م. عبد المنعم يلقن ساويرس درسا على الهواء مباشرة ..!!

[Abu Reem]

اتمنى والله يا اركتكت ان الناس تنظر بضمير الي الكلمة التي تقال او تكتب او الي الفعل الذي يفعل ،

مش عارف. هاناخذ ايه من كل التناحر اللي احنا فيه وكأننا سنأخذ الدنيا معنا بعد الموت

عاوف ان اوقات كتير بابقى عاوز اسأل سؤال للشعب المصري كله او حتى لاعضاء المحاورات

بس مش عارف الناس هتعرف تجاوب عليه وتفهم انا عاوز اقول ايه وعاوز نصل جميعا الي إيه ولا لأ

- وخليني ابدأ بك وياريت تجاوب وتقول اللي هيدور بداخلك بعد ما تفكر في السؤال-

سؤالي هو؛

احنا بعد 100 سنة من الان أين سنكون ؟؟!! وما الذي سيشغلنا؟؟!!!

تم تعديل 13 يوليو 2011 بواسطة Abu Reem

[أبو يمنى]

النقطة التي مازال البعض لم يطرقها أن هذه ليست المرة الأولى يتجاوز فيها ساويرس .

http://www.youtube.com/watch?v=U1fYjDsqZPA

http://www.youtube.com/watch?v=NAV8cSYjrZY

[أبو يمنى]

http://www.youtube.com/watch?v=Bup5GWo3NjY

[jonathan]

النقطة التي مازال البعض لم يطرقها أن هذه ليست المرة الأولى يتجاوز فيها ساويرس .

http://www.youtube.com/watch?v=U1fYjDsqZPA

http://www.youtube.com/watch?v=NAV8cSYjrZY

لا انا حاطرقها لحضرتك...اولا واضح انك بتجيب فيديوهات من عناوينها تظهر عقلية اصحابها...توجهات ساويروس ضد الاسلام..حضرتك سمعت و فهمت الفيديو كويس و لا كوبي و بيست علطول؟؟ اما الفيديو التاني فما الدين اللي سبه..الدين المسيحي و لا الاسلامي و لا ايه ..و عشان مبقاش بدافع عن خطاء..الراجل اخطاء و هو يتحمل خطائه ..و بدل منقوم الناس عليه روح ارفع قضية سب و قذف...اما لو كانت الكلمة اتعبتك نفسيا كما لو انك مسمعتهاش قبل كدة..فانزل الشارع و اركب مواصلات و بعدين ابقي تعالى احكيلنا عن اخلاقيات الشارع المصري..لو بجد عمرك ما سمعت الحاجات دي فبلاش تنزل لان ممكن يجيلك صدمة عصبية...اما عن فيديو الاخ عمر عفيفي..يا ريت تقرا و تعرف الاول مين هو الاخ عمر عفيفي و بعدين تبقى تستشهد بكلامه..دي لغة حوراه نفسها لا تنم عن احترام ذاتي..بس هي مبقيتش خافية على الكل..اللي عايز يركب الموجة اليومين دول ...يعلي صوته و يعمل عنتر...بالمناسبة انا ممكن ارد علي فيديوهاتك بفيديوهات تانية...بس انا افضل الا انساق وراء تحريض الاخرين و ان اعمل بضم الالف عقلي...تحياتي لاصحاب العقول في المنتدي

[أبو يمنى]

تحياتي لاصحاب العقول في المنتدي

:sad:

[أبو يمنى]

تحية للجميع .

[طارق مصرى]

الفاضل احمد انور, الفاضل ارشيتكت, الفاضلة مغتربة اشكركم لانكم....حسستوني ان في امل

تحياتي

أ-جوناثان أنت رديت على موضوعى و أنا رضيت عليك أتمنى إنك تعلق على الرد اللى انا قلته بالتفصيل الا إذا كنت مش لا قى رد و شكرا جزيلا ....

[FormeYa]

الحمد لله ان شيخنا قد افحم عدو الاسلام هذا واخرسة في حضور صبيانة من الاعلاميين والجرنالجية

[طارق مصرى]

هو فين تلقين الدرس ده يا استاذ طارق؟

اخشى ان يسئ بعض المشايخ الى الاسلام .

أقول لحضرتك فين الدرس : النقاط إجملا اللى اتكلم فيها مهندس عبد المنعم

1- لماذا ساويرس بالذات اللى دائما له ملاحظات او تعليقات سخيفة على الاسلام او مصر عموما (تقريبا كلام المهندس بالنص فى المداخلة)

و لم يرد و لم يعلق ساويرس بعد انهاء مداخلة المهندس على هذه النقطة اللى ركز عليها المهندس كثيرا

2- هروب و لف ودوران ككلامه عن انه اذا قام بتاسيس حزب نصرانى هل فى هذا اهانه لللاسم و لم يقل بذلك المهندس او اى احد

3- اضطر للف و الدوران فى مسالة الحجاب و بيقول انه لم يهاجم الحجاب و له مقابلة على قناة العربية يقول فيها انه يشعر بالغربة فى القاهرة ويحس كانه فى ايران او باكستان و مقابلة اخرى يقول باختصار(مجتمعنا تحول من مجتمع ليبرالى متفتح المراه فيه تبدو باجمل صورة و تاخذ حقوقها ارادت بهذا اللزى الرجوع الى الوراء و قال الحجاب لا يدل على الاخلاق (طبعا مش كل واحدة لا بسة حجاب كويسة لكن هو ماله ومال الحجاب دى شريعتنا ايه اللى دخله) http://www.youtube.com/watch?v=hCYC0iXRgjI

4- بيقول انا مسبتش الدين انا قلت اللى هيطهضنى ان امه داعيا عليه مع انه قال بالنص اللى هيطهضنى حطلع دين اللى خلفوه (شوفوا الادب)

الدرس هو : معرفة انك يا ساويرس انسى ايام مبارك ايام ما كنت تعمل اللى انت عاوزه ومحدش يقدر يرد عليك الان بنتكلم و بنبين عيوبك و بترد ردود ناقصة او ملتوية .

[طارق مصرى]

طيب ايه اللي يرضي السلفيين عشان يسامحوا ساويرس !

في الوقت اللي السلفيين بيطلبوا من اسر الشهداء العفو في الدم ,,

رفضوا 7 اعتذارات متتالية من نجيب ساويرس عشان صورة ميكي ماوس ,,

سلفيين مصر ,,

...... أم الاجنبي !

وعين الرضا عن كل علي كليلة عين السخط تبدي المساويا

طبعا انا متفهم كلامك علشان انت عندك عداء مع التيارات الاسلامية لكن اذا اردت ان تكون خصما فكن عادلا لانك لم تسمع الفيديو او تقرا الردود او ربما سمعت وقرات و لكنك تتبع بيت الشعر اعلاه بالنسبة لسؤالك (ايه اللى يرضى السلفيين علشان يسامحوا ساويرس )

مهندس عبد المنعم قال فى المداخلة (لو كان الامر شخصى كنت ممكن اسامح لو كان الامر متعلق بجمعية الدعوة السلفية كنت ممكن اتناقش معاهم لكن الامر متعلق بالمسلمين جميعا و يرى انه يهين الشعب المصرى عموما فى باقى مداخلته)

بالنسبة لموضوع الدية لم يقول احد من السلفيين انه واجب اخذ الدية ولكنهم راوا ان فى هذا حقن للدماء و تهدئة للاوضاع

(و انا على المستوى الشخصى ارفض اخذ الدية و لكل اسرة حقها فيما ترى انه من مصلحتها)ثم اقرا:

يقول رئيس جامعة الازهر(وده طبعا مؤكد بيمثل الاسلام الوسطى المعتدل مش زى السلفيين و الاخوان الوحشين):لأننا في أعقاب ثورة مباركة ولا نريد أن نعكر صفوها فالدية أمر جائز في الشريعة الإسلامية لالتئام الجروح».الرباط الخاص بي

ثم تابع معى:الشيخ المحلاوي يدعو إلي مواصلة المظاهرات ويرفض " دية الشهداء "الرباط الخاص بي

الشيخ صفوت حجازى يران اخذ الدية جريمةالرباط الخاص بي

و ياريت حضرتك توضح ياعنى ايه سلفى مصر ام الاجنبى ؟ ام هو مجرد كلام بتكتبة و خلاص !!!

تم تعديل 14 يوليو 2011 بواسطة طارق مصرى

[tarek hassan]

يا أستاذ : طارق

الموضوع بسيط وسهل الرجل أخطأ وأدرك أنه أخطأ بل ووصف نفسه صراحة بالغباء فيما أقدم وكمان خلى الصحيفتين بتوعه يتملموا ويتعدلوا شوية اليوميين دول والخلاف لم يكن كما يزعم البعض بينه وبين السلفيين فقط ولكن مع عامة المسلمين وخاصتهم وأظن لجنة الفتوى بالأزهر ممثلة في رئيسها أصدر فتوى في هذا الشأن وقال : إن مقاطعة شركات ساويرس ومحاكمته واجب شرعي

http://www.elmokhale...details/id/4508

وطبعا ساويرس وعي الدرس في مصر وإن عاد فإن العقاب سيكون أشد فالبعض يعد العدة لنقل المقاطعة لدول أخرى مثل الجزائر والدعوة لمقاطعة كل شركاته في الداخل والخارج

تم تعديل 14 يوليو 2011 بواسطة tarek hassan

[طارق مصرى]

طيب اسمحولى اقول انا برضه راى و اجرى على الله

باختصار شديد ما يحدث مع سويرس من حملات شرسه لمقاطعته ما هو الا حرب سيايه شرسه عليه

و قوى معينه تريد ان تبرز مدى قدرتها و قوة تاثيرها فى الشارع المصرى استعراضا امام القوى الاخرى لتخويفها

اولا الرسوم التى وضعها سويرس لم يقم هو برسمها و كانت منتشره قبلها بفتره طويله على النت و لم ينتفض احد لذلك

ثانيا مع احترامى للاراء المخالفه فانا لا ارى فيها استهزاء بالدين كما يحلو للبعض ان يصورها قد تكون رسمت وقت ظهورها احتجاجا على فتوى ميكى موس الشهيره و قد يكون اعادته وضعها مره اخرى فى صفحته دعابه سمجه لم يحسن التصرف فيها

لكن المؤكد انها لا يمكن تشبيهها بالرسوم المسيئه للرسول صلى الله عليه و سلم كما قيل عنوه فلا هى تمثل شخص الرسول و هو يحمل سكين او يحمل على راسه قنبله و لا حتى اظهرتهم بمظهر الارهابيين

ثالثا ان الرجل اعتذر اكثر من مره و لكن هيهات فلان الدين ليس هو سبب الحراك الحقيقى عند من يحركون اللعبه من وراء الستار فهم لا يريدون للموضوع ان يطفىء بل يريدون شعللته اكثر من ذى قبل لاسباب سياسيه بحته كما سبق ان قلت

رابعا سبق لاحمد رجب و مصطفى حسين ان قاموا برسم المنتقبات و الملتحين بشكل ربما اكثر سخريه و نقدوهم بشكل اعنف من ذلك و لكن رد الفعل لم يكن يوازى 1% من رده الفعل تلك و بالطبع ايضا لنفس السبب السابق ذكره

خامسا المشكله التى تواجهنا نحن المسلمين اننا للاسف فى امور كثيره نكيل بمكيالين و لا تراعى الحياد و ابسط دليل على قولى هذا ان مسلمين كثر اهانوا بمعنى الكلمه و بفعل التعمد الواضح للاهانه رمز مقدس لدى المسيحين هو البابا شنوده و ذلك بضرب صورته فى المظاهرات بالحذاء و سبه بسباب علنى و رغم ذلك لم نجد المسيحين يقومون بحمله شعواء لمقاطعه كل من هو مسلم رغم شده الاهانه و تعمدها و عدم اعتذار احد ممن قاموا بتلك الفعله حتى الان لشركائهم فى الوطن الذين اذوهم بتلك الفعله حتى الان

اهو حلال زلال لنا و على غيرنا كبيره من الكبائر

لما نرضى لانفسنا ما ننكره على غيرنا بالله كفى تبريرلانفسنا

سيدنا عمر عندما راى شحاذ يهودى خصص له راتب من بيت المال و قال فيما معناه اننا اكلنا شبابك و لم نؤدى لك حق شيبتك

سويرس اخطا لا جدال لانه دخل منطقه ليست له و لكن هل هو الوحيد الذى اخطا و تجاوز ام من الناحيه الاخرى هناك ايضا تجاوزات

و الى متى سيستمر هذا العقاب الابدى الذى يوما بعد يوم يتضح منه انه لا يهدف نصره دين بقدر ما هو يهدف الى تركيع شخص للقضاء عليه اقتصاديا و سياسيا

درسنا سابقا ان لكل فعل رد فعل مساو له فى المقدار لكن اتضح فى الحياه الفعليه ان هناك ردود افعال تتجاوز كل الخطوط الحمراء لتصل الى لد الخصومه تطبيقا لمثل العجل لما بيوقع سكاكينه بتكتر

انا لا ادافع عن سويرس و لكن ادافع عن دينى الذى علمنى الا نخمض الناس حقوقهم حتى و ان كانوا كفره و ليسوا من اهل الكتاب و ان حتى فى الحرب مع الاعداء فى قواعد و محرمات يجب الا ننتهكها و ليس مع شركاء الوطن

ان كان لسويرس فساد اقتصادى فليتقدم من يملك المستندات الى النيابه و يفتح تحقيق و اذا ثبت تورطه فلياخذ اقصى عقوبه ممكنه

اما المعاقبه بالاماته فليست خصال من ينظر للاخر على انه شريكه فى وطنه بل شيمه من يتحفز للاخر ليقضى على وجوده تماما ان امكن

اتفق مع أ / مغتربة و باشمهندس تيمور

و ماذا يفعل الرجل أكثر من الإعتذار ؟؟

غريب أمر هؤلاء الدعاة

في الوقت الذي يقنعون فيه أهالي الشهداء بالعفو في الدم ،،

لا يقبلون 7 إعتذارات علنية عن صورة قد تكون مسيئة نشرها رجل علي موقع تواصل إجتماعي

استاذة مغتربة واستاذ احمد تحياتى لكما : ارجو مراجعة ردودى و الاستاذ تامر و الاستاذ طارق حسن لمعرفة ان الموضوع ليس خاص برسوم ميكى ماوس فقط و لكن لان ساويرس له سوابق كثيرة اوردناها و رئيس لجنة الفتوى بالازهر افتى بمقاطعة ساويرس , وبخصوص الدية ا-احمد ارجع الى مداخلتى السابقة .شكرا....

[طارق مصرى]

لو كان من وضع هذا الكارتون اسمه " نبيل الشحات " لم تكن هذه الضجة لتحدث.

ليس كل المصريين المسلمين يرون أن النقاب او اللحية او الجلباب الأبيض القصير من الإسلام في شيئ.

انه فقط الصوت العالي هو من يؤجج النار في الأشياء الصغيرة.

هل يذكر أحدكم أن الأطفال كانوا يرددون في لعبهم في الشوارع عبارات لو قيلت اليوم لاعتبرت إهانة لكل رجال الدين المسلمين ،

رددتها عندما كنت صغيرا ولكن والدي وخالي نهراني بشدة وشرحا لي انه لايصح أن أردد مثل هذه الإساءات .

عندما كبرت عرفت أن العبارات لم يكن المقصود منها الإساءة للشيوخ بقدر ماكانت إشارة إلى من لايتطابق عمله ومايقوله.

من هذه العبارات :

" شد العمة شد ... تحت العمة قرد "

" شيل العمة شيل ... تحت العمة فيل "

وأعتقد أن أحد كتاب القصص كان ذكر واحدة منها في إحدى قصصه.

استاذ محمد : انا معرفش مين نبيل الشحات اللى انته واضعه مثال

ثانيا اوضحنا 500مرة ان عدائنا مع ساويرس لسوابقة (ارجو الرجوع الى مداخلتى السابقة)و حكاية انك او فيه مسلمين مش شايفين ان النقاب و اللحية من الاسلام فى شىء ماشى مش حدخل معاك فى احكام فقهيه و لكن هل لباس الازهريين العمة و الكاكولا من الدين فى شىء؟ لا طبعا هو زى مميز لهم لا اكثر و لا اقل فاذا قام شخص نصرانى او على اى ديانة اخرى بعمل رسوم هزليه لشخص يرتدى هذا الزى اليس فى هذا اهانة للمسلمين؟

[طارق مصرى]

و اخيرا أقول لكل الزملاء المعارضين :

1- رئيس لجنة الفتوى بالازهر يفتى بمقاطعة ساويرس (يعنى مش السلفيين و طبعا حضراتكم بتحترمم لجنة الفتوى بالازهر ومش شافيين انه لهم اجندات خاصة او متشددين ) -ارجعوا للمداخلة رقم 53 الخاصة بالاستاذ طارق حسن-

2- المهندس عبد المنعم و اجه ساويرس مباشرة باتهامات و على قناة الجزيرة اورد اتهامات و فى مقال له اوردتة فى المداخلة رقم 11

لماذا لم يقوم ساويرس برفع دعوى قضائية ضدة و يريح نفسة ؟ و علشان ميجيش أ-جوناثان او اى زميل اخر يقول دى اتهامات باطلة و ساويرس اكبر من انه يرد اقولك كلام مظبوط لو كانت الاتهامات من شخصية مجهولة اما من مهندس عبد المنعم المتحدث باسم الدعوة السلفية

اى اصبح شخصية عامة و اصبحت لاتهماته تبعات ممثلة فى المقاطعة فلا يوجد حجة لعدم رفع دعوى عليه.

3- ماذا فعلت التيارات الاسلامية ؟ انها دعوى بمقاطعة ساويرس هل نادوا بقتلة او اغتيالة ؟! نادوا بحقهم بالمقاطعة , يا ترى ده حيكون موقفكم لو كانت المقاطعة لان موبينيل تسرق دقائق او الشبكة سيئة ؟؟

و تحياتى لكم ....

[مغتربة]

استاذة مغتربة

اسمح لي انسخ مداخلتك اللي فوق دي عندنا في الجروب

بس محتار انزلها باسمك عشان حقوق الملكية الفكرية

والا باسمي عشان الجروب سياسي !

والا حضرتك رافضه من الاساس !

احترامي وتقديري

تقدر تنقلها باسمى او تقول عنها انها منقوله

مفيش مشكله فى دا او دا

[مغتربة]

لما شخصيه عامه زى زغلول النجار يوصف الكتاب المقدس بانه كتاب مكدس فى وسيله اعلاميه حكوميه

حتى ان كنا نؤمن ان هذا الكتاب محرف فلا يصح برضه ناذيهم بهذا الشكل فى وسيله حكوميه

ما هما مش بيؤمنوا بان القران من الله ترضى حضرتك ان اى انسات مسيحى يطلع يقول لفظ على القران فى اى تلفيزيون او وسيله اعلاميه حكوميه

بالنسبه لموضوع غرف البال توك هو دا الى مخلينى متاكده ان موضوع سويرس مسيس

لانه هناك اهانات افظع و اشد و اجل مليون مره و طعن و سب مباشر يقوم به اشخاص من امثالهم الحقير زكريا بطرس

دون ان نرى تلك الهمه المفاجئه فى الشجب و دون ان نرى حملات التقليب و الشحن و دون ان يتقدم احد برفع قضايا عليه و على قناته

و على فكره الاجراءات التى من الممكن ان تتخذ ضده و ضد من يطعن فى الاسلام و يشتم الرسول و يطعن فى نسبه و شرفه كثيره جدا

لكن لم يتحمس احد مثل التحمس الذى رايناه مع سويرس

ايهما اشد و انكل صور سويرس العبيطه ام القاذورات التى يلقيها زكريا بطرس و شاكلته من فمه يوميا على قنواته و على غرف البال توك

اترك الاجابه احضرتك

تم تعديل 14 يوليو 2011 بواسطة Folana
حذف الاقتباس لحذف الأصل

[jonathan]

صباح الخير للجميع...قرات بعض التعقيبات علر الردود الخاصة بي و انشالله دي اخر مشاركة لي بهذا الموضوع..

1- الاخ تامر محمد ..ايه اللي زعل حضرتك في كلمة تحياتي لاصحاب العقول!! اليس من المفترض ان من يكتبون و يتحاورون هم من اصحاب العقول؟ ام لك رائ او رؤية اخرى؟؟

2- الفاضل طارق المصري..انا شاركت في موضوع مطروح للنقاش بمنتدي للمصريين و ليس نقاش خاص بحضرتك فمن حقي ان ارد على ما اراه يستحق الاهتمام و النقاش..فاذا قادك تفكير حضرتك اني مارديتش فقط بسبب (اني مش لاقي رد)فده تفكير ضيق للغاية...راجع اول سطر في اول مشاركة كتبتها و ممكن حضرتك تعرف انا مارديتش ليه...شخصيا لا اقبل الجدال و السجال في مواضيع لا تغني و لا تثري الفكر..فما بالك السجال في امور تثير الضغائن و الاحقاد...على الاقل كنا نتكلم عن شئ من التسامح....لما اخطئ و اعتذر للجميع و على الملاء و لا يقبل البعض و اكرر الاعتذار و يستمروا على موقفهم دون توضيح ..يبقي دة تنعت و الاطالة فى الحديث عنه مجرد تضيع وقت مالوش لزمة.

3- الاخ formya واضح ان حضرتك بردو بتستعمل نظام الكوبي و البيست ...يا ريت تجيب من اول السطر و تقرا المشاركة كويس..و مع ذلك فشخصيا انا لا اقبل الغلط في اي حد ايا كان ..لكني ارفض ايضا ان ننصب كل واحد مننا نفسه قاض لمحاسبة الناس..في قاض في السماء الذي سيقف امامه الكل ..و في قضاة على الارض مهمتهم هي العدل بين الناس...اما موضوع الفيديوهات دة فكما وضحت سابقا...دة مش و لا حيكون اسلوبي في التعبيير عن راي ..ثانيا اعطاني الله عقل للتفكير و لسان للتخاطب و التحاور فلست بحاجة لمن يعبر عني او استشهد بعنتريته....تحياتي

تم تعديل 14 يوليو 2011 بواسطة Folana

[pink rose]

هو الموضوع قلب مسيحي و مسلم ليه كده

ساويرس اخطأ طبعا ما فيش شك

و قل ادبه كتير بسب الدين و كلامه عن الحجاب و احساسه بالغربة و اخرها نشر الكاريكاتير

هو زمان ايام عمو مبارك كان بيعمل كده و عارف ان ما حدش هايكلمه

دلوقتي الوضع اتغير و اللي بيغلط ايا كان مين هايتحاسب

و اظن شوفنا لما احمد رجب و مصطفى حسين رسموا الكاريكاتير البايخ بتاعهم اترفع عليهم قضايا

ساويرس نفس الحكاية غلط و اتعملت ضده مقاطعة و اظن في ناس هاترفع عليه قضايا

بعد كده الكل هايتحرم نفسه و يفكر الف مرة قبل ما يؤذي غيره

و دي حاجه كويسة

و كلامي الاخير دا للكل

اللي هايفكر يغلط بعد كده مسلم او مسيحي في حق حد او يؤذيه في دينه او عقيدته او رمزوه هايعاقب بطرق محترمة و قانونية

يبقى ايه بقى اللي يخلينا نقلب على بعض

عن نفسي مقاطعة موبينيل من زمااااااااااااان عشان مش بفلوسي ساويرس يعمل قنوات تجيب افلام اجنبية بدون رقابة و تساهم في افساد اخلاق ولادنا

[MZohairy]

ما خلاص المسامح كريم بقى يا جماعه

خصوصا و ان بعض الاخوه السلفيين طلبوا من الثوار التسامح في دم الشهداء

يبقى من الطبيعي انهم يسامحوا ساويرس في صورة ميكي ماوس (رغم ادانتي للخطأ الذي وقع فيه ساويرس و توقيته)

[الغريب]

ما خلاص المسامح كريم بقى يا جماعه

خصوصا و ان بعض الاخوه السلفيين طلبوا من الثوار التسامح في دم الشهداء

يبقى من الطبيعي انهم يسامحوا ساويرس في صورة ميكي ماوس (رغم ادانتي للخطأ الذي وقع فيه ساويرس و توقيته)

التسامح في دم الشهداء هو شرع ورد في كتاب الله