استفتاء علي أداء المجلس العسكري

[لماضة مصرية جدا]

السلام عليكم و رحمة الله و بركاته

أداء المجلس العسكري في فترة المرحلة الانتقالية بنتناوله عرضا في كثير من المداخلات

التوبيك هنا ببساطة شديدة و ارجو انه يخلو من "النعرات" و من التحديات

التوبيك ببساطة بحاول ان الاقي اجابة للتساؤلات التالية:

1- هل من حقنا نقيم اداء المجلس العسكري و بنتكلم هنا عن "ادارة" و طريقة صنع القرار و مش بنتكلم عن جيش محدش هيخش يزايد و لا اصلا هيجي جنبه.

2- انا محطتش بنود الاستفتاء لان ببساطة عايزين نتفق كلنا مع بعض ايه هي معايير تقييم الاداء و لما نتفق عليها نحطها و نعمل عليها تصويت.

3- بفكر ان بعد ما نوصل للمرحلة دي اكيد هنخرج بمجموعة من التوصيات او الاقتراحات و ان كانت علي الانترنت فممكن نتواصل بيها علي صفحة القوات المسلحة علي الفيس بوك

احنا مش هنعارض و خلاص و لا هنؤيد و خلاص

احنا ببساطة بنحط معايير واضحة و بنقيم عليها اداء و تبقي في الاخر دي اجتهادات مننا شخصية

لكن بنحاول منها ان احنا نفهم معطيات الوضع الحالي

اعتبروها جزء من التوعية السياسية اللي ممكن نعملها علي الانترنت

و تقبلوا وافر التحية

[م تيمور المراغي]

بكل هدوء

مش اللي ( تعهد ) بحاجه حتى يوفي بيها !

فين المطالب التي تعهد بتنفيها بعد ان وكله الشعب بذلك وعاد الى منزله

ده اولا

تاني حاجه

اليد التي رفعت لتحية الشهداء

لماذا تربت الآن على رؤوس قاتليهم

ولماذا تهدد و تتوعد لمن يذكره بان يؤدي الامانه ويفي بالعهد

[pink rose]

خالونا الاول نقول احنا كنا عاوزين ايه من المجلس العسكري في نقاط

1

2

3

4

و نشوف ايه اتحقق و ايه ما اتحققش و ايه تم انجازه و ايه تم التباطئ فيه

و ساعتها نقدر نقييم اداءه

[الغريب]

هقول شوية معايير :

1- أننا رضينا بالمجلس العسكري ليس لأنه هو الأفضل إدارة ولكن الأفضل حيادية.

2- المجلس العسكري يمكن أن يكون محل النقد بضوابط :

أ- بما لا يؤثر على احترام هيبة المؤسسة العسكرية.

ب- الاعتراض على الممارسات الديمقراطية.

ج- الاعتراض على تأخر في تسليم السلطة للإدارة المدنية.

3- أعتقد أن أي إعتراض على الإجراءات الديمقراطية للمجلس العسكري ، لابد أن يتوافر لها خلفية شعبية كبيرة مقننة ، كاستفتاء أو انتخابات، وما جاء بإجماع شعبي لا يستبعد إلا بإجماع شعبي أيضا.

4- أهم وأخطر شئ هو الاخذ في الاعتبار طبيعة المرحلة الانتقالية وأن تولي إدارة البلاد في هذا التوقيت تكليف لا تشريف.

تحياتي...

[MZohairy]

عن نفسي و بافتراض حسن النيه ارى ان اداء المجلس العسكري خلال الفتره الماضيه .................................زفت

[hanzalah]

عن نفسي و بافتراض حسن النيه ارى ان اداء المجلس العسكري خلال الفتره الماضيه .................................زفت

سمسم صديق

يعني بالمصري

شرحه

[لماضة مصرية جدا]

السلام عليكم و رحمة الله و بركاته

بشكر كل اساتذتي اللي شاركوا في الموضوع و لي عودة علي التعقيب علي مداخلاتهم كلا علي حدة

بؤكد للمرة التانية ان الغرض من التوبيك مش اني اقول ان المجلس العسكري حلو و لا وحش (مع احترامي لكلا الاختيارين) لكن بنحاول نقيم اداء في ضوء معايير محددة و اصلا معترفة دوليا لتقييم الأداء

اسمحولي اني احط المعايير دي

و برضه حضراتكم ممكن تضيفوا و تعدلوا عليها في ضوء خبراتكم و رؤيتكم

اود الفت النظر ان المعايير دي باللغة الانجليزية و الافضل قراءتها بالانجليزية و انا هدرج الموقع للاستفادة و ممكن بكل بساطة تخشوا علي جوجل و تكتبوا الكلمة دي

Quality Management

و بفكركم اني ابتيدت ب”أداء إدارة” المجلس العسكري و هيتبعه "اداء حكومة" دكتور شرف لان امبارح اللوا الفنجري قالها في نص الخطاب

المؤسسة العسكرية هي مؤسسة ادارية و الحكومة هي جهة تنفيذية يبقي نمسك الراس من فوق

المعايير كالتالي:

1- Focus on your customer

التركيز علي الفئة المستهدفة- التركيز علي المستفيد

2- provide leadership

(القيادة: توحيد الاهداف و خلق مناخ يشجع الأفراد علي تحقيق الاهداف)

3- Involve your people

(المشاركة مع الاطراف المعنية)

4- Use a Process approach

تبني مدخل العمليات: تحديد الاهداف بشكل واضح- تحديد النتائج المرجوة- تحديد الآليات للوصول للأهداف).

5- Take system approach

تبني مدخل إرساء النظام: النظام هنا مش مقصود بيه حالة امنية مقصود بيه هو إرساء قواعد عمل و قانون يمكن لمن يخلفك ان يسير عليه).

6- Encourage continual improvment

التحسن المستمر: عن طريق تقييم للاداء علي فترات من 3 الي 6 شهور- القدرة علي اتخاذ خطوات استباقية احترازية)

7- Get the facts before you decide

بناء القرارات علي حقائق: جمع البيانات و توظيفها و البناء عليها)

8- Work with your suppliers

(تحديد مكتسبات قصيرة المدى و اخري علي المدي البعيد- مشاركة المعلومات و الخطط>

الترجمة بتصرف و المصدر:

http://www.praxiom.com/principles.htm

-----------------------------------------

لو حضراتكم نتفقين علي المعايير دي...(مش اختراعي دي معايير الادارة ذات جودة و اللي ممكن نطبقها علي

أي إدارة ابتداء من إدارة أسرة و نهاية بإدارة مؤسسة حتي لو كانت عسكرية)

يبقي هنحط المعايير دي و نعمل استفتاء عليها

بس عندي اقتراحين:

1- الاستفتاء يككون محدد بوقت علشان نقدر نطلع منه بنتيجة.

2- الاستفتاء ميكونشي ايوة و لا لا يكون مقياس متدرج من 5 مثلا او 10 (معرفشي ده ينفع و لا ايه)

و مستنية اسمع اقتراحاتكم

و معلشي ان المداخلة تبدو اكاديمية شوية بس علشان منبقاش قاعدين نقول ده حلو و ده وحش من غير ما يكون عندنا طريقة منظمة في التفكير و دي وجهة نظري

تحياتي

[لماضة مصرية جدا]

بكل هدوء

مش اللي ( تعهد ) بحاجه حتى يوفي بيها !

فين المطالب التي تعهد بتنفيها بعد ان وكله الشعب بذلك وعاد الى منزله

ده اولا

تاني حاجه

اليد التي رفعت لتحية الشهداء

لماذا تربت الآن على رؤوس قاتليهم

ولماذا تهدد و تتوعد لمن يذكره بان يؤدي الامانه ويفي بالعهد

شكرا لتواجد حضرتك بس حضرتك احنا مش بنقيم "البيان" بتاع امبارح

احنا بنقيم "أداء مؤسسة" في ظرف خاص في فترة زمنية خاصة

الجزئية الخاصة بال تعهد" ووعود...يبقي حضرتك تقصد هل اتحققت الاهداف و لا لا تمام

و ده بند من المعايير تحت

شوف كده و قولي راي حضرتك ايه

تحياتي

[لماضة مصرية جدا]

خالونا الاول نقول احنا كنا عاوزين ايه من المجلس العسكري في نقاط

1

2

3

4

و نشوف ايه اتحقق و ايه ما اتحققش و ايه تم انجازه و ايه تم التباطئ فيه

و ساعتها نقدر نقييم اداءه

شكرا يا ريمو علي مشاركتك و اللي انتي بتقوليه ده معيار 4 اللي هو عملية الادارة نفسها ايه الاهداف و ايه الجدول الزمني

هحتاج منك مساعدة كمان

ممكن تتابعي معانا التوبيك و ان شاء الله اللي يستجد تتفضلي مشكورة تبعتيه علي صفحة القوات المسلحة علشان لو خرجنا بحاجة يمكن نقدر نفيد....(او يتقبض علينا كوولنا فنونس بعض و كده يعني :closedeyes: )

[لماضة مصرية جدا]

هقول شوية معايير :

1- أننا رضينا بالمجلس العسكري ليس لأنه هو الأفضل إدارة ولكن الأفضل حيادية.

2- المجلس العسكري يمكن أن يكون محل النقد بضوابط :

أ- بما لا يؤثر على احترام هيبة المؤسسة العسكرية.

ب- الاعتراض على الممارسات الديمقراطية.

ج- الاعتراض على تأخر في تسليم السلطة للإدارة المدنية.

3- أعتقد أن أي إعتراض على الإجراءات الديمقراطية للمجلس العسكري ، لابد أن يتوافر لها خلفية شعبية كبيرة مقننة ، كاستفتاء أو انتخابات، وما جاء بإجماع شعبي لا يستبعد إلا بإجماع شعبي أيضا.

4- أهم وأخطر شئ هو الاخذ في الاعتبار طبيعة المرحلة الانتقالية وأن تولي إدارة البلاد في هذا التوقيت تكليف لا تشريف.

تحياتي...

شكرا لتواجد حضرتك استاذي

محتاجة من حضرتك تشرحلي اكتر يعني ايه كلمة "هيبة المؤسسة العسكرية"

و علاقتها بالإدارة و اتخاذ القرار

و راي حضرتك هيهمنا كتير في التوبيك هنا

جزي الله حضرتك كل خير

[لماضة مصرية جدا]

عن نفسي و بافتراض حسن النيه ارى ان اداء المجلس العسكري خلال الفتره الماضيه .................................زفت

شكرا لرأي حضرتك

بس هو سؤال

بنيته علي ايه

يعني مثلا هتلاقي حد بيقول لحضرتك طب ليه "كذا" مع تحفظي علي اللفظ احنا بنحاول نفهم مع بعض

و شكرا علي تواجد حضرتك

[لماضة مصرية جدا]

عن نفسي و بافتراض حسن النيه ارى ان اداء المجلس العسكري خلال الفتره الماضيه .................................زفت

سمسم صديق

يعني بالمصري

شرحه

كنت متفقة مع حضرتك امبارح في كثير من الآراء بس مش هتفق مع حضرتك النهاردة في كلمة سيم سيم صديق

مش عشان هي كلمة مش انجليزي بوتاتا

لكن علشان تحديد مستنية من حضرتك تحليل لل "وصف" اللي حضرتك قولته

و هستني قطعا مداخلاتك الثرية جدا

[ابراهيم عبد العزيز]

المهمات التي كانت مطلوبة من المجلس العسكري عند نقل السلطة اليه كحاكم انتقالي للدولة المصرية :

• اعادة الاستقرار لمصر بشكل فوري بعد الاضراب والانفلات الامني الضخم ايام الثورة .
  
• نقل السلطة : وهذا البند ينقسم لمرحلتين المرحلة الاولى هى اعادة ترتيب البيت من الداخل ( المحاكمات العادلة لرموز الفساد حتى تصفي القلوب و تطهير مؤسسات الدولة من فلول النظام البائد ومن المعادين للثورة وسن ووضع القوانين اللازمة للانتقال الديموقراطي وغيره من الأامور ) وبذلك يتم تعبيد وتمهيد الطريق للمرحلة الثانية وهى نقل السلطة لحكومة مدنية منتخبة من الشعب .
  

اذا قيمنا مدى النجاح فى المهتمين نقول :

• فى المهمة الاولى والخاصة بالاستقرار فنستطيع القول أن المجلس العسكري حقق نجاحا ملموسا فيها ونجح فى اعادة الحياه الطبيعية بشكل جيد اذا قسنا الوضع الحالي بالاوضاع التي كانت عليها مصر ايام الثورة .
  
• فى المهمة الثانية : نجد انها بمرحلتيها الاولى والثانية هناك مأخذ كثيرة على مستوى الاداء فيها , فعملية التطهير فى مؤسسات الدولة وعملية اتمام المحاكمات العادلة و الناجزة للفاسدين تسير حتى الان بشكل غير مرضي للكثيرين , كما أن ألية نقل السلطة حتى الان يشوبها الغموض , وكثير من ابناء الشعب ( بداية من الاكاديمي وحتى أبسط مواطن ) اصبح السؤال الملازم له ( هو احنا رايحين على فين ؟ ) وهذا السؤال فى حد ذاته عندما نراه متكرر على لسان الكثيرون من ابناء مصر فهو دليل على ان النجاح فى مهمة نقل السلطة حتى الان ليس على المستوى المطلوب والمرضي .
  

[ViralMind]

كلمتين و نص..

المشكلة فى المجلس العسكرى - و ادائه بالتبعية - اننا بنتعامل معاه على انه بابا و ماما و انور وجدى.. و هما ناس بيقولوا انهم قاعدين شوية و ماشيين... و مع ذلك.. البعض يصر على ان يحملهم مسئوليات ليست من اختصاصهم, و بيفترض نيتهم فى البقاء.. و بناءا عليه بنشوف كل المصايب اللى بتحصل!

اداء المجلس العسكرى يعيبه انه اداء رد الفعل.. و ربما ده ناتج عن كونهم لم يقوموا بالثورة.. و بالتالى هناك هوة بينهم و بين مطالب و تطلعات الثورة.

كمان لما تكون الاحزاب فى مصر فاشلة فشل ذريع فى انها لغاية دلوقتى تكون متواجدة فى الشارع... رغم ان الطريق مفتوح و اللى عايز يعمل حاجة هيعملها... و كل همها انها تعمل اجتماعات مع المجلس.. او ان يكون ليها دور و خلاص فى الليلة.. يبقى عليه العوض فى الثورة.. لان حتى بعد انتخابات الرئاسة.. لن يحافظ على مكتسبات الثورة الا وجود احزاب قوية تسير بالنضج السياسى فى الاتجاه الصحيح.. علشان لو حصل فساد بعد كده.. يبقى فيه قوى تستطيع التصدى له.. و ده اللى مش موجود للاسف!

[MZohairy]

عن نفسي و بافتراض حسن النيه ارى ان اداء المجلس العسكري خلال الفتره الماضيه .................................زفت

شكرا لرأي حضرتك

بس هو سؤال

بنيته علي ايه

يعني مثلا هتلاقي حد بيقول لحضرتك طب ليه "كذا" مع تحفظي علي اللفظ احنا بنحاول نفهم مع بعض

و شكرا علي تواجد حضرتك

و الله العظيم ده اكثر الالفاظ ادبا لوجهة نظري في المجلس العسكري

لأني مش مقتنع بحسن نواياهم ...و مقتنع بوجود لعب كتير تحت الطاوله (مع احترامي للجيش بوجه عام كمؤسسه عسكريه)

[مغتربة]

بالنسبه لتقيمى فانا بتوافق مع كل الاساتذه الافاضل الى سبقونى فى الرد

كلواحد منهم اتكلم عن جزئيه انا كنت هقولها

فعلشان نمنع التكرار خلينا انطلق من كل كلامهم السابق بعد اتفاقى معاه هضيف بس الاتى

اولا انا متاكده من حسن نيه المجلس العسكرى حتى الان و رغبته الصادقه فى العبور بمصر الموقف الصعب دا لكن ما اعيب عليه هو البطء الشديد فى اتخاذ الاجراءات الضروريه او القرارات اللازمه فى ميعادها المضبوط

قد يكون دا راجع لضخامه التركه الى اتسلمها او لجسامه المهمه او ربما لعدم خبرته العمليه فى اداره بلد بحجم مصر و بالتالكيد ما يصلح فى الحياه العسكريه لا يصلح فى الحياه السياسيه قد يكون اضا هناك ما لا نعمله و هو السبب فى هذا البطء

المهم ان فى بطء شديد حادث

المشكله على الجانب الاخر ان الناس على الجانب الاخر مش متقبلين هذا البطء و دا انا كمان معاهم فيه خصوصا ان التجربه اثبتت للناس انها لما بتضغط مطالبها بتتحقق اذن المطالب قابله للتحقق و مش عويصه فليه التاخير فى تلبيتها خصوصا انها كمطالب فى مجملها مشروعه و مفيهاش شطط كتير و المطالب الى بتجنح للشطط بتلاقى الناس هى اول واحدها بتتصدى ليها و ترفض الانسياق وراها قبل المجلس العسكرى

مينفعش تقوم ثوره و الحال بعدها يفضل زى قبلها استحاله لو الثوره مغيرتش يبقى اسمها اى حاجه تانيه غير ثوره و الناس متوقفتش عن الثوره الا لان المجلس العسكرى قبل بصدر رحب يحيى عليه انه هو الى يتصدى لطالبها الثوريه و يتعهد بتحقيقها فعلشان كدا هو مطالب بتحقيقها للناس ما دام من الاول قبل تحمل مسئوليتها

لكن مره تانيه بقول ان اعتقادى الجازم حتى هذ اللحظه ان دا ناتج عن حسن نيه او عدم خبره فى الاداره علشان كدا لازم العلاقه بين الشعب و المجلس فى اللحظه الحاليه تكون زى شعره معاويه

ان هو تراخى ضغطوا و ان هو استجاب قدروا له ذلك

لكن الافه الحقيقيه هى اعتباره فوق النقد بشكل مستمر ايا كان فعله حسن او غير حسن لان دا الى بيخلق الديكتاتوريه

ايا كان عظيم صنعه معنا لازم يكون فى توازن بين الاستحسان و النقد على حسب الموقف

فالديكتاتور لا يولد و لكن يخلق بفعل شعبه اما بتهاونهم معه او بتفخيمهم فيه

[hanzalah]

الاخت العزيزة لماضة مصرية

تحية طيبة

الحقيقة إن الدافع لكتابتي هذه المداخلة هو فقط ذوقك واسلوبك الذي يأسر من تخاطبيه

وبالتالي أجدني ملزم بالرد بالتفصيل ردأ لجميل قولك

ياعزيزتي

تعالي نذهب سوياً لأول الحدوته

شباب يقف وقفة احتجاجية سليمة .. يقمع .. ينادي يا أهلينا انضموا لينا

شعب عظيم يستجيب لثورة مكبوته بداخله وقد آن الأوان لخروج المارد من القمقم

شرطة تستخدم أقصى درجات العنف

تخبط في قرارات وزير داخلية دموي مخبول ومريض

ورئيس مشلول وقيادة سياسية فاسدة متخبطة ثم خطاب واتين لايمتصوا غضب الناس

ثم تعديل وزاري معقول ثم خطاب الثلاثاء وهاموت على ارض مصر والشعب طبعا عاطفي بدأ يلين

ثم اربعاء دامي بموقعة الخيول ثم مسلسل سقوط ذريع وسريع لنظام مات من زمان وينتظر قرار دفنه.

الجيش..مشكور..يتدخل وينتشر ويحمي الثورة

يرفض ان يطلق النار او المشير يشخط في جمال او غير ذلك من رويات لايوجد دليل مادي ملموس لنفيها او اثباتها

سنضعها جانبا لانها لاتفيد حيث اننا – الناس العادية والشعب والثوار- في غاية الامتنان للجيش المصري العظيم

الذي يحمي ثورة شعب عظيم

ث

م

و آه من ثم

نأتي للتدقيق في ملامح وتفاصيل الصورة

لتعرفي ياسيدتي من أين اتت الانطباعات السلبية عندي وعند كثيرين من المجلس العسكري

ويجب أن نفرق بين جيش عظيم ومجلس رئاسي عسكري يحمل مهام رئيس الدول طواعية

أولا: المجلس يطيل من عمر حكومة شفيق التي منطقيا سقطت بسقوط رئيس مخلوع بإرادة شعبية..

ثم دعينا نسأل ..أين محاكمة شفيق حتى يومنا هذا عن تقاعسة عن نجدت آلاف من أبناء شعب مصر في حالة إبادة على شاشات التلفزة في بث حي ..

وأين محاكمة السيد وجدي وزير الداخلية المتواطيء الذي أؤكد لك كأحد سكان محافظة القليوبية انه فسادة يزيد أو يقارب فساد العادلي نفسه..

لماذا يربت المجلس العسكري الذي يحكم مصر على أكتاف هؤلاء حتى يومنا هذا.

ثانيا: أيام حكومة شفيق حاول المجلس تقليص الثورة بتقليص مساحة الميدان

وتحركت الدبابت بالفعل فما كان من الناس إلا أنهم ناموا على جنزير الدبابة لمنعها من الحركة ..

تصرف مريب من مجلس رئاسي يفترض الشعب فيه حسن النيه وانه يحمي ثورته

ثالثا: يتم إقالة حكومة شفيق والمجيء بعصام بسبب ضغط الشارع وتمسكه بثورته

..أين حسن النية في المجلس وأين الرؤية الواضحة التي نستشفها من هكذا أفعال..

الايام سوف تثبت انه لايوجد رؤية واضح ومنهج واضحة المعالم لدى هذا المجلس

سوى انه يرى ثورتنا مجرد حركة اصلاح مطلوب لها ان تنتهي الى :

لاتلقي زبالة في الشارع .. لاتعاكس البنات .. خليك حلو عشان احبك ..

انه باختصار امتداد لشفيق بنبوني .. ولكن دعينا نتابع المزيد