تأجيل الإنتخابات البرلمانية إلى شهر نوفمبر

[se_ Elsyed]

الخبر إنتشر على القنوات الفضائية حسب تصريح مصدر في المجلس العسكري

أنا عن نفسي مش فاهم حاجه

ونفسي أسمع رأي المؤيدين للدستور أولاً والإنتخابات مش عارف إيه

طب وبعدين ؟!!!!!!!!1

الغريب إن ردود أفعال قوى سياسية كثيرة مؤيدة وفرحانة قوي .. على أساس طبعاً إن الاخوان بس هما اللي جاهزين دلوقت وبالتالي الباقي مش مذاكرين خصوصاً الجدد

بس انا قلقي بينبع من إني مش عاوز بأي حال من الأحوال فترة الحكم العسكري تطول

لو تلاحظوا إني ل ادلي برأيي في موضوع الإنتخابات الأول أو الدستور الأول عارفين ليه

عشان أشوف الدنيا هاترسى على إيه وهايكون الوضع إيه

عاوزين رأيي بقى ؟

إحنا بقى لنا قدإيه دلوقت تحت الحكم العسكري ؟

5 شهور ... حصل فيهم التعديل الدستوري والفيلم الهابط اللي فرحنا به وأتضح إننا لا مؤخذه لبسنا السلطانية

ومعانا في الصندوق 7 شهور كمان .. يبقى كده سنة

بالله عليكم ما كناش عملنا دستور بالمايونيز مش دستور بس في الفترة دي كلها ؟

الشيء الاهم

كده بالصلاتو عالحبيب يبقى إنتخابات الرئاسة وعليكم خير في أخر 2012

الظاهر مش مصروف لنا نشوف إنتخابات رئاسية قبل ما نموت

[م تيمور المراغي]

لاول مره اقول اني مع الاسراع باجراء الانتخابات البرلمانية

نار الاخوان

ولا جنة المجلس العسكري !

هيا الحداية بتحدف كتاكيت !

اكيد ملعوب وحنلبسه كلنا ليبراليين و تيار متأسلم

انا مش مطمن

[Ahmed Anwer]

الخبر نفاه اللواء ممدوح شاهين

[عصام أبوالفتح]

انا هاعمل مظاهرة واعتصام وعصيان مدنى واضراب عن الاكل والشرب لو الخبر ده صحيح

ده يبقى اسمه لعب عيال بجد

[pink rose]

و الله انا سمعت في الراديون امبارح بالليل

انها هاتبدأ الترتيبات في سبتمبر و تكون الانتخابات خلال اكتوبر و نوفمبر

بس بصراحة ما فهمتش و قولت استنى لما نسمع من المجلس العسكري نفسه

اكيد هايطلع بيان بكده مش هايتسرب الخبر في الفضائيات و يتقال مصدر عسكري

الموضوع مهم و ما اعتقدش الجيش يعني هايسيبها هوليلة كده

[se_ Elsyed]

الخبر إتأكد النهاردة وتم تشكيل الهيئة العُليا للإنتخابات برئاسة رئيس محكمة الاستئناف على أن تبدأ اللجنة عملها في 18 سبتمبر ....

[أحمد سيف]

الإخوة المعترضون على هذا الخبر ويعتبرون ذلك التفافا على نتائج الاستفتاء واضح فعلا أنهم لم يقرأوا الإعلان الدستوري الذي صدر بناء على هذه التعديلات

(مــــادة 41 ) تبدأ إجراءات انتخاب مجلسى الشعب والشورى خلال ستة أشهر من تاريخ العمل بهذا الإعلان.

ويمارس مجلس الشورى اختصاصاته بأعضائه المنتخبين .

ويتولى رئيس الجمهورية، فور انتخابه، استكمال تشكيل المجلس بتعيين ثلث أعضائه ، ويكون تعيين هؤلاء لاستكمال المدة الباقيـة للمجلس على النحو المبين بالقانون .

وبالتالي فاختيار يوم 18 سبتمبر لبدء عمل لجنة الانتخابات ليس فيه تعارض مع نصّ المادة لأنه بذلك تكون إجراءات الانتخابات قد بدأت وقد تستغرق شهرين أو ثلاثة إضافيين لإعداد الكشوف وفتح باب الترشح والحملات الانتخابية والتصويت والفرز وإعلان النتائج ... وبذلك لن يكون لدينا برلمان قبل ديسمبر على أقرب تقدير

وعلشان برضه ما نتفاجئش خلوا بالكم من الماده دول:

يجتمع الأعضاء غير المعينين لأول مجلسى شعب وشورى فى اجتماع مشترك ، بدعوة من المجلس الأعلى للقوات المسلحة ، خلال ستة أشهر من انتخابهم ، لإنتخاب جمعية تأسيسية من مائة عضو ، تتولى إعداد مشروع دستور جديد للبلاد فى موعد غايته ستة أشهر من تاريخ تشكيلها، ويُعرض المشروع ، خلال خمسة عشر يوماً من إعداده ، على الشعب لاستفتائه فى شأنه ، ويعمل بالدستور من تاريخ إعلان موافقة الشعب عليه فى الاستفتاء .

يعني آدي كمان سنه وخمسة عشر يوما بنفس الطريقه ... وبصراحه اللي محيرني في الإعلان الدستوري هي المواد من 26 الى 31 والتي تتناول كيفية اختيار رئيس الجمهورية ... والعجيب أن هذه المواد لن تستخدم إطلاقا لأن الرئيس الجديد سينتخب وفقا للدستور الذي تضعه اللجنة المنتخبة ... فلما تم حشو هذه المواد في الإعلان الدستوري المؤقت إلا لو كانت هناك نية لانتخاب الرئيس قبل وضع دستور دائم للبلاد ... حد يفهمني؟

تم تعديل 18 يوليو 2011 بواسطة أحمد سيف