تعالوا نقول ليه بنحب ( مصر )

[باهى الطائر الحزين]

ومش ... عارفه

كل ما خطوتى ... تقرب

واعيشك ... حلم وآمانى

وأرمى همومى ... فى كفوفك

وآلاقى النور ... فى أكوانى

واطير ... من فرحتى بيكى

وانسى معاكى ... حرمانى

تعود الفرحه ... ما تكمل

واعيش من تانى ... أحزانى

وعنك ... خطوتى تبعد

وسكه توهه ... وخدانى

يا مصر ... يا قسمتى ووعدى

يا حب ملكنى ... وطوانى

انا صبرى فى هواك ... قدرى

ومهما قلت ... نسيانى

آلاقى الحب لعيونك .. يرجعنى

لحضنك يامه ... من تانى

=======================

فاطمه حمزه

استهللت كلامى بأبيات خضراء

للشاعره الرومانسيه الرقيقه / فاطمه حمزه

فى حب مصر ...

كنت سائرا بسيارتى فى قلب القاهره المعزيه

اطالع الشوارع والبنايات والناس والباعه

وفجأةً خرجت على لسانى جمله

( بحبك يا مصر )

وقلت لنفسى / بتحب فيها ايه بنت التيت دى

دى كلها زحمه وشورعها مش نظيفه وكلها مطبات

واتملت / سلفيه على اخونجيه على علمانيه وليبراليه

وحرميه وحلنجيه وعبثيه / وعلى كل لون يا بتسطا

وافتكرت جمله كنت قرأتها لاحدى الزميلات الفاضلات

( بنحبهم كده وخلاص )

قلت لنفسى اهو انا بحبها كده وخلاص

طيب ماتجوا كل واحد فينا يقول ( بيحبها ) ليه .

او بيحب فيها ايه / بنت التيت دى .

والموضوع مش محتاج وطنيه وفول وطعميه

كل واحد يكتب اللى حسه / او اللى عاوز يقوله .

شكر خاص للزميله الشاعره : فاطمه حمزه

[باهى الطائر الحزين]

انا بحبها / علشان طيبين قوى اهلها

[مروان]

بصراحة مكنتش عارف اني بحبها قوي الا لما اتغربت

طول ما اني فيها كنت مضايق م الزبالة والزحمة والبطالة والحكومة وكل شيئ

ولما كنت اشتكي كنت اجابه برد لا يتغير

مفكرتش تسافر

انت قاعد هنا ليه

جرب تسافر

الفلوس هناك كتير

وسافرت وودعت مصر من ع العبارة

واكتشفت اني احبها حتى النخاع

احبها بزبالتها ببطالتها بزحمتها بكل شيئ

بحبها لانها مصر

لاني ساعة ما بسمع الكلمة دي قلبي ينتفض

بحبك يا مصر

[طارق مصرى]

أمى و أبى و أخواتى و البيت اللتى اتربيت فيه و أصحابى و جيرانى و الشارع اللى لعبت فيه و المساجد و الجوامع اللى بصلى فيها المدرسة و الكلية اللى اتعلمت فيها و الشوارع و الحوارى اللى ياما لفت فيها و الزوجة و الذرية اللى كنت بتحلم بيها و يوم حلو ويوم مر ذكريات كتير حلوة او سيئة لكنها فى الاخر حياتى اللى عشتها و بعشها,.. ليه محبهاش ؟!!!!

[Dreamwithme]

بنحب مصر ليه؟ سؤال في رأيي لن نجد له إجابة أبدا

لأسباب كثيرة أولا لأن الحب ذات نفسه ليس فعل عقلاني يتطلب وجود أسباب

ثانيا لأنها مصر.....ولأن هذا السؤال يشبه تماما بتحب أمك ليه؟

هل تستطيع أن تجد أسباب لحبك لأمك؟

بالنسبة لي بأحب مصر لأنها مصر بكل مافيها من جمال وكل ما فيها من وجع

لأنها الأرض التي أقف عليها من حيث الانتماء

بدون مصر ....لا أعرف من أنا .....هي أعطتني هويتي

أحب مصر لأنها بيتي والحضن الذي يضمني ....قد يقسو أحيانا لكن يظل هو الحضن الوحيد المريح لي

[pink rose]

ممكن الموضوع دا يساعد في حل السؤال

هو احنا بنحبها كل الحب دا ليه؟

[jonathan]

بحبها عشان بحب التاريخ...و مصر فيها تاريخ نقدر نقول بكل فخر و ثقة انه موجود في اي بلد تاني في العالم..انزل امشي في شوارع وسط البلد او في الزمالك ..تحس ان التاريخ مطبوع على الحيطان و بيحكيلك مصر كان شكلها ايه..مصر اللي الناس كانت بتهاجر ليها من كل دول العالم و بيجوا يشتغلوا فيها...انزل هليبوليس الصبح بدري و اتفرج على الناس يتاعت زمان..اسكندرية اللي متعرفش تشبهها و تقول دي اوروبا و لا حتة منها...يمكن الشوراع اتغيرت و الناس اتغيرت...لكن لسة النيل موجود و لسة الاهرامات موجودة..

[ابراهيم عبد العزيز]

لأني مواطن مصري فطبيبعي اني أعشق هذه البلد دون اسباب

ولكن اذا جنبت كون اني مواطنا مصريا جانبا وسألت نفسي لما احب هذه البلد أقول :

أحببت مصر لأنها أنجبت علماء دين ربانين علمونا الثير فى امور ديننا وحببوا لنا الدين باسلوبهم السلس البسيط فى تعلم علوم الدين للبسطاء

أحببت مصر لأنها انجبت رجال تلو وجودو علينا القران بحناجرهم الذهبية وصوتهم العذب

أحببت مصر عندما قرات تاريخها المشرف والرائع فى نصرة الدين

أحببت مصر لمفكريها وادباؤها وعلماؤها

تم تعديل 19 يوليو 2011 بواسطة ابراهيم عبد العزيز

[التونسى]

أُحِبُها ...رغم اندلاع الحزن .. فى جوف الكلام

أُحِبُها ... رغم انكسار الحلم .. وأنــيــن الألام

أُحِبُها ... أمواج بــحرٍ .. تحتوينى .. فى غرام

أُحِبُها ...صوت الأذانِ.. مُداعباً ..سرب الحمام

أُحِبُها .. وقت الصباحِ .. تستوى ..خلف الإمام

أُحِبُها .. وقت الغروب.. ترتدى .. ثوب السلام

أُحِبُها .. مصر التى .. عشقتها .. حتى الهيام

المحب : محمود البصيلى

[باهى الطائر الحزين]

بحبك / ومن حقى

احلم بيكى نظيفه

ياشريفه ياطاهره ياعفيفه

بحبك / واوى

يابنت الايه ياظريفه

لقيت الاستاذ / محمود التونسى

موجود قلت اما اكتبله حاجه يمكن اجيب رجليه

لقيته سبقنى / معذرةُ استاذى / مبدع ورائع كعادتك

تم تعديل 19 يوليو 2011 بواسطة طائر الليل الحزين

[التونسى]

بحبك / ومن حقى

احلم بيكى نظيفه

ياشريفه ياطاهره ياعفيفه

بحبك / واوى

يابنت الايه ياظريفه

لقيت الاستاذ / محمود التونسى

موجود قلت اما اكتبله حاجه يمكن اجيب رجليه

وانا على وعدك ..مكدبتش خبر .. وف طرفة عين :)

[فاطمه حمزه]

وتتعانق ... خيوط الشمس

مع نيلك

ويجرى فى حضنك ... الدافى

وتحكى له ... ويحكى لك

ومراكبى ... ساعى على رزقه

وصوت نايه ... ينادى لك

ويلمس الندى ... وردك

يفتح ... تصحى عصافيرك

يعلى فى الفضا ... صوتها

بأجمل لحن ... تشجى لك

تقومى .. تجددى وضوءك

وذكر الله ... فى تراتيلك

يا قلب سماحه ... ومحبه

بقرآنك ... وانجيلك

ياساجده لربك ... الواحد

وزاينه الدنيا بأصيلك

--------------------------

عشان كده بحبها

[عشتار]

أحب مصر لأنها الأصل الوجودى للعالم كله ولا أبالغ

أحب مصر لأنها الدولة الثقافية العظمى

أحب مصر لأنها فجر التاريخ ومهد الحضارات ..و لأن تلك الحضارات التى مرت عليها استطاعت أن تصهرها فتكون بذلك بلد التسامح والإخاء والسلام ..

أحب مصر محمد وجرجس

أحب مصر الوطن

أحب مصر النيل

أحب مصر هذا الوجه الجميل ..

هذا الوجه الأصيل

هذا الوجه النبيل

[نوران]

حبنا ليها فطره مش محتاجه اسباب :hearts: :hearts:

تم تعديل 19 يوليو 2011 بواسطة نوران

[سمير حسن الهواري]

مشتاق لضحكة طفل

يتعلم الخطوه على أرضك

خطوه ورا خطوه

يقع ، ويقوم

تحضنه أرضك

وتمدي إيدك تدفيه

وتمدي نيلك وترويه

يا ام الغلابه الطيبين

ياعشق كل الصابرين

ياحلم جوه القلب حزين

سنين ، وسنين ، بعيد عنك

سنين غربه

ألم وعذاب

وشوق وحنين

لريحة الميّه على أرضك

ساعة صبحيه

لصبايا حور

وشوشها

حلوه ، منديّه

وللتلاميذ

وللعمال

رايحين جايين من الورديه

وللعسكر ، وللحراميه .

سنين وسنين

بعيد عنك

سنين غربه

كما التربه .

*******************

قالوا للسمكة : هل تحبين الماء !؟

[عشتار]

مشتاق لضحكة طفل

يتعلم الخطوه على أرضك

خطوه ورا خطوه

يقع ، ويقوم

تحضنه أرضك

وتمدي إيدك تدفيه

وتمدي نيلك وترويه

يا ام الغلابه الطيبين

ياعشق كل الصابرين

ياحلم جوه القلب حزين

سنين ، وسنين ، بعيد عنك

سنين غربه

ألم وعذاب

وشوق وحنين

لريحة الميّه على أرضك

ساعة صبحيه

لصبايا حور

وشوشها

حلوه ، منديّه

وللتلاميذ

وللعمال

رايحين جايين من الورديه

وللعسكر ، وللحراميه .

سنين وسنين

بعيد عنك

سنين غربه

كما التربه .

*******************

قالوا للسمكة : هل تحبين الماء !؟

الله يا أستاذ حسن

دخلتنا جو قلب مصر .. وعبق مصر

ويا جمال مصر الحقيقية الطيبة الشعبية

وطول ما فيه مصريين كدا

مصر هاتبقى بخير

جزيل الشكر على ما تفحمنا به من ابداع

[نورالعين]

كنت أظن أننى أكثر مصرية أعشقها

وهذا الاحساس شرفا لي وليس لها

ولكنى عرفت ان لها عشاقا كثيرين غيري

لا اعرف حقا لماذا

السؤال ليس له اجابة عندي طائر

ولا أبحث له عن اجابة

لأنني أحبها ولو لم يكن بها ما يدعو لحبها

يكفيني احساسي هذا

تحياتي

[Salwa]

بحبها...لأنى معرفش محبهاش.

ليه بنحب مصر؟؟

محدش يقدر يجاوب عن سؤال زى ده...ليه بتحب؟؟ ليه بنحب؟؟

لو فيه سبب..وراح السبب...حايضيع الحب .

وعلشان كدة مفيش اسباب...مفيش اى اسباب للحب ....لهذا يستمر الحب مدى الحياة.

هو حب وبس.

عشق بلا حدود ..بلا قيود...رباط ابدى .

يولد المصرى وحبله السرى جذر ثابت فى أرضها.

يرحل بعيدا...وحبله السرى لامرئى وممتد عبر اى اثير.

اكذب.؟؟..لا..لااكذب..لكنى كنت اتخيل الصورة وسأحاول تخيل صورة اخرى .

المصرى لايولد كباقى خلق الله...

المصرى ...ينبثق من اعماق الأرض ...كما الزرع ...كما البذرة رويتها من نبع صاف .

لهذا يرتبط بها..لو خلعته من جذوره....يموت.

بحبها...

بحبها ومن غير ..ليه؟؟

مفيش ليه..

افرح بيها عفية واطبطب عليها حزينة.

افتخر بيها واحزن لو اشوفها منكسرة .

يااه..

مصر؟؟؟

فيه حد مش مصرى ...مبيحبش مصر؟؟؟

فما بالكم وانا...مصرية.

[م تيمور المراغي]

اول بنت حبيتها في حياتي سألتني وكانت اكبر مني

- بتحبني ليه !

- ( بعد فتره من التفكير ) ,, معرفش !

- تبقى بتحبني بجد !

مش عارف بحب مصر ليه !

[باهى الطائر الحزين]

الله الله الله

ايه الحجات الجميله دى

ايه الاحاسيس الرقيقه الراقيه دى

صراحه ده اكتر من اللى توقعته

لو كان عندى ابناط الدنيا مش هتكفى

مكافأة شعور واحد من احاسيسكم النبيله

النهارده قلت ياواد يالقاء ايه رآيك لو

خدت بعضك ورحت التحرير ،،

اصلى مااقدرش اسيبه لوحده ،، هههه

اوم ايه شفت هناك شاب وفتاه من اولاد الجيران

آمو ايه اتلخبطوا وهما بيسلموا عليا ،،

الشاب : ازيك ياعمو / اهلآ وسهلآ ده انا

واللهِ ياعمو انا قابلتها بالصدفه / ده هوه

هزيت راسي مفهوم مفهوم وضحكت

هى واقفه مكسوفه ومتلخبظه

قلت له بتحب مصر

آم قلى ايوه ياعمو

قلت له اوى / قالى اوى اوى

قلتله خلاص حافظ عليها زى مصر / اقصد البنت

ومشيت

دلوقتى الدعوه عامه ومفتوحه للكل علشان يحب مصر

ده انسب وقت نظهر لها فيه حبنا

( إيدى فى إيديكم وتعالوا نجدد حبنا لمصر )