تحريم المحمول ذو الكاميرا و الدمى على شكل حيوانات

[emmyyy]

يا ريت قبل ما اي حد يصدر فتوي بتحريم المحمول الي بكاميرا في السعوديه يدور علي السبب ال يخالي الشباب السعودي يسيئ استخدامه بالشكل ده??

انا عشت في الرياض وشفت ازاي الكبت الي بيولد الانفجار و هاخرج عن الموضوع بس علشان ادي مثل كنت في محاضره في النادي بتع مستشفي دله والست المحاضره اول حاجه راحت قالتها للسدات الحاضرين "اتقوا الله ما تخلون اولادكم الشباب يدخلون علي خالتهم و عامته من غير ما يكونوا لبسين النقاب"

انا مشيت علي طول بلا حرق دم اي منطق ده

[أسد]

الآن الموبايل بكاميرا مسموح به وموجود في كل مكان ..

وعليه العوض في التليفونات إللي إتاخدت وإتصادرت وإتكسرت الكاميرا ...

فقد صدر مؤخراً قراراً بالسماح بالتليفون الكاميرا .. وبناء عليه فهو معروض في كل مكان .. ويمكنك حمله في أي وقت وأي مكان تشاء ...

ولكن لم يصدر شئ بشأن الفتوى التي كانت قد صدرت ...

[se_ Elsyed]

الآن الموبايل بكاميرا مسموح به وموجود في كل مكان ..

وعليه العوض في التليفونات إللي إتاخدت وإتصادرت وإتكسرت الكاميرا ...

فقد صدر مؤخراً قراراً بالسماح بالتليفون الكاميرا .. وبناء عليه فهو معروض في كل مكان .. ويمكنك حمله في أي وقت وأي مكان تشاء ...

ولكن لم يصدر شئ بشأن الفتوى التي كانت قد صدرت ...

كله تمام ودلوقت بنمشي بالموبيل أبو كاميرا جهاراً نهاراً ..

بس يا خسارة الحلو مايكملش .. منعوا تظليل السيارات وبقت فيه حملة شعواء ومخالفات بالعبيط على أي واحد مظلل عربيته وبيخلوه ينزع التظليل أمام دوريات الشرطة بعد ما ياخد المخالفة المعتبرة ..

وعوضنا على الله في الفلوس اللي صرفناها .. وبصراحة العربية بقى شكلها أقرع وحاسس إني دلوقت راكب كابوريلة مكشوفه والناس بقت معايا جوه في العربية .

[عصام]

وبصراحة العربية بقى شكلها أقرع وحاسس إني دلوقت راكب كابوريلة مكشوفه والناس بقت معايا جوه في العربية .

واضح إنك ماركبتش عربيات إلا لما روحت السعودية يابو السيد :angry: .. إتفقست يا حلو ..

العربيات فى مصر كلها قرعة يا حبيبى .. من زماااااااان ... بس انت الظاهر كنت مقضيها شعبطة .. :angry:

[se_ Elsyed]

يا أخ إسو ماتخرجناش بره الموضوع ... مانت لو عندك واحد قريبك شغال امين شرطه في قسم الوايلي ساعتها بتقدر تظلل العربية وتخليها عاتمه وماحدش بيقدر يكلمك حتى لو وزير الداخلية حبوب العادلي.

[أسد]

بس يا خسارة الحلو مايكملش .. منعوا تظليل السيارات وبقت فيه حملة شعواء ومخالفات بالعبيط على أي واحد مظلل عربيته وبيخلوه ينزع التظليل أمام دوريات الشرطة بعد ما ياخد المخالفة المعتبرة ..

لأ ........

دي معلومة جديدة ...

يعني التظليل ممنوع منعاً كلياً ...

يعني كله كله ..

لا في الخلف ولا في الأمام ...

طب وبعدين ...

يعني إنت قرأت القرار ده .. ولا فقط من مشاهدتك لبعض الوقائع ..

لأن فيه شباب بيظللوا الجزء الممنوع .. اللي هو الشبابيك الأمامية والزجاج الأمامي ..

طب وحيجيبوا عساكر توقف الناس اللي مظللةالعربيات منين ..

تقريباً 90% من العربيات في السعودية مظلله ..

والأدهى .. أن هناك سيارات تأتي من بلادها بزجاج غامق .. فالحل في هذه الحالة تغييره ...

ودي أكيد حتكون عملية مكلفة ...

غريبة .... mc(:

mc(: mc(: mc(:

[se_ Elsyed]

لأ ........

دي معلومة جديدة ...

يعني التظليل ممنوع منعاً كلياً ...

يعني كله كله ..

لا في الخلف ولا في الأمام ...

طب وبعدين ...

يعني إنت قرأت القرار ده .. ولا فقط من مشاهدتك لبعض الوقائع ..

غريبة ..

ده انا أفتكرت كل اللي عايشين في السعودية عارفين كده ..

القرار بقى له اكثر من شهرين ونزل في جميع الجرايد اليومية.. ووزارة الداخلية اعطت مهلة للناس حوالي يمكن شهر -إنتهى طبعاً - .. يشيلوا التظليل بأنفسهم بدل ما ياخدوا مخالفات ويشيلوه برضوا ... ومنعوا التظليل بجميع درجاته وفي كل جوانب السيارة .. بل الأدهى من ذلك .. منعوا الستاير اللي داخل السيارة - الجمعة اللي فاتت واحد صديقي واخد مخالفة محترمة عشان مركب ستاير متحركة- وخد عندك دي .. حتى لو واحد مريض وبيتأذى من الشمس لازم يجيب شهادة طبية وأمر خاص من وزراة الداخلية عشان يركب ستاير متحركة حاجبة للشمس بسبب مرضه...

يعني أحسن له يموت أسهل..

أما بقى يجيبوا عساكر منين ؟ ... فمش هايغلبوا ...

على سبيل المثال حاول تروح المطار كده أو تمشي ناحية الدوار اللي تحت كوبري الخليج وتكون مظلل عربيتك وشوف كام لجنة هاتقابلك .. وشوف الطريق على الجانبين عامل إزاي ؟

ناس واقفه عماله تشيل التظليل وناس تانية مستنية دورها عشان تاخد المخالفة .

ومش معنى إن في ناس لسه ماشية وهي مظلله إنهم هايفلتوا من العقاب الرادع mc(: ... كله جايله يوم ...

وخلينا ماشيين بمبدأ " بيدي لا بيد عمر "