إحنا بتوع الأمريكــــــــــان

[savaryxxx]

رداً على اتهام السيد رئيس حزب الحرية والعدالة ,, آية الله العظمى مش عارف مين -- مد الله ظله !

إحنا بتــــــــوع الأمريكــــــــــــــــــان

كثر الحديث عن التى أهواها --- عذرا

هذا ما غناه كاظم الساهر !!! ليس هنا مجاله .

كثر الحديث عن الدعم الغربى أو الضغط الغربى على مصر

لفرض أجندة ليبرالية !

تجد هذا الكلام كثيرا و متداولا فى أدبيات و مقالات و صفحات

تيار الإسلام السياسى المصرى

لا أدرى حقيقة من أين أتوا بهذه الأخبار ...لكن ليس هذا مستبعدا

أو غريبا هم يطبقون فى عقلهم الباطن معادلة بسيطة جدا

نحن حماة الدين ومن يمثله و الأمريكان يعادون الإسلام ...إذن

فهم يعادوننا !

والليبرالين يختلفون معنا ومعنى هذا أنهم يعادوننا .. إذن فهم

يعادون الإسلام !

والليبرالية فكر غربى ...إذن يجتمع الغرب والليبرالية فى معاداة

الإسلام وفى معادتنا - شفت سهلة إزاى !

حسنا يرحمكم الله

سؤال سهل و بسيط وحتما ليس من خارج المقرر

ماذا تفعل القواعد الأمريكية فى الخليج ؟؟؟ عمن تلوذ و تدافع ؟؟

عمن خاضت حرب الخليج الأولى و الثانية ولماذا قصمت ظهر

عبد الناصر فى يونيو 67 ؟؟

لماذا تعتبر هذه المنطقة من العالم منطقة نفوذ أمريكى بالدرجة

الأولى ولا تهاون فيمن يحلم بالعبث فيها ؟؟

نعم هى منطقة النفط مصدر الطاقة ومصدر الإقتصاد لهذا لا بد

أن تكون مؤمنة!

فأى فكر هناك فى الخليج ؟؟ أى فكر هذا المتحالف تماما مع

المصالح و الهيمنة الأمريكية فى المنطقة ؟؟أهى الليبرالية ؟

أكان الليبراليون يتلقون دعما فى الخمسينات والستينات من

الخليج كان الليبراليون هم حلفاء الخليج فى مصر لمقاومة التيار

والفكر القومى ؟؟

أضغطت دول الخليج و اشترطت إخراج الليبرالين من المعتقلات

ثمنا لما تقدمه لمصرمن مساعدات ؟؟

أوفر الخليج ملاذاً آمنا لليبرالين وتحالفوا معهم إبان

الحقبةالناصرية ؟

أيرتدى الليبراليون فى مصر لباسا خليجيا ؟؟ أيرفعون أعلام دول

خليجية ؟؟؟

أأنفقت هذه الدول مليارات الدولارات لنشر الفكر الليبرالى فى

مصر ؟؟

من مول ما أسموه الجهاد فى أفغانستان ؟؟أكان تحالف الأمريكان

مع الليبرالين ..أكان السلاح والتمويل والمقاتلين فى أفغانستان

ليبراللين ؟

مع من يتحالف الأمريكان لحماية منطقة نفوذهم ؟؟ عمن يدافع

الأمريكان لحمايةمصالحهم؟

من راعى المصالح الأمريكية فى المنطقة ؟؟وأى فكر يتبع ؟؟

وهل نحن من نتبع هذا الفكر ؟؟؟هل نحن من تحالفنا معه فيما

مضى ؟؟هل نحن من تلقيناه و آمنا به ونفذناه و طبقناه ؟؟؟

أحقا نحن --بتوع الأمريكان --- يا هداكم الله ؟؟

أكان سعد زغلول -ليبرالى -ورفاقه ممولين غربيا ؟؟ مدعومين ؟؟

أكان جمال عبد الناصر-قومي- مدعوما أو ممولا من الغرب ؟؟

يقول التاريخ أن التحالف كان دوماً و أبدا مع الإسلام السياسى

العربى !!

ثم ما العيب فى أن الليبرالية فكر غربى ؟ أو فكر نما فى الغربة

وأزهر وروده و رياحينه ؟؟

هكذا الحاسوب الذى تستخدمه و السيارة التى تركبها !!

صنعت آيضا فى الغرب !!

ممن أخذ المسلمون الأوائل أسس العلوم ؟ و عن أى أمم ترجموا ؟

ألم يأخذوا من الحضارات التى كانت موجودة وقتهم ؟ ألم

يترجموا علموهم ؟؟ أم أخذوا عن الأمم التى بلا حضارة تذكر ؟؟

أخيراً فلدى الأمريكان قنبلة نووية أبالمثل سيُفرَض على مصر

تصنيعها ؟؟

إن الأمريكان يا سادة لم يتحالفوا سوى معكم و مع حلفائكم !

لا يريد الأمريكان ديمقراطية فى مصر ولا فى غيرها ولافى أى

مكان يمثل لهم مناطق نفوذ ... فالديمقراطية تعنى أن يحكم

الشعب نفسه و ألا يحيد حكام هذا العشب عن مصالحه و إلا

غيروهم,,, لايريد الأمريكان ذلك ! فالأسهل و الأفضل أن

تتعامل مع متطلبات فرد أو أسرة مقابل تحقيق مصالحك عن

التعامل مع مصالح شعب بأكمله !

يريد الأمريكان شيخ قبيلة أو مرشد أو مرجع دينى يتبعه الباقون

ولا يعصون له أمرا .

ذلك أسهل كثيرا و أيسر عند التعامل ! والجزرة موجودة و

العصا كذلك !

لايمكن تطبيق سياسة العصا والجزرة مع دولة ديمقراطية و بها

حريات وتداول سلطة !

لا يمكن تطبيق سياسة العصا والجزرة إلا مع مجتمعات القبيلة

وشيخ القبيلة أو مجتمعات القطيع و الراعى

وهى نماذجكم و تصوركم و مقتراحاتكم و فكركم !

لايريد الأمريكان دولة بها مواطنة ! وإلا سيفقدون ورقة الأقليات

الذين يجيدون اللعب بها ويضغطون بها وقتما يريدون .

لايريد الأمريكان دولة بها حريات و حقوق إنسان و تداول سلمى

للسلطة وحياة ديمقراطية سليمة !

بل يريدون مجتمعات طائفية بها نعرة الدين و نعرة الطائفةونعرة

العرق والتعصب لأى منها ,نتقاتل مسلمين و مسيحين أو سنة

وشيعة فتبقى إسرائيل أمنة مطمئنة و تبقى المصالح الأمريكية هى

العليا وتتفت الأوطان والشعوب ولا تتكتل ولا تتجمع الدول

لهذا فهم يفضلون الإسلام السياسى بطرحكم ووجه نظركم و

إسلامية إسلامية

يجدون شيخ قبيلة يتعاملون معه حيث الجميع ملتزم بطاعته طاعة

عمياء فيقدمون له العصا والجزرة وعليه أن يختار !

يجدون مجتمعاً طائفيا يستطيعون فيه اللعب بورقة الأقليات و

رسم سيناريوهات للحروب الأهلية .

لهذا دعم الأمريكان انقلاباً على مصدق فى إيران و أعادوا الشاه

للحكم ولهذا دعم ومول الأمريكان معظم إنقلابات العسكر فى

أمريكا الجنوبية .

لهذا دعم الأمريكان أنور السادات و حسنى مبارك و صدام حسين

والقذافى واستخدموا جزرهم بينما كانت العصا لعبد الناصر .

لهذا دعم الأمريكان العلويين فى سوريا و مكنوا الأسد من حكم

سوريا مقابل جولان تحت السيطرة الإسرائيلية

لهذا هم متحالفون مع معقلكم و مرجعيتكم الدينية والعقائدية فى

الخليج !

أفيقوا يرحكم الله

بعلكم أو بدونه .. فأنتم المتأمركون و حلفاء حلفاء الأمريكان ويجد

فيكم الأمريكان ضالتهم و الأنسب لتحقيق مشروعهم فى المنطقة

والحفاظ على مصالحهم !

أنتم من تنفذون ببراعة سيناريوهات أمريكية للمنطقة

و كما قال المليجى رحمه الله

مووووووووووووش آآآآآآآآآآنى - وعلى الدرب أسير فأقول

موووووووووش أحنا خالص اللى بتوع الأمريكان !

http://saa7yabada7.blogspot.com/2011/06/blog-post.html

تم تعديل 12 يوليو 2011 بواسطة savaryxxx

[لماضة مصرية جدا]

السلام عليكم و رحمة الله و بركاته

مقالة دسمة جدا

و كل ما انتقل من سطر إلي سطر أخر الاقي مليون تساؤل في عقلي

شكرا لحضرتك علي النقل

بس سؤال او خليني ااقول بفكر بصوت عالي

هو مينفعشي يبقي فيه وطن نبنيه احنا....(انا و انت و اي حد بسيط مالوش انتماءات مسبقة مثلا)

نبنيه علي المباديء اللي محدش راح يختلف عليها

العدالة

الحق

الخير

الجمال

اصل الامريكان مخترعوش المباديء دي...دي جزء من فطرتنا الانسانية

مينفعشي نبني الوطن ده....بمفهومنا المصري جدا....من غير ما نشير نطلق علي انفسنا القاب...انا ليبرالي...انا اسلامي...(مع اني شايفة ان كلنا مسلمين....حتي اللي بيختلف برضه في ديانته السماوية فهو مسلم)

مينفعشي نبني وطن بنحلم بيه...من غير ما نشعر طول الوقت ان فيه سيناريو خفي بيخلينا نلف حوالين نفسنا في دواير مغلقة

مينفعشي نبني الوطن ده...من غير ما نعضد دايما نظرية المؤامرة...مش بنفي وجودها....لكن بحلم ان احنا نبني وطن واحد يواجهها في الوش كده

متكونشي النظرية دي هي الوسيلة دايما ان احنا ننشق و نتفرق و كل واحد فينا يدور علي ال "جزرة" بتاعته و يشوف مين اللي راح يدهاله

لما الثورة قامت

الكل داب في الميدان

علشان كانت العين علي 3 حروف

مصر و بس

و مصر دي جلابية واسعة اوي

شايلة جواها كل الطوائفو كل الاختلافات

مش من دلوقتي من زمان اوي

مينفعشي نخلي التوب الحلو ده...واسع و فضفاض زي ما هو...و نطرز ليه احلام يمكن مش راح نلحق نشوفها لكن فيه حتة مننا عايزينها تكبر في الوطن ده

مينفعشي؟؟؟

مينفعشي نحلم بوطن زي ده؟؟؟

متقوليش اني برسم قصر في خيال للمدينة الفاضلة

متقوليش انزل للواقع

لان الواقع كان في ميدان التحرير يوم ما الناس نسيت و دابت في بعضها

يوم ما الناس كان عندها "جزرة" واحدة.....هي مصر

مينفعشي نخلي "الجزرة" دي هي مصر

قولي ينفع

انا مصدقة انه هينفع و هينفع اوي

و مش راح يهمني

اللي راح يوصل للجزرة دي....."عنوانه" ايه في قاموس التصنيفات

لكن انا براهن علي وعي الناس البسيطة.....انها تعرف تميز....تقارن....و ترفض....و تقاوح يوم ما في حد يجي و يغير الحلم اللي في يوم حلمت بيه

ده حلمي

و دي وجهة نظري

شكرا علي النقل مرة تانية

صباحك استاذي.....وطن....و جزرة اسمها "مصر"

[طارق مصرى]

حضرتك ملخص كلامك بيقول- سيبكم يا أصحاب الدعوات الدينية من الكلام المرسل و خليكم فى الواقع , الواقع حسب كلامك ان القواعد الامريكية فى الخليج و دول ناس اسلاميين مش ليبراليين و اهل الخليج هم من دعموا الجماعات الاسلامية , اذا حسب ما فهمت من موضوعك ان الاسلاميين هم اصحاب الاجندات الخارجية واصحاب التمويل و ليس اللبراليين وأن الغرب حارب التحرريين اللبراليين زى عبد الناصر و سعد زغلول و لا يحارب الاسلاميين , دى الخلاصة لاصة طيب مش حرد عليك بكلام مرسل لان حضرتك طبعا جبت أدلة دااااااامغة و لازم أسألك أنا أيضا

مين كان بيدعم إيران قبل حكم الملالى أيام الشاه رضا بهلوى و أنقلب عليهم بعد الثورة و عمل حظر للاسلحة الامريكية على ايران السؤال كان محمد رضا بهلوى ايه عظمى أو شيخ و لا كان علمانى؟(انا ضد ايران علشان محدش يفهمنى غلط)

سؤال ايه الدول المحتلة الان من امريكا ؟ دول تنتهج النهج الليبرالى ام دول اسلامية اما حكامها كانوا يطبقون الشريعة او كانوا حكاما ديكتاتوريين انتهت مهمتهم

من على قوائم الارهاب فى العالم و تصادر امريكا اموالهم وتعتقلهم و تغتالهم و تحاربهم فى كل مكان اليست الجماعات الاسلامية فى الشيشان و افغانستان والعراق و حماس و غيرهم , من المدعوم و من المحارب إذا؟

طيب السادات و حسنى مبارك كذلك كانا مدعومان من امريكا ام لا ؟ و هل كانوا شيوخا بلحى أم أعضاء فى مكتب الارشاد ؟ الم يكونوا ينتهجون العلمانية و فصل الدين عن السياسة و ظهر فى عهد السادات مقولة لا سياسة فى الدين و لا دين فى السياسة و قانون الاحوال الشخصية التى صدر فى عهد السادات بتقييد الطلاق و منع تعدد الزوجات و لولا الله ثم شيخ الازهر حينها لكان القانون موجودا الان .

من أشهر من دخلوا المعتقلان و عذبوا و فعل بهم الافاعيل فى عهد عبد الناصر - السادات - مبارك أكانوا رموز العلمانية واللبرالية ؟ ام الجماعات الاسلامية من اخوان وسلف و خلافة فى حين ان رموز للعلمانية و اللبرالية مثل سعد الدين إبراهيم مدير مركز بن خلدون و المتزوج من امريكية الذى وضعوا له كل التهم ثم خرج من السجن عزيزا مكرما و يهاجم النظام كعادته و ابراهيم عيسى الذى كانت جريدتة الدستور تستهزىء بمبارك و جمال علانية و ترسمهما فى شخصيات كرتونية بالاضافة الى مقالات ابراهيم النارية فى أول صفحة و رمزة لمبارك بفرعون بالاضافة لشائعة مبارك مات , ماذا حدث له كم سنة دخل المعتقل ؟ رموز النظام مثل فاروق حسنى و صفوت و جمال و غيرهم كانوا شيوخا بزبيبة فى جبهتهم ؟ من الذى كان يصدر الروايات التى تحارب الدين مثل ( وليمة لاعشاب البحر- ووصايا فى عشق النساء ....الخ) اليست المؤسسة الرسمية للدولة الممثلة فى هيئة الكتاب ؟ من المدعوم إذا ؟

ماذا حدث بعد وصول الاسلاميين للحكم فى الجزائر و فلسطين المحتلة (حماس) ؟ هل دعمهم الغرب ام كان يدعم الجبهات المضادة مثل جبه فتح (العلمانية )

أتعرف أن هناك ليبراليين و علمانيين فى المملكة !! ربما لا تعرف اليك رابط يعرفك بواحد من اشهرهم

تركى الحمد http://wahat.sahara.com/showthread.php?t=16600

هذا الرجل و أمثاله الكثير فى السعودية يتكلمون و لا احد يقبض عليهم و فى المقابل مشايخ كثيرين من رموز السلفية الى الان مقبوض عليهم ولا يخرجون مثل (خالد الراشد الذى تهمته عمل مظاهرة ضد الرسوم المسيئة للرسول صلى الله عليه وسلم - و الشيخ يوسف الاحمد - و الشيخ سليمان الدويش و غيرهم كثير .

الخلاصة يا أستاذ هناك فارق و هوه شاسعة بين الحكومات و الشعوب الاسلامية لا يعنى ان حكومة دولة معينة تتبع امريكا ان هذا ينعكس على الشعب او طبيعتة الدينية فلا يمكننا القول ان المصريين مدعومين و تابعيين لاسرائيل , مع ان العكس صحيح و ان المدعوم التابع هو نظام مبارك و ليس معنى ان السادات اخرج الاخوان من المعتقلات ليس لضغط خليجى و لكن ليضرب بهم الناصريين ثم بعدما انتهت فائدتهم بالنسبة له ادخل المعتقلات مرة اخرى أن نقول ان الاخوان مدعومين خارجيا و الا فبمارك مع بداية حكمه اخرج العديد من رموز اللبرالية و العلمانية من السجن و كان من أشهر من أخرجهم الحقيرة نوال السعداوى .

و اخيرا أقولك حضرتك عارف كويس ان النظام الغربى علمانى إجمالا و أنه يريد إقامة نظم على نفس منهجهم فى المنطقة لتكون تابعة له و لانهم يسيرون بمدأ الغاية تبرر الوسيلة و الغاية هنا ان نكون نحن المسلمين تابعين لهم و الوسيلة هى العلمانية بمفهومهم و اذا لم تكون الوسيلة متاحة لطبيعة أهل البلد فلا مانع من انتهاج اى وسيلة اخرى تقرب من الغاية و ليس توصل للغاية فمثالك عن الانظمة الخليجية و القواعد العسكرية هنا الاتباع للحكام و ليس الشعوب ( إن أكثر المقاتلين الاجانب فى العراق او افغانستان من السعوديين كمثال ) و الشعب المصرى الذى هو من اكثر الشعوب عداءا و ريبة من السياسة الامريكية مع ان نظامنا البائد كان من اكثر النظم تبعا لامريكا , و على هذا فليس امام امريكا و الغرب الا ان تعتقد الشعوب الاسلامية بعقيدتهم وطريقتهم فالحياه لنكون تبعا لهم و الى ان تبدأ بذور العلمانية فى النمو و تطرح ثمارها فليس امامهم الا تثبيت نظم ديكتاتورية تتلون باى شكل دينى - عشائرى -ديمقراطى .

أرجو أن تكون فكرتى و ضحت ومعذرة للإطالة .

[savaryxxx]

السلام عليكم و رحمة الله و بركاته

مقالة دسمة جدا

و كل ما انتقل من سطر إلي سطر أخر الاقي مليون تساؤل في عقلي

شكرا لحضرتك علي النقل

بس سؤال او خليني ااقول بفكر بصوت عالي

هو مينفعشي يبقي فيه وطن نبنيه احنا....(انا و انت و اي حد بسيط مالوش انتماءات مسبقة مثلا)

نبنيه علي المباديء اللي محدش راح يختلف عليها

العدالة

الحق

الخير

الجمال

اصل الامريكان مخترعوش المباديء دي...دي جزء من فطرتنا الانسانية

مينفعشي نبني الوطن ده....بمفهومنا المصري جدا....من غير ما نشير نطلق علي انفسنا القاب...انا ليبرالي...انا اسلامي...(مع اني شايفة ان كلنا مسلمين....حتي اللي بيختلف برضه في ديانته السماوية فهو مسلم)

مينفعشي نبني وطن بنحلم بيه...من غير ما نشعر طول الوقت ان فيه سيناريو خفي بيخلينا نلف حوالين نفسنا في دواير مغلقة

مينفعشي نبني الوطن ده...من غير ما نعضد دايما نظرية المؤامرة...مش بنفي وجودها....لكن بحلم ان احنا نبني وطن واحد يواجهها في الوش كده

متكونشي النظرية دي هي الوسيلة دايما ان احنا ننشق و نتفرق و كل واحد فينا يدور علي ال "جزرة" بتاعته و يشوف مين اللي راح يدهاله

لما الثورة قامت

الكل داب في الميدان

علشان كانت العين علي 3 حروف

مصر و بس

و مصر دي جلابية واسعة اوي

شايلة جواها كل الطوائفو كل الاختلافات

مش من دلوقتي من زمان اوي

مينفعشي نخلي التوب الحلو ده...واسع و فضفاض زي ما هو...و نطرز ليه احلام يمكن مش راح نلحق نشوفها لكن فيه حتة مننا عايزينها تكبر في الوطن ده

مينفعشي؟؟؟

مينفعشي نحلم بوطن زي ده؟؟؟

متقوليش اني برسم قصر في خيال للمدينة الفاضلة

متقوليش انزل للواقع

لان الواقع كان في ميدان التحرير يوم ما الناس نسيت و دابت في بعضها

يوم ما الناس كان عندها "جزرة" واحدة.....هي مصر

مينفعشي نخلي "الجزرة" دي هي مصر

قولي ينفع

انا مصدقة انه هينفع و هينفع اوي

و مش راح يهمني

اللي راح يوصل للجزرة دي....."عنوانه" ايه في قاموس التصنيفات

لكن انا براهن علي وعي الناس البسيطة.....انها تعرف تميز....تقارن....و ترفض....و تقاوح يوم ما في حد يجي و يغير الحلم اللي في يوم حلمت بيه

ده حلمي

و دي وجهة نظري

شكرا علي النقل مرة تانية

صباحك استاذي.....وطن....و جزرة اسمها "مصر"

هو كان ينفع لولا أن الناس دى عندها مشكلة انتماء

هم لا ينتمون لمصر حتى تكون مصر هى جزرتهم

هذا هو الفارق الأساسى بيننا --كمصريين --- وبينهم

الإنتماء والهوى والهوية والقضية و الفكرة والمشروع والحلم عندنا هو مليون كيلومتر مربع يسكنهم 85 مليون انسان اسمها جمهورية مصر العربية

هم ليسوا كذلك

[savaryxxx]

حضرتك ملخص كلامك بيقول- سيبكم يا أصحاب الدعوات الدينية من الكلام المرسل و خليكم فى الواقع , الواقع حسب كلامك ان القواعد الامريكية فى الخليج و دول ناس اسلاميين مش ليبراليين و اهل الخليج هم من دعموا الجماعات الاسلامية , اذا حسب ما فهمت من موضوعك ان الاسلاميين هم اصحاب الاجندات الخارجية واصحاب التمويل و ليس اللبراليين وأن الغرب حارب التحرريين اللبراليين زى عبد الناصر و سعد زغلول و لا يحارب الاسلاميين , دى الخلاصة لاصة طيب مش حرد عليك بكلام مرسل لان حضرتك طبعا جبت أدلة دااااااامغة و لازم أسألك أنا أيضا

مين كان بيدعم إيران قبل حكم الملالى أيام الشاه رضا بهلوى و أنقلب عليهم بعد الثورة و عمل حظر للاسلحة الامريكية على ايران السؤال كان محمد رضا بهلوى ايه عظمى أو شيخ و لا كان علمانى؟(انا ضد ايران علشان محدش يفهمنى غلط)

سؤال ايه الدول المحتلة الان من امريكا ؟ دول تنتهج النهج الليبرالى ام دول اسلامية اما حكامها كانوا يطبقون الشريعة او كانوا حكاما ديكتاتوريين انتهت مهمتهم

من على قوائم الارهاب فى العالم و تصادر امريكا اموالهم وتعتقلهم و تغتالهم و تحاربهم فى كل مكان اليست الجماعات الاسلامية فى الشيشان و افغانستان والعراق و حماس و غيرهم , من المدعوم و من المحارب إذا؟

طيب السادات و حسنى مبارك كذلك كانا مدعومان من امريكا ام لا ؟ و هل كانوا شيوخا بلحى أم أعضاء فى مكتب الارشاد ؟ الم يكونوا ينتهجون العلمانية و فصل الدين عن السياسة و ظهر فى عهد السادات مقولة لا سياسة فى الدين و لا دين فى السياسة و قانون الاحوال الشخصية التى صدر فى عهد السادات بتقييد الطلاق و منع تعدد الزوجات و لولا الله ثم شيخ الازهر حينها لكان القانون موجودا الان .

من أشهر من دخلوا المعتقلان و عذبوا و فعل بهم الافاعيل فى عهد عبد الناصر - السادات - مبارك أكانوا رموز العلمانية واللبرالية ؟ ام الجماعات الاسلامية من اخوان وسلف و خلافة فى حين ان رموز للعلمانية و اللبرالية مثل سعد الدين إبراهيم مدير مركز بن خلدون و المتزوج من امريكية الذى وضعوا له كل التهم ثم خرج من السجن عزيزا مكرما و يهاجم النظام كعادته و ابراهيم عيسى الذى كانت جريدتة الدستور تستهزىء بمبارك و جمال علانية و ترسمهما فى شخصيات كرتونية بالاضافة الى مقالات ابراهيم النارية فى أول صفحة و رمزة لمبارك بفرعون بالاضافة لشائعة مبارك مات , ماذا حدث له كم سنة دخل المعتقل ؟ رموز النظام مثل فاروق حسنى و صفوت و جمال و غيرهم كانوا شيوخا بزبيبة فى جبهتهم ؟ من الذى كان يصدر الروايات التى تحارب الدين مثل ( وليمة لاعشاب البحر- ووصايا فى عشق النساء ....الخ) اليست المؤسسة الرسمية للدولة الممثلة فى هيئة الكتاب ؟ من المدعوم إذا ؟

ماذا حدث بعد وصول الاسلاميين للحكم فى الجزائر و فلسطين المحتلة (حماس) ؟ هل دعمهم الغرب ام كان يدعم الجبهات المضادة مثل جبه فتح (العلمانية )

أتعرف أن هناك ليبراليين و علمانيين فى المملكة !! ربما لا تعرف اليك رابط يعرفك بواحد من اشهرهم

تركى الحمد http://wahat.sahara.com/showthread.php?t=16600

هذا الرجل و أمثاله الكثير فى السعودية يتكلمون و لا احد يقبض عليهم و فى المقابل مشايخ كثيرين من رموز السلفية الى الان مقبوض عليهم ولا يخرجون مثل (خالد الراشد الذى تهمته عمل مظاهرة ضد الرسوم المسيئة للرسول صلى الله عليه وسلم - و الشيخ يوسف الاحمد - و الشيخ سليمان الدويش و غيرهم كثير .

الخلاصة يا أستاذ هناك فارق و هوه شاسعة بين الحكومات و الشعوب الاسلامية لا يعنى ان حكومة دولة معينة تتبع امريكا ان هذا ينعكس على الشعب او طبيعتة الدينية فلا يمكننا القول ان المصريين مدعومين و تابعيين لاسرائيل , مع ان العكس صحيح و ان المدعوم التابع هو نظام مبارك و ليس معنى ان السادات اخرج الاخوان من المعتقلات ليس لضغط خليجى و لكن ليضرب بهم الناصريين ثم بعدما انتهت فائدتهم بالنسبة له ادخل المعتقلات مرة اخرى أن نقول ان الاخوان مدعومين خارجيا و الا فبمارك مع بداية حكمه اخرج العديد من رموز اللبرالية و العلمانية من السجن و كان من أشهر من أخرجهم الحقيرة نوال السعداوى .

و اخيرا أقولك حضرتك عارف كويس ان النظام الغربى علمانى إجمالا و أنه يريد إقامة نظم على نفس منهجهم فى المنطقة لتكون تابعة له و لانهم يسيرون بمدأ الغاية تبرر الوسيلة و الغاية هنا ان نكون نحن المسلمين تابعين لهم و الوسيلة هى العلمانية بمفهومهم و اذا لم تكون الوسيلة متاحة لطبيعة أهل البلد فلا مانع من انتهاج اى وسيلة اخرى تقرب من الغاية و ليس توصل للغاية فمثالك عن الانظمة الخليجية و القواعد العسكرية هنا الاتباع للحكام و ليس الشعوب ( إن أكثر المقاتلين الاجانب فى العراق او افغانستان من السعوديين كمثال ) و الشعب المصرى الذى هو من اكثر الشعوب عداءا و ريبة من السياسة الامريكية مع ان نظامنا البائد كان من اكثر النظم تبعا لامريكا , و على هذا فليس امام امريكا و الغرب الا ان تعتقد الشعوب الاسلامية بعقيدتهم وطريقتهم فالحياه لنكون تبعا لهم و الى ان تبدأ بذور العلمانية فى النمو و تطرح ثمارها فليس امامهم الا تثبيت نظم ديكتاتورية تتلون باى شكل دينى - عشائرى -ديمقراطى .

أرجو أن تكون فكرتى و ضحت ومعذرة للإطالة .

هى الفكرة الأساسية للمقال -- رمتنى بدائها وانسلت --

ميصحش سيادة رئيس الحزب يتهمنا أننا ممولون أمريكياً لأننا نقول الدستور أولاً

بينما هو و فريقه مطعون فى انتمائهم و مطعون فى ولائهم و مطعون فى تمويلهم !

هم من قالوا طظ فى مصر ليس نحن

هم من قالوا يحكمنى اندونيسى أو صومالى

هم التنظيم الدولى والذى يجمع شخصيات من دول مختلفة

هم الأمميون

شوية كسوف يعنى

هرد على أسئلة حضرتك

1- الأمريكان اتبعوا سياسة الأحتواء مع إيران إبان الحرب العراقية الإيرانية .--يعنى تسليح الطرفين و مساعدة الطرفين و تطويل مدة الحرب بينهم قدر الإمكان بشرط ألا يخرج من الحرب غالب أو مغلوب

والامريكان مستفدين من النظام الإيرانى بشكل أو بآخر ..لذلك لسه متبعين نفس سياسة الأحتواء معاه

يعنى هما يقدروا يسقطوا النظام دا سواء عسكرياً أو حتى بدعم المقاومة الإيرانية المتمثلة فى التيار الإصلاحى ..لكن الأمركيان غضوا الطرف عن قمع النظام الإيرانى للمعارضه !!

الأمريكان اسقطوا مشرف رئيس الوزراء الإيرانى الشريف والمخلص لبلدة ووطنه ورجعوا الشاه تانى

لأنهم مش عاوزين نظام ديمقراطى فى إيران ولا غيرها ...مش عاوزين شعوب تحكم نفسها ..دا خطر على مصالحها ...النظام الملالى بيحتوه لكن مش هيشلوه أبداً ولا يحاولوا يغيروه ...يحتوه أفضل ليهم واحسن

لكن النظام الديمقراطى هو الخطر الداهم عليهم

عشان كدا هم حلفاء الإسلام السياسى العربى

لأن الإسلام السياسى العربى برده بيرفض الديمقراطية و تداول السلطة و حكم الشعب لنفسه باسم الدين و باسم ربنا قال كدا

كذباً ما يقولون

إفكاً ما يزعمون

باطلاً ما يسوقون

[savaryxxx]

الدول المحلتة أمريكاً دلوقتى أحتلت بسبب الديكتاتورية فى الأساس ...الوطن الحر بيدافع عنه ولاده ..إنما الوطن المستعبد فأولاده من كرههم للاستبداد بيرحبوا بأى تدخل خارجى يخلصهم ............عشان كده الأمريكان حلفاء كل ديكتاتور و مستبد ........سياسة العصا والجزرة اللى اتكلمت عنها فى المقال يا فندم

اللى يسمع الكلام زى الخليج يبقى ليه الجزره و اللى ميسمعش الكلام زى صدام يبقى ليه العصا .......الفكرة تدى بتضرب لو فى ديمقراطية و دا بياكد كلامى يا فندم أن الاسلام السياسى المصرى بطرحه دا هو اللى بيخدم المشاريع الأمريكية و سياسة الأمريكان فى المنطقة

الديمقراطية هى الخطر الداهم على الأمريكان .........شيخ القبيلة أسلم و أجمل طريقة بيحبها الأمريكان

والإسلاميين كفكر و تنظيم يمثلون هذا النمط المفضل للأمريكان

3-

أمريكا يا فندم تحتوى الإسلاميين فقط لا غير إن خرجوا عن طوعها

هما اللى سلحوا المرتزقة اللى راحوا يحاربوا فى أفغانستان مثلا و تحالفوا معاهم و دا كان خدمة للأمريكان لاحتواء الاتحاد السوفيتى

هل محدش من المجاهدين فى أفغانستان سئل نفسه هو أنا ليه بحارب الروس و مش بحارب الصهاينه؟؟؟

عشان الأمريكان عاوزينك تحارب الروس يا بيه !!!

ودلوقتى بيستغلوهم برده فى حكاية الحرب على الإرهاب و برده دا بيخدم المشروع الأمريكى عشان يقدروا يلاقوا مبرر شرعى لاحتلال العراق مثلا

الإسلاميين بالنسبه للأمريكان كنز لا يفنى

ومصالح من كل ناحية

عشان كده هما حلفائهم و عشان كده الأمريكان جابوا طيارتهم و حاربوا فى الخليج ..حرب الخليج الاولى و التانية

4- زى ما حضرتك قولت بالظبط السادات و مبارك كانوا مدعومين أمريكياً ... عشان كده الإسلاميين فى مصر كانوا بيحرموا الخروج على مبارك ..وبيقولوا المظاهرات حرام و الاعتصام حرام و الاضراب حرام و الخروج على الحاكم حراااااااااااام

أما الاخوان فالعلاقة بينهم وبين مبارك كانت تبادل منفعه ........كانوا بينزلوا انتخابات عارفين كويس انها مزورة ..بس وماله

بيرضوا بالفتات اللى مبارك بيمن عليهم بيه

وهو بيستفيد من وجودهم عشان الغرب لو ضغط عليه لاجراء اصلاحات ديمقراطية ...يقولهم إما أنا و إما الاسلاميين هااا ؟؟؟؟؟

يقولوله لا انت احسن خليك

لولا مشيئة ربنا سبحانه و تعالى و وجود الطريق التالت فى مصر و اللى هما الشباب الوطنى من التيارات الغير اسلامية سواء ليبرالية وعلمانية و اشتراكية و قوموية كان التوريث هيمر عادى جدا و كان القرف اللى كنا فيه هيستمر لخمسين سنه كمان

[savaryxxx]

أخيراً بالنسبه للمعتقلات والقصة دى ... فمش الاسلاميين بس اللى عانوا أبدا

مظاهرات كفاية و 6 إبريل كان الأمن المركزى بيسحلهم سحل يعنى

و القوميين اتعذبوا ايام السادات و خصوصا بعد يناير 77

والشيوعيين والليبرالين اتعذبوا أيام عبد الناصر برده مش بس الإسلاميين

بس هو فى فرق جوهرى هنا لازم ناخد بالنا منه

محدش أبداً شال سلاح و قتل غير الأسلاميين !!

الاخوان كان عندهم تنظيم سرى و مارس اغتيالات سياسية

والجماعات الاسلامية فى التمانينات والتسعينات شالت سلاح و قتلت و فجرت

وبرده كانت خارجة من عبائة الأسلام السياسى المصرى

الليبرالين والقوميين والاشتراكيين والعلمانيين

سلاحهم الكلمة فقط لا غير

نحن نكتب ونقرأ و ندون

لا نحمل سلاحاً ولا نقتل ولا نسفك الدماء

هذا هو الفرق

نحن نحمل الخير لهذا الوطن و لا نتاجر بالدين ولا بيزنس المادة التانية

[savaryxxx]

أهم نقطة هنا و هى فرية يسوقها الأسلاميون دوما و أبدا

أن الغرب علمانى أو ليبرالى وبالتالى عاوز نظام حكم على نفس الشاكلة حتى يدين له بالولاء

طبعاً كلام مردود عليه ,,, زى ما قولت

الأمريكان عندهم قبله نووية فهل هيفرضوا على مصر تصنيعها عشان مصر تدين بالولاء لأمريكا ؟؟؟؟؟

قمة اللا منطق و قمة اللاموضوعية

الأمريكان عاوزين مصالحهم و بس

وزى ما قولت أسهل طريقة للحافظ على المصالح دى هى شيخ القبيلة و الرعية

واحدالناس تمشى وراه و خلاص و اللى يخرج عن طوعه يتفرم

يروحوا يفاوضوا الواحد دا و زى ما هيقول هيتنفذ

دا احسن نظام حكم لحماية المصالح الامريكية

احسن واسهل أنك تفاوض واحد أو عيلة بدل ما تفاوض شعب كاااااااامل

احسن واسهل أنك تشوف مصالح ومتطلبات عيله أو فرد ,,, بدل ما تشوف متطلبات و مصالح شعب كامل

عشان كده هما مش عاوزين ديمقراطية أبداً فى مصر

عاوزين شيخ قبيلة

مرشد

الناس تمشى وراه كالقطيع

ودا الموجود و اللى بيقدمه الاسلام السياسى المصرى

لا الليبرالية ولا العلمانية ولا ولا ولا بتقدم دا

الإسلام السياسى فقط من يقدم هذا

ودا واضح وظاهر و جلى و باين فى التحالف مع نظم الحكم الخليجية

واللى هى المرجعية الدينية لتيارات الاسلام السياسى المصرى كلها

تم تعديل 12 يوليو 2011 بواسطة savaryxxx

[لماضة مصرية جدا]

هو كان ينفع لولا أن الناس دى عندها مشكلة انتماء

هم لا ينتمون لمصر حتى تكون مصر هى جزرتهم

هذا هو الفارق الأساسى بيننا --كمصريين --- وبينهم

الإنتماء والهوى والهوية والقضية و الفكرة والمشروع والحلم عندنا هو مليون كيلومتر مربع يسكنهم 85 مليون انسان اسمها جمهورية مصر العربية

هم ليسوا كذلك

السلام عليكم و رحمة الله و بركاته

طب ما تعكس الموضوع

لو الكلمات اللي ظللتها فوق دي لقيتهم "هم" برضه بيقولوها علينا....مع اني الحقيقة مش عارفة مين "احنا" و مين "هما"

هل محتاجين علشان نحقق الحلم ان يكون فيه "هم" و "احنا" بغض النظر عن اي من الشواطيء نقف؟

هل محتاجين ان احنا يبقي عندنا فريقين واحد غالب و وواقف علي جثة المغلوب و يتباهي انه سحقه تماما

ايه نوع النصر اللي هيجي علي سحق "هو" فين الانتصار لحلم واحد اكاد اجزم الان انه ضربا من الخيال

حضرتك بتحلم بالديمقراطية....بس تفتكر "الديمقراطية" بتخاطب "هو" و هم" و لا الديمقراطية اللي بنحلم بيها ان يكون فيها تعددية تسمح بالتقارب بالتمازج و لكن ليس انصهارا هو فقط مظلة واحدة لحلم اكبر

يبدو اني محتاجة اراجع الحلم.....مرات كثيرة

تقبل تواجدي....الحالم استاذي

[طارق مصرى]

أولا بالنسبة ليحكمنا صومالى مسلم او اى جنسية دى العقيدة الصحيحة لاى مسلم ان مش شرط اللى يحكمك يكون من مصرى (و لكن أرفض ان يكون غير مصرى من باب اهل مكة ادرى بشعابها وليس من باب العنصرية ) هذا هو مفهوم الاسلام والا لما الاسلام دخل مصر كان حاكم مصر عمرو بن العاص و هو مش مصرى حضرتك لو كنت موجود ايامها كنت حتحاربه؟

ثانيا : انا كلامى واضح و متفق ان امريكا عاوزة مصالحها ايه حكاية القنبلة النووية دى مش فاهم مثالك غير واضح

ثالثا: بتقول اللى راحوا يحاربوا فى افغانستان ايام الاتحاد السوفيتى مرتزقة طيب هو المرتزقة مش بيحارب علشان الفلوس يعنى علشان الدنيا ؟ طيب ممكن تقولى ازاى تقنع واحد بتاع فلوس بتاع متع الدنيا وقوله خد كلاشنكوف ولا ار بى جى و روح افقر دولة فى العالم علشان تحارب اقوى امبراطورية فى العالم بالكلاشنكوف اولا ار بى جى حتحارب الطائرات المقاتلة و الغواصات و الدبابات ده غير المعتقلات .

عموما حضرتك مردتش على كل اسالتى اللتى سالتها لك و كلامك مجرد تهم باطلة و نظام خدوهم بالصوت لا يغلبوكم و فى العادة مع المناقشة مع العلمانين لما يتزنقوا فى الاسئلة يغيروا مجرى الحديث او يتجاهلوا الاسئلة انا تعلمت من المناقشة معكم انتم تجادلون فقط لا داعى لاشغل دماغى بموضوعات لا تقوم على اسس صحيحة فى النقاش و ما هى الا نوع من الترقيع لواقع يعرفة الجميع من يدخل المعتقلات ويحارب ومن يفتح له الابواب للحديث و الوصول للمناصب

[savaryxxx]

هو كان ينفع لولا أن الناس دى عندها مشكلة انتماء

هم لا ينتمون لمصر حتى تكون مصر هى جزرتهم

هذا هو الفارق الأساسى بيننا --كمصريين --- وبينهم

الإنتماء والهوى والهوية والقضية و الفكرة والمشروع والحلم عندنا هو مليون كيلومتر مربع يسكنهم 85 مليون انسان اسمها جمهورية مصر العربية

هم ليسوا كذلك

السلام عليكم و رحمة الله و بركاته

طب ما تعكس الموضوع

لو الكلمات اللي ظللتها فوق دي لقيتهم "هم" برضه بيقولوها علينا....مع اني الحقيقة مش عارفة مين "احنا" و مين "هما"

هل محتاجين علشان نحقق الحلم ان يكون فيه "هم" و "احنا" بغض النظر عن اي من الشواطيء نقف؟

هل محتاجين ان احنا يبقي عندنا فريقين واحد غالب و وواقف علي جثة المغلوب و يتباهي انه سحقه تماما

ايه نوع النصر اللي هيجي علي سحق "هو" فين الانتصار لحلم واحد اكاد اجزم الان انه ضربا من الخيال

حضرتك بتحلم بالديمقراطية....بس تفتكر "الديمقراطية" بتخاطب "هو" و هم" و لا الديمقراطية اللي بنحلم بيها ان يكون فيها تعددية تسمح بالتقارب بالتمازج و لكن ليس انصهارا هو فقط مظلة واحدة لحلم اكبر

يبدو اني محتاجة اراجع الحلم.....مرات كثيرة

تقبل تواجدي....الحالم استاذي

هو صراع أفكار يا فندم

صراع قيم و ثقافات

مصر على مفترق طرق ...بين طريقين

إما أن تتسير للأمام و أن تسمو و أن تتطور و أن تتبنى قيم الحق والعدل والمساواة و حقوق الإنسان و الدولة المدنية المتحضرة المنتجة , المتعلمة المثقفة المتدينة التدين الحقيقى ........تدين محمد بن عبد الله صلى الله عليه وسلم

و إما أن تعود للخلف سنين ضوئية ولا تقوم لها قائمة بعد ذلك

وتحصل تورا بورا وغزة ستان و كل النماذج المضحكة المبكية للدوله الثيوقراطية المتخلفة الجاهله الرجعية العاله والتى لا تنتج شىء ولا تصنع شىء ولا تفكر

ويفكر عنها المرشد أو شيخ القبيلة أو الراعى

صراع قيم انسانية بالأساس

لايهم ماذا يقولون و ماذا نقول

لا يهم من هم و من نحن

الأمر مهما حاولوا تصويره بشكل آخر

هو صراع قيم

لذلك لا أجد منطقة وسطى

فإما الحرية و إما الإستبداد و الإستعباد والقهر

إما الديمقرراطية وإما الدكتاتورية القمعية الفاشية

إما أن نكون بشراً كسائر البشر على وجه الأرض

وإما أن نكون غنماً تساق

ولا اختيارات أخرى

تم تعديل 13 يوليو 2011 بواسطة savaryxxx

[savaryxxx]

أولا بالنسبة ليحكمنا صومالى مسلم او اى جنسية دى العقيدة الصحيحة لاى مسلم ان مش شرط اللى يحكمك يكون من مصرى (و لكن أرفض ان يكون غير مصرى من باب اهل مكة ادرى بشعابها وليس من باب العنصرية ) هذا هو مفهوم الاسلام والا لما الاسلام دخل مصر كان حاكم مصر عمرو بن العاص و هو مش مصرى حضرتك لو كنت موجود ايامها كنت حتحاربه؟

ثانيا : انا كلامى واضح و متفق ان امريكا عاوزة مصالحها ايه حكاية القنبلة النووية دى مش فاهم مثالك غير واضح

ثالثا: بتقول اللى راحوا يحاربوا فى افغانستان ايام الاتحاد السوفيتى مرتزقة طيب هو المرتزقة مش بيحارب علشان الفلوس يعنى علشان الدنيا ؟ طيب ممكن تقولى ازاى تقنع واحد بتاع فلوس بتاع متع الدنيا وقوله خد كلاشنكوف ولا ار بى جى و روح افقر دولة فى العالم علشان تحارب اقوى امبراطورية فى العالم بالكلاشنكوف اولا ار بى جى حتحارب الطائرات المقاتلة و الغواصات و الدبابات ده غير المعتقلات .

عموما حضرتك مردتش على كل اسالتى اللتى سالتها لك و كلامك مجرد تهم باطلة و نظام خدوهم بالصوت لا يغلبوكم و فى العادة مع المناقشة مع العلمانين لما يتزنقوا فى الاسئلة يغيروا مجرى الحديث او يتجاهلوا الاسئلة انا تعلمت من المناقشة معكم انتم تجادلون فقط لا داعى لاشغل دماغى بموضوعات لا تقوم على اسس صحيحة فى النقاش و ما هى الا نوع من الترقيع لواقع يعرفة الجميع من يدخل المعتقلات ويحارب ومن يفتح له الابواب للحديث و الوصول للمناصب

يا فندم عقيدة صحيحة إيه اللى حضرتك بتتكلم عنها ؟؟؟؟؟

يعنى إيه يحكمنى صومالى أو أفغانى و تقولى عقيدةصحيحة ؟؟

دا مين اللى قال كده ؟

فى أنهى آية فى القرآن دى ؟؟

يا فندم احنا سنة 2011

زمن غير الزمن خااااااااااااالص اللى جه فيه سيدنا عمرو بن العاص لفتح مصر

ماهى دى أزمة الإسلاميين العرب الأساسية

الأصولية والراديكالية

يعنى هما مش عارفين يتعايشوا مع الواقع الموجود و مش قادرين يفهموا أن أحنا دلوقتى فى زمن مختلف

فبيحاولوا يرجعوا عقارب الساعة للوراء

يحاولوا يجبروا المجتمع أنه يعيش زى ما مجتمع الصحابة كان عايش .........ودا مستحيل طبعا

عشان كده مجابوش لبلادهم غير الدمار و الخراب والتأخر و سفك الدماء

يا فندم دلوقتى فى حاجه اسمها انتماء قطرى

دا واقع و عليك أن تتعامل معه

أنا مصرى مقبلش يحكمنى غير مصرى أنا اللى اختاره بصندوق انتخابات نزيه وشفاف

مقبلش صومالى ولا أفغانى ولا بتنجانى ييجى يحكمنى

وانا مسلم ويمكن أكون أقرب من ناس كتير فاكره أن معاها توكيل الإسلام و انهم المتحدث الرسمى باسم ربنا على الأرض

تجمع المسلمين أو وحدتهم أو تكتلهم ممكن يتم يا فندم لو فهمنا أننا عايشين سنة 2011

حاجه اسمها تكتلات اقتصادية و سياسية على شاكلة الإتحاد الأوربى و الآسيان

اتحادات كونفدرالية توصلنا بعد كده لاتحاد فيدرالى

ودا مش هيتهم غير لما تكون الشعوب حاكمة نفسها ...يعنى ديمقراطية

ومش هيكون غير لما أبدأ أولا بوحده قومية عربية توصلنى بعد كده لكونفدرالية عربية و دى تقدر تتكتل مع دول إسلامية أخرى زى تركيا وباكستان و أندونيسيا وماليزيا

دا الطرح المناسب للعصر و دى عظمة الإسلام كدين أنه صالح لكل زمان و مكان

بس الناس تكون بتفكر مش بتكفر --- ويكون عندها فهم للواقع والمستجدات اللى طرأت

إنما يحكمنى صومالى و يحكمنى أفغانى

دا طرح غريب جدا الحقيقة و عشان كدا فالأسلاميين سياسياً فاشلين فاشلين فاشلين

تورا بورا ولا غزة ستان ولا إيران ولا الدولة الوهابية

بص كده حضرتك على حركات الأسلام السياسى التركى من أول نجم الدين أربكان لغاية أرمنيتش و جول و أردوغان

حتشوف الفرق واضح و جلى

بين اللى بيفكر

واللى بيكفر

وعلى فكرة أنا مش علمانى

وعلى فكرة برده أنا عمرى ما كنت مرواغ

شوف حضرتك إيه الأسئلة اللى حضرتك معتقد أنى مردتش عليها و أنا أرد عليها

حضرتك تؤمر يعنى

تحياتى

تم تعديل 13 يوليو 2011 بواسطة savaryxxx

[savaryxxx]

ثانيا : انا كلامى واضح و متفق ان امريكا عاوزة مصالحها ايه حكاية القنبلة النووية دى مش فاهم مثالك غير واضح

معنى كلامى يا فندم

أن مش كل حاجه عند الأمريكان هيبقوا فرحانين أنهم حيدوها لمصر عشان مصر تبقى تابع ليهم

دلوقتى حضرتك بتقول أن الغرب علمانى و ليبرالى و عاوز مصر تبقى زيه عشان مصر تدين بالولاء للغرب

طيب الغرب عنده تقدم علمى وتكنولوجى هايل هل هيدوا التقدم دا لمصر عشان مصر تبقى تابع للغرب ؟؟

بالطبع لاء

الديمقراطية كده

الديمقراطية أعظم اختراع للغرب و قعدوا 300 سنه عشان يوصلوله و يطبقوه و يستفيدوا منه

عشان يصيغوا شكل معين للحكم و للسلطة فى المجتمع

علم يا فندم زى الطب والفلك والرياضيات إسمه علم السياسة

جدودنا أخدوا من الحضارات الاخرى و ترجموا عشان يقدروا يبنوا حضارة

مقالوش وقتها اللى حضرتك بتقوله دا

مقالوش دول كفرة واحنا مسلمين ولو أخدنا منهم هنبقى زييهم !!

للمرة المليون

الأمريكان يفضلوا ديكتاتورية ة يفضلوا شيخ قبيلة و مش عاوزين ديمقراطية أبدا فى أى منطقة تمثل لهم منطقة نفوذ

بالنسبة لموضوع أفغانستان

الثا: بتقول اللى راحوا يحاربوا فى افغانستان ايام الاتحاد السوفيتى مرتزقة طيب هو المرتزقة مش بيحارب علشان الفلوس يعنى علشان الدنيا ؟ طيب ممكن تقولى ازاى تقنع واحد بتاع فلوس بتاع متع الدنيا وقوله خد كلاشنكوف ولا ار بى جى و روح افقر دولة فى العالم علشان تحارب اقوى امبراطورية فى العالم بالكلاشنكوف اولا ار بى جى حتحارب الطائرات المقاتلة و الغواصات و الدبابات ده غير المعتقلات .

هو المرتزقة بجد هما اللى أقنع الشباب دول بفكرة قتال السوفييت و أن دا جهاد فى سبيل الله

الشباب اللى راح كان مضحوك عليه

وهنا التحالف اللى بقول لحضرتك عليه بين الأمريكان و بين الإسلام السياسى

الأمريكان عاوزين حد يحارب عنهم فى أفغانستان ...عشان الحرب الباردة مع السوفييت متتحولش لحرب حقيقية

وعشان ميكرروش مأساة فيتنام

مين يا ترى ...مين يا ترى

راحوا جرى على حلفائهم و قالولهم دبرونا

حلفائهم عارفين اللعبة كويس ........... وراحوا لموا الشباب من مصر والسعودية والجزائر والسودان

ويلا حنجاهد و هتخشوا الجنه

الدين له عامل السحر هنا

زى التنويم المغناطيسى

وراحوا خدوا الشباب و سلحوهم و دربوهم و حاربوا بدل الأمريكان وهما فاكرين أنهم بيعملوا خدمة جليلة للإسلام وبيادوا فرض اسمه الجهاد

فى الوقت دا كان السنه بيدبحوا من الأعناق فى لبنان و الكل بيدبح فيهم موارنه و شيعةو الصهاينة و نظام الأسد

وكان الفلسطينين بترتكب فيهم مجازر فى لبنان

محدش من الشباب دا سأل نفسه

انا بحارب ليه فى أغانستان و مش بحارب فى لبنان ؟؟؟؟؟؟؟؟؟؟

تنويم مغناطيسى

هو نفس التنويم بتاع طظ فى مصر و الديمقراطية حرام و حكم الشعب لنفسه كفر

ويحكمنى صومالى أو افغانى

هو نفس التنويم المغناطيسى بتاع استفتاء المادة التانية ---مع أن الاستفتاء مكنش ليه دعوه خالص بالمادة التانية

هو نفس التنويم المغناطيسى بتاع المظاهرات حرام و فتنه والخروج على الحاكم الظالم حرااااام شرعاً و فتنه

متعرفش جايبين الكلام دا منين

وأهو ربنا سبحانه وتعالى خزاهم و طلع كل كلامهم غلط فى غلط

والمظاهرات والاعتصامات السلمية اسقطت نظاميين من أعتى الأنظمة الفاشية فى الدنيا كلها

مبارك و زين العابدين بن على

وإن شاء الله سيسقط بشار و القذافى قريباً جدا

[طارق مصرى]

المنظمات الامريكية تدعم الحركات اللبرالية مثل 6 إبريل و غيرها

http://althwar.com/2011/04/18/%D9%85%D8%A7%D9%85%D8%A7-%D8%A7%D9%85%D8%B1%D9%8A%D9%83%D8%A7-%D8%AA%D8%B9%D8%AA%D8%B1%D9%81-%D9%85%D9%88%D9%91%D9%84%D8%AA-%D9%88%D9%85%D9%88%D9%86%D8%AA-%D8%B4%D8%A8%D8%A7%D8%A8-6-%D8%A7%D8%A8/

http://www.youtube.com/watch?v=vqQxYT_Tq8c&feature=related

[savaryxxx]

المنظمات الامريكية تدعم الحركات اللبرالية مثل 6 إبريل و غيرها

http://althwar.com/2011/04/18/%D9%85%D8%A7%D9%85%D8%A7-%D8%A7%D9%85%D8%B1%D9%8A%D9%83%D8%A7-%D8%AA%D8%B9%D8%AA%D8%B1%D9%81-%D9%85%D9%88%D9%91%D9%84%D8%AA-%D9%88%D9%85%D9%88%D9%86%D8%AA-%D8%B4%D8%A8%D8%A7%D8%A8-6-%D8%A7%D8%A8/

http://www.youtube.com/watch?v=vqQxYT_Tq8c&feature=related

وحضرتك ملقتش إلا قناة الحزب الوطنى سابقا و قناة الفلول حاليا

المحور ؟؟؟؟

[طارق مصرى]

المنظمات الامريكية تدعم الحركات اللبرالية مثل 6 إبريل و غيرها

http://althwar.com/2011/04/18/%D9%85%D8%A7%D9%85%D8%A7-%D8%A7%D9%85%D8%B1%D9%8A%D9%83%D8%A7-%D8%AA%D8%B9%D8%AA%D8%B1%D9%81-%D9%85%D9%88%D9%91%D9%84%D8%AA-%D9%88%D9%85%D9%88%D9%86%D8%AA-%D8%B4%D8%A8%D8%A7%D8%A8-6-%D8%A7%D8%A8/

http://www.youtube.com/watch?v=vqQxYT_Tq8c&feature=related

وحضرتك ملقتش إلا قناة الحزب الوطنى سابقا و قناة الفلول حاليا

المحور ؟؟؟؟

إنت لك بالكلام اللى اتقال مش القناة .ممكن ترد على هذه الاتهامات و ليه حركة 6 ابريل مرفعتش عليهم قضية ؟