هل أنت مع المجلس العسكري أم مع حركة 6 إبريل ؟

[م تيمور المراغي]

اول مره اشوف ناس مع المتستر على الفساد ضد من ينادي بالحقوق

عموما لو الحق مش هنا

فالحق هناك في الميدان

ولو كان المتستر على مبارك عنده ثقه في عدالة قضيته

ماكانش اترعب يهوب من الميدان لحد دلوقتي زي ماهو عامل

ولا كان استخبى ورا عصام شرف عشان يحاول يأثر على الشباب

الشرعية انما خلقت من الميدان

واهل الميدان الان لا يثقون في حيادية المجلس العسكري

نفسي اعرف ,,

هو مبارك ماسك عليهم ايه !!

[ابراهيم عبد العزيز]

بكل صراحة سؤال الاستفتاء الموضوع به كثير من ( الشطط )

أولا : كما قال الاخ حنظلة نحن نقول للمحسن أحسنت سواء اكان المجلس العسكري أو المعارضة , ونختلف مع أى قرار نرى فيه أنه ضد الثورة وأهدافها سواء صدر من المعارضة أو المجلس العسكري

ثانيا : سؤال الاستفتاء فيه حصر للمعارضة فى حركة 6 ابريل فقط وهو غير صحيح بالمرة !! وهو نهج تتبعه بعض وسائل الاعلام المغرضة وذلك لاظهار أن الشعب المصري فى حالة رضى تامة عن كل القرارات بعد الثورة وأن المعارضة تأتي فقط من حركة واحدة اسمها 6 ابريل لاظهار معارضتها أنها ( لمصلحة شخصية )

حركة 6 ابريل هى جزء من المعارضة وليس الكل

وهناك الكثيرون من خارج حركة 6 ابريل ينتقدون ويعارضون

فلا داعي ابدا لتسطيح الامور

وتحية لك استاذ دياب

تم تعديل 12 يوليو 2011 بواسطة ابراهيم عبد العزيز

[MZohairy]

انا الشعب

اشك في قدرة المجلس العسكري على ادارة الأمور بشكل جيد

و اشك في ذمة و امانة و الولاء الوطني لبعض اعضاءه (رجال و مساعدي مبارك المخلوع)

و لكن يهمني الاستقرار ايضا (اذا كان هناك ما يؤكد صدق اولي الأمر في تنفيذ المطالب)

اما اذا كانت كلها وعود مطاطه و تسويفات و تأجيلات و تحايلات و كسب وقت فأنا ضد الاستقرار بكل ثقه مقابل التطهير و التحرير

[م تيمور المراغي]

عمركم شفتوا مجلس عسكري في الدنيا

خايف منا لمعارضين بالشكل ده

ونفسه الليلة تتلم على خير وباي طريقه

طيب بلاش دي

عمركم شفتم مجلس عسكري في الدنيا

يتستر على مجرم حرب متهم في اعطاء اوامر مباشرة بقتل شهداء لاكرم ثورة عرفتها البشرية بشهادة العالم ,,

طيب بلاش دي ,,

عمركم شفتم جزء من الشعب

بيعاتب المظلوم انه بيشتكي من الظالم وبيطالب بحقوقه !!!

آه يا بلد ,,

[عصام أبوالفتح]

قبطان طوف النجاة اللى انقذنا من الغرق وبيجدف بايدية الاثنين بكل قوته . .أمام عيل مربع ايديه ولاوى بوزوو وبيقوله انت مبتعرفش تجدف هاتلى الشط هنا

لوانا معاهم على الطوف هانصح العيل متنصحش هاشخط فيه لو مسمعش الكلام. . يبقى عيل مش متربى ويستاهل الضرب على قفاه

[Diab]

وتحية لك استاذ دياب

ولك أنت ايضا كل التقدير والإحترام

ولكل من شارك حتي تيمور الذي أختلف معه

نعلم جميعا أنن نريد " مصلحة الوطن "

قال الله تعالى: {قُلْ كُلٌّ يَعْمَلُ عَلَى شَاكِلَتِه} (الإسراء84)

تم تعديل 12 يوليو 2011 بواسطة Diab

[لماضة مصرية جدا]

مرة اخرى اخي الفاضل الاستاذ دياب

انت وضعت ان الجيش والاخوان و حركة ابريل هم قاطرة الحياة في مصر

ياسيدي الكريم

واين الشعب المصري العظيم الذي قام بثورة اذهلت العالم في تحضرها

أين ملايين الشباب والشيوخ الغير منتمين لهذا وذاك

هذا التجريد والتبسيط الشديد لا يناسب الحالة التي نعيشها بالمرة

ياسيدي

عندما كنا نقول مفيش فايده

خرج علينا من رحم الظلام الدامس من يقول فيه فايدة

وكانت 25 يناير الرائعة

فلاي صح بعد أسابيع معدودة

ان نعود بافكارنا الى هذا المربع الكلاسيكي القديم

ياسيد الشعب نفسه اسقط حاجز الخوف الى الابد

وبالتالي يجب ان نحترم رغبته

دعه يعبر عن نفسه في كل ميادين مصر أصت لوقع اقدامه ومطالبه

وانتظر

ان الله مع الصابرين

استاذي الفاضل

فعلا اكاد اشعر بالخجل لاني هضطر اكرر نفسي تاني

استاذي متفقة مع حضرتك جدا

لك مني كل الاحترام

[لماضة مصرية جدا]

قبطان طوف النجاة اللى انقذنا من الغرق وبيجدف بايدية الاثنين بكل قوته . .أمام عيل مربع ايديه ولاوى بوزوو وبيقوله انت مبتعرفش تجدف هاتلى الشط هنا

لوانا معاهم على الطوف هانصح العيل متنصحش هاشخط فيه لو مسمعش الكلام. . يبقى عيل مش متربى ويستاهل الضرب على قفاه

السلام عليكم و رحمة الله و بركاته

اسمحلي اقولك يا استاذي ان قياس حضرتك مش سليم

مش من باب المجادلة و ان احنا نطول حبال الجدل بس ملاحظة ان حضرتك بتجيب مثال صعب انك تقيس عليه في الواقع السياسي

تربية طفل و تعليمه الادب و ان مش كل حاجة في الدنيا يطلبها مجابة و ان عاطفة الاب الفاهم كل شيء و عارف عن العيل الصغير ده و فاهم عنه في الدنيا

متنفعشي للاسف في قياسك للوضع الحالي

المجلس العسكري مهواشي عنده "السلطة الابوية" اللي حضرتك تدعيها علشان يسير الطوف

و تساؤلاتنا عن اداؤه علشان كلنا عايزين الطوف يمشي محدش عايرز يقعد يضبش بايديه....يعني حد هيختار انه يغرق بمزاجه و لا حتي بغشوميته

و الطفل المدلل اللي قاعد و لاوي بوزه مش هو الشباب المعتصم في التحرير....هنختلف يا تري هما دول نفسهم اللي بدأوا الثورة و تحملوها من اولها لاخرها و لا دول ناس تانيين و لا دول ناس عاديين منزلوش اول مرة لكنهم محسوش بالتغيير و كسروا حاجز الخوف و نزلوا علشان يقولوا بعلو صوتهم "آآآآآآآآآآآآآآه" تعبانين و محسناش بالتغيير

للمرة التانية قياس حضرتك مش صحيح

حتي و ان كان طرحه بهدف ان احنا عايزين نوصل للشط....و نرسي علي بر....بس الطوف مش بس بيحركه ارادة المجلس العسكري....بتحركه ارادة ناس لا ليها انتماء ابريلي و لا ديالوا....ناس بسيطة نفسها تحس ان الوعود ام الوان السما السبعة حصل منها حاجة علي ارض الواقع

و دي وجهة نظري

تحياتي

[لماضة مصرية جدا]

السلام عليكم و رحمة الله و بركاته

معلشي سؤال علشان افهم بس

هو استاذي دياب حضرتك عامل الاستفتاء و التوبيك دوت علشان نختار المجلس العسكري

اصل توقيت فتح التوبيك جه بعد البيان مباشرة...طب ما هي الناس دخلت و هنأت و باركت في التوبيك بتاع البيان

طب يا جماعة كنتوا قولونا علشان منقعدشي نحرق في دمنا من الصبح و احنا عمالين نفند و نفكر و نحلل

يعني انا معرفشي ان اللي مش هيختار المجلس العسكري هياخد احمر...(انا و مغتربة)

و اللي هيختار المجلس الاخضر.... هياخد عسكر.....يوووووووه قصدي اللي هيختار المجلس العسكر هياخد اخضر

اعتقد انه استفتاء

و مش من حق حد انه يقولي انا اخترت صح و لا غلط

من حقك فقط انك تفند اختيارك انت فقط لكن متحكمشي علي الاخرين

اومال استفتاء ايه بقي اللي هنقف فيه صف واحد ناحية اختيار واحد

و اصلا انا مخترتش لان الاستفتاء علي جانبين و انا ملقتشي اي منهما يتفق معايا

تحياتي استاذي عصام

ربنا يوفقكم

استمروا

[م تيمور المراغي]

ولكل من شارك حتي تيمور الذي أختلف معه

طيب يا ديبو بما انك بلدياتي وحبيبي وصاحب التوبيك ومن الناس اللي مش بيجادلوا لمجرد الجدال

انا مستعد نمسك الليله من اولها ونناقش نقطه نقطه مع بعض لحد ما تقنعني برايك او انا اللي اقنعك

استبينا !

[ابراهيم عبد العزيز]

نعلم جميعا أنن نريد " مصلحة الوطن "

قال الله تعالى: {قُلْ كُلٌّ يَعْمَلُ عَلَى شَاكِلَتِه} (الإسراء84)

وهذا هو المهم استاذ دياب

وطالما صفت النوايا وأخلصت نحو مصلحة مصر

فمهما اختلفنا فالاكيد أننا سنصل لما نريد لأن هدفنا واحد هو الصالح العام ولكن كل واحد منا سيصل للهدف عن طريق يراه الأصلح والاكثر تمهيدا من وجهة نظره

[عصام أبوالفتح]

قبطان طوف النجاة اللى انقذنا من الغرق وبيجدف بايدية الاثنين بكل قوته . .أمام عيل مربع ايديه ولاوى بوزوو وبيقوله انت مبتعرفش تجدف هاتلى الشط هنا

لوانا معاهم على الطوف هانصح العيل متنصحش هاشخط فيه لو مسمعش الكلام. . يبقى عيل مش متربى ويستاهل الضرب على قفاه

السلام عليكم و رحمة الله و بركاته

اسمحلي اقولك يا استاذي ان قياس حضرتك مش سليم

مش من باب المجادلة و ان احنا نطول حبال الجدل بس ملاحظة ان حضرتك بتجيب مثال صعب انك تقيس عليه في الواقع السياسي

تربية طفل و تعليمه الادب و ان مش كل حاجة في الدنيا يطلبها مجابة و ان عاطفة الاب الفاهم كل شيء و عارف عن العيل الصغير ده و فاهم عنه في الدنيا

متنفعشي للاسف في قياسك للوضع الحالي

المجلس العسكري مهواشي عنده "السلطة الابوية" اللي حضرتك تدعيها علشان يسير الطوف

و تساؤلاتنا عن اداؤه علشان كلنا عايزين الطوف يمشي محدش عايرز يقعد يضبش بايديه....يعني حد هيختار انه يغرق بمزاجه و لا حتي بغشوميته

و الطفل المدلل اللي قاعد و لاوي بوزه مش هو الشباب المعتصم في التحرير....هنختلف يا تري هما دول نفسهم اللي بدأوا الثورة و تحملوها من اولها لاخرها و لا دول ناس تانيين و لا دول ناس عاديين منزلوش اول مرة لكنهم محسوش بالتغيير و كسروا حاجز الخوف و نزلوا علشان يقولوا بعلو صوتهم "آآآآآآآآآآآآآآه" تعبانين و محسناش بالتغيير

للمرة التانية قياس حضرتك مش صحيح

حتي و ان كان طرحه بهدف ان احنا عايزين نوصل للشط....و نرسي علي بر....بس الطوف مش بس بيحركه ارادة المجلس العسكري....بتحركه ارادة ناس لا ليها انتماء ابريلي و لا ديالوا....ناس بسيطة نفسها تحس ان الوعود ام الوان السما السبعة حصل منها حاجة علي ارض الواقع

و دي وجهة نظري

تحياتي

وعليكم السلام ورحمة الله

مين قال انى ابوه . . لا ابنىو لا اعرفه . . ولا قبطان الطوف اللى انقذنا بيفكر فيه اساسا لانه مشغول بوزنية الطوف عشان ميغرقش

سلطة ابوية ايه اللى بتتكلمى عليها . . انا باقول مثال واضح ذكرته بالكامل فى ردى على حيرة أ عادل فى موضوع الحيرة الكاملة

العيل هو شباب الثورة ( مرحلة مابعد شرف) وصاحب الطوف هو المجلس العسكرى والشط هو الانتخابات والدولة المدنية . . وانا واحد من الشعب . . مضطر اشخط كل شوية فى العيل اللى مش فاهم ان احنا لازم نجدف كلنا عشان نوصل للشط وان الشط ما بيتحركش من مكانه احنا اللى لازم نجدف ونصبر لحد ما نوصله

. . لو معرفتيش توصليله . . ياريت تقوليلى احط اللنك

تحياتى واعتصاماتى

[أبو محمد]

اولا الثورة ليس لها رأس او قائد أو ايقونه من اول يوم وهذا اجمل مافيها

وهو أسوأ ما فيها "أيضا" يا أستاذ حنظلة :sad:

[Diab]

ولكل من شارك حتي تيمور الذي أختلف معه

طيب يا ديبو بما انك بلدياتي وحبيبي وصاحب التوبيك ومن الناس اللي مش بيجادلوا لمجرد الجدال

انا مستعد نمسك الليله من اولها ونناقش نقطه نقطه مع بعض لحد ما تقنعني برايك او انا اللي اقنعك

استبينا !

:clappingrose:

استبينا أكيد

عاوزك بس تعرف حاجة

لو فاكر في توبيك قديم قلت ان المجلس العسكري يعمل علي تركيع الثوار وإتفق معايا في الوقت ده الفاضل أحمد سيف

ساعتها كانت الخيارات المتاحة كتير

لكن البطء والتسويف وتململ ناس كتير هو السبب

السبب في أني وضعت الإستفتاء ده علي أساس هل أنت مع المجلس العسكري في خطته

ولا مع حركة 6 إبريل في رفضها والإعتصام

الموضوع مش معناه علي طول الخط أنا كان قصدي النهاردة شايف مين صح

أعتذر لو مقلتش التوضيح ده في أول مداخلة

حاجة تانية عشان يبقي حوار مثمر أعمل agenda للحوار

نقاط الخلاف وهاسيبلك تحدد النقط اللي تحبها

وفي الأخر يبقي في conclusions

تم تعديل 12 يوليو 2011 بواسطة Diab

[م تيمور المراغي]

اوك يا قمر

اول نقطة ,,

محاكمة حسني مبارك

لماذا لم ( تبدأ ) حتى الآن ,,

وانا حطيت تبدأ بين قوسين مش عشانك

لكن عشان المجموعه اللي حتدخل وحتقول لازم محاكمه عادلة وجمع مليارات الوثائق والمستندات و احياء الموتى واعمار الارض والكلام ده

انا بقول يتحط في القفص زي اي مجرم و ( تبدأ ) محاكمته

دي اول نقطة

تفضل ,,

[Diab]

اوك يا قمر

اول نقطة ,,

محاكمة حسني مبارك

لماذا لم ( تبدأ ) حتى الآن ,,

وانا حطيت تبدأ بين قوسين مش عشانك

لكن عشان المجموعه اللي حتدخل وحتقول لازم محاكمه عادلة وجمع مليارات الوثائق والمستندات و احياء الموتى واعمار الارض والكلام ده

انا بقول يتحط في القفص زي اي مجرم و ( تبدأ ) محاكمته

دي اول نقطة

تفضل ,,

:happy:

جايز برده أنك لسة مخدتش بالك من اللي أقصده يمكن بسبب تقصير مني

المطالب كلها مشروعة ومش بنقاشها لأني متفق معاك 100 %

انا قصدي من النقاش من الاخر نقاط الإختلاف بين 6 إبريل وبعض التيارات

هما حاجتين

1- الإعتصام

2 - التصعيد

خليني أنا أبدأ سؤال بيلح علي

ما المقصود بالتصعيد ؟ هل هو أمر لم يتم مناقشته بعد ولكن يتم التلويح به من بعيد ؟

تم تعديل 12 يوليو 2011 بواسطة Diab

[م تيمور المراغي]

لا مش حتاخدني لاسلوبك انت ,,

خيرتني وطلبت مني اني اانا اللي ادير الحوااااار

لو عاوز تدير انت اوك بس انت وافقني الاول ان هناك ( تقصير متعمد ) من المجلس العسكري في موضوع محاكمة مبارك

ونكمل باسلوبك

[abo body]

بالطبع مع المجلس العسكرى

[Diab]

لا مش حتاخدني لاسلوبك انت ,,

خيرتني وطلبت مني اني اانا اللي ادير الحوااااار

لو عاوز تدير انت اوك بس انت وافقني الاول ان هناك ( تقصير متعمد ) من المجلس العسكري في موضوع محاكمة مبارك

ونكمل باسلوبك

موافقك لأني عارف كويس انه متعمد

ولكن إطرح البديل " المناسب "

في نقط

1 -....

2-....

3-.....

[م تيمور المراغي]

لا مش حتاخدني لاسلوبك انت ,,

خيرتني وطلبت مني اني اانا اللي ادير الحوااااار

لو عاوز تدير انت اوك بس انت وافقني الاول ان هناك ( تقصير متعمد ) من المجلس العسكري في موضوع محاكمة مبارك

ونكمل باسلوبك

موافقك لأني عارف كويس انه متعمد

ولكن إطرح البديل " المناسب "

في نقط

1 -....

2-....

3-.....

حاضر

1- المطالبه الشعبيه الجماعيه ( مثلما حدث يوم الجمعه 8 يوليو ) للمجلس العسكري بالمطالب المعروفة

2 - طبعا لم ينبت ببنت شفة ننتقل الى الخطوة التالية وهي الاعتصام في ميدان التحرير لانه رمز للشرعية الحقيقية في البلاد وفي كل الميادين الرئيسية في محافظات مصر

3 - طنشنا برضوا ننتقل الى الخطوةا لتالية وهي ( العصيان المدني ) وهو احداث شلل لبعض المرافق الحيويه في الدولة مثل المباني الحكومية و و سائل المواصلات ودي والله انا كنت متحفظ عليها في الجروب السري للحركة حتى امس الاول لغاية ماشوفت بعيني الاصرار على الانقلاب على الثورة

4 - ودي اخر مرحلة وهي الاضراب عن الطعام حتى سقوط ضحايا من المعتصمين مما يشكل ضغطا شعبيا و نفسيا هائلا على السلطة القامعة فتستجيب لمطالب المعتصمين

ده اللي حاضرني دلوقتي وكان ممكن اجيبلك تفاصيل اكتر بس صدقني ميت

تحيتي ,,