المشاريع العقارية المعروضة الآن بالسوق

[أشرف محمد]

بسم الله الرحمن الرحيم

الأخوة الكرام / أعضاء المنتدى

تحية طيبة وبعد ...

أكد خالد محمد - مدير الإدارة التنفيذية لمجموعة ( الشعراوي جروب ) أن الشركة تشارك بالمعرض بعدة مشروعات منها ( جنوا هايتس ) بالكيلو 77 الساحل الشمالي بأسعار تبدأ من 80 ألف جنيه و مساحات 50 م2 و طريقة السداد دفع 7 آلاف جنيه مقدم و الباقي على 48 شهر بدون فوائد و سيتم تسليم وحدات المشروع عام 2014 مضيفاً أن هناك وحدات كاملة التشطيبات و أخرى نصف تشطيب و المشروع يضم ملاعب جولف و نوادي فروسية و حمامات سباحة و مساحات خضراء واسعة .

و أشار أن الشركة ستشارك بمشروع بورتو بالكيلو 83 الساحل الشمالي أمام قرية بدر بمساحات تبدأ من 50 م2 و أسعار تبدأ من 80 ألف جنيه و يتم دفع 30 ألف مقدم و الباقي على 20 شهر بدون فوائد ويتم تسليم الوحدات تشطيب أو نصف تشطيب حسب رغبة العميل مضيفاً أنه سيتم تسليم المشروع بعد عام و يضم بحيرات صناعية وسط المشروع تم توصيلها بحمامات السباحة بالإضافة إلى وجود مساحات خضراء و أشار محمد إلى أن الشركة تقدم عروضاً قوية و خصومات عالية على الوحدات المتبقية بمشروعي جنوا عمارات بالكيلو 77 بجوار فندق عايدة بالساحل الشمالي و مشروع جنوا فيلات 0

خالص تحياتي

مهندس / أشرف محمد

[مسافر بلا عنوان]

وما هى اخبار المشروعات العقارية فى الاسكندرية او مدينة برج العرب ؟؟؟؟؟؟

اتمنى ان تمدونا بمعلومات عنها كافية لاننى اريد شراء شقة فى الاسكندرية او مدينة برج العرب وايضا شراء محل فى مول تجارى فى برج العرب ان امكن

منتظر ردودكم وشكرا لكم

[وطني حر]

مهندس اشرف . مع تقديري لمجهودات حضرتك الكبيره وكلمه شكر قليله

عايز رايك بالموضوع .ادرك ان الموضوع تقديري ولكن رايك في الموضوع يهمني

السؤال انا عايز اشتري شاليه ع البحر هل تنصحني اشتري في العين السخنه او في الساحل الشمالي

طبعا انا بعتبر نفسي بعد الغربه ان شاء الله من سكان القاهره الجديده

دعواتي لك بالتوفيق ورمضان كريم

[أشرف محمد]

وما هى اخبار المشروعات العقارية فى الاسكندرية او مدينة برج العرب ؟؟؟؟؟؟

اتمنى ان تمدونا بمعلومات عنها كافية لاننى اريد شراء شقة فى الاسكندرية او مدينة برج العرب وايضا شراء محل فى مول تجارى فى برج العرب ان امكن

منتظر ردودكم وشكرا لكم

بسم الله الرحمن الرحيم

الأخ الفاضل / مسافر

تحية طيبة وبعد ...

للأسف الشديد ليس لدي الآن أي معلومات عن أي مشروعات جديدة في الإسكندرية ، و في حالة توافرها عندي سأقوم بنشرها في المنتدى

تقبل تحياتي

مهندس / أشرف محمد

[أشرف محمد]

مهندس اشرف . مع تقديري لمجهودات حضرتك الكبيره وكلمه شكر قليله

عايز رايك بالموضوع .ادرك ان الموضوع تقديري ولكن رايك في الموضوع يهمني

السؤال انا عايز اشتري شاليه ع البحر هل تنصحني اشتري في العين السخنه او في الساحل الشمالي

طبعا انا بعتبر نفسي بعد الغربه ان شاء الله من سكان القاهره الجديده

دعواتي لك بالتوفيق ورمضان كريم

بسم الله الرحمن الرحيم

أخي الفاضل / وطنى حر

اله أكرم و كل عام و أنت بخير ...

العين السخنة جوها دافئ في الشتاء و شديد الحرارة في الصيف و لذلك فهي تعتبر مشتى و ليس مصيف و تمتاز بقربها الشديد من القاهرة فالرحلة زمنها لا يتعدى الساعة و الربع من التجمع الخامس حنى تصل إلى هناك .

بالنسبة للساحل الشمالي فهو بارد شتاءاً و جوه جميل في فصل الصيف و لكن المسافة أبعد بكثير خاصة لو كنت تقصد الأماكن القريبة من مارينا أو مارينا نفسها .

لذلك فالموضوع نسبي و يتوقف على مدى إحتياجك أنت .

خالص تحياتي

مهندس / أشرف محمد

[عمر هلال]

المهندس اشرف

نود مشورتك فى شقق نقابة المهندسين بمدينة 6 اكتوبر تقريبا سعر المتر 2200 جنيه

هل سعرها كويس ام غالى[b]

[عطر الجنة]

المهندس اشرف

نود مشورتك فى شقق نقابة المهندسين بمدينة 6 اكتوبر تقريبا سعر المتر 2200 جنيه

هل سعرها كويس ام غالى[b]

يعنى احنا ليل و نهار قاعدين نهاتى على الفيس بوك فى صفحات المرشحين للانتخابات و نقول بركة الحارس القضائى حرامى و مشاريعه فاشلة ومنها شقق العاشر

لم يشترى فيها احد

و مشروع اكتوبر اعلن عنه قبل قضية رفع الحراسة بيوم

و الان غير شروط حجزه لان لم يجد هبل يشتروا و انت بتسأل

انا عموما بجاوبك لانى فى ارض الحدث لانى مرشحة نفسى لعضوية احد النقابات الفرعية

تحياتى

[MR NOOR]

موضوع مميز جدا وشكر خاص للمشاركين فيه ولصاحب الموضوع

ومشاركات البشمهندس اشرف والبشمهندسة عطر الجنة مميزة جدا

في المواضيع العقارية وغيرها من المواضيع التوعوية العقارية

انا عندي استفسار بخصوص مدينة العبور الحي الثالث ايه ظروفه

وسؤالي للمفاضلة بينه وبين المشروع اللي بتاع جاردن هيلزالاكتوبري

او المعادي الجديدة مع اني بميل للمدن الجديدة علي اساس انهامتخططة

مع العلم باني بدور علي حاجة تكون داخل كمبوند فتنصحوا بايه

تلخيص:-

المفاضلة بين جاردن هيلز وبين اي شقة في العبور في حي متميز

او في الشروق في حي متميز او في المعادي .

تم تعديل 20 سبتمبر 2011 بواسطة MR NOOR

[mezo]

المهندس اشرف

نود مشورتك فى شقق نقابة المهندسين بمدينة 6 اكتوبر تقريبا سعر المتر 2200 جنيه

هل سعرها كويس ام غالى[b]

يعنى احنا ليل و نهار قاعدين نهاتى على الفيس بوك فى صفحات المرشحين للانتخابات و نقول بركة الحارس القضائى حرامى و مشاريعه فاشلة ومنها شقق العاشر

لم يشترى فيها احد

و مشروع اكتوبر اعلن عنه قبل قضية رفع الحراسة بيوم

و الان غير شروط حجزه لان لم يجد هبل يشتروا و انت بتسأل

انا عموما بجاوبك لانى فى ارض الحدث لانى مرشحة نفسى لعضوية احد النقابات الفرعية

تحياتى

بركة افندى مش مكفيه انه حرامى بس كمان حرامى غشيم وحسبى الله ونعم الوكيل فيه ومشروع اكتوبر ده نقابة المهندسين مستلمة الارض بتاعته من اكتر من 12 سنة وبدأ المشروع الى بيعلنوا عنه ده من حوالى 3 سنين ويمكن اكتر وتقريبا كانوا بيحاولو يسقعوا المشروع على اساس ان العقارات فى الطالع وقالو يعلنوا عنه لما يبقى السعر فوق وكأن نقابة المهندسين دى ملكهم ولما الحكم النهائى بانهاء الحراسة تم وخلاص بركة والى معاهم لقوا السبوبة هتضيع قالك ننزل المشاريع الفاشلة وناخد مقدمات من المهندسين الغلابة ومشروع وكمبوند وقال ايه التسليم بعد 3 سنين ومش كمان مزودين فى سعر المتر عن الطبيعى لاه وكمان سارقين فى الخدمات وبصراحة استغربت لما لاقيت الشقق ال 145 متر عبارة عن غرفتين ورسبشن ولما بركة نزل اخر ميعاد للحجز فى 8 /9/ 2011 وملاقاش حد بيحجز ماهو مين المجنون الى هيرمى فلوسه فى الارض وخصوصا ان ميعاد طرح الشقق يثير الريبة راح بركة افندى منزل صور على النت وجاب موظفين من النقابة ووقفهم طابور وقال زحام شديد لدفع مقدمات الشقق وبردك محدش راح راح مزود المهلة اسبوع قال ايه علشان المهندسين المغتربين طلبوا كدة واصلا ده مش ميعاد اجازات المغتربين اصلا ولما بردك محدش عبرهم راحوا مزودين المهلة اسبوع كمان لحد 22/9/2011 وزودوا التقسيط من 3 سنين ل 5 سنين وكمان قالك التشطيب هدية فى الشقق الصغيرة واصلا النقابة المفروض تتسلم للجنة الانتخابات من 16/6/2011 بس هو عايز يلحق ياخد اكبر قدر من السبوبة والى هيفكر يدفع فى المشروع ده مليم لا يلومن الا نفسه وميجيش يعيط واصلا المشروع مفيهوش ميزة وسعره مبالغ فيه جدا مع العلم الارض النقابة واخداها من ايام الرخص اصلا قبل مايبقى للمكان ده ليه تمن اساسا وبعد بركة واعوانه يكونوا ضربوا المقدمات فى بطونهم يبقى الى اتجنن ودفع الفلوس يضرب دماغه فى الحيط ومحاكم وخلافه والى يومها بسنة ده غير ان مجلس النقابة الجديد ملوش علاقة بالموضوع ده اصلا ومن هنا يا رب الرسالة تكون وصلت لكل المهندسين علشان مخطط بركة الفاشل ده مينجحش

[عطر الجنة]

وزارة الاسكان والمرافق والتنمية العمرانية

صندوق تمويل المساكن

أعـلان

يسر الصندوق أن يعلن عن بيع وحدات سكنية بالمدن المختلفة .

أولاً : عين حلوان

- عدد 202 وحــــدة مســـاحة 75م ،105م .

- مقدم الحجز 49500جـنيه لمســـاحة 75م .

71500 جنيه لمساحة 105م .

- يبدأ سداد المقدم والحجز اعتباراً من 2 /10 وحتي 31/10/2011.

ثانياً : مدينة السادات

-عدد 244 وحـــدة مساحات تتراوح من 55م الــي 73 م .

-مقدم الحجز 30000جنيه .

-يبدأ سداد المقدم و الحجز اعتباراً من1/11 وحتى 30/11/2011.

ثالثاً : مدينة بـــدر

- عدد 8 وحدات مساحة 81م .

- مقدم الحجز 36000 جنيه .

- يبدأ سداد المقدم والحجز أعتباراً من 1/12 وحتي 29/12/2011.

*تسحب كراسة الشروط من صندوق تمويل المساكن وبنك التعمير والإسكان فـرع 15 مايو ، مدينة السادات ، مدينة بدر اعتباراً من 25/9/2011 نظير مبلغ مائه جنيهاً

*تسهيلات في السداد تصل الي 10 سنوات .

*يتم الاستلام فوراً بمدينة بدر ومدينة السادات وفور انتهاء المرافق بعين حلوان .

يسر الصندوق أن يعلن عن بيع وحدات سكنية بالمدن المختلفة

[وطني حر]

السؤال دا في بالي من فتره وفي كل مره اشوف هذا الاعلان اكون عايز اسال عنه لكن .

تقديري للباش مهندس ياسر ورحابه صدره على تحمله لاسئلتنا واسلوبه الرائع في الرد

سؤال ونا بشوف قناه الفراعين لمحت اعلان عن شركات تقسيم الاراضي باليرموك وباسعار 70 جنيه للمتر بمساحات تبتدي من الــ 230 م تقريبا

طبعا هذه الاعلانات على شريط الاعلاني للقناه ومش عارف مصداقيتها لان القناه في نظري فاقده المصداقيه

هل من معلومه وهل هي حقيقيه تقديري للباش مهندس وللاخوه الافاضل من لديه معلومه عنها . لاننا شايفها فرصه ذهبيـه حتي لو بعيده بالجبل

[Hesham Zaki]

اللي اعرفه انها بدون مرافق

[أشرف محمد]

السؤال دا في بالي من فتره وفي كل مره اشوف هذا الاعلان اكون عايز اسال عنه لكن .

تقديري للباش مهندس ياسر ورحابه صدره على تحمله لاسئلتنا واسلوبه الرائع في الرد

سؤال ونا بشوف قناه الفراعين لمحت اعلان عن شركات تقسيم الاراضي باليرموك وباسعار 70 جنيه للمتر بمساحات تبتدي من الــ 230 م تقريبا

طبعا هذه الاعلانات على شريط الاعلاني للقناه ومش عارف مصداقيتها لان القناه في نظري فاقده المصداقيه

هل من معلومه وهل هي حقيقيه تقديري للباش مهندس وللاخوه الافاضل من لديه معلومه عنها . لاننا شايفها فرصه ذهبيـه حتي لو بعيده بالجبل

بسم الله الرحمن الرحيم

أخي الفاضل / وطني حر

تحية طيبة وبعد ...

للأسف الشديد لم أسمع من قبل عن منطقة اليرموك و أين تقع ؟ و لكن مثل هذه الأراضي بتكون إما وضع يد أو أراضي مخصصة للزراعة و بالتالي أخشى أن تكون مثل أراضي القادسية

إذا كانت أوراق مثل هذه الأراضي قانونية و مستندات الملكية سليمة فلماذا إذن تباع بهذا السعر الرخيص ؟ .

لا توجد يا أخي الفاضل أراضي سليمة و بتكون بهذا السعر ، إذن أكيد فيها حاجة غير سليمة .

حاول أن ترجع إلى أسعار طرح أراضي وزارة الإسكان و ستجد أن أقل سعر يقترب من 400 جنيه للمتر .

إحرص يا أخي الفاضل على أموالك ولا تجازف بها قبل أن تتأكد إنك في وضع سليم

خالص تحياتي

مهندس / أشرف محمد

[وطني حر]

كل التقدير لاخي الكريم هشام زكي علي هذا المعلومه المفيده انا توقعت كدا لكن اضن بالسعر دا حلوه لو اوراقها سلميه ؟

الباش مهندس اشرف محمد ما عليش اصل انا تهت بين الفرس والروم

فعلا هي اراضي القادسيــه اعتذرك لك واقدر فطنتك

هي اراضي القادسيه يتم الاعلان عنها علي قناه الفراعين مع شركه لاشين لتقسيم الاراضي

كل الامتنان والتقدير