دعوه لالغاء الاحتفال ب 23 يوليو

[RaHale]

بعد أن أزال الشعب الحكم الديكتاتوري

يعد أن قام جيل الشباب برفض جميع مبررات الحكم الديكتاتوري في البقاء في السلطه سواء كانت تلك المبررات

هي تحقيق الاستقرار او تحقيق تقدم اقتصادي او تطوير ال.. الإيه لا ادري

و لأننا جميع نعلم أن دولا كانت أقل منا شأناً قد اصبحت في خلال سنوات قليله أقل من سنوات حكم المخلوع

قد اصبحت أفضل منا حالاً

لم يعد هناك مبرر أو معنى للاحتفال ب 23 يوليو

اقترح الغاء الاحتفال و الغاء الاجازه الرسميه يوم 23 يوليو

و ان يتوجه كل مصري الى عمله يوم 23 يوليو

و ان يكون الاحتفال في العام القادم

هو احتفال بثوره 25 يناير

[ابراهيم عبد العزيز]

وأنا معك مئة بالمائة

الثورة الشعبية الحقيقية التى يجب الاحتفال بها هى ثورة 25 يناير , هذه الثورة التي صنعها الشعب المصري وشارك فيها شبابه وشيوخه واطفاله ونساؤه

ثورة 23 يوليو لم تكن ثورة شعبية , ويوم بعد يوم يتضح أن ثورة 23 يوليو تسببت فى تكريس الحكم الدكتاتوري والدليل ان مصر قبل ثورة يوليو كانت تتميز بالحراك السياسي وتتميز بمجتمع حيوي ومتجدد وملىء بالمبدعين وكانت تسير فى طريق ان تكون دولة مؤسسات حقيقية والكل يعلم ان البرلمان المصري كان يقف امام الملك ذاته, والكل يعلم الواقعة الشهيرة عندما تقدم الملك فاروق بطلب للبرلمان لزيادة مخصصاته المليكة ورفضها البرلمان المصري

ثورة يوليو هى من زرعت الروتينية والبيروقراطية فى مصر وهى من كرست فكرة حكم الفرد الواحد

وهى من ادخلت مصطلحات من نوعية ( بفضل توجيهات سيادة الريس , حكمة الريس , تدخل الريس فى اخر لحظة وانقذ الامر ) وأضعفت مفهوم دولة المؤسسات

ثورة مصر الحقيقية هى ثورة 25 يناير وهى من يجب الاحتفال بها

[لماضة مصرية جدا]

السلام عليكم و رحمة الله و بركاته

طب انا مش مع حضرتك

و دي اسبابي

1- لان حضرتك بتقول ان "جيل الشباب" هو اللي عمل التغيير.....انا الحقيقة بقيت استغرب من الاستخدام المفرط للكلمتين دول و بشعر و كأني بملي بطاقة الرقم القومي و في الخانة بكتب العمر و اكيد راح يستحدثوا خانة تانية تسال فيها المواطنين المصريين...(هل شاركت في ثورة 25 يناير و لا كنت من حزب الكنبة؟؟؟)

2- الثورة بتاعت 25 يناير لسه ملامحها مبانتشي يعني لغاية دلوقتي اللي انا شايفاه بفهمي المتواضع انها لسه في مرحلة "ولادة متعسرة" هرفض ان احنا نسيمها ثورة يناير المجيدة و هرفض برضه ان احنا نسمي ثورة يوليه المجيدة لكن هتفق ان مافيش "تأليه" لثورة و كل ثورة كان ليها جوانبها المضيئة و جوانبها السيئة اللي مش ممكن بتبان في وقت الثورة اللي هو وقت احتياج الناس للالتفاف حولها و تدعيمها لكنها بتبان بعدها لما بنبتدي ننزل لارض الواقع و نشوف المباديء الثورية ماذا تحقق منها و هل قادت مصر لبر الامان

30 متفقة مع حضرتك انه يكون يوم للعمل.....و نبطل نذيع فيه افلام بتجيب تخلف عقلي زي "رد قلبي"...انا رايي حتي لو الناس مش هتكون اجازة تتعمل ندوات كبيرة ضخمة تتذاع علي التلفزيون المصري....ببساطة نستضيف فيها كل المحللين السياسين المحترمين مش اللي واخدين مواقف معروفة مسبقا هدف الندوات دي هي توعية الناس علشان متقعشي في نفس اخطاء "ثورة يولية 52" علشان الناس تقدر تقرا التاريخ و تستفيد منه و عمر ما اللي عايز يبني بيعمل اقصاء بالعكس بكل اخطاء الماضي لازم يتعلم منه و يبني عليه

4- لازم يبقي فيه تويعة للناس بمصطلحات جديدة....اي ثورة مش مقدسة....مافيش ثورة حلوة و ثورة نص نص....فيه وطن كبير...و فيه مباديء عامة و من اهم المباديء هي العدالة و العادلة اللي بنحلم بيها و اي انسان بسيط في اي وطن علي الارض بيحلم بيها انه من حقه يفهم معطيات تاريخه و مفردات واقعه و يبني تصورات المستقبل

دي وجهة نظري الشخصية جدا و مقدرشي افرضها علي اي حد و خصوصا اني اصلا محضرتش لا ثورة يولية و لا كنت في مصر في ثورة يناير لكن بحلم بوطن "يحترمني" علشان اعرف ارجع ليه تاني

و تقبل تحياتي