أخطاء تجنبها لإنجاح زواجك

[ام محمد]

سلام على كل الاعضاء ..لفت انتباهي الموضوع وحبيت ادلي بدلوي ...بما اني من الجماعة اللي ما زالت تقاوم الامواج في بحر الظلمات الهائج اللي اسمه الزواج ..والحمد لله على ...كل حال ..طبعا تعديت العشرين سنة(قي زواجي وفي رايي اكتر ما يضايق الزوجة ان الزوج مايقدر تضحية زوجته وتعبها في العمل او الوظيفة حتى يوفروا للاولاد حياة كريمة ..كمان لو حست بانانية الزوج وعدم تفكيره في مشاعرها كما تراعيه هي ..يعني لما ينتقد فيها بقسوة ..لانه بيعتقد ان كل النساء في الدنيا حساسة ما عدا زوجته .. ويبخل عليها بجولة حتى لو بالسيارة لساعة ..لما تكون مكتئبة ...شوفوا طريقة اي رجل في الكلام مع اي سيدة غريبة والفرق لو بيكلم مراته نفس الموضوع ...ليه الرقة والادب والكلمات المنمقة مع الكل الا الزوجة المسكينة .. ... ) ..

[مغتربة]

مغتربة حبيبتي

نقطة الاحتواء دي مهمة فعلا

بس للأسف فيها جزء مهارة

و الجزء الأكبر بيبقى توافق من عند ربنا

و التوافق يكون بنسب

في توافق جسدي

و توافق روحاني

و توافق عقلي

و نادرا ما يتحقق التوافق - إن وجد - على كل هذه الأصعدة بنفس القوة

و قد تتفاوت النسب

بينهم

فهناك من يهمهم التوافق الجسدي مثلا بالدرجة الأولى

فإن تحقق

فالزواج ناجح

و قد لا يكون هناك نفس نسبة النجاح في بقية الجوانب

الموضوع يخضع

لمتطلبات كل شخص من شريكه

و هذا يفسر

أن نفس الشخص قد يتوافق مع طرف آخر في علاقة جديدة

في جانب لم يتحقق له في العلاقة الأولى

و من المحبط جدا

أن يبحث الشخص عن مميزات الشريك القديم

في الشريك الجديد

و هو ما يسمى بالمقارنة

كمن يقارن زوجته الجديدة بالسابقة

و العكس

و تستقيم الحياة بوجود التوافق على كل الجوانب و لو بنسب صغيرة

أو متفاوتة

و بغياب أحدها تماما

قد تنهار العلاقة

اكيد توفيق ربنا مهم فى كل الامور مش بس هنا

فى ناس ربنا بيمنحم الاشياء منحه من لديه

مثل الغنى او الجمال او التوافق مع الزوج الى اشرتى اليه

بياخدوا الحاجات دى بدون اى مجهود من لديهم

لكن من رحمه الله بعباده انه لم يقصر هذه الاشياء على من منحهم له فى الاول

يعنى مثلا فى انسان اتولد لقى نفسه غنى لكن الى اتولد و لقى نفسه فقير خلاص كده محكوم عليه يفضل طول عمره فقير لا طبعا الا لو هو الى اقنع نفسه بده و ارتكن لكده و محاولش يغير واقعه

نفس الموضوع فى التوافق الزوجى اكيد فى ناس بتتزوج و بتلاقى فى توافق كبير بينها و بين شريك حياتها كمنحه من ربنا ليهم

لكن الناس التانيه الى ملقت نفس نسبه التوافق ادامهم حاجه من اتنين

يا يفضلوا طول عمرهم يندبوا حظهم انها اتجوزت زوج عصبى او انه اتزوج زوجه عنديه مثلا

و يفضل كل واحد فيهم بينده فى سكه غير التانى

او انه يستخدم و انا هنا بخاطب الزوجه اكتر من الزوج لانها الاقدر على ذلك لانها مخلوقه اساسا بقدره اكبر على الاحتواء انها تستخدم كل الاسلحه الربانيه الى ربنا ادهالها من ذكاء و دهاءفى معرفه مفاتيح زوجها لتغزو عقله و قلبه و روحه و فكره

و فى سبيل كدا لازم تقرا و تتعلم من غيرها و تتعلم من اخطائها معاه و تستعينبربنا و تلح فى الدعاء اليه

لازم تسعى بكل ما اوتيت من قوه و اكيد اكيد هتوصل

حتى لو موصلتش للدرجه القصوى هتوصل لدرجه ايا كانت هى ايه هتكون افضل مما كانت فيه

و دا هو حسن التبعل للزوج المذكور فى الحديث الشريف انه يعادل كل ما فضل به الرجا من جهاد و جماعه و خلافه

فحسن التبعل لا يقتصر على الشكل و لكن هناك التبعل الروحى و التبعل الخلقى و التبعل الفكره

لكن مشكله الكثير من النساء للاسف انها مش بتهتم ببذل كل هذا الجهد الفكرى و الفعلى للتقرب من الزوج رغم ان دا دورها الاساسى و الرئيسى فى الحياه الزوجيه و اى دور اخر يعتبر ثانوى و لكن الايه عند البعض انعكست للاسف فبقى جل الاهتمام بالثانويات و توارى الاهتمام بالاهم

و بيعتبروا ن ورقه الزواج خلاص هى صك الامتلاك الابدى للزوج و مبيحبوش يعترفوا ان الحياه الزوجيه نبته محتاجه على الدوام للرعايه و السقايه و الاهتمام و الا ذبلت على الفور

و ان رمى البذره فى الارض فقط ليس بالكافى لتخرج لنا شجره شامخه فى السماء

خلاصه قولى ان التوافق ان لم يهب لنا يجب ان نسعى بكل طاقتنا لانتزاعه لان الامر يستحق

[عماد حمدي]

تسجيل متابعة .. بإهتمام شديد ،،

[SoSo R]

مساء الجمال عليكم كلكم و خصوصا مصرية حبيبتى صاحبة الموضوع المميز...

لحسن حظكم انى رايقة و فى إحدى الليالى المقمرة الخانقة من الرطوبة و سهرانة و معايا لاب توبى...وقلت بااااااااااس المواضيع اللى انا بحبها...ظهرت

اكتر حاجة لفتت نظرى فى بعض الردود اللى قيتها حيث انى - ايون- ما عنديش خلق اقرا كل ده و ساعتها هازهق و اقوم قبل ما اقرا...

ان الموضوع اسمه ايه الأخطاء اللى المفروض تتجنبها...كووووول الناس كاتبة ايه اللى نعمله عشان ننجح الجواز

يعنى هيا عايزة نيجاتيف و انتوا بتتكلموا بوزيتيف...

ما علينا...

انا هاحكى حكاية ظريفة...و نطلع منها بحاجة من الحاجات اللى مفروض نتجنبها...هما حاجتين...الجهل بالآخر و الأنانية

حكايتنا يا زملائى عن اتنين من أعز اصحابى متربيين مع بعض من و احنا فى ثانوى...البنت اسمها أ و الولد ر..

ر كان معجب ب أ من زمان قوى لدرجة مش قادرة افتكر امتى بالضبط انا عرفت و ادركت...و طبعا عشان انا صاحبتهم هما الأتنين فكنت قريبة من الأحداث نوعا...بس هو عمره ما طلب منى وساطة او تدخل..

كان ر محتفظ بإعجابه اللى باين عليه موت ...لحد سنة قبل نهاية الجامعة...

وجمع كل الشجاعة اللى فى الدنيا عشان يروح يقولها و يطلب منها بس انها تديله كلمة لحد ما يخلص جيش و يكون نفسه و يقدر يتقدم رسمى...أ ما كانتش بتحبه او بتفكر فيه اصلا...اللى عاجبها فى الموضوع انه مشدود ليها بس هيا شايفاه انه ماديا و اجتماعيا غير مناسب بالمرة...فكان ردها قاسى...وهو الرفض لأنه مستقبله مجهول تماما...

طبعا انا كل ده ماعرفش حاجة...لحد ما لاحظت ان ر مش بيسلم عليا خالص و بيتجاهلنى تريبا و فوجئت ان أ صاحبتى عارفة السبب اللى هو انه مجروح جدا ومش عايز يحتك بيها ولا أى حد من تبعها...اللى هو انا..طب انا مالى يا جدعان اساسا؟؟؟

ما علينا..مرت الشهور و الأيام...هما رجعوا يتعاملوا بسطحية...و انا عادى مش فى بالى...و البلاد فرقتنى عنهم و خلاص

بعد سنين كتير و كنت ساعتها سبت مصر...فوجئت ان اختى بتزف لى خبر خطوبة ر و أ !!!! طبعا ذهلت..اتصلت بيها مخصوص اباركلها...و افهم...قالت لى هو ظروفه المادية اتحسنت...واتقدم و فى الناس المقربين من الطرفين اقنعوها انها تعيد تفكير...

سألتها...أ انتى مبسوطة؟؟ ردت مش عارفة!!!

انا كنت فرحانة لهم قوى لأنه بالضبط كدة قعد يحب فيها و يتمناها 10 سنين بالتمام و الكمال.

بس هيا من جواها برضه ما حبتوش. بعد كدة اتجوزوا ...كنت باسألها نفس السؤال...كان ردها انه ساعات آه و ساعات برضه لأ...مش مبسوطة..اقولها إزاى حب السنين ده كله راح فين؟؟ هو قعد مستنى كل ده...تقولى انانى.

عشان ما اطولش عليكم...

اول حاجة...ما تجرحش اللى قدامك..لأن الجرح بيعلم قوى...مهما اعتذرت او قلت..بيفضل فيه مرارة مش بتروح و الجرح بيعلم...فكر فى كل كلمة و فعل قبل ما تقوله عشان مادام خرج منك كلمة او حركة مش هتعرف ترجعها تانى.

ما تبقاش او ما تبقيش انانية...ر انانى لأنه فضل فاكر نفسه لسه عازب...عنده أصحابه و خروجه معاهم اهم من اى حاجة فى الدنيا حتى من مراته اللى هيا حب عمره.

تجنب بأه انك تبقى جاهل باللى قدامك ...حاول تعرفه و تدرسه كويس زى كدة اللى بيذاكر قبل ما يدخل الأمتحان...الناس بتقعد مخطوبة بالسنين و برضه ما بيعرفوش بعض على حقيقتهم....ر قعد يحب أ و مع ذلك ماعرفش عنها إنها ناشفة و غير عاطفية فى ردود افعالها إلا بعد الجواز.

و هيا ماعرفتش إن شلته دى اهم منها شخصيا برضه إلا بعد الجواز.

وممكن ابقى ارجع اكمل تانى لو مصرية هانم سمحتلى

تحياتى

[ssamir]

موضوع جميل جدا خصوصا للمقبلين علي الجواز

انا قريته و قلت اعمل ريفرس انجينيرينج للموضوع و اشوف اخد منه ايه يفيدني

لقيت نقط كتيرة قوي

انا يمكن كنت مركز شويه انا عايز ايه

بس اللي هتشاركني دي هي عايزة ايه كمان

مفيش عطاء من غير مقابل

لازم الواحد قبل ميطلب حاجه يشوف هو مقدم ايه و رصيدة عند التاني كام

لانه ممكن يسحب من رصيدة لغايه ميبقي بالمينس

[لماضة مصرية جدا]

السلام عليكم و رحمة الله و بركاته

هو الموضوع اتردم ليه يا خلق؟؟؟

طب انا داخلة اقول

اعمل عبيط

معرفشي دي يبقي اسمها مثلا خطا تتجنبه و لا توكنيك تمشي عليه و لا اسلوب حياة و لا ايه بالظبط

بس خبرة شفتها و حبيت انقهالكم

اوقات كتير

مش لازم نبقي قاعدين مركزين لبعض

مهم كتير ان الواحد يعمل عبيط

او بيستعبط

و يا سلام بقي لو هو اصلا وشه طفولي و بعدين يركب كمان علامات الهبل

يبقي ميت فل و عشرة

مش لازم نركز في بعض اوي

احنا مش ملايكة

و هذا الكائن الانوي...ليه عيوب منيلة بنيلة(لمؤلخذة يعني) و انا شرحه...(ما جمع الا ما وفق الصراحة)....مافيش حد فينا احسن من التاني و طالما ارتضينا نركب المركبة دي

يبقي في لحظات كتير ابقي

اعمل عبيط

هذا و بالله التوفيق

صباحكم.......مراكب نفسنا ترسي علي بر

[لماضة مصرية جدا]

سلام على كل الاعضاء ..لفت انتباهي الموضوع وحبيت ادلي بدلوي ...بما اني من الجماعة اللي ما زالت تقاوم الامواج في بحر الظلمات الهائج اللي اسمه الزواج ..والحمد لله على ...كل حال ..طبعا تعديت العشرين سنة(قي زواجي وفي رايي اكتر ما يضايق الزوجة ان الزوج مايقدر تضحية زوجته وتعبها في العمل او الوظيفة حتى يوفروا للاولاد حياة كريمة ..كمان لو حست بانانية الزوج وعدم تفكيره في مشاعرها كما تراعيه هي ..يعني لما ينتقد فيها بقسوة ..لانه بيعتقد ان كل النساء في الدنيا حساسة ما عدا زوجته .. ويبخل عليها بجولة حتى لو بالسيارة لساعة ..لما تكون مكتئبة ...شوفوا طريقة اي رجل في الكلام مع اي سيدة غريبة والفرق لو بيكلم مراته نفس الموضوع ...ليه الرقة والادب والكلمات المنمقة مع الكل الا الزوجة المسكينة .. ... ) ..

السلام عليكم و رحمة الله و بركاته

طنط ام محمد

اهلا و سهلا بحضتك معانا

ارمي حمولك هنا هوت...و سيبك من البحر الهائج ده بتاع الجواز

كلام حضرتك حقيقي جدا

و للاسف بيوجع جدا في نفس الوقت

و بسمع نفس الشكوي تقريبا من المحيطين بيا

لدرجة واحدة صاحبتي جوزها استشاري موارد بشرية لما جالها عقد للشغل بتقوله بصلي علي العقد و قولي اتصرف فيه ازاي

قالها اقريه لوحدك و خدي قرارك مع نفسك

في حين

ان احنا هنا في غربة

و لو اي حد او حداية طلبوا منه نفس الطلب...بتقولي انه ممكن يوصل بيه الحال انه يروح بنفسه يسال "للغريب" في مكتب العمل و العمال

الموضوع ده اسمه ببساطة

dealing with the wife as taken for granted

يعني دايما بيجي علي الزوجة اللي المفروض انها اقرب اناس ليه كانها امر مسلم بيه

يعني هي دايما موجودة

و هي دايما بتستحمل

و هي دايما الحلقة الاضعف

المشكلة الحقيقية ان الست نفسها تدريجيا بتلاقي انها بطلت تحس حتي بمشاعر الضيق اةو الغضب من التصرفات دي

و يوم ما تنفجر بتكون بتنفجر لسبب تاني خالص مع انها في الحقيقة عمالة تخزن جواها

مقدرشي اقول ان عندي حل للموضوع ده...(معنديش تجربة حياتية تقدر توازي تجربة حضرتك)

لكن اللي اقدر اقوله اني ك "لماضة" قبل الجواز مقبلشي علي نفسي اني اتاخد كامر مسلم بيه

و بعد الجواز هفضل باذن الله زي ما انا

فيه مربع لازم يكون ليا

لو هو مقدرشي يملاه

انا اقدر املاه لنفسي

و ان كنت ساعتها هسال نفسي

اومال انا اصلا اتجوزت ليه...طالما انا اقدر احس الرضا و السعادة مع حالي من غير شريك

و ع العموم دي وجهة نظر

و لكي مني كل التحية و مستنين خبراتك حضرتك

صباح حضرتك.....تجارب.....انسانية جدا

[لماضة مصرية جدا]

تجنب بأه انك تبقى جاهل باللى قدامك ...حاول تعرفه و تدرسه كويس زى كدة اللى بيذاكر قبل ما يدخل الأمتحان...الناس بتقعد مخطوبة بالسنين و برضه ما بيعرفوش بعض على حقيقتهم....ر قعد يحب أ و مع ذلك ماعرفش عنها إنها ناشفة و غير عاطفية فى ردود افعالها إلا بعد الجواز.

و هيا ماعرفتش إن شلته دى اهم منها شخصيا برضه إلا بعد الجواز.

وممكن ابقى ارجع اكمل تانى لو مصرية هانم سمحتلى

تحياتى

بالنوسبة لحكاية رضوان و امينة يا كابتشن سيسو :P

طب مش قبل ما تبذل مجهود انك تعرف اللي قدامك طب مش نفسك اولي

انا شايفة في القصة اللي انتي حكتيها يا سوسو ان اصلا البنت كانت "جاهلة" بس بنفسها مش بالطرف الاخر في حين ان الطرف التاني "فاهم" نفسه كويس اوي و عارف هو عايز ايه لا وب العكس كمان فضل يسعي ليه طول السنين ديت

بنتنا امينة بقي

هي مش عارفة هي عايزة ايه و بالتالي كانت بتدور في اتجاه بعيد عن اتجاه الشاب دوت...و في مرحلة ما "استخسرت" حكاية الحب و قبلت بالجواز مع انها هي مش عارفة هي عايزة ايه من الجواز اصلا

هي عايز تتحب

و لا عايزة تحب

و لا عايزة تاخد اللقب في المجتمع

و لا عايزة تخلف

و لا عايزة ايه بالظبط

و علشان كده هي بعد كل السنين دي هي تايهة و مش سعيدة

في حين انه هو من البداية هو "اناني" ايوة علشان فهم نفسه الاول و بالنسبة ليه انه فهم هو "عايز" يحبها و حبها فعلا

و بعديه هو "عايز" يتجوزها...و اتجوزها فعلا

و بعد كده هو "عايز" يعيش حياة حقيقية بين الاصدقاء و الاعيلة

و بيعيشها فعلا

كل ده و هي واقفة تتفرج عليه من ورا القزاز

و يوم ما لامت برضه ابتدت تلوم طرف تاني علشان متلومشي نفسها

السؤال

هي عايزة ايه

عايزة تكمل اهي عيشة و السلام....حتي في ده تحاول تستمتع

هي عايزة تحبه.....ايه اللي يمنعها

هي عايزة....تسال نفسها انا اتجوزته اصلا ليه...برضه محدش راح يجاوب بدالها عن السؤال

هي محتاجة تفسهم نفسها من "عمر" فات

بس برضه لسه العمر اللي جاي فيه فرصة تفهم نفسها

ع فكرة انا يمكن قاسية عليها

بس لاني بقسي علي نفسي

و مبحبش اكون الحلقة الاضعف في اي موقف ف الحياة عموما

و بقي عندي قناعة بتزيد يوم عن التاني

ان حياتك..."قرارك" انتي مش لازم افضل "رد فعل" لقرارت ناس تانية...(و ده بتوفيق ربنا في الاول و الاخر)

و دي وجهة نظري

صباحك......نور...يوصلك من هنا لغاية كنكا

[ام محمد]

سلام على كل الاعضاء ..لفت انتباهي الموضوع وحبيت ادلي بدلوي ...بما اني من الجماعة اللي ما زالت تقاوم الامواج في بحر الظلمات الهائج اللي اسمه الزواج ..والحمد لله على ...كل حال ..طبعا تعديت العشرين سنة(قي زواجي وفي رايي اكتر ما يضايق الزوجة ان الزوج مايقدر تضحية زوجته وتعبها في العمل او الوظيفة حتى يوفروا للاولاد حياة كريمة ..كمان لو حست بانانية الزوج وعدم تفكيره في مشاعرها كما تراعيه هي ..يعني لما ينتقد فيها بقسوة ..لانه بيعتقد ان كل النساء في الدنيا حساسة ما عدا زوجته .. ويبخل عليها بجولة حتى لو بالسيارة لساعة ..لما تكون مكتئبة ...شوفوا طريقة اي رجل في الكلام مع اي سيدة غريبة والفرق لو بيكلم مراته نفس الموضوع ...ليه الرقة والادب والكلمات المنمقة مع الكل الا الزوجة المسكينة .. ... ) ..

السلام عليكم و رحمة الله و بركاته

طنط ام محمد

اهلا و سهلا بحضتك معانا

ارمي حمولك هنا هوت...و سيبك من البحر الهائج ده بتاع الجواز

كلام حضرتك حقيقي جدا

و للاسف بيوجع جدا في نفس الوقت

و بسمع نفس الشكوي تقريبا من المحيطين بيا

لدرجة واحدة صاحبتي جوزها استشاري موارد بشرية لما جالها عقد للشغل بتقوله بصلي علي العقد و قولي اتصرف فيه ازاي

قالها اقريه لوحدك و خدي قرارك مع نفسك

في حين

ان احنا هنا في غربة

و لو اي حد او حداية طلبوا منه نفس الطلب...بتقولي انه ممكن يوصل بيه الحال انه يروح بنفسه يسال "للغريب" في مكتب العمل و العمال

الموضوع ده اسمه ببساطة

dealing with the wife as taken for granted

يعني دايما بيجي علي الزوجة اللي المفروض انها اقرب اناس ليه كانها امر مسلم بيه

يعني هي دايما موجودة

و هي دايما بتستحمل

و هي دايما الحلقة الاضعف

المشكلة الحقيقية ان الست نفسها تدريجيا بتلاقي انها بطلت تحس حتي بمشاعر الضيق اةو الغضب من التصرفات دي

و يوم ما تنفجر بتكون بتنفجر لسبب تاني خالص مع انها في الحقيقة عمالة تخزن جواها

مقدرشي اقول ان عندي حل للموضوع ده...(معنديش تجربة حياتية تقدر توازي تجربة حضرتك)

لكن اللي اقدر اقوله اني ك "لماضة" قبل الجواز مقبلشي علي نفسي اني اتاخد كامر مسلم بيه

و بعد الجواز هفضل باذن الله زي ما انا

فيه مربع لازم يكون ليا

لو هو مقدرشي يملاه

انا اقدر املاه لنفسي

و ان كنت ساعتها هسال نفسي

اومال انا اصلا اتجوزت ليه...طالما انا اقدر احس الرضا و السعادة مع حالي من غير شريك

و ع العموم دي وجهة نظر

و لكي مني كل التحية و مستنين خبراتك حضرتك

صباح حضرتك.....تجارب.....انسانية جدا

صباحك ورد واريج الزهور ...اهنيكي على اسلوبك الجميل والاكثر من رائع ...وماشاء الله زي نحلة العسل من كل زهرة شوية ...في كل المواضيع بلافي ردودك الحلوة وخبرتك الواسعة واكبر من سنك بكتير ..وعلى الفكرة الخبرة تكتسب ليس فقط بالتجربةالشخصية ولكن بالاحتكاك بنجارب الاخرين واخذ العبرة والاستفادة من اخطائهم وتجنبها ..وانت من الناس اللي بيعجبني طريقة تفكيرك ..

رد على كلامك السابق ..انك لا تفبلي ان تكوني امر مسلم بيه ...هنا تكمن المشكلة ..البنت اللي عقلها بيشتغل كويس ..وبتحلل الامور ,,ونسبة ذكاءها عالية وبتفهم عالطاير ...للاسف بتتعب ...لانها بتكون تعودت على ان تفكيرها ورايها يؤخذبيه واللي حواليها ..الها يعتمدوا على كلامها ومشورتهاوفجأة ييجي زوجها ولا يقدر لها ذلك ويهملها او يتجاوزها في بعض الامور او حتى يخبي عنها ولا يشركها في اشياء تهم الاسرة اكيد هي حتزعل اوي وتبفى مشكلة ....وحاجة تانية لما تكون البنت كان لها فيمة كبيرة عند ابويهايعني معتزة بنفسها ..وحساسة كمان لو زوجها لم يراعي ذلك في معاملتها ...تبدأ تتاثر من اي موقف .....وممكن ما تعبر عن الها وجرح مشاعرها فتبدا الصدمات دي تتحول عندها لبركان داخلي ...ممكن يتحول لمرض عضوي حتى ....

والحل انت وصلتي له في المداخلة اللي قبل كده ....يعمل عبييييط ..عشان المراكب تسييير...والله انا بتمنى لك تلاقي ابن الحلال اللي يستاهلك .......وما عليك من كل المنغصات اكيد بتبقى فيه امور ايجابية وهي الاولاد ورعايتهم دي فطرة انك تحولي تربيهم وتحققي ما لم تستطيعي تحقيقه لنفسك ....دمت برعاية الله وحفظه

[مغتربة]

اعتقد ان اهم شىء فى الزواج هو الجاذبيه بين الطرفين لابد ان يكون كل طرف عنده جاذبيه للطرف الاخر وكلما قلت الجاذبيه لابد لهما من اعادة شحنها والا فلن تنجح الحياه

اعرف ناس كتير قوى تزوجوا زواج تقليدى جدا زى اغلبنا يعنى ومع انهم سنهم صغير فى العشرينات ومع ذلك بدأوا يستعملوا مبدأ احنا عايشين مع بعض علشان خاطر العيال ( الحياه المميته ) فى وجهة نظرى فلماذا اعيش اذا كنت قد كتبت على حياتى النهايه

يتبع ....

عنبو

لان الموضوع مهم جدا خلينا ندوس فيه شويه كمان للاعمق

يعنى عاوزين نتكلم فى تحديدات اكتر شويه بدل الكلام فى العموميات

و اسمحلى استاذ عنبو ان انا ابدا بحضرتك الدعوه دى

يعنى حضرتك بتقول ان اهم حاجه هى الجاذبيه بين الطرفين

دا كلام جميل

لكن ممكن تشرح لنا شويه معنى الجاذبيه

من وجهه نظرك

بس باستفاضه شويه

يعنى مثلا ايه اكتر حاجه بتجذب الشاب فى الفتاه الى قدامه ( بعيدا طبعا عن النواحى الجماليه )

يعنى مثلا ايه الطباع الى يحب انها تكون فيها

ايه اسلوب الكلام الى يحب انها تستخدمه فى الحوار معاه

يحب البنت الى تتقل و لا البنت الى تبين مشاعرها

اكيد الاراء بتختلف و كل شخص بيختلف عن التانى فى الموضوع دا

لكن ممكن حضرتك تقولنا من وجهه نظرك و برضه الشباب يشاركوا و يقولونا

اكيد برغم الاختلاف هيكون فى نقاط مشتركه نقدر نقول ان دى هى اكتر حاجه بيكون عايوها الشاب فى فتاه احلامه

انا بدات بحضرتك لكن الدعوه عامه لكل الشباب :)

احكيلنا بتفصيل شويه ايه الى انت عاوزه فى شريكه حياتك اكتر حاجه مع تجنيب المواصفات الشكليه و المهارات المنزليه

انا ليه بسال السؤال دا لانه جزء من فكره الموضوع الى بناقشه

لان باختصار فى بنات كتير بتكون مش عارفه خطيبها او زوجها عايز منها ايه

ساعات بيكون متوع منها حاجات و هى مش اخده بالها او مش فهمه او مش عارفه

فلو جمعنا الحاجات دى من وجهات نظر متانوعه و بعدين طلعنا المتشابهه بنهم

اكيد هتكون نصيحه مهمه لكل زوجه انها تاخد بالها منها فى تعاملها مع زوجها

[مغتربة]

اعتقد ان اهم شىء فى الزواج هو الجاذبيه بين الطرفين لابد ان يكون كل طرف عنده جاذبيه للطرف الاخر وكلما قلت الجاذبيه لابد لهما من اعادة شحنها والا فلن تنجح الحياه

اعرف ناس كتير قوى تزوجوا زواج تقليدى جدا زى اغلبنا يعنى ومع انهم سنهم صغير فى العشرينات ومع ذلك بدأوا يستعملوا مبدأ احنا عايشين مع بعض علشان خاطر العيال ( الحياه المميته ) فى وجهة نظرى فلماذا اعيش اذا كنت قد كتبت على حياتى النهايه

يتبع ....

عنبو

لان الموضوع مهم جدا خلينا ندوس فيه شويه كمان للاعمق

يعنى عاوزين نتكلم فى تحديدات اكتر شويه بدل الكلام فى العموميات

و اسمحلى استاذ عنبو ان انا ابدا بحضرتك الدعوه دى

يعنى حضرتك بتقول ان اهم حاجه هى الجاذبيه بين الطرفين

دا كلام جميل

لكن ممكن تشرح لنا شويه معنى الجاذبيه

من وجهه نظرك

بس باستفاضه شويه

يعنى مثلا ايه اكتر حاجه بتجذب الشاب فى الفتاه الى قدامه ( بعيدا طبعا عن النواحى الجماليه )

يعنى مثلا ايه الطباع الى يحب انها تكون فيها

ايه اسلوب الكلام الى يحب انها تستخدمه فى الحوار معاه

يحب البنت الى تتقل و لا البنت الى تبين مشاعرها

اكيد الاراء بتختلف و كل شخص بيختلف عن التانى فى الموضوع دا

لكن ممكن حضرتك تقولنا من وجهه نظرك و برضه الشباب يشاركوا و يقولونا

اكيد برغم الاختلاف هيكون فى نقاط مشتركه نقدر نقول ان دى هى اكتر حاجه بيكون عايوها الشاب فى فتاه احلامه

انا بدات بحضرتك لكن الدعوه عامه لكل الشباب :)

احكيلنا بتفصيل شويه ايه الى انت عاوزه فى شريكه حياتك اكتر حاجه مع تجنيب المواصفات الشكليه و المهارات المنزليه

انا ليه بسال السؤال دا لانه جزء من فكره الموضوع الى بناقشه

لان باختصار فى بنات كتير بتكون مش عارفه خطيبها او زوجها عايز منها ايه

ساعات بيكون متوع منها حاجات و هى مش اخده بالها او مش فهمه او مش عارفه

فلو جمعنا الحاجات دى من وجهات نظر متانوعه و بعدين طلعنا المتشابهه بنهم

اكيد هتكون نصيحه مهمه لكل زوجه انها تاخد بالها منها فى تعاملها مع زوجها

لو الفاضله مصريه متغربه

شافت ان دا هيبعت شويه عن فكره موضوعها

افتح بيه موضوع مستقل مفيش مشكله

[عبير يونس]

عشان ما اطولش عليكم...

اول حاجة...ما تجرحش اللى قدامك..لأن الجرح بيعلم قوى...مهما اعتذرت او قلت..بيفضل فيه مرارة مش بتروح و الجرح بيعلم...فكر فى كل كلمة و فعل قبل ما تقوله عشان مادام خرج منك كلمة او حركة مش هتعرف ترجعها تانى.

آه يا سوسو لو تعرفي الحتة دي عملت فيا ايه

انفجرت في بكاء هيستيري

و لازلت بأبكي و أنا بأكتب

و كأن كلامك رسالة من السماء

طول عمري أنانية و بحب نفسي

و انتصر لها على طول الخط

و يا ما جرحت ناس و دبحتهم دبح

بدم بارد

و أولهم زوجي

انا مش دبحته

انا خليته أشلاء

و المهم اني دايما ما بأجرحش غير اللي بحبهم

و اللي يستاهلوا الدبح بجد بأضحك في وشهم

نوع من التسلط و عمى القلب

انا بحبك

يبقى انت بتاعي

أعمل فيك اللي أعمله و لازم تستحمل

و المصيبة انهم بيفضلوا معايا مهما استاءوا من جرحي ليهم

ملقتش حد يشكمني

و يفهمني ان ده مش مقبول

يعني تبقي بتنجرحي و قاعدة مع اللي بيجرحك و مش عايزة تسيبيه

ده زوجي مش أنا على فكرة

و قعدت سنين طويلة قال فاكرة ان هو اللي بيجرحني و أنا صابرة

حاجة تضحك مش كده؟؟؟!!!

بس ضحك أسود مر

ملوش طعم

أهم خطأ بنقع فيه

ان عينينا دايما على الطرف الآخر

نراقبه و نفحصه طول الوقت

و مفيش مرة

نحاول نخطف بصة على أنفسنا من الداخل

لنرى كل الموبقات اللي في الدنيا بحالها

لو كل واحد شغل نفسه بنفسه

ازاي يقوّمها و يؤدبها

و لا ينتصر لها عمّال على بطّال

أكيد مشاكل كتير حتختفي من حياتنا

[pink rose]

من الحاجات الللي المفروض نتجنبها عشان الزواج يكون ناجح

اياك/ي حاجه تشغلك عن الطرف التاني و تبديها عليه

مثال

الزوج:الوقت بيسرقه في شغله و دا بيجني على حق الزوجة و الادولاد فيه

الزوجة: الاهتمام بالاولاد على حساب الزوج شئ يضايق جدا

حاجه كمان

لو اعتبر الزوجين الحب اللي بينهم وردة

هما الاتنين مسؤولين عن رعايتها

كل واحد فيهم مسؤول عن حاجه فيها

مثلا كل واحد عليه يوم انه يسقيها

لو واحد فيهم قام بالواجب اللي عليه و التاني لأ

المصير الحتمي للوردة انها هاتموت لانها محتاجة لرعاية الطرفين

اياك/ي تهمل/ي واجبك ناحية الوردة

[م تيمور المراغي]

اعمل عبيط

معرفشي دي يبقي اسمها مثلا خطا تتجنبه و لا توكنيك تمشي عليه و لا اسلوب حياة و لا ايه بالظبط

بس خبرة شفتها و حبيت انقهالكم

اوقات كتير

مش لازم نبقي قاعدين مركزين لبعض

مهم كتير ان الواحد يعمل عبيط

او بيستعبط

برافو يا لماضة ده معنى حاولت اعبر عنه بس انتي تعبيرك احسن

لازم فتوت مره واتنين بس اوعى تفوت الثالثة ,,

يعني حافظ على النسبة الذهبية 1:2

اتغلب بمزاجك مره

ومره

ومره

ثم انتصر !

[SoSo R]

تجنب بأه انك تبقى جاهل باللى قدامك ...حاول تعرفه و تدرسه كويس زى كدة اللى بيذاكر قبل ما يدخل الأمتحان...الناس بتقعد مخطوبة بالسنين و برضه ما بيعرفوش بعض على حقيقتهم....ر قعد يحب أ و مع ذلك ماعرفش عنها إنها ناشفة و غير عاطفية فى ردود افعالها إلا بعد الجواز.

و هيا ماعرفتش إن شلته دى اهم منها شخصيا برضه إلا بعد الجواز.

وممكن ابقى ارجع اكمل تانى لو مصرية هانم سمحتلى

تحياتى

بالنوسبة لحكاية رضوان و امينة يا كابتشن سيسو :P

طب مش قبل ما تبذل مجهود انك تعرف اللي قدامك طب مش نفسك اولي

انا شايفة في القصة اللي انتي حكتيها يا سوسو ان اصلا البنت كانت "جاهلة" بس بنفسها مش بالطرف الاخر في حين ان الطرف التاني "فاهم" نفسه كويس اوي و عارف هو عايز ايه لا وب العكس كمان فضل يسعي ليه طول السنين ديت

بنتنا امينة بقي

هي مش عارفة هي عايزة ايه و بالتالي كانت بتدور في اتجاه بعيد عن اتجاه الشاب دوت...و في مرحلة ما "استخسرت" حكاية الحب و قبلت بالجواز مع انها هي مش عارفة هي عايزة ايه من الجواز اصلا

هي عايز تتحب

و لا عايزة تحب

و لا عايزة تاخد اللقب في المجتمع

و لا عايزة تخلف

و لا عايزة ايه بالظبط

و علشان كده هي بعد كل السنين دي هي تايهة و مش سعيدة

في حين انه هو من البداية هو "اناني" ايوة علشان فهم نفسه الاول و بالنسبة ليه انه فهم هو "عايز" يحبها و حبها فعلا

و بعديه هو "عايز" يتجوزها...و اتجوزها فعلا

و بعد كده هو "عايز" يعيش حياة حقيقية بين الاصدقاء و الاعيلة

و بيعيشها فعلا

كل ده و هي واقفة تتفرج عليه من ورا القزاز

و يوم ما لامت برضه ابتدت تلوم طرف تاني علشان متلومشي نفسها

السؤال

هي عايزة ايه

عايزة تكمل اهي عيشة و السلام....حتي في ده تحاول تستمتع

هي عايزة تحبه.....ايه اللي يمنعها

هي عايزة....تسال نفسها انا اتجوزته اصلا ليه...برضه محدش راح يجاوب بدالها عن السؤال

هي محتاجة تفسهم نفسها من "عمر" فات

بس برضه لسه العمر اللي جاي فيه فرصة تفهم نفسها

ع فكرة انا يمكن قاسية عليها

بس لاني بقسي علي نفسي

و مبحبش اكون الحلقة الاضعف في اي موقف ف الحياة عموما

و بقي عندي قناعة بتزيد يوم عن التاني

ان حياتك..."قرارك" انتي مش لازم افضل "رد فعل" لقرارت ناس تانية...(و ده بتوفيق ربنا في الاول و الاخر)

و دي وجهة نظري

صباحك......نور...يوصلك من هنا لغاية كنكا

مساء الجمال كابتن لماضة...بصى حضرتك الأتنين جاهلين ببعض...هو ما شافش منها غير الشاب المراهق بتاع ثانوى لما بيحب بنت الجيران او اللى بؤتاخد معاه درس...مش معنى كلامى انها مش كويسة ...بالعكس البنت محترمة و من عيلة كويسة ومؤدبة جدا..بس الجواز بصيغة الأرتباط الأبدية محتاجة حاجات أعمق من كدة بمراحل...محتاج يبصلها و يعرف فيها حاجات كتير قوى عشان يقدر يقرر انه يكمل مشوار حياته مع الشخص ده..

بالنسب هيا اتجوزته ليه...للأسف هيا عملت غلطة بيعملها بنات كتير...ركنته ع الرف ...وقالت أهو موجود ...يمكن يجيلى حاجة احسن...ماديا او اجتماعيا...بس ما حصلش النصيب...ودى النقطة اللى بحكى عنها..الجرح اللى بيعلم..تفتكرى هو هينسى انها رفضته اكتر من مرة...انها خليته استبن لو ما جاش اللى احسن منه؟؟حتى لو ما قالهاش صريحة..هتفضل معلمة جواه.

فى جملة كنت بقولها لنفسى دايما...الزوج او الزوجة ...لو ربنا ادانا عمر هنقضى معاهم سنين اكتر من اللى عشناها فى بيت اهلنا...لو كان الأختيار على ما تفرج ..يبقى كدة اتحكم علينا بجحيم باقى العمر...يا إما الأنفصال...يا إما اهو ادينا بنربى العيال و خلاص...لكن طعم الحياة فين...فين لذة العشرة و المشوار اللى ممكن نكمله و نتسند على بعض لحد ما ربنا ياخد وديعته؟؟

الأجانب هنا ما عندهمش مبدأ نعيش عشان نربى العيال...بحس احنا بنتلذذ فى تعذيب نفسنا ...و نحس ان احنا بنضحى...وكدة

[SoSo R]

عشان ما اطولش عليكم...

اول حاجة...ما تجرحش اللى قدامك..لأن الجرح بيعلم قوى...مهما اعتذرت او قلت..بيفضل فيه مرارة مش بتروح و الجرح بيعلم...فكر فى كل كلمة و فعل قبل ما تقوله عشان مادام خرج منك كلمة او حركة مش هتعرف ترجعها تانى.

آه يا سوسو لو تعرفي الحتة دي عملت فيا ايه

انفجرت في بكاء هيستيري

و لازلت بأبكي و أنا بأكتب

و كأن كلامك رسالة من السماء

طول عمري أنانية و بحب نفسي

و انتصر لها على طول الخط

و يا ما جرحت ناس و دبحتهم دبح

بدم بارد

و أولهم زوجي

انا مش دبحته

انا خليته أشلاء

و المهم اني دايما ما بأجرحش غير اللي بحبهم

و اللي يستاهلوا الدبح بجد بأضحك في وشهم

نوع من التسلط و عمى القلب

انا بحبك

يبقى انت بتاعي

أعمل فيك اللي أعمله و لازم تستحمل

و المصيبة انهم بيفضلوا معايا مهما استاءوا من جرحي ليهم

ملقتش حد يشكمني

و يفهمني ان ده مش مقبول

يعني تبقي بتنجرحي و قاعدة مع اللي بيجرحك و مش عايزة تسيبيه

ده زوجي مش أنا على فكرة

و قعدت سنين طويلة قال فاكرة ان هو اللي بيجرحني و أنا صابرة

حاجة تضحك مش كده؟؟؟!!!

بس ضحك أسود مر

ملوش طعم

أهم خطأ بنقع فيه

ان عينينا دايما على الطرف الآخر

نراقبه و نفحصه طول الوقت

و مفيش مرة

نحاول نخطف بصة على أنفسنا من الداخل

لنرى كل الموبقات اللي في الدنيا بحالها

لو كل واحد شغل نفسه بنفسه

ازاي يقوّمها و يؤدبها

و لا ينتصر لها عمّال على بطّال

أكيد مشاكل كتير حتختفي من حياتنا

هونى على نفسك يا مصرية..اكتشاف الغلط هو اول وسائل حله...

الأنانية و حب التملك و حبس الشريك فى قفص دهبى زى ما بيقولوا اكتر غلطة بتحصل فى اول الجواز...و مبدأ انا بحبه يبقى بتاعى و اعمل فيه اللى انا عايزه...

الجرح اللى بيعلم ممكن تعوضى عنه مادام ادركتى الغلط فين

انا بشبه الجواز بالحساب البنكى..

كل واحد بيعمل حاجات معينة عشان يبقى له كريديت عند الطرف التانى...و بعدين لما يغلط فى حقه...بيسحب من الكريديت ده...ماهو مافيش حد ما بيغلطش

المشكلة بقى لو الكريديت خلص ...و السحب بقى ع المكشوف...

بيبقى عامل زى الضغط ...اللى بيؤدى للأنفجار..

اوعى حد يسحب ع المكشوف...

زود الكريديت بتاعك على ما تقدر...

حاجات بسيطة و لمحات ظريفة بيبقى ليها معانى وتأثير و كريديت زى ما قلت..

تعالى يا بتش يا لماضة ...هاتى شوية أفكار خزعبلية من بتوعك بس غير قصاقيص العشاق بتاعتك..لأن اى واحدة هتدى جوزها ورقة هتبقى بتاعة الطلبات...وش واحد بيطلع لسانه

او هو هياخدها و يكتب عليها حاجة و يرميها من غير ما يقراها أشاسا

صباحك قصاقيص من ناس بتحبيهم....هه أنفع اعمل زيك!!!

ال

[ذهبية]

العدو الاول للزواج الملل ثم الملل ثم الملل

خلاص فهمتو بعض و عرفتوة امتى بيتزعلوا و بتتبسطوا عرفتوا رد افعالكم و عرفتوا وجة نظركم فى

الحياة اصلها لا هى معضلة و لا عملية حسابية صعبة انك تفهم الطرف الللى قدامك

المشكلة انك تتاقلم مع الشخصية دى و تتقبلها بميزتها و عيوبها

زى ما هو هيتقبلك

بعد الاعتراف بالامر الواقع بتلاقى حاجة كدة طبقت على حياتكم اسمها الملل يعنى كل شىء ملوش معنى احلى حاجة فى الدنيا

لما يجى لك هدية مقفولة بتبقى هتموت و تعرف فيها اية و يتملك احساس المغامرة و الفرحة و الشوق العلبة دى فيها ايةةةة

لما تفتح بقى العلبة و تعرف ان فيها فيل زى الفيلم ما خلاص عرفت اللى فيها مش هتهتم تفتحها تانى

يبقى نعمل اية ؟؟

التغير لازم تتعلم انك تغير حياتك علشان لازم تستمع بيها يبقى لازم يكون فية جديد

يبقى الزوجة كل فترة تغير من كل حاجة فيها من شكلها لاسلوبها لطموحها والزوج كمان يكون لية

مفاجات غير متوقعة

يعنى هدية بدون مناسبة

رحلة لمكان عمرنا ما روحنا فية

اكلة جديدة مش متوقعها ديكور بيت على ذوقك كل يوم تغيرى حتة فية

لازم كل يوم يجى ماشى فىالطريق بيفكر مراتى عاملة اية ليا النهاردة

كونى لة الفصول الاربعة

صيف شتا خريف ربيع

الانسان خلق ملول علشان كدة ربنا خلق لنا التنوع فى الفاكهة فى الالوان و فصول السنة

ذكاء اى رجل و امراءة تعرف امتى تتغير و امتى تكون كل يوم بلون جديد

[ViralMind]

الموضوع ده جميل قوى و عايز استقراه من الاول على رواقة :closedeyes:

انا عايز بس استفتح بحاجة...

ابشع خطأ فى رأيى الشخصى هو الخطأ فى الاختيار نفسه.. اختيار المزة اللى الواحد قرر يعيش معاها بقية عمره..

لكن اى اخطاء اخرى لن تعنى اى شىء فى حال تجنبها.. طالما ان اساس الاختيار كان خاطىء و منيل بستين نيلة!

بصراحة بندهش قوى انى اشوف بعض اصحابى بدأوا يطلسئوا فى جوازهم.. و يروحوا يرموا نفسهم فى جوازات الصالونات مع انهم لسه شباب يعنى - 24 و 25 سنة..

ايه اللى يجبرنى اصلا انى اعيش مع حد انا مش متوافق معاه.. ولا افكارى او مبادئى زى افكاره و مبادئه؟ هو احنا هنعيش كام مرة يا عم الحاج؟ :closedeyes:

ان ماكانش الواحد راضى تمام الرضا عن الشخص اللى هيعيش معاه.. يبقى بلاش منها احسن.. و شيل ده من ده يرتاح ده عن ده ههههههههههه

زى ما قلت.. الفكرة كلها هى التوافق فى الاخلاق و المبادىء و الافكار... اما بقى المستوى المادى او الاجتماعى او اى حاجة تانية مش مهم...

يعنى انا و مراتى مختلفين فى حاجات كتير.. و لكن اسلوب تفكيرنا واحد.. و اسلوب تعاملنا مع الامور واحد.. و مبادئنا واحدة...

احب اضيف نقطة الطموح..

التوافق فى الطموح مهم جدا..

لو واحد طموح جدا و اتجوز واحدة كل حلمها انها تتستت فى شقة اوضتين و صالة :egyflag: يبقى الجوازة دى هتبوظ..

و لو واحدة طموحة جدا... و عايزة تجرى بحياتها و تستغل وقتها.. فى حين انها اتجوزت حد مثلا يكون كسول او بطىء فى حياته و ماشى بالعافية و مش فارقة معاه يتقدم او ميتقدمش.. برضه الدنيا هتبقى ضايعة.

تم تعديل 21 يوليو 2011 بواسطة ViralMind

[ViralMind]

انا بصراحة بقى خلاص قفشت فى الموضوع ده كإنى لقيت لقية :lol:

فيه نقط كتير قوى عايز اتكلم فيها..

و كلها من مشاهداتى القليلة نسبيا اللى شفتها فى حياة الناس التانيين..

زى مثلا.. ساعات بشوف اتنين متجوزين بس كإنهم اغراب عن بعض..

يعنى لما تقعد مع واحد مثلا و يتكلم عن مراته كإنها واحدة غريبة او كإنه ميعرفهاش.. بتحصلى صدمة بصراحة.

الغربة دى بتحصل ليه و منين؟

ربنا سبحانه و تعالى يقول فى القرآن الكريم:

هُنَّ لِبَاسٌ لَّكُمْ وَأَنتُمْ لِبَاسٌ لَّهُنَّ

التعبير ده بصراحة هو اقوى و اعجز تعبير عن ان العلاقة الزوجية هى اقوى علاقة فى العلاقات الانسانية..

حد فاهم حاجة :closedeyes:

يعنى كإن الاتنين المتجوزين دول شخص واحد بالظبط..

هستفيض اكتر فى المداخلات الجاية ان شاء الله.

[لماضة مصرية جدا]

تعالى يا بتش يا لماضة ...هاتى شوية أفكار خزعبلية من بتوعك بس غير قصاقيص العشاق بتاعتك..لأن اى واحدة هتدى جوزها ورقة هتبقى بتاعة الطلبات...وش واحد بيطلع لسانه

او هو هياخدها و يكتب عليها حاجة و يرميها من غير ما يقراها أشاسا

صباحك قصاقيص من ناس بتحبيهم....هه أنفع اعمل زيك!!!

ال

ايوة يا معنمي

فكاكير لايه تحديدا

فكاكير...كيف تستولين علي مصروف البيت واحدة واحدة من غير ما يحس

و لا فكاكير تعالي يا عزيزي خود غطس في الانجليزي

و لا فكاكير....عشرين خطوة هنية...عشان متبقيش زي تامر و شوقية

انتي خليني احط ايدي علي السؤال و انا ااقول علي طول

صباحك.....(وش مورسي الزناتي و هو عامل نفسه مركز يعني)