بعيد عنك.. حماتى عذاب

[Cleo]

على وزن الأغنية الشهيرة "بعيد عنك حياتى عذاب"...

ايه رأيكم نعمل جلسة علاج جماعى زى اللى بيعملوه فى أمريكا وكل واحد متعقد من حماته يحكيلنا ايه مشاكله معاها وإزاى بيحاول يعالج المشاكل دى... وهل المعالجات دى جابت نتيجة ولا لأ...

[ragab2]

على وزن الأغنية الشهيرة "بعيد عنك حياتى عذاب"...

فكرتينا

أيام شقاوة الشباب

كان فيه صديق بيغنى أغنية .. حتة حشيشة وياك .. تسطيلنا يا أخينا

على وزن .. أنا والعذاب وهواك .. عايشين لبعضينا

[haivi]

طب واللي حماته إتكلت لعالمها قبل ما يتجوز بنتها ينام ف الشارع يعني ولا إيه ؟

:P

آل على راي المثل :

حماتي وحماتك حماتين ...ينزلوا ضرب فينا إحنا الإتنين

ومثل قالهولي واحد مات قبل م أعرفه بيقول:

إديني شلن وحياتك ...لحسن تموت حماتك

وآخر مثل سمعته من أربعتاشر سنه وشهرين بيقول :

طالعين نازلين مناشير ....يسترها م الحموات الخناشير

أألف تاني ولا أستنى لما حد يقول ؟

[DARWEEN]

ياكليو ... أنا مراتي بتقرا المحاورات كل يوم ... فاهماني

أنا حماتي ملاك :P .. حتة سكره ... بونبونايه ... مارون جلاسيه

وأنا بأموتتتتتتتتتتتت فيها

واخده بالك يا أم العيال ... أنا اللي كاتب الكلام ده

كليو .... حد من الرجاله اللي هنا زعلك في حاجه ؟؟؟ ليه ياستي فتح مواضيع الأذيه دي

[se_ Elsyed]

ايه رأيكم نعمل جلسة علاج جماعى زى اللى بيعملوه فى أمريكا وكل واحد متعقد من حماته يحكيلنا ايه مشاكله معاها وإزاى بيحاول يعالج المشاكل دى... وهل المعالجات دى جابت نتيجة ولا لأ...

مش عارف ليه كليو بقى عندها ميول عدوانية .. وبقت تحب ترى الآخرين وهم يتعذبون .

عامة بجد وكلمة حق .. فالست حماتي في منتهى الطيبة وتعاملني كأحد أبناءها بالظبط ودايماً تقف في صفي لو فيه خلافات في وجهات النظر مع الحكومة عندي ، وبالتالي تُعطي ثقل تاريخي لمعسكري إذا أحتدم الخلاف ، وساعات بأستخبى وراها عشان الحاجات اللي بتبقى طايره في الهوا .

بس انا ملاحظ إن الحموات من بعد ماري منيب زي ما يكونوا تابوا لله سبحانه وتعالى وبقوا زي العسل .. خصوصاً مع أزواج بناتهم ...

لكن لسه حاسس إن فيه فلول من الحموات بتعامل زوجة الأبن مش كويس وده لأني الأم عندها شعور غريزي إن البنت دي جت بعد العمر ده كله وخطفت الولد منها .

[afiona]

العلم بيحل مشاكل كتير ودلوقت ممكن الواحد يوردار من الانترنت عروسة بالاوبشنز اللى عايزيها. انا طلبت عروستين امبارح و واحدة منهم طلبتها خالصة جمارك و حموات... 7amahless ...

بس انا ملاحظ إن الحموات من بعد ماري منيب زي ما يكونوا تابوا لله سبحانه وتعالى وبقوا زي العسل ..

cnst: :lol: :lol:

لا يابا ...

هن بقوا اكثر حكمة مش اكتر وعاملين زى المطبخ السياسى اللى بيطبخ و الزعيم ينفذ ....

مشروع حماتى الفائتة كنت بحس انى باتعامل مع مزيج من رامسفيلد و العقيد القذافى.

[Cleo]

مشروع حماتى الفائتة كنت بحس انى باتعامل مع مزيج من رامسفيلد و العقيد القذافى

أنا بأة كنت بتعامل مع مزيج من "ديك تشينى" :lol: ودراكولا مصاص الدماء vmp:

[afiona]

أنا بأة كنت بتعامل مع مزيج من "ديك تشينى"

يعععععع (وش واحد بيرجع)....

والواحد لما يشوف بلاوى الناس تهون عليه بلوته ...

لو بتعانى من كوابيس مزعجة تظهر فيها "ديكا" تشينى ممكن تاخدى اقراص بيروسول تقضى على الحماة فى المنام.

انسف حماتك القديمة بجرافينا. :lol:

[se_ Elsyed]

مشروع حماتى الفائتة كنت بحس انى باتعامل مع مزيج من رامسفيلد و العقيد القذافى.

أنا بأة كنت بتعامل مع مزيج من "ديك تشينى"  ودراكولا مصاص الدماء

طب أقعدوا بالعافية بقى .. الظاهر إننا دخلت بالغلط على موقع

www.Guantanamo .com

- يا اخوانا أنا مازلت أؤكد بإن المعروف والمعاملة بالحسنة لا يُمكن أن تُقابل بالإساءة ... يعني اللي يشم إن حماته من نوع ماري منيب .. يبقى يتبع معاه سياسة الإحتواء .. يعني يعرف مدخلها منين ويحاول يتقرب لها ( حتة قماش ، منيل بأوية ، 2 كيلو هريسة .. كده يعني ) وصدقوني الحاجات دي لها مفعول السحر مع الكلمة الطيبة طبعاً ..

أما بقى لو كل ده ماجبش نتيجة يبقى ما فيش حل غير fsh:: :lol: me0: s-: ... وزيادة في التعذيب أقعد أضرب في بنتها وعيالها في الرايحة والجاية وبدون أي سبب عملاً بمبدأ إن كل شيء مباح في الحب والحرب .