بناء المساجد اقوم ام بناء الانسان

[ابو محمود]

اثناء مرورى بشارع بور سعيد هذا الشارع الغنى جدآ بما يحملة من معنى كلمة غنى لانة شارع تجارى .. وقعت عينى على مسجد يتم افتتاحة وشدنى وشد بصرى الانوار التى علقت من فوق مأذنتة لكنى فكرت كثيرآ فلى ثمن الارض ومن ثم البناء بحسبة بسيطة اعزائى وجدت ان منطقة الموسكى الى باب الشعرية تعد اغلى ثمنآ فى العالم لان المتر فى الموسكى اغلى من سعر المتر فى هونج كونج قاطبة باغلى مولاتها او مبانيها لقد وصل على شارع بور سعيد سعر المتر الى ما يوازى ال250 الف جنية ناهيكم عن شارع الموسكى (جوهر القائد) وهنا بحسبة بسيطة سنعرف ثمن ارض المسجد كم هو ثمنها ناهيكم عن البناء

وهنا لى وقفة ان شارع بورسعيد بة اكثر من مسجد جديد (بناء حديث ) ناهيك عن المساجد المملوكية (العصر الاسلامى ) اذآ نحن امام اشكالية كبرى هل بناء المسجد اهم من بناء الانسان ؟؟؟؟

وهنا نجد ان الاسلام اهتم ببناء الانسان ومن ثم بناء الموسسات الدينية التى تلى بناء الانسان ومنها المساجد ومن ثم دار الرعاية والدعم اذآ الاهتمام بالانسان اهم بالنسبة للاسلام..الفرد فى الاسلام هو مربط الفرس وحماية الانسان من الفقر والعوز اهم من العبادة وتعليم الانسان وتثقيفة اهم من بناء دور العبادة لان الانسان المتعلم هو من يذهب الى المسجد لانة تثقف وقرأ وتعلم اسس الدين ومن هنا واظب ولم ينقطع بل أكمل المنظومة التى نادى بها الاسلام كدين وما ادهشنى بالمنظر الرائع للمسجد هو الاحتفالية التى صاحبت افتتاح المسجد وهنا لا انتقد بناء المساجد بل اهيب بالمجتمع المسلم المتحضر ان ينظر بزاوية صحيحة للمجتمع المعاصر بناء المساجد شيء جميل ومهم وايضآ بناء الانسان مهم بل اهم لان الانسان هو من يعمر مساجد الله اذآ لو فكر كل من أراد ان يبنى مسجد فى من حولة من فقراء وعاطلين عن العمل واليتامى ومن عنس من بنات المسلمين لكان من الافضل ان توجة اموال بناء مسجد بجوارة العديد من المساجد الى مساعدة الناس فى فتح ابواب رزق لهم فهناك مثل يقول .. اعطينى سنارة ولا تعطينى سمكة .... اذآ لو تم توجية مال بناء مسجد تكلف مايقرب من 5ملايين جنية الى منطقة فقيرة ببناء متاجر صغيرة وورش لاعمال بسيطة لابناءها لأنصلح حال الفقراء مع متابعة المشاريع الصغيرة هذة من صاحب العطاء لكانت خيرآ علية فى الثواب من بناء قصورآ ليصلى بها المسلمين وليس مساجد اننا نحتاج الكثير من العمل لرفع بلادنا وفقرائها الى الامام والنهوض بهم بالفكر السليم والتدبر لا الى تحويل اموال المسلمين الى خرسانات وحوائط ونترك الانسان المسلم محتاج الى النهوض باقتصادة ومساعدتة بفتح طريق رزق محترم يغنية عن التسول والفشل والعوز ان اغنياء المسلمين لابد من ان ينهضو بمصر ببناء الانسان المصرى السليم بكفالتة وفتح الطريق الية كى يعمل وعندها لن نجد من يقطع طريق او يبلطج لانة سيذوق طعم العمل وما يجلبة من مصالح نافعة للمجتمع ولة... نحن نحتاج الى فكر جديد لترشيد الانفاق ووضع المال فى المكان الصحيح .. نحن نحتاج الى التكافل لا الى اطعام الناس بالموائد او اعطائهم قطعة قماش او كرتونة بها مواد اعاشة نحن نحتاج الى خطة لتجميع اموال الذكاة والتبرعات والمنح لبناء مجتمع يكفل الفقير والمحتاج لا الى بناء مساجد وعمل موائد للطعام نحن نحتاج الى فكر جديد يوازى او يتوازى مع ما حدث من تغير فى مصر بعد قيام التغيير بثورتها نحن نريد ثورة على كل الا فكار البالية العقيمة ومن ضمنها من يبنى مسجد لله غفر الله لة جميع ذنوبة وعفى عنة هل ترك الفقراء بلا عون وبناء مساجد يرضى الله ؟؟؟

[باهى الطائر الحزين]

صباحكم خير

اعتقد ان بناء الانسان افضل

لأن العبادات فى الاسلام تمثل 10%

اما المعاملات فتمثل ال 90% الباقيه

( الدين المعامله )

يقول رسولنا الكريم ...

( جعلت ليا الارض مسجدا وطهورا )

عليه اذاً يمكنى تأدية الصلاه فى اى مكان

ولكن اذا لم يكن لدى اسس تربويه

تنظم معاملاتى مع الناس فهذا ماهو من غير اللائق

وسيتسبب فى سفك الدماء واشاعة الفوض واعمال قانون الغاب

خلق المولى الانسان وكرمه وفضله على كثيرا من خلقه تفضيلا

وتفضيلا الثانيه هنا للتأكيد / كما حرم دمه

وانزل الديانات جميعا تحض على الفضيله

وبعث الرسل بكتب تنظم لنا شئون معاشنا وطريقة تعاملنا .

اعتقد ان الديانات جميعا لها مناهج قويمه لمن يتبعها

وتعددها واختلافها لأختلاف ازواق البشر وتعدد اجناسهم وميولهم واهوائهم

فستجد فى دوله واحده مثل مصر ديانتان / رغم اننا كلنا مصريون

وستجد مثلا اخر فى الهند 360 ديانه / وكلهم هنود وان تتعددت اجناسهم

وستلاحظ النسبه العدديه بين الدولتنا فى الفارق العددى السكانى كما فى الديانات

وستجد الاختلاف حتى فى مذاهب ابناء الديانه الواحده

وحتى لا اطيل ارى ان بناء الانسان اهم واعمق من بناء دور العباده

التى ماعاد يدخلها الكثيرين حتى من ابناء ديانتها

ويسكنها الان كبار السن والقليل ممن رحم ربى .

شكرا على المساحه / احترامى

[م تيمور المراغي]

لا افراط ولا تفريط

الاصول التصميمة للتخطيط العمراني هو وجود مسجد في دائرة نصف قطرها 500 متر و جامع في دائرة قطرها 2000 متر ده اللي بنخطط المدن على اساسه

فلو كان في المنطقة المصممه ما ذكر اعلاه ويكفي السكان مساحيا كان الاولى توجيه المبلغ لبناء الانسان كما تفضلت

اما لو كان العكس فان بناء المسجد هو الاولى مهما كان السعر

المنطقة دي انا صممت فيها مول من 12 سنه تحديدا في درب البرابرة الذي تسيطر عليه وعلى ما يجاوره عائلة الطوابية شديدة النفوذ والثراء

سعر المتر وقتها للمحلات في الدور الارضي 175 الف جنيه ولباقي الادوار 125 الف جنيه انا عمري ما حنسى وانا بحصر مساحة المحلات بالسنتيمتر والملليمتر ومراجعة اصحابها المستمرة لان كل بوصة كانت بالشيئ الفلاني

تحيتي ,,

[لماضة مصرية جدا]

السلام عليكم و رحمة الله و بركاته

طب ليه ميبقاش الاتنين

بناء المساجد و بناء الانسان

و ليه يكون اختيار طرف علي طرف آخر

انا هختار ان احنا نبني المسجد بس بشكل يكون هو نفسه "وحدة" متكاملة لبناء الانسان

المسجد هو دور عبادة....محدش قال انه فقط مبني علشان الناس تروح تصلي فيه و بعدين تطلع منه و ترجع تاني تتوه في الحياة اللي براه

المسجد المفروض هو محطة "عبادة" تخشها علشان تغسل روحك و تطهر قلبك اللي عمال يلف في ساقية و متشعلق بالدنيا

لدرجة ان الشيخ الشعراوي نفسه قال لو انت رايح تصلي في المسجد صلاة عادية اعمل زي الصحابة

سيب الدنيا مع نعالك علي بابه

علشان نبني المسجد صح

اسمحلي استعرض مع حضرتك تجربة شفتها في ماليزيا

مبهرة

المسجد

مش مجرد مكان صلاة

المسجد مكان "سكينة" و شحن للطاقة الايمانيةو الروحانية بشكل لا تتخيله

البداية...ان عمارة المسجد في حد ذاته "آية من الفن المعماري"

زخارف اسلامية و ليست بهرجة توحي بأنك ستنتقل الي عالم مختلف

و كأنك بتخش في آلة الزمن و بتروح لعصور اسلامية من خلال النقوش و القناديل الصغيرة و الايات الرقانية المحيطة بيك من كل جانب و كأنها تحفظك

مكان الوضوء....اعجاز لان بيتم فيه توظيف التكنولوجيا علشان متسرفشي في استخدام المياه (الحنفية الالي بتشتغل باللمس و تقريبا بتتوقف عند وقت معين هو وقت احتساب القدر الكافي من المياه اللازمة للوضوء من غير اسراف و لا تقطير) معجزة فعلا

لما تتجول في المسجد نفسه تشعر انك في مؤسسة متكاملة لازم تصحي فيك انسانيتك

المؤسسة دي مش بتخاطب حد علي حساب حد

ببساطة فيها مكان للاطفال...عارف المكان ده ايه....مكان فيه مراجيح و العاب في ساحة مش واسعة كتير لكن الفكرة في حد ذاتها...علشان لو حد بيصطحب معاه ابنه للصلاة ممكن يحب المسجد لانه هيصلي و يهلعب و هيتعرف علي اطفال مسلمين زيه

المسجد كمان فيه غرفة صلاة...مش للسيدات

دي اسمها غرفة صلاة للاسرة

يعني بعد ما الناس بتصلي جماعة فيه غرف صغيرة منفصلة علشان ممكن تتجمع فيها الاسر علشان تقرا القران و تتدارسه و كمان تصلي النوافل بس مع بعضها

المسجد ملحق بيه مكتبة ضخمة جدا....المكتبة دي مش دينية علي فكرة فيها كل ما تتخيله من كتب و اللي اصلا الناس نفسهم هم اللي بيحطوا الكتب

المسجد بيقوم بندوات و لقاءات كتير بيتكلم فيها عن الاسلام و خصوصا للناس اللي راغبة انها تعرف عنه...(مش الناس الي دخلت في الاسلام لسه) و فيه سماحة غير عادية

يعني ممكن واحدة تكون بشعرها او لسه بتفكر في القرار و بتحضر الندوة عادي ومحدش بيجبرها بزي معين و لا بيجبرها انها تسأل في اتجاه معين

المسجد بالشكل ده

بالفكر ده

بالروح دي

تفتكر راح يبني الانسان و لا لا

مشكلتنا ان احنا بنبني بس حتة نصلي فيها

لكن ناسين ان المسجد هو اللي بيبني الامة كلها

مش ده برضه كان علي ايام الرسول صلي الله عليه و سلم

المسجد هو النواة لقيام مجتمع متكافل متكامل زي ما حضرتك قولت

دول شرق اسيا علشان عندهم ظمأ للدين بيتعاملوا مع الاسلام بشكل اكتر منمنا احنا كمسلمين اللي واخدينه كأمر مسلم بيه

عارف حضرتك لما حد بيكون "بيحب" الدين ده اوي

بتلاقيه واخد باله من كل تفصيلة بتتعلق بالدين ده

مش مجرد بيحط طوبة فوق طوبة و يفرش شوية سجاجيد

ده بيفكر...وبيوظف كل اللي استفاده في حياته بره المسجد علشان يحطه جوه المسجد و كأن المسجد هو الخزنة بتاعته اللي بيشيل فيه اغلي ما عنده

روحه و صلته بربنا

انا رايي...ان احنا محتاجين نبني مساجد...تبني بني أدمين

محتاجين مساجد تصحي الروح بجمالها و روحانيتها و مخاطبتها للعقل و الفكر و البنيان الانساني

محتاجين مساجد تكون فعلا محطة بنزين علشان نرجع تاني للدنيا بس نكون أكثر زهدا فيها

و دي وجهة نظري

تحياتي

[se_ Elsyed]

الاستاذ محمود يقصد بناء المساجد اللي اكتر من اللازم واللي وصلت لدرجة في مصر دلوقت إنك ما بقتش تقدر تستمتع بخطبة الجمعة من كتر المساجد الملاصقة لبعضها البعض واللي ميكروفوناتها بتشوشر على بعض

للأسف دي إفكارنا عن الدين اللي موديانا في داهيه

هووووووووووجه مساجد وشوفتها بعيني وربنا هايحاسبني على كده ... مساجد لا يفرقها عن بعض الا مترين أو تلاتة

أقول تاني ؟

مترين أو تلاتة بالكتير

ومساجد بقى المصلون فيها ما يكملوش صف واحد كل صلاة .

ومع ذلك أهل الحي فيهم فقراء تحت خط الفقر بمراحل ..

ومشاكل في الحي تودي في داهيه

وتحايل على القانون لإن كان زمان - دلوقت القانون ده إتلغى - كل واحد يبني عمارة يقوم عامل تحتها زاوية عشان يُعفى من العوايد أو الضرايب العقارية

المفاجأة ... وللأسف مالحقتش أصور ده الأسبوع الماضي... هو أن تشارك مساجد في هوجة الأنفلات الاخلاقي والسلوكي في ما بعد الثورة وتقوم بالبناء المخالف .. والله والله والله شوفت بعيني في ثواني الطوب والاسمنت جه وبنوا على الرصيف اللي قدام المسجد وضموا المبنى للمسجد

أيوه بس الرسول ركز كتير وأتكلم كتير عن حق الطريق ونهى حتى عن الصلاة في الطرقات؟

أكفر بقى .. بنقول لك ده مسجد ... مسجد يعني يعمل اللي هو عاوزه .. ده بيت ربنا يا بني أدم

تخيلوا يا جماعة مسجد أو مسجدين فقط في منطقة شعبية .. لكنهم مركز أشعاع وتثقيف ... والا هم من ذلك .. مركز تكافل إجتماعي ومساعدة في حل الازمات الاقتصادية والاخلاقية ويقوم بالاصلاح بين الناس و و و و و و و و .. يعن حكومة مصغرة تحكم وتأمر وتنهى بالرضا والقبول من الناس

------------

قس على ذلك . ناس كتيررررررررررة ميسوري الحال ... العُمرة والحج بالنسبة لهم مشوار كأنه طالع على اول الشارع وراجع ... ويمكن من اكثر الشعوب في العالم اللي بتؤدي هذه الفريضة بشكل متكرر خصوصاً الحج هو الشعب المصري ... هل في حد يقدر يتكلم عن الفريضة التي يسعى كل مسلم لأداءها مرة واحدة لتسقط عنه ؟

لأ طبعاً

لكن إحنا بنتكلم عن الناس اللي بتطلع كل عام وبتصرف الاف مؤلفة

هاحكي لكم على موقف ظريف ....

محلات " نجف " للفول والطعمية والمنتشرة في القاهرة وبدأت من العباسية وأنتشرت ما شاء الله عشان فكر اللي ورثها بعد وفاة المؤسس والدة ... ده إبن خالتي على فكرة

المهم كلمني العام قبل الماضي عشان أدور له على فيزا حرة .. !!!!!!!!!1

مش عشان يشتغل ههههه ..

لكن عشان يبقى حُر وييجي السعودية وقت ما هو عاوز يعمل عُمرة . وتقريباً بيعمل عُمرة كل شهر ...

أيوه هو راجل مُحسن ورجل بر

لكن البحر بيحب الزيادة

يعني التأشيرة كانت هاتتكلف مش أقل من 30 الف جنية ... وبنتكلم عن مصاريف لا تقل عن 10 الاف في الشهر في حالة أداء العًمرة ..

طب إيه رأيك لو عملت بهم مشروع تجوز فيه شاب أو فتاة غير قادرة والمبلغ ده بالنسبة له حلم صعب المنال ... يعني دول لو أندفعوا لشاب كإيجار شقة قانون جديد نقول بـ 300 ج ... يعني 3 سنين مش هايشيل هم إيجار .. او لفتاة نجيب لها بوتاجاز وغسالة وحاجات مطبخ يخلوها تتجوز بسهولة ....

مش ده أفضل عند ربنا مليون مرة من حد بيعمل عُمرة كل شهر ؟

انا مش هاتكلم عن الحج اللي للناس اللي زي دي بيبقى لا يقل عن 100 الف جنيه سنوياً

أحكموا أنتوا بقى ؟

أنهو أفضل للدنيا كلها ... بناء مساجد بالكوم وهي موجودة بكثرة أساساً .. أم بناء إنسان مسلم قوي يقدر هو يبني بعد كده في كل شبر مسجد ؟؟

وانهي أفضل ... أني أشوف الفقراء اللي لا حصر لهم وماحدش يقول لي ما هو ممكن يكون بيتبرع ورجل خير .. سيبه يا عم يطلع عمرة كل يوم ..

أقول له أسف .. شوف الوضع حواليك وشوف منافذ الخير اللي لا حصر لها .... بلاش في بلدنا ... شوف منظر المجاعات في الصومال ... شوف المناظر في أفريقيا السمراء اللي مش بيلاقوا حتى جريد النخل يعملوا به مسجد .. وشوف حلمهم بأقتناء مُصحف يقرأوا فيه ... في حين المصاحف عندنا بتبرك بها ونعلقها في سيارتنا للزينة .. بل بنضعها تحت المخدة عشان ما يجيلناش كوابيس وأصبحت يعلوها التراب والصدأ

للأسف فقه الاولويات لدينا ضاع في الزحمة .. وضاع في خلافنا وجدالنا حول القضايا الخلافية اللي أسف .. كتير منها تافهة

إنزلوا الشارع كده وشوفوا الناس يهمهما الدستور أولاً ولا مش عارف مين ثانياً ...ولا يهمها لقمة العيش والحياة الكريمة

إنزلوا الشارع وقارنوا بين بنا المساجد اللي بيُجرى على قدم وساق عشان نتباهى ونتفاخر بيننا وبين بعض

أه بالمناسبة ... أنا أصولي وجذوري من قرية صغيرة تعدداها لا يتجاوز 5000 نسمة

رجال وأطفال وشيوخ ونساء و و وو و و

فلقيت أخويا وهو بيحب الريف وبيسافر يوم او يومين على الاقل كل شهر ... عكسي تماماً

المهم عنده بيت هناك كإستراحة يعني .. فلقيته بيقول لي : عمك فلان .. وهو راجل مليونير ما شاء الله .. عاوز يشتري البيت بتاعي بأي ثمن .. قولت له ليه هو ناقص ؟

قال لي : لأ ده عاوز يبني مكانه مسجد .. مع إنه عندنا في المنطقة الصغيرة جداً ديعلى الاقل 3 مساجد ضخمة ..

طب ده أنت عندك فقرا مالهمش حل في البلد ... طب نقول إيه ونعيد إيه ؟

[باهى الطائر الحزين]

قبل بناء المسجد...

يجب بناء الانسان الذى يحاضر فى هذا المسجد

والذى سوف يرتاده / وعلى اى الاسس وبأى منطق او توجه

وهذه نظرتى الشخصيه الليبراليه / للاديان

اتفق ووهجهات نظر بعض الساده الافاضل

واعتذر منكم / لست برجل دين / هذا شرفٌ لا ادعيه

احترامى للجمع الموقر

[طارق مصرى]

تعرف لو احنا المسلمين بنتبع السنة صح كنا حلنا كل مشاكلنا , الاخوة اللى يبنوا مساجد و يبهرجوا فيها أحسب إنهم عملوها بنية كويسة ربنا يجازيهم خير بس لو سألوا أهل العلم كانوا عرفوا إن الرسول صلى الله عليه وسلم و السلف الصالح نهوا عن زخرفة المساجد و البهرجة فيها بل إن ذلك من علامات الساعة .

زخرفة المساجد والإسراف في بنائها من علامات ‏الساعة، فقد روى الإمام أحمد عن أنس رضي الله عنه أن رسول الله صلى الله عليه وسلم قال: " لا ‏تقوم الساعة حتى يتباهى الناس في المساجد".‏

وقال البخاري في صحيحه في كتاب الصلاة، باب بنيان المساجد: ( قال أنس: ‏يتباهون، ثم لا يعمرونها إلا قليلاً، فالتباهي بها: العناية بزخرفتها. قال ابن عباس: ‏لتزخرفنها كما زخرفت اليهود والنصارى).‏

وقد جاء وعيد شديد على هذه الزخرفة، وهو فيما رواه الحكيم الترمذي عن أبي ‏الدرداء رضي الله عنه قال: " إذا زوقتكم مساجدكم، وحليتم مصاحفكم، فالدمار ‏عليكم" قال الألباني في صحيح الجامع: إسناده حسن.‏

وما ذكرته من التصدق بثرية كبيرة الحجم يقدر ثمنها بثلاثين ألف دولار، داخل في ‏حد الإسراف، والأولى - بلا شك- أن يكتفى بما يحقق الغرض من الإنارة، ثم يتصدق ‏بالباقي، ولنا أسوة في رسول الله صلى الله عليه وسلم وفي أصحابه، فقد عمروا ‏المساجد بالطاعة والعبادة، معرضين عن الزينة والزخرف.‏

قال عمر رضي الله عنه عند تجديد المسجد النبوي: "أكِنَّ ‏الناس من المطر، وإياك أن تحمر أو تصفر، فتفتن الناس".‏

رواه البخاري قال المناوي في فيض القدير: (فزخرفة المساجد، وتحلية المصاحف منهي عنها، لأن ‏ذلك يشغل القلب، ويلهي عن الخشوع والتدبر والحضور مع الله تعالى. والذي عليه ‏الشافعية أن تزويق المسجد، ولو الكعبة، بذهب أو فضة حرام مطلقاً، وبغيرهما ‏مكروه) انتهى .

والله أعلم.‏

http://www.islamweb.net/fatwa/index.php?page=showfatwa〈=&Option=FatwaId&Id=9320

[ابراهيم عبد العزيز]

أعتقد أن القارىء للسيرة النبوية

يجد أن رسول الله صلى الله عليه وسلم اعطى الاولوية لبناء الانسان

وعمل صلى الله عليه وسلم على بناء الانسان روحانيا وخلقا وجسمانيا

فاخرجت مدرسة الحبيب رجال ونساء صدقوا ما عاهدوا الله عليه

أعتقد الان أصبح الاهتمام بالمظاهر الدينية أكثر بكثير من الاهتمام بجوهر الدين

تم تعديل 15 يوليو 2011 بواسطة ابراهيم عبد العزيز

[عادل أبو عمر]

رأيي توجيه المبلغ للناس أفضل ..

لأن المساجد موجودة في هذه المنطقة بالفعل و لا تحتاج سوى إلى أئمة بفكر إسلامي صحيح

و لو أصر صاحب التبرع على بناء المسجد .. فيمكنه بناء مائة مسجد بهذا المبلغ في عدة قرى و مدن خارج القاهرة تحتاج فعلا لترميم مساجدها أو لإعادة بنائها ... و من يذهب للقرى يرى كيف هي مرافق هذه المساجد .. و كيف يتم تجميع تبرعات من الأهالي جنيهات لا تكفي للتنفيذ

في نفس السياق .. كنت فعلا أتعجب من وجود جمعيات خيرية في بعض المدن الصناعية يتم توجيه تبرعات لها بمبالغ كبيرة من المستثمرين في تلك المدن ( مبالغ التبرعات تخصم الضرائب ) .. و كانت كل جمعية تتسابق لعمل كشوف محتاجين لتقديمها حين طلب المراجعة عليها .. فكنت أرى أن المبالغ أكثر من عدد المحتاجين و كان مجموعة من زملائي يعملون بحوث ميدانية عن بعض الحالات المحتاجة فترى العجب أن بعضها أصبح محترف جمعيات فيأخذ من اكثر من جمعية ..

الفكرة هي ماذا لو كان هناك بيت مال المسلمين بأي شكل متوافق مع مؤسسات الدولة الأخرى .. أنا مقتنع ان مصر بفضل الله غنية بأولادها البسطاء قبل الأغنياء .. البسطاء الذين لا يتأخرون عن المتاجرة مع الله و بذل الصدقات في السر و العلن حتى و هم في احتياج

عندي يقين إننا لو حددنا جهة واحدة تتولى تجميع الزكاة و التبرعات و الصدقات بكافة أبوابها فستكون الحصيلة مفاجأة للجميع .. و الخير الموجود في المصريين لم ينضب أبدا و يكفينا كيف اتضح في تضحية بالأرواح في 25 يناير ...

توحيد جهة التبرعات يساعد في حصر مليارات الزكاة و التبرعات و يساعد في تحديد أولويات الصرف سواء على المسجد أو الإنسان على مستوى مصر بالكامل و توجيه هذه الأموال إلى مصارفها الشرعية و قبل ذلك إطمئنان مؤدي الزكاة أو المتبرع بوصول صدقته أو زكاته إلى مستحقيها

تم تعديل 15 يوليو 2011 بواسطة عادل أبو عمر

[ابو محمود]

الاستاذ محمود يقصد بناء المساجد اللي اكتر من اللازم واللي وصلت لدرجة في مصر دلوقت إنك ما بقتش تقدر تستمتع بخطبة الجمعة من كتر المساجد الملاصقة لبعضها البعض واللي ميكروفوناتها بتشوشر على بعض

للأسف دي إفكارنا عن الدين اللي موديانا في داهيه

هووووووووووجه مساجد وشوفتها بعيني وربنا هايحاسبني على كده ... مساجد لا يفرقها عن بعض الا مترين أو تلاتة

أقول تاني ؟

مترين أو تلاتة بالكتير

ومساجد بقى المصلون فيها ما يكملوش صف واحد كل صلاة .

ومع ذلك أهل الحي فيهم فقراء تحت خط الفقر بمراحل ..

ومشاكل في الحي تودي في داهيه

وتحايل على القانون لإن كان زمان - دلوقت القانون ده إتلغى - كل واحد يبني عمارة يقوم عامل تحتها زاوية عشان يُعفى من العوايد أو الضرايب العقارية

المفاجأة ... وللأسف مالحقتش أصور ده الأسبوع الماضي... هو أن تشارك مساجد في هوجة الأنفلات الاخلاقي والسلوكي في ما بعد الثورة وتقوم بالبناء المخالف .. والله والله والله شوفت بعيني في ثواني الطوب والاسمنت جه وبنوا على الرصيف اللي قدام المسجد وضموا المبنى للمسجد

أيوه بس الرسول ركز كتير وأتكلم كتير عن حق الطريق ونهى حتى عن الصلاة في الطرقات؟

أكفر بقى .. بنقول لك ده مسجد ... مسجد يعني يعمل اللي هو عاوزه .. ده بيت ربنا يا بني أدم

تخيلوا يا جماعة مسجد أو مسجدين فقط في منطقة شعبية .. لكنهم مركز أشعاع وتثقيف ... والا هم من ذلك .. مركز تكافل إجتماعي ومساعدة في حل الازمات الاقتصادية والاخلاقية ويقوم بالاصلاح بين الناس و و و و و و و و .. يعن حكومة مصغرة تحكم وتأمر وتنهى بالرضا والقبول من الناس

------------

قس على ذلك . ناس كتيررررررررررة ميسوري الحال ... العُمرة والحج بالنسبة لهم مشوار كأنه طالع على اول الشارع وراجع ... ويمكن من اكثر الشعوب في العالم اللي بتؤدي هذه الفريضة بشكل متكرر خصوصاً الحج هو الشعب المصري ... هل في حد يقدر يتكلم عن الفريضة التي يسعى كل مسلم لأداءها مرة واحدة لتسقط عنه ؟

لأ طبعاً

لكن إحنا بنتكلم عن الناس اللي بتطلع كل عام وبتصرف الاف مؤلفة

هاحكي لكم على موقف ظريف ....

محلات " نجف " للفول والطعمية والمنتشرة في القاهرة وبدأت من العباسية وأنتشرت ما شاء الله عشان فكر اللي ورثها بعد وفاة المؤسس والدة ... ده إبن خالتي على فكرة

المهم كلمني العام قبل الماضي عشان أدور له على فيزا حرة .. !!!!!!!!!1

مش عشان يشتغل ههههه ..

لكن عشان يبقى حُر وييجي السعودية وقت ما هو عاوز يعمل عُمرة . وتقريباً بيعمل عُمرة كل شهر ...

أيوه هو راجل مُحسن ورجل بر

لكن البحر بيحب الزيادة

يعني التأشيرة كانت هاتتكلف مش أقل من 30 الف جنية ... وبنتكلم عن مصاريف لا تقل عن 10 الاف في الشهر في حالة أداء العًمرة ..

طب إيه رأيك لو عملت بهم مشروع تجوز فيه شاب أو فتاة غير قادرة والمبلغ ده بالنسبة له حلم صعب المنال ... يعني دول لو أندفعوا لشاب كإيجار شقة قانون جديد نقول بـ 300 ج ... يعني 3 سنين مش هايشيل هم إيجار .. او لفتاة نجيب لها بوتاجاز وغسالة وحاجات مطبخ يخلوها تتجوز بسهولة ....

مش ده أفضل عند ربنا مليون مرة من حد بيعمل عُمرة كل شهر ؟

انا مش هاتكلم عن الحج اللي للناس اللي زي دي بيبقى لا يقل عن 100 الف جنيه سنوياً

أحكموا أنتوا بقى ؟

أنهو أفضل للدنيا كلها ... بناء مساجد بالكوم وهي موجودة بكثرة أساساً .. أم بناء إنسان مسلم قوي يقدر هو يبني بعد كده في كل شبر مسجد ؟؟

وانهي أفضل ... أني أشوف الفقراء اللي لا حصر لهم وماحدش يقول لي ما هو ممكن يكون بيتبرع ورجل خير .. سيبه يا عم يطلع عمرة كل يوم ..

أقول له أسف .. شوف الوضع حواليك وشوف منافذ الخير اللي لا حصر لها .... بلاش في بلدنا ... شوف منظر المجاعات في الصومال ... شوف المناظر في أفريقيا السمراء اللي مش بيلاقوا حتى جريد النخل يعملوا به مسجد .. وشوف حلمهم بأقتناء مُصحف يقرأوا فيه ... في حين المصاحف عندنا بتبرك بها ونعلقها في سيارتنا للزينة .. بل بنضعها تحت المخدة عشان ما يجيلناش كوابيس وأصبحت يعلوها التراب والصدأ

للأسف فقه الاولويات لدينا ضاع في الزحمة .. وضاع في خلافنا وجدالنا حول القضايا الخلافية اللي أسف .. كتير منها تافهة

إنزلوا الشارع كده وشوفوا الناس يهمهما الدستور أولاً ولا مش عارف مين ثانياً ...ولا يهمها لقمة العيش والحياة الكريمة

إنزلوا الشارع وقارنوا بين بنا المساجد اللي بيُجرى على قدم وساق عشان نتباهى ونتفاخر بيننا وبين بعض

أه بالمناسبة ... أنا أصولي وجذوري من قرية صغيرة تعدداها لا يتجاوز 5000 نسمة

رجال وأطفال وشيوخ ونساء و و وو و و

فلقيت أخويا وهو بيحب الريف وبيسافر يوم او يومين على الاقل كل شهر ... عكسي تماماً

المهم عنده بيت هناك كإستراحة يعني .. فلقيته بيقول لي : عمك فلان .. وهو راجل مليونير ما شاء الله .. عاوز يشتري البيت بتاعي بأي ثمن .. قولت له ليه هو ناقص ؟

قال لي : لأ ده عاوز يبني مكانه مسجد .. مع إنه عندنا في المنطقة الصغيرة جداً ديعلى الاقل 3 مساجد ضخمة ..

طب ده أنت عندك فقرا مالهمش حل في البلد ... طب نقول إيه ونعيد إيه ؟

ياسلام عليك يا كبير

خد دى

هناك رجال يملكون ما يعادل نصف طن ذهب غير المحلات وخلافة من الماس وأتفرج بقى على ما ينفقوة من كراتين طعام وبلح ولحمة ولائم طعام فى رمضان والغريب ان عندهم عمال يسكنون العشش والاماكن العشوائية وشباب على سن زواج لكن وأة من لكن دي يا سيدى عمرة شهريآ او حجة سنوية وفيزا مفتوحة وكأن الأغنياء يصرون على جعل الفقراء يذدادون فقرآ وعوز ودة لب الموضوع لو تم تقسيم ال5ملايين بتوع الجامع اياة على بناء100 اسرة لتنتج لنا من ورش يبقى عندنا 100 ورشة لانتاج منتجات بسيطة تدر دخل لاصحابها وترفع من اقتصادنا لكن هنقول اية عقول ومعتقدات ربنا يهدينا الى ما يحب ويرضى وينير لنا عقولنا ويرحمنا

تم تعديل 15 يوليو 2011 بواسطة محمودمصطفى