أخطاء تجنبها لإنجاح زواجك

[Howayda Ismail]

اليوم جئت لأحكي تجربة

يمكن أن تمر بها أي زوجة

جئت أنقلها لحضراتكم

علّها تنفعكم

بدأت هذا الموضوع و أنا أمر بظروف نفسية رهيبة

كنت أشعر بفتور شديد تجاه زوجي

بعد مشكلة كبيرة

كادت توصلنا للطلاق

مررت بمشاعر رهيبة من الرفض لحياتنا المشتركة

هان فيها عليا ابنائي

و كنت على استعداد لتركهم

بل و حتى نسيان انني انجبتهم

كنت أريد التحرر منهم جميعا

زوجي و اولادي

كنت أريد الهرب لأي مكان لا أعرف فيه أحدا

كنت أريد البدء من جديد

مع شخص جديد

لا أكرر معه الأخطاء التي فعلتها مع زوجي

عشت الحلم بحذافيره على الورق

و كتبت كل الخواطر التي تمنيتها

و التي كنت أعرف أن زوجي لن يتقبلها و سيسخر منها

عشت بقلب فتاة تحب لأول مرة

بل عشت مراهقتي

و ذبت في أغاني الحب

و قصائد العاشقين

عشت أجمل قصة حب خيالي

و اكتشفت

انا الخطأ من عندي أنا

لماذا لم أوجه له هو كل تلك المشاعر؟؟؟

التي قرأها المئات و أعجبتهم

لماذا تخيلت أنها قد لا تعجبه ؟

كان خوفي أنا

و تشاؤمي أنا

كنت أنا المعقدة

و كان خيالي يصور لي أنني ضحية

كنت أهدي النور للآخرين

و داخلي مظلم

كنت عمياء

أرى الجميع و لا أراه

كثيرا ما كنت أضحك معكم هنا

و اذا دخل عليا الغرفة انهيت الضحك و انقلب وجهي

بسحنة باردة غاضبة

كثيرا ما تحمل بعدي عنه

و قضائي الوقت هنا

تحمل اهمالي له

تحمل عصبيتي

و فظاظتي

و جفافي

المستمر

حتى أراد الله تعالى

أن يفتح عيني و ينير بصيرتي

فرزقني بطفل

يقوي الرابطة بيني و بينه مرة أخرى

فرصة جديدة

للبدء من جديد

بكائي و نحيبي لدى علمي بخبر حملي

كان لأني كنت أعتقد أنني لا أريده

و لا أريد روابط أكثر

كنت انتحب انني مضطرة للبقاء معه

و ان فرصة الانفصال تلاشت و ابتعدت

هانت نفسي عليّ

و تمنيت الموت

وعندما خمدت ثورتي

ورضيت بالقدر

تغيّر زوجي تماما

أو لأكن أكثر تحديدا

تغيرت نظرتي أنا له

و عرفت أنه حقا أقرب الناس إليّ

و كنت قد نسيت في خضم المشاكل

أنه من بكيت على صدره

و وسعتني أحضانه

و مسحت يداه دموعي

في غربتنا حيث لا أهل لنا

نسيت أنه من اعتنى بي

في حملي

و عند ولادتي

نسيت أنه من خدمني

و أتي لي بطعامي على سريري

حيث لا أم

و لا أخت ترعاني

نسيت اهتمامه بي و بأوراقي و بمصالحي

نسيت أنه من شجعني على العمل

و طالما نصحني

و طالما سمع شكواي

نسيت اعتناؤه بأبنائنا و أنا في العمل

و تذكرت فقط أنني أعمل و أساعده ماديا!!!

نسيت أنه أبو أولادي

و أنه الوحيد من يتحملهم

و يحبهم و يحميهم

و تذكرت فقط قسوته عليهم!!!

نسيت عشرة 12 سنة

بالطبع ليست كلها مرا

و بالطبع كان فيها الكثير و الكثير من لحظات السعادة

في أول زواجنا

عندما كنا نمشي طويلا معا يدي في يديه

نتكلم في كل شيء و أي شيء

لم نكن نمتلك سيارة

كنا نركب كافة انواع المواصلات حتى نقضي الوقت معا

كان يحكي لي الكثير من الحكايات

كنت قد نسيت أنه طالما أضحكني حد البكاء

نسيت فرحتنا بأول طفل

و كيف كنا نستمتع معا بكل حركة تصدر من هذا الكائن الصغير

و كيف كنا نذهب به للطبيب كلما سعل أو عطس

و كيف كانت و لا تزال دهشته كطفل

عندما يرى شيئا غريبا في التلفزيون

و كيف يناديني لأراه بسرعة

و نضحك معا

و كيف كان يوم مشى فاروق أول مرة

و كيف كنا نملأ غرفته بألعاب

نجلس انا و هو نلعب بها

ههههههههههه

نسيت أنه كان يعرف نوبة الشيكولاتة التي تداهمني كل شهرين أو ثلاثة

فيحضر لي كيسا مملوءا باصناف الشيكولاتة

صحيح هو ليس ممن يجيدون الكلام الرومانسي

و لا يقرأ الشعر

و لم يكتب لي رسائل

لكنه حقا أحبني

أحبني بطريقته التي لم أفهمها

لأني كنت مصرّة على الطريقة التي أردتها أنا

كطفل عنيد يرفض اشهى الطعام

فقط لأننا لم نقدمه له في صحنه المفضل!!

قررت أن أرى زوجي بنظرة جديدة

قررت أن أصنع حلمي معه

قررت أن أتوقف عن اساءة الظن به

قررت أن اتوقع دوما أنه يحبني

قررت أن أحبه

قد يصاب الزواج بوعكات شديدة

أحيانا تودي بحياته

و أحيانا كثيرة يكتب الله تعالى له عمرا جديدا

سبحانه من يُحي العظام و هي رميم

كم كنت أردد لا يوجد انسان طيب و آخر شرير

و لكننا نجذب من الآخرين أسوأ ما فيهم بتوقعاتنا و أفكارنا السيئة

و نسيت أن أطبق هذا مع أقرب الناس لي

تمنياتي بحياة سعيدة لكل المتزوجين

و أتمنى لكل من لا زوج لها و كل من لا زوجة له بالشريك الصالح

الذي يعبر معه لبر الأمان

لشاطيء الحياة الطيبة

تحياتي المعطرة بشذى السعادة

لكل من يستحقها

صراحة مش عارفة اقولك ايه بالضبط ياعبير

اقولك انك اشجع منى انك اعترفت باخطائك او انك اعتذرت

اقولك اننا معظمنا الصورة اللى بتحكيها

لكن زى ماما سلوى ماقالت مينفعش نحمل نفسنا فوق طاقتها ونشيل الذنب وحدنا

معظم الرجال يتناسون ان زوجاتهم تمر بفترات طبيعية دون ارداتها تكون فيها اضعف مايمكن

تحتاج منه يد حانية تربت وتطبطب عليها وتتحمل عصبيتها وجنوحها ومزاجها السئ فى تلك الفترة

بل يزيدون عنادا ولايتذكرون الا انفسهم ومطالبهم المادية والمعنوية دون بذل اى مجهود لاحتواء شريكة الحياة

وكثيرا مايتدخل الشيطان لينفث فى صغائرنا ليضخمها بابراز تضحياتك وخدماتك و...و.....

فى حين يضئل من افعال الطرف الاخر من حب واهتمام وعشرة حلوة وربما ايضا تضحياته مثلك

فتظهر شروخ جلية فى جدار العلاقة ولكنها فى الحقيقة شروخ وهمية صورها لنا خيالنا ودعمها الشيطان

فلانرى الا حلا واحد نظن فيه الخلاص الا وهو الانفصال او ترك بيوتنا

لكن حين تقشع الغيوم نجد ان هذا الحل ماهو الا انه الموت بعينه

لاننا نريد الانفصال عن ارواحنا التى سكنتا فلم نكن الا روح واحدة بل جسد واحد ايضا وسنظل حتى الممات

نشعر باوجاعه والامه اذا مرض ولو بعد عنا الاف الاميال

مريت بنفس تجربتك من حوالى 11 سنة وقت وفاة ابى رحمه الله وقتها اسودت الدنيا فى عينى لم يكن لى رغبة

فى الحياة اردت ان الحق به وارتاح لم يعد لى رغبة لزوجى او حتى اولادى ولكنى لزمت الصمت

لاانكر انه احتوانى فى تلك الفترة لكن بطريقته التى لم تصلنى سوى انه لم يحترم حزنى وضعفى فى تلك الفترة

فما كان غير انى ازددت نفورا وبعادا لم احاول ان اصلح من نفسى فى الوقت الذى حاول هو فيه الكثير

قابلت مشاعره بفتور وتبلد وكان الدنيا وقفت عند احزانى وحدى

ورغم حبى وشدة عشقى له الا ان افكارى المسمومة سيطرت على تصرفاتى تجاهه وزدت كراهية لنفسى كلما

زاد حبه وغيرته على التى باتت تزيد يوما عن يوما لدرجة اصحابى يحسدونى على حبه وغيرته فى حين

اشكو انا الاختناق من تلك الغيرة

وقررت مثلك الانفصال ولكنى اكتشفت ايضا مثلك انى حامل بطفل لاذنب له ولاخوته سوى انهم ابنائنا

كثيرا مالسعادة تسكن بيوتنا وتقف على ابوابها لكن غبواتنا وقصر نظرنا يبدد اى احساس بيها

لكن من نعم ربنا علينا انه بيرسل لنا اشارات فى اوقاتنا العصيبة كولادة طفل او مرض احدهم

وقتها تتوه وتذوب اى خلافات بل يزيد الترابط والحب وينجلى العشق القديم ليحتوى كل الخلافات

ويعيد لحياتنا من تانى البريق

لم اشعر بمدى حبى وارتباطى به الا حين فارقنى لاداء فريضة الحج وقتها شعرت بانسحاب روحى منى

باشكرك جدا ياعبير انك قدرت تخرجى منى حمل كنت دفنته ويخرج على السطح من وقت لاخر يكدر حياتى

هنا اعتذر لزوجى عن اى تقصير فى حقه او ضيق سببت له او عنه انشغالى بالاولاد عنه

فهو نعم الزوج والصاحب والصديق

[عبير يونس]

صراحة مش عارفة اقولك ايه بالضبط ياعبير

اقولك انك اشجع منى انك اعترفت باخطائك او انك اعتذرت

اقولك اننا معظمنا الصورة اللى بتحكيها

لكن زى ماما سلوى ماقالت مينفعش نحمل نفسنا فوق طاقتها ونشيل الذنب وحدنا

معظم الرجال يتناسون ان زوجاتهم تمر بفترات طبيعية دون ارداتها تكون فيها اضعف مايمكن

تحتاج منه يد حانية تربت وتطبطب عليها وتتحمل عصبيتها وجنوحها ومزاجها السئ فى تلك الفترة

بل يزيدون عنادا ولايتذكرون الا انفسهم ومطالبهم المادية والمعنوية دون بذل اى مجهود لاحتواء شريكة الحياة

وكثيرا مايتدخل الشيطان لينفث فى صغائرنا ليضخمها بابراز تضحياتك وخدماتك و...و.....

فى حين يضئل من افعال الطرف الاخر من حب واهتمام وعشرة حلوة وربما ايضا تضحياته مثلك

فتظهر شروخ جلية فى جدار العلاقة ولكنها فى الحقيقة شروخ وهمية صورها لنا خيالنا ودعمها الشيطان

فلانرى الا حلا واحد نظن فيه الخلاص الا وهو الانفصال او ترك بيوتنا

لكن حين تقشع الغيوم نجد ان هذا الحل ماهو الا انه الموت بعينه

لاننا نريد الانفصال عن ارواحنا التى سكنتا فلم نكن الا روح واحدة بل جسد واحد ايضا وسنظل حتى الممات

نشعر باوجاعه والامه اذا مرض ولو بعد عنا الاف الاميال

مريت بنفس تجربتك من حوالى 11 سنة وقت وفاة ابى رحمه الله وقتها اسودت الدنيا فى عينى لم يكن لى رغبة

فى الحياة اردت ان الحق به وارتاح لم يعد لى رغبة لزوجى او حتى اولادى ولكنى لزمت الصمت

لاانكر انه احتوانى فى تلك الفترة لكن بطريقته التى لم تصلنى سوى انه لم يحترم حزنى وضعفى فى تلك الفترة

فما كان غير انى ازددت نفورا وبعادا لم احاول ان اصلح من نفسى فى الوقت الذى حاول هو فيه الكثير

قابلت مشاعره بفتور وتبلد وكان الدنيا وقفت عند احزانى وحدى

ورغم حبى وشدة عشقى له الا ان افكارى المسمومة سيطرت على تصرفاتى تجاهه وزدت كراهية لنفسى كلما

زاد حبه وغيرته على التى باتت تزيد يوما عن يوما لدرجة اصحابى يحسدونى على حبه وغيرته فى حين

اشكو انا الاختناق من تلك الغيرة

وقررت مثلك الانفصال ولكنى اكتشفت ايضا مثلك انى حامل بطفل لاذنب له ولاخوته سوى انهم ابنائنا

كثيرا مالسعادة تسكن بيوتنا وتقف على ابوابها لكن غبواتنا وقصر نظرنا يبدد اى احساس بيها

لكن من نعم ربنا علينا انه بيرسل لنا اشارات فى اوقاتنا العصيبة كولادة طفل او مرض احدهم

وقتها تتوه وتذوب اى خلافات بل يزيد الترابط والحب وينجلى العشق القديم ليحتوى كل الخلافات

ويعيد لحياتنا من تانى البريق

لم اشعر بمدى حبى وارتباطى به الا حين فارقنى لاداء فريضة الحج وقتها شعرت بانسحاب روحى منى

باشكرك جدا ياعبير انك قدرت تخرجى منى حمل كنت دفنته ويخرج على السطح من وقت لاخر يكدر حياتى

هنا اعتذر لزوجى عن اى تقصير فى حقه او ضيق سببت له او عنه انشغالى بالاولاد عنه

فهو نعم الزوج والصاحب والصديق

مبسوطة بيكي اوي يا هند

مش كل الناس بتحب تعترف بكده

كلنا بنمر بحالات ضغف

و نبقى عايزين نهرب

بنبقى فاكرين ان في الامكان أبدع مما كان

الحقيقة انها بتكون نظرتنا احنا

تمام زي ما تلاقي اتنين واقفين في نفس المكان

واحد شايفه جميل و رائع

و التاني شايفه في منتهى القبح

مع انه نفس المكان

أزواجنا زي ما همة ما اتغيروش

احنا اللي شفناهم بصورة وحشة

ممكن ملل

ممكن رغبة في التغيير

ممكن هروب و احساس بالعجز عن الاصلاح

عن نفسي

لولا الطفل اللي ربنا بعتهولي ده

كنت أصريت على الطلاق

بل إني كنت بأسعى ليه فعلا

و كنت تقريبا كل يوم ابدي رغبتي

و هو كان أوقات يطنش كلامي

و اوقات يقول لي طب و الولاد

و اوقات يقوللي حاضر زي ما تحبي

و انا عمالة ازداد نفور

و انفصال روحاني تام عنه

كأني شبح في البيت

و هو الحقيقة صبر كتيييييييييييييير

و كان مبيتكلمش

و لا بيتخانق

اول مرة من فترة كبيرة احس بحنانه

ليلة ما عرفت اني حامل

بقيت أعيط في الشارع

و اقول له لازم ينزل

و هو يقول لي طيب بس اهدي

صحيح في الآخر اتنرفز

بس رجع فاق

و سكت

و تحمل كلامي اللي زي السم

ما نطقش بكلمة

قعدت أعيط و أهبل في الكلام لحد ما نمت

حسيت بيه و هو بيغطيني و بيقفل النور و الباب و خرج

كنت زي المجانين

و سبحان الله

على السكينة اللي نزلت عليا من ربنا

و اتقلب حالي 180 درجة

حبيت افتح موضوع بالخبر هنا

عشان أحس اني مش وحيدة

و بصراحة ما تصورتش عدد الاخوة والاخوات اللي ردوا عليا و فرحوا لي و باركولي

قد ايه أسعدتوني بجد

و خلليتوني أشعر بالفرح

و بلذة تكرار التجربة

المرة دي بافكارجديدة تماما

أو بمعنى أصح

حياة جديدة

[ViralMind]

آمين يارب العالمين

ماما سلوى حبيبتي

هو حضرتك فاكرة اني قلت له سامحني

و غلطت و الكلام ده؟

ده انا مورياه النجوم في عز الضهر

هههههههههههه

هو انا عبيطة و الا ايه ؟

:blink:

ده بيني و بينكم هنا بس

اما معاه انا ليا بريستيجي طبعا

دايما باحسسه انه هو الغلطان

و يفضل حاسس بالذنب انه زعلني

انا بأعترف هنا

عشان فعلا نسيت الحلو

و افتكرت الوحش بس

مفيش حاجة اسمها حلو بس

في حلو و وحش مع بعض

باكيج على بعضه

و عشان الورد ينسقي العليق

جيت هنا ارتب افكاري معاكم

عشان اقدر ابتدي صفحة جديدة

و انا هادية و راسية و ذهني صافي

متخافيش عليا حضرتك

السلام عليكم...

هو مش لازم حضرتك تقولى اسفة و غلطانة.. و لكن هو يعنى لازم نشوف النجوم فى عز الضهر؟ :closedeyes:

اصل هى دى طريقة تفكير المرأة المصرية عموما..

اخفاء الحب و الحنين.. و اظهار القوة.. او التقل على الاقل..

ساعات كلمة حلوة او ابتسامة.. بيبقى ليها الف معنى, و بتكفى الزوج لاسابيع كمان.. خصوصا فى خضم - حلوة خضم دى - الحياة و جو الشغل اللى بيكون ساعات فيه مشاحنات كتير بتخنق.

[نوران]

امبارح كنت فرحانه عشان البيبي اللي جاي بالسلامه ان شاء الله

والنهارده فرحانه من كلامك الجميل ده

مفيش كلام يتقال بعد كلام مدام هند وماما سلوي

بس كلنا هذا الرجل يا عبير , ساعات كتير وخصوصا لو كان فيه زعل , بنفتكر الوحش بس وننسي الحلو , ربنا يسامحنا كلنا

احييكي علي شجاعتك ونصيحتك لينا

وبعتذر لزوجي الحمول علي عصبيتي وقلة صبري وعلي كل حاجه زعلته مني

ربنا يتملك حملك علي خير ويبارك لك في اولادك وزوجك ويملأ بيوتنا سعاده واستقرار .......آمين

[عبير يونس]

السلام عليكم...

هو مش لازم حضرتك تقولى اسفة و غلطانة.. و لكن هو يعنى لازم نشوف النجوم فى عز الضهر؟ :closedeyes:

اصل هى دى طريقة تفكير المرأة المصرية عموما..

اخفاء الحب و الحنين.. و اظهار القوة.. او التقل على الاقل..

ساعات كلمة حلوة او ابتسامة.. بيبقى ليها الف معنى, و بتكفى الزوج لاسابيع كمان.. خصوصا فى خضم - حلوة خضم دى - الحياة و جو الشغل اللى بيكون ساعات فيه مشاحنات كتير بتخنق.

لا لا يافندم

هو مش النجوم في عز الضهر اوي يعني

بس يعني الراجل من دول عدم المؤاخذة يعني

لو حس ان الست بتقول آسفة و حقك عليا يا سي الافندي

بيتمرع الحقيقة

و زي ما قلت سعادتك

ابتسامة

كلمة

تفي بالغرض

بس حلوة خضم دي

ملعوبة

[عبير يونس]

لونا حبيبتي

ميرسي على كلامك الحلو

و يارب أكون فعلا متصالحة مع نفسي

نوران حبيبتي

ميرسي على روحك الحلوة

[رضوي]

مشاعر جميلة في منتهي الصدق من شخصية في منتهى الجمال زيك يااستذة عبير

صدق مشاعرك ورشاقة كلماتك تضفي عي شخصيتك مزيد من الجمال

ربنا يوفقك ان شاء الله ويكرمك بزوجك ويكرمه بيكي

[عبير يونس]

مشاعر جميلة في منتهي الصدق من شخصية في منتهى الجمال زيك يااستذة عبير

صدق مشاعرك ورشاقة كلماتك تضفي عي شخصيتك مزيد من الجمال

ربنا يوفقك ان شاء الله ويكرمك بزوجك ويكرمه بيكي

كلماتك أكبر مني كتييييييييييير يا رضوى

عيونك الحلوة هي اللي بتشوف كل حاجة جميلة

ميرسي على دعائك الجميل و لك مثله

آمين

[SoSo R]

كلامك أثر فيا أوي يا عبير. مش بس لئن صادق جداً و مش أي حد ممكن يفهمه إلى أنثى زيك ...لأ عشان كمان فيه شجاعة و جرأة غير مسبوقة ...فيه ناس بتعتبر المرأة الجريئة سبه و أنا على العكس ، شايفها أجمل ما يمكن وصف مرأة بيه

انتي متصالحة جداً مع نفسك و فهمتيها كويس أوي . ربنا يديمها عليكي نعمة لأن في ناس محرومة من كدة ...مش عارفين هما عايزين اه؟؟ أو ليه بيعملو التصرفات ديه حتى لو هما مقتنعين مليون المية إن إلي بيحصل دة غلط بس مفيش تبرير .

تقلب المشاعر عند المرأة بيحصل بمزجها أو لأ و انتي عرفة إن ساعات الاسباب بتكون فسيولوجية بحتة ...الفكرة كلها في الكنترول و عدم الاستسلام لمئي حاجة سلبية تهاجمنا ..لأن د طبيعة البشر بيدور ديمن على حاجة ينكودهة و ما حدش بيحس بقيمة إلي معه إلى لما يخسره للأبد

[جويرية]

انا شايفة يا جماعة ان في زمن عنق الزجاجة اللي احنا عايشيين فيه ده فمحدش يطلق عشان الاسباب البسيطة زي الاحاسيس و المشاعر ومش بيحبني و مش بيهتم بيا

الطلاق يكون للأسباب المهمة يعني واحد ضرب مراته فتح ليها دماغها او حيعملها عاهة مستديمة

اما الزوجين يحاولوا يوصلوا لشراكة و تفاهم عشان يقدروا يربوا الولاد

[hOuSsAm]

الطلاق يكون للأسباب المهمة يعني واحد ضرب مراته فتح ليها دماغها او حيعملها عاهة مستديمة

اما الزوجين يحاولوا يوصلوا لشراكة و تفاهم عشان يقدروا يربوا الولاد

يعنى هى تستنى لحد ميفتحلها دماغها عشان تطلب الطلاق !!!!!

بصراحة يا استاذة جويرية انا مش متفق معاكى ان واحد او واحدة يعيشوا حياتهم فى بؤس عشان خاطر يربوا الولاد بالرغم انه هدف سامى وده لاسباب كتيرة هجيبلك ابسط سببين

اول سبب انهم هيجوا بعد ما الاولاد يتربوا ويجبروا هينفجروا فى بعض وهيكرهوا بعض اكتر والحالات دى بنشوفها عالاقل هتلاقيهم عايشين فى وسط جو مشحون بالعداء ومش لازم يبقى ظاهرى قد يكون خفى للجميع ولكن ظاهر للطرفين

السبب التانى انه ايام الرسول صلى الله عليه وسلم فيه حالة قرات عنها ان الزوجة طلبت الطلاق عشان مش بتحب زوجها بالرغم انه كان يعشقها - فالرسول حاول يصلح بنهم ولكن لم يجبرها على الحياة معه وفعلا طلقت منه

اه الواحد مياخدش قرار الطلاق بين يوم وليلة ولا هو قرار فردى

القرار ده بيجى عالاقل بالسنين ولازم يكون باتفاق الطرفين باستحالة استمرار الحياة بينهم

ومهم جدا ان يكون كل طرف عنده اسبابه المقنعة للطرف الاخر على عدم الاستمرار يعنى مش فردة

بمعنى مثلا لو الزوج عايز يسيب زوجته عشان مش بتهتم بنفسها - يبقى من الحق وحقوقها كزوجة انه يعرفها بمشكلته معاها عشان تصلح من نفسها ويعطوا فرص لبعض للاصلاح

مثال تانى الزوجة مش عايزة الزوج عشان بخيل فتبدا فى ابداء اسبابها للانفصال بداية بالتلميح ولو مجبش نتيجة تعرفه وممكن تبدا تهدده بالانفصال

------------

اللى بيهمنى ان الطرفين يكون عندهم الرغبة فى الاستمرار ونجاح مشروعهم الزوجى والمحاولة على تلافى المشاكل ومعالجة الاخطاء ولو لم ينجحا فى معالجة المشكلات او تصحيح الاخطاء فسيكون قرارهم بالانفصال نابع من داخلهم هما الاتنين عن تراضى وسيكون هو القرار الصحيح

تحياتى

[جويرية]

يعنى هى تستنى لحد ميفتحلها دماغها عشان تطلب الطلاق !!!!!

بصراحة يا استاذة جويرية انا مش متفق معاكى ان واحد او واحدة يعيشوا حياتهم فى بؤس عشان خاطر يربوا الولاد بالرغم انه هدف سامى وده لاسباب كتيرة هجيبلك ابسط سببين

اول سبب انهم هيجوا بعد ما الاولاد يتربوا ويجبروا هينفجروا فى بعض وهيكرهوا بعض اكتر والحالات دى بنشوفها عالاقل هتلاقيهم عايشين فى وسط جو مشحون بالعداء ومش لازم يبقى ظاهرى قد يكون خفى للجميع ولكن ظاهر للطرفين

السبب التانى انه ايام الرسول صلى الله عليه وسلم فيه حالة قرات عنها ان الزوجة طلبت الطلاق عشان مش بتحب زوجها بالرغم انه كان يعشقها - فالرسول حاول يصلح بنهم ولكن لم يجبرها على الحياة معه وفعلا طلقت منه

اه الواحد مياخدش قرار الطلاق بين يوم وليلة ولا هو قرار فردى

القرار ده بيجى عالاقل بالسنين ولازم يكون باتفاق الطرفين باستحالة استمرار الحياة بينهم

ومهم جدا ان يكون كل طرف عنده اسبابه المقنعة للطرف الاخر على عدم الاستمرار يعنى مش فردة

بمعنى مثلا لو الزوج عايز يسيب زوجته عشان مش بتهتم بنفسها - يبقى من الحق وحقوقها كزوجة انه يعرفها بمشكلته معاها عشان تصلح من نفسها ويعطوا فرص لبعض للاصلاح

مثال تانى الزوجة مش عايزة الزوج عشان بخيل فتبدا فى ابداء اسبابها للانفصال بداية بالتلميح ولو مجبش نتيجة تعرفه وممكن تبدا تهدده بالانفصال

------------

اللى بيهمنى ان الطرفين يكون عندهم الرغبة فى الاستمرار ونجاح مشروعهم الزوجى والمحاولة على تلافى المشاكل ومعالجة الاخطاء ولو لم ينجحا فى معالجة المشكلات او تصحيح الاخطاء فسيكون قرارهم بالانفصال نابع من داخلهم هما الاتنين عن تراضى وسيكون هو القرار الصحيح

تحياتى

كلام حضرتك كله مظبوط بس ده في الزمن الجميل اللي فات يعني ، اما احنا في زمن حالة الطوارئ و ده ليه مقاييس مختلفة لكا حاجة

المشكلة مش عند الزوج عند الزوجة ، الزوج ممكن يطلق و يبتدي حياته من جديد عادي و حتي لو مش اتجوز تاني برضو وضعه كمطلق مش فيه مشكلة

اما مشكلة الزوجة فدي مشكلة بقي اما تحصل علي لقب مطلقة

فكل واحدة تحاول تتكيف مع حياتها بأي طريقة و تصبر ، لأن القادم بعد الطلاق اسوء بكتير ، الا اذا كان الزوج زي ما قلت استحالة يتعاش معاه يعني ممكن يسبب لها اذي نفسي او بدني ، ده اللي تطلق منه

و برضو الافضل للزوج لو عايز يطلق انه يخير زوجته بين الزواج بأخري و بين الطلاق ، وهوه لما يتجوز واحدة تانية حيبقي عنده صبر انه يتحمل الاولي ، و هيا الزوجة لو عاقلة تقبل الزوجة الثانية افضل من الطلاق ، ده عشان الاولاد يتربوا بين والديهم

تم تعديل 19 أكتوبر 2011 بواسطة جويرية

[عبير يونس]

صباح الفل يا جوجو

ربنا يسعدك يارب

مداخلتك الاولانية فطست من الضحك على يفتح لها دماغها او يعمل لها عاهة مستديمة

ههههههههههههه

و بعدين مداخلتك التانية واقعية شوية

ما هو ده اللي جايبنا ورا

الخوف من الحصول على لقب مطلقة

مع ان ده مش حرام يعني

و ديننا حلله

حكاية الولاد دي حكاية

تعرفي ان احيانا الولاد بيتربوا احسن لو بعدوا عن الجو المشحون بين باباهم و مامتهم

و بيحترموهم همة الاتنين

و ارجع اقول لك

كل بيت مقفول على اللي جواه و ما يعلمش اللي فيه غير اصحابه

مفيش تعميم في الموضوع ده ابدا

كل واحد أدرى بظروفه

ويعمل اللي يريحه

صدقيني المجتمع ما بيديش نياشين لحد

ياما ناس حياتهم جحيم بس عشان خايفين من نظرة المجتمع

مع ان الله أحق أن نخشاه

احنا اتخلقنا للعبادة

و كل ما الانسان حواليه مشاكل تؤرقه بيتلهي فيها عن العبادة

و ممكن يهتز ايمانه برب العالمين

ليه العيش في دوامة طول العمر وربنا مدينا حلول؟؟؟

لقب مطلقة اللي اتكلمتي عنه اهون بكتير من مرار العيش مع شخص مش متوافقة معاه

والناس عمرها ما حتبطل كلام

لا على اللي ما اتجوزتش

ولا على اللي اتجوزت

و لا على اللي خلفت

و لا على اللي ما خلفتش

واللي اتطلقت واللي اترملت

ماينفعش نعيش لارضاء الناس اولتجنب كلامهم

المهم نكون احنا راضيين عن اللي بنعمله و نبتغي بيه رضاء رب العالمين

فارضاؤه سبحانه أسهل كتيرمن ارضاءعباده و أهم طبعا

خدي دي

[hOuSsAm]

يعنى هى تستنى لحد ميفتحلها دماغها عشان تطلب الطلاق !!!!!

بصراحة يا استاذة جويرية انا مش متفق معاكى ان واحد او واحدة يعيشوا حياتهم فى بؤس عشان خاطر يربوا الولاد بالرغم انه هدف سامى وده لاسباب كتيرة هجيبلك ابسط سببين

اول سبب انهم هيجوا بعد ما الاولاد يتربوا ويجبروا هينفجروا فى بعض وهيكرهوا بعض اكتر والحالات دى بنشوفها عالاقل هتلاقيهم عايشين فى وسط جو مشحون بالعداء ومش لازم يبقى ظاهرى قد يكون خفى للجميع ولكن ظاهر للطرفين

السبب التانى انه ايام الرسول صلى الله عليه وسلم فيه حالة قرات عنها ان الزوجة طلبت الطلاق عشان مش بتحب زوجها بالرغم انه كان يعشقها - فالرسول حاول يصلح بنهم ولكن لم يجبرها على الحياة معه وفعلا طلقت منه

اه الواحد مياخدش قرار الطلاق بين يوم وليلة ولا هو قرار فردى

القرار ده بيجى عالاقل بالسنين ولازم يكون باتفاق الطرفين باستحالة استمرار الحياة بينهم

ومهم جدا ان يكون كل طرف عنده اسبابه المقنعة للطرف الاخر على عدم الاستمرار يعنى مش فردة

بمعنى مثلا لو الزوج عايز يسيب زوجته عشان مش بتهتم بنفسها - يبقى من الحق وحقوقها كزوجة انه يعرفها بمشكلته معاها عشان تصلح من نفسها ويعطوا فرص لبعض للاصلاح

مثال تانى الزوجة مش عايزة الزوج عشان بخيل فتبدا فى ابداء اسبابها للانفصال بداية بالتلميح ولو مجبش نتيجة تعرفه وممكن تبدا تهدده بالانفصال

------------

اللى بيهمنى ان الطرفين يكون عندهم الرغبة فى الاستمرار ونجاح مشروعهم الزوجى والمحاولة على تلافى المشاكل ومعالجة الاخطاء ولو لم ينجحا فى معالجة المشكلات او تصحيح الاخطاء فسيكون قرارهم بالانفصال نابع من داخلهم هما الاتنين عن تراضى وسيكون هو القرار الصحيح

تحياتى

كلام حضرتك كله مظبوط بس ده في الزمن الجميل اللي فات يعني ، اما احنا في زمن حالة الطوارئ و ده ليه مقاييس مختلفة لكا حاجة

المشكلة مش عند الزوج عند الزوجة ، الزوج ممكن يطلق و يبتدي حياته من جديد عادي و حتي لو مش اتجوز تاني برضو وضعه كمطلق مش فيه مشكلة

اما مشكلة الزوجة فدي مشكلة بقي اما تحصل علي لقب مطلقة

فكل واحدة تحاول تتكيف مع حياتها بأي طريقة و تصبر ، لأن القادم بعد الطلاق اسوء بكتير ، الا اذا كان الزوج زي ما قلت استحالة يتعاش معاه يعني ممكن يسبب لها اذي نفسي او بدني ، ده اللي تطلق منه

و برضو الافضل للزوج لو عايز يطلق انه يخير زوجته بين الزواج بأخري و بين الطلاق ، وهوه لما يتجوز واحدة تانية حيبقي عنده صبر انه يتحمل الاولي ، و هيا الزوجة لو عاقلة تقبل الزوجة الثانية افضل من الطلاق ، ده عشان الاولاد يتربوا بين والديهم

طبعا متفهم كلامك فى الجزئية دى وللاسف ده الواقع اللى بنعيشه فى مجتمعنا

واللى تبلاقى فيه الزوجة ظلم كبير

مضطرة تستحمل غلطة زواج وممكن يكون مش اختيارها عشان متروحش لظلم المجتمع

عشان متتشبهش بعار الطلاق (للاسف الشديد شفت نفس الحالات دى قدامى)

فعلا معرفش حلول تانية للزوجة اللى عايشة مع زوج تاعسها مفيش منه امل وخايفة من لقب الطلاق او من الحياة المظلمة اللى هتواجهها على حسب تعبيرك (وان كان ظنى ان حياتها بعده هتبقى اجمل واحسن بكتير وهتستمتع بها جدا بشرط انها تكون فى مجتمع نقى)

------------------

حضرتك فكرتينى بقصة غريبة جدا

بنت جالها عريس ورفضت انها تسيب شغلها من اجله وهو كان مصر انها تسيب شغلها لكنها رفضت

سبب الرفض ليس لنجاحها او حبها شغلها ولكن الرفض بسبب خوفها انه يذلها بالفلوس بمعنى انه يمنع عنها المصروف - وللاسف كانت متمسكة بالراى ده وكانها شافت قصص كتيرة من تلك العينة

(هو منطق غريب جدا بس ده برضوا بسبب ظلم المجتمع للزوجة وان ناس كتيرة فاكرة انه لما بيصرف على زوجته تكرما منه وانها عبء عليه وانه ليه الحق انه يمتنع بالصرف عليها)

للاسف مشاكل اجتماعية كتيرة

وافضل حل لها من وجهة نظرى هو حسن الاختيار من البداية حتى لو تاخر سن الزواج ولكن حسن الاختيار لا مفر منه

تم تعديل 19 أكتوبر 2011 بواسطة hOuSsAm

[عبير يونس]

أكيد يا حسام

الوقاية خير من العلاج

بس لما نصاب فعلا بالمرض

ما ينفعش نمتنع عن العلاج

البتر مؤلم أكيد

لكن التمسك بالجزء التالف و الخوف من بتره

بيعمل غرغرينا

تؤدي للوفاة

خسارة جزء من حياتنا

أفضل من خسارة حياتنا بالكامل

و زي ما في أعضاء تعويضية

في برضه تعويضات كتيرة من ربنا سبحانه و تعالى لكل من تأذى في حياته

[جويرية]

صباح الفل يا جوجو

ربنا يسعدك يارب

مداخلتك الاولانية فطست من الضحك على يفتح لها دماغها او يعمل لها عاهة مستديمة

ههههههههههههه

و بعدين مداخلتك التانية واقعية شوية

ما هو ده اللي جايبنا ورا

الخوف من الحصول على لقب مطلقة

مع ان ده مش حرام يعني

و ديننا حلله

حكاية الولاد دي حكاية

تعرفي ان احيانا الولاد بيتربوا احسن لو بعدوا عن الجو المشحون بين باباهم و مامتهم

و بيحترموهم همة الاتنين

و ارجع اقول لك

كل بيت مقفول على اللي جواه و ما يعلمش اللي فيه غير اصحابه

مفيش تعميم في الموضوع ده ابدا

كل واحد أدرى بظروفه

ويعمل اللي يريحه

صدقيني المجتمع ما بيديش نياشين لحد

ياما ناس حياتهم جحيم بس عشان خايفين من نظرة المجتمع

مع ان الله أحق أن نخشاه

احنا اتخلقنا للعبادة

و كل ما الانسان حواليه مشاكل تؤرقه بيتلهي فيها عن العبادة

و ممكن يهتز ايمانه برب العالمين

ليه العيش في دوامة طول العمر وربنا مدينا حلول؟؟؟

لقب مطلقة اللي اتكلمتي عنه اهون بكتير من مرار العيش مع شخص مش متوافقة معاه

والناس عمرها ما حتبطل كلام

لا على اللي ما اتجوزتش

ولا على اللي اتجوزت

و لا على اللي خلفت

و لا على اللي ما خلفتش

واللي اتطلقت واللي اترملت

ماينفعش نعيش لارضاء الناس اولتجنب كلامهم

المهم نكون احنا راضيين عن اللي بنعمله و نبتغي بيه رضاء رب العالمين

فارضاؤه سبحانه أسهل كتيرمن ارضاءعباده و أهم طبعا

خدي دي

صباح الفل يا عبير و ميرسي علي الوردة يا عبورة

موضوع الناس بتتكلم علي اللي اطلقت و اللي مش اتجوزت و لقب مطلقة، اهو ده اهون ما في الطلاق ، علي الاقل الناس بتتكلم علي الواحد في ضهره ومش بيسمعهم ،

اما وضع المطلقة فده مهما حكيتلك مش حتصدقي ،

و بعدين ليه الواحدة وهيا مع جوزها تعتبر نفسها كأنها مطلقة ، و معاها شريك بيساعدها في تربية الاولاد ، وكمان واجهة اجتماعية انها متزوجة

[لماضة مصرية جدا]

السلام عليكم و رحمة الله و بركاته

و الله يا استاذة جويرية علي الرغم من اختلافي مع حضرتك في كثير من الآراء إلا ان مداخلتك اللي تسبق مداخلتي دي شديدة الثراء الانساني و مقدرشي اقولك عليها غير صدقتي

و هتصدقيني لو قولتلك اني في مرحلة ما من العمر تمنيت اني لو ربنا شاء لي الزواج و الانجاب اني مخلفشي بنت

مجتمعنا قاسي اوي اوي اوي علي البنت

النهاردة الحكومة فرحانة انها عملت توقيع لاتفاقية جديدة علشان حقوق المرأة و ناسيين ان المجتمع اللي هو انا و انتي و غيرنا كتير رجالة و ستات...مش محتاجة توقيع اتفاقية...ده محتاجة عقول يتكب عليها مسحوق غسيل و نفضل نمرش فيها نمرش فيها لغاية ما ترجع كثع الفطرة اللي ربنا جبل الناس عليه

ما احترامي لكلام عبير و كلام استاذ حسام

و مع احترامي لفكرة ان احنا موجودين علي مساحة انترنتية يعني بنحاول ندور علي الفضيلة و الجمال و العدل

مع احترامي لواقع مجتمع انا بنتمي ليه و رافضة افكار كتيرة جواه

لكن اوقات كتير انا بحس بالعجز

عارفة ليه

علشان البنت لازم تشيل ال "وصمة" طول حياتها

كل بنت...في مجتمعنا شئنا أم ابينا تفضل المجتمع مشكورا و اداها وصمة ما

لو هي قصيرة....لا البسي كعب علشان تتشافي

لو هي طويلة مالك عاملة زي النخلة....يبقي لازم تدوري علي حد طويل زيك

لو مليانة....ايه يا فشلة يا برميل القلقاس

لو رفيعة..ايه يا بنتي خلة السنان ديت

لو اتخطبت و فسخت....يا بنتي بقي حاولي تركزي في الخطوبة التانية عايزين نخلص بقي

لو اتجوزت.....بقولك ايه انسي خالص حكاية المشاعر و الاحاسيس...مش الراجل كسيب و بيصرف ع البيت يعني

لو انفصلت علشان البيه عنده عاهة نفسية او جسدية...و الكل عارف بيها الا هي....لا بس كنتي استحملتي شوية و اهو ضل راجل احسن من ضل حيطة....(كرهتونا في الحيطة ع الضل الصراحة)

لو تفوقت في حياتها....(صوت مصمصة شفايف)....يا خسارة بس الحلو ميكملشي....تلاقيها متجوزتش او مخلفتشي...معلشي بكرة ربنا يراضيكي

ياااااااااااااه

انا فعلا قرفت

و اسفة في اللفظ

قرفت ان البنت لازم تبان انها سبع رجالة في بعض و انها واخدة الدنيا بدراعها و انها مش هاممها حاجة و لا حد...

قرفت من اني لازم اعلن عن "انتصاراتي" الشخصية لمجتمع مش بس ناس تانية لا ده حتي اقرب الناس علشان انول الرضا

قرفت من ان مهما عملت...برضه لسه فيه حاجة ناقصة و الحتة الناقصة دي اكيد ان السبب في نقصانها....(الله مش هي الست هي اللي تدادي و تعشش و تضلل و البيه يروح يتنيل في اي حتة مش مهم المهم انه بيرجع اخر الليل...بلا قرف)

قرفت ان محدش بيسالني....انتي عايزة ايه....انتي مبسوطة و لا لا...انتي مرتاحة و لا لا.....قرفت من حكاية "الواجهة الاجتماعية" و سامحيني في اللفظ......لو انا بعمل بوتيك كنت هقولك خلينا نلمع الوجهة و نضح ع الزباين....بس انا ربنا خلقني علشان اعمل "حياة" و انا اهم زبونة فيها مش حد تاني

مهما كانت افكاري و توقعاتي و اهتماماتي غريبة او غير مقبولة من قبل المجتمع الشريف النضيف الطاهر...من حقي اني الاقي مكان اعيش فيه...و لما اقول اعيش فيه مش معناها اني باكل و بشرب و بنام...لا اعيش فيه يعني احب و اتحب و في النور مش في الضلمة...اكون في ارتباط معلن مع شخص قدر يتفهمني...و من غير ما المجتمع اللطيف الثورجي دوت يطلع عليا و يقولي طب و ليه و ازيا و امتي و فين.....مش من حق حد

اعيش يعني اكون انما شبهي....مكنشي شبه حد تاني علشان "البوتيك" يمشي و الزبون عايز كده

انا اوقات كتير بحس اني فعلا عجزت

نفضل نتكلم عن الحرية و الارادة و الثورة اللي غيرت كل حاجة فينا

بس جوه كل حد فينا فيه افكار كتير عايزالها عمر بحاله علشن تتغير

و للاسف انا حاسة اني راح اموت قبل ما اشوف العمر ده

بس لغاية ما ده هيحصل و جوايا يقين انه راح يحصل عارفة يا جويرية الحل ايه

الحل انك تقولي لنفسك

انا "بطلة"

بطلة اني قدرت مش بس اتعايش مع وضع اجتماعي قاسي

لا علشان انا هرسم لنفسي دايرة تطلع مني احسن اللي جوايا

حياتي مش راح تقف علي ده

و اذا الناس هتفضل تخنقني بسلاسلها...انا هقول طز

انا عارفة ده عايزله شجاعة آد ايه

انا عارفة ده من جواكي بيكسر فيكي حاجات كتير اد ايه

بس علي اد اللي بينكسر علي اد ما هتتبني حاجات تانية كتير اوي انتي بنفسك عمرك ما تخيلتيها

من جواكي هتبطلي تخافي

مش بتكلم مع حضرتك اطلاقا..انا بتكلم معايا و مع شخص قريبة من قلبي جدا و تهمني و بتمر بنفس التجربة

بتكلم مع كل بنت جواها خوف

لسته طويلة من الحاجات اللي بتخاف منها

بخاف اني متجوزشي

بخاف اني متخطبشي

بخاف اني اتجوز

بخاف اني اتطلق

بخاف انه يتجوز عليا

اتربينا علي الخوف

و كفااااااااااااااية حرام

نقطة و من اول الثورة

الثورة لازم تيجي من جوه

انا مش خايفة

و لا اي حد ربنا خلقه هيخاف

الحرية بتيجي من هنا

و ساعتها لو مكسبك الوحيد في الدينا دي ...في عمرك كله انك عشتي لحظة واحدة بس لمدة ثانية واحدة بس و انتي حاسة انك شجاعة و الحرية ملياكي و انك مش خايفة و الله صدقيني حياتك هتتغير فوق ما تتخيلي و حتي لو متغيرتشي اللحة دي في حد ذاتها تستحق ان الواحد يعيش علشانها و مش سهل انك تتولديها فيه ناس بياخد منهم عمر بحاله علشان يحسوها

لحظة واحدة بلا خوف

لحظة واحدة بلا وصمة

مش بكلم حضرتك انتي استاذتي انا بكلمني قبلك و بكلم اي بنت ممكن في يوم راح تعدي من هنا

يمكن تلاقي في اي حرف بنكتبه لحظة...تقدر تفتح فيها شباك حياتها و تقول

انا مش خايفة

تقبلي كل احترامي و تقديري و تحياتي

ريهام

[جويرية]

صباح الخير يا ريهام

:) انتي بتكتبي كلام كتير خالص ، نفسي اكتب زيك ، انا بالكتير تلات او اربع اسطر ، خلاص تسمحيلي استلف من مداخلاتك عشان ازود بيها الكلام عندي

النهاردة الحكومة فرحانة انها عملت توقيع لاتفاقية جديدة علشان حقوق المرأة و ناسيين ان المجتمع اللي هو انا و انتي و غيرنا كتير رجالة و ستات...مش محتاجة توقيع اتفاقية...ده محتاجة عقول يتكب عليها مسحوق غسيل و نفضل نمرش فيها نمرش فيها لغاية ما ترجع كثع الفطرة اللي ربنا جبل الناس عليه

اتفاقية ايه دي ، انا متابعة اخبارهم الناس دول ، و هما نشطا خالص و مش حيكلوا ولا يملوا من الكلام المعاد اللي بيزيدوا و يعيدوا فيه

ربنا يهديهم او يهدهم

يعني اللي شايفاه بخصوص ان الناس مش بتسيب حد في حالة بسب الحالة الاجتماعية

انا شايفة ان الانسان من حقه يختار اللي حيتعامل معاهم

و بعدين العمل المختلط ده لازم يجيب مشاكل ، هو اي مكان فيه اختلاط ده مكان فاشل و مصيره الي زوال ، زيها زي الدول اللي عم فيها الاختلاط مصيرها الي زوال ان شاء الله

و بعدين طبعا عشان مجانية التعليم اجتمع الحابل مع النابل و مبقاش فيه فروق و لا درجات بين الناس ،

شوفي انا رأيي الستات مش ينفعوا في العمل الجماعى و مكانهم بيوتهم

[ViralMind]

مش عارف الملحوظة دى حد قالها قبل كده ولا لأ.

تجنب التسرع و الكروتة..

المشكلة ان ساعات الاهل بيضغطوا و يقولوا: العروسة حلوة يا ابنى و عالبركة.. و تلاقى رجلك غرست بقدرة قادر :protest:

لو العلاقة فيها حب, يبقى اكيد فيه معرفة و كل طرف فاهم التانى و عارفه.. لكن انا بتكلم تحديدا عن جواز الصالونات اللى بيبقى نظام كور و ارمى.

طالما ناويين على استقرار, يبقى ايه المشكلة ان كل طرف يتكلم بصراحة عن رؤيته للمستقبل و الحياة و الاولاد و أولوياته؟

ايه المشكلة فى المقابلات المتكررة, طالما انها فى ظل نفس الجو المحافظ, بهدف ان كل طرف يفهم التانى بجد؟

طبعا انا هنا بتكلم باعتبار ان النوايا فعلا صادقة و كل طرف مابيتلاعبش بالاخر.. او ان الموضوع مش فارق معاه و خلاص.

شفت ناس كتير بتتجوز علشان لازم تتجوز.. يعنى ان ده التطور الطبيعى للحاجة الساقعة و الشقة مفروشة و مستنية العروسة... و يقلب اى حاجة و خلاص.

لكن المشكلة بقى بجد ان الطرف التانى ميكونش صادق..

انا دايما مع افتراض النية الحسنة من خلال إطار من الحرص و الحذر البسيط..

مفيهاش حاجة برضه لو الواحد حس ان الطرف التانى مش ملائم..

ممكن البنت او الشاب كويسين جدا و زى الفل.. بس استايل حياتهم مش ملائم بالنسبة لى.. مفيش مشكلة و عادى خالص.

صحيح ان قيود المجتمع و الاهل بتفرض حاجات كتير غلط.. و بتتدخل فى الإسراع بالارتباط - و تبدأ بقى الخناقات على مين هيجيب الستاير و معرفش ايه.. بس الواحد لازم يفهم هو عايز مين بالظبط و ينسحب فى الوقت المناسب, و يكبر دماغه من اى قيود طالما انه هو نفسه لم يعلن التزامه بيها.

[جويرية]

مش عارف الملحوظة دى حد قالها قبل كده ولا لأ.

تجنب التسرع و الكروتة..

المشكلة ان ساعات الاهل بيضغطوا و يقولوا: العروسة حلوة يا ابنى و عالبركة.. و تلاقى رجلك غرست بقدرة قادر :protest:

لو العلاقة فيها حب, يبقى اكيد فيه معرفة و كل طرف فاهم التانى و عارفه.. لكن انا بتكلم تحديدا عن جواز الصالونات اللى بيبقى نظام كور و ارمى.

طالما ناويين على استقرار, يبقى ايه المشكلة ان كل طرف يتكلم بصراحة عن رؤيته للمستقبل و الحياة و الاولاد و أولوياته؟

ايه المشكلة فى المقابلات المتكررة, طالما انها فى ظل نفس الجو المحافظ, بهدف ان كل طرف يفهم التانى بجد؟

طبعا انا هنا بتكلم باعتبار ان النوايا فعلا صادقة و كل طرف مابيتلاعبش بالاخر.. او ان الموضوع مش فارق معاه و خلاص.

شفت ناس كتير بتتجوز علشان لازم تتجوز.. يعنى ان ده التطور الطبيعى للحاجة الساقعة و الشقة مفروشة و مستنية العروسة... و يقلب اى حاجة و خلاص.

لكن المشكلة بقى بجد ان الطرف التانى ميكونش صادق..

انا دايما مع افتراض النية الحسنة من خلال إطار من الحرص و الحذر البسيط..

مفيهاش حاجة برضه لو الواحد حس ان الطرف التانى مش ملائم..

ممكن البنت او الشاب كويسين جدا و زى الفل.. بس استايل حياتهم مش ملائم بالنسبة لى.. مفيش مشكلة و عادى خالص.

صحيح ان قيود المجتمع و الاهل بتفرض حاجات كتير غلط.. و بتتدخل فى الإسراع بالارتباط - و تبدأ بقى الخناقات على مين هيجيب الستاير و معرفش ايه.. بس الواحد لازم يفهم هو عايز مين بالظبط و ينسحب فى الوقت المناسب, و يكبر دماغه من اى قيود طالما انه هو نفسه لم يعلن التزامه بيها.

فعلا سوء الاختيار ده سبب رئيسي للطلاق

بس موضوع ان العريس يقعد خمس ست مرات يحكي مع العروسة و بعد كدة ممكن مش تعجبه ، فده شئ مش كويس للبنت ، يعني هيا فترينة ييجي اربع خمس عرسان يشوفوها و يمشوا

عشان كدة كان عاجبني اوي فكرة وسيط الزواج اللي هوه الخاطبة ، الفكرة اللي انقرضت دلوقتي ،

المهم ان واحدة في عيلتي بتساعد في التوفيق بين الناس ، استغربت لما لقيت مدي التطابق بين العرسان اللي هيا مختاراهم لبعض