إساءة إستخدام خاصية التقييم

[Alshiekh]

كثيرا مانري في حياتنا اساءة استخدام لبعض الأدوات أو العدد.

فمثلا نجد من يستخدم مفتاح بلدي بدلا من المطرقة ، أو من يستخدم حذاءه كشبشب.

أيضا هناك من يستخدم مشروب الكولا في تنظيف زجاج السيارة أو حتى استخدام مفتاح الشقة بدلا من المفك.

في موضوعنا هنا نجد سوء استخدام واضح من البعض لخاصية التقييم ، بشقيها السالب والموجب ، أو الأحمر والأخضر.

فنجد البعض يعدي تقييما سالبا لمداخلة ليس بها مايدعو لتقييمها من الأصل ، ونرى عضوا آخر يعطي تقييما موجبا لعضو آخر لم يكتب شيئا بل مجرد ايقونة وجه مبتسم.

وحتى لا أطيل عليكم سأضع آخر ماحصلت عليه من تقييم سالب لإحدي مداخلاتي التي لاأرى أنها تستحق التقييم أصلا لأنها اعتراض مني علي رد عضو أخر ليقوم عضو ثالث لم ارى له مشاركة في الموضوع بتقييم ردي بالسالب.

وبالطبع لكل من يرى أن إحدى مداخلاته قد نالها تقييم سالب أو موجب دون وجه حق يمكنه أن ينشرها لو أحب.

وسأبدأ بنفسي

[tarek hassan]

عضو من الأعضاء أعطاني أكثر من عشرة تقييمات سالبة دون إبداء أي سبب أو أي مشاركة منه وكأنه يدخل لهذا الغرض فقط وكان آخرها ثلاثة في موضوع واحد بواقع واحد في كل مداخلة في موضوعي ولما يئست من هذه الظاهرة قلت لن أرد هذه المرة على تقييماته السالبة الثلاث

والعجيب والغريب يا أستاذ محمد أنه تم منذ أيام مجازاتي من قبل الإدارة برفع خاصية التقييم عني ( لسوء الاستخدام ) معه سواء بسواء مع عضو ثالث يتبع معي نفس الأسلوب ( أي بلا مشاركات )

المشكلة تبدو خاصة ولكنها عامة

- مشكلة البعض ممن يقييمون الناس كثيرا بالسالب دون أن يشاركوا ودون أن يعلموهم السبب أو يبصروهم بخطأهم الذين يستحقون عليه التقييم الأحمر

- طبعا الرد بتقييم السالب بالسالب عشوائيا خطأ فما الحل إذن ؟

اقترح إلغاء عملية التقييم أو وضع ضوابط لها معلومة للجميع والاهتمام بالشكاوى التي ترد إليهم في هذا الشأن

تحياتي وشكرا

تم تعديل 15 يوليو 2011 بواسطة tarek hassan

[shawshank]

أقترح أن يعلَن حصر بالحالات المعتبرة إساءة استخدام لخاصية التقييم، حتى تكون القواعد التي تتخذ على أساسها إجراءات إدارية معلومة للجميع، ولتضييق مساحة التقدير عند اتخاذ الإجراء.

[أمل حياتي]

أخي الفاضل Mohammad

شي جيد طرحك لهذا الموضوع لنتحدث عن بعض الملاحظات التي تخص خاصية التقييم

- أولا فيما يتعلق بموضوعك او موضوع أخي tarek hassan فإنني أقترح ان يتم فور حدوث ذلك قيامكم كمشرف

بمخاطبة العضو الذي وضع تقييم سالب بشكل خاص بينكم وبينه كإداره ومشرفين وذلك بإنذاره لعدد من

المرات مثلا مرتين ومن ثم إعلان اسمه وعمل إجراء تأديبي كمنعه من المشاركه لفتره وذلك في الباب

الذي يتم فيه إعلان أي تغيير أو موضوعات تخص الإدارة .

- لاحظت كذلك قيام عضو بعمل تقييمات سالبه لأحد الأعضاء الذي كان يرد على بعض التهاني من أعضاء

المنتدى وذلك طبعا لخلافه في الرأي مع معظم أعضاء المنتدى ( بدون ذكر أسماء ) مما وجدته بصراحه

تهاونا من المشرفين في التنبيه على العضو الذي وضع تقييمات سالبه وقد يكون ذلك بسبب إنشغال

المشرفين نظرا لكثرة تشعب موضوعات المنتدى ....

- واقترح كذلك حذف خاصية التقييم السلبي فإذا أعجبني موضوع ما فشيء جيد ان أعبر عن ذلك بالإيجاب

ولكن ما جدوى خاصية التقييم السلبي فبإمكاني أن أرد على العضو كتابة بما أخالفه بالرأي ...

هذا رأييي وتقبل تحياتي .....

[ابراهيم عبد العزيز]

أعتقد أن خاصية التقييم هى ميزة للمنتدى ويجب التمسك بها

ولكن يمكن تقويم من يسيء استخدامها فقط

[raouf]

انا اقترح ان يكون عدد التقييمات السالبة او الموجبة عدد ثابت يوميا لا يمكن تجاوزه هذا اولا

ثانيا يرتبط العدد الثابت بعدد مشاركات العضو بمعنى ال يملك العضو التقييم الا اذا تعدت مشاركاته 100 مشاركه

طيب الاعضاء القدامى يكون له الحق بالتقييم بنسبة 1% من مشاركاته بمعنى انا عندى 800 مشاركة مثلا يبقى اقدر اقيم بالايجاب او السلب 8 نقييمات

والعضو اللى عدد مشاركاته 1500 مثلا يقدر يقيم 15 مرة يوميا وهكذا

يبقى بهذا الاقتراح اجبرنا الأعضاء المشاهدون الصامتون على المشاركة اولا ثم حجمنا التقييمات المفتوحة وقضينا على العضويات الوهمية اللى داخلة تقييم سواء ايجاب او سلب

[م تيمور المراغي]

مادام الموضوع اتفتح انا عاوز الادارة الكريمة مشكورة ترجع لي خاصية ارسال التقارير ومش حستخدمها في رسايل خاصة للمشرفين زي ماحصل وعاوز خاصية التقييم عشان فيه مشاركات رائعه لا انا عارف اقيمها ولما اكتب اعجابي بيتم حذفها

تحيتي ,,

[Diab]

احسن حاجة نعمل الخاصية بتاعة الفيس بوك لايك او ديسلايك

أو نعمل بتاعة مصراوي لو عضو خد عدد معين من التقيمات السالبة يتم منعه من المشاركة اسبوع مثلا وتتصاعد حتي الوقف النهائي وبكدة يبقي ضمير المحاورات هو الحاكم مع الأخذ في الأعتبار الأعضاء اللي هاريين مخالفينهم تقيمات سالبة ورفع الخاصية عنهم

تم تعديل 15 يوليو 2011 بواسطة Diab

[نورالعين]

سؤال بعد اذنكم

ممكن افهم

هو كل واحد له كم من النقط الخضراء والحمراء لأنها خلصت من عندي

الخضراء هي اللى خلصت

انا ضد الحمراء :closedeyes:

ممكن احسن نعمل تبليغ اونرد على الرأي الذي لا يعجبنا

تحياتي

[mezo]

عضو من الأعضاء أعطاني أكثر من عشرة تقييمات سالبة دون إبداء أي سبب أو أي مشاركة منه وكأنه يدخل لهذا الغرض فقط وكان آخرها ثلاثة في موضوع واحد بواقع واحد في كل مداخلة في موضوعي ولما يئست من هذه الظاهرة قلت لن أرد هذه المرة على تقييماته السالبة الثلاث

والعجيب والغريب يا أستاذ محمد أنه تم منذ أيام مجازاتي من قبل الإدارة برفع خاصية التقييم عني ( لسوء الاستخدام ) معه سواء بسواء مع عضو ثالث يتبع معي نفس الأسلوب ( أي بلا مشاركات )

المشكلة تبدو خاصة ولكنها عامة

- مشكلة البعض ممن يقييمون الناس كثيرا بالسالب دون أن يشاركوا ودون أن يعلموهم السبب أو يبصروهم بخطأهم الذين يستحقون عليه التقييم الأحمر

- طبعا الرد بتقييم السالب بالسالب عشوائيا خطأ فما الحل إذن ؟

اقترح إلغاء عملية التقييم أو وضع ضوابط لها معلومة للجميع والاهتمام بالشكاوى التي ترد إليهم في هذا الشأن

تحياتي وشكرا

يا راااااااااجل امال السالب الى انتى ادتهونى فى التقييمات دى لمجرد انى حطيت رابط او فيديو بياكد الخبر الى انا جبته او لانى قيمت موضوع زيادة الحديد وتاثيره على زيادة متر المبانى والى بقوله من خبرتى كمهندس شغال فى المهنة دى والاخوة المهندسين فى المنتدى معترضوش على الكلام ده ومش هقدر اقولك غير اتقى الله

[MohamedAli]

خاصية التقييم فوجئت انها اختفت من عندي

وانا متأكد انني لم اسئ استخدامها

لذلك عندى اقتراح ان تكون هناك قوانيين تحدد معنى (اساءة الاستخدام) لأنها كلمه مطاطه جداً - تشبة قوانين حسني مبارك - التى تضيق وتتسع حسب الهوى الشخصي

تم تعديل 9 أغسطس 2011 بواسطة MohamedAli

[Damo]

وبالطبع لكل من يرى أن إحدى مداخلاته قد نالها تقييم سالب أو موجب دون وجه حق يمكنه أن ينشرها لو أحب

مرة حد كان محتار مابين اختيارين في دراسته مشعارف يختار المريح ولا اللي مربح ولا اللي بيحبه ولا اللي اهله عايزينه ولا اللي فرصه أكتر ولا اللي رخيص الخ الخ الخ وأنا الصراحة كان مليش أي خبرة في المجالات اللي حددها. بس قولتله "اعمل اللي بتحبه" وسكت عشان اعتقدت كده هيوصل باختصار رأيي في اهمية حبه للمجال وهو بيختار بدون رغي في حاجة أنا مبفهمش فيها اصلا. اداني تقييم سالب وانا اعتقدت السبب انو لقى مداخلتي مفدتوش بحاجة خالص أو اني مقلتش حاجة تقنعه. بس للاسف بعديها برر : " القرار في النهاية هايبقى خاص بيا".

المهم على حسب ما أنا فاكره أول ما طلعت خاصية التقييم حد من المشرفين قال ان فايدتها ابداء الرأي سواء بالسالب أو الموجب بدل ماتتحط مشاركة للمدح أو الإعتراض فقط بدون ما تضيف للفكر والموضوع يبقى منظم ومفيد وعملي أكتر للمتابعة والقراء في المستقبل.

دلوقتي الكل بيعترض على اللي يقيم سالب بدون مايبرر بمداخلة. طب في الحالة دي يبقى إيه لزمة التقييم لو كده كده مطلوب مداخلة ؟

وحتى لا أطيل عليكم سأضع آخر ماحصلت عليه من تقييم سالب لإحدي مداخلاتي التي لاأرى أنها تستحق التقييم أصلا لأنها اعتراض مني علي رد عضو أخر ليقوم عضو ثالث لم ارى له مشاركة في الموضوع بتقييم ردي بالسالب.

أستاذ محمد

اسمحلي اختلف مع حضرتك على المثال ده بالذات لأن أنا شايفه المداخلة لم تثر الموضوع. حضرتك اعترضت فقط و بدون أي مبررات.ممكن يكون فيه أكتر من سبب وجيه لكده:

- حد تاني ذكر نفس أسباب الإعتراض وفي الحالة دي ييجي دور التقييم الايجابي

- الأسباب واضحة ومش محتاجة تتفسر في مداخلة لوحدها وفي الحالة دي ييجي دور التقييم السلبي بدون كتابة مداخلة مخصوص.

- المداخلة فيها تهكم أو استفزاز الخ و مبقاش مجرد نقاش أو جدال على الموضوع الأصْلي. وعلي حد علمي في الحالة دي المطلوب تدخل من الادارة مش تقييمات.

وفي بالي سبب واحد بس مش وجيه إن العضو يكون متهرب من الجدل أو المواجهه.

حضرتك قلت "تعليقك غير مقبول" بدون مبرر و شخص عمل تقييم سالب بدون مبرر. أنا شايفه الفعلين زي بعض بالظبط الفرق الوحيد انه مكتبش مداخلة مخصوص يقول غير مقبول.

أنا بقترح زي الأستاذ MohamedAli يتحدد قوانين ثابته وواضحة للتقييمات لأن واضح إن كل واحد فاهمها حاجة شكل وبالتالي أكيد طبعا هيحصل صدامات بخصوصها.

ممكن مثلا نفتح موضوع تاني أو نفضل هنا القرار يرجع لحضرتك و نناقش الخاصية ونعمل انتقاد بناء بحيث في الاخر نعرف نحدد إيه القواعد المحدده اللي تساعد في المسألة دي وتقلل المشاحنات اللي بتخرج عن فكرة الموضوع و نحولها لوسيلة لإبداء رأيي باحترم بدل ماتكون وسيلة خناقات بديلة للمشاركات. ممكن نخترع امثلة لحسن وسوء استخدام التقيمين الموجب والسالب في مواقف ومواضيع مختلفة. أنا مش حابه نجيب تقييمات حصلت بالفعل لان كده سهل قوي يحصل صدام مع صاحب التقييم اللي ممكن يكون كان فاهم الخاصية غلط في الاساس وممكن يعتبرها نوع من الهجوم. ملوش لازمة لو ينفع نتناقش علي مواقف افتراضية بدون ما نتعرض لحد و كله هيستفيد.

تم تعديل 10 أغسطس 2011 بواسطة Damo

[لماضة مصرية جدا]

السلام عليكم و رحمة الله و بركاته

انا فاكرة ان اول ما ادخلت الآلية دي علي المنتدي كان فيه جدل كبير حول الهدف منها

و اتفقنا فيما اتذكر انها ألية جيدة سواء التقييم الاخضر او الاحمر(و ان كنت شخصيا بحس ان الاحمر بيبقي عامل زي الكحكة بتاعت الشهادة بتاعت المدرسة)

اللي اقترحته وقتها هو التالي ان احنا نجرب الخاصية دي فترة تجريبية يعني لمدة سنة او ستة اشهر و بعد كده نحدد مثلا هل هي اضافت بشكل اعمق للمداخلات ام لا

يعني مثلا هل عملنا استفتاء راي هل يا تري التقييم بيأثر علي قناعتك الشخصية عند قراءة المداخلة

حقيقي المفروض ان احنا بنقرا المداخلة لكن انا هتكلم عن نفسي اوقات كتير بشوف مداخلات ثرية جدا لا تحظي باي تقييم و مداخلات تعتبر وجهة نظر لصاحبها تحظي بتقييم احمر حتي بدون تبرير من منح التقييم الاحمر

اعتقد ان الخاصية مش مجرد ضغطة زرار احمر و لا اخضر و رصيد يتضاعف او ينقص

بقدر ما هي القدرة انك تقول لشخص ما انك متفق او محتلف مع وجهة نظره و في نفس الوقت في كلا الحالتين بتديله اسس يبني عليها علشان الحوار يتطور و يكون فيه استفادة حتي لو للقاريء العادي الغير مشارك

السؤال اللي اعتقد برضه لازم نطرحه

طب اللي بياخد اخضر.....و بعدين؟؟؟؟

يعني فكرة حصر التقييم بشكل كمي انا شخصيا مش شايفة انها يتضيف اي اثراء للمداخلة

و اتفق مع استاذي دياب انها تكون لايك او آن لايك زي الفيس بوك

و اتمني ان اللي بيدي الاحمر او الانلايك يكتب مداخلة في سطر واحد بس يوضح لمن حصل علي التقييم ايه وجه الاعتراض

لان الموضوع حوار و مش مجرد دوسة زراير يعني

ملحوظة علي الهامش

اتمني ان التوبيك هنا ميكونشي فتح لدفاتر قديمة لانها مش هتعمل حاجة غيرها انها هتفكرنا ان كلنا مرينا بالكحكة الحمرا ديت و لاسباب مختلفة

و تقبلوا وجهة نظري

تحياتي

[Alshiekh]

السلام عليكم

أعضاء المحاورات الأفاضل

بعد طوفان من التقييمات السالبة من أعضاء لبعض الأعضاء

وبعد إكتشاف أن هناك عضويات جديدة تسجل فقط لتقييم أعضاء بعينهم تقييما سالبا

فقد قامت الإدارة بالوقف المؤقت لخاصية التقييم لدراسة الأمر ، إن كان هناك أمكانية تعديل خاصية التقييم او وقفها الدائم لتشجيع الأعضاء على إبداء آرائهم

وتعتذر الإدارة عن أي إزعاج.

[ozoozo]

السلام عليكم

أعضاء المحاورات الأفاضل

بعد طوفان من التقييمات السالبة من أعضاء لبعض الأعضاء

وبعد إكتشاف أن هناك عضويات جديدة تسجل فقط لتقييم أعضاء بعينهم تقييما سالبا

فقد قامت الإدارة بالوقف المؤقت لخاصية التقييم لدراسة الأمر ، إن كان هناك أمكانية تعديل خاصية التقييم او وقفها الدائم لتشجيع الأعضاء على إبداء آرائهم

وتعتذر الإدارة عن أي إزعاج.

للمعلوميه

من الممكن لاي شخص التسجيل بحسابه في فيس بوك او تويتر والتقييم وسيظهر باسم guest

ورايتها فعلا في بعض التقييمات

يعني ممكن اي حد يدخل يقيم نفسه او يقيم غيره بالطريقه دي

تم تعديل 16 نوفمبر 2011 بواسطة ozoozo

[MZohairy]

و بيكسبوا كام في الشهر لما يعملوا كده ؟

[Alshiekh]

و بيكسبوا كام في الشهر لما يعملوا كده ؟

وجع قلب المشرفين

[eslam elmasre]

و بيكسبوا كام في الشهر لما يعملوا كده ؟

اهو حاجة بيرفعوا بيها روحهم المعدنية

[capitshino]

و بيكسبوا كام في الشهر لما يعملوا كده ؟

اهو حاجة بيرفعوا بيها روحهم المعدنية

صحيح .. احسن بعد انتخابات تونس بقت روحهم المعدنية فى الارض !

[عماد حمدي]

و بيكسبوا كام في الشهر لما يعملوا كده ؟

اهو حاجة بيرفعوا بيها روحهم المعدنية

صحيح .. احسن بعد انتخابات تونس بقت روحهم المعدنية فى الارض !

خد دي بدل التقييم .. شوية كمان و الورد يتمنع ..

بحجة إمتصاص الأكسجين ;)