العربي بعد لقاء الأسد: لا يحق لأحد سحب الشرعية من زعيم !!

[م تيمور المراغي]

أكد الأمين العام الجديد للجامعة العربية نبيل العربي الذي ناقش مع الرئيس السوري "الأحداث في سوريا" الأربعاء في دمشق، أنه "لا يحق لأحد سحب الشرعية من زعيم"، كما ذكر التلفزيون السوري.

وقال التلفزيون إن المناقشات بين الأسد والعربي تناولت "الأحداث على الساحة العربية والتطورات في سوريا" التي تشهد حركة احتجاجات منذ آذار/مارس الماضي.

وأكد العربي في تصريح صحافي أن "الجامعة العربية ترفض أي تدخل في الشؤون الداخلية للبلدان العربية ولا يحق لأحد سحب الشرعية من زعيم لأن الشعب هو الذي يقرر ذلك"، وذلك بعد تصريحات واشنطن بأن الرئيس السوري "فقد شرعيته".

وأشار العربي من جهة أخرى الى أن "الاستقرار في سوريا ضروري للاستقرار في البلدان العربية الأخرى"، فيما قال وزير الخارجية السوري وليد المعلم الذي شارك في اللقاء للصحافيين أن "سوريا مستمرة في تطبيق الإصلاحات" السياسية التي تطالب بها المعارضة السورية.

ونبيل العربي (75 عاما) الذي عين وزيرا للخارجية المصرية بعد سقوط الرئيس حسني مبارك، خلف في الثالث من تموز/يوليو الأمين العام السابق للجامعة العربية عمرو موسى الذي شغل هذا المنصب عشر سنوات.

الرباط الخاص بي

[م تيمور المراغي]

يا راجل اتقي ربنا

ده رئيس غير انسان بالمرة بيذبح في شعبه اكتر ما اليهود عملوا فيهم

يعني مش عاوز اجيب صور جثث الاطفال ولا المذابح الجماعيه ومتصوره وبالفيديو

ده ما فيش منظمة حقوقيه ولا دولة في العالم محترمة الا ما هاجمت نظام الاسد

اللهم لا اعتراض

احنا ليه ربنا مبتلينا بالمناظر دي !

ما كل دول العالم مسئوليها محترمين وعاقلين واحرار وشرفاء

والا بتقدم السبت يا عربي عشان باقي الحرامية وكمان عشان خاطر المحروق !

حسبنا الله ونعم الوكيل

[nihal]

حسبى الله و نعم و الوكيل ،

حسبى الله و نعم الوكيل .. حسبى الله ونعم الوكيل .

منتهى القهر بأن تظل تلك العقول تتحكم !!

رحمك الله يا حمزة الخطيب و يا قاشوش . و يا كل شهداء الحرية .

اللهم أرينا فيهم عجائب قدرتك .

تم تعديل 14 يوليو 2011 بواسطة nihal

[mfarag]

و اضح ان العربى من مدرسة القذافى

اللى قال انوا مش رئيس و لو كان رئيس كان رمى الاستقالة لكن القذافى قائد ثورة و زعيم

الحمد اللة اكتشفنا 2 من الزعماء فى الوطن العربى

متهيالى كلها ايام و ينظم ليهم صالح اليمن عشان يبقى بالتلاتة ؟؟؟

تم تعديل 14 يوليو 2011 بواسطة mfarag

[ابراهيم عبد العزيز]

هذا الكلام ورد عبر وسائل اعلام النظام السوري الرسمية

ووارد جدا ان يكون التصريح غير صحيح او تم اقتتطاع جزء فقط من الكلام بطريقة ( لا تقربوا الصلاة ) وتحريف الكلام كما اعتدنا من الاعلام الرسمي للنظام السوري فيما يخص تغطيته لثورة الاشقاء فى سوريا

ولو فرضنا صحة هذا التصريح فنقول

أنه تصريح عجيب من الدكتور نبيل العربي ونحن لا نقبله والحاكم الذى يوجه سلاح الجيش لصدور ابناء الوطن من المتظاهرين السلمين لدرجة أن يصل عدد القتلى الى 1800 قتيل حتى الان ناهيك عن المصابين بالالاف , فبلا شك سقطت شرعيته

واخر شىء كنا نتوقعه ان يصدر مثل هذا الكلام من رجل كنا نستبشر فيه الخير

ولا أدري ما سر التحولات التي تحدث فى شخصية كل من يدخل هذه الجامعة العرجاء !!

تم تعديل 14 يوليو 2011 بواسطة ابراهيم عبد العزيز

[FormeYa]

تحسبه موسى يطلع فرعون

[م تيمور المراغي]

السبب هو ضغوط الانظمة العربية المستبدة

فلو سقط الاسد ستلفت الشعوب العربية الى ناهبيها وتلتهمهم

لذا فهم يصنعون المستحيل لكي يبقى كل شيئ على ماهو علية

ولتذهب ارواح الابرياء الى الـ ....

الجنة ان شاء الله

[pink rose]

سبحانك يا ربي

في ثواني قلبتوا على الراجل

بقى نبيل العربي تبع القذافي دلوقتي

لمجرد انه قال اللي يسحب الشرعية من رئيسه هو الشعب مش حد من برة

اقولكم بقى عمتي سورية و بتقولي ان مر فيش حاجه بتحصل في حلب نهائي و كل الليلة على الاطراف ناحية تركيا

و انهم بيحبوا بشار فعلا و انه عمل اصلاحات كتير من بعد ابوه

و كتير من السوريين كده علي نفس رأيها من ناس كتير اعرفهم

و دكتور العوا لما اتسأل عن سوريا قال

اللي بيحصل هناك فتنة

لان ناس من الشعب السوري المحترم مع بشار الاسد

و ناس من الشعب السوري المحترم ضد بشار الاسد

و بالتالي ما نقدرش نحكم على الوضع في سوريا زي مصر

و لو كان تصريح دكتور نبيل العربي صحيح يبقى فعلا اللي بيحصل في سوريا مفتعل

[مروان]

يا جماعة

رجاء التأني

اولا يجب التاكد من صحة الخبر

ثانيا يجب قراءة البيان كاملا دون اجتزاء

ثالثا يجب تقديم حسن الظن والنية

ما فهمته من كلام العربي ان سقوط شرعية اي نظام ليس من اختصاص الدول الاجنبية

وانما من اختصاص الشعوب

يعني هو مع ثورة الشعب السوري

ويرفض تصريحات الدول الاجنبية

يجب اسقاط النظام من الداخل

لا احب ان ننسف ما ايقظه العربي في نفوسنا وما كسبه من احترام في ثوان

تحياتي

[م تيمور المراغي]

يا استاذه احنا معانا في الحركة نشطاء سياسيين سوريين

بيحكوا لنا عن فظائع بشار وماهر الاسد ما لا اود ذكره هنا لبشاعته ,,

والصورة غير ماحضرتك تفضلتي وقلتي تماما ,,

تحيتي على كل حال ,,

[مروان]

احنا ما اختلفناش على فظاعة نظام الاسد وتوحشه وجبروته

ونحن مع الشعب الثوري البطل في ثورته المشروعة

ونظام الاسد ساقط فعلا

لكن مين يقول انه ساقط

امريكا والغرب

ولا جامعة الدول العربية التي يقودها العربي

واعتقد ان ده هو اللي بيقوله

[ذهبية]

مش عارفة لية لما بيكون الواحد خارج المنصب بيكون ثورى و بيقول الحق و بيساند المظلوم

و تسمع منة تصريحات رنانة

لما بيمسك المنصب اية اللى بيبدلة هو المنصب فية سحر براق للدرجة دى

دة لو الكلام مقصود بة ان مش من حق الشعوب تغير حكامها يبقى العربى اتغير قوىىىى

لكن انا اعتقد ان الكلام دة رد على رفض العربى للتدخل الخارجى

خاصة ان سوريا فيها اطماع كتيرة و اكتر من طرف

وممكن دة رسالة لمن تحول الية نفسة لاستغلال ثورات الشعوب فى اى بلد و دخولة بحجة الديمقراطية زى اللى

حصل فى العراق زمان و مازالت محتلة من امريكا حتى الان و لا اعتقد انها هتطلع بسهولة

دة ممكن يكون خوف من العربى على البلاد العربية من التقسيم و انتم شايفين السودان اتقسمت و

اتوقع ان ليبيا برضة كذلك

واكيد سوريا لو حصل فيها حاجة وتدخل حد خارجى هتلاقى نفس المصير و ربنا يحمينا احنا بقىىىى

فبلاش يا جماعة تاخدوا الحوار دة بمحمل سىءءء

ساعات الدبلوماسين بيقولوا كلام رسالة لناس تانية و قوى اخرى و كل لبيب بالاشارة يفهم

[م تيمور المراغي]

تعرفي يا استاذة لو كان قال ونطالب النظام السوري بعدم استخدام العنف المفرط تجاه المتظاهرين العزل كنت قلت فعلا هو قصده يا امريكا ويا حقوقيين العام خليكم بعيد احنا كدول عربية حنحل الموقف بنفسنا انما يقول : (( الاستقرار في سوريا ضروري للاستقرار في البلدان العربية الأخرى ))

يعني نظام الاسد سواء كان صالح ام غير صالح فلابد من بقاءه حفاظا على الانظمة العربية الاخرى !

وبعدين هو احنا غرب

محنا عارفين ,,

موقفه ده سيعاني منه طويلا

[Diab]

سبحانك يا ربي

في ثواني قلبتوا على الراجل

بقى نبيل العربي تبع القذافي دلوقتي

لمجرد انه قال اللي يسحب الشرعية من رئيسه هو الشعب مش حد من برة

اقولكم بقى عمتي سورية و بتقولي ان مر فيش حاجه بتحصل في حلب نهائي و كل الليلة على الاطراف ناحية تركيا

و انهم بيحبوا بشار فعلا و انه عمل اصلاحات كتير من بعد ابوه

و كتير من السوريين كده علي نفس رأيها من ناس كتير اعرفهم

و دكتور العوا لما اتسأل عن سوريا قال

اللي بيحصل هناك فتنة

لان ناس من الشعب السوري المحترم مع بشار الاسد

و ناس من الشعب السوري المحترم ضد بشار الاسد

و بالتالي ما نقدرش نحكم على الوضع في سوريا زي مصر

و لو كان تصريح دكتور نبيل العربي صحيح يبقى فعلا اللي بيحصل في سوريا مفتعل

لو تعرفي السوريين بيقولوا ايه علي الحلابوية ( الحلبيين ) مكنتيش قولتي كدة

بيعتبروها جمهورية خارج سوريا

شفتي في مصر بيبصوا ازاي علي المنايفة

هما كمان بيبصوا علي الحلب كدة

المكان الوحيد اللي في سوريا كلها مفيهاش مظاهرات

الكلام ده من فم واحد زميلي سوري حموي في العمل

حلب = المنوفية

حماة وجسر الشعور ودرعا و الحتت دي = المحلة والسويس والصعيد وبدو سيناء وووو

شكرا

تم تعديل 14 يوليو 2011 بواسطة Diab

[pink rose]

معلش استاذ دياب ممكن توضيح

ايه علاقة ان الحلبيين زي المنايفة مع كامل الاحترام للاتنين يعني بان اللي بيحصل دا في شبهة افتعال؟؟؟

الاحتجاجات مش في كل سورية

في بعض المدن بس

و بالتالي الوضع فعلا مش واضح المعالم

[ابراهيم عبد العزيز]

معلش استاذ دياب ممكن توضيح

ايه علاقة ان الحلبيين زي المنايفة مع كامل الاحترام للاتنين يعني بان اللي بيحصل دا في شبهة افتعال؟؟؟

الاحتجاجات مش في كل سورية

في بعض المدن بس

و بالتالي الوضع فعلا مش واضح المعالم

يا اخت بينك روز

أختلف معكي واتفق مع الاخوة ممن سبقوني

ومع احترامي لحضرتك فترديد كلاما من نوعية ( ان الاحتجاجات مش فى كل سوريا وان الموضوع فتنة ) هو نفس الكلام الذى يردده اعلام النظام السوري

طبيعي ان الاحتجاجات فى أى ثورة لن تكون فى كل مدن الدولة وطبيعيى انها ستكون متفاوتة فى القوة من مدينة لأخرى , وهذا ما كان فى مصر تماما

وحلب هى المدنية التجارية فى سوريا وغالبية اهلها من التجار , ولذا فالكثير منهم يهمه الاستقرار خوفا على تجارته , وبالتالي لا يمكننا قياس الامور بالنظر الى حلب ابدا , وكما قال الاخ دياب ادخلي الى المواقع السورية المتخصصة فى تغطية الثورة وستري كم الانتقاد الذى تتعرض له حلب بسبب موقفها

ما يحدث فى سوريا يا اخت بينك روز هو ثورة شعبية بدون شك , ولا يجب يا أخت بينك روز ان تلتمسي العذر والمبررات لما يحدث , وانتي ترين امامك على الشاشات جثث القتلى من اخوانا والتى وصل عددها 1800 قتيل حتى الان من بينهم اطفال ( مثل الطفل حمزة الخطيب ) وترين امامك نزوح اللاجئين بالالاف وتشرديهم من بيوتهم

[pink rose]

و الله يا استاذ ابراهيم

انا لا باتفرج على اعلام سوري و لا حاجه من دي عشان اردد كلامه

كلامي مبني على الكلام اللي وصلني من عمتي و ناس غيرها سوريين

غير كده بنسمع في الجزيرة ان الاحتجاجات في درعا و دي اغلب التركيز عليها و مدن تانية تتعد على صوابع الايد

و بالتالي قولت كلامي انها مش في كل سوريا

و مش معنى كلامي انا موافقة على موت الناس ايا كانت اعمارهم لا طبعا دا مرفوض تماما بالنسبالي

تحياتي لحضرتك

[ابراهيم عبد العزيز]

و الله يا استاذ ابراهيم

انا لا باتفرج على اعلام سوري و لا حاجه من دي عشان اردد كلامه

كلامي مبني على الكلام اللي وصلني من عمتي و ناس غيرها سوريين

غير كده بنسمع في الجزيرة ان الاحتجاجات في درعا و دي اغلب التركيز عليها و مدن تانية تتعد على صوابع الايد

و بالتالي قولت كلامي انها مش في كل سوريا

و مش معنى كلامي انا موافقة على موت الناس ايا كانت اعمارهم لا طبعا دا مرفوض تماما بالنسبالي

تحياتي لحضرتك

بالطبع أنا اعلم يا اخت بينك روز انكي كمسلمة لا توافقين على ما يحدث وعلى قتل الناس , هذا شىء مفروغ منه

ولكن ما اعتب عليكي فيه هو أنكي حكمتي أن ما يحدث فى سوريا هو مؤامرة وفتن فقط

وهذا كلاما اذا شاهده أخ سوري ممن فقد عزيز لدية فى هذه الاحتجاجات او شخص سوري مؤيد للثورة فهو كلاما سيحزنه

تذكري يا اخت بينك روز : كيف كان شعورك اثناء ثورتنا فى مصر وسقوط الشهداء عندما كنتي ترين بعض وسائل الاعلام المحلية أو الدولية تخرج لتقول أن الثوار ومن قتلوا منهم هم مجموعة من البلطجية والمأجورين ( ممن باعو اخلاصهم بوجبة كنتاكي وخمسون جنيه )

اتذكرين كم كان مؤلما لكي كمصرية هذا الكلام ؟؟

[Diab]

يا بينك روز

إبراهيم قال اللي كنت هأقوله

تحياتي ليكم أنتوا الإتنين

:clappingrose:

تم تعديل 14 يوليو 2011 بواسطة Diab

[nihal]

سبحانك يا ربي

في ثواني قلبتوا على الراجل

بقى نبيل العربي تبع القذافي دلوقتي

لمجرد انه قال اللي يسحب الشرعية من رئيسه هو الشعب مش حد من برة

اقولكم بقى عمتي سورية و بتقولي ان مر فيش حاجه بتحصل في حلب نهائي و كل الليلة على الاطراف ناحية تركيا

و انهم بيحبوا بشار فعلا و انه عمل اصلاحات كتير من بعد ابوه

و كتير من السوريين كده علي نفس رأيها من ناس كتير اعرفهم

و دكتور العوا لما اتسأل عن سوريا قال

اللي بيحصل هناك فتنة

لان ناس من الشعب السوري المحترم مع بشار الاسد

و ناس من الشعب السوري المحترم ضد بشار الاسد

و بالتالي ما نقدرش نحكم على الوضع في سوريا زي مصر

و لو كان تصريح دكتور نبيل العربي صحيح يبقى فعلا اللي بيحصل في سوريا مفتعل

لو تعرفي السوريين بيقولوا ايه علي الحلابوية ( الحلبيين ) مكنتيش قولتي كدة

بيعتبروها جمهورية خارج سوريا

شفتي في مصر بيبصوا ازاي علي المنايفة

هما كمان بيبصوا علي الحلب كدة

المكان الوحيد اللي في سوريا كلها مفيهاش مظاهرات

الكلام ده من فم واحد زميلي سوري حموي في العمل

حلب = المنوفية

حماة وجسر الشعور ودرعا و الحتت دي = المحلة والسويس والصعيد وبدو سيناء وووو

شكرا

فعلاً غياب حلب مستغرب على الوضع السوري ككل !!

لآن انتفاضة حلب ستفرق كثيراً على وضع الثورة السورية و الله ينصرهم على نظام الطاغية بشار .

اللي ذبح الأطفال .. رحمة الله عليهم .

م / خارج نطاق الموضوع ..

فيما يتعلق بالمنوفية .. أنا أحد بناتها على فكرة .. و لم نكن أبداً على هامش الثورة ..

فصدق أولا لا تصدق يا سيدي .. المظاهرات قامت فيها .. و تم اعتقال الكثير .. و الباقي كان بالتحرير .. و اشتهد من ابنائها .. جعل الله مثواى كل شهدائنا الفردوس الأعلى ..

لم ننام و لم نأكل .. لآننا بكل بساطة مصريين .. خُلقنا جميعاً من أحشاء أم الدنيا .

أتمني لنرتقى أن نبتعد عن العنصرية ..و النظرة المسبّقة لمجرد أنها مدينة الرئيس السابق !!

تم تعديل 14 يوليو 2011 بواسطة nihal