يوليو 29 مليونية وحدة الصف والإرادة الشعبية

[abaomar]

مدنية بمرجعية إسلامية .. آمين

موافق معاك وازيد

مدنية بمرجعية اسلامية ( ازهرية )

يعني لا وهابية ولا طالبانية ولا قاعديه ولا شيعيه

بس بقى يا أخى الفاضل فرق الألتراس دول مش حاطين فى حسابهم الجمهور العريض ، والحَكـَم اللى فى إيده الكروت الصفرا والحمرا .. واللى ممكن يأجل المباراة إلى أجل غير مسمى

السلام عليكم حبيبى الغالى ابو محمد حمدا لله على السلامه

محاولات تأجيل المباراه كلها بائت بالفشل و جمهور الامس وضع الامور فى نصابها

و الحكم الان مجبر على انهاء المباراه فى الوقت الاصلى

و الكل مجمع على انه من قوانين اللعبه يمكن اللجوء للوقت الاضافى فى حاله التعادل

و حتى لو وصلنا لضربات الجزاء فى النهايه لابد من انتهاء المباراه و يفوز احد الفريقين

و يعود الحكم الى مكانه و يتولى الفريق الفائز الذى جاء فوزه كنتيجه

طبيعيه للجهد و لعرق النابع من عقيده و تدريب و عمل شاق طوال بل و من قبل الموسم بعدها يتفرغ

الفريق الفائز لخوض غمار فرحه الفوز و ما بعدها

بتصدره للجدول و خوض غمار المسابقات الخارجيه و تحقيق الانتصارات رفعه للوطن .

.

تعقيب على موضوع الازهر يا ابومحمد

هل تصدق ان اكثر من يعرف قدر الازهر الشريف (و ليس بعض الازهريين ) و يحترمه هم السلفيون ؟

مظاهرات الامس اثبتت بما لا يدع مجالا للشك من هم الاغلبيه الحقيقيه التى لم تعد صامته .

تحياتى و ما تغيبش عنا كثير

تم تعديل 30 يوليو 2011 بواسطة abaomar

[Ahmed Anwer]

الأخوة الإسلاميين ،،

تعالوا نحدد في نقط التهديدات اللي بتواجهها مصر و الثورة حاليا : _

1- النظام الفاسد يعيد تقديم نفسه .

2- دولة عسكرية .

3- دولة دينية علي غرار طالبان و الصومال و السودان .

4- دولة علمانية أمك تقلع فيها الحجاب و الشواذ يتجوزوا بعض .

شغلوا أدمغتكم شوية إنه خطر من المخاطر السابقة الأقرب و أنه خطر الأبعد

أعتقد أي صاحب عقل هيختار التهديد 1 ، 2 ،،، علي أنهم الخطر الحقيقي الأقرب

و التهديد 3 ، 4 ،، الخطر الأبعد و إن كنت أظن التهديد 3 أكثر قابلية للتحقيق بكثير من التهديد 4

فالصرراحة مش فاهم أنتم ليه حاطين التهديد 4 علي رأس أولوياتكم رغم إنه تهديد بعيد جدا جدا جدا

خليكم مع باقي قوي الحرية و الديمقراطية اللي فرصتكم معاهم أكبر بكتيييييييير من فرصتكم مع العسكر اللي راميين نفسكم في أحضانهم

العسكر اللي مبيدخلوش الملتحي الجيش و الشرطة ، و مبيدخلوش المنتقبات نوادي الجيش

استخدموا العقل شوية

[عماد حمدي]

أنا قولت نهدي الجو شوية بطرفة خفيفة كدا ..

قصة حدثت بالفعل لأخويا الصغير أحمد 14 سنة في ميدان التحرير أمس ..

كاتب علي الفيس بوك عندة التالي :-

عجائب التحرير .....

يوم الخميس نزلنا ( الاخوان المسلمون ) التحرير و عندما حان وقت صلاة الظهر دخلنا الي مسجد عمر مكرم ووضعنا احذيتنا انا والاخوان في مكان معين وبعد الصلاة كلهم لقوا احذيتهم مثل ما هي , ولكنني ........... . لقيت شبشبي مش موجود وفيه شبشب كبير محطوط بداله المهم يا رجاله كنت من فوق كاجول وتمام التمام بس من تحت ................ المهم فضلت ماشي بالشبشب دوة في الميدان , واما حانت صلاة المغرب دخلت بالشبشب دوة الي مسجد عمر مكرم وحطيت الشبشب في مكان وضع الاحذية عادي صليت وبعد الصلاة كان سيغمي غليا مش لاقيييي الشبشب يا جدعاااااااااااان :D ( شبشبه التاني إتسرق برده )هههههههههه

وطبعا طلعت في الشارع حافي :( حعمل ايه قدري المهم رحنا المكان بتاعنا واخذت الشبشب بتاع الاخ ............ (( لاداعي لذكر لاالاسماء )) ونزلت انا وبعض الاخوة الي ميدان طلعت حرب ولكن لايوجد شباشب علي قدي والاسعار في العالي المهم عندما رجعنا اعطيت الشبشب اللي كنت لابسه لصاحبه واتصلت با خويا محمد خليته يجيبلي الشبشب الاحتياطي في صباح الجمعه و كان الله بالسر عليم "

الشاهد من الموضوع : ما تستهون بحذائك وتضعه في اي مكان بالذات لو كنت اخوان :D لااننا مستهدفين بس وحسبي الله ونعم الوكيل

بس الوقتي الحمد لله اشتريت شبشب تاني وربنا يستر :lol: :lol:

طبعاً أنا و هما بيحكولي في البيت كنت هموت من الضحك ، خاصة إني متخيل أحمد شكلة هيبقي عامل إزاي ..

عســــــــــــــــــــــــــل :D :D

دي تعليق واحد من أصحابة :-

الصراحة ان ابو حمدى اظهر بطولة نادرة فى الميدن بالصبر على فقدان الشبشب

[م تيمور المراغي]

الدستور \\ الشيخ المحلاوي: المطالبين بالدولة المدنية "كفرة"..والقوى السياسية أخطر من إسرائيل \\ اضغط هنا !

[MohamedAli]

الدستور \\ الشيخ المحلاوي: المطالبين بالدولة المدنية "كفرة"..والقوى السياسية أخطر من إسرائيل \\ اضغط هنا !

الخبر بتاريخ 11 / 6 اي منذ اكثر من شهر ونصف

والتاجر لما يفلس يفتش في دفاتره القديمة !

ثانياً الشيخ المحلاوي لاسلفي ولا اخواني ولاينتمي لاي تيار سياسي فهو ازهري فقط

فهل هي محاولة لتشوية صورة الازهريين عن طريق اخراج مواضيع من الماضي لهم ؟

حتى ينفض الليبرالين ايديهم من اي مرجعية اسلامية حتى لو كانت ازهرية ! ويعلونوا هويتهم العلمانية التى طالما اخفوها

[أبو يمنى]

لقاء مع بعض أفراد جماعة 6 ابريل .

http://www.youtube.com/watch?v=jA_Yc25NQl0

http://www.youtube.com/watch?v=9AKB07QuCW8

[الغريب]

بالنسبة لمن كان يعترض على ظهور العلم السعودي في الميدان

أولا أنا لم أرى ولا صورة للعلم السعودي في الميدان

ثانيا حتى لو ظهر العلم السعودي فاستخدامه واضح أنه للدلالة على الهوية العربية والإسلامية

والدليل على ذلك أن المواقع الإلكترونية العالمية تضع العلم السعودي كرمز للتحول للغة العربية ، كما تضع علم بريطانيا للدلالة على اللغة الإنجليزية

المهم ..

لماذا لم نسمع مثل هذه الأصوات حينما ظهرت أعلام الشيوعية في الميدان ، بل حتى الإسلاميون أنفسهم لم يعترضوا على ظهورها

تحياتي..

[أبو محمد]

السلام عليكم حبيبى الغالى ابو محمد حمدا لله على السلامه

محاولات تأجيل المباراه كلها بائت بالفشل و جمهور الامس وضع الامور فى نصابها

و الحكم الان مجبر على انهاء المباراه فى الوقت الاصلى

و الكل مجمع على انه من قوانين اللعبه يمكن اللجوء للوقت الاضافى فى حاله التعادل

و حتى لو وصلنا لضربات الجزاء فى النهايه لابد من انتهاء المباراه و يفوز احد الفريقين

و يعود الحكم الى مكانه و يتولى الفريق الفائز الذى جاء فوزه كنتيجه

طبيعيه للجهد و لعرق النابع من عقيده و تدريب و عمل شاق طوال بل و من قبل الموسم بعدها يتفرغ

الفريق الفائز لخوض غمار فرحه الفوز و ما بعدها

بتصدره للجدول و خوض غمار المسابقات الخارجيه و تحقيق الانتصارات رفعه للوطن .

.

تعقيب على موضوع الازهر يا ابومحمد

هل تصدق ان اكثر من يعرف قدر الازهر الشريف (و ليس بعض الازهريين ) و يحترمه هم السلفيون ؟

مظاهرات الامس اثبتت بما لا يدع مجالا للشك من هم الاغلبيه الحقيقيه التى لم تعد صامته .

تحياتى و ما تغيبش عنا كثير

وعليكم السلام ورحمة الله يابو عمر

شفت ازاى ؟ .. أهو انت كالعادة خلطت بين "نظام" مسابقة الكاس اللى لازم تنتهى فيها المباراة بفوز أحد الفريقين ، وبين "نظام" الدورى .. "نظام" النفس الطويل

خلينا نسيب موضوع الكورة ده ، ونتكلم فى الجد .. مش عارف أهنيك ولا أنبهك

أصلى لاحظت إنك بدأت تتكلم عن احترام الدستور والقانون والحاجات الوضعية دى اللى كنت بتستنكرها وبتقول إنه مفيش حاجة اسمها حكم الشعب لنفسه وحق الأمة فى التشريع

خير اللهم اجعله خير

قوللى بقى حتعتبر دى تهنئة لرجوعك عن خطأ "غير مقصود" ، ولا تنبيه إلى خطأ "مقصود" ؟

يابو عمر .. تكتيك مغازلة الأغلبية بالتدين الفطرى اللى عندها ده تكتيك قصير المدى .. لأن اكتشاف مصداقيته سهلة وبأسرع مما تعتقد .. وهناك .. لدى الليبراليين تكتيك أثبت فعالية شديدة وأشعل ثورات كبيرة جدا .. أكبر من الثورة المصرية وحتى الفرنسية .. الليبراليين فيهم اليساريين وبالأخص الشيوعيين ودول بقى حريفة تحريض وإشعال ثورات .. وبسلاح لا يقل فتكا عن سلاح التدين الفطرى .. وهو سلاح لقمة العيش .. وتغذية الحقد الطبقى .. وحتمية الصراع بين الطبقات .. وحاجات يمكن ما تتصورهاش .. بتوصل إلى الحياة الشخصية للبعض .. باضبط كده زى سلاح تكفير العين .. ويمكن أشد

أنا بس بقولك والفت نظرك علشان ما تتصورش إن المعركة من جولة واحدة أو اتنين

أنا بقى لى تفسير للكوميديا السوداء بتاعة امبارح .. حاقوله وأجرى على الله .. ممكن طبعا يكون غلط من أساسه .. لكن برضه حقوله

تفسيرى بقى إن اللى حصل امبارح هو فصل من فصول السيناريو اللى بدأ بصباع الفنجرى .. (مش فنجرى دى إحدى مشتقات Finger برضه ؟ :P ) .. يعنى شدة ودن لاخواننا بتوع التصعيد والضغط دول .. الفنجرى بيقول لهم بتتكلموا عن الضغط .. طب خدوا شوية ضغط عندكم بقى .. وبسرعة سابوا الميدان والجمل بما حمل .. بس على فكرة .. راجعين تانى .. وزى ما قلت لك عندهم تكتيكات بلشفية مش قليلة أبدا .. ولو حصل (نرجع بقى للكورة) حتسمع صفارة الحّكـَم .. إما بالكارت الاحمر للمشاغبين ، أو بتأجيل المباراة .. أو حتى بإلغاء المسابقة .. وسلم لى على "الألتراس" ودخلاتهم

[MohamedAli]

http://www.youtube.com/watch?v=v3XcuBTY4jE&feature=player_embedded

[أبو محمد]

بالنسبة لمن كان يعترض على ظهور العلم السعودي في الميدان

أولا أنا لم أرى ولا صورة للعلم السعودي في الميدان

ثانيا حتى لو ظهر العلم السعودي فاستخدامه واضح أنه للدلالة على الهوية العربية والإسلامية

والدليل على ذلك أن المواقع الإلكترونية العالمية تضع العلم السعودي كرمز للتحول للغة العربية ، كما تضع علم بريطانيا للدلالة على اللغة الإنجليزية

المهم ..

لماذا لم نسمع مثل هذه الأصوات حينما ظهرت أعلام الشيوعية في الميدان ، بل حتى الإسلاميون أنفسهم لم يعترضوا على ظهورها

تحياتي..

الفاضل "الغريب"

أثناء مشاهدتى اليوم لقناة الجزيرة مباشر "مصر" وهى تنقل بعض مشاهد ميدان التحرير يوم أمس "الجمعة" .. شاهدت العلم الذى وصفته الأخت "مغتربة" فى موضوعها عن مأساة "العريش" .. وهو علم أسود مكتوب عليه الشهادتين بالأبيض والذى كان يحمله المهاجمون حسب شهود العيان .. هل يعنى هذا شيئا لديك ؟

[سيدسعد]

الفاضل ارش كتب:

ايه محصلة مولد السلفيين بتاع النهاردة !

افسر عشان الحبايب

يعني ماذا تغير بين الامس واليوم !

استعراض للقوة والقبول الشعبي وارادة الامة أمام العالم كله .... صراحة يوم كان مهيب

تعالى بقا شوف الميدان بعد انتهاء اليوم بعد الساعة 9 مساءا... ايه صراحة يصعب على الواحد حال البلد والشكل اللي وصل له الميدان

تم تعديل 30 يوليو 2011 بواسطة سيدسعد

[Ahmed Anwer]

الأخ الفاضل ابو محمد

تحليلك عميق جدا

بخصوص نقطة اليساريين و الشيوعيين و قدرتهم علي إشاعة الثورات

الفقراء و المهمشين و المطحونين

طول عمرهم تاريخيا وقوو الدفع و أول المؤمنين بالأنبياء و الرسل أيضا

زي ما هما وقود دفع الثورات

و بيميلوا فطريا للدين يجدوا فيه ضالتهم في العدل و المساواة

إن لم يكن في الدنيا علي الأقل في الآخرة

بس الغريبة في عصرنا هذا

إن فعلا الفقراء و المهمشين و المطحونين بيلتفوا حول الدعاة

من غير أمل ، في تغيير أحوالهم و الحصول علي حقوقهم

بالعكس بيشوفوا دعاة اليومين دول بيتنعموا في عز و آبهة

و جمهورهم بيبارك لهم العز ده ،، و راضي بحاله

[أبو يمنى]

http://www.youtube.com/watch?v=WJdlCxV-qIY

[أبو محمد]

والله يا أستاذ أحمد أنا عاصرت 18 و 19 يناير 1977 واللى اخوانا اليساريين سموها انتفاضة شعبية والسادات قال عنها انتفاضة حرامية .. لأن كمية التخريب فيها لم يكن يقل أبدا عن التخريب اللى شفناه فى 25 يناير وما بعده

وده بالرغم إن ما كانش فيه لا فيس بوك ، ولا تويتر ، ولا كان مسموح بمليونيات ولا حتى بمليميات .. شوف انت بقى مع هذه الثورة التكنولوجية إيه اللى ممكن يحصل .. علشان كده أنا مش ببطل قول : "ربنا يستر" ويهدى اللى بيلعبوا بالنار .. النار لو اشتعلت فى الظروف دى حيكون صعب جدا اخمادها .. ربنا يستر

[MohamedAli]

تكتيك مغازلة الأغلبية بالتدين الفطرى اللى عندها ده تكتيك قصير المدى .. لأن اكتشاف مصداقيته سهلة وبأسرع مما تعتقد .. وهناك .. لدى الليبراليين تكتيك أثبت فعالية شديدة وأشعل ثورات كبيرة جدا .. أكبر من الثورة المصرية وحتى الفرنسية .. الليبراليين فيهم اليساريين وبالأخص الشيوعيين ودول بقى حريفة تحريض وإشعال ثورات .. وبسلاح لا يقل فتكا عن سلاح التدين الفطرى .. وهو سلاح لقمة العيش .. وتغذية الحقد الطبقى .. وحتمية الصراع بين الطبقات .. وحاجات يمكن ما تتصورهاش .. بتوصل إلى الحياة الشخصية للبعض .. باضبط كده زى سلاح تكفير العين .. ويمكن أشد

اختلف مع حضرتك في التخوف من اليسارين والشيوعين

فهم (*****************) وهذا التعبير يفهم بالمعني السياسي لا اقصد به الاهانة

فالحقيقة انهم فاقدين لأي مصداقية وكلمة شيوعي تعتبر سبة في حد ذاتها عند الشعب وخطابهم السياسي يعتبر من النكت عند الاوساط السياسية المصرية بسبب الجهل والتصلب والحنجورية وكلنا نتذكر الافلام المصرية التى تسخر منهم ومن منظرهم بل وحتى تعتبرهم عديمي النظافة (افلام عادل امام وغيرة)

وحالياً لايوجد شخصية يسارية واحده لها اهمية في الشارع او يحترمها الناس وكلهم اما مكروهين جداً او اصبحوا كهول لايصلحون لشئ

كذلك لايملكون اي تمويل او جماهيرية تذكر

والكثير منهم تحول الي مرتزقة سواء تحولوا للعلمانية المتطرفة ومهاجمة الدين مباشرة او اصبح ليبرالي على الطريقة التي تحبها امريكا (المارينز العرب) لعل وعسى تعطف عليه اي سفارة بمنحة من هنا او جائزة من هناك

تم تعديل 30 يوليو 2011 بواسطة أبو محمد
حذف عبارة فيها تحقير لفصيل مخالف فى الرأى

[ابراهيم عبد العزيز]

محمد عادل المتحدث الرسمي باسم حركة 6 ابريل معلقا عن فعاليات يوم 29 يوليو 2011 :

أعرب الناشط محمد عادل عن آسفة من مخالفة الإسلاميين للاتفاقات المبرمة معهم فى الوقت الذى التزمت فية القوى المدنية، موضحا أن ما حدث سيدفع القوى المدنية لعدم الشعور بالأمان بعد ذلك بشأن التنسيق معهم.

ويرى عادل أن من يدعى بأن هناك بعض القوى ضد المادة الثانية من الدستور أو أن تكون الشريعة الإسلامية هى المصدر الرئيسى للتشريع يحاول صنع معارك وهمية لإحداث فتنة بين الشعب المصرى لصالح جماعات وأطراف خارجية، مضيفاً أنهم مؤمنون بأهمية المبادئ الحاكمة للدستور والتى سيضعها الشعب جميعه على أن تلتزم بها القوى التى سيأتى بها البرلمان أيا كانت.

وقال عادل، إن الشعب لم يستجب لدعوة الإسلاميين أمس، حيث كان كانت القوى المتواجدة بالميدان هى الحشد الذى قاموا به من المحافظات فقط، وذلك عكس دعوة القوى المدنية.

[أبو محمد]

تكتيك مغازلة الأغلبية بالتدين الفطرى اللى عندها ده تكتيك قصير المدى .. لأن اكتشاف مصداقيته سهلة وبأسرع مما تعتقد .. وهناك .. لدى الليبراليين تكتيك أثبت فعالية شديدة وأشعل ثورات كبيرة جدا .. أكبر من الثورة المصرية وحتى الفرنسية .. الليبراليين فيهم اليساريين وبالأخص الشيوعيين ودول بقى حريفة تحريض وإشعال ثورات .. وبسلاح لا يقل فتكا عن سلاح التدين الفطرى .. وهو سلاح لقمة العيش .. وتغذية الحقد الطبقى .. وحتمية الصراع بين الطبقات .. وحاجات يمكن ما تتصورهاش .. بتوصل إلى الحياة الشخصية للبعض .. باضبط كده زى سلاح تكفير العين .. ويمكن أشد

اختلف مع حضرتك في التخوف من اليسارين والشيوعين

فهم (****************) وهذا التعبير يفهم بالمعني السياسي لا اقصد به الاهانة

فالحقيقة انهم فاقدين لأي مصداقية وكلمة شيوعي تعتبر سبة في حد ذاتها عند الشعب وخطابهم السياسي يعتبر من النكت عند الاوساط السياسية المصرية بسبب الجهل والتصلب والحنجورية وكلنا نتذكر الافلام المصرية التى تسخر منهم ومن منظرهم بل وحتى تعتبرهم عديمي النظافة (افلام عادل امام وغيرة)

وحالياً لايوجد شخصية يسارية واحده لها اهمية في الشارع او يحترمها الناس وكلهم اما مكروهين جداً او اصبحوا كهول لايصلحون لشئ

كذلك لايملكون اي تمويل او جماهيرية تذكر

والكثير منهم تحول الي مرتزقة سواء تحولوا للعلمانية المتطرفة ومهاجمة الدين مباشرة او اصبح ليبرالي على الطريقة التي تحبها امريكا (المارينز العرب) لعل وعسى تعطف عليه اي سفارة بمنحة من هنا او جائزة من هناك

أولا .. أنا كنت بين ألا أرد على مداخلتك كعضو وأن أتدخل فيها إداريا فقط لمحو تلك الألفاظ البذيئة التى يتميز باستخدامها كثير ممن ينتسبون إلى التيار السلفى ، وبين أن أرد على مداخلتك كعضو أولا ثم أتدخل بأى من الاجراءات الإدارية التى أبسطها حذف تلك الألفاظ

اخترت الاختيار الثانى لأوضح لك شيئا مما أعرفه ويغيب عنك - ربما لفارق السن بيننا - بخصوص تحول اليساريين والشيوعيين .. هل تعلم يا سيدى أن أغلبهم قد تحول إلى التيار السياسى المتأسلم؟ .. على رأسهم خيرت الشاطر النائب الثانى لمرشد الأخوان (ده معرفة شخصية) .. وصافيناز كاظم (أم نوارة نجم) .. ومحمد عمارة .. وفهمى هويدى .. وغيرهم كثيرون إذا كنت تريد معرفة المزيد .. وهم أساتذة فى ذلك التيار فى كيفية الحشد والتحريض

تم تعديل 30 يوليو 2011 بواسطة أبو محمد
حذف عبارة من اقتباس لحذفها من الأصل

[أبو يمنى]

لقاء الشيخ صفوت حجازي مع قناة الجزيرة

http://www.youtube.com/watch?v=9AKB07QuCW8&feature=related

الشيخ صفوت حجازي في هذا المقطع يقول :

لم يحدث اتفاق إطلاقا بيننا نحن كلجنة تنسيقية لجماهير الثورة بإتلافاتها وبين أي أحد .

لم يحدث أي اتفاق على أي شئ إطلاقا إلا عنوان الجمعة هي "وحدة الصف والإرادة الشعبية"

==========

وأدعو الزملاء الأفاضل لمشاهدة المقطع .

[أبو يمنى]

لمحو تلك الألفاظ البذيئة التى يتميز باستخدامها كثير ممن ينتسبون إلى التيار السلفى

:protest:

لماذا التعميم يا مشرفنا الكريم .

تم تعديل 30 يوليو 2011 بواسطة تامر حسن محمد

[أبو محمد]

لمحو تلك الألفاظ البذيئة التى يتميز باستخدامها كثير ممن ينتسبون إلى التيار السلفى

:protest:

لماذا التعميم يا مشرفنا الكريم .

لو كنت أريد التعميم لقلت أنها ألفاظ يتميز باستخدامها المنتسبون للتيار السلفى .. ولكنها الحقيقة يا سيدى .. فكثير من المنتسبين إلى التيار السلفى يتميزون باستخدام أقسى عبارات الذم والتحقير لمخالفيهم .. ولو أردت الدليل سأسوق إليك أدلة (ألا يكفى كتاب بعنوان "إسكات الكلب العاوى يوسف القرضاوى" ؟ ) .. علما بأننى أعلم أن التيار السلفى ليس فصيلا واحدا .. ففى إحدى مداخلاتى عددت 7 فصائل سلفية وعندى المزيد ..