كل أخبار التغيير الوزاري الذي لاحت بشائرة في الأفق

[se_ Elsyed]

.. وياريت الساده بتوع التحرير يحكمو عقلهم شوية ، هيلاقو إننا جميعاً من بقايا النظام السابق [ مش من فلول النظام ] وكمان أهالينا الشغالين في وظائف حكومية بردو من بقايا النظام السابق .. لأن مفيش وزاة فيكي يا مصر إلا وكان فيها فساد للركب ورشاوي ومحسوبية

أنا مش متفق معاك يا موم

إنت كده عاوز تساوي موظف بيزوغ من الشغل أو بياخد رشوى 5 جنية .. بشخص اخر كان عضو في لجنة السياسات وشارك في خراب مصر ؟

طب على كده تقبل إن عاطف عبيد مثلاً يرجع وزير تاني ؟

-----

انا مش عارف المجلس العسكري مودينا لفين .. وليه بيدفع بالأمور لحافة الهاوية والأنفجار ؟؟؟؟؟؟؟؟؟!!!!!!!!!!

فطالما هو مسئول من الالف إلى الياء عن إختيار الوزراء وبالتالي عصام شرف مجرد بدلة سموكن .. حد يفهمني ليه وزير التعليم العالي والبحث العالي برضوا يختاروه مع إنه كان عضو لجنة سياسات .. خلاص يا جماعة عدمنا فرصة الاختيار وما بقاش عندنا غير خمسين واحد هما الكفاءات النادرة في مصر ؟

كذلك مصر كلها أنكوت من حكومة رجال الاعمال اللي كلهم مشرفين في بورتو طرة ... يبقى ليه الاصرار على تعيين وزير صناعة وتجارة عنده شركات ومصانع خاصة ؟

وليه تم رفض عمل تحريات رقابية ولو سريعة عن الوزراء المعينين دول ؟

على فكرة أستمعت منذ قليل للمستشار القانوني لعصام شرف اللي اعترض على الاسماء دي والراجل بيضرب كف على كف ومش فاهم ايه اللي بيحصل ... وسيتقدم بأستقالتة لإن الاسماء دي ليست فوق مستوى الشبهات بالمرة لأنهم متورطين مع الحزب المنحل

[se_ Elsyed]

تأجيل أداء اليمين إلى الغد لإن في ناس من الجدد هاتتشال ...

إعجن ياللي بتعجن

----------

عجبني مبدأ تعيين وزراء ذوي ذقون حتى لو كانت خفيفة زي وزير الري ووزير الزراعة ... طبعاً لو كان ده حصل في الستين سنة اللي فاتوا كانت قامت حرب عالمية ثالثة في مصر

النهاردة كان في وقفة إحتجاجية لمضيفات شركة مصر للطيران للسماح لهم بأرتداء الحجاب حسب رغبة المضيفة ... فين بتوع الحرية والملوخية .... مش دي حرية برضوا إنها ترتدي حجاب ؟ ولا يكون المقابل إنها تتفنش وتقعد في بيتها ؟

[se_ Elsyed]

بالمناسبة الدكتور حازم الببلاوي نائب رئيس مجلس الوزراء ووزير الأقتصاد هو من أكبر المشجعين لتحصيل رسوم عبور قناة السويس بالجنية المصري ... فكرة جيدة وجديرة بالدراسة على الا تؤثر على دخل مصر من العملة الاجنبية

[أحمد سيف]

المهم الوزارات السيادية

العدل - الداخلية - الخارجية

حضرتك جبت الخلاصة ... طالما مافيش تعديل في الوزارات دي يبقى مافيش حاجه حصلت

[abdulmuttaleb]

بالمناسبة الدكتور حازم الببلاوي نائب رئيس مجلس الوزراء ووزير الأقتصاد هو من أكبر المشجعين لتحصيل رسوم عبور قناة السويس بالجنية المصري ... فكرة جيدة وجديرة بالدراسة على الا تؤثر على دخل مصر من العملة الاجنبية

أنا أخيرا وصلت لسر وجود حدة في بعض مداخلات حضرتك وعدم اعتدادها بالحقائق والوقائع،

بص يا سيدي كلام حضرتك ده غير صحيح، ولكن فعلا انتشر على الانترنت حاجة زي كده في بعض المنتديات وعناوين المواقع الإخبارية،

لكن تعالى نشوف الراجل بعضمة لسانة قايل ايه في مقال مخصوص عن قناة السويس والرسوم بالجنيه المصري:

ولذلك، فإن الاقتراح بدفع الرسوم بالجنيه المصرى لا يحقق الفائدة المدعى بها لأنه لن يزيد من الحصيلة الإجمالية للعملات الأجنبية، بل وقد تترتب عليه أضرار على الاقتصاد برفع تكلفة الدولار على الدولة لتمويل ما تستورده الدولة من مواد تموينية أو أساسية. وهو أيضا أسلوب غير عملى قد يتطلب زيادة الرسوم بشكل مستمر لحماية لقيمة العائدات عند انخفاض قيمة الجنيه. وأخيرا فإنه قد تسهل من عمليات هروب رءوس الأموال إلى الخارج. فهو بذلك اقتراح غير مفيد وغير عملى ويمكن أن يكون ضارا. والله أعلم.

المقال كاملا:

http://www.shorouknews.com/contentdata.aspx?id=454854

[abdulmuttaleb]

تأجيل أداء اليمين إلى الغد لإن في ناس من الجدد هاتتشال ...

إعجن ياللي بتعجن

----------

عجبني مبدأ تعيين وزراء ذوي ذقون حتى لو كانت خفيفة زي وزير الري ووزير الزراعة ... طبعاً لو كان ده حصل في الستين سنة اللي فاتوا كانت قامت حرب عالمية ثالثة في مصر

النهاردة كان في وقفة إحتجاجية لمضيفات شركة مصر للطيران للسماح لهم بأرتداء الحجاب حسب رغبة المضيفة ... فين بتوع الحرية والملوخية .... مش دي حرية برضوا إنها ترتدي حجاب ؟ ولا يكون المقابل إنها تتفنش وتقعد في بيتها ؟

فكرتني بموضوع ملتحون رسميون وكان أولهم وزير الاتصالات د.ماجد عثمان:

http://jobs-hr-cv-career.newegyptconsulting.com/2010/02/blog-post_5010.html

[Dreamwithme]

أين الحقيقة في موضوع التخبط في اختيار وزير الآثار؟!!!!!!!!!!!

مفاجأة كبيرة | كشف د. عبد الفتاح البنا المرشح لوزارة الدولة لشئون الأثار عن مفاجأة كبيرة..حيث أكد اعتذاره عن تولى المنصب لرفضه العفو عما سبق و عدم فتح ملفات الفساد كما طلب منه د. عصام شرف

http://www.youtube.com/watch?v=5upNeplLdhw[/center]

[abdulmuttaleb]

الجزيرة مباشر مصر:

د.عصام شرف مصاب بوعكة صحية ونقل للمستشفى.

الخبر كان جلطة قبل التصحيح إلى وعكة وليس جلطة.

ربنا يكون في عونه ويشفيه ويعافيه ويعينه، مش عارف أحمد رجب كان بيفول عليه وللا ايه في نص كلمة النهاردة:

اختار د.شرف نائبين جديدين لرئيس الوزراء كما عثر علي عدد من الوزراء الجدد، وبقي أن يتم د. شرف جميله ويعثر لنا علي رئيس وزراء جديد

[se_ Elsyed]

أنا أخيرا وصلت لسر وجود حدة في بعض مداخلات حضرتك وعدم اعتدادها بالحقائق والوقائع،

بص يا سيدي كلام حضرتك ده غير صحيح، ولكن فعلا انتشر على الانترنت حاجة زي كده في بعض المنتديات وعناوين المواقع الإخبارية،

طب ما تفهمني أو تعالجني يمكن تخف الحدة دي على إيدك يا دكتور ؟

أظن إتهامي بعدم الإعتداد بالحقائق والوقائع هو إتهام بعيد عن اللياقة يا عبد المطلب بيه ..... ومن السهل جداً إني أبادلك الإتهامات ونحولها لعركة

[doctor ayman]

كده برده ياسي السيد

اعدت تنقد الراجل البركه عصام شرف

لغايه ماتعب ودخل المستشفي

والله الراجل ده ظلم نفسه وظلمنا معاه

هوه مالوش في الموضوع ده

مش عارف ليه مش عاوز يستقيل ويسيب العيش لخبازه

تم تعديل 19 يوليو 2011 بواسطة doctor ayman

[se_ Elsyed]

كده برده ياسي السيد

اعدت تنقد الراجل البركه عصام شرف

لغايه ماتعب ودخل المستشفي

والله الراجل ده ظلم نفسه وظلمنا معاه

هوه مالوش في الموضوع ده

مش عارف ليه مش عاوز يستقيل ويسيب العيش لخبازه

أصل الموضوع يا دكتور أيمن مش عزومة محشي الواحد بيقبلها غصب عنه عشان تبقى بجميلة ...

فيإما الواحد يبقى قد المسئولية وما

خلي بالك من ما دي

ما يشتكيش ويولول ليل نهار ويذلنا إنه بيشتغل 24 ساعة في الثانية وإن المرحلة حرجة وإن وإن وإن ...

يا إما يستقيل بشرف وكرامة ويسيبها للي يقدر عليها

الموضوع بسيط جداً زي ما أنت شايف ....

4 شهور مش قليل يا دكتور على البدء في إتخاذ خطوات إيجابية .. وخلي بالك إن فترة الحكومة دي هاتمتد لأكثر من سنة

حاسس إن المجلس العسكري هو اللي بيحكم ومش ظاهر .. وإنه - عصام شرف - ظاهر ومش بيحكم ... يبقى متشكرين يا جماعة وكملوا إنتوا وشكلوا وزارة أنتوا وأتحملوا المسئولية أنتوا ؟

------------

أقول لكم مفاجأة ؟

هل حد سمع من بداية الثورة عن لجنة إقتصادية إتكونت لإتنشال البلد من حالة الضياع اللي هي فيها دي ؟

يعني وزير المالية عمل مجلس حرب - أنا باتكلم جد - وإجتمع مثلاً مع محافظ البنك المركزي ... ومع رؤساء مجالس إدارة البنوك .. ومع وزير التجارة والصناعة .. ومع وزير التعاون الدولي .. ومع الخبراء المتخصصين وهم بالالاف عندنا ... إلخ

وناقشوا خطة طريق تتنفذ 1 2 3 سواء على المدى القصير أو المتوسط أو الطويل ؟

حد فكر يعمل مؤتمر إقتصادي لدعم وتشجيع الإستثمار الخارجي في مصر بعد أخذ تعهد من المجلس العسكري ومن وزارة الداخلية إن الأمن هايرجع أفضل من الأول في مده أقصاها شهر مثلاً ؟

حد فكر يعمل مؤتمر إقتصادي داخلي يطمن فيه رجال الأعمال الشرفاء وهم الأغلبية وهما اللي فاتحين بيوت الناس ولهم إسهامات وبصمات واضحة .. عشان يطمنوهم إنهم مالهمش دعوة بالحملة الشرسة على رجال الاعمال السودا الي خربوها وإن دي حاجه ودي حاجة تانية

[abdulmuttaleb]

أنا أخيرا وصلت لسر وجود حدة في بعض مداخلات حضرتك وعدم اعتدادها بالحقائق والوقائع،

بص يا سيدي كلام حضرتك ده غير صحيح، ولكن فعلا انتشر على الانترنت حاجة زي كده في بعض المنتديات وعناوين المواقع الإخبارية،

طب ما تفهمني أو تعالجني يمكن تخف الحدة دي على إيدك يا دكتور ؟

أظن إتهامي بعدم الإعتداد بالحقائق والوقائع هو إتهام بعيد عن اللياقة يا عبد المطلب بيه ..... ومن السهل جداً إني أبادلك الإتهامات ونحولها لعركة

العفو والله يا سيدي أنا آسف وسامحني، أنا تحدثت عن (بعض) وليس كل، ولا ينكر أحد دور حضرتك في إثراء المنتدى بالأفكار والمشاركات.

والمسامح كريم يعني،

لأ بجد والله أعتذر وأرجوك احذف المداخلة أعلاه فربما خانني التعبير حقا، وكلنا هنا نكن لكم كل احترام.

[abdulmuttaleb]

هل مصر في انتظار رئيس وزراء جديد بعد عصام شرف؟

http://www.egpresidentmubarak.com/2011/07/essam-sharaf-health-reshuffle-cabinet.html

الموقع الرسمي لمجلس الوزراء نفى في نسخته العربية أنباء استقالة الدكتور عصام شرف من رئاسة الوزراء وأكد أن الحالة الطبية لسيادته مستقرة ومطمئنة، وأنه سيواصل مشاوراته لاستكمال التعديل الوزاري الجديد بعد خلوده للراحة بناء على نصيحة الأطباء.

أما النسخة الإنجليزية فنفت أنباء الاستقالة وأكدت أن الرجل في راحة بناء على نصائح الأطباء، ولكنها أضافت أن صحة د.عصام شرف غير مستقرة. خلا الخبر في النسخة الإنجليزية من الإشارة إلى مواصلة الدكتور عصام شرف لمشاوراته بشأن التعديل الوزاري المرتقب.

إذا طبقنا قاعدة د.عبد المنعم سعيد في حجية البيانات والتصريحات المكتوبة باللغة الإنجليزية مقارنة بنظيراتها المنطوقة باللغة العربية (الأخيرة عادة تكون موجهة للرأي العام وشعب نصفه أميون)، إذا طبقنا هذه القاعدة وربطناها باستقالة د.المعتز بالله عبد الفتاح وكذلك توجيه الوزراء الحاليين (وليس الجدد) بإدارة شؤون وزاراتهم، فهل تكون مصر في انتظار رئيس وزراء جديد بدلا من الدكتور عصام شرف بذريعة الظروف الصحية؟

إذا حصل هذا فيبدو أن لما كتبه أحمد رجب في نص كلمة مفعول السحر إذ كتب أمس الإثنين18يوليو2011م:

اختار د.عصام شرف نائبين جديدين لرئيس الوزراء كما عثر على عدد من الوزراء الجدد، وبقي أن يتم د. شرف جميله ويعثر لنا علي رئيس وزراء جديد.