محتاجة رايكم ؟؟؟؟

[ذهبية]

من زمان يجى من سنتين كنت منزلة مووضوع عن ميراث ليا شقة فى بيت العيلة انا ليا شقة و كل اخ من اخواتى شقتين

انا وضبت الشقة وجوزى رفض يقعد فيها علشان مش بيحب يقعد فى بيت الزوجة و العيلة للمشاكل المهم فكرت انى ااجرها و دة عمل مشاكل كتيير واخدت رايكم وقتها

واختلفت الاراء جدااا بينكم ما بين من حقك انك تاجريها دة حقك و بين لا هما عندهم حق لان بيت عيلة

المهم انا اجراتها بالفعل

وكانت النتيجة ان خسرت اخ من اخواتى مدة سنتين الى الان

والاخ التانى علاقتنا رجعت صحيح مش زى الاول لكن على الاقل رجعت عادى بحكم انة موجود فى المنصورة معايا

الاخ اللى علاقتى بية اتاثرت جدا دة مسافر السعودية

ومن وقت وفاة ماما لم ياتى مصر ابدا يعنى اربع سنين

المفورض انة هيرجع بالسلامة اليومين اللى جاين

و انا مش عارفة اتصرف ازاى

طبعا هو رافض يكملنى و رفض يكلم جوزى لما حب يدخل بينا

مع انى مش شابفة انى غلطت انى باتصرف فى حاجة تخصنى

خاصة انة مش قاعدفى البيت دة مسافر من زمان و مراتة معاة يعنى البيت فاضى

ولا هو حكم قارقوش وبس لانى بنت

المهم

هل المرفوض انى اتصرف ازاى ؟؟؟

طيب لو عرض انة يشترى شقتى ؟؟؟

فى الحالة دى اوافق علشان ارضية وارجع علاقتنا تانى زى بعض وانا فى الحالة دى ميبقاش ليا شقة فى بيت بابا ؟؟

وياترى ساعاتها بقى هيقفلهم ولا برضة هياجرهم ؟؟

ولا ارفض علشان ولادى و علشان لازم كيون ليا شقة فى بيت ابويا محدش عارف الزمن فية اية

هل المرفوض علشان اكسب رضاة انى اوافق على شروطة

ولا المفروض انى اتاسف على انى اتصرفت فى شقتى و اجرتها علشان ولادى وانتم عارفين مصاريف ازاى

يعنى اتاسف على حاجة انا مش شايفاة غلط

وشيفاة تجنى منة عليا ومش شرع ربنا اساسا انة يتحكم فى حاجة مش من حقة

ومن ناحية تانية انا مشفتهوش من اربع سنين ومش معقول يجى وما اشوفة

لازم انا الى ابدا بالصلح ولا استنى لما هو يبدا

طيب لو رفض انى ازورة شكلى هيبقى اية و لية احط نفسى فى الوضع دة

انا مضايقة جدااا ومش عارفة اتصرف ازاى

ارجع علاقتنا ازاى

لو عرض شراء الشقة اوافق ولالا

وهل انا غلطت لما اخدت موقف فى حاجة تخصنى ورفضت تحكمات اخواتى

انا محتارة جداااا و مستنية ردودكم

وادعولى

[Dreamwithme]

بصي يا ذهبية أنا رأيي إنك أنتي اللي تبدأي بالسؤال عليه لما ينزل إن شاء الله

وأنتي اللي تبادري وتروحي له لو هو رفض يبقي هو اللي شايل وزر قطيعة الرحم وتبقي أنتي عملتي اللي عليكي

وأنا رأيي إنك متعتذريش طالما أنتي مش شايفة إنك عملتي حاجة غلط

بالنسبة لو عرض شراء شقتك خدي وقتك تفكري وتستخيري لو هيشتريها بثمنها الفعلي ومش هيظلمك وده اللي هيحل المشكلة بينكم بيعيها له

وممكن تشتري واحدة بدالها في مكان تاني وتأجريها برضه من غير مشاكل بس أهم حاجة إن يكون بالحق والعدل

موضوع إن يكون لك شقة في بيت والدك في وجهة نظري ليس له أهمية طالما الموضوع هيخليكي تخسري أخوكي وممكن تشتري شقة بدالها في بيت تاني

[hOuSsAm]

السلام عليكم ورحمة الله وبركاته

اولا ادعو ربنا انه يرحمنا من المشاكل الاجتماعية اللى فى مجتمعنا واللى بتنخر زى السوس ومبهدلة الناس من بعضها

تانى حاجة ربنا يجبلك يا مدام ذهبية اخوكى بالسلامة وتفرحى بيه واوعى تفرطى بيه مهما دماغه هتنشف بس مسيره يرجع لحضن اخته الغالية

---------------------

بالنسبة للصلح ابداى انتى عشان كذا حاجة

- اول حاجة هتاخد ثواب اللى هيبدا بالصلح (خيركم من بدا بالصلح)

- تانى حاجة هتكبرى اوى فى نظرك (ذهبية يعنى) وهتكبرى في عيون اخوكى حتى لو موفقش بالصلح وهتكبرى فى عيون العيلة

- تالت حاجة مش هتندمى على اى موقف تعمليه بعد كدة

- السيدات نسبيا قلبهم احن من الرجالة مهما كانت صلة القرابة وسبحان الله دى العاطفة فى قلب المراة

- اخوكى بقاله 4 سنوات متواصلة فى الغربة وده حاجة من اتنين لاما ظروفه مكنتش مظبطة عشان كدة كان مضطر يقعد الاربع سنوات وبالتالى هيبقى راجع نفسيته تعبانة لاما مش فى دماغه الاهل ومصر وعادى هنا زى هناك وبالتالى اكتسب قليلا من صفات القسوة وانه عادى يبقى بعيد وبالتالى هيبقى راجع صلب اكتر من الاول

- معلهش احنا مجتمع شرقى شويتين وبالذات فى الاقاليم متمتعين بالشرقية شوية وبالتالى هتلاقي فيه شوية صفات ذكورية من العند والكبر واللى متفشية فى مجتماعتنا الغربية بحجة اننا شرقيين (واللى بعيدة عن الاسلام)

- الشيطان هيلعب فى دماغه ويقوله ليه هى متجيش مش انت اخوها واللى جاى من السفر (شياطين الانس والجن)

- اكيد فيه اسباب تانية بس عشان الوقت هقتصر على دول

طيب تصطلحوا ازاى:

- اول حاجة تحددى هو بيحب ايه اوى - حاجة كدة بتشده ليهاوبيتبسط منها

- تجيبله الحاجة دى هدية وتكون قيمة جداوتكون من المنصورة :)

- تاخدى معاكى حد يكون هو بيحبه ويكون موضع تقدير واحترام بالنسبة ليه وهو يحدد معاه ميعاد وتروحى معاه (مهم جدا يكون بيحبه ويحترمه ويفضل انه يكون ليه كلمة عليه)

- لما تقعدوا مع بعض متكلموش فى الماضى وخليكى حنونة عليه - وتتطمنى عليه وعلى ولاده ومتسالهوش عن حاجة فى السعودية ولا ناوى يعمل ايه - وقصرى فى الزيارة (حددى هدفك واخلعى) واعزميه عالغدا هو واسرته عندكوا فى البيت ده طبعا بعد اذن زوج حضرتك

- لو المقابلة ايجابية لما تروحى زوجك يكلمه يتطمن عليه ويؤكد انتظاره عالغدا

- لو سلبية بقى ابقى ارجعى قولى واحنا نقولك تعملى ايه ساعتها

بالنسبة للشقة

- لاء طبعا متبيعهاش بسبب انك مش عايزة تبعيها

- بسبب ان ده شقتى فى بيت ابويا ومحدش يعرف الزمن مخبى ايه وانا محتجاها

- السبب الوحيد انك توافقى عالبيع انهم كلهم يتفقوا انهم عايزين يبعيوا البيت كله عشان تقسيم الميراث وفى الحالة دى انتى مجبرة (اخلاقيا) انك تمشى مع الجماعة

- متخلطيش بين علاقة الاخوة وصلة الرحم وبين البزنس والتجارة - واعتقد انك هتندمى لو بعتى الشقة مهما كانت الاسباب -

وهتحسى ان اخوكى طمعان فى كدة حتى لو هو مش كدة بس الشيطان هيدخل من الباب ده

- اقفلى الباب ده نهائى ومتتفوضيش فيه - الا لو الوضع اصبح مصيرى ممكن نيجى هنا ونتكلم فيه

---------------------

معلهش كتبت بسرعة اوى ولى عودة لو لاقيت الموضوع يحتاج

وربنا يوفقكوا ويبعد عنكوا ولاد الحرام

تحياتى

[Howayda Ismail]

انا من راى دريم ياذهبية انك تبتدى بالصلح وزياته واخد هدية كمان معاكى

لكن كل بنت فينا لها ذكرياتها مع اسرتها واخواتها خصوصا الاب بتحن لها من وقت للتانى

بغض النظر عن قيمة الشئ اللى بيربطها به حتى لو مفكرته واوراقه وكتبه وبطاقته الورقية

فمبالك شقة بها اجمل سنين عمرك وطفولتك تتخلى عنها ليه وممكن تشوفى فيها نفسك فى اولادك

ارتباط الصبيان بابوهم مش زينا وتكون انانية منه يحرمك من التصرف فى حقك او اجبارك على بيعها

لسبب بسيط ممكن يبخسك فى تمنها عشم وهو اولى فى حين بعد كده يبيع البيت كله غير مهتم بذكرى

ولاريحة من والده وده بيحصل كتير

مشكلتك دى موجودة عندنا بس الفرق انها شقتنا بفلوسنا مش ورث وبدرى على زواج الابناء

والنتيجة بيت كبير فيه 6 شقق يعيش فيها والد زوجى ورافض ياجر 5 شقق خالية فيه

هنا مافيش داعى نعمل زعل لانه ابوه ورجل كبير ومافيش احتياج لتأجيرها ونحاول نكسب رضاه

لكن بالنسبة لك ده اخوكى من حقه هو اللى يراضيكى ويقف جنبك ويقدر ظروفك ويكون لك معين

انت عملتى اللى عليكى لو استمر فى زعله هو حر هو الخسران مش انت

[رضوي]

ذهبية الغالية

مش عارفة اقول ايه بعد كل كلام الأفاضل اللي نصحوكي بيه

أنا معاهم طبعاً

الا قطيعة الرحم ياذهوبة ............... اقولك ........... حتى ولو بعد الشر اختلفتوا ع الشقة برده روحي كلميه قوليله كل سنة وانت طيب

اعمليله اكلة بيحبها وانتي عارفة انه مااكلهاش من زمان .......... هاتيله هدية تفكره بحياتكم في بيت باباكم ......... خليكي انتي القلب الحنين

خلينا احنا الاحسن عند ربنا ربنا ياقمر .......... وخدي الثواب

وحتى في أسواء الظروف ....... ليه تتكلموا في الشقة اصلا ؟؟

احنا بنتكلم علشان احنا اخوات ............... دة الاصحاب بيزعلوا اوي لو افترقوا ......... حبيبتي دي العشرة صعبة اوي ..... ومهما كابرنا وقولنا مش هيهمنا بنفتكر ذكرياتنا الجميلة مع بعض

حنية اخويا عليا وخوفه عليا بالدنيا كلها

بلاش ياحبي القطيعة ........ تعرفي

أعرف واحدة قريبتي ...... تقريبا العلاقات مقطوعة بينها وبين اخواتها ...... مش خلافات لاسمح الله ولكن انشغال ...... كل واحد في حاله ومنغلق علي نفسه

لو تعبت ماحدش من اخواتها بسأل عليها اصلا ً

وعلي الرغم انها ابعدهم مكاناً واكبرهم سناً واكثر انشغالا منهم ...... وصحتها مش حديد يعني ,,,,, اشتعل الرأس شيباً .......... الا انها دايماً تسأل عليهم ...... دايماً تودهم وتزورهم ......... كنت بستغربها اوي زمان واقولها ليه فكك ........ كانت تقولي صلة رحم انا بعمل دة علشان ربنا مش عشانهم ...... اتعلمت منها ......... وعرفت قيمة العشرة بعدين .......... الانسان في الدنيا دي سيرة ........ اعملي وماتستنيش من حد مقابل اصلا

اسألي عليهم وماتستنيش منهم انهم يسألوا

حبيهم ......... وماتستنيش انهم يحبوكي

خليكي انتي ......... علشان انتي عايزة كدة

وصدقيني حتى لو اظهرنا اننا مش هاممنا العشرة ........ حتى لو قسينا وجرحنا ....... بيبقي الحب جوانا والحنين بيسألنا ...... والذكريات عمرها ماتنسانا

واكبر دليل ..... اسألي قلبك وهو يجاوبك بصراحة

وربنا يوفقك ويجازيكي خير

[عادل أبو عمر]

السلام عليكم و رحمة الله و بركاته

أولا لازم أسجل إحترامي لزوج حضرتك

ثانيا انا شايف الحل مش عند حضرتك

الحل عند أخو حضرتك اللي معاكي في المنصورة .. هومين الأكبر فيهم ربنا يحفظهم اللي في المنصورة و لا اللي مسافر ؟

اسمحيلي حضرتك أقول حاجة .. و اعذريني

بيت العيلة .. كان بيت العيلة بأصحابه يعني واضح إن الوالدة ربنا يرحمها و يجعلها في الجنة و جميع موتانا

و حضرتك بتقولي البيت فاضي يعني أصلا مش هتروحي تقعدي هناك .. و الشقة مجرد استثمار لأواد حضرتك ربنا يبارك ليكي فيهم و تفرحي بيهم

يبقى المفروض عمل خطة سريعة التحضير مع استحضار قدوم الشهر الكريم .. اللهم بلغنا رمضان

خطة مسبقة : س و ج ... ترتبيها مع أخو حضرتك في وجود زوجك

الهدف : علاج سبب المشكلة الأصلي ... اللي الي زعل أخوكي ... الشقة .. يبقى تتسعر و سعرها يكون جاهز .. سعر السوق

الأسئلة للأخ ... إيه اللي يرضيك .. الشقة و رضا اختك و لا القطيعة لمجرد القطيعة ..

الأصل غلاب يا مدام ذهبية .. وهو لو غلط و قعد اربع سنين ميكلمش حضرتك أصله الطيب هيكون زي حضرتك ..

دانتي عايزي تراضيه و تعتذري له و تديله الشقة ببلاش بس مسنية حد يقولك توكلي على الله .. سيبك من موضوع حاجة للولاد و بيت العيلة و الكلام الكبير .. حضرتك قلبك مش مطاوعك على القطيعة .. تراضي على قطعة في الدنيا بقطعة في الجنة .. و اذكري .. ربح البيع يا أبا الدرداء .. تاجري مع ربنا و مش هتندمي

كلمة السر عند أخو حضرتك .. المفروض ترتبوا كل حاجة ... بهدف إرضاء هذا الأخ ... و صدقيني لو هو شاف هذا الحرص من جانبك .. فلن يخذلك الله و سيلين قلبه الذي هو بين يدي الرحمن يقلبه كيف يشاء ..

دعواتنا ليكي بكل التوفيق

نصيحة غير قابلة للتفيذ خارج المنصورة

واحد يقعد اربع سينين ميكلمش اخته ده أكيد دماغه ناشفة

الدماغ دي بقى محتاجة حاجة تنسيه نفسه مؤقتا لغاية ما يخلص قعدته معاكم

حضرتك تجيبيله عدد شقتين فول لا غير من مطعم البغل اللي عند الجامعة و تزودي الزيت الحار ..

دول أكيد هيخلوه يهنج منكم و ممكن يمضي لكم ع البيت كله .. بس الجرعة شقتين بس مراعاة للغربة

لو متأثرش ..

قولي لي حضرتك و أنا هاجيب إدرة الفول كلها من المحلة ..

ربنا يصلح حالكم و يراضيكم في هذه الأيام المفترجة

[rewsha]

كل سنه وانت طيبه اولا يا ذهبيه

بمناسبة شهر رمضان الكريم

ثانيا:اعتقد ان دي فرصه حلوه ومناسبه جدا (شهر رمضان)

لانك تزوري اخوكي وتوصلي علاقتك بيه تاني

طبعا انا مش هاضيف حاجه جديده عن اللي الخوه والاخوات الافاضل كتبوه هنا

وراْيي من راْيهم بالظبط

اتصلي انت باخوكي واستغليي ان وجوده هايكون في شهر رمضان

حتى لو كانت نيته انه يصدك ,اعتقد مش هايعمل ده في رمضان

واعزميه على الفطار عندك (بعد اذن زوجك طبعا )

وماتفتحييش سيرة الشقه خالص ,ولو هوه اللي فتحها معاكي قولي له حط نفسك مكان زوجي وحط مراتك في مكاني

لو مراته هيه اللي ورثت شقه عن والده واخواتها طلبوا منها انها ماتاْجرهاش

وهوه وهيه محتاجين المبلغ بتاع الايجار علشان ظروف المعيشه في مصر

هل كان هايوافق وله هايقول لمراته ده حقك وماتسمعيش كلامهم؟

اما لو حصل لاقدر الله ولقيتيه بيصدك او قابلك مقابله مش كويسه

صدقيني ماتزعليش

ومش عاوزه اقول لك حاولي تاني وتالت (انتوا اخوات ومالكوش غير بعض)

اما عن شكلك هايكون ايه ,فصدقيني شكلك هايكون حلو قوي قوي قدام ربنا انت بتوصلي رحمك

اما الشقه

اوعي تبيعيها ..اوعي ...اوعي ...حتى لو عرض عليكي نفس سعر السوق بره

الا لو كنت انت ناويه تبيعيها فعلا

لكن لو مش عندك النيه للبيع ...ماتبيعيش

ماحدش ضامن الظروف .

ياما اهالينا باعوا شقق واراضي وبيجي اليوم اللي يعدوا من قدامها يتندموا على قرار بيعهم لممتلكاتهم دي .

خلي لنفسك شقتك في بيت والدك ....هايجي يوم وتحتاجيها

وربنا مايجيب حاجه وحشهوان شاء الله الامور تتظبط بينك وبين اخوكي

[rewsha]

السلام عليكم و رحمة الله و بركاته

أولا لازم أسجل إحترامي لزوج حضرتك

ثانيا انا شايف الحل مش عند حضرتك

الحل عند أخو حضرتك اللي معاكي في المنصورة .. هومين الأكبر فيهم ربنا يحفظهم اللي في المنصورة و لا اللي مسافر ؟

اسمحيلي حضرتك أقول حاجة .. و اعذريني

بيت العيلة .. كان بيت العيلة بأصحابه يعني واضح إن الوالدة ربنا يرحمها و يجعلها في الجنة و جميع موتانا

و حضرتك بتقولي البيت فاضي يعني أصلا مش هتروحي تقعدي هناك .. و الشقة مجرد استثمار لأواد حضرتك ربنا يبارك ليكي فيهم و تفرحي بيهم

هيه مش هاتقعد في الشقه حاليا ,لكن ماحدش يعرف الزمن والظروف

يبقى المفروض عمل خطة سريعة التحضير مع استحضار قدوم الشهر الكريم .. اللهم بلغنا رمضان

خطة مسبقة : س و ج ... ترتبيها مع أخو حضرتك في وجود زوجك

الهدف : علاج سبب المشكلة الأصلي ... اللي الي زعل أخوكي ... الشقة .. يبقى تتسعر و سعرها يكون جاهز .. سعر السوق

انا مش مع حضرتك في انها تبيع الشقه لاخوها علشان ترضيه

مهي هاترضيه بانها بدئت وساْلت عليه

لكن تضحي بشقتها علشان ترضيه ,يبقى بتديله فرصه انه يزود فيها (يسوق فيها يعني )

الغلطان لو ماعرفتهوش انه غلطان ونفذت له طلباته يبقى هيه دي هاتبقى سياسته طول عمره

وهايتعود عل كده وهايعتبر نفسه هوه اللي كان صح من الاول

انا شايفه انها مش غلطانه خالص في اللي عملته

وموضوع انها تبيع له الشقه يبقى في حالة انها هيه ناويه تبيعها اصلا ,لكن اخوها مايبيعهاش شقتها علشان يرضى هوه ويتبسط

لو مراته هيه اللي في ظروف اخته واخوها طلب منها تبيع له شقتها ....كان هايوافق؟؟؟؟؟؟؟

الأسئلة للأخ ... إيه اللي يرضيك .. الشقة و رضا اختك و لا القطيعة لمجرد القطيعة ..

الأصل غلاب يا مدام ذهبية .. وهو لو غلط و قعد اربع سنين ميكلمش حضرتك أصله الطيب هيكون زي حضرتك ..

دانتي عايزي تراضيه و تعتذري له و تديله الشقة ببلاش بس مسنية حد يقولك توكلي على الله .. سيبك من موضوع حاجة للولاد و بيت العيلة و الكلام الكبير .. حضرتك قلبك مش مطاوعك على القطيعة .. تراضي على قطعة في الدنيا بقطعة في الجنة .. و اذكري .. ربح البيع يا أبا الدرداء .. تاجري مع ربنا و مش هتندمي

كلمة السر عند أخو حضرتك .. المفروض ترتبوا كل حاجة ... بهدف إرضاء هذا الأخ ... و صدقيني لو هو شاف هذا الحرص من جانبك .. فلن يخذلك الله و سيلين قلبه الذي هو بين يدي الرحمن يقلبه كيف يشاء ..

دعواتنا ليكي بكل التوفيق

نصيحة غير قابلة للتفيذ خارج المنصورة

واحد يقعد اربع سينين ميكلمش اخته ده أكيد دماغه ناشفة

الدماغ دي بقى محتاجة حاجة تنسيه نفسه مؤقتا لغاية ما يخلص قعدته معاكم

حضرتك تجيبيله عدد شقتين فول لا غير من مطعم البغل اللي عند الجامعة و تزودي الزيت الحار ..

دول أكيد هيخلوه يهنج منكم و ممكن يمضي لكم ع البيت كله .. بس الجرعة شقتين بس مراعاة للغربة

لو متأثرش ..

قولي لي حضرتك و أنا هاجيب إدرة الفول كلها من المحلة ..

ماتنساش تخلي حسام حسن هوه اللي يوضب الفول :P

ربنا يصلح حالكم و يراضيكم في هذه الأيام المفترجة

[Om Zayd]

السلام عليكم و رحمة الله و بركاته

كل اللي اقدر عليه أدعي ربنا يهديلكم الحال و تتصالحوا

[عادل أبو عمر]

السلام عليكم و رحمة الله و بركاته

أولا لازم أسجل إحترامي لزوج حضرتك

ثانيا انا شايف الحل مش عند حضرتك

الحل عند أخو حضرتك اللي معاكي في المنصورة .. هومين الأكبر فيهم ربنا يحفظهم اللي في المنصورة و لا اللي مسافر ؟

اسمحيلي حضرتك أقول حاجة .. و اعذريني

بيت العيلة .. كان بيت العيلة بأصحابه يعني واضح إن الوالدة ربنا يرحمها و يجعلها في الجنة و جميع موتانا

و حضرتك بتقولي البيت فاضي يعني أصلا مش هتروحي تقعدي هناك .. و الشقة مجرد استثمار لأواد حضرتك ربنا يبارك ليكي فيهم و تفرحي بيهم

هيه مش هاتقعد في الشقه حاليا ,لكن ماحدش يعرف الزمن والظروف

يبقى المفروض عمل خطة سريعة التحضير مع استحضار قدوم الشهر الكريم .. اللهم بلغنا رمضان

خطة مسبقة : س و ج ... ترتبيها مع أخو حضرتك في وجود زوجك

الهدف : علاج سبب المشكلة الأصلي ... اللي الي زعل أخوكي ... الشقة .. يبقى تتسعر و سعرها يكون جاهز .. سعر السوق

انا مش مع حضرتك في انها تبيع الشقه لاخوها علشان ترضيه

مهي هاترضيه بانها بدئت وساْلت عليه

لكن تضحي بشقتها علشان ترضيه ,يبقى بتديله فرصه انه يزود فيها (يسوق فيها يعني )

الغلطان لو ماعرفتهوش انه غلطان ونفذت له طلباته يبقى هيه دي هاتبقى سياسته طول عمره

وهايتعود عل كده وهايعتبر نفسه هوه اللي كان صح من الاول

انا شايفه انها مش غلطانه خالص في اللي عملته

وموضوع انها تبيع له الشقه يبقى في حالة انها هيه ناويه تبيعها اصلا ,لكن اخوها مايبيعهاش شقتها علشان يرضى هوه ويتبسط

لو مراته هيه اللي في ظروف اخته واخوها طلب منها تبيع له شقتها ....كان هايوافق؟؟؟؟؟؟؟

الأسئلة للأخ ... إيه اللي يرضيك .. الشقة و رضا اختك و لا القطيعة لمجرد القطيعة ..

الأصل غلاب يا مدام ذهبية .. وهو لو غلط و قعد اربع سنين ميكلمش حضرتك أصله الطيب هيكون زي حضرتك ..

دانتي عايزي تراضيه و تعتذري له و تديله الشقة ببلاش بس مسنية حد يقولك توكلي على الله .. سيبك من موضوع حاجة للولاد و بيت العيلة و الكلام الكبير .. حضرتك قلبك مش مطاوعك على القطيعة .. تراضي على قطعة في الدنيا بقطعة في الجنة .. و اذكري .. ربح البيع يا أبا الدرداء .. تاجري مع ربنا و مش هتندمي

كلمة السر عند أخو حضرتك .. المفروض ترتبوا كل حاجة ... بهدف إرضاء هذا الأخ ... و صدقيني لو هو شاف هذا الحرص من جانبك .. فلن يخذلك الله و سيلين قلبه الذي هو بين يدي الرحمن يقلبه كيف يشاء ..

دعواتنا ليكي بكل التوفيق

نصيحة غير قابلة للتفيذ خارج المنصورة

واحد يقعد اربع سينين ميكلمش اخته ده أكيد دماغه ناشفة

الدماغ دي بقى محتاجة حاجة تنسيه نفسه مؤقتا لغاية ما يخلص قعدته معاكم

حضرتك تجيبيله عدد شقتين فول لا غير من مطعم البغل اللي عند الجامعة و تزودي الزيت الحار ..

دول أكيد هيخلوه يهنج منكم و ممكن يمضي لكم ع البيت كله .. بس الجرعة شقتين بس مراعاة للغربة

لو متأثرش ..

قولي لي حضرتك و أنا هاجيب إدرة الفول كلها من المحلة ..

ماتنساش تخلي حسام حسن هوه اللي يوضب الفول :P

ربنا يصلح حالكم و يراضيكم في هذه الأيام المفترجة

أنا اول ما شوفت اسمك .. قلت معقول داخلة تقولي نكتة في الظروف دي

مش انتي مسمية نفسك روشة لكن إنتي للحق في أكتر من موضوع مداخلاتك راسية فعلا و رأيك يحترم

هو فيه نقطة أنا موضحتهاش على اعتبار إنها اتقالت في رد أختنا دريم .. و هي أن بيع الشقة هيكون بسعر السوق ..

و أكيد ذهبية مش هتديله الشقة و الفلوس .. دا لو عملت كدة ... دا أنا كنت قلتلها تتبناني .. هو فيه كرم كدة يا ناس

هي يا روشة هانم هتبيع له الشقة ...

وتشتري شقة باسمها في مكان تاني و لنفس الغرض و بالتالي تكون ريحت و استريحت ...

انا عارف أصلا إيه اللي جابك .. إدرة الفول اللي خدتها من إيد حسام حسن ... واضح إنك بتعزيه جدا جدا ... زيي كدة

[arkan]

ربنا يصلح لكم الحال

ورأي الزيارة تكون مفاجأة له مع سابق علمك بوجود اطراف اخري من الاهل الي تربطهم بيكي وبه علاقة طيبة لتخفيف وطئة اى عتاب

ونكون الزيارة قصيرة نوعا الا اذا ألح - ان شاء الله هيلح - وزي روشة ما قالت متفتحيش موضوع الشقة اثناء الزيارة نهائيا

وان شاء الله مع الاجواء الروحية بدخول رمضان متعرفيش ربنا ممكن يرقق القلوب قوي

اخلصي نيتك وتوكلي على الله

[rewsha]

عادل ابو عمر

أنا اول ما شوفت اسمك .. قلت معقول داخلة تقولي نكتة في الظروف دي

ههههههههههه نصدف حضرتك؟...ان انا اول ما قراْت جملتك اللي فوق دي ,مابطلتش ضحك :)

مش انتي مسمية نفسك روشة لكن إنتي للحق في أكتر من موضوع مداخلاتك راسية فعلا و رأيك يحترم

ربنا يخليك ,ودي شهاده اعتز بيها

هو فيه نقطة أنا موضحتهاش على اعتبار إنها اتقالت في رد أختنا دريم .. و هي أن بيع الشقة هيكون بسعر السوق ..

و أكيد ذهبية مش هتديله الشقة و الفلوس .. دا لو عملت كدة ... دا أنا كنت قلتلها تتبناني .. هو فيه كرم كدة يا ناس

هي يا روشة هانم هتبيع له الشقة ...

وتشتري شقة باسمها في مكان تاني و لنفس الغرض و بالتالي تكون ريحت و استريحت ...

حلو قوي ...ودنك منين يا .....(حسام يا حسن) :P

وليه ؟؟؟ليه تفهم اخوها وتدخل جوه دماغه ان هوه اللي صح؟

ده حقها .ودي شقتها ,هيه حره فيها .وهوه لازم يعترف بكده

ومايجيش على حق من حقوق اخته

وهوه حق الاختيار ...من حقها هيه اللي تختار وهوه مايجبرهاش على حاجه

وبعدين هيه تضمن منين ان سعر شقتها هايجيب لها شقه تانيه كويسه في مكان قريب

ده هم البيع والشراء ده لوحده موال

وجوزها هايتضايق من الامور دي (فرض راْي اخوها عليها)

انا عارف أصلا إيه اللي جابك .. إدرة الفول اللي خدتها من إيد حسام حسن ... واضح إنك بتعزيه جدا جدا ... زيي كدة

لو باعز حسام مش هاسيب له ادرة الفول ...(لاني باحب الفول جدا)وخصوصا من عند البغل

بصراحه اول طلب ليه لما باروح لاختي في المحله (افطر او اتعشى) فول من عند البغل بالزيت الحار

وياسلام بقة لو الواحد ختمها بواحد ايس كريم من عند الصياد bv:-

كويس انك قمت بالواجب واخدت منه الادره كلها

[مغتربة]

حبيبتى احنا داخلين على ايام مفترجه

مينفعش يكون فى قطيعه بينك و بين اخوكى خصوصا فى رمضان و العيد

بصى الاحاديث بتقول ايه

(حديث مرفوع) وَسَأَلْتُ أَبِي عَنْ حَدِيثٍ رَوَاهُ الْحَسَنُ بْنُ عَمْرٍو الْفُقَيْمِيُّ ، وَفِطْرٌ ، وَالأَعْمَشُ ، كُلُّهُمْ عَنْ مُجَاهِدٍ ، عَنْ عَبْدِ اللَّهِ بْنِ عَمْرٍو ، رَفَعَهُ فِطْرٌ ، وَالْحَسَنُ ، وَلَمْ يَرْفَعْهُ الأَعْمَشُ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " لَيْسَ الْوَاصِلُ الْمُكَافِئَ وَلَكِنَّ الْوَاصِلَ مَنْ يُقْطَعُ فَيَصِلُهَا .

حدثنا إسماعيل بن عبد الله حدثني سليمان بن بلال عن معاوية بن أبي مزرد عن سعيد بن يسار عن أبي هريرة -رضي الله عنهم- أن رسول الله - صلى الله عليه وسلم - قال: خلق الله الخلق، فلما فرغ منه قامت الرحم فقال: مه، قالت: هذا مقام العائذ بك من القطيعة، فقال ألا ترضين أن أصل من وصلك، وأقطع من قطعك؟ قالت: بلى يا رب، قال: فذلك لك، ثم قال أبو هريرة فَهَلْ عَسَيْتُمْ إِنْ تَوَلَّيْتُمْ أَنْ تُفْسِدُوا فِي الْأَرْضِ وَتُقَطِّعُوا أَرْحَامَكُمْ .

ألا إن آل بني فلان ليسوا بأوليائي، إنما أوليائي المتقون، لكن لهم رحم سأبلها ببلالها)

جاء رجل إلى النبي صلى الله عليه وسلم، فقال: (يا رسول الله! إن لي رحماً أصلهم ويقطعونني، وأعطيهم ويمنعوني، وأعفو عنهم ويسيئون إليّ، وأحلم عنهم ويجهلون عليّ، أي: ما العمل مع هؤلاء يا رسول الله؟! فقال النبي صلى الله عليه وسلم: لئن كنت كما قلت؛ فكأنما تسفهم الملّ -أي: الرماد الحار- ولم يزل معك من الله ظهير عليهم ما دمت على ذلك

حتى لو صدك مره و اتنين متياسيش فى الاخر الدم بيحن

ان شاء الله تزول الغمه الى بينكم و ربنا يرده ليك ردا جميلا

بالنسبه لموضوع الشقه فالافاضل الى ردوا قبلى كفوا ووفوا

فى حاجه بسيطه عايزه ازودها لو عرض عليكى نفس سعر السوق ممكن تبيعيها له و تشترى بدالها واحده تانيه فى عماره تانيه للزمن

معلش كتضحيه بسيطه منك فى سبيل ارجاع علاقتك بيه

ربنا ييسرك للاصلح ليكى باذن الله تعالى

[الغريب]

لن أزيد في التفصيل عن ما ذكر الأفاضل هنا

ولكن وجهة نظري الشخصية أن أهلي هم رأس مالي الحقيقي ويستحقوا التضحية بالغالي والنفيس

أنا أعلم أن من حقك بيع وتأجير الشقة ، ولكني أنصحك أنه لو أغناك الله عن عائدها فلا داعي أن تضعي عائدها مقابل علاقتك بأهلك

أشتريهم بأعز ما تملكي ، فهم أهلك وإن ظلموكي

صالحي أخوكي وتخلي عن إيجار الشقة (إن كنت في غنى عنها)

ربنا يصلح لك بالك

تحياتي...

[Alshiekh]

الفاضلة ذهبية

مبدئيا أنا من رأي كل الأخوة والأخوات في وجوب زيارتك لأخيك.

إن شاء الله بعد وصوله أذهبي لزيارته بطريقة عادية جدا وكأن لم يحدث شيئ، لاأعتذار ولا كلام حول الشقة إطلاقا.

لو فتح هو موضوع الشقة فيجب ان تعرفيه أن مش من حق حد ان يمنعك من التصرف فيما يخصك طالما انه تصرف مشروع .

لو طلب شراء شقتك ، فرأيي أنه لو كان سعر الشقة يمكن أن يساوي ثمن قطعة أرض ، فلابأس من بيعها وقبض كامل ثمنها واستثما ذلك المال في قطعة أرض ومع الوقت يصبح لديك بيتا بدلا من شقة.

أما لو كان ثمنها لا يساوي ثمن قطعة أرض ، فأنت لست مجبرة على البيع وعليه أن يتقبل الأمر الواقع وان يتقبل انك حرة في التصرف فيما تملكين طالما لايخالف القانون أو شرع الله.

وربنا يهدي النفوس.

وأذكرك مرة أخرى أن زيارتك له ومعاملته المعاملة العادية التي تليق بالأخوة أمر مفروغ منه ولكن لاتكوني أنت البادئة بالكلام عن الشقة ، ولا تفكري في الإعتذار على شيئ فعلتيه طالما كان حقا أصيلا لك.

[ام محمد]

اولا ربنا يخليلك اخواتك يارب ...ثانيا ممكن موضوع الشقة يكون عمل مشكلة من سنوات لكن بعد مرور السنوات القلوب بتتغير ..اذا كان الواحد بيتغير يوم عن يوم فما بالك بسنوات اكيد اخوكي جاي مشتاق للاهل ولاخوات ..روحي وانت من داخلك شوق وحنية فعلا وده حيدي الاخ احساس بقوة العاطفة ده مهما كان اخوك دم واحد ...وعمر الدم ما يبقى مية ...ربنا يبعد عنكم مكائد الشيطان ويخليكم لبعض

[ذهبية]

اولا اشكر كل الاخوة و الاخوات اللى فى منتدنا الحبيب كنتم كما انتم دائما خير عون لى و اقر ب لى من

اهلى احيانا

واقرب لى من نفسى احيانا اكثر

لا اعتبر هذا منتدى فانا اعتبرة بيت عيلة لا ارتاح لاى امر فى حياتى الا بمشورة اخواتى

كنتم معى دائما فى فرحى و حزنى و ضيقى

ودعواتكم دائما كانت بجانبى

ادعولى ان يرجع اخى بنفس راضية وقلب صافى و صفحة بيضاء نبدا فيها من جديد

اشكركم جميعا من كل قلبى

واتمتى من الله ان اكتب لكم عن اننا تصالحنا عن قريب

[لماضة مصرية جدا]

السلام عليكم و رحمة الله و بركاته

ببساطة هو زعلان منك علشان مشترتيش خاطره هو

لا هي فكرة حكم قراقوش و لا انه عايز يتسلط و يتجبر

لان اللي بيبقي عنيد اوي كده

بيبقي حنين اوي بس بيوصل بيه من درجة عنده انه يبين العكس

انتي شفتي ان الموضوع حقك

بس يمكن يكون هو شاف الموضوع بشكل مختلف انك مثلا بتبديه علي الشقة اللي هي لا راحت و لا جت

اخواتنا الاولاد اتربوا علي كده

اتربوا بشكل انهم مينفعشي تعملي معاهم تفاوض و لا تفاهم بسهولة غير ب "الحيلة " و طولة البال

اتحطيت في نفس موقفك من فترة سنتين لاسباب مختلفة

و اللي وجعني ان اخويا اللي اتخاصمنا هو يعتبر انتيمي...يعني انا لو امشي من غيره في الدنيا اتكعبل و اقع علي وشي

و نفس العند فضل لمدة سنتين بحالهم

بس انا كنت غلطانة

لاني مكنتش بعمل محاولات بجد او في وقتها مكنتش طويلة التيلة اوي

و كنت متمسكة بموقفي جدا

اللي "لين" الموضوع شوية

هو وجود ماما ...مش هي اللي ربته بقي تستحمل خلفتها:)

بس اللي بحسه ان في لحظة ما انتي كمان لازم تكوني "ماما" لاخواتك

سامحي

ابتدي

استقبلي و لا كان فيه حاجة

عدي

فوتي

خليكي مصرة ان احنا نتراضي

نتصالح الاول

نتكلم

خدي منه و مترديش

خليه يطلع غضبه

و ضيقه

خليه يفش خلقه من الغربة ووجعها...فيكي

عدي

فوتي

و صدقيني طول ما انتي ناوية انك "تعبدي" ربنا...حتي في اخواتك

ربنا عمره ما هيضيمك ابدا

و هيفتح ليكي سبب و را سبب انك تلاقي الطريقة

و كل القلق و التدابير اللي انتي عايشة فيها هتلاقي ان ربنا ليه تدابير تانية الطف و ارحم و اكرم

اخلصي النية

و توكلي علي الله

و اتعاملي معاه انه "ابنك" الرابع

مش اخوكي

هتلاقي الامور اتغيرت كتير

و يا ريت تبقي تيجي تطمنينا

و قلبي بيقولي قريب

صباحك.......أخويا و انا و علاقة "دم" مالهاش بديل

[أمل حياتي]

بتعجبيني يا لماظه .....

ربنا يديم عليكي نعمة العقل والرزانه ...

احنا بالاخر ملناش غير العيلة هيه الأساس ....

وأي حاجه تانيه تهون ......