الرد على أى إستفسار فى هجرة كــبــيــك

[أدهم الشرقاوى]

ارجو المساعدة لانى تايهة فى ورقى جدا انا من مصر واريد تقديم الورق باسمى ولكنى قلقة من عدم القبول رغم انى عملت تقييم ونجحت فية لكن اوراق زوجى غير مكتملة الى الان وانا اريد التقديم قبل الاجراءات الجديدة انا محاسبة وزوجى كمان ولدينا طفل انا ورقة جاهز فهل استطيع التقديم الان وبعد شهر اكمل ورق زوجى لان لدية مشكلة فى اوراق الجيش وهذا ياخذ وقت غير انى لا اعرف اين ارسل الورق لانى اعمل لوحدى وليس عند محامى ارجو الرد سريعا وشكرا

ببساطة..

إملى كل الأبلكيشنز اللى تنطبق على حالتك اللى فى اللينك دة: http://www.immigration-quebec.gouv.qc.ca/en/forms/search-title/dcs-workers/index.html

لمى كل الورق اللى فى التشك ليست دى (يفضل أصول): http://www.immigration-quebec.gouv.qc.ca/publications/en/dcs/documents-dcs-en-dyn.pdf

ترجمى أى ورقة عندك بالعربى للإنجليزى فى أى مكتب ترجمة، حتى الأختام تترجم.

ورقة الجيش مش مهمة، ممكن تبعتى الملف من غيرها و بعد كدة تبقى تعملى بيها أبديت للملف.

تعملى شيك مصرفي بالفلوس دى: http://www.immigration-quebec.gouv.qc.ca/en/immigrate-settle/permanent-workers/official-immigration-application/immigration-application/fees-payment.html

تحطى كل الورق اللى فوق دة فى ظرف أبيض كبير و تبعتيه على العنوان دة: http://www.immigration-quebec.gouv.qc.ca/en/biq/damascus/reach.html

خدى بالك، القوانين هتتغير بعد 31 يوليو 2013 يعنى إلحقى نفسك.

تم تعديل 7 أبريل 2013 بواسطة أدهم الشرقاوى

[أدهم الشرقاوى]

السلام عليكم ... لو سمحتو دة سؤال جوزي

أنا ماشي في اجراءت ال-landing فيزا لكيبك بس عايز أعيش في تورنتو هل فيه مشكلة اني أقدم عل شغل قبل ال-landing ولا لزم بعدها .. ولو مش ممكن ينفع انقل بعد ما أأخد ال-PR كارد ولا لأ وشكراً

الموضوع بسيط..

أنت من حقك تعمل لاندنج فى أى حتة فى الأراضى الكندية و لكن منعاً للمشاكل، إنزل فى كيبك و طير على أى حته تانية.

[أدهم الشرقاوى]

صباح الخير يا استاذ ادهم يارب دائما بخير انا بعت الاوراق المطلوبة معدا شهادة اثبات مستوى اللغة وبعت ايميل وضحت فيه ان المركز مواعيد الانتحان ثابتة بس ده من اسبوع ومحدش رد تفتكر ابعت ميل تانى ولا اعمل ايه و اسفة على الازعاج

إبعتى تانى و تالت و إطلبى منهم تأكيد على إنهم إستلموا التوضيح اللى أنتى بعتيه و لو ما ردوش كلميهم.

خليكى وراهم لأن كدة ممكن الملف يتقفل و الدنيا تتعقد، لازم تتأكدى إنهم تفهموا موقفك و يبعتولك تأكيد بإنهم مدولك المهلة، عملوها مع ناس تانية قبلك، مواعيد إمتحانات السنتر لا دخل لنا بها.

تم تعديل 7 أبريل 2013 بواسطة أدهم الشرقاوى

[أدهم الشرقاوى]

كان عندي استفسار انا مهندس ميكانيكا هل اقدر اقدم علي الهجره لكيوبك ولا لأ وهل فرصه القبول كبيره ولا لأ. وهل لو رحت درست ماجستير هناك بعد ما اقدم علي الهجره ممكن تفيدني ولا لأ. وهل لو رحت درست علي طول بدون ما اقدم علي هجره في امكانيه بعد ما ادرس سنه او سنه ونص مثلا ماجستير هناك انو يكون فيه فرصه ليا اقعد شويه في البلد ادور علي شغل او اقدر احول الفيزا لاقامه ؟؟ ياريت حضرتك تفيدني لأن الموضوع دا شاغل بالي جدا

مهندس ميكانيكا تقدر تقدم على هجرة كيبك لو أنت واخد البكالوريوس فى الخمس سنين الأخرانيين أو معاك سنة خبرة كمهندس ميكانيكا فى آخر 5 سنوات قبل التقديم و طبعاً مستواك كويس فى الإنجلش و الفرنش.

[reham adel]

شكرا جدا لحضرتك بس يعنى مفيش مشكلة انى مش ابعت باسبور جوزى دلوقتى لانك اكيد عارف انة مش هيطلع غير بورق الجيش وهو عندة باسبور لكنة منتهى ممكن ابعتة عقبال ما نخلص ورق الجيش وبالنسبة للتامينات ينفع ابعت تامينات خاصة بدل الحكومية لان تاميناتى الحكومية 5 شهور فقط وسوال اخير انا وثقت عقد الجواز وشهادات الميلاد من الترجمان فية ورق تانى لازم يتوثق اسفة جدا على طول الرسالة وربنا معاك

[أدهم الشرقاوى]

شكرا جدا لحضرتك بس يعنى مفيش مشكلة انى مش ابعت باسبور جوزى دلوقتى لانك اكيد عارف انة مش هيطلع غير بورق الجيش وهو عندة باسبور لكنة منتهى ممكن ابعتة عقبال ما نخلص ورق الجيش وبالنسبة للتامينات ينفع ابعت تامينات خاصة بدل الحكومية لان تاميناتى الحكومية 5 شهور فقط وسوال اخير انا وثقت عقد الجواز وشهادات الميلاد من الترجمان فية ورق تانى لازم يتوثق اسفة جدا على طول الرسالة وربنا معاك

صور الباسبور دة أهم ورق لازم يتبعت، ماينفعش تبعتى الملف من غير صور الباسبورات و باسبور منتهى بردو مش ينفع، مفيش صور باسبورات يعنى مفيش ملف.

طول ما خبرتك العملية أنتى واخداها من مصر يبقى مفيش مفر غير التأمينات الإجتماعية دى لازم، مفيش خبرة هتتحسب من غير تأمينات إجتماعية، شهادات خبرة من غير تأمينات إجتماعية يبقى مفيش خبرة هتتحسب ليكى، هيتحسب ليكى الخبرة المغطاه بالتأمينات فقط.

أى توثيق سواء خارجية أو من السفارة الفلانية أو غيره مالوش أى لازمة، مجرد الترجمة تكون صحيحة عند أرخص مكتب ترجمة تلاقيه قدامك، سيبك من مكاتب الترجمة المشهورة لأنهم نصابين، أى مترجم كويس و عندة ختم ينفع.

ماتنسيش: إبعتى قبل 31 يوليو 2013

[reham adel]

استاذ ادهم انا متشكرة جدا لتعب حضرتك معانا بس انا قرات هنا فى الموقع ان فية ناس قدمت وبعدها بدات تضيف زوجاتها او اولادهم فهل انا ممكن اعمل كدة بمعنى انى اقدم ورقى انا وابنى وبعد ما جوزى يخلص ورقة اضيفة وهل دة ممكن يعرض الملف للرفض ا؟ انا بحاول الاقى اى طريقة للتقديم لان ورق الجيش هياخد وقت بسبب ظروف البلد اليومين دول فهل فية حل ؟شكرا جدا لحضرتك

[أدهم الشرقاوى]

استاذ ادهم انا متشكرة جدا لتعب حضرتك معانا بس انا قرات هنا فى الموقع ان فية ناس قدمت وبعدها بدات تضيف زوجاتها او اولادهم فهل انا ممكن اعمل كدة بمعنى انى اقدم ورقى انا وابنى وبعد ما جوزى يخلص ورقة اضيفة وهل دة ممكن يعرض الملف للرفض ا؟ انا بحاول الاقى اى طريقة للتقديم لان ورق الجيش هياخد وقت بسبب ظروف البلد اليومين دول فهل فية حل ؟شكرا جدا لحضرتك

لا للأسف فى حالتك مش ينفع لأن حضرتك أصلاً متجوزة و تاريخ عقد الجواز أكيد قبل تاريخ إرسال الورق لكيبك، أنتى متزوجة فى اللحظة دى و مش هيتعاملوا معاكى إلا بكدة يعنى لو قدمتى ملف لازم تقدموا كزوجين إلا لو فى ما يثبت من أوراق رسمية و مثقة إن الزواج دة إنتهى قبل تاريخ إرسال الملف.

الناس اللى بيبعتوا يضيفوا زوجاتهم أو أزواجهم أو أطفالهم بيكون تاريخ الزواج أو الميلاد (بالنسبة للأطفال) بعد تاريخ إرسال الملف لكندا و بيعملوا تحديث للملف بالحالة الإجتماعية الجدبدة أو بعضو الأسرة الجديد مش أكتر.

أنا مش فاهم إية مشكلة الجيش اللى مخلياكم مش قادرين تبعتوا الملف، ورقة الجيش عموماً سواء إعفاء مؤقت أو نهائى أو إنهاء الخدمة لا قيمة لها فى الهجرة و ممكن تبعتى صورة أى باسبور عند جوزك دلوقتى سواء باسبور قديم أو جديد أو حتى مش فى آخر تحديث.

[reham adel]

مشكلة الجيش يا استاذ ادهم هو انة متقدمش للجيش اصلا بس هو عدى السن القانونى 30 سنة يعنى لازم يرفع قضية وبعدها بياخد اعفاء هى سهلة بس بتاخد وقت للاسف وهو عندة باسبور قديم وهو طالب بس منتهى مش عارفة ان كان ينفع يتجدد والا لا حاليا على العموم شكرا جدا لحضرتك ولردك السريع

[أدهم الشرقاوى]

مشكلة الجيش يا استاذ ادهم هو انة متقدمش للجيش اصلا بس هو عدى السن القانونى 30 سنة يعنى لازم يرفع قضية وبعدها بياخد اعفاء هى سهلة بس بتاخد وقت للاسف وهو عندة باسبور قديم وهو طالب بس منتهى مش عارفة ان كان ينفع يتجدد والا لا حاليا على العموم شكرا جدا لحضرتك ولردك السريع

مشكلة كبيرة طول ما الباسبور تاريخ صلاحيته منتهي، كندا مالهاش أى دعوة بالموقف التجنيدى لأى مهاجر على الأقل فى الفترة الأولى للتقديم.

عموماً إبدأوا فى القضية و حاولى تحلى المشكلة دى و على الله اللستة الحالية تفضل موجودة لسنة كمان ولا حاجة.

[تقى الله]

لسه حالا جاى لى اتصال من دبى ... شركه متخصصه فى اجراءات الهجره اسمها جلوبال فيزا اول سؤال سالنى شغال ايه قلت له مهندس قالى بالحرف الواحد مش بياخدوا مهندسين بقالهم 3 سنوات ... طيب مش يمكن تتطلب فى القائمه اللى جايه؟ قالى لا مش هتتطلب... قلت له طب وعرفت منين؟؟؟ قالى احنا معتمدين من اداره الهجره الكنديه ... طيب شكرا ومع السلامه

صحيح قالى فى استراليا بس...عموما كده موضوع الهجره بخ صح؟؟؟

ملاحظه اخيره انا بقالى كذا يوم بقراء فى المنتدى عن القصه دى وواضح ان المعلومات كلها قديمه ياريت التنويه بكده لعدم تضييع الوقت فى قراءه اشياء لاتفيد- حاليا طبعا قصدى- وشكرا لكل اللى ساهم بمعلومه

[reham adel]

عندى سوال لو سمحت انا ليا اقارب فى كندا هل لازم ابعت ورقهم مع الملف والا هيحتاجوة فى المقابلة فقط ؟وهل ممكن ادخل امتحانين دلف والا لازم التى سى اف لان انا المقدم الرئيسى ؟والابليكيشن هل بملاة اون لاين وبعدها اطبعة والا اطبعة واملاة بايدى ؟وشكرا

[أدهم الشرقاوى]

عندى سوال لو سمحت انا ليا اقارب فى كندا هل لازم ابعت ورقهم مع الملف والا هيحتاجوة فى المقابلة فقط ؟

لو عايشين فى كيبك و كيبك و بس إبعتى مع الملف صور كل شىء بيثبت إنهم عايشين و مقيمين فيها: كروت البر آر و التأمين الصحى، عناوينهم، عقود السكن، إيصالات الكهربا و الغاز و الإنترنت، إلخ...

الورق دة تبعتى صور منه مع الملف فى وقت التقديم و بيقى معاكى بردو فى الإنترفيو.

لو قرابك مش ساكنين فى كيبك، لو ساكنين فى المقاطعات الفيدرال، ماتجيبيش سيرتهم فى الملف خالص لا فى وقت تقديم الملف ولا فى المقابلة، لو عرفوا إن ليكى ناس برة كيبك ممكن تبقى نقطة ضدك.

وهل ممكن ادخل امتحانين دلف والا لازم التى سى اف لان انا المقدم الرئيسى ؟

أى إمتحان فيهم ينفع و لأى عدد من المرات بس أنا أنصح بالتى سى إف. الديلف مش هيتحسب لو جبتى أقل من 16/25 فى مهارتى السمع و الكلام.

والابليكيشن هل بملاة اون لاين وبعدها اطبعة والا اطبعة واملاة بايدى ؟

الإتنين ينفعوا، بس أنا أفضّل إنك تملى الورق على الكمبيوتر و بعد كدة تطبعبه و تمضيه و تكتبى التواريخ، خط اليد ممكن فى ناس مش هتعرف تقراه.

وشكرا

تم تعديل 2 مايو 2013 بواسطة أدهم الشرقاوى

[أدهم الشرقاوى]

لسه حالا جاى لى اتصال من دبى ... شركه متخصصه فى اجراءات الهجره اسمها جلوبال فيزا اول سؤال سالنى شغال ايه قلت له مهندس قالى بالحرف الواحد مش بياخدوا مهندسين بقالهم 3 سنوات ... طيب مش يمكن تتطلب فى القائمه اللى جايه؟ قالى لا مش هتتطلب... قلت له طب وعرفت منين؟؟؟ قالى احنا معتمدين من اداره الهجره الكنديه ... طيب شكرا ومع السلامه

صحيح قالى فى استراليا بس...عموما كده موضوع الهجره بخ صح؟؟؟

ملاحظه اخيره انا بقالى كذا يوم بقراء فى المنتدى عن القصه دى وواضح ان المعلومات كلها قديمه ياريت التنويه بكده لعدم تضييع الوقت فى قراءه اشياء لاتفيد- حاليا طبعا قصدى- وشكرا لكل اللى ساهم بمعلومه

بص أنا شايف إن معظم مكاتب الهجرة أو كلها تقريباً لصوص، أيوه حرامية و لصوص و بيستغلوا جهل الناس..

بالنسبة لكندا، هى تقريباً بتقفّل ببانها خلاص، الدنيا مابقتش زى الأول و بسبب الربيع العربى عدد رهيب من الملفات إاقدمت لكندا فى السنتين الأخيرتين.

لسه فى أمل فى كيبك لو أنت مهندس مدنى أو ميكانبكا أو ممرض أو كيميائى و طبعاً محتاج لعة فرنسية و إنجليزية، الدنيا بقت أصعب الفترة الأخيرة، العرض قليل و الطلب كتير.

الأمل دلوقتى فى أستراليا و نيوزيلاندة بس طبعاً محتاج IELTS من الآخر كدة و أنا رأيي إنك تدور على جوجل و سيبك من النصابين بتوع مكاتب الهجرة دول، ممكن تتعب شوية فى البحث بس هتوفر على نفسك 30 ألف جنية مرتاح.

دة رأيي بصراحة و فى أمل كبير كمان بس فى أستراليا و نيوزيلاندة.

[تقى الله]

لسه حالا جاى لى اتصال من دبى ... شركه متخصصه فى اجراءات الهجره اسمها جلوبال فيزا اول سؤال سالنى شغال ايه قلت له مهندس قالى بالحرف الواحد مش بياخدوا مهندسين بقالهم 3 سنوات ... طيب مش يمكن تتطلب فى القائمه اللى جايه؟ قالى لا مش هتتطلب... قلت له طب وعرفت منين؟؟؟ قالى احنا معتمدين من اداره الهجره الكنديه ... طيب شكرا ومع السلامه

صحيح قالى فى استراليا بس...عموما كده موضوع الهجره بخ صح؟؟؟

ملاحظه اخيره انا بقالى كذا يوم بقراء فى المنتدى عن القصه دى وواضح ان المعلومات كلها قديمه ياريت التنويه بكده لعدم تضييع الوقت فى قراءه اشياء لاتفيد- حاليا طبعا قصدى- وشكرا لكل اللى ساهم بمعلومه

بص أنا شايف إن معظم مكاتب الهجرة أو كلها تقريباً لصوص، أيوه حرامية و لصوص و بيستغلوا جهل الناس..

بالنسبة لكندا، هى تقريباً بتقفّل ببانها خلاص، الدنيا مابقتش زى الأول و بسبب الربيع العربى عدد رهيب من الملفات إاقدمت لكندا فى السنتين الأخيرتين.

لسه فى أمل فى كيبك لو أنت مهندس مدنى أو ميكانبكا أو ممرض أو كيميائى و طبعاً محتاج لعة فرنسية و إنجليزية، الدنيا بقت أصعب الفترة الأخيرة، العرض قليل و الطلب كتير.

الأمل دلوقتى فى أستراليا و نيوزيلاندة بس طبعاً محتاج IELTS من الآخر كدة و أنا رأيي إنك تدور على جوجل و سيبك من النصابين بتوع مكاتب الهجرة دول، ممكن تتعب شوية فى البحث بس هتوفر على نفسك 30 ألف جنية مرتاح.

دة رأيي بصراحة و فى أمل كبير كمان بس فى أستراليا و نيوزيلاندة.

استاذ ادهم انا شاكر جدااا لردك

عموما الشركه دى لما كلمتنى ماجبتش سيره فلوس اساسا الكلام زى مانا كاتبه بالظبط:مهندس كهربا؟مش طالبين مهندسين كهربا... شكرا

بخصوص استراليا بقا او نيوزلاند معرفش بصراحه هيكون ايه النظام وكده كده انا قررت استنى شويه لما تجوز واشوف وربنا يهدينا للخير

طبعا انا بتكلم انجليزى بطلاقه وفرنساوى خفيف فده مش مشكله... بس تصدق انى بحاول اجيب عرض مكتوب من شركه فى كندا؟خصوصا انى شغال فى مكتب انترناشيونال وفاتح فى كيبك وكالجرى واونتيريو ومونتيرال وغيرهم

عموما بكرر شكرى وحضرتك وعايز اقولك: انك من "خير الناس انفعهم للناس" دمت بود

[مانو برنس]

مساء الخير عليكم

كلكم انا جديد غى المشاركات

وكان عندى سؤال مهم

لو عاوز اعرف ايه الامراض اللي تجيبلى رفض من كندا فى الميديكال وشكرا

مع التاكد من صحة المعلومات

[myssara]

الف مبروك يا ادهم الف الف مبروك ربنا يكملك على خير ان شاء الله انت تستاهل كل خير وبالتوفيق

[ayman maghraby]

السلام عليكم

انا الان افكر في التقديم للهجرة للكيبك على برنامج entrepreneurs and self-employed program وجبت الكثير من البيانات عن هذا البرنامج ولكن اللى مش عارف اوصل ليه هو انهم طالبين دراسة عن مشروع تجاري يتم انشاءه في الكيبك بعد الوصول .

- لو سمحتم اللى عنده اى خبرة بالموضوع دة او سافر عن طريق نفس البرنامج ؟

- حاليا انا براسل محامي في الكيبك على اساس انه يساعدنى في الاجراءات و المشروع المطلوب ..... ايه نصيحتكم

و لكم الشكر الجزيل

[msrawya]

استاذ ادهم انا مهندسة طبية لكن بعمل في مجال البرمجيات الانجليزي بتاعي الى حد ما كويس و لكن الفرنساوي مفيش ، متزوجة و عندي طفلة

عايزة اعرف اقدم على برنامج ايه في الهجرة مع العلم ان تعلم لغة جديدة بالنسبالي هيكون صعب جدا لأن مفيش فلوس ومفيش وقت ؟

[mkhaledkk]

السلام عليكم ورحمة الله وبركاته

انا مهندس مدني اعمل في قطر

اريد ان اسال عن :

1- انا جالي رقم الملف ومعاي شهادة باللغة الفرنسية من المركز الفرنسي بمستوى A2 - DELF ممكن ارسلها لوحدها بعد ما اخدت رقم الملف ام المستوى غير جيد - لاني لم ارسل مع الملف شهادة بالفرنسية - لان احد حذرني بان لا ارسلها.

2- ارجو اعرف ما التفاصيل التي ستتم في المقابلة وما النقاط التي اراعيها ، انا مقدم الهجرة لكيوباك فهل كل المقابلة ستكون بالفرنسية ام جزء منها ، ولو معرفتش اجاوب الفرنسية في معظم الاسئلة واريد بالانجليزي سيكون سبب في الرفض - وما المستوى الذي يجب تعرفه الزوجة في المقابلة؟

3- بالنسبة للعمل بمهنتي : الهندسة المدنية : هل يجب احصل على شهادات عالمية قبل السفر افضل مثل PMP وما الشهادات الاخرى المطلوبة ، ام يلزم معادلة شهادتي هناك بعد السفر والدراسة والتدريب فترة هناك وما خطوات ذلك ؟

4- هل الحصول على عرض عمل او عقد عمل من شركة في كندا يضيف من 5 الى 10 نقاط لي ؟ وسمعت ان ممكن من اي شركة حتى لو ليست في مجالي

ارجو الافادة ولكم جزيل الشكرالسلام عليكم ورحمة الله وبركاته

انا مهندس مدني اعمل في قطر

اريد ان اسال عن :

1- انا جالي رقم الملف ومعاي شهادة باللغة الفرنسية من المركز الفرنسي بمستوى A2 - DELF ممكن ارسلها لوحدها بعد ما اخدت رقم الملف ام المستوى غير جيد - لاني لم ارسل مع الملف شهادة بالفرنسية - لان احد حذرني بان لا ارسلها.

2- ارجو اعرف ما التفاصيل التي ستتم في المقابلة وما النقاط التي اراعيها ، انا مقدم الهجرة لكيوباك فهل كل المقابلة ستكون بالفرنسية ام جزء منها ، ولو معرفتش اجاوب الفرنسية في معظم الاسئلة واريد بالانجليزي سيكون سبب في الرفض - وما المستوى الذي يجب تعرفه الزوجة في المقابلة؟

3- بالنسبة للعمل بمهنتي : الهندسة المدنية : هل يجب احصل على شهادات عالمية قبل السفر افضل مثل PMP وما الشهادات الاخرى المطلوبة ، ام يلزم معادلة شهادتي هناك بعد السفر والدراسة والتدريب فترة هناك وما خطوات ذلك ؟

4- هل الحصول على عرض عمل او عقد عمل من شركة في كندا يضيف من 5 الى 10 نقاط لي ؟ وسمعت ان ممكن من اي شركة حتى لو ليست في مجالي

ارجو الافادة ولكم جزيل الشكر