تحبوا مين يبقى وزير ايه؟؟؟؟

[pink rose]

على صفحة دكتور عصام شرف مكتوب السؤال الاتي

Essam Sharaf - عصــــام شرف

ما هي أسماء الوزراء التي تأمل أن تراها في الحكومة الجديدة ؟

هاااا يا جماعة تحبوا مين يبقى وزير ايه؟؟؟؟؟

عن نفسي اتمنى

دكتور عمرو خالد وزيرا للشباب

دكتور ابراهيم الفقي وزيرا للتنمية البشرية

وائل غنيم وزير الاتصالات

[لماضة مصرية جدا]

السلام عليكم و رحمة الله و بركاته

معلشي يا بينكي سؤال آد النملة

هو احنا بنجيب الزرار و نفصل عليه البدلة و لا بيبقي عندنا البدلة و بنكملها بالزرار

الزرار= الوزير

البدلة= برنامج و خطة العمل

ببساطة الافراد اللي انت اخترتيهم دول افراد هايلين جدا في محيط تخصصاتهم لكن ممكن ببساطة كده يثبتوا فشل ذريع لما يتولي اي منصب رياسي عارفة ليه

لان اللي بينجح الفرد مش بس كفاءاته و خلفيته في النجاح قبل كده و انما انه يتواجد في مناخ محفز للشغل و الابداع و انه يبقي عنده خطة واضحة مربوطة بجدول زمني

انا شخصيا مش هيفرق معايا الاشخاص تماما....(مع كامل تاييدي لوائل غنيم في وزارة الاتصالات)

بس اللي راح يفرق معايا ان دكتور شرف بارك الله فيه يقولنا اهداف مرحلية للمرحلة الانتقالية

يعني يبقي فيه خطة واضحة و بناء عليها تبتدي كل وزارة تعمل خطة منفصلة بالوزارة بتاعتها

فاكرة بنك الافكار اللي انبسطنا و عملنا و بعتيه لدكتور شرف

ممكن تقوليلي بقي راح فين

و لا هو كان كلام

هتقولوا سيبوا الراجل يشتغل اقولك

لا يا بينكي فيه حاة اسمها ترتيب اولويات

و من ضمن الاولويات دي

اني اعرف ايه اهداف المرحلة الجاية بالظبط و بعدين ابقي اختار اي "زرار" و ساعتها بجد البدلة راح تطلع حلوة اوي

لكن مش نبتدي بالعكس

طبعا اللي انا بقوله مالوش اي دعوة بالواقع و لا اللي بيحصل

بس ع الاقل اديني قولت وجهة نظري

مش هي الثورة لما قامت...خلتونا نحلم

محدش بقي يجي و يصادر احلامنا...حتي لو كانت حروف علي الورق

تحياتي

لماضة....(اعتصام)

[م تيمور المراغي]

مع حضرتك د. عمرو خالد وزيرا للشباب

واضيف المستشار هشام البسطويسي وزيرا للداخلية

ونغير وزير الدفاع ,,

[pink rose]

انا كمان حلمت معاكي يا ريهام

و فاكرة بنك الافكار فكرتك اللي بعتها لدكتور شرف و اتنفذت فعلا

و ناس كتير بعتت احلام و مشروعات و اقتراحات و مبادرات

و ما حصلش حاجه

بس مين قالنا ان ما حصلش حاجه لا حصل

حصل اننا اخدنا خطوة و موجودة و ما اتمحتش

بس رجعت فكرت لقيت اننا عشان احلامنا دي تتحقق لازم يكون عندنا دولة

دولة فيها مؤسسات

دولة ليها رئيس و برلمان منتخبين

في الهيصة اللي احنا فيها دي مين فاضي يشوف الكلام دا

دكتور شرف حكومة انتقالية لتسيير الاعمال مالوش اي سلطة حاليا انه يقوم بمشروعات عملاقة او مشروعات قومية

دي مهمة الحكومة المنتخبة بس

و نفس الشئ اظن ينطبق على الوزارات حاليا كل المطلوب ناس محترمة تتولى الوزارات لحد ما نعدي الفترة الانتقالية

خطة الحكومة و الكلام دا مش حاسة انه ينفع دلوقتي

لاننا عندنا كل يوم مصيبتين تلاتة يهدوا اي تخطيط

[Diab]

وزين التضامن الإجتماعي

عشان أعمل لنفسي معاش محترم

بلا فوركس بلا بن لادن يا عم أرك :happy:

بالمناسبة أنت فين في بن لادن

abcd

ولا بن لادن طاهر

ولا فيجين ولا المباني العامة

تم تعديل 13 يوليو 2011 بواسطة Diab

[pink rose]

وزين التضامن الإجتماعي

عشان أعمل لنفسي معاش محترم

بلا فوركس بلا بن لادن يا عم أرك :happy:

بالمناسبة أنت فين في بن لادن

abcd

ولا بن لادن طاهر

ولا فيجين ولا المباني العامة

مش فاهمة

يعني دلوقتي اروح انا احط اسمك حضرتك على صفحة دكتور عصام شرف

و اقوله النبي يا شيخ تعيين الاستاذ دياب وزير للتضامن الموجتماعي ؟؟؟

:rolleyes: