إلى متى يستمر مسلسل قطع الطرق بين المدن

[عطر الجنة]

مش عارفة ابتدى ازاى

فامس كان من اعنف الايام التى مرت بحياتى

فقد كنت معزومة على عقيقة توءم اخى المهندس ابو يوسف

و انتهزت الفرصة و قضيت اليوم فى الشروق و ذهبت مساءا الى العقيقة فوجدت الاهل قد وصلوا الى فيلا اخونا ابو يوسف فى التجمع الخامس

المهم قضينا السهرة مع الكبسة و اللحمة و كلنا اخدنا عربيتنا و على الطريق الدائرى لنعود الى اسكندرية

و قبل نزلةالطريق الزراعى المتجه الى الاسكندرية بحوالى كيلو وجدنا صفوف من السيارات تصطف على يمين الطريق تنتظر دورها فى النزول

قعدنا نصف ساعة اننا نتحرك مفيش فايدة

و فى الاخر نزلنا نسال عن قفلة الطريق

نفوجئ ان الطريق مقفول من عند قليوب ليه .... اللى يقول قطاع طرق ... واللى يقول جيش لعدم الوصول للتحرير ...

المهم ده خلى كل السيارات اللى تحت الدائرى تستدير و ترجع فى الطريق العكسى وده كان نذير بوقوع كوارث لولا ستر الله

اما من فوق على الدائرى مثلنا فاخد الطريق الصحراوى لاننا كنا مضطرين للرجوع للاسكندرية لاداء واجب العزاء لانسان يمت للعائلة بصلة قرابة

طبعا مش عارفة احكى لكم ازاى عن الشبورة فكنا لا نرى كف ايدينا منها و اضطررنا نمشى بسرعة قليلة ووصلنا صباحا

بعد ان نجونا من الموت المحقق عدة مرات و كادت سياراتنا تصطدم بالترلات اكثر من مرة

و اكتشفت بعد رجوعى للبيت ما هو الموضوع الذى ادى الى غلق الطريق من خلال موقع اليوم السابع

فاتمنى من كل قلبى ان ينتهى مسلسل غلق الطرق لان ممكن يؤدى الى كوارث لولا ستر الله لحدثت لنا

تحياتى

[شرف الدين]

وما هو السبب الذي أدى إلى قطع الطريق ؟

[عطر الجنة]

وما هو السبب الذي أدى إلى قطع الطريق ؟

كان بسبب بلطجية حسبما جاء فى موقع اليوم السابع

مدير أمن القليوبية: الهدوء يسود قرية كوم أشفين بعد إعادة أحد المخطوفين

[arkan]

الحمد لله على سلامتكم

[hOuSsAm]

حمدا لله عالسلامة يا بشمهندسة

وحسبى الله ونعم الوكيل فى اللى بيقطع الطريق والمتساهلين من ابناء الداخلية مع هذه المواقف

ولا مبالاة من كل الناس وكان قطع الطريق ده شئ عادى وابسط حاجة تلاقى عربية اسعاف فيها واحد بين الحيا والموت وواقفة ولا حد بيتحرك له شعرة

وناس مصالحها تتعطل - وشركات تتاخر عليها حاجتها

وكل ده وسببه الرئيسى اننا معندناش فى مصر حاجة اسمها ادارة المرور وكان ادارة المرور اقتصر شغلها على اصدار الرخص والتصاريح وتجديدها ولم الغلة من الشعب ولا يعباون بتخطيط الطرق والعمل على انسيابية العملية المرورية

[رضوي]

السلام عليكم ورحمة الله وبركاته

أولاً : حمداً لله علي سلامة حضرتك ......... والحمد لله علي عدم اصابتك بأي مكروه

حقيقي في الفترة الحالية بقي صعب اوي اننا نسافر بالليل

حتى لما بنبقي داخل القاهرة ونتأخر برة شوية بنبقي قالقانين واحنا راجعين البيت ...... خاصة علي الدائري

الاسبوع اللي فات ضاعت مننا سفرية الغردقة علشان السبب دة ..... طبعاً طريق الغردقة صعب اوي نهاراً والسفر بيبقي مريح فيه باليل اكتر .. علشان كدة بابا رفض السفر من الاساس ...... لأننا صعب نسافر بالنهار علشان القيادة بتكون صعبة مع الشمس اللي مابيأثرش معاها التكييف اصلاً ..... وبالليل ممكن تواجهنا مشاكل

اذا كان الدائري نفسه غير آمن ..... وساعات كتير اوي نسمع عن وقوع حوداث قطع الطرق بين المحافظات ...... ففضلنا تجنب اي مخاطر لايعلمها الا الله والبقاء في القاهرة والبلد بقي وخلاص ......علي الرغم من كدة .... عمي واولاده قضوا اجازتهم في الغردقة ورجعوا والدنيا تمام جداً ومافيش اي حاجة ...... وسافروا كمان في ساعات متأخرة من الليل

بس اللي عايزة الفت الانتباه ليه إن فعلاً فيه حوادث متفرقة بتحصل ......... لكني برده لسة شايفة البلد بخير ..... الاحتياط واجب ......... بس لازم برده نعيش حياتنا بطريقة طبيعية

نستمتع بأجازاتنا وبالصيف ..... ومجرد احتياط لايضر .

[عطر الجنة]

الحمد لله على سلامتكم

حمدا لله عالسلامة يا بشمهندسة

وحسبى الله ونعم الوكيل فى اللى بيقطع الطريق والمتساهلين من ابناء الداخلية مع هذه المواقف

ولا مبالاة من كل الناس وكان قطع الطريق ده شئ عادى وابسط حاجة تلاقى عربية اسعاف فيها واحد بين الحيا والموت وواقفة ولا حد بيتحرك له شعرة

وناس مصالحها تتعطل - وشركات تتاخر عليها حاجتها

وكل ده وسببه الرئيسى اننا معندناش فى مصر حاجة اسمها ادارة المرور وكان ادارة المرور اقتصر شغلها على اصدار الرخص والتصاريح وتجديدها ولم الغلة من الشعب ولا يعباون بتخطيط الطرق والعمل على انسيابية العملية المرورية

السلام عليكم ورحمة الله وبركاته

أولاً : حمداً لله علي سلامة حضرتك ......... والحمد لله علي عدم اصابتك بأي مكروه

حقيقي في الفترة الحالية بقي صعب اوي اننا نسافر بالليل

حتى لما بنبقي داخل القاهرة ونتأخر برة شوية بنبقي قالقانين واحنا راجعين البيت ...... خاصة علي الدائري

الاسبوع اللي فات ضاعت مننا سفرية الغردقة علشان السبب دة ..... طبعاً طريق الغردقة صعب اوي نهاراً والسفر بيبقي مريح فيه باليل اكتر .. علشان كدة بابا رفض السفر من الاساس ...... لأننا صعب نسافر بالنهار علشان القيادة بتكون صعبة مع الشمس اللي مابيأثرش معاها التكييف اصلاً ..... وبالليل ممكن تواجهنا مشاكل

اذا كان الدائري نفسه غير آمن ..... وساعات كتير اوي نسمع عن وقوع حوداث قطع الطرق بين المحافظات ...... ففضلنا تجنب اي مخاطر لايعلمها الا الله والبقاء في القاهرة والبلد بقي وخلاص ......علي الرغم من كدة .... عمي واولاده قضوا اجازتهم في الغردقة ورجعوا والدنيا تمام جداً ومافيش اي حاجة ...... وسافروا كمان في ساعات متأخرة من الليل

بس اللي عايزة الفت الانتباه ليه إن فعلاً فيه حوادث متفرقة بتحصل ......... لكني برده لسة شايفة البلد بخير ..... الاحتياط واجب ......... بس لازم برده نعيش حياتنا بطريقة طبيعية

نستمتع بأجازاتنا وبالصيف ..... ومجرد احتياط لايضر .

الله يكرمكم اخوتى فى الله

اللى مزعلنى انتشار خاصية البلطجة بعنى مثلا واحنا على الدائرى سالنا مجموعة من 4 يرتدون ملابس شرطة عن الطريق الصحراوى فوجدنا مواطن بيشتكى انه لسه متثبت و مسروق ما كان معه

انا بتسائل طيب قبل الثورة مكنش ايضا فيه شرطة لان الموجودة كانت مسخرة كلنا عارفين لخدمة مين

يعنى الفرق فى تواجد الشرطة مش كبير قبل و بعد الثورة

مش عارفة انا حاسة ان البلطجية دول عرائس ماريونيت خيوطها بايدى احد ما

يا رب احفظك يا مصر و تعدى الايام دى على خير

ده كان اجمل ما فيك الامان

تحياتى

[رضوي]

اصبتي التعبير

عرائس ماريونت تحركهم ايدي خفية

ربما يقصد بهم لفت الانتباه ........... أو توصيل رسالة ما

ربنا يحفظ البلد دي لأهلها

[امير مجروح]

غبت يوم عن البلد ورجعت وجدت طريق مغلق عندنا الطريق الزراعى اسوان القاهرة تم قغله بوضع كميات رمله كتير باللودر ...

سبب قفل الطريق لان تم سرقة محول الكهرباء من فترة كبيرة ارسلوا لشركة الكهرباء محدش رد وكلموا للمحليات نفس الكلام وارسلوا للمحافظ نفس الكلام والطريق مظلم .... والطريق بيوقع بين ترعتين و فيه حوادث كتير فى خلال الـ 4 ايام الماضية كان فى اربع حوادث بمعدل حادثة كل يوم والناس بتموت وبعد الحادثة الاخيرة تم قفل الطريق لحين تركيب المحول ....

[عادل أبو عمر]

الحمد لله على سلامتكم يا باشمهندسة

و الحمد لله إنكم كنتم لسة ع الدائري عشان تقدروا تغيروا اتجاهكم و تتطلعوا على الصحراوي بيتهيألي الوضع كان هيبقى اصعب لو حضرتك مثلا على كوبري قليوب و حصلت المشكلة مستحيل يكون فيه حل غير الانتظار و ما أصعبه للمسافر

معلش أن رأيي البلطجة مش مقصودة .. اللي مقصود هو فقط تركها .. أوعلى أحسن الفروض و افتراض حسن النية .. محدش قادر يعمل معاها حاجة

احنا لازم نعترف إننا كشعب سلوكيات البعض اتأثرت زي كل حاجة في حياتنا بنظام سياسي فاسد أفسد كل شيء و الأخلاق جزء منها إلا من رحم ربي ..

في أيام الثورة كان فيه ملحوظة غريبة جدا ... كنا بنقف مع البلطجية اللي احنا طول عمرنا عارفين إنهم بلطجية .. بس المرة دي وقفنا مع بعض نحمي شارعنا أو منطقتنا ... الغريب إن الواحد شاف كمية غير طبيعية من السكاكين و السيوف و السنج بكمية لا تصدق و في نفس كانت بتخترع كمان و يجيبوا سكينة و يلحموها مع ماسورة مية و تبقى عاملة زي الرمح بتاع زمان ... ده غير الأسحلة النارية اللي طلعت مع الناس .. كل ده غير كمية الأسلحة اللي اتسرقت من الأقسام ... الوضع ده كان عام في مصر كلها .. الهاجس اللي كان بيجيلنا .. طب و بعدين بعد الثورة الناس هتخزن السلاح ده و لا هتستعمله .. وجود السلاح في حد ذاته بيشجع أو بيكون حافز لعمل مشاكل او أعمال بلطجة ..

الموضوع محتاج وقت للأسف ... لأن إذا الناس الطبيعية بتشتكي من وقفة الحال في الأعمال التجارية و ارتفاع الأسعار .. ما بالنا بحال البلطجية اللي حالهم واقف من الأساس ... فدول بقى بيشاكلوا في دبان وشهم و عايزين أي مشكلة عشان يبانوا في الصورة خصوصا مع غياب الشرطة و حتى لو وجدت فموجودة على استحياء و ممكن خوف

بعد الثورة واحد مهندس صاحب مصنع ، فيه مشكلة عنده مع واحد مأجر شقة منه .. المهندس ده راح جاب اتوبيس 26 عامل أقل حاجة شوفتها معاهم عتلة حديد و راحوا اتهجموا على أسرة عددها 4 أفراد ليس فيها سوى رجل واحد و الشرطة لم تتدخل إلا بعد أن نزل الناس و ركبوا الأتوبيس أمام الشرطة

الشرطة فعلا كانت مجرمة في تعاملها مع الشعب و هي اللي ربت البلطجية و فيه ناس بلطجية بالظروف الاجتماعية و النشأة وسط حي كامل كله بلطجة ...

دلوقتي معدتش عندنا شرطة ... بس لسة البلطجية موجودين ... و للأسف مفيش حد يلمهم ..

الحل أكيد موجود عند اللي عاوز يحل .. لو عاوز يحل

هتفرج إنشاء الله

مش كلام ... لكن اطمئنان

لأن ربنا اللي نصر الشعب ده في ثورته ..

هو اللي قال ادخلوا مصر إن شاء الله آمنين