فى بس فى اخر لحظه يلحقونى

14- تبرم اوراق صغيره زى ما تكون سجاير و تحطها فى علبه شريط الكاسيت قال يعنى معاك علبه سجاير و تطلع منها بقى السجاير و تشرب و تعيش

انا كنت ببرم الورق فعلا واولعه واشربه وبعدين قولت مش هينفع قمت عامل يه كنت بجيب شاى واحظه فى الورق واشرب برده بس مكنش بيولع كويس بس اخدتلى عقله مووووووووت بسبب الحاجات دى بس مجبتش نتيجه برده

18-و انت بتدرس امل و عمر كنت فاكرهم معاك فى المدرسه و تقعد كل يوم تدور عليهم فى الطابور

انا كنت فاكرهم فى مدرسه تانيه بس مش معانا يعنى

21- طلعت فوق الدولابو نطيت على السرير

انا فوق الدولاب وفوق الشوفونيره

23- نزلت على درابزين السلم بدل السلالم

لحد فتره قريبه كنت بعمل الحركه دى

25- جبت صرصور صغير و حبسته تحت كوبايه قزاز شفافه علشان تشوف هيموت بعد اد ايه

ضقدعه حضرتك وكنت بديها حقن ميه وكنت عاوز افتحها علشان اشوف مفتاح الجنه اليى فيها

27- للولد لما كانوا بيسالوك و انت صغير عايز تطلع ايه كنت ترد ظابط و البنت كنت تردى دكتوره

انا كنت بقول عاوز اطلع سواق عربيه ترله من الكبره واليى كانت مشجعانى فى الامنيه دى سته الله يرحمها لانها كانت فاكره برده ان دى حاجه حلوه ووالدى الله يرحمه كان بيطق منها من الحته دى

28- ضربت بمبه جوه الفصل و المدرس بيشرح ووشه للسبوره

دى كنا بنعملها فى تالته اعدادى والثانوى لكن الابتدائى كنا بنخاف من المدرسين

كانت والدتى تصر انى اخاد معايا ساندوتشات المدرسه بس انا كنت برفض رفض قاطع لانها كانت بتبقى عيبه واحس انى عيل ابنهم فى البيت وبسمع كلامهم يعنى فطبعا مكنش قدامى الا المصروف كنت انا والعيال اصحابى من المتشردين نلف فى الفسحه على العيال نلم الاتاوات يعنى اليى يدفع ساندوتش واليى يدفع نص وكانت بترزق يعنى وفى الاخر نروح نشترى احنا بقى ونكمل كمان علشان مافيش حد ياخد مننا حاجه

كنا فى مره بنلعب كوره على فلوس فى حصة الالعاب وطبعا مدرس الالعاب مكنش يعرف وفى الاخر بعد لما كسبنا لقينا المدرس طب علينا وعاوز واخد الفلوس مننا لنفسه يعنى وضربنا كان مدرس صايع بصحيح

كنا فى المدرسه مقسمين نفسنا الى فريقين بس اليى يلعبوا كوره طول الخمس سنوات بتوع الابتدائى وباقى الفصل لاما يقعد يتفرج علينا لاما يروح يلعب اووووووله لكن كوره نووووو واى دى خاصه بينا احنا بس والمدرسين كانوا عارفين كده

كان عندنا مدرسه كانت لسه جايه المدرسه جديده وكانت غريبه عن البلد بس كانت حلوه قوى او انا كنت فاكرها كده مش فاكر يعنى المهم المدرسه دى كنت بقول للعيال يعنى انى بحبها وناوى اتزوجها الكلام ده فى الابتدائى

بكفى كده مش عاوزين فضايح بقى

تحياتى

عنبو

[أثر الطائر]

أنا مش عارف أقول إيه..ولا أودي وشي منكم فين..تقريبا كل حاجه من دول عملتها بالإضافة لأمور تانيه لما أتفتح الباب ده أفتكرت بعضها بحنين وبعضها بخجل..يعني مثلا :

29- مطاردة الحمام بالنبلة..تلاها بكاء شديد وأزمة نفسية استمرت لأيام مع أول حمامة أصطادها..مش ناسي منظر عينيها لحد دلوقتي وهي بتموت تحت رجليا

30- قتل ضفدعة على سبيل التحدي لما قالوا إن اللي بيقتل ضفدعة بيتنحس (والظاهر المسألة طلعت بصحيح)

31- شراء علبه سجاير كاملة في العيد (طفل جاد ومجتهد)..خدت منها نفس واحد - بس كان نفس بصحيح..روحي طلعت واتبهدلت طبعا - فخبيتها بين مجلاتي وبعدين نسيتها واكتشفتها الوالدة الله يرحمها ذات يوم أسود من قرن الخروب

32- سرقة الفول الحراتي من الغيطان والاستحمام في ماء الترعة لمرة واحدة (نشأتي لحد ما كبرت كانت في الريف)..مرة واحدة والله لأن العواقب بعدها كانت وخيمة جدا..جدا جدا

33- الهروب من البيت والاختفاء عند واحد صاحبي احتجاجا على علقة من أختى الكبيرة وتواطأ الآخرين معها

34- في فترة اعتبرت تحت السرير مكاني المفضل وعشي الكوني والفلسفي الذي أقرأ فيه مجلاتي (ميكي وسمير وسعد وماجد ومجلتي والمزمار..مش عارف تسمعو عن كل المجلات دي ولا لأ؟؟)وأكتب فيه أيضا البواكير الأولى لما ترونه مكتوبا تحت عيونكم الآن (كلام فارغ طبعا)..وانتهت أيامي الهنيه تحت السرير في مرة لما ولعت شمعه..اه والله..شمعه تحت السرير..وانتو بقى عارفين..شمعه تحت السرير..كان حتة يوووووم..

..

هه..أستمر؟!!

[طارق مصرى]

1 تغنى قدام المروحه وهي شغاله علشان الهوا و هو بيغير فى صوتك √

2 القلم الجاف طفح فى جيبك ايام الابتدائى √

3 تشخبط علي الحيط قال يعنى بترسم احلى من بيكاسو √

4 للبناويت تلوني ضوافرك بالألوان الفلوماستر ×

5 ترج ازازة البيبسي وبعديها تفتحها عشان تبهدل الدنيا √

6 شميت ريحة الاستيكة ولقتها عاملة زى الفراولهروحت اكلها √

7 تمضى الشهادة لنفسك ×

8 تقفل باب التلاجة ببطء علشان تشوف مين اللى بيطفى نور التلاجة √

9 تستلم جوابات ولى الامر بنفسك و تلحق تخبيها قبل ما بباكيشوفها ×

10 كنت فاكر ان السحاب هو قطن و متعلق فى السما ×

11 قعدت مره تفكر كام جردل ملح رموه فى البحر علشان يبقى مالح قوى كدا ×

12 قعدت تبص على الخروم الى فى التلفيزيون من ورا علشان تشوف الممثليين الى قاعدين جواه √

علشان اشوف ايه اللى جوه معمول من ايه؟

13 تقف قدام المرايا و تفضل تغنى ×

14 تبرم اوراق صغيره زى ما تكون سجاير و تحطها فى علبه شريط الكاسيت قال يعنى معاك علبه سجاير و تطلع منها بقى السجاير و تشرب و تعيش √ مع علب الدواء الفارغة

15 اتصدمت لما سمعت فى برنامج ان اسماعيل يس مات و بعديها بيوم تلاقى فيلم جاى ليه فى التلفزيون ×

16 عملت تقسيمات على المكتب بتاعك بالقلم قال يعنى صوابع بيانو و قعدت تعزف عليها ×

17 كنت فاكر ان احنا لما بننام كل الحاجات الى فى البيت بتصحى و تعيش بقى حياتها ×

18 و انت بتدرس امل و عمر كنت فاكرهم معاك فى المدرسه و تقعد كل يوم تدور عليهم فى الطابور ×

19 البنوتات كانت فاكره انها حضرت فرح ماما و بابا و مسكت الشمعه كمان فيه ×

20 منت عايز تعرف مين الى بيعمل صوت الصفاره لما بترفع سماعه التليفون ×

21 طلعت فوق الدولاب و نطيت على السرير √ مش بنفس الطريقة

22 ربطت ملايه سرير فى ضرف البلكونه الاتنين و عملتها مرجيحه √

23 نزلت على درابزين السلم بدل السلالم √

24 طلعت على الزوحليقه بالعكس √

25 جبت صرصور صغير و حبسته تحت كوبايه قزاز شفافه علشان تشوف هيموت بعد اد ايه √ تقريبا

26 تحط قصص ميكى فى درج التخته و تفقراها و الاستاذ بيشرح قدام قال يعنى باصص فى الكتاب √ كنت بعهملها فى ثانوى مع ملف المستقبل و رجل المستحيل

27 للولد لما كانوا بيسالوك و انت صغير عايز تطلع ايه كنت ترد ظابط و البنت كنت تردى دكتوره √

28 ضربت بمبه جوه الفصل و المدرس بيشرح ووشه للسبوره ×

الاجابات صحيحة ولا لا؟ يا رب انجح :)

تم تعديل 14 يوليو 2011 بواسطة طارق مصرى

[طارق مصرى]

دول اللى انا فاكرهم

1-

2-القلم الجاف طفح فى جيبك ايام الابتدائى (كتير كان بيحصل )

5- ترج ازازة البيبسي وبعديها تفتحها عشان تبهدل الدنيا

8-تقفل باب التلاجة ببطء علشان تشوف مين اللى بيطفى نور التلاجة

12- قعدت تبص على الخروم الى فى التلفيزيون من ورا علشان تشوف الممثليين الى قاعدين جواه(انا بالفعل فكيت جهاز كاسيت حته حته واختى الكبيرة لحقتنى وانا بفك التلفزيون بالمفك ) :moil:

- جبت صرصور صغير و حبسته تحت كوبايه قزاز شفافه علشان تشوف هيموت بعد اد ايه(صراحة كان خفاش مش صرصور :sad:

27- للولد لما كانوا بيسالوك و انت صغير عايز تطلع ايه كنت ترد ظابط و البنت كنت تردى دكتوره (انا كنت بقول طيار ولما وصلت الاعدادى كنت بقول دكتور )

28- ضربت بمبه جوه الفصل و المدرس بيشرح ووشه للسبوره(حصل وخدت علقة محترمة ) bngn::

:happy:

:hi:

خفاش يا مفترى :o ده الواحد يخاف من صورتة فى التلفزيون و ياترى جبتله كوبايه على قده منين ؟ :P

[pink rose]

الحمدلله العقل زينة

كل اللي كنت باعمله

اقف اتكلم قدام المروحة عشان صوتي يتغير

القلم الحبر ضرب في جيب قميص المدرسة

لما كان حد يسألني هاتطلعي ايه كنت باقول عالمة آثار

الون ضوافري بالوان الفلوماستر

و بس على كده

لكن كان في حاجات تانية لطيفة

كنت باحب اولع في قشر البصل و ما حدش يسألني ليه

كنت بخاف موت من القطن و السفنج و لحد دلوقتي جسمي بيقشعر لو مسكتهم

كنت باقطع ورق صغنن و ارمية من البلكونة عشان اعمل عصافير الجنة

تم تعديل 14 يوليو 2011 بواسطة pink rose