يوليو 29 مليونية وحدة الصف والإرادة الشعبية

[أهرامات الجيزة]

.

.

ع الميادين رايحين .. الناس بالملايين

[أهرامات الجيزة]

.~

لـيه نازل يوم الجمعة 29 يوليو 2011 .. مليونية الإرادة والشريعة والهوية الإسلامية والتطهير؟؟

إنت نازل علشان تقول إن الشريعة الإسلامية أحق بالتطبيق من قوانين وضعـية شاذة

إنت نازل علشان تقول إن مصر هويتها إسلامية وليست علمانية أو أمريكية

إنت نازل علشان تدافع عن حق الإسلاميين في المشاركة في العملية السياسية ،، مثل الآخرين

إنت نازل علشان تدافع عن إرادة الشعب الناتجة عن إستفتاء 19 مارس 2011

إنت نازل علشان تأكد إن القانون هو اللي يحكم البلد و ليس الفوضى

إنت نازل علشان تقول إنك رغم كونك متضامن مع الشهداء و حق أهاليهم في محاسبة القتلة ، لكن ممنوع إن المخربين يتاجروا بقضية دم الشهداء و يستغلوها فرصة لتخريب البلد ونشر الفوضى

إنت نازل علشان تقول إن الجيش هو حامي البلد و حصن الدفاع الوحيد وبدون جيش لن يكون هناك وطن و المساس بالجيش .. ( خط أحمر )

إنت نازل علشان توجه رسالة للناس اللي بتتريق عليك لما تقول إنك كنت ساكت علشان عايز إستقرار و إنك ضد المخربين و الفوضويين اللي بيسببوا الفوضى و تعطيل المرافق الحكومية ووقف المرور في الشوارع

إنت نازل علشان تقول إنك بتحترم إختيار الشعب إن الإنتخابات أولاً

إنت نازل علشان تقول اللي مسميين نفسهم ( نخبة ) إنهم ليس لهم أي مؤيدين و إنهم مجرد فرقعة إعلامية ، وعايزين يخربوا البلد و يضيعوها

إنت نازل علشان تقول إنك ضد التمويل الأمريكاني و الأوروبي لبوتيكات .. قصدي .. مراكز وجمعيات حموم و حروق .. قصدي .. حقوق الإنسان

إنت نازل علشان تقول إنك ضد الإشاعات بتاعة التمويل الخليجي للإسلاميين .. اللي هما ناس بسيطة زيي و زيك ولا يملكوا ربع المال الأمريكاني والأوروبي اللي بياخده الليبراليين والعـلمانيين

إنت نازل علشان إنت مصري و مصر هي بلدك و عايزها تبقى أحسن بلد في الدنيا

مليونية الجمعة 29 يوليو 2011

ع الميادين رايحيين .. كل المصريين .. أفواج بالملايين.

.

.

[Simba]

إنت نازل علشان تقول إنك رغم كونك متضامن مع الشهداء و حق أهاليهم في محاسبة القتلة ، لكن ممنوع إن المخربين يتاجروا بقضية دم الشهداء و يستغلوها فرصة لتخريب البلد ونشر الفوضى

http://www.youtube.com/watch?v=9UnCFrD15VY

[ابو محمد بن مصطفي]

رصد | مصر | الشيخ محمد عبد المقصود في التحرير

من R.N.N | شبكة رصد في 26 يوليو، 2011‏، الساعة 03:28 مساءً‏‏

في لقاء شاركت في الدعوة له أمس مع منسقي مظاهرة الجمعة 29/7 من القوى السلفية انتهى مع أذان فجر اليوم ... وقد حضر الشيخ محمد عبدالمقصود في نهايته ...وأكدوا خلاله على أربعة نقاط:

الأول: أنه ليس من أهداف هذه التظاهرة الدفاع عن الهوية أو تطبيق الشريعة .. لأنه ببساطة أمر الهوية محسوم وليس محلا للنقاش ، كما أن الأولوية الآن لأقامة الدولة العادلة .. وأن الدعوة تحت هذه الشعارات تمثل توجها غير رسمي وعملا فرديا ... وفي أكثر من موقف قاموا بالبحث عن مصدر الكلام الغير مُتفق عليه ولم يجدوا جهه بعينها

ثانيا: أن هذه التظاهرة ليست موجهة ضد المعتصمين في الميدان .. بدليل وجود ثلاث مجموعات سلفية معتصمة في الميدان .. وأن الإخوان -وهم المنوط بهم تجهيزات هذا اليوم- سيسعون إلى التنسيق مع هؤلاء المعتصمين في تأمين المداخل وإقامة المنصة وغير ذلك من الفاعليات ملتزمين بتجنب الاختلافات أو الصدامات

ثالثا: أنهم يتبنون في هذه التظاهرة كافة المطالب الوطنية من ضرورة القصاص للشهداء والجدية في محاكمات الفساد والتطهير ورفض المحاكمات العسكرية للمدنيين بالإضافة إلى رفض إنفراد المجلس العسكرى بقرارات تؤثر في مستقبل مصر مثل قانون انتخابات مجلس الشعب والمبادئ فوق الدستورية لما تمثله من ممارسة غير ديمقراطية والتفاف على إرادة الشعب

رابعا: أنهم سيسعون إلى توصيل هذه المفاهيم لجمهور السلفيين المشارك في هذه التظاهرة عبر المشايخ في الفضائيات (كبرنامج الشيخ محمد عبد المقصود اليوم على قناة الناس) وعبر الأوراق والدعوات التي توزع بالمساجد .. كما أنهم بدأوا في اليومين الماضيين المرور على التجمعات المعتصمة بالميدان لإيصال هذه الصورة لهم تجنبا لسوء الفهم

هذا خلاصة الحوار وخلاصة كلام د.محمد عبد المقصود ... وأرجو المشاركة في نشر هذه الإيضاحات تجنبا لصدام لا يُحمد عقباه ودفعاً لفتنة قد يسعى بها المفسدون

نحتاج بشدة إلى الحوار المباشر على أساس من الثقة وتقديم الصالح العام على المصالح الخاصة حتى نستطيع أن نحتفظ بوحدة الصف المصري وأن نحافظ على الثورة

بقلم أحمد سيد نزيلي #RNN

[se_ Elsyed]

إنت نازل علشان تقول إنك ضد الإشاعات بتاعة التمويل الخليجي للإسلاميين .. اللي هما ناس بسيطة زيي و زيك ولا يملكوا ربع المال الأمريكاني والأوروبي اللي بياخده الليبراليين والعـلمانيين

فعلاً .. ما أجمل حب مصر .. يا سلام

يعني الشيء ونقيضة في نفس الوقت وفي نفس واحد

التمويل الخليجي للإسلاميين إشاعة مغرضة من قلة موتورة تستاهل نقطع لها حواجبها ...

لكن لما يتعلق الأمر بأي حد مش معاهم .. يبقى فلوس بالكوم وين أمريكاني وجنية ياباني وعيش يا معلم

طبعاً لو حد قال كده على السلفيين هايقولوا له : فين الدليل على التمويل ؟

لكن أي حد مش إسلامي : دليل مين يا عم .. صادق والله صادق .. طالما قولت في تمويل .. يبقى فعلاً في تمويل وربع كمان

إتقوا الله في كلامكم وأتهاماتكم ...

وأي حد معاه دليل على إسلاميين ولا سلفيين ولا بتوع ليبريا دول ولا الليبراليين يقدمه ما يستناش ويلقح كلام بالباطل عشان المصداقية بس مش أكتر

لأ ولسه بنقول نظام مبارك سقط وغار في داهيه .. هههههههه .... مش برضوا أي مبارك صادروا أموال الأخوان المسلمين ومنها شركة سلسبيل وإتسجن خيرت الشاطر بحجة الحصول على تمويل خارجي وغسيل اموال وغسيل مواعين وظل الهلباوي عشرات السنين مطرود بره مصر بهذا السبب ؟

الأن دارت الدائرة وبقينا نتهم إحنا بعضينا وامن الدولة واقف يتفرج علينا

[capitshino]

.~

لـيه نازل يوم الجمعة 29 يوليو 2011 .. مليونية الإرادة والشريعة والهوية الإسلامية والتطهير؟؟

إنت نازل علشان تقول إن الشريعة الإسلامية أحق بالتطبيق من قوانين وضعـية شاذة

إنت نازل علشان تقول إن مصر هويتها إسلامية وليست علمانية أو أمريكية

إنت نازل علشان تدافع عن حق الإسلاميين في المشاركة في العملية السياسية ،، مثل الآخرين

إنت نازل علشان تدافع عن إرادة الشعب الناتجة عن إستفتاء 19 مارس 2011

إنت نازل علشان تأكد إن القانون هو اللي يحكم البلد و ليس الفوضى

إنت نازل علشان تقول إنك رغم كونك متضامن مع الشهداء و حق أهاليهم في محاسبة القتلة ، لكن ممنوع إن المخربين يتاجروا بقضية دم الشهداء و يستغلوها فرصة لتخريب البلد ونشر الفوضى

إنت نازل علشان تقول إن الجيش هو حامي البلد و حصن الدفاع الوحيد وبدون جيش لن يكون هناك وطن و المساس بالجيش .. ( خط أحمر )

إنت نازل علشان توجه رسالة للناس اللي بتتريق عليك لما تقول إنك كنت ساكت علشان عايز إستقرار و إنك ضد المخربين و الفوضويين اللي بيسببوا الفوضى و تعطيل المرافق الحكومية ووقف المرور في الشوارع

إنت نازل علشان تقول إنك بتحترم إختيار الشعب إن الإنتخابات أولاً

إنت نازل علشان تقول اللي مسميين نفسهم ( نخبة ) إنهم ليس لهم أي مؤيدين و إنهم مجرد فرقعة إعلامية ، وعايزين يخربوا البلد و يضيعوها

إنت نازل علشان تقول إنك ضد التمويل الأمريكاني و الأوروبي لبوتيكات .. قصدي .. مراكز وجمعيات حموم و حروق .. قصدي .. حقوق الإنسان

إنت نازل علشان تقول إنك ضد الإشاعات بتاعة التمويل الخليجي للإسلاميين .. اللي هما ناس بسيطة زيي و زيك ولا يملكوا ربع المال الأمريكاني والأوروبي اللي بياخده الليبراليين والعـلمانيين

إنت نازل علشان إنت مصري و مصر هي بلدك و عايزها تبقى أحسن بلد في الدنيا

مليونية الجمعة 29 يوليو 2011

ع الميادين رايحيين .. كل المصريين .. أفواج بالملايين.

.

.

حضرتك اللى كاتب الكلام ده ولا منقول من موقع تانى ؟

[نورالعين]

ياريت الاخوة اتباع الجماعة الاسلامية

يزودوا بند اخير

وهو

انت نازل عشان متتهمش الثوار تانى

وخصوصا ان اقلام النخبة مش حتسيبكم وحطلعلكم القديم والجديد

بقي طلعت قاتل يا شيخ عاصم 118 حتة وحدة

وكمان ليك عين يا راجل تتهم وتهدد ثوار التحرير ومطلعهم فوضوية وبلطجية و..

وخلاص بقى قلبك على الجيش اللى كنت نازل فيه قتل !!!!

لا حول ولا قوة الا بالله

عاصم عبدالماجد يعظ

بقلم خالد منتصرقام المناضل الداعية، زعيم الجماعة الإسلامية، عاصم عبدالماجد، بوعظنا وإعطائنا دروساً فى الوطنية، ونصحنا بعدم تخريب البلد، وهدد كل من يريد إحراق الوطن وإحداث فوضى سياسية وأمنية من العلمانيين بأنه لن يتركه أو يسمح له بالاستمرار!!

كنت أود أن أضع مليون علامة تعجب لولا ضيق النافذة الصحفية، فالتعجب وحده لا يكفى، والدهشة وحدها لا تفى بالغرض، فمن الممكن أن يقول أى فرد فى مصر هذا الكلام، ومن المسموح والطبيعى والشرعى أن يستنكر أى عابر سبيل إلا المهندس عاصم عبدالماجد، خطيب الجماعة الإسلامية المفوّه، وذلك لسبب بسيط تافه جداً، وهو أن يده التى كانت تهدد وتتوعد ملوثة بدم مائة وثمانية عشر فرداً مسلماً، من بينهم ضباط شرطة وعساكر غلابة وفقراء كانوا يصلون صلاة عيد الأضحى بعد اغتيال الرئيس السادات بيومين فقط!! والسؤال: من الذى كان يريد إحراق الوطن يا زعيم الجماعة؟ من الذى كان يريد إحداث الفوضى السياسية والأمنية؟ هل أنت من يتحدث الآن عن الفوضى الأمنية؟ من الذى قتل الملازم أول أحمد وحيد عند مدخل مديرية الأمن، والعميد شكرى رياض، مساعد المدير، الذى كان مرتديا بيجامة فى استراحة المديرية وبدون سلاح، والرائد حسن الكردى و16 سائقاً و32 عسكرى خدمة؟ من الذى استولى على مدفعين من طراز «برن»؟ من الذى ذبح المصلين الآمنين باسم الجهاد والتمكين؟ هل كان فهماً خاطئاً أو تفسيراً مغايراً لأضحية العيد فتم استصدار فتوى بذبح المصلين الأبرياء من أبناء أسيوط بدلاً من الخرفان؟

من الذى كان يريد إحراق الوطن يا مناضلنا الفاضل: من يمشى فى مظاهرة سلمية أم من كان معه 18 بندقية آلية وأربعون ألف جنيه؟! هل يعرف الجيل الجديد مصدر هذه الآلاف؟ إنها نتيجة فتوى باستحلال سرقة تجار الذهب المسيحيين، التى أصدرها مفتى الجماعة الذى تطالبون بالإفراج عنه حتى يعود لإنقاذ مصر من بلاد العم سام، ويستمر فى مسلسل فتاواه الدموية الرائعة؟

السؤال مناضلنا وداعيتنا المبجل: هل العلمانيون هم من فعلوا تلك الأفعال؟ هل هم الذين قتلوا 118 شخصاً موزعين كالتالى: 5 ضباط، 101 جندى، 12 من المواطنين الأبرياء كانوا فى طريقهم لأداء صلاة العيد، كما أصيب المئات من المواطنين، بعضهم كانت إصابته خطرة وتوفى بعد ذلك، هل هم الذين استولوا على 17 بندقية آلية و6 طبنجات و4 سونكى و21 خزنة و9 مدافع رشاشة، وضبطت قوات الأمن بعد ذلك 5 بنادق آلية و4 بنادق لى أنفيلد وقنبلتين يدويتين و6 قنابل دخان و7 فرد خرطوش صناعة محلية وسيارات شرطة مسروقة؟!

تأتى بعد هذا كله وتتحدث عن حماية الوطن من الفوضى والحريق! آفة حارتنا النسيان يا شيخ عاصم، ولكن إنقاذ حارتنا ووطننا لن يتم إلا من خلال إنعاش ذاكرة الأمة التى لا يتذكر شبابها البرىء تلك الجرائم المروعة، وينخدع كبارها بلقب «زعيم الجماعة» واللحية والجلباب.

تم تعديل 26 يوليو 2011 بواسطة نورالعين

[MohamedAli]

وخصوصا ان اقلام النخبة مش حتسيبكم وحطلعلكم القديم والجديد

حصلنا الرعب :lol:

[MohamedAli]

التمويل الخليجي للإسلاميين إشاعة مغرضة من قلة موتورة تستاهل نقطع لها حواجبها ...

لكن لما يتعلق الأمر بأي حد مش معاهم .. يبقى فلوس بالكوم وين أمريكاني وجنية ياباني وعيش يا معلم

طبعاً لو حد قال كده على السلفيين هايقولوا له : فين الدليل على التمويل ؟

لكن أي حد مش إسلامي : دليل مين يا عم .. صادق والله صادق .. طالما قولت في تمويل .. يبقى فعلاً في تمويل وربع كمان

إتقوا الله في كلامكم وأتهاماتكم ...

وأي حد معاه دليل على إسلاميين ولا سلفيين ولا بتوع ليبريا دول ولا الليبراليين يقدمه ما يستناش ويلقح كلام بالباطل عشان المصداقية بس مش أكتر

اخي الكريم

كون السلفين يأتيهم تمويل من الخليج هي اشاعة ليس عليها دليل

كون العلمانيين والليبرالين يأتيهم تمويل امريكي ملوث بيد اللوبي الصهيوني هو شئ حقيقي وباعتراف السفيرة الامريكية انها اعطتهم 40 مليون دولار امريكي كما ان اللوبي الاسرائيلي يحب الليبرالين جداً ويدعمهم لأنه معروف انه مواقفهم مائعة ولايمكن ان يقفوا بصلابة امام اسرائيل

اللوبي الإسرائيلي:ائتلاف المعارضة الجديد يخدم الإخوان وعلى واشنطن دعم الليبراليين بمصر

تم تعديل 26 يوليو 2011 بواسطة MohamedAli

[أهرامات الجيزة]

.

بالنسبة للسادة الأعضاء الذين يقولون أن التمويل الأجنبي الذي يحصل عليه الليبراليين هو إشاعة

إتفضلوا

جمال عيد يعلن أسماء الدول المنظمات التي يتلقي منها تمويل أجنبي أوروبي

وهو صاحب مركز الشبكة العربية لحقوق الإنسان

http://www.youtube.com/watch?v=Xljgon1_97I&feature=player_embedded

أيمن عقيل يقولها صراحة ،، أنه يحصل على تمويل أمريكي وأوروبي و قطري

وهو صاحب مركز ماعت لحقوق الإنسان

http://www.youtube.com/watch?v=irh_MJqtQh4&feature=related

هل سأل أحدكم نفسه كيف أن قناة 25 بتاعة شباب ستة إبريل تم إنشائها وتجهيزها بسرعة الصاروخ خلال شهر فبراير 2011 بدون مقدمات؟

طيب خدوا بصة على المقال ده

لماذا تمول أمريكا العلمانيين في مصر دون غيرهم

http://www.el3amal.net/news/news.php?i=35670

.

تم تعديل 26 يوليو 2011 بواسطة أهرامات الجيزة

[ابوهنا]

الجماعه الليبراليين والعلمانيين مش عارف صدقوا نفسهم ولا ايه

انتم قله امام شعب

صوتكم عالى الان لان مافيش دوله

ان شاء الله لما يكون فيه دوله صوتكم لن يخرج من صالوناتكم الادبيه ومندياتكم

الحل ريحونا من الان وارجعوا صالوناتكم الادبيه

تم تعديل 26 يوليو 2011 بواسطة ابوهنا

[م تيمور المراغي]

بيان حركة شباب 6 ابريل

جمعة الوحدة المصرية | مليونية 29 يوليو

بسم الله الرحمن الرحيم

في هذه اللحظة التاريخية فى مسيرة الثورة

.. فإننا أحوج ما يكون الى الوحدة و لم الشمل

, بحاجة الى الوحدة الآن تماما كما كنا أيام الثورة

وقتها اعتصمنا سويا , على كل اختلافاتنا , فى كل الميادين

كنا نحمي بعضنا بعضا .. بأرواحنا و بدمنا و بايماننا : أننا كلنا مصريين ...

أمة واحدة و شعب عظيم رائع ..

الوحدة كانت سر نجاح ثورتنا ..

و هذه هي العبقرية الحقيقية لثورتنا المصرية

و على هذا :

تدعو حركة شباب 6 ابريل جميع القوى السياسية .. و الشباب الذي كنا معه فى الثورة من أول يوم .. شباب الاسلاميين .. شباب حملة البرادعي .. شباب الاحزاب الليبرالية .. القوى الاشتراكية .. كل القوى السياسية الشبابية

.. ندعو جميع المصريين على اختلاف اطيافهم .. الى النزول يوم الجمعة القادم 29 يوليو

مليونية الوحدة بكل الثقة و الحب و تناسي الاختلافات

.. مجتمعين على حب الوطن .. مستقبلين شهر عظيم

.. بأمل لا حدود له فى انتصار ثورتنا .. و تحقيق جميع مطالبها ..

فلنشارك في جمعة الوحدة

.. شعب واحد .. ايد واحدة ..

و بهذه الروح المصرية الخالصة

ستكون ثورة منتصرة بإذن الله

[ابو محمود]

بيان حركة شباب 6 ابريل

جمعة الوحدة المصرية | مليونية 29 يوليو

بسم الله الرحمن الرحيم

في هذه اللحظة التاريخية فى مسيرة الثورة

.. فإننا أحوج ما يكون الى الوحدة و لم الشمل

, بحاجة الى الوحدة الآن تماما كما كنا أيام الثورة

وقتها اعتصمنا سويا , على كل اختلافاتنا , فى كل الميادين

كنا نحمي بعضنا بعضا .. بأرواحنا و بدمنا و بايماننا : أننا كلنا مصريين ...

أمة واحدة و شعب عظيم رائع ..

الوحدة كانت سر نجاح ثورتنا ..

و هذه هي العبقرية الحقيقية لثورتنا المصرية

و على هذا :

تدعو حركة شباب 6 ابريل جميع القوى السياسية .. و الشباب الذي كنا معه فى الثورة من أول يوم .. شباب الاسلاميين .. شباب حملة البرادعي .. شباب الاحزاب الليبرالية .. القوى الاشتراكية .. كل القوى السياسية الشبابية

.. ندعو جميع المصريين على اختلاف اطيافهم .. الى النزول يوم الجمعة القادم 29 يوليو

مليونية الوحدة بكل الثقة و الحب و تناسي الاختلافات

.. مجتمعين على حب الوطن .. مستقبلين شهر عظيم

.. بأمل لا حدود له فى انتصار ثورتنا .. و تحقيق جميع مطالبها ..

فلنشارك في جمعة الوحدة

.. شعب واحد .. ايد واحدة ..

و بهذه الروح المصرية الخالصة

ستكون ثورة منتصرة بإذن الله

طيب على الله على البخور نعرق هههههههههههه دة مثل شعبى يا أرش لمؤخذة اصلى انا من الشعب اللي عايز يتعلم قبل ما يصوت بنعم فى استفتاء الدستور

كان هذا استهلالآ

عايز اعرف باي حق ووجة ستقفون بجوار او تستقبلون من اسأتم اليهم واتهمتوهم بخطف الشعب من أخوان وسلفيين ولا دة نوع برضو من الخداع نهارك ورد يا أرش مش بقولك انا واد من الشعب اللي عايز يتعلم ويتثقف قبل ما يقول نعم اولأ

[م تيمور المراغي]

لا بالعكس احب انك تسالني وانا لو قصرت اكون مخطأ واتجازي كمان

6 ابريل على غير مايعتقد البعض تضم تحت لؤاءها مختلف ان لم يكن كل التيارات الفاعله على الساحة السياسية في مصر من ليبراليين و يساريين و اخوان مسلمين وسلفيين و راديكاليين كمان ,,

وحقول مره اخرى اننا لا نسعى لسيطرة تيار او حتى مرشح رئاسي بعينه ولكننا نقف ونتوحد فقط خلف البرنامج الانتخابي الذي يحقق من وجهة نظرنا هدفنا المنشود في تحقيق العدالة والحرية والمساواة على ارض مصر ,,

لو كان صدر من اركتيكت بعض المناوشات فهي لاتعبر عن فكر 6 ابريل الذي يرفض الاستقطاب ويسعى للوحدة والتكتل خلف الهدف الاوحد وهو حرية مصر ,,

انا في اول الثورة كان ليا شعار مش عارف تفتكره ولا لأ

ثوار نتحد !

[ابو محمود]

عزيزى ارش ما الراجل بتاع غزوة الصناديق كان بيقول دة عن نفسة وماترحمش السلفين وكأنهم من انطقوة وعمنا المحامى بتاع الاخوان لما قال زواج الاخت برضو ما رحمتوش الاخوان وكأنهم هما أجمعو على كلامة

ياريت يا أرش نوسع فكرنا ومداركنا ونتعلم من أخطانا لاننا بشر ولازم نعذر بعضنا ولتعلم اخى اننا نحترم الجميع كمصريين ولانفرق بين مسلم ومسيحى فما بالك مسلم ومسلم صباحك عسل ياريت نكون استفدنا جميعآ من تسرعنا وأطلاق الاحكام مسبقآ وعلى العموم تحيا مصر وثورتها وشعبها وكل اطياف الثورة ومشاربها

المشارب لاتعنى المشاريب ههههههههههههههههه بارك الله لكم جميعآ وانار لكم طريق الخير

تم تعديل 27 يوليو 2011 بواسطة محمودمصطفى

[م تيمور المراغي]

التوحد لا يعني عدم توجيه النقد لمن يعتدي على الجموع سواء من هذا الطرف او ذاك

خلونا ننسى الاختلاف نتحد خلف الهدف الاوحد وهو

حب مصر ,,

[ابو محمود]

التوحد لا يعني عدم توجيه النقد لمن يعتدي على الجموع سواء من هذا الطرف او ذاك

خلونا ننسى الاختلاف نتحد خلف الهدف الاوحد وهو

حب مصر ,,

على فكرة انت غير مرن ودة من عيوبك ممكن الواحد يخطأ ويعترف ودة من المحاسن لكن ان يلف ويحاول التملص معناة عدم الخبرة فى النهاية يعنى اية خلينا ننسى ونتحد ؟ ولأمتى ومين هيدفع حق المشاريب

حب مصر هو التنازل عن مصالح شخصية من اجل الوثوب الى الهدف الاسمى وهو حب مصر يارب تكون فهمتنى زى منا عايز

[م تيمور المراغي]

سيبك من شخصي المتواضع انساه دلوقتي

وخلينا نتكلم في مطالب محددة حتنزل بيها كل القوى السياسية الفاعلة في مصر لا يختلف عليها اثنان

ده على فكره هو محور التنسيق بين قادة الفصائل المختلفة دلوقتي واللي حيظهر بوضوح الجمعه المقبل

وده اتمنى انه يكون هدفنا الموحد والقادم

ان شاء الله

[ابو محمود]

عن نفسى انا فى التحرير يوم الجمعة مهما حدث ؟؟

بس هكون لوحدى مش معايا ولادى

[م تيمور المراغي]

يا بختك ,.

طيب ايه المطالب اللي حتنزل تنادي بتحقيقها في التحرير !