يوليو 29 مليونية وحدة الصف والإرادة الشعبية

[م تيمور المراغي]

حللي بالكم

اللي كانوا في الميدان النهارده

جلاليب ودقووون وخلاص

انما الشعب والاسر المصرية العادية ما نزلتش معاكم

لانه فاهم وعارف كل اللي بيحصل ده ليه

[عبير يونس]

الحمد لله اليوم كان رائع

ورددنا طوال اليوم

اسلامية اسلامية

الجو حار ببشاعة لكن رغم ذلك الناس كانوا متحمسين وخصوصاً السلفييين

واي علماني يهتف اي هتاف الناس ترد (اسلامية اسلامية)

سبحان الله

و في وسط الملايين دي كنتوا بتعرفوا ازاي ان الشخص ده علماني

مش ملتحي مثلا يعني؟؟؟

و الا أي حد ماكانش بيقول معاكم إسلامية؟؟؟

والله حرام

ده لم شمل ده؟؟؟!!!

لا حول ولا قوة إلا بالله

ربنا يهديكم و ينور بصيرتكم

قول آمين

[Khiber]

لا أحب أن أقول أن الدعوه لهذه الجمعة كانت من قبل التبارات الإسلامية للرد على الحركات والأحزاب الليبرالية التى أرادت القفز على الإستفتاء ورغبة الشعب المصرى فى إجراء إنتخابات برلمانية يعقبها تأسيس لجنة لوضع الدستور

وعندما علمت هذه الحركات والتكتلات بأنها ستكون جمعة حاشدة فاضممتم إليها

وبالمثل فى الجمعة 8 يوليو كل الحركات إتفقت على أن تكون جمعة الثورة أولا

وفعلا أتزمت كل الأطياف بها وإذا بها تتحول إلى جمعة الدستور أولا بعد الساعة الخامسة عصرا

ألم يكن ذلك إالتفافا على المبادئ المتفق عليها مما أدى إلى إنسجاب التيارات الإسلامية

وظللتم فى الميدان وبدأ الإستفزاز بإنتخاب مجلس رئاسى عن طريقكم فقط ولا أعلم من فوضكم فى هذا الإنتخاب من الشعب المصرى وماذاد الطين بلة أن المجلس العسكرى ومجلس الوزراء خضع لمطالبكم والتى أرى اننى أتفق عليها وأحيكم على ذلك ولكن لا أتفق معكم فى أمور أخرى نوقشت مرارا هنا ولاداعى أن نكررها

[م تيمور المراغي]

المجلس العسكري طبعا ليه حق يتبسط بالناس دي

النموذج السلفي السعودي امام عينيه ناس مالهمش في مناكفة الحكام وبتوع اطيعوا اولي الامر منكم

ورغم ان هو نفسه المجلس العسكري الذي اصدر قرار بتشكيل لجنة لوضع وثيقة فوق دستوريه وجعل الغزالي حرب يقوم باعدادها

ورغم ان ده سبب رئيسي لاعتراض السلفيين

ورغم كل ذلك

ما تلاقيش صوت واحد بيهاجم المجلس او بيهددة او بيفكر في آليات التصعيد بل بالعكس

تلاقي هتافات طالعه منهم من نوعية يامشير يا مشير مالنهارده انت الامير

كثرة كغثاء السيل وثورة حتى العصر وكله يروح

فاصل كوميدي

ونعود الى المعتصمين الحقيقيين ,,

[MohamedAli]

طرد 6 أبريل من منصة الإسلاميين

قام العديد من الإسلاميين المتواجدين في ميدان التحرير بالاعتراض علي قيام أحد شباب 6 أبريل بإلقاء كلمة من علي منصة الدعوة السلفية وخاصة بعد قيامه بترديد هتافات" مدنية .مدنية" .

وطالب المتظاهرون بإنزاله من علي المنصة مرددين "إسلامية إسلامية " و"الشعب يريد تطبيق شرع الله".، ومن ناحية أخري لجأ العديد من المتظاهرين إلي افتراش محطات المترو المجاورة نظرا لارتفاع درجات الحرارة والتكدس الشديد بالميدان وخاصة بعد إصابة العشرات بضربات شمس من جراء درجات الحراة المرتفعة.

اقرأ المقال الأصلي علي بوابة الوفد الاليكترونية طرد 6 أبريل من منصة الإسلاميين

http://www.alwafd.org/index.php?option=com_content&view=article&id=76884#axzz1TUhagDAp

[احمد رضوان]

ممكن حد عاقل يدخل معايا في نقاش مثمر حول مادار اليوم

بص يا هندسة الموضوع بسيط:

1 - فزاعة الإسلام يتم شحذها واتخوف من سيناريو 1954

2 - كل الحركات الثورية اكتفت بما تحقق داخل ميدان التحرير ولم تقترب من البسطاء الذيم ملئوا الميدان اليوم

3 - البسطاء بالنسبة لهم كلمة علماني وليبرالي باتت تعني كافر وبطبيعة الشعب المصري المتدين لن يتسامح أبدا معهم

4 - لا يوجد سيطرة للسلفين على أتباعهم بشكل واضح وهو ما تمثل في عدم الإلتزام بما تم الإتفاق عليه

5 - الإخوان ما زالوا اكثر فصيل محترف فقد استضافوا مسيحيين على منصتهم وهتفوا للمشير وأظهروا ضحالة التجربة السياسية للسلفيين

الجميل إن اليوم إستقال اعضاء المجلس العسكري التركي ....

الخلاصة

عايز تلعب سياسة عليك بالشارع ثم الشارع ثم الشارع .................

[Ahmed Anwer]

هههههههه

عارفين مين أكثر ناس هيستفادوا من اليوم العجيب ده ؟؟

الأخوان المسلمين والوسط و محمد سليم العوا و عبد المنعم ابو الفتوح

ده كده بجد بيقولوا أرضوا بينا إحنا كحل وسط و ناس بتعرف تتفاهم

البديل أصعب !!!

الأخوان نفسهم قالوها ، السلفيين عشرين ضعف لينا

[Khiber]

موقع جريدة الدستور الأصلى مسحت التعليقات على الأخبار وألغت خاصية التعليق نهائيا

أما عليك حركات يا إبراهيم ياعيسى

ونعم الديمقراطية يا عيسى ياليبرالى

ههههههههههههههههههههههههههههههههههههه

[se_ Elsyed]

أنا حزين لما أنتهت عليه جمعة اليوم

لأننا ببساطة شعب متدين وسطي .. وعُمر ما حد وصفنا بإننا كفره أو ملاحده او من احفاد أبو جهل .. وبالتالي لما حد يخرج ويقو إسلاميه إسلاميه ... والمادة التانية للدستور لا مساس بها ... يبقى كأنه بيفسر الماء بالماء ولم يأتي بجديد .. وزي مظاهرة نلاقيها خارجه بكره مثلاً عشان تؤكد على إن رمضان هو شهر الصيام ...

الخلاصة بقى . كل واحد يسأل نفسه سؤال عشان يعرف هي مليونية ناجحة ولا لأ : هو احنا أستفدنا إيه النهاردة من المليونية دي ؟

إيه أكدنا ن مصر إسلامية ؟

يا حلاوه .. اومال كانت إيه قبل النهاردة ؟

- سؤال أخر ...

أي حد هاينكر إن كل جمعاتنا ومليونياتنا كانت للضغط على المجلس العسكري والحكومة لتنفيذ أهداف ومطالب الثورة .. يبقى عفواً لا يرى المشهد جيداً ..

وبالتالي .. جمعة النهاردة ضغطت في إيه وعلى مين وليه ؟

لا أنكر أنان سعيد بهذا الجمع ومثل يوم الجمعة القادمة

لكن عفواً نحن من المفروض إننا نتجمع ليس لأستعراض القوى أمام بعضنا البعض ...

ولكن للتأكيد على إننا كشعب نقف وقفة رجل واحد .. وسنكون هكذا حتى تتحقق مطالب الثورة ... لكن بالمنظر ده .... كل واحد بقى في وادي ... وهو أمر يُسهل على الحاكم العسكري كثيراً ويجعله ينام وهو قرير العين

[MohamedAli]

http://www.youtube.com/watch?v=l_ZwwSJzkks

[se_ Elsyed]

أنا بأستغرب والله على حالنا كمسلمين

عارفين ليه ؟

لأن لو المليون أو الاتنين دول اللي إتجمعوا في التحرير ورافعين أحلى واجمل شعارات تخليك تحس إننا ملائكة ... تصدقوا بالله ؟

لو طبقوا 1 % من الشعارات دي

1 % فقط

في معاملاتهم وحياتهم كنا حكمنا العالم كله وكنا مش هانلاقي لا رشوى ولا غش ولا ولا ولا

لكنها شعارات في شعارات ....

أما الافعال ... فإيدك منها والأرض

الدين مش دقن وجلابيه وشعار ...

فكل ده المفروض بينك وبين ربك

لكن الدين هو المعاملة

هاحكي مثال بسيط مش هاقول على المعاملة أو او

كنت رايح طنطا ... وتايه ... فركنت على جنب وأستوقفت سيارة .. وطلع سائقها واحد بدقن .... المفروض نقول إيه بقى ؟

يعني معاملة وحاجه ما فيش كده .. صح ؟

فسألته على المنطقة الفلانية أروحها إزاي ؟

فقال لي تعالى ورايا يا أخي ... مشيت وراه 500 متر .. وفجأة .. أقسم بالله زي ما بأقول لكم كده ... راح واخد الطريق السريع بالعكس وهو بيشاور لي أمشي وراه ... فصُعقت وسيبته ومشيت

ده مثال صغير لمأساتنا في حياتنا اليومية ....

واللي حصل النهاردة ولا يدخل في ذمتي بتعريفه ...

لما تنادي بإسلامية إسلامية يا حبيبي ... أنا مش هاشقق صدرك وأختبر إيمانك لأن ده بتاع ربنا .. لكن هاحكم على إسلامية إسلامية من تصرفاتك معايا سواء أنا كنت مسلم ولا هندوس حتى ...

أنا في قمة الغضب والحزن

[tarek hassan]

ماذا أقول لك يا سييد سين سين وأنت لم تر في جمعة اليوم شيئا ورأيت في موقعة العباسية وتعليق الناس عرايا في ميدان التحرير كل الايجابيات

عموما الرسائل كلها وصلت البعض قد فهم الرسالة وآخرون لم تصلهم الرسالة عموما لسه الوقت متسع لوضع الدروس المستفادة وما أكثرها

[Khiber]

جمعة النهاردة ضغطت في إيه وعلى مين وليه ؟

لا أنكر أنان سعيد بهذا الجمع ومثل يوم الجمعة القادمة

لكن عفواً نحن من المفروض إننا نتجمع ليس لأستعراض القوى أمام بعضنا البعض ...

هذا رأيى أنا

أنها ليست إستعراضا للقوة ولكن رسالة مفادها أننا لن نوافق على أى مواد فوق دستورية أو الإلتفاف على ما إستفتى علية الشعب

الحفاظ على البرنامج الذى كان علية الإستفتاء هو الحفاظ على الإرادة الشعبية

[se_ Elsyed]

مره أخرى

نرجع مع بعض 6 شهور أو 7

تخيلوا لو كنا خرجنا بنفس الحشد والقوة دي أيام الله لا يرجعه مبارك

وفضلنا نصرخ في وشه

إسلامية إسلامية

ولا إله إلا الله محمد رسول الله

تفتكروا كان هايفهم إيه من كده ؟

أيوه يا ولاد وبعدين .. عاوزين إيه ؟

اللي حصل اليوم لا علاقة له بالسياسة ... لإن أي تظاهرة لازم يكون لها مطالب محددة ....

فين مطالب القوى الإسلامية اليوم ؟

فين حق الشهداء ؟

عجبتني كلمة المستشار الخضيري قبل المهزلة اللي حصلت والموضوع يتقلب شعارات ... ده من أوائل الناس اللي طالب بتطهير القضاء ومحاسبة القضاة اللي أشتركوا في تزوير الإنتخابات والتوقيع على الجرائم التي كانت تُرتكب أيام المخلوع

أه بالمناسبة ... سامع دلوقت في التليفزيون شعار : حاكمية حاكمية ..

يعني إيه دي إن شاء الله ؟

[Abu Reem]

المجلس العسكري طبعا ليه حق يتبسط بالناس دي

النموذج السلفي السعودي امام عينيه ناس مالهمش في مناكفة الحكام وبتوع اطيعوا اولي الامر منكم

ورغم ان هو نفسه المجلس العسكري الذي اصدر قرار بتشكيل لجنة لوضع وثيقة فوق دستوريه وجعل الغزالي حرب يقوم باعدادها

ورغم ان ده سبب رئيسي لاعتراض السلفيين

ورغم كل ذلك

ما تلاقيش صوت واحد بيهاجم المجلس او بيهددة او بيفكر في آليات التصعيد بل بالعكس

تلاقي هتافات طالعه منهم من نوعية يامشير يا مشير مالنهارده انت الامير

كثرة كغثاء السيل وثورة حتى العصر وكله يروح

فاصل كوميدي

ونعود الى المعتصمين الحقيقيين ,,

يعني ياحج تيمور رغم رأيك في النظام السعودي ، لكن لو عاوز الحق...يمكن مسألة عدم المساس بالاسرة الحاكمة انا عارف انها ممكن تكون نقطة انتقاد ، لكن لو نظرت للامر من النواحي الاخرى في دولة كالمملكة التي يتخذها البعض كنموذج سيء للدولة التي تطبق الشريعة..ولا اعرف بناءا على ماذا ؟ لو عاوز تتكلم بالحق ...اقول لك ان السعودية مثلا اللي البعض بيعيب عليها..تجد فيها على الاقل حد ادنى معقول من الراتب الذي يستطيع العيش به البني ادمين في كرامة...

تجد فيها تأمين صحي للجميع بما فيهم ملايين من المغتربين...يتمتعون بتأمين صحي اجباري يفرض حتى على اصحاب شركات القطاع الخاص..

- تجد فيها عشرات المذاهب والاديان الهندوسي والسيخي والبوذي والملحد والمسلم والشيعي..والمسيحي ، الكل يعيش في امان والحقوق واحدة للكل...وتكاد تكون الشكاوي قليلة او نادرة في هذا الجانب

- السعودية التي يعيبون عليها تطبيقها للشريعة ...رأينا فيها بأعيننا القصاص العادل يطبق حتى لو الجاني ابن امير..وهو ما لا نراه في مصر التي خضعت للعسكر ولاصحاب الفكر العلماني ..الذين لا يريدون تطبيقها فكانت النتيجة الفساد المبهر الذي وصلنا اليه

- السعودية تجد فيها الصحراء تخضر والبنايات ترتفع والمشاريع الضخمة العملاقة التي تستقطب بسببها الملايين للعمل فيها ، في حين في مصر التي لم تطبق الشريعة ولم ترفع شعار لا اله الا الله تجد فيها الان الاراضي الزراعية تتصحر ...حتى ادى ذلك لان تتحول عشرات الالاف ن الافدنة الزراعية تحولت الى اراضي بناء وهذا قرأناه وعرفناه

- في مصر وجدنا المياه العذبة للنيل تلوث بأبشع الطرق فنحن نلوث المياه العذبة وهم يحلون مياه البحر..!!!!..والقذاره هنا تملأ الشوارع...وفي الدولة التي تطبق الشريعةوتحتوي عشرات الثقافات المختلفة انظر لشوارعها وقارنها بمصر...وطبعا الكمال لله وحده

- السعودية التي يتندر عليها..هي بلد رغم بعض سلوكيات اهلها ( وهذا ينطبق على جميع شعوب الارض) الا ان المحافظة على الهوية وعلى الشريعة وعلى الاسلام والمحافظة على الحرم لكي يكون في احسن صورة كل هذا يجعلها بلد الخير والرخاء للجميع ..فكم من مسلم وكم من مسيحي او بوذي او هندوسي كم منهم استفاد من الخير في هذا البلد......طبعا السعودية مفروض تكون رغم ذلك افضل من كده بكتير

بس طبعا لا يوجد نظام بلا مساؤي ولا بلد ولا شعب بدون سلبيات واخطاء والصح ان احنا لو حبينا نقلدهم نحاول نتجنب المساؤي الموجودة عندهم...هو يعني احنا لو طبقنا العلمانية هنأخذ مثلا اسوأ ما فيها!!! فاشمعنى يعني لما نتكلم عن الشريعة لازم نستشهد بالأخطاء في التطبيق ولا نتكلم عن المميزات

وياريتنا نكون زي السعودية ..اللي الناس بتعايب عليها..ومش عاوزين نخرج على الحاكم ما احنا خرجنا على الحاكم ، ولحد الان مش عارفين هل سنكون افضل ام اسوأ....ياريت بس نحصلهم

تم تعديل 29 يوليو 2011 بواسطة Abu Reem

[MZohairy]

أنا بأستغرب والله على حالنا كمسلمين

عارفين ليه ؟

لأن لو المليون أو الاتنين دول اللي إتجمعوا في التحرير ورافعين أحلى واجمل شعارات تخليك تحس إننا ملائكة ... تصدقوا بالله ؟

لو طبقوا 1 % من الشعارات دي

1 % فقط

في معاملاتهم وحياتهم كنا حكمنا العالم كله وكنا مش هانلاقي لا رشوى ولا غش ولا ولا ولا

لكنها شعارات في شعارات ....

أما الافعال ... فإيدك منها والأرض

الدين مش دقن وجلابيه وشعار ...

فكل ده المفروض بينك وبين ربك

لكن الدين هو المعاملة

هاحكي مثال بسيط مش هاقول على المعاملة أو او

كنت رايح طنطا ... وتايه ... فركنت على جنب وأستوقفت سيارة .. وطلع سائقها واحد بدقن .... المفروض نقول إيه بقى ؟

يعني معاملة وحاجه ما فيش كده .. صح ؟

فسألته على المنطقة الفلانية أروحها إزاي ؟

فقال لي تعالى ورايا يا أخي ... مشيت وراه 500 متر .. وفجأة .. أقسم بالله زي ما بأقول لكم كده ... راح واخد الطريق السريع بالعكس وهو بيشاور لي أمشي وراه ... فصُعقت وسيبته ومشيت

ده مثال صغير لمأساتنا في حياتنا اليومية ....

واللي حصل النهاردة ولا يدخل في ذمتي بتعريفه ...

لما تنادي بإسلامية إسلامية يا حبيبي ... أنا مش هاشقق صدرك وأختبر إيمانك لأن ده بتاع ربنا .. لكن هاحكم على إسلامية إسلامية من تصرفاتك معايا سواء أنا كنت مسلم ولا هندوس حتى ...

أنا في قمة الغضب والحزن

مشكلة هذا الفصيل ان من يعارضه يصنف ككافر يا سين سين ... و بالتأكيد ليس له الحق في المعارضه

بينما اي نظام مدني محترم من يعارضه مصنف كمعارض و له حق المعارضه

عموما انا اصبحت متيقن من ان تصوراتي ستتحقق بكل ثقه يوما بعد يوم

[tarek hassan]

سلفي||مراسلينا || الجماعات الاسلامية بكافة طوائفها بتستعد للرحيل الان وتخلى المكان

سلفي||مراسلينا || التوافق بين المسلمين والنصارى لولا يوجد خلافات بينهم وهم ايديهم فى ايدى بعض

سفي|| مراسلينا || الدعوة السلفيه والجماعات الاسلامية الان يشنون حملة تنظيف فى الميدان واسعة لتركه نظيفا كما كان

تم تعديل 29 يوليو 2011 بواسطة tarek hassan

[MohamedAli]

مره أخرى

نرجع مع بعض 6 شهور أو 7

تخيلوا لو كنا خرجنا بنفس الحشد والقوة دي أيام الله لا يرجعه مبارك

وفضلنا نصرخ في وشه

إسلامية إسلامية

ولا إله إلا الله محمد رسول الله

تفتكروا كان هايفهم إيه من كده ؟

أيوه يا ولاد وبعدين .. عاوزين إيه ؟

كان اللي هيحصل ان مبارك كان سيحطم ميدان التحرير على من فيه

فنحن نصدر الليبرالين للغرب كواجهه مزيفة للثورة لأن الغرب يحبهم فهم حلفاء طبيعيين للغرب

لكن المشكلة ان الليبرالين صدقوا فعلاً انهم من قاموا بالثورة وبدأوا في الالتفاف على ارادة الشعب كأنهم هم الثورة والثوره هم!

فكان يجب تذكيرهم انهم ماهو الا ظاهره تلفزيونية ويجب ان ينصاعوا لرأي الشعب

[se_ Elsyed]

هذا رأيى أنا

أنها ليست إستعراضا للقوة ولكن رسالة مفادها أننا لن نوافق على أى مواد فوق دستورية أو الإلتفاف على ما إستفتى علية الشعب

الحفاظ على البرنامج الذى كان علية الإستفتاء هو الحفاظ على الإرادة الشعبية

الله ينور عليك

أنا شخصياً لم أشغل بالي بمباديء فوق ومباديء تحت الدستورية.. وأهم مبدأ فوق دستوري ولا جدال عليه هو إن الدين الإسلامي هو دين الدولة الرسمي ... واللإسلام هو مصدر التشريع

غير كده المباديء الأخرى قابلة للنقاش والأخذ والعطاء

ومن حق أي واحد يعترض على إي حاجه

لكن هو عشان أعترض على حاجه معينة ... ركز معايا

الحاجه دي اللي دخلنا فيها بالعافية المجلس العسكري اللي هو حبيب القوى الإسلامية وفاكرين إنه هايبادلهم نفس الحب ... واتحدى لو حد كان لمح حتى إلى إنه السبب لما آلت إليه الحالة الأن

يبقى ليه ما أضعش في مطالبي النهاردة كقوى سياسية إني ضد المباديء الحاكمة للدستور

لكن بالمنظر ده ....

ده عز الطلب بالنسبة لهم ...

ولو خرجت المليونية الجمعة القادمة بنفس الهليلة دي ...

يبقى الثورة في الباي باي .. وسلم لي على الاهداف والمطالب ..

أه قبل ما أنسى . لما أسمع على بعض المنصات اليوم مكبرات الصوت بتسمعنا القرآن الكريم

حد يفسر لي دي يا جماعة وإيه هي الرسالة اللي عاوزين نوصلها لمن بيدوخونا دوخة الأرملة ؟

[se_ Elsyed]

مره أخرى

نرجع مع بعض 6 شهور أو 7

تخيلوا لو كنا خرجنا بنفس الحشد والقوة دي أيام الله لا يرجعه مبارك

وفضلنا نصرخ في وشه

إسلامية إسلامية

ولا إله إلا الله محمد رسول الله

تفتكروا كان هايفهم إيه من كده ؟

أيوه يا ولاد وبعدين .. عاوزين إيه ؟

كان اللي هيحصل ان مبارك كان سيحطم ميدان التحرير على من فيه

فنحن نصدر الليبرالين للغرب كواجهه مزيفة للثورة لأن الغرب يحبهم فهم حلفاء طبيعيين للغرب

لكن المشكلة ان الليبرالين صدقوا فعلاً انهم من قاموا بالثورة وبدأوا في الالتفاف على ارادة الشعب كأنهم هم الثورة والثوره هم!

فكان يجب تذكيرهم انهم ماهو الا ظاهره تلفزيونية ويجب ان ينصاعوا لرأي الشعب

إذا لم نعطي الحق لأصحابه .. يبقى لا أمانة عندنا يا أخ محمد

ولوكنت بتصنف كفاية و 6 إبريل والقوى الاخرى على إنهم ليبراليين وناس مش مسلمين وكل العبر فهم ... يبقى أسمح لي أفكرك .. وأقول لك .. لأ هما اللي قاموا بالثورة وأخذوا الضربة الأولى

ولولا فضل الله ثم فضلهم .. لكانت القوى الإسلامية كلها وعلى رأسهم الأخوان دلوقت لسه في السجون ... إنت نسيت ولا إيه ؟

لكن نعوم المسألة ونتفهيق ونرفع شعارات جوفاء من عينة ... الشعب المصري بكل طوائفه هو من قام بالثورة ... هذه ثورة الشعب المصري

يبقى ده كلام عيب ونبقى لسن أمناء يا سيدي الفاضل