الإرهاب الفكري على طريقة اليوم السابع

[Sherief AbdelWahab]

أنا فيي لا ما اتغير شي..

قلبي عاشق هيدا الشييييي...

العبارة دي من أغنية لوائل كفوري ، لو اتطبقت على الحالة الإعلامية حتحسوا بعدم وجود فارق بين الإعلام الحزبوطني بكل أخلاقياته ، أو لا أخلاقياته بما إن الدقة حلوة ، إعلام المال السياسي استلم كل قذارة إعلام الحزبوطني وأساليبه في الإرهاب الفكري والتشنيع على الخصوم ورفض الاختلاف اللي بيدعي إنه من أشد المدافعين عن حقه..

الخبر اللي جاي دة .. جديييد.. استقالة "محمد البرغوثي" من رئاسة تحرير جريدة "الدستور".. جايبه من موقعين ، اليوم السابع ، وبوابة الأهرام..

http://www.youm7.com/News.asp?NewsID=451515

http://gate.ahram.org.eg/NewsContent/13/87/91935/%D8%A7%D9%84%D8%A3%D8%AE%D8%A8%D8%A7%D8%B1/%D8%B5%D8%AD%D8%A7%D9%81%D8%A9-%D9%88-%D8%AA%D9%88%D9%83-%D8%B4%D9%88/%D8%A7%D9%84%D8%A8%D8%B1%D8%BA%D9%88%D8%AB%D9%8A-%D8%A5%D8%AF%D9%88%D8%A7%D8%B1%D8%AF-%D9%8A%D8%B1%D9%8A%D8%AF-%D8%AA%D8%AD%D9%88%D9%8A%D9%84-%D8%AC%D8%B1%D9%8A%D8%AF%D8%A9-%D8%A7%D9%84%D8%AF%D8%B3%D8%AA%D9%88%D8%B1-%D9%84%D8%A3%D8%AF%D8%A7%D8%A9-%D9%84%D8%AA%D8%B5.aspx

في اليوم السابع ذكر الموقع ، وعن عمد ، أسماء الشخصيات اللي اتهمت الدستور بتصفية الحسابات معاها ، تصفية الحسابات من وجهة نظر السابع وبعض مؤيديه نشر تقارير رقابية تعمدت وسائل الإعلام الأخرى المملوكة ليهم ولغيرهم عدم نشرها ، في الوقت اللي الأهرام ما نشرتش فيه الأسماء دي ..

طب موقف الأهرام من الصحف المستقلة ومعروف ، ولسة خارجة من شكلة صحفية مع المصري اليوم ، وله شجون وقصص وحوارات وأفلامنات .. طيب السابع عملت كدة ليه؟ أقول لكم إجابتي الشخصية..

الغرض طبعاً هو الإرهاب الفكري..

كل من يختلف مع "تلك الشخصيات العامة" فهو يصفي حسابات..

بمن فيهم من نشروا ملفات لبعضهم في صحفهم بناء على وثائق ومستندات..

بمن فيهم من اختلف فكرياً معهم بشكل صريح أو ضمني في مقال أو في برنامج تليفزيوني أو موقع إلكتروني أو حتى مدونة..

السابع طلع كدة.. ليه السابع بقى كدة؟

خلص الكلام

[لماضة مصرية جدا]

الغرض طبعاً هو الإرهاب الفكري..

خلص الكلام

السلام عليكم و رحمة الله و بركاته

هو حضرتك بس شايف ان الارهاب الفكري بتقدمه اليوم السابع

هو اي حوار علي الثورة دلوقتي

في اليوم السابع

في وسايل الاعلام

علي المنتديات

ع الفيس بوك

مش بقي فيه بس ارهاب فكري

لا و ارهاب ديني...(مع اني مش عارفة هل فيه ارهاب ديني في حد ذاته منفصل عن الارهاب بشكل عام....يعني التلويح اني لو وافقتش علي راي معين يبقي انا كده ضد الدين...اعتقد انه نوع من الارهاب بس اصبح ساذج جدا)

كل مكان دلوقتي بقي فيهشكل من اشكال الارهاب....يتطور....يتحور....يتحاور...يعتقل افكارك...يصادر ارائك...يوصمك بنا ليس فيك....يصنفك.....يعتزلك و في النهاية يدعو لك بالهداية....او انك بقي....مش وش نعمة...(الكلام ده اتهريت منه علي الفيس بوك كتير جدا)

اليوم السباع لو كانت نجحت في اي حاجة الفترة اللي فاتت

نجحت في حاجة واحدة....كشفت سوءة ما يحدث في المجتمع كله...بدون تخطيط و بدون قصد

هي نفسها ترس صغير في ماكينة كبيرة اسمها صناعة الارهاب..باشكاله

و مقابلها فيه صناعة موازية و هي صناعة believers....(فهمي المتواضع لكتاب المؤمن الصادق: أفكار حول طبيعة الرحكات الجماهيرية...إيريك هوفر و ترجمة د.غازي القصيبي رحمة الله عليه)