العيسوي : لن انفذ قرار د. عصام شرف !

[م تيمور المراغي]

«عيسوي: ليس من اختصاص «شرف» إنهاء خدمة الضباط المتهمين.. ولن أنفذ القرار

قال منصور عيسوي، وزير الداخلية، إنه التقى صباح الأحد، رئيس مجلس الوزراء الدكتور عصام شرف، وأكد أنه «لن ينفذ أي قرار خاص بالضباط المتهمين بقتل المتظاهرين إلا وفقاً للقانون».

وأكد عيسوي، في تصريحات خاصة لـ«المصري اليوم»، والزميل أحمد عبد الله من وكالة أنباء الشرق الأوسط ، «أن رئيس مجلس الوزراء ليس من اختصاصه إصدار أى قرار بشأن الضباط الذين يمثلون حالياً أمام محاكم الجنايات بتهمة قتل المتظاهرين»، مضيفاً أن «القرار في أيدي وزارة الداخلية وحدها».

وشدد وزير الداخلية، على أنه منذ يومه الأول بالوزارة، تعهد بعدم إصدار أي قرار مخالف للقانون، وأنه «مستعد لتقديم استقالته من وزارة الداخلية في أي وقت إذا شعر بأن هناك قرارات ستمرر دون رغبته، لكنه أكد أن كل القرارات التي صدرت وستصدر من وزارة الداخلية في الفترة المقبلة ستكون وفقاً للقانون»، منوهاً إلى أن «شرف لا يمكن أن ينفذ قراراته على وزارة الداخلية وأنا موجود فيها»، لافتاً إلى أنه «سوف يستقيل فوراً في حالة الإصرار على تنفيذ هذا القرار».

كان رئيس مجلس الوزراء، في كلمة له، مساء السبت، أصدر تعليمات بإنهاء خدمة الضباط المتهمين بقتل المتظاهرين. وأشار عيسوي، إلى أن حركة تنقلات الشرطة، سوف تصدر الأربعاء المقبل، وسترضي جميع فئات الشعب المصري.

وحول ما أعلنه الائتلاف العام لضباط الشرطة، عن وجود حالات فساد داخل أروقة وزارة الداخلية، أكد عيسوي أنه طلب من أعضاء الائتلاف تقديم أي مستندات تدل على تلك الحالات لاتخاذ الإجراءات القانونية، بشكل فوري، مشيراً الى أنه في حالة عجزهم عن تقديم تلك المستندات فسيتم اتخاذ الإجراءات القانونية حيالهم باعتبارهم ارتكبوا جريمة سب وقذف في حق أشخاص لا يملكون أي أدلة على اتهامهم.

وأضاف وزير الداخلية، أنه أحال 3 من ضباط الشرطة، إلى التفتيش للتحقيق معهم بسبب قيامهم بالظهور فى القنوات الفضائية واتهامهم لبعض من ضباط الشرطة بالفساد المالي دون أي أدلة أو سند قانوني، مطالباً الضباط بتقديم ما لديهم من مستندات إلى الجهات المختصة مثل جهاز الكسب غير المشروع، الذي سيحقق بدوره في هذه الوقائع.

الرباط الخاص بي

[م تيمور المراغي]

مسنود طبعا !

وشايل من شرف عشان طلب من المجلس تغييره وطلبه اترفض

العتب على د. عصام شرف اللي ساب الميدان وحاول يرضي جميع الاطراف ,,

اتفضل يا دكتور

يادكتور شرف

لو ليك مطالب وما بتتحققش ,,

انزل التحرير 8 يوليو معانا

ما احنا عارفين ,,!

[ابراهيم عبد العزيز]

المشكلة أنه مازال هناك على ما يبدو بعض المسئولين لم يقتنعوا أن ما قام فى مصر هو ثورة اطاحت بنظام حكم باكمله

تستوجب معها قرارات ملائمة لحجم الحدث

[Dreamwithme]

«أن رئيس مجلس الوزراء ليس من اختصاصه إصدار أى قرار بشأن الضباط الذين يمثلون حالياً أمام محاكم الجنايات بتهمة قتل المتظاهرين»، مضيفاً أن «القرار في أيدي وزارة الداخلية وحدها».

:blink: :blink: :blink: :blink: :blink: :blink: :blink:

سامحوني يا جماعة بس أنا بأكلم نفسي.....يعني أيه وزير (مع كامل الاحترام لشخصه) يطلع يقول إن رئيس الوزارة مش من اختصاصه يدخل في عمل الوزارة؟!!!

أومال أيه هي اختصاصات رئيس الوزارة ؟ بأي منطق وبأي عقل يتقال الكلام ده في ظل الظروف اللي إحنا فيها

البلد مولعة وسيادة الوزير كل ما يهمه أختصاصاته ومحدش يتعدي علي وزارته!!!!!!!!!! لكي الله يامصر

[زهرة الجبل]

رجل مستفز و إستفزازه في غير وقته بالمره

ما معنى أن رئيس الوزراء لا يملك توجيه أحد الوزراء اللذين يعملون تحت رئاسته ؟؟

و يعني إيه متهمون بقضايا قتل يحظوا بحماية وزير الداخليه نفسه ؟

و يعني إيه يتردد كلام عن فساد داخل الوزاره و يكون رد الفعل هو مقاضاة من تكلم عن هذا الفساد ؟

ألا يفترض بوزير الداخليه في اي بلد محترم أنه موظف بيشتغل عند الشعب و عمله هو تحقيق مصلحة الشعب ؟.

كونه كما هو واضح للجميع_لأنه هو نفسه لا يبذل جهداً يـُـذكر في إخفاء ذلك_ كونه حامي حمى القتله و غير مهتم بحماية حقوق المتظلمين فهذا يشير بوضوح إلى أن هناك خطأ ما

و تزداد الطينه بللاً بكونه مصاب بقدر لا بأس به من الصلف و التكبر يصل لحد عدم طاعة رئيسه و رئيس الوزراء كافه ..

هو إذن لا يصلح .. و لا يصح أن يظل في منصبه هذا يوم واحد أكثر

السؤال الآن .. يا ترى هل سيستمر مكانه يعمل بنفس سياسته التي تفوح منها رائحة النظام السابق بفجاجه ؟

و السؤال الأهم .. لو إستمر فمن وراءه و من هو ظهره ؟

ربنا يكون في عون أهالي الشباب الورد اللي دمهم لسه بيصرخ و بيقول هاتولي حقي

ربنا يستر

تم تعديل 10 يوليو 2011 بواسطة زهرة الجبل

[عصام أبوالفتح]

بكل أمانة . . رجل شجاع

الثورة قامت ضد الطاعة العمياء أيضا

والا احنا لسه فى زمن زكى قدرة . . . ?!!!!!!!!!!

يبدو أن صياغة خطاب د شرف فى الجزئية دى لم تراجع قانونيا بالشكل المناسب

ولا أتخيل رجل محترم يحترم نفسه ومسئوليته يجامل د شرف ويخالف القانون

برافو يا عيسوى

[samehmagdy]

اعتقد ان قرار عصام شرف بانهاء خدمه كل الظباط المتهمين قرار خاطى

اولا لانه لما يفرق بين من قامو بقتل المتظاهرين فى ميدان التحرير وفى المظاهرات فى كل شوارع مصر

وبين من قامو بالدفاع عن اقسام الشرطه اللى مليانه بالاسلحه والمسجونين والمجرمين

يعنى افترض حضرتك دلوقتى انك راجل شرطه موجود فى القسم واثناء الثوره لقيت الناس سواء من الثوار او البلطجيه او من اهالى السجناء بتهجم على القسم وعاوزه تحرقه وتسرق الاسلحه اللى فيه وتهرب المساجين وتقتل الظباط والعساكر

هيكون رد فعل حضرتك او اى انسان طبيعى ايه

ثانيا كان المفروض من اول ما وجه اليهم الاتهام يتم ايقافهم عن العمل وليس انهاء خدمتهم وحبسهم احتياطيا علشان ميكنش ليهم تاثير على التحقيقات او الشهود ومراعاة لمشاعر اسر الشهداء اللى شايفين الناس المتهمه بقتل ولادهم لسه فى مكانهم وكان شى لم يكن لحين الانتهاء من التحقيقات وصدور احكام عليهم وقتها بس يتم انهاء خدمتهم و ينفذ الحكم

[م تيمور المراغي]

بكل أمانة . . رجل شجاع

الثورة قامت ضد الطاعة العمياء أيضا

والا احنا لسه فى زمن زكى قدرة . . . ?!!!!!!!!!!

....

ده كيل بمكيالين يا هندسه ,,

لانك ياما قلت قبل كده ان القيادات العليا لابد ان تطاع وعلى المرؤوسين تنفيذ الاوامر الصادره اليهم بدون نقاش ,,

ولكن عندما حدث العكس تماما قمت بابداء اعجابك لمجرد انه يتفق مع هواك اللي انا مستغربه هو ايه بالظبط هل تعاطف مع الظباط المتهمين ام ماذا لكنه هوى والسلام ,,

تقبل التحية ,,

[ذهبية]

حلو وقعوا فى بعض

دة حرب بقى و تحدى علنا قدام كل الناس هو وزير الداخلية مسنود ولا اية

ارفض ان يتم محاكمة اى عضو فى النظام السابق بالقوانين الحالية لاننا كلنا عارفين ان القوانين كانت بتتفصل على قد مقاسهم

وكانوا بيخططوا كويس جدااا مش سرقة شغالة 30 سنة يعنى عاملين حسابهم وقت ما حد يتجرا يقدم اى مستند قصادة الف قانون يبطلة

يبقى لازم نعرف ان المستندات تم اعدامها و لا نسيتم الحريق اللى حصل فى امن الدولة كان ماس كهربائى و لا اتحرق صدفة

يعنى لو بالقانون يبقى حسنى مبارك اول برىء

لابد ان نتعامل اننا فى ثورة يعنى

يعنى محاكمات عاجلة

[eslam elmasre]

في اي مكان في المنشأت العمالية لو فيه عامل تحوم حوله الشبهات بيتم نقله من مكانه واحالته الي الارشيف او اي مكان مالوش لازمة حتي وان لم تثبت عليه التهمة لمصلحة العمل فما بالك بمصلحة الوطن

مافيش واحد من رجال الداخلية المتهمين في قضايا قتل الشهداء تم التحقيق معه داخليا ولم يصدر اي حكم داخلي علي اي منهم وما فعله العيسوي هو نقلهم من اماكن حيوية الي اماكن حيوية اخرى ايضا

الي اعرفه ان مجرد ان الموظف يتم احالته للنيابة مثلا في واقعة اختلاس اول حاجة بيصدر له قرار بوقفه عن العمل مع صرف نصف راتبه الي ان ينتهي التحقيق معه واذا ثبتت براءته يتم صرف باقي مرتبه واذا ثبتت ادانته بيرفدوه او علي حسب الحكم الصادر في حقه

العيسوي فضل مطنش ومصدر الطرشة لغاية ما جاتلو من فوق واجباري وطالما هو حط استقالته في كفة وتنفيذ اوامر رئيس الوزراء في كفة يبقي يورينا عرض كتافه لان اداءه ضعيف جدا وما يشجعش الواحد علي انه يتمسك به

يروح واحد يجي بداله عشرة ومية

مصر مليانه بكفاءات ولو جاء مش كويس نغيره ونجيب غيره لغاية ما نقابل واحد يعرف يدورها صح مش يغطرش ويطنش ومفكر انه ذكي

[عصام أبوالفتح]

بكل أمانة . . رجل شجاع

الثورة قامت ضد الطاعة العمياء أيضا

والا احنا لسه فى زمن زكى قدرة . . . ?!!!!!!!!!!

....

ده كيل بمكيالين يا هندسه ,,

لانك ياما قلت قبل كده ان القيادات العليا لابد ان تطاع وعلى المرؤوسين تنفيذ الاوامر الصادره اليهم بدون نقاش ,,

ولكن عندما حدث العكس تماما قمت بابداء اعجابك لمجرد انه يتفق مع هواك اللي انا مستغربه هو ايه بالظبط هل تعاطف مع الظباط المتهمين ام ماذا لكنه هوى والسلام ,,

تقبل التحية ,,

انت بتعرف تعمل اقتباس مش كده ؟ ... هات لى كلامى الذى تدعيه

مكيالى واحد

[لماضة مصرية جدا]

بكل أمانة . . رجل شجاع

الثورة قامت ضد الطاعة العمياء أيضا

والا احنا لسه فى زمن زكى قدرة . . . ?!!!!!!!!!!

يبدو أن صياغة خطاب د شرف فى الجزئية دى لم تراجع قانونيا بالشكل المناسب

ولا أتخيل رجل محترم يحترم نفسه ومسئوليته يجامل د شرف ويخالف القانون

برافو يا عيسوى

السلام عليكم و رحمة الله و بركاته

متفقة مع حضرتك يا باشمهندس جدا و خصوصا في الجملة اللي فوق

دكتور شرف مع كامل احترامنا ليه..و بغض النظر عن صدمتي من بيانه الاخير

بس فعلا الجزئية دي اللي تتعلق بانهاء خدمة الظباط اللي لسه بيتحقق معاهم...حسستني ان دكتور شرف كان قاعد علي المصطبة و هو بيقولها و لم العاطل مع الباطل

فين دولة القانون اللي احنا بنطالب بيها

لما هيجي واحد رتبة اعلي يخترع قرار مالوش اي سند في القانون

اللوا العيسوي اخيرا (اخد قرار ثوري...من وجهة نظري)....بيحترم فيه القانون

و دكتور شرف مش اكبر من انه ينتقد

و المفروض انه يعتذر و يقولها ببساطة يراجع قراره

مش صعبة و الله

مش هي دي الالية اللي علشانها قامت الثورة

مافيش الهة

لكن فيه وزير او رئيس يصيب و يخطيء

لكن المعيار هو تطبيق القانون...فيه قانون نرجع و نحتكم ليه....مش قرارات من ع المصطبة ووليدة اللحظة

اعيب علي العيسوي

طريقة اعلانه عن قراره...لانه بيكسب بونط علي حساب دكتور شرف

المفروض لو هما بيشتغلوا بروح الفريق

كان اخده علي جنب و قاله

مش راح للاعلام و عمل فيها ثورجي

الخلاصة

دكتور شرف......قدامه فرصة واحدة انه ميطلعشي كبش الفدا من كل المسلسل الهابط ده

ارجع الميدان يا دكتور و كلنا وراك

[م تيمور المراغي]

انا مستغرب اوي من الكلام اللي بيقول ان رئيس وزراء مصر لا يملك اصدار قرار بتوقيف الظباط المتهمين بقتل المتظاهرين ,,

يعني اي طالب حربية او شرطة لما بيكون حد من سابع قرايبه عليه قضية بيترفض التحاقه بالكليه

وبلد طالعه من ثورة يتولى مسئولية الامن فيها قتلة الثوار !!

خصوصا انهم في مناصب قيادية وعند اول احتكاك بهدلوا الدنيا وطلعت قلة الاصل وخللوا العيسوي بعد ماكان هادئ وخفيض الصوت يقل زوقه على رئيس الحكومة

آه يا بلد ,,

و يلومونا !!

اقفل مترو الانفاق يا بني احنا مش بنهزر

[عنبو]

بصرف النظر عن كلام الدكتور عصام شرف وبصرف النظر ايضا عن القانون واذا كان الكلام اليى صدر من شرف او من اللواء العيسوى قانونيا صح ولا غلط بس انا حاسس

ان اللواء العيسوى بيدير الداخليه بنظام دول رجالتى زى ما كان عبدالحكيم عامر بيعمل فى الجيش وطبعا دى كارثه ومصيبه سوده

تحياتى

عنبو

[عصام أبوالفتح]

بكل أمانة . . رجل شجاع

الثورة قامت ضد الطاعة العمياء أيضا

والا احنا لسه فى زمن زكى قدرة . . . ?!!!!!!!!!!

يبدو أن صياغة خطاب د شرف فى الجزئية دى لم تراجع قانونيا بالشكل المناسب

ولا أتخيل رجل محترم يحترم نفسه ومسئوليته يجامل د شرف ويخالف القانون

برافو يا عيسوى

السلام عليكم و رحمة الله و بركاته

متفقة مع حضرتك يا باشمهندس جدا و خصوصا في الجملة اللي فوق

دكتور شرف مع كامل احترامنا ليه..و بغض النظر عن صدمتي من بيانه الاخير

بس فعلا الجزئية دي اللي تتعلق بانهاء خدمة الظباط اللي لسه بيتحقق معاهم...حسستني ان دكتور شرف كان قاعد علي المصطبة و هو بيقولها و لم العاطل مع الباطل

فين دولة القانون اللي احنا بنطالب بيها

لما هيجي واحد رتبة اعلي يخترع قرار مالوش اي سند في القانون

اللوا العيسوي اخيرا (اخد قرار ثوري...من وجهة نظري)....بيحترم فيه القانون

و دكتور شرف مش اكبر من انه ينتقد

و المفروض انه يعتذر و يقولها ببساطة يراجع قراره

مش صعبة و الله

مش هي دي الالية اللي علشانها قامت الثورة

مافيش الهة

لكن فيه وزير او رئيس يصيب و يخطيء

لكن المعيار هو تطبيق القانون...فيه قانون نرجع و نحتكم ليه....مش قرارات من ع المصطبة ووليدة اللحظة

اعيب علي العيسوي

طريقة اعلانه عن قراره...لانه بيكسب بونط علي حساب دكتور شرف

المفروض لو هما بيشتغلوا بروح الفريق

كان اخده علي جنب و قاله

مش راح للاعلام و عمل فيها ثورجي

الخلاصة

دكتور شرف......قدامه فرصة واحدة انه ميطلعشي كبش الفدا من كل المسلسل الهابط ده

ارجع الميدان يا دكتور و كلنا وراك

بالله عليكى سيبى الراجل يشتغل ... ابراهيم عيسى زعلان قوى انه محضرش حفلة تخرج الكلية الجوية ... هو في ايه ولا فى ايه ؟ ... شوفى هفوة زى دى بسبب انه اقال رؤساء التحرير محترفى الخطابات واستغنى عن مستشارو الوزارة وساب وترك ورضى ب د يحيى الجمل .. يحيى الجمل .. هو كان بيتشغل ايه يحيى الجمل ده ؟ ... فقيه دستورى مش كده ؟

الحاجة الوحيدة اللى كان ممكن يفيد فيها د يحيى الجمل كنائب رئيس وزارء انه يجهز له خطابات متخرش الميه قانونياً

اللى حصل ده بالتأكيد مش ذنب د عصام شرف .. وترتيب الاحداث يدل ان العيسوى فوجئ بالخطاب وموقفه سليم ميه بالميه .. فين بقى د يحيى الجمل ؟!!!

[عصام أبوالفتح]

بس انا حاسس

ان اللواء العيسوى بيدير الداخليه بنظام دول رجالتى زى ما كان عبدالحكيم عامر بيعمل فى الجيش وطبعا دى كارثه ومصيبه سوده

تحياتى

عنبو

اخى الكريم عنبو اقدر واحترم ارائك دائما ولكن الدخول بالاحساس فى موضوع فراشة المساء .. هذا الموضوع يحتاج الدخول باليقين ..

جميع المصريين على يقين بنزاهة العيسوى عندما تولى الوزارة

وهو اصلح من يسير الامور فى المرحلة الانتقالية لدرايته بهيكلة الوزارة من الداخل ومراكز القوى ولولا وجوده لما عاد اى ضابط شريف للخدمة ولوصلنا لمرحلة المهزلة الامنية .. عادوا لانهم يثقون فى الرجل انه لن يظلمهم وسيحميهم من الظلم.

تم تعديل 11 يوليو 2011 بواسطة عصام أبوالفتح

[طارق مصرى]

طيب هل من الصحيح يقول وزير الداخلية ذلك علانية ؟ لماذا لم يناقش ذلك مع رئيس الوزراء اليس عصام شرف رئيسا له ؟!! عيب يا منصور باشا أنت الاصول تكون قدوة فى احترام القيادات حتى لو أخطأت فى قنوات رسمية للأعتراض على أوامر الرؤساء , مش كده ولا ايييييييه؟؟؟

[tarek hassan]

طيب هل من الصحيح يقول وزير الداخلية ذلك علانية ؟ لماذا لم يناقش ذلك مع رئيس الوزراء اليس عصام شرف رئيسا له ؟!! عيب يا منصور باشا أنت الاصول تكون قدوة فى احترام القيادات حتى لو أخطأت فى قنوات رسمية للأعتراض على أوامر الرؤساء , مش كده ولا ايييييييه؟؟؟

يا أستاذ طارق

ضباط الشرطة قد يكونوا مخطئين ولكن دول موظفين بالدولة لم تتم إدانتهم رسميا ومش ممكن يتم إنهاء خدمتهم بجرة قلم في دولة يسودها القانون ومش ممكن يتحاسب الموظف بالظنة أو بغير حكم قضائي يستلزم إنهاء خدمته علشان خاطر إرضاء فلان أو علان أو ترتان

والوزير محق تماما لو كان قرر عدم تنفيذ القرار لأنه ستتم إدانته حتما لو لجأ هؤلاء للقضاء للأسف على حد علمي إن هو دا القانون وإلا سيتم إنهاء خدمة الكثيرين من غير مساءلة ودي تبقى مصيبة سودة وفوضى وعشوائية

لو عايز عصام شرف ينهي خدمتهم فليتول ذلك على مسئوليته الخاصة ويبدوا أن عصام شرف ضعيف ويستجيب للضغوط فيلجأ للخطأ وهذه بداية للانهيار ويفتح بابا من الشرور قصده الأعداء من أول الأمر

تحياتي

[م تيمور المراغي]

بنفس منطقكم ده يبقى المفروض مبارك كان يفضل في الحكم لحد ما القضاء يقول كلمته !

الظباط دول متهمين بجرايم قتل شهداء

اضعف الايمان يقعدوا في بيوتهم لحد ما القضاء يحكم

ولا عشان عارفين ان العدالة بطيئة وحتقعد بالسنين !

في القصاص حياه !

[عصام أبوالفتح]

طيب هل من الصحيح يقول وزير الداخلية ذلك علانية ؟ لماذا لم يناقش ذلك مع رئيس الوزراء اليس عصام شرف رئيسا له ؟!! عيب يا منصور باشا أنت الاصول تكون قدوة فى احترام القيادات حتى لو أخطأت فى قنوات رسمية للأعتراض على أوامر الرؤساء , مش كده ولا ايييييييه؟؟؟

اخ طارق يصح لان التصريح كان فى خطاب للأمة ولم يأخذ الافندى اللى جهز الخطاب ( بطبيعة الحال ليس د عصام شرف ) رأيه فيه ورأى القانونيين أيضاً قبل اعلان الخطاب

ولا أتوقع أن يحتقن الوضع بين د عصام والعيسوى ... لانهما اكبر من التسخين الحادث الان بعمد او بدون.