عودة بعد غيبـــة طويلـــــة ..

[عماد حمدي]

السلام عليكم ورحمه الله وبركاته ...

عوده بعد غياب طويل أوي ( حته كده من حركات هالة شو )

مش عارف بقا الناس لسة فاكراني ولا إية !

أنا قولت أرجع تاني أشارك ، أمغص عليكوا حياتكم وبالذات ( سين سين ) عمو أحمد ;)

أصل هيا الدنيا كدة أوضة وصالة :)

مهما الواحد بيبعد لازم يجيلة اليوم اللي يرجع فيه بيته من تاني .. :P

رغم اي خلاف بيني وبين الإدارة ، وبيني وبين أي عضو هنا فالمسامح كريم ( سواء أنا أو غيري اللي غلطان ) ..

الدنيا مش مستاهلة ع فكرة اي حاجة ، مرحلة و هتعدي ( يبقي تعدي ع خير إن شاء الله )

صباحكم زي الفل ،، وبسم الله نبدأ .. bv:-

بالمناسبة بشكر كل الناس اللي سألت عليا ، وربنا يديم المعروف ..

أرق تحيـــــاتي ،،

عمـ حمدي ـــاد

[لماضة مصرية جدا]

السلام عليكم و رحمة الله و بركاته

من هذا الفتي....(وش اي حد من كفار قريش زي ما كانوا بيطلعوا في الافلام الظريفة ديت :lol:)

هل هذا أنت يا سيد عماد...(وش المخبر كونان)

معقول ده عماد حمدي...(وش فاتن حمامة في فيلم موعد مع السعادة :lol: )

مين ده....ايه ده....ده مهرجان البراءة للجميع بقي...(وش اي حد من المعتصمين في ميدان التحرير)

طبعا بعد فيضان الوشوش اللي حطتهولك دوت

اقدر اقولك دلوقتي

اشوف وشك بخير بقي :lol:

حسستني ان قعدت في المنتدي هنا عمر بحاله...يعني ناس مشيت و ناس جت و انا لسع قاعدين...(وشي و انا بتصعب علي حالي)

انا مش عارفة انت روحت في ايه و جيت في ايه و مريحتش عندنا ليه....(وش المطرمة نادية مصطفي)

بس لا يسعنا القول

غير كفااااااااااااااارة

قصدي

حمدلله علي السلامة

و نتمني لكم إقامة طيبة...(وش اي ريسبشنست في فندق 3 نجمة)

هذا و بالله التوفيق

مارشات عسكرية

كان معكم.....لماضة في اعلي مداخلة نصية فيها وشوش :lol:

صباحك.......عودة ل "وطن" يا استاذي عماد...(وشي و انا بقول النشيد :lol: )

[مغتربة]

عودا حميدا استاذ عماد

ان شاء الله المره دى متسبناش تانى و كلام حضرتك جميل جدا عن نسيان الى فات و فتح صفحه جديده ايا كان المخطىء احيى حضرتك عليه

المحاورات نورت بحضرتك النهارده و يارب تفضل منوره بيك على طول

[طارق مصرى]

اهلا بعودتك ,أظن فوجئت بالتغيير الرهيب فى الاعضاء ناس مشت وناس جات يالا سنة الحياه :happy:

[م تيمور المراغي]

من انت !

[عبير يونس]

أهلا أهلا يا فندم

أشرقت الأنوار

طبعا فاكرينك

كفاية سلامات و اتفضل ع الشغل

[عماد حمدي]

السلام عليكم و رحمة الله و بركاته

من هذا الفتي....(وش اي حد من كفار قريش زي ما كانوا بيطلعوا في الافلام الظريفة ديت :lol:)

هل هذا أنت يا سيد عماد...(وش المخبر كونان)

معقول ده عماد حمدي...(وش فاتن حمامة في فيلم موعد مع السعادة :lol: )

مين ده....ايه ده....ده مهرجان البراءة للجميع بقي...(وش اي حد من المعتصمين في ميدان التحرير)

طبعا بعد فيضان الوشوش اللي حطتهولك دوت

اقدر اقولك دلوقتي

اشوف وشك بخير بقي :lol:

حسستني ان قعدت في المنتدي هنا عمر بحاله...يعني ناس مشيت و ناس جت و انا لسع قاعدين...(وشي و انا بتصعب علي حالي)

انا مش عارفة انت روحت في ايه و جيت في ايه و مريحتش عندنا ليه....(وش المطرمة نادية مصطفي)

بس لا يسعنا القول

غير كفااااااااااااااارة

قصدي

حمدلله علي السلامة

و نتمني لكم إقامة طيبة...(وش اي ريسبشنست في فندق 3 نجمة)

هذا و بالله التوفيق

مارشات عسكرية

كان معكم.....لماضة في اعلي مداخلة نصية فيها وشوش :lol:

صباحك.......عودة ل "وطن" يا استاذي عماد...(وشي و انا بقول النشيد :lol: )

كفـــــايـــــــة وش وش وش وش إية دا :P

ميرسي يا مس لماضة .. كلك زوق والله

[عماد حمدي]

عودا حميدا استاذ عماد

ان شاء الله المره دى متسبناش تانى و كلام حضرتك جميل جدا عن نسيان الى فات و فتح صفحه جديده ايا كان المخطىء احيى حضرتك عليه

المحاورات نورت بحضرتك النهارده و يارب تفضل منوره بيك على طول

ربنا يكرمك يارب ..

المحاورات منوره بأهلها أستاذه / مغتربة ..

وإن شاء الله أكون متواجد ع طول .. الفترة الجايـة ،،

أسعدني تواجدك يا فندم

[عماد حمدي]

اهلا بعودتك ,أظن فوجئت بالتغيير الرهيب فى الاعضاء ناس مشت وناس جات يالا سنة الحياه :happy:

أهلا بيك أستاذ / طارق ،،

طبعاً فيه ناس كتير أوي إختفت ، وناس تانية جديدة ، و ع رأيك دي سنة الحياه ..

أشكرك مرورك الكريم ، وردك الأكرم ..

تحيــاتي ،،

[عماد حمدي]

من انت !

فريد شوقي ;)

[عماد حمدي]

أهلا أهلا يا فندم

أشرقت الأنوار

طبعا فاكرينك

كفاية سلامات و اتفضل ع الشغل

حاضر حاضر :unsure: .. عنيا الاتنين ،،،

تسلمي ع مرورك الكريم ، و مبروك الترقية :) ..

[م تيمور المراغي]

من انت !

فريد شوقي ;)

يا جااااااااامد ههههه

ده احنا حنطحن بعض

وصوتنا حيجيب آخر الشااااااارع :happy:

انا كنت خايف ترد رد مسلوق من بتوع المجاملات ده ليس الا

طيب مايتك ايه يابرنس الليالي يا رمانة الميزان !

سلفي والا ليبرالي و اخوانجي

كله شغال بس اوعى تكون من بتوع

احنا آسفين يا أندريس :happy:

[عماد حمدي]

مصــــــري

تم تعديل 11 يوليو 2011 بواسطة omda2006

[hOuSsAm]

حمدا لله عالسلامة يا عمادة

انت من الاقلام الكويسة وببقى سعيد بالقراءة ليك

ربنا يوفقك ومرحبا بك

[عماد حمدي]

حمدا لله عالسلامة يا عمادة

انت من الاقلام الكويسة وببقى سعيد بالقراءة ليك

ربنا يوفقك ومرحبا بك

الله يسلمك يا حسام .. البركة فيك يا ريس ،،

ياريت نرجع نتلم زي الاول بقا كدا و المواضيع بتاعت زمان ..

وحشتني الأيام دي والله ..

صبــاحك سكـــــر ،،

[engmido]

اهلا اهلا يا عمدة طبعا هو انت تتنسى

ده انت اخدت من صفحات المنتدى ده راقات فى حكاياتك فى السعودية لحاااااااااد ما اخدت تأشيرة الامارات

ومن ساعتها طفشت ومحدش شافك .... ههههههههه

صح كده ؟؟؟؟؟ هههه

[عماد حمدي]

اهلا اهلا يا عمدة طبعا هو انت تتنسى

ده انت اخدت من صفحات المنتدى ده راقات فى حكاياتك فى السعودية لحاااااااااد ما اخدت تأشيرة الامارات

ومن ساعتها طفشت ومحدش شافك .... ههههههههه

صح كده ؟؟؟؟؟ هههه

:) صح يا باشمهندس bv:-

[se_ Elsyed]

خلي بالك ... إنت لسه عليك 3 سنين مراقية .. ولازم تيجي تمضي كل يوم في القسم

كان معكم الأومباشى سين سين

[عماد حمدي]

خلي بالك ... إنت لسه عليك 3 سنين مراقية .. ولازم تيجي تمضي كل يوم في القسم

كان معكم الأومباشى سين سين

3 سنين !!

أنته قلبك قاسي أوي أوي ، أنته مش بتحب كدة وكدة

ماشي ياعم أحمد بس سنة المحاورات عمر بحالة ، ربنا يقوينا بقا

صباحك ورد

smk: