حسن شحاته مديرا فنيا للزمالك

[Ahmed Anwer]

عاااااجل :تعيين حسن شحاته مديرا فنيا للزمالك

=============================================================

خبر عاااجل في برنامج مدحت شلبي الان علي موردن سبورت ان مجلس ادراه نادي الزمالك تعاقد مع الكابتن حسن شحاته المدير الفني السابق لمنتخب مصر و نجم نادي الزمالك السابق .

حيث اعلن شلبي عن الخبر ولم يذكر عن أي اخبار حول تفاصيل التعاقد .. في انتظار التفاصيل

http://www.elkoraelyom.com/index.php/2010-08-19-22-49-10/index.php?option=com_content&view=article&id=1691:aaaaaajl-hassan-shehata-technical-manager-of-zamalek&catid=54:egyptian-league&Itemid=101

[Alattar]

الخبر فعلا صحيح يا أستاذ أحمد و موجود علي كل مواقع الزمالك تقريبا..و الناس ما بين مؤيد و معارض .. و بصراحة أفضل حاجة اننا مش هنسمع تصريحات كل شوية من ابراهيم و أخوه..وهيريحونا من حركاتهم دي شوية

و تقريبا كده أقدر أقوللك ان أحمد حسام .. نيدو..مش هيلمسها..و الأفضل له يروح يلعب في الجونة ولا في أي فريق من اللي طلع الممتاز السنة دي

[Ahmed Anwer]

عاجل : قررت مجموعة التراس وايت نايتس أن تتجمع غدا الاربعاء 13يوليو 2011 أمام نادى الزمالك الساعة الخامسة مساء

و ذلك احتجاجا على قرار مجلس الادارة بتعيين حسن شحاته بديلا للتوأم .. و اعلان تمسكها بهم لادارة فريق الكرة

منقول من الفيس بوك

[الغريب]

كدة لو الزمالك فاز بالدوري هقوله مبروك من قلبي

[se_ Elsyed]

كده نقدر نقول

الزمالك راجع ( تاني ) هههههههههههه

حسن شحاتة مش هايعمر مع الزمالك وبكره أفكركم

لإنه بشكل عام لا يتحمل النقد المستمر أياً كان

ولإن الدوري طويل والموسم به العديد من المباريات والبطولات .. فبالتالي أي إخفاق بيبقى محتمل .. وبالتالي مش هايتحمل ده كله إذا كان كان بيعيط أيام المنتخب ... بالإضافة غلى حالة التخبط الإداري في النادي الزمالك .. لحد دلوقت مش عارفين مين رئيس النادي ويا ترى القضايا اللي الكل رافعها على بعضه هاتتحسم لمين ...

كمان الإمكانيات المادية هاتلعب عامل كبير ... الزمالك تعبان مادياً جداً ... وبالتأكيد حسن شحاته هايحتاج صفقات تدعيم ... وكله كوم ومرتبة كوم تاني ..

كُنت أُفضل طه بصري أو حلمي طولان أو حتى طارق يحي في المرحلة دي

وشايف إن حسن شحتاه صعب يُعطي مرة أخرى داخل مصر في هذه المرحلة على الأقل وكان افضل له يتولى تدريب منتخب من المنتخبات العربية .

[عادل أبو عمر]

كدة ممكن نقول للأهلي ... مبروك الدوري للمرة الثامنة على التوالي

هم ليه مش مقتعين إن المشكلة لا في المدرب و لا في اللعيبة و لا حتى في الجمهور اللي يا عيني صعبان ع الناس كلها

أسوا مثال إداري في مصر بعد جميع الحكومات المصرية ... هو حكومة الزمالك ...أو ما يطلق عليه إدارة الزمالك

الأهلي في الإدارة ....هو المدرسة ...

رأي واحد مالوش في الكورة

[سكر]

الدستور بتقول ان الراتب هيبقى 250 الف فى الشهر

الله يبارك

بس فرحت قوى لما حسام وابراهيم الابيض خلعوا مع انى اهلوى

بس بصراحة اخلاق زفت خالص

كفايه شدة حسام لجوزيه فى الماتش الاخير حاجة تقرف

مبروك لحسن شحاته والدورى هيولع

اتمنى ان لا اشاهد حسام او ابراهيم فى التدريب مرة اخرى لاى من فرق الممتاز

[hOuSsAm]

احب اقول للزمالك المنحوس منحوس حتى لو جابوله حسن ابو فانوس

-------------------

الزمالك مش محتاج مدربين ولا لاعيبة ولا جمهور - الزمالك محتاج ادارة تفهم يعنى ايه ادارة

[ابراهيم عبد العزيز]

أنا منتمي فى التشجيع للنادي الاهلي

ولكن أقول ان هذه هي صفقة ممتازة لنادي الزمالك , وأفضل ما فيها هو تخلص نادي الزمالك الشقيق من التوأم حسن وعصبيتهم والمشكلات التى كانوا يتسببون للزمالك فيها

ولكن هل المناخ العام فى نادي الزمالك سيساعد المعلم حسن شحاتة على النجاح ؟؟

بصراحة اعتقد لا

فالنجاح فى اى نادي يكون ناتج عن منظومة عمل تتضمن ادارة ولاعبين وجمهور وادارين

والزمالك يفتقد بالمرة لعنصر الادارة ونادي غير مستقر , وملىء بالقيل والقال والاشاعات

تم تعديل 13 يوليو 2011 بواسطة ابراهيم عبد العزيز

[Ahmed Anwer]

الصراحة رغم إني أهلاوي

بس شايف حسن شحاته إختيار موفق

عمر ما مشكلة الزمالك كانت توفر لاعيبه

حسن شحاته أعتقد إنه شخصية قوية و حاسمة

مع برده أكيد فنيات و خبرة سنين

يعني التوأم شخصيات قوية بس فنيا ضعفاء

كده يبقي أحمد حسام ميدو ، مش هيشوف الزمالك تاني بقه

[ابو محمد بن مصطفي]

http://www.youtube.com/watch?v=5g2ggafryic&feature=related

ليه .... ليه

كل مرة ..... كل مرة

ياعيني ياميدو كل ماتروح في حته يطلعلك سحس

اختيار حسن شحاتة غير موفق ....

ده حتي من الفلول

[ابو محمود]

طيب عندى سؤال لو اخفق ابو على انجرام مع الزمالك بما انة المعلم يبقى اكيد تخلص الزمالك من الصبى حسام واتى بالمعلم حسن انجرام

تفتكرو مين هيدرب الزمالك بعد المعلم ؟؟؟ اللي هيجاوب يكسب 75 قرش

الدورى سنة 2012 برتغالى هههههههههههههههههههههههههههههههه

الدورى يا معلم كبير عليك انت مالكش غير فى الكؤس

مع حسن انجرام الزمالك للدورى خسران