اضحك مع اخوان اونلاين : مظاهرة بـ"روكسي" تطالب باحترام نتيجة الاستفتاء

[م تيمور المراغي]

الرباط الخاص بي

نظَّم مئات النشطاء بميدان روكسي بمصر الجديدة وقفةً؛ للمطالبة بضرورة سرعة بناء المؤسسات وفق نتائج الاستفتاء الشعبي على التعديلات الدستورية.

وشدد المتظاهرون على ضرورة احترام رأي الشعب المصري، الذي أعلنه صراحةً خلال استفتاء يوم 19 مارس، وتأييد المجلس الأعلى للقوات المسلحة لإدارة المرحلة الانتقالية؛ حتى تسليم السلطة إلى ممثلي الشعب الشرعيين، مشددين على أن الشعب رفض عمل "دستور أولاً"، ورفض الدعوات المشبوهة لمجلس رئاسي مدني غير منتخب.

وطالبوا بعودة عجلة العمل والإنتاج وعودة السياحة، مع وجود خطة عمل لعودة الاستثمار، وخلق فرص عمل، وتفعيل قانون تجريم المظاهرات والاعتصامات ضد كلِّ مَن يضر تلك الأهداف أو يمسها بسوء.

ودعوا إلى محاكمة كلِّ مَن تمَّ اتهامه بالفساد، وكلِّ من فرَّط في حقٍّ من حقوق مصر خلال الفترة السابقة أو الحالية محاكمة عادلة، من خلال إحالتهم للقضاء المصري الشامخ، ليجازي كلاًّ منهم الجزاء العادل، دون التدخل بالضغط أو الإرهاب من أي جهة.

واستنكروا الإضرار بمصالح البلاد، وتعطل عجلة الإنتاج، ومن أبرزها: غلق مجمع التحرير، والتهديد بغلق قناة السويس!.

وردد المتظاهرون هتافات منها: "علي وعلي وعلي الصوت.. الجيش المصري مش حيموت"، و"بالراحة بشويش.. كله إلا الجيش"، كما رفعوا عددًا من اللافتات التي تطالب بمحاكمة المتهمين بقتل الثوار، وتفعيل عجلة الإنتاج، ومحاكمة الفاسدين من ضباط الشرطة، ومقاضاة مروجي الأكاذيب والشائعات في الفضائيات والصحف؛ لإثارة الفوضى في البلاد.

[م تيمور المراغي]

مش قلتلكم الاخوان خلاص سابوا التحرير

وبيطبلوا دلوقتي لبتوع روكسي !!

اللي كان بيخطب فيهما لنهاردة احمد سبايدر وبتوع احنا آسفين ياريس

مكانش العشم يا اخوانجيه

[م تيمور المراغي]

وايه براحه بشويش ده !!

فيه مناضلين يقولوا براحه بشويش !!!!!

[عماد حمدي]

أنا بصراحة مش شايف في المقال أي حاجة غلط بالعكس الناس عايزة إصلاح البلد ..

مش شرط ياعني علشان يكونوا مناضلين يناموا في الميدان ..

ويتركوا شغلهم و مصالحهم إللي هيا مصالحك انته و أنا وغيرنا من طوائف الشعب ..

دول فيهم دكاترة ومهندسين ومحاسبين وموظفين وووو ..

إزاي هطالب الحكومة بعوده عجلة العمل والانتاج ، وأنا أول واحد نايم في الشارع ..

صح كدة ولا إية !!؟؟

لو أتكلمت بقا عن النضال فدول اللي قالوا للحاكم الفاسد أنته فاسد وهوه ع رأس الحكم ،

مش زي ناس عاش الملك .. مات الملك !

هنقعد بقا نمسك لكل واحد ع كل كلمة ، يبقي البلد مش هتتصلح ..

أنا وأنت وغيري لازم نبطل كلام ونشتغل ونجتهد ونسعي لإصلاح أنفسنا أولاً علشان بلدنا حالها يتصلح ..

لك التحية والتقدير أخ أركتيكت

[mustafagamiel]

والله ياباشمهندس تيمور يوما بعد يوما تسيئون لليبرالية التي طالما تشدقتكم بمبادئها

يوما بعد يوما تريدون ان تثبيتون انتم الواصيين على الشعب وانتم المناضلين وغيركم عالة عليكم

انت وصلت لمرحلة بقيت تنقل اي كلام والسلام

نقل غير موفق ياباشمهندس اراكم في نقل جديد

[hOuSsAm]

انا مش فاهم يا تيمور انت زعلان من ايه

المقال مفهوش اى غلطة ودى مطالب شرعية للناس واجب ان تحترم - وبالعكس دى متوافقة جدا مع مطالب باقى الشعب

هو طالما مش موجودين معاكوا فى التحرير يبقوا ولاد تيييييت وانتوا ولاد الناس الكويسين

-------------

مش قلتلكم الاخوان خلاص سابوا التحرير

وبيطبلوا دلوقتي لبتوع روكسي !!

اللي كان بيخطب فيهما لنهاردة احمد سبايدر وبتوع احنا آسفين ياريس

مكانش العشم يا اخوانجيه

كمان محدش قال ان الاخوان بيساندوهم - ده موقع اخبارى زى اى موقع

ويا صحبى متنساش ان السياسة مفهاش عشم وكلام الطبطبة ده

[arkan]

--

تم تعديل 16 يوليو 2011 بواسطة arkan

[رضوي]

السلام عليكم ورحمة الله وبركاته

مش بس الاخوان هما اللي محتاجين عجلة الانتاج تمشي ...... البلد كلها محتاجة دة

ولو حال البلد مااستقرش ....... ولو عجلة الانتاج فضلت متوقفة

ولو فضل الحال علي ماهو عليه

أتوقع في الفترة القادمة ................. ثورة

وثورة كبيرة اوي ............ ثورة كفاية تعبنا

فيه ناس أتأثروا جامد جداً ..... مش بالثورة .... لكن بالحال الطبيعي بعد الثورة .......... الناس تعبت ..... ومحتاجة تعيش حياه كريمة

ومافيش حد وصي علي مصر ....... ولا علي المصريين علشان يتكلم بإسمهم

أيا كان المسمى ....... 6 ابريل ولا الاخوان ولا السلفيين ولا كفاية ولا ائتلاف شباب الثورة ولا حتى المجلس العسكري

اللي نفسي الناس تفهمه ان الغالبية العضمى للمصريين لاينتمون لأي تيار ........ يعني غالبية المصريين مستقلين

فكرهم بس هو اللي بيحركهم .

الاخوان المسلمين عارفين دة كويس اوي ....... وبيشتغلوا علي دة ........ علشان كدة هتلاقي شعبيتهم اكتر من شعبية اي حركة تانية

النهاردة ..... اللي عايز يكسب ثقة المصريين ويكَون مصداقية عندهم .... لازم يحس بيهم وبمطالبهم ...... مايحاولش يتقمص دور البطل

ومايعملش زي الحكومة السابقة يشتغل من المكاتب ...... عايز تحس بأوجاع شعب ومتطلباته ...... عيش معاه وعاني معاناته ... انزل له واتعامل معاه .... مش تقعد في التحرير وتنادي بمطالب هي فعلاً عادلة ..... لكن فيه ماهو اكثر الحاحاً منها !!!

الاخوان بيعملوا كدة ......

علي فكرة

أنا من معظم المصريين ........ لا أنتمي لأي تيار سياسي ........ مستقلة تماما ........ ويوم انتخاب الرئاسة ........ هنتخب اللي يقدر يخدم بلدي بجد

[م تيمور المراغي]

السلام عليكم

واخد على خاطري من الكل هنا ,,

عشان ما خدوش بالهم ان الناس دي كانت ليهم شعارات ومطالب واهداف اخرى بعيده كل البعد عن الخبر ( التوعبيري ) اللي وضعهته اخوان اونلاين

ما يفرقوش عن بتوع ميدان مصطفى محمود هما هما نفس الوشوش والشخوص موجهين من القوى المعادية للتحرير

دي روابط الموقف الاصلي :

البديل

الوفد

[MZohairy]

خافوا من سمسم خافوا من زيكو...بكره كوكي يولع فيكوا

من حقنا من حقنا ...نحلم بحضن يضمنا

هتافات روكسيه :closedeyes:

[م تيمور المراغي]

خافوا من سمسم خافوا من زيكو...بكره كوكي يولع فيكوا

من حقنا من حقنا ...نحلم بحضن يضمنا

هتافات روكسيه :closedeyes:

ههههههه :happy:

دي هتافات ( فلوليه ) - احمد زبايدار كان ع المنصه و محمد سالم بتاع جيل المستقبل

انما شباب روكسي الحقيقي زي الفل وانا عارفهم

تحيتي يا فنان