هل أنت مع المجلس العسكري أم مع حركة 6 إبريل ؟

[Diab]

عاوزين نعرف شعبية كل طرف

يعني بتشجع بيان الجيش وشايف انه هو الطريق السليم للخروج للبلد لبر الامان

ولا مع 6 إبريل واختيارهم للبرادعي رئيس للحكومة و غلق مبني مجلس الوزراء وقطع طريق السويس والعين السخنة والمترو وكورنيش اسكندرية ومجمع التحرير والتهديد بقطع قناة السويس ؟

تم تعديل 12 يوليو 2011 بواسطة Diab

[مغتربة]

لا مع هذا و لا مع ذاك

مع مصر و مع مصلحتها

اينما كانت اكون

و لكن التجربه تثبت انه لا ملائكه و لا شياطين فى السياسه

بل خليط بينهم

و بالتالى لا المجلس العسكرى ملائكه خالصه و لا 6 ابريل شياطين خالصين و لا العكس ايضا

لذلك ننظر لكل موقف على حده و نقيمه و نتبع الاصلح فيه لمصر مهما كان هو مع اى طرف

لذلك قد نكون مع المجلس فى احيان و مع غيره فى احيان اخرى

تحياتى

[pink rose]

مش محتاجة سؤال

المجلس العسكري طبعااااااااااااااااااا

[hanzalah]

ااستاذ دياب

اسمح لي اقول لك ان وضع المجلس مقابل حركة يفتقد لكل منطق

لان حركة 6 ابريل فصيل سياسي وسط عشرات القوى الفاعلة على الارض

لو كنت حضرتك بتستقي الصورة من وسائل الاعلام فقط

فانا اكيد باعذرك على الخلط والتشويه الحاصل في الصورة

لان الصورة ليها تفاصيل كتير

اولا الثورة ليس لها رأس او قائد أو ايقونه من اول يوم وهذا اجمل مافيها

انها بدأت ثورة شباب ثم اصبحت ثورة شعب عظيم ومتحضر

وبالتالي تجد حضرتك انه بيعالج اخطاؤه أولاً بأول

يعني حكاية طريق الكورنيش لم تستمر سوى ساعتين وانهاها عقلاء الثوار بالتفاهم مع من قام بها

وكذلك نضع موضوع طريق السويس وغيره مما ذكرته حضرتك

انفعالات وقتية يتم تصحيحها والانصات لصوت الحكمة

يعني حضرتك وضعتها بصيغة ماتش كوره بين الاهلي والزمالك

وبصيغة ابيض واسود يا قاتل يا مقتول

طب ممكن اشجع اللعبه الحلوة

قصدي

ممكن اشجع مصر ومصلحة مصر فقط

بدون عصبية

يعني لو المجلس العسكري أجاد نقول له انصفت واجدت وشكرا

ولو الشعب والثوار اجادو ننضم ليهم

ممكن

ولا صعب

تحياتي

آه بالمناسبة

أنا من القلة المندسة

قصدي مع تصعيد الاحتجاج والضغط على المجلس العسكري لتحقيق مطالب الثورة التي لم تتحقق حتى تاريخه

شكرا

[Diab]

آه بالمناسبة

أنا من القلة المندسة

قصدي مع تصعيد الاحتجاج والضغط على المجلس العسكري لتحقيق مطالب الثورة التي لم تتحقق حتى تاريخه

شكرا

يا فندم وأنا معاك

اللي وضع الحركة ضد الجيش هي الحركة نفسها

تابع تصريحات كوادرها و أنت تعرف

الشعب المصري مش غبي

البرادعي مصدر 6 إبريل عشان تشيل الليلة لوحدها

وبيبعت اشارات من بعيد لبعيد ويجس النبض

فاجر سياسة يخرب بيته tot:: .

6 إبريل هل ستصبح حصان طروادة

صدقني انا لفترة قريبة كنت معاهم بس لما بينجرفوا عن الاتجاه لازم يسمعوا النقد

ولا هما مبيغلطوش وكل كلامهم صح والشعب أهبل وبريالة

دخلوا جامعات اجنبية ... ملايين غيرهم سبقوهم وعاشوا في قلب الحضارة الغربية سنين

بيتكلموا انجلش لانجوش كويس ... قصادهم بيتكلم لغتين وتلاتة غير لغته الأصلية

من أعرق العائلات ... في ناس بيرجع نسبها للرسول عليه الصلاة والسلام وأصحاب نفوذ قديم

حاجة أخيرة .

إيه نوع التصعيد اللي هتقبله بشرط أن يكون له صدي خارج جنبات غرفة اجتماعات حركة 6 إبريل وحزب المصريين الأحرار ؟

تم تعديل 12 يوليو 2011 بواسطة Diab

[Ahmed Anwer]

الصراحة يا جماعة أنتم مديين 6 ابريل وضع أكبر من حجمها

السؤال المفروض يكون مع الشعب و لا مع المجلس العسكري

6 أبريل مش هيا اللي تقدر تحرك الشارع

عموما أنا رأي من زمان بيننا و بين المجلس العسكري ، الصناديق

بعدين يا أ / دياب هوا عشان أهل أسوان بقوا خلاص ماسكين البلد

محمد منير في الموسيقي و شيكابالا في الكورة و طنطاوي ماسك البلد بحالها

هتنحاز للمجلس !!!

بهزر معاك يا باشا تخفيفا للأجواء المتوترة

[capitshino]

المجلس العسكرى له بعض الواقف الجيدة وكذلك 6 ابريل

ولكن الاختيار صعب .

[لماضة مصرية جدا]

لا مع هذا و لا مع ذاك

مع مصر و مع مصلحتها

اينما كانت اكون

و لكن التجربه تثبت انه لا ملائكه و لا شياطين فى السياسه

بل خليط بينهم

و بالتالى لا المجلس العسكرى ملائكه خالصه و لا 6 ابريل شياطين خالصين و لا العكس ايضا

لذلك ننظر لكل موقف على حده و نقيمه و نتبع الاصلح فيه لمصر مهما كان هو مع اى طرف

لذلك قد نكون مع المجلس فى احيان و مع غيره فى احيان اخرى

تحياتى

السلام عليكم و رحمة الله و بركاته

مع استاذة مغتربة جدا...(و للاسف نفد رصيدي)

استاذي دياب

اختزال الوضع الحالي في موقف تأييد للمجلس العسكري ليس صائب

اختزال المتواجدون في ميدان التحرير و الداعين للعصيان المدني في شخص حركة "6 ابريل" ليس حقيقي

متفقة جدا مع استاذة مغتربة

انا مش مع المجلس العسكري

في النقاط التالية:

1- عدم تحقيق المطالب اللي قامت علشانها الثورة.

2- حمايته لسيناريو "الفوضي" و عدم اتخاذ اي آليات حقيقية تمنعهاو يوم ما انتفض و اخد موقف كان ضد المعتصمين في الميدان

3- مر علي الثورة 6 شهور و الشعب اللي انسحب من الدميدان و اداهم ثقته متحققتشي من الثقة دي اي حاجة بنلف في دوائر عقيمة من الجدل و دايما هناك ايحاء ان هناك شيء يتم في الغرف المغلقة....و حوارات لا تنتهي عن سينايرهوات خفية و ابسط حل ليها هو التعامل مع الناس بمنتهي الشفافية في المحاكمات و بمنتهي الوضوح و ليس من منطق السلطة "الابوية" احنا نفهم احسن منكم.

4- انا مش مع المجلس العسكري في عد اعطاؤه دكتور شرف صلاحيات جديدة يقدر يتحرك من خلالها....(الراجل جاي من الميدان قايل مافيش حاجة اسمها وزير اعلام...هوووووب نلاقي وزير اعلام بيؤدي اليمين امام المجلس العسكري...طب ايه بقي...مين بيصنع القرار بشكل واضح؟

5- لغاية دلوقتي بنتعامل مع ملف الشرطة نطبطب عليهم و لا نوقفهم و لا نستبعدهم....دي مش الية صناعة قرار خالص...و مافيش خطة واضحة المفروض انها محددة للناس لغاية ما تيجي فترة الانتخابات...يعني احنا كده ماشيين ببركة دعا الوالدين

انا متفقة مع المجلس العسكري في نقطة واحدة فقط

انه رفض الموازنة الجديدة للدولة اللي كانت بتعتمد علي الاقتراض من صندوق النقد الدولي و اللي كانت هتورطنا في ديون لسنة قدام

-------------------

انا مع 6 ابريل في:

1- الثورة لسه مخلصتشي الثورة كان ليها مطالب و مينفعشي منطق العصاية من المنتصف علشان تتحقق.

2- القوة المحركة هي قوة الشارع و قوة الميدان لانها للاسف الوسيلة الوحيدة اللي بينسمع بيها صوت الناس.

3- اعلان العصيان المدني

مش مع 6 ابريل في اغلاق مجمع التحرير و اغلاق بورصة الاسكندرية

لان العصيان المدني معناه ان الناس بارادتها تختار العصيان و لا ان تجبر عليه

انا مش مع المجلس العسكري و لا مع 6 ابريل

انا فعلا حد بسيط نفسه يلاقي تغيير

بس خلاص

[tarek hassan]

أنا أذهب لأبعد من ذلك فاعتبر المجلس العسكري وطني وقام بعمل تاريخي

أما هؤلاء أولئك الذين يسعون للتخريب عملاء وخونة وأصحاب مصالح خاصة على حساب البلد

هذه حقيقة ما في نفسي

اللهم دمر من يريد الخراب لمصر

[م تيمور المراغي]

لاصحة لما يقال عن نية حركة 6 ابريل باقالة د. عصام شرف وتولية د. برادعي بدلا منه

برجاء التاكد من مصادر الاخبار قبل فتح اي توبيك

وشكرا

[Diab]

لاصحة لما يقال عن نية حركة 6 ابريل باقالة د. عصام شرف وتولية د. برادعي بدلا منه

برجاء التاكد من مصادر الاخبار قبل فتح اي توبيك

وشكرا

حقك

أكيد يعني مش هتبقي تويتة من محمد عادل

بص م الاخر 3 هما قاطرة الحياة الآن في مصر

1 - الجيش

2- الاخوان ومن خلفهم الاسلاميين

3- 6 إبريل ومن خلفهم

سيبك بقي من الرايش Swarf‏ اللي زي ممدوح حمزة و نبيل شرف الدين والعالم دي دول يبقوا صدي صوت بس

تم تعديل 12 يوليو 2011 بواسطة Diab

[الغريب]

لا مع هذا و لا مع ذاك

مع مصر و مع مصلحتها

اينما كانت اكون

و لكن التجربه تثبت انه لا ملائكه و لا شياطين فى السياسه

بل خليط بينهم

و بالتالى لا المجلس العسكرى ملائكه خالصه و لا 6 ابريل شياطين خالصين و لا العكس ايضا

لذلك ننظر لكل موقف على حده و نقيمه و نتبع الاصلح فيه لمصر مهما كان هو مع اى طرف

لذلك قد نكون مع المجلس فى احيان و مع غيره فى احيان اخرى

تحياتى

كلام سليم ,,

ولكني أعلنت من قبل أنني ضد من يلغي المنطقى الوسطى بين إسقاط المجلس العسكري من جهة، والثقة المفرطة به من جهة أخرى

معظم من يتواجد بالتحرير الآن يعمل على هذا ..

[م تيمور المراغي]

لاصحة لما يقال عن نية حركة 6 ابريل باقالة د. عصام شرف وتولية د. برادعي بدلا منه

برجاء التاكد من مصادر الاخبار قبل فتح اي توبيك

وشكرا

حقك

أكيد يعني مش هتبقي تويتة من محمد عادل

بص م الاخر 3 هما قاطرة الحياة الآن في مصر

1 - الجيش

2- الاخوان ومن خلفهم الاسلاميين

3- 6 إبريل ومن خلفهم

سيبك بقي من الرايش Swarf‏ اللي زي ممدوح حمزة و نبيل شرف الدين والعالم دي دول يبقوا صدي صوت بس

الفاضل محمد عادل هو احد المؤسسين والمتحدث الرسمي باسم شباب 6 ابريل ولكن

ليس كل ما ينشر على صفحته الشخصية او تويتاته يمثل رأي الحركة الرسمي

رأي الحركة الرسمي يؤخذ فقط من موقعها الرسمي او اذا نوه محمد عادل انه رأي الحركة او من لسان م. احمد ماهر شخصيا ,,

تحيتي ,,

[dawn walker]

مع المجلس العسكرى طبعا ..

[Howayda Ismail]

لا مع هذا و لا مع ذاك

مع مصر و مع مصلحتها

اينما كانت اكون

و لكن التجربه تثبت انه لا ملائكه و لا شياطين فى السياسه

بل خليط بينهم

و بالتالى لا المجلس العسكرى ملائكه خالصه و لا 6 ابريل شياطين خالصين و لا العكس ايضا

لذلك ننظر لكل موقف على حده و نقيمه و نتبع الاصلح فيه لمصر مهما كان هو مع اى طرف

لذلك قد نكون مع المجلس فى احيان و مع غيره فى احيان اخرى

تحياتى

اانا كمان من راى مغتربة

مصلحة البلد فوق اى شخص او اى اعتبار مهما كان

[hanzalah]

مرة اخرى اخي الفاضل الاستاذ دياب

انت وضعت ان الجيش والاخوان و حركة ابريل هم قاطرة الحياة في مصر

ياسيدي الكريم

واين الشعب المصري العظيم الذي قام بثورة اذهلت العالم في تحضرها

أين ملايين الشباب والشيوخ الغير منتمين لهذا وذاك

هذا التجريد والتبسيط الشديد لا يناسب الحالة التي نعيشها بالمرة

ياسيدي

عندما كنا نقول مفيش فايده

خرج علينا من رحم الظلام الدامس من يقول فيه فايدة

وكانت 25 يناير الرائعة

فلاي صح بعد أسابيع معدودة

ان نعود بافكارنا الى هذا المربع الكلاسيكي القديم

ياسيد الشعب نفسه اسقط حاجز الخوف الى الابد

وبالتالي يجب ان نحترم رغبته

دعه يعبر عن نفسه في كل ميادين مصر أصت لوقع اقدامه ومطالبه

وانتظر

ان الله مع الصابرين

[ViralMind]

انا مع الشعب :closedeyes:

لا اخفى انى صدمت لما شفت من شوية فى التحرير بيهتفوا بإسقاط المجلس العسكرى... و بدأت احس ان هناك مؤامرة ما تُحاك.. تحت مسمى طلبات الثورة.

اذا كان المجلس موجود... و الناس مش عارفين يتكلموا كلمتين مع بعض فى قاعدة واحدة.. امال بقى لو جه مجلس مدنى للفترة الانتقالية.. ايه اللى هيحصل؟

بصراحة انا شايف ان وجود المجلس هو ضمانة قوية للحيلولة من دخول مصر فى منعطف خطير من الانشقاق... و اى دعوات لشىء بديل.. هى دعوات واهية لا تخلو من رائحة المؤامرة.

[Salwa]

طبعا لاتوجد اى مقارنة .

سبق لى ف موضوع آخر انى قلت رأيى.

من الخطأ اختزال كل ما حدث فى مصر تحت راية حركة او حركتين او ائتلاف او مجموعة..

الثورة دى عملها الشعب كله ...والشباب فقط اطلقوا اشارة البدء .

لابد ان نكون جميعااا تحت راية الجيش المصرى .

ان كان لنا اعتراض ...يكون الاعتراض على تصرف افراد...وليس الجيش ككل..

مينفعش نقول ...(( المجلس العسكرى كله خطأ )).

يوجد خيط رفيع جدااا بين الرفض ...والاستياء .

يوجد خيط رفيع جدااا بين الرفض ...والتمرد.

من يحمى البلد؟؟؟.......(( بعد الله سبحانه وتعالى طبعااا ))...؟؟

جيش مصر.

تذكروا ...

تذكروا جميعااااا....

كان بامكان الجيش ان يتصرف معنا كما تصرف جيش سوريا ...مع السوريين.

جيش سوريا يخضع للرئيس...وولائه فقط للرئيس.

جيشنا اثبت...(( رغم ظننا ان ولائه للرئيس ))...ان ولائه لمصر...ولشعب مصر.

ان كان المجلس العسكرى تصرف ف وقت من الأوقات....بيد من حديد ..

وان كان (( اضطر لأتخاذ بعض الاجراءات التعسفية )) ...يجب علينا ان نعطيه العذر..

ليه؟؟؟

متطلبش من الدبة ...انها تنش الذبابة عن وجه صاحبها...( نعتذر للتشبيه...لكنه مجرد مثل ) ..

ممكن تقتله...

ممكن تقتله ...

تقتل صاحبها اللى بتدافع عنه..

يعنى؟؟؟

خللى الدبة تلعب بعيد ....بس تلعب مع اللى يقدر يلعب معاها .

تجرب قوتها بعيد عن....وجه صاحبها.

يارب تعدى الأيام دى على خير.

[arkan]

اذا جازت المقارنة بين 6 ابريل والمجلس العسكري فان المجلس العسكري ليس ملائكة كما قيل- ولكن اجد كثير من الحكمة في التصرفات والحفاظ على مصر وثورتها عكس 6 ابريل

وياريت الحركة المذكورة تفهم ان الحماسة والثورة والمعارضة على طول الخط لن تأتي بالخير لها او لمصر كما تظن ..

[الدكتورة أم أحمد]

أنا أذهب لأبعد من ذلك فاعتبر المجلس العسكري وطني وقام بعمل تاريخي

أما هؤلاء أولئك الذين يسعون للتخريب عملاء وخونة وأصحاب مصالح خاصة على حساب البلد

هذه حقيقة ما في نفسي

اللهم دمر من يريد الخراب لمصر

إنت قلت اللي في نفسي

لكن أسأل الله الهداية لهم

وإن لم يهتدوا فعليهم من الله مايستحقون