معلومات عن مدينة تبوك

[shabana]

السلام عليكم

برجاء من الاخوة كنت عاوز اعرف معلومات عن مدينة تبوك من حيث السكن والحياة وطبيعه البلد

بالنسبة للسكن هو عازب

[السيد توفيق]

السلام عليكم

برجاء من الاخوة كنت عاوز اعرف معلومات عن مدينة تبوك من حيث السكن والحياة وطبيعه البلد

بالنسبة للسكن هو عازب

بص يابني هو انا بشتغل بتبوك ولكن ياليت تستفسر استفسار واضح حتى اجيبك وقبل اي حاجة قولي معلومات مفصلة عن عقدك

اسم الشركة او القطاع او الكفيل

الراتب

الاجازه

البدلات - بدل مواصلات - بدل سكن

ساعات الشغل كم ساعة باليوم

نظام الاجازة الاسبوعية والسنوية كم يوم لك

---------------------------------------------

اول ماتجيب على الاسئلة دول حفيدك عن كل حاجة بتبوك بشكل اوضح وادق حتى اعرف مستوى المعيشة اللي انت عاوزه بالضبط

------------------------------------------------------------

شوف مدينة تبوك مدينة جميلة ومتوسطة عدد سكانها مليون نسمة تقع على بعد 150 كيلو عن البحر الاحمر و100 كيلو عن الاردن

وعن محافظة ضباء 180 كيلو ويوجد ميناء ضباء بتتطلع رحلات يومية لمصر من الميناء

----------------------------

يوجد مطار دولي بتبوك وافتتح قبل اسبوعين ومعدل رحلات مصر 3 رحلات اسبوعبة الرحلة للقاهره من المطار بتكلف اقصى حد 1800 جنيه بالموسم وبتتخفض بعد الموسم بحدود 1500 جنيه ذهاب واياب

واحتمال بيرفعوا الرحلات الى رحله يوميا حسب مانسمع زمن الرحلة للقاهرة من تبوك 45 دقيقة

----------------------------------------------------------------------------

بخصوص السكن هذا بيترتب على مجال عملك انت تعمل ايه

مثلا العمال المصريين غالبا بيسكنوا مع بعض في بيوت شعبية كل عامل بيدفع 150 جنيه بالشهر

اذا انت مثلا عاوز غرفة لوحدك في حي راقي بتكلفك بحدود 500 الى 700 ريال مش جنيه

بخصوص المواصلا في تبوك

ممكن تشتري سيارة او تركب سيارة دباب ودي سعر المشوار 5 ريالات داخل محيط المدينة ولكن اذا طلعت برى المدينة يعني 20 كيلو 10 ريال لكن داخل تبوك 5 ريالات

وعلى فكره ابعد مشوار بتبوك مش حياخذ منك اكثر من ربع ساعة اقصد من حي الى حي

-------------------------------------------

بخصوص المستشفيات اذا انت تبع الحكومة العلاج مجاني والتعليم مجاني والسكن مجاني والتذاكر مجاني

ممكن تاخذ بدل السكن وتسكن بالقيمه اللي انت عاوزها

--------------------------------------------------

اذا انت تبع الشركات هذا يترتب عليك انت وعلى عقدك اللي انت ابرمته معهم وانتبه للنقطه دي

يعني تاكد اذا انت تبع شركة

ان الاقامة تكون عليهم + التأمين الطبي عليهم- السكن عليهم - والمواصلات عليهم - ونظام العمل وساعات العمل والعطل الاسبوعية والعطل السنوية..........الخ

----------------------------------

وجميع الخدمات متوفرة بتبوك - اسواق ماركات - اجهزة الكترونية - كماليات- يعني مدينة متكاملة كل حاجه فيها

تم تعديل 9 يوليو 2011 بواسطة السيد توفيق

[shabana]

جزالك اللة خيرا \

بص ياباشا انا اصلا موجود بالسعودية وهتنقل الى تبوك

ياريت تدينى رقمك علشان فى حاجات كتير عاوز اعرفها ان امكن

وانا رايح على مشروع اعضاء هيءة التدريس بس هو فين انا معرفش اللى اعرفة انه هو فى تبوك

[السيد توفيق]

جزالك اللة خيرا \

بص ياباشا انا اصلا موجود بالسعودية وهتنقل الى تبوك

ياريت تدينى رقمك علشان فى حاجات كتير عاوز اعرفها ان امكن

وانا رايح على مشروع اعضاء هيءة التدريس بس هو فين انا معرفش اللى اعرفة انه هو فى تبوك

[/quot

مشروع ايه بالضبط خاص لاي جامعة او كلية

لان فيه بتبوك

الكليات التقنية ودي تابعه للمؤسسة العامة للتعليم الفني والتدريب المهني

وكمان فيه

جامعة تبوك

وجامعة الامير فهد بن سلطان

فممكن توضح اي جامعة

وياليت توضح انت اصلا منقول من اي مدينة

[السيد توفيق]

لان فيه مشروع اسمه سكن اعضاء هيئة التدريس يعني ممكن انت مهندس ورايح عليه دا بيكون بنفس جامعة تبوك مشروع وحدات سكنيه لاعضاء هيئة التدريس بجامعة تبوك

[shabana]

انا هتنقل من الرياض الى تبوك

المشروع هو اعضاءهيئة التدريس اللى فى مجمع الكليات

كنت عاوز اعرف الموقع بعيد من المدينة ولا اية بالضبط

من فضللك ممكن تبعتلى رقم تليفون حضرتك على الخاص وانا ههكلمك ان امكن علشان فى حاجات

كتير عاوز اعرفها قبل ما اقبل العرض

وانا اصلا مهندس ميكانيكا

[shabana]

ايوة هو دة المشروع اللى انا هنزل فية ان شاء الله تعرف حاجة عن هذا المشروع

ياريت تقولى علشان انا مفروض اديلهم الموافقة فى خلال يومين من النهاردة د

حيران جدا مع العلم انى عازب وانا ج

[السيد توفيق]

انت مش موضح لي تفاصيل اكثر معليس سيبنا من حكاية الموبايل لاسباب خاصة جدا ولكن ممكن افيدك عن أي شي هنا او على الخاص

بخصوص مشروع اسكان اعضاء هيئة التدريس والعاملين بجامعة تبوك دا مشروع داخل المدينة الجامعية وعلى فكرة هي جامعة ناشئة تأسست عام 1427هـ

فيه عدد من الكليات

كلية المجتمع

كلية التربية والاداب

كلية العلوم الطبية

كلية الهندسة

كلية العلوم

السنة التحضيرية

الادارة العليا

وباقي انشاء العشرات من المباني التعليمية ودي محتاجه وقت طويل لان المدينة زي ماقلت ناشئة

كما يوجد بالمدينة الجامعية ( الكليات التقنية والمعهد العالي التقني - والمعهد الصناعي المهني ) ودا بنفس المدينة لكن يتبع للمؤسسة العامة للتعليم الفني

يوجد بنفس المدينة الجامعية عدة مشاريع قائمة منها مشروع الاسكان ومشاريع مباني تعلمية لعدد من الكليات

---------------------------

المدينة الجامعية تبعد عن مدينة تبوك 7 دقائق وتبعد عن ابعد حي بتبوك ربع ساعة 15 دقيقه وممكن تستخدم الخط الدائري لانه يمر بنفس المدينة

تم تعديل 9 يوليو 2011 بواسطة السيد توفيق

[السيد توفيق]

وتقريبا مشروع الاسكان قائم وفي مرحلة التشطيب ولا اعلم ان كان هناك مراحل اخرى للمشروع او لا لان المدينة مش صغيرة مساحة كبيرة جدا