الرد على أى إستفسار فى هجرة كــبــيــك

[أدهم الشرقاوى]

2-انا اشتغلت سنة واحدة فى مصر بعد التخرج وبعد كدة سافرت فمكنش متأمن علية خلاص من أى جهه فالموقف اية بظبط دلوقتى عشان انا عارف ان الرقم التأمينى مهم؟

2-تجيب شهادة الخبرة و للأسف مفيش تأمينات يبقى غالباً مش هتتحسب فى سنين الخبرة بتاعتك.

شكرا يا استاذ ادهم بس انا عاوز افهم النقطة دى عشان مليش تأمينات فى مصر يبقى مش حيحسبولى خبرة ازاى؟!!!!! انا حجبلوهم شهادات خبرة من الشركات الى انا اشتغلت فيها فى السعودية وكمان معاية شهادة خبرة من مصر من صيدلية متوثقة من الشهر العقارى بس مش مكنش متأمن علية كل دة مش حيعترفوا بية عشان ماليش تأمينات؟!!!!!!!!!!!!!!!!!!!!!!!1 ارجوا الايضاح وشكرا لمجهودك

التأمينات مفتاح فيصلى و حيوى جداً فى الهجرة و لو تقدر تجيب ا يثبت من الشهر العقارى و من النقابة و من وزارة الصحة على سبيل المثال إنك فعلاً إشتغلت السنة دى فى الصيدلية دى ماشى.

من الآخر من غير ختم نسر على شهادة الخبرة أو على شهادة من الحكومة المصرية تثبت الخبرة غالباً مش هتتحسب عشان الشهادات دى بتتضرب هوا و إحنا كمصريين معروفين بالفهلوة و البكش و التزوير و يبقى أنت أكيد فى مصر!

[Bachar]

السلام عليكم استاذ ادهم

ربنا يوفقك و تكمل معاك و نشوفك منور كندا

بجد مجهودك هنا رائع و خرافي تستاهل الشكر و الدعاء

انتشرت في الفترة الاخيرة شائعة تعديل شروط الهجرة و سياسة كيبك في الهجرة و بصراحة الكلام ده عامللي قلق خصوصا اني ما خلصتش الورق بتاعي لسه

حضرتك سمعت عن كده ؟ يعني في تعديلات متوقعة و لا ايه الحكاية ؟ دنا ما بنمش الليل من الكلام ده

و شكرا ليك استاذ أدهم

[أدهم الشرقاوى]

السلام عليكم استاذ ادهم

ربنا يوفقك و تكمل معاك و نشوفك منور كندا

بجد مجهودك هنا رائع و خرافي تستاهل الشكر و الدعاء

انتشرت في الفترة الاخيرة شائعة تعديل شروط الهجرة و سياسة كيبك في الهجرة و بصراحة الكلام ده عامللي قلق خصوصا اني ما خلصتش الورق بتاعي لسه

حضرتك سمعت عن كده ؟ يعني في تعديلات متوقعة و لا ايه الحكاية ؟ دنا ما بنمش الليل من الكلام ده

و شكرا ليك استاذ أدهم

ربنا يخليك و يكرمك يا بشار, هو دة اللى أنا عاوزه الدعاء يا جماعة بقلب أوى.

فعلاً الكلام دة مظبوط و فى تعديلات على قوانين الهجرة فى شهر 10 اللى جاى و تقليل لأعداد المهاجرين أصحاب الشهادات العليا و التركيز على المهنيين و وضع عدد محدود من كل بلد للمهاجرين كل عام دة الغالب اللى هيحص لكن مفيش تفاصيل أكثر من كدة و التغييرات دى ستطرأ و ستطبق على من أرسل ملفة بعد تاريخ تطبيق القوانين الجديدة و أنت لسه قدامك وقت يعنى إبعت الملف أوام أوام بدل ما أنت خايف كدة و خلاص, إسمع كلامى و إنجز نفسك!

[myssara]

استاذ ادهم بجد بشكرك على تعاونك مع كل واحد محتاج اجابات لاسئلة كتير فى دماغة وربنا يكرمك ويديك على اد نيتك وان الله فى عون العبد مادام العبد فى عون اخية ان شاء الله نسمع عنك كل خير وربنا يكرمك, انا بعد

مش عارف لية مفيش حد بيسئل فى الموضوع دة كتير لية ؟! مع انة من اهم المواضيع من وجهة نظرى خصوصا للسة فى البداية زى حالاتى محتاسين المهم كنت عاوز اسئلك عن شوية حاجات

-انا صيدلى مقيم فى السعودية عاوز اعرف اقدم من السعودية افضل ولا من مصر افضل؟!!!!!! ولا كلوا سيان!!!!!!

-انا بقالى 4 سنين فى السعودية واشتغلت سنة واحدة فى مصر (مع العلم انى خريج دفعة 2005)وطبعا مفيش تأمينات علية فى مصر بس معاية شهادة خبرة بسنة متوثقة من الشهر العقارى فلازم بردوا التأمينات دى ولا تمشى انا عارف انى تقلت عليك فى نقطة التامينات دى بس بصراحة مش عارف اعمل اية ؟!

-زى مقولتلك انا فى السعودية شغال فى شركة ادوية عالمية وطبعا فى شركة اخرى سعودية هى الكفيل للشركة دى السؤال هنا اجيب شهادة خبرة من الشركة الكفيل ولا من شركة الادوية!!!!!!!!!!! هو سؤال غريب بس فعلا دة موقف انا مجطوط فية اتمنى تكون عندك خلفية عن القصة دى

-انا بجرى بأيدى وسنانى عشان اخلص تحضير الورق والحق ابعت قبل ما يحصل تغير فياريت اذا حصل اى تغير تقولنا يا استاذ ادهم

وشكرا ليك على حسن تعاونكم معنا

[أدهم الشرقاوى]

استاذ ادهم بجد بشكرك على تعاونك مع كل واحد محتاج اجابات لاسئلة كتير فى دماغة وربنا يكرمك ويديك على اد نيتك وان الله فى عون العبد مادام العبد فى عون اخية ان شاء الله نسمع عنك كل خير وربنا يكرمك, انا بعد

مش عارف لية مفيش حد بيسئل فى الموضوع دة كتير لية ؟! مع انة من اهم المواضيع من وجهة نظرى خصوصا للسة فى البداية زى حالاتى محتاسين المهم كنت عاوز اسئلك عن شوية حاجات

-انا صيدلى مقيم فى السعودية عاوز اعرف اقدم من السعودية افضل ولا من مصر افضل؟!!!!!! ولا كلوا سيان!!!!!!

- مش فارقة, سيان.

-انا بقالى 4 سنين فى السعودية واشتغلت سنة واحدة فى مصر (مع العلم انى خريج دفعة 2005)وطبعا مفيش تأمينات علية فى مصر بس معاية شهادة خبرة بسنة متوثقة من الشهر العقارى فلازم بردوا التأمينات دى ولا تمشى انا عارف انى تقلت عليك فى نقطة التامينات دى بس بصراحة مش عارف اعمل اية ؟!

- شهادة الخبرة المتوثقة من الشهر العقارى كافية و ربنا يسهل و يقبلها المستشار.

-زى مقولتلك انا فى السعودية شغال فى شركة ادوية عالمية وطبعا فى شركة اخرى سعودية هى الكفيل للشركة دى السؤال هنا اجيب شهادة خبرة من الشركة الكفيل ولا من شركة الادوية!!!!!!!!!!! هو سؤال غريب بس فعلا دة موقف انا مجطوط فية اتمنى تكون عندك خلفية عن القصة دى

-انا بجرى بأيدى وسنانى عشان اخلص تحضير الورق والحق ابعت قبل ما يحصل تغير فياريت اذا حصل اى تغير تقولنا يا استاذ ادهم

وشكرا ليك على حسن تعاونكم معنا

- أما مافهمش فى قصة الكفيل دى بس اللى أعرفه إن شهادة الخبرة بتصدر من الشركة اللى أنت متوظف فيها و لو تقدر تدعم موقفك بالشهادتين إعمل كدة و هما عارفين إن مفيش تأمينات للأجانب فى الخليج.

بالتوفيق

[myssara]

شكرا استاذ ادهم وجزاك الله خيرا وربنا يكرمك ويطمنك قريب ان شاء الله

[cutey]

سلام عليكم

عايزة اسأل على كذا حاجة من فضلك يا استاذ ادهم

اولا هو ينفع اقدم لكيبك ورقي كله مترجم انجليزي + استمارات التقديم بالانجليزي برده ؟؟ ولو ينفع .. دا مايضرش موقفي؟؟

ثانيا .. انا وزوجي معندناش اي فكرة نهائي عن اللغة الفرنسية .. هل لو قدمت دلوقتي وكتبت ان المقدم الرئيسي في المستوى السابع والتابع مستواه الرابع نلحق نوصل للمستويات دي لو بدأنا دراسة دلوقتي لحد معاد الميتنج ؟؟

هي المقابلة بقت تقريبا بعد اد ايه من التقديم؟؟

التقديم من الخليج بقى لعنوان ايه؟؟

البانك ستيت مينت بتطلب امتى ؟ ولو مش معانا المبلغ هل فيه مشكلة؟؟

شكرا للجميع وجزاكم الله كل خير

[أدهم الشرقاوى]

سلام عليكم

عايزة اسأل على كذا حاجة من فضلك يا استاذ ادهم

اولا هو ينفع اقدم لكيبك ورقي كله مترجم انجليزي + استمارات التقديم بالانجليزي برده ؟؟ ولو ينفع .. دا مايضرش موقفي؟؟

مقيش أى مشكلة و لا يضر بموقفك.

ثانيا .. انا وزوجي معندناش اي فكرة نهائي عن اللغة الفرنسية .. هل لو قدمت دلوقتي وكتبت ان المقدم الرئيسي في المستوى السابع والتابع مستواه الرابع نلحق نوصل للمستويات دي لو بدأنا دراسة دلوقتي لحد معاد الميتنج ؟؟

المتقدم الرئيسى مش أقل من السادس و المرافق مش أقل من رابع و دة لمصلحتكم.

هي المقابلة بقت تقريبا بعد اد ايه من التقديم؟؟

حسب الوظيقة, لو مطلوبة ممكن تسافرى فى خلال سنة و لكن لو عادية المقابلة بتبقى فى خلال 18 شهر يعنى لو ركزتوا فى الفرنساوى ممكن توصلوا لأعلى المستوات و الوقت كافى.

التقديم من الخليج بقى لعنوان ايه؟؟

Ministère de l’immigration et des Communautés Culturelles

Direction de l’Immigration économique – International

Service Amériques, Maghreb et Moyen-Orient

, 285rue Notre-Dame Ouest, 4ième étage

Montréal (Québec) H2Y 1T8

CANADA

البانك ستيت مينت بتطلب امتى ؟ ولو مش معانا المبلغ هل فيه مشكلة؟؟

مفيش لا مبلغ مطلوب ولا بانك ستستمنت بس بتمضى على روقة فى المقابلة إنك معاكى فلوس تكفيكى أنتى و عيلتك أول 3 شهور.

شكرا للجميع وجزاكم الله كل خير

[marmor]

السلام عليكم

إزى حضرتك يأستاذ أدهم ويارب يجزيك كل الخير على مجهودك معانا كلنا ويارب نشوفك فى كندا

انا بس كنت عاوزة اعرف لو فى اى تعديلات جديدة علشان الملف اللى إتبعت ده خايفة يرجع لو الشروط اتغيرت وياريت حضرتك تقولنا لو فى اى حاجة جديدة خاصة بالوظائف او شروط الهجرة او اى تعديلات جديدة

شكراً

[أدهم الشرقاوى]

السلام عليكم

إزى حضرتك يأستاذ أدهم ويارب يجزيك كل الخير على مجهودك معانا كلنا ويارب نشوفك فى كندا

انا بس كنت عاوزة اعرف لو فى اى تعديلات جديدة علشان الملف اللى إتبعت ده خايفة يرجع لو الشروط اتغيرت وياريت حضرتك تقولنا لو فى اى حاجة جديدة خاصة بالوظائف او شروط الهجرة او اى تعديلات جديدة

شكراً

أيوة إدعى دايماً كدة :) و الله أنا أجرى الدعاء و بس!

أنا مش فاهم ملف إية اللى إتبعت؟

هو فى تغيير فى سياسة الهجرة متوقعة فى شهر أكتوبر بس لو كنتى بعتى ملفك و و دة أكيد قبل التغييرات اللى هى لسة ماحصلتش يبقى خلاص مفيش قلق.

التغييرات بتطرأ على الناس اللى بعتت ملفاتها بعد التغييرات و صدقينى المستشار دائماً بيكون فى صالحك يعنى لو التغييرات هتخدمك هياخد بيها و لو هتضرك لن يستخدمها.

[myssara]

استاذ ادهم جزاك الله خيرا عن كل واحد لم تبخل علية بمعلومة ..... استاذ ادهم انا لحظت انك بتقول فى تغيرات فى شهر اكتوبر الى جاى احنا دلوقتى 5 اكتوبر اهوا وانا لسة مابعتش ورقى انت عارف بقى مصر واستخراج الورق منها بيبقى عامل ازاى وكمان انا فى السعودية فموكل اخوية وولدى لاستخراج اوراقى واعتقد ان انا لسة قدامى اسبعوين كمان لحد ما يكمل ورقى وابعتة فايترى يا استاذ ادهم فى اى تغير حصل اليومين دول وهل انا كدة جلحق ولا لا انا قلقان جدا بصراحة وخايف كل الى بعملوا يروح على فاضى ياريت تطمنى يا استاذ ادهم!!!!!!!!!!!!!!!!!

وشكرا

[أدهم الشرقاوى]

استاذ ادهم جزاك الله خيرا عن كل واحد لم تبخل علية بمعلومة ..... استاذ ادهم انا لحظت انك بتقول فى تغيرات فى شهر اكتوبر الى جاى احنا دلوقتى 5 اكتوبر اهوا وانا لسة مابعتش ورقى انت عارف بقى مصر واستخراج الورق منها بيبقى عامل ازاى وكمان انا فى السعودية فموكل اخوية وولدى لاستخراج اوراقى واعتقد ان انا لسة قدامى اسبعوين كمان لحد ما يكمل ورقى وابعتة فايترى يا استاذ ادهم فى اى تغير حصل اليومين دول وهل انا كدة جلحق ولا لا انا قلقان جدا بصراحة وخايف كل الى بعملوا يروح على فاضى ياريت تطمنى يا استاذ ادهم!!!!!!!!!!!!!!!!!

وشكرا

لسة التغييرات ماحصلتش و ربنا يستر و تلحق تبعت ورقك قبل التغيير و الله أعلم ‘ذا كانت التغييرات فى صالح ملفك أو ضدة.

عموما توكل على الله و خد بالأسباب.

[cutey]

شكراااا جدا جدا جدا على صبرك يا أدهم وتعبك في الرد

جزاك الله كل خير ويارب ربنا يوفقك ويقضي لك حوائجك من الدنيا والاخرة

:)

هو انا كنت سمعت ان مونتريال فيها نسبة بطالة عالية .. دا حقيقي ؟؟

[cutey]

اه صحيح والمقابلة بقى مكانها فين دلوقتي بعد ما سوريا قفلت ؟؟

[أدهم الشرقاوى]

اه صحيح والمقابلة بقى مكانها فين دلوقتي بعد ما سوريا قفلت ؟؟

فى إسكندرية و إسطنبول.

[أدهم الشرقاوى]

شكراااا جدا جدا جدا على صبرك يا أدهم وتعبك في الرد

جزاك الله كل خير ويارب ربنا يوفقك ويقضي لك حوائجك من الدنيا والاخرة

:)

هو انا كنت سمعت ان مونتريال فيها نسبة بطالة عالية .. دا حقيقي ؟؟

دة أكيد زيها زى أى مدينة مزدحمة و عامرة و أكيد بردو فيها نسبة جرايم أعلى من الريف الكيبكى مثلاً, وضع طبيعى و ربنا يكرمنا و نروح و بعديها ربنا يحل مشكلة الشغل.

[cutey]

الله .. كدا زي الفل :)))

شكرا بجد يا استاذ أدهم عقبال لما توصل كندا بالسلامة وربنا يذلل لك كل عقبة فيها ويوقفلك ولاد الحلال

[marmor]

السلام عليكم

إزى حضرتك يأستاذ أدهم ويارب يجزيك كل الخير على مجهودك معانا كلنا ويارب نشوفك فى كندا

انا بس كنت عاوزة اعرف لو فى اى تعديلات جديدة علشان الملف اللى إتبعت ده خايفة يرجع لو الشروط اتغيرت وياريت حضرتك تقولنا لو فى اى حاجة جديدة خاصة بالوظائف او شروط الهجرة او اى تعديلات جديدة

شكراً

أيوة إدعى دايماً كدة :) و الله أنا أجرى الدعاء و بس!

أنا مش فاهم ملف إية اللى إتبعت؟

هو فى تغيير فى سياسة الهجرة متوقعة فى شهر أكتوبر بس لو كنتى بعتى ملفك و و دة أكيد قبل التغييرات اللى هى لسة ماحصلتش يبقى خلاص مفيش قلق.

التغييرات بتطرأ على الناس اللى بعتت ملفاتها بعد التغييرات و صدقينى المستشار دائماً بيكون فى صالحك يعنى لو التغييرات هتخدمك هياخد بيها و لو هتضرك لن يستخدمها.

ربنا يطمنك زى ماطمنتينى اصل انا قمت بإرسال ملف يوم 03/10/2011

وربنا يستر

شكراً

[cutey]

طيب انا عندي استفسار تاني لو تسمج يا أستاذ أدهم

هو ينفع اقدم كيبك وفيدرال في نفس الوقت ولا دا ممنوع ؟؟

ثانيا : انا قريت ان فيه ناس قدمت ملفها اكتر من مرة واترفض ( لفيدرال تقريبا) .. ممكن اعرف ايه اللي ممكن يخليهم يرفضو ملف؟؟

اصل اكيد الناس اللي قدمت دي كانت حاسبة درجاتها قبل ما تقدم.. اومال بقى ايه اللي حصل ؟؟

ولو لاقدر الله الملف رفض بعد دراسته بيرجعو فلوس التقديم ولا لأ؟؟

[أدهم الشرقاوى]

طيب انا عندي استفسار تاني لو تسمج يا أستاذ أدهم

هو ينفع اقدم كيبك وفيدرال في نفس الوقت ولا دا ممنوع ؟؟

ثانيا : انا قريت ان فيه ناس قدمت ملفها اكتر من مرة واترفض ( لفيدرال تقريبا) .. ممكن اعرف ايه اللي ممكن يخليهم يرفضو ملف؟؟

اصل اكيد الناس اللي قدمت دي كانت حاسبة درجاتها قبل ما تقدم.. اومال بقى ايه اللي حصل ؟؟

ولو لاقدر الله الملف رفض بعد دراسته بيرجعو فلوس التقديم ولا لأ؟؟

ينفع بس فى رأيي أنا شايف إنها حركة مالهاش معنى.

أنا قدمت من زمان ملفى فيدرال و إترفضت أكثر من مرة, مرة عشان الورق ناقص و مره مش عارف لية و مرة عشان شغلانتى كانت مش فى الليستة المطلوبة دة غير إنى أصلا ماكنتش أسمع عن كيبك.

آة أكيد الفلوس بترجع لأنها رجعتلى كذا مرة و الملف بيدخل مرحلة الدراسة لما أصلا يكون مستوفى الشروط المبدأية و هو ماإستوفاش ف عشان كدة الفلوس رجعت.