منظار المعدة وارتجاع الحجاب الحاجز

[هشام عبد الوهاب]

دكاترة المنتدى الأفاضل

غدا إن شاء الله سأذهب لعمل منظار معدة علوى ...

الأعراض كلها تشبه اعراض مرض فى القلب وعملت كل انواع اتحاليل والأشعات وجاءت كلها سليمة الحمد لله .. غيرت الدكتور ، وذهبت الى دكتور صديق (مدير احدى المستشفيات الخاصة ) تخصصه باطنى وقلب .تشخيصه الأولى (( ارتجاع فى عضلة الحجاب الحاجز واحتمال وجود فتق فى الحجاب الحاجز )) يؤدى لخروج جزء من المعدة والضغط على عضلة القلب مسببا الآم رهيبة تشبه تماما اعراض القلب ... ويجب التأكد بعمل منظار للمعده من اعلى .

هل من ضمن هذا المرض حدوث رجفات متتالية فى القلب او كأنها تاتى من القلب

مسببة الام تشبه الذبحة الصدرية ...

قرأت ان فتق الحجاب الحاجز لا يعالج بالأدوية ولابد من عمل جراحة ...ارجو افادتى بهذه الجراحة وكم تأخذ من الوقت للعودة للحالة الطبيعية وممارسة العمل .

[linux]

الف سلامة ياأخي هشام و ربنا يطمنك أن شاء الله و يعافيك.

rs: rs: rs:

[هشام عبد الوهاب]

اخى لينكس

الف شكر ، بارك الله فيك . rs: rs: rs:

[kfaya]

أخى الحبيب هشام .....

ألف سلامة ليك , يارب نتيجة المنظار تكون سلبية و مفيش فتق ولا حاجة .... عموما ربنا يطمنك و يطمنا عليك .....

عايزينك فى رمضان تكون فورمة و فت ...... خلى المعنويات حديد يا وحش ..

rs: ..... rs: ..... rs:

[Cleo]

ألف سلامة يا إتش....

الدكاترة قالولك كله تمام.... بتفعص تانى ليه فى الكلام؟؟

إنشاء الله خير وكله تمام...

ربنا يتم شفاك و يجعله فى ميزان حسناتك إن شاء الله...

مستنيينك يوم الثلاثاء إنشاء الله تعالى....

(شوفت بأة إنت اللى بتتلكك... rs: )

rs:

[maksoof]

الأخ العزيز هشام

سلامتك ألف سلامة. أعراض فتق الحجاب الحاجز موجودة فى الموقع ده.

و ممكن تلاقى مواقع أخرى إذا عملت بحث عن

Diaphragmatic Hernia

أو

Congenital Hernia of the Diaphragm

و ربنا يطمئنك بإذن الله

[disappointed]

عزيزى هشام

أولا ألف سلامة عليك

نعم......الأعراض قد تكون كما ذكرت , و إذا كنت أنت قد إعتقدت أن الأعراض لها علاقة بالقلب فإنه فى بعض الأحيان يحدث العكس و تمر حالات كثيرة من جلطات القلب التى تحدث فى الجدار الخلفى السفلى من البطين الأيسر دون أن يتم تشخيصها و يصاب المريض بالجلطة و هو ماشى على رجليه و عادى جدا ( يحدث ان يتم تشخيص الحالة على أنها مشكلة بالمعدة)

إذا كانت الحالة إرتجاع نتيجة فتق فى الحجاب الحاجز يأخذ معه جزء من المعدة فلا حل سوى الجراحة

أما إذا كانت الحالة إرتجاع نتيجة خلل فى عمل العضلات الدائريّة فى أسفل المرّيئ مما يؤدّى إلى إرتجاع الحامض من المعدة إلى المرّيئ فسيكون العلاج بالعقاقير الطبّية و أهمّها :

= دواء منظّم لحركة المريّئ و المعدة , و أفضل الموجود عقار الـــ Motilium ( كان فيه دواء هايل لحركة المريّئ إسمه Prepulsid بس للأسف تم سحبه من الأسواق نهائيّا بسبب ثبوت تسبيبه لأعراض جانبية على القلب)

= مثبّط لمضخّات البروتونات المعويّة Proton pump inhibitor

( Omeprzoles)

و أشهرها Nexium & Losec ( وهى الأقوى تأثيرا و إن كانت باهظة الثمن .... ممكن العلبة الواحد توصل 180 أو 200 جنيه فى مصر) مع بدائل أخرى أرخص ثمنا وإن كانت فعّالة أيضا كالــ Pantozol , Omiz ,Omedar , Epirazole , Gastrazole , Lanzor

كلام صديقك الدكتور صحيح فى وجود إمكانية حدوث فتق فى الحجاب الحاجز , بس انا مستغرب شويّة من إنه إختار المنظار للتأكّد من التشخيص , فالتأكّد من التشخيص يكون عن طريقة عمل أشعّة للمعدة بصبغة الباريوم ( بيجيب لك الصبغة فى كأس و تشربها و بعدين يصوّرك أشعّة عاديّة خالص).... بينما الفحوصات الـــ invasive قوى كده زى المنظار فهى تشخص حالة جدار المعدة و المريّئ الداخلى ( يعنى تقول لك فيه قرحة والاّ لأ... فيه إلتهابات والاّ لأ.... و الإلتهابات فين؟؟؟.... يعنى تخّص إرتجاع الحامض فى حد ذاته... و تشخّص كمان حالة عضلات أسفل المريئ)

عموما...لو ما عملتش أشعّة معدة بصبغة الباريوم فأنصحك بها (لإستبعاد فتق الحجاب الحاجز)

عموما.... الف سلامة .... و ما أقدرش أقول لك رأيى النهائى إلا لو قلت لى تقرير المنظار مكتوب فيه إيه بالضبط ( لو تقدر تعمله سكانينج و تنزله على المنتدى يبقى كويس قوى)

[Salwa]

الأخ الفاضل هشام .

سلامتك الف سلامة ....

ارجو ان يكون كل شئ على خير ما يرام ...

خللى تكالك واعتمادك على الله وكل شئ نتيجته خير ان شاء المولى الكريم .....

تحياتى .....

[هشام عبد الوهاب]

شكرا لكل حبايبى ....

المنظار كشف وجود التهابات شديدة فى الأثنى عشر والتهاب فى نهاية المرئ .

والعلاج .. Motilium ...

Parit 20 mg

Vomistop ....

وشخصيا ارى انه لا علاقة بين الأعراض التى تشبه الذبحة وما كشف عنه بالمنظار . رغم تاكيد الطبيب مرة اخرى !!!!!!!!

المهم بقى انى اخدت مقلب عمرى .. بعد مادخلت غرفة السلخانة(قصدى العمليات ) مع صديقى ضابط المخابرات (اقصد الطبيب المعالج ) فوجئت بالأخ مندوب امن الدولة (قصدى طبيب المنظار )

يحاول اقناعى بأنه لا داعى للبنج وان الأمر سهل جدا ولن يستغرق سوى 60 ثانية ،

وكان اسلوبه تمام زى بتوع امن الدولة ... المهم بصيت لصديقى الطبيب اللى اشار بهز رأسه مصدقا على كلام الباشا بتاع امن الدولة ...

ونيمونى على جنبى ووضعو ذراعى الأيمن والأيسر خلفى كأنى متكتف بالضبط ثم تحول وفجأة امسك بى المخبر (التمرجى ) من الخلف بمنتهى الرقة فشعرت ببداية غدر ... ووضعوا فى فمى حاجة بلاستيكية منها عضاضة ومنها تمنعك تقفل بقك ..

وفجأة بدأت عملية تشفية الذبيحة وتم ادخال خرطوم فى الفم شعرت ان طولة 50 متر .... ...كفاية كده .... الباقى صعب شرحه غير ... اووووع ...اااااااااه ..خد نفس من مناخيرك ...اوووووووع ..بلاش دلع ...اااااااااههه....الخ .....

وبعدها ....... تبطل السجاير وتكون انسان جديد ... وطبعا بعد العلقة رميت السجاير والولاعه فى الزبالة .. الكلام ده من حوالى 5 ساعات ... ولوقتى انا ولعت اول سيجارة .....

تسلموا وبعيد عنكم المنظار بدون بنج شئ صعب جدا .......

اخى الفاضل محبط ... كل صور الأشعة والتحاليل عندى على الكومبيوتر هابعتهالك فى اقرب فرصه ....

[disappointed]

حمد الله على السلامة

بص بقى يا سيدى :

معلش مع إحترامى لصديقك ضابط المخابرات , فطالما بتستعمل الـــ Motilium يبقى الــــVomistop مالوش أى لازمة ( خلاص... الـــ Motilium له نفس الـتأثير الدوائى و هو

الأفضل كمان... بس ماتنساش تستعمله قبل الأكل بربع ساعة)

بالنسبة بقى للـــ Parit 20 mg فهو ليس سوى أحد أصناف الـــ Proton pump inhibitor

( Omeprzoles)

يعنى أخو رصّة البدائل اللى قلت لك عليها..... وطبعا جرعته مرّة واحدة بس يوميّا ( لو حد قال لك خذ منه مرتين يوميّا طنّشه)

وفى إنتظار التحاليل و تقرير المنظار

(لو أخذوا عيّنة بالمنظار ياريت تقول لى على نتيجتها , علشان لو positive for H. Pylori يبقى حتحتاج كمان لكورس Flagyl مع مضاد حيوى ( يا Amoxycillin - بنسلين يعنى - يا Klacid) للقضاء على هذه الجرثومة

وألف سلامة عليك

[إبن مصر]

بسؤال المتخصصين لدينا ( وانت عارفهم طبعا ) :

اولا:

نعم اعراض الارتجاع بالمرىء يمكن ان تتشابه مع اعراض القلب والذبحه الصدريه .

ثانيا:

العلاج بالادويه يؤدى الى الاستجابه فى معظم الحالات وما كتب لك طبقا للتشخيص مناسب جدا.

ثالثا:

الجراحه ضروريه فقط عند عدم الاستجابه للادويه او تكرار الاعراض بعد نهايه كورس العلاج اكثر من مره مع ملاحظه ان الاعراض تشمل الرجفات المتكرره بالقلب.

رابعا :

ضعف عضله الحجاب الحاجز هو السبب المؤدى الى الارتجاع الحمضى والالتهاب اسفل المرىء . وفتق الحجاب الاحاجز ليس سببا ضروريا للارتجاع.

خامسا:

يتم عمل المنظار دائما تحت تأثير مهدىء عام .ما حدث لك يثبت نظريتى الخاصه بمدى كونك محظوظا يا صاحبى

وشكرا

[هشام عبد الوهاب]

اخى ابن مصر ... شكرا لأهتمامك وهذا ماعهدته دائما منك :huh:

ما حدث لك يثبت نظريتى الخاصه بمدى كونك محظوظا يا صاحبى

ياراجل اقولك ذبحونى زى الخروف تقوللى محظوظ ... :lol:

[إبن مصر]

لا قصدى اكتر انك يعنى اتوصوا بيك قووووووووووووووى

[Cleo]

يابن مصر الراجل بيقولك مريض وعملية وآلام وموتيليم...

بدال ما تخش عليه بكيس برتقال....

تخش عليه بده..

:angry:

[ragab2]

ألف سلامة ياملك

وعذرا للتأخير

بسبب بعض المشاغل

والحمد لله أنك اطمأنيت وطمنتنا عليكم

وحكاية

التهابات الجزء السفلى من المريئ وضعف العضلة القابضة فى آخره والموجودة بين المريئ والمعدة الكثير يعانى منها فى مصر

والتى تتسبب فى رجوع حامض المعدة الى هذا الجزء من المريئ

مما يؤدى الى حرقان بالصدر أو ألم شديد بالصدر ويخلط الكثير بينه وبين آلام القلب أو الذبحة الصدرية ونفس الألم يحدث أيضا للمصابين بالالتهاب البللورى وهو الغشاء المبطن للرئة بعد الاصابة بالنزلات الشعبية

مع العلم بأن غالبية حالات فتق الحجاب الحاجز تحدث فى الأطفال نتيجة تشوهات خلقية ونادرا ماتحدث للكبار نتيجة الحوادث أو ضعف عضلات الحجاب الحاجز وتختلف اعراضه كثيرا عن الأعراض التى ذكرتها وأهمها كرشة النفس والضعف العام مع الشعور بالألم عند التنفس

وكما ذكر دكتورنا العزيز وليد

ياريت تحلل لاستبعاد بكتريا Helicobacter pylori

لأنه اتضح أنها السبب فى كثير من حالات قرحة المعدة ومشاكل الجهاز الهضمى

وللأسف مازالت فى مصر لا تحظى بالاهتمام وقليل من المعامل التى تقوم بفحصها

ومع استعمال الأدوية لابد من تقليل التدخين والقهوة والشاى واستبعاد تناول الأكلات الحريفة والموالح والملح والتوابل والدهون والبصل النيئ

وألف سلامة

[سقراط المصري]

الاخ الفاضل هشام

الف الف سلامه وان شاء الله خير.

سقراط

[هشام عبد الوهاب]

د\رجب ... شكرا جزيلا لأهتمامك .... :P

لابد من تقليل التدخين والقهوة والشاى

ايوه كده هى دى الدكاترة مش الأخ بتاع امن الدولة اللى اقوله باشرب 4 علب يقوللى ولا سيجارة واحده .... ارهاب طبى :P

اخى الفاضل سقراط .... الله يسلمك ،، الف شكرعلى سؤالك :P

ايه ياجماعه اللى ماحد دخل وفى ايده كيس جوافه حتى ... :angry:

[عصام]

يا سلام ... بس كده؟

إتفضل يا سيدى ..

وفيه معاها كمان ديليفرى من سوق العبور ..

سلامتك ..

[kfaya]

فى حكاية تبطيل السجاير دى انا لى مغامرات و صولات و جولات تنفع تتكتب فى كتاب ... الى أن انتصرت عليها ..... trch:

يعنى كدا بعد 13 ولا 15 محاولة كلها بائت بالفشل و اكتر واحده كانت 3 شهور من حوالى 4 سنين , الى أن كانت رقم 16 و اشاء الله تكون الاخيرة ..... بعد بكرة ( يوم 7/10 أتم سنة بالضبط ) .... :rolleyes:

كل المحاولات الفاشلة السابقة كانت عن طريق الباتشس و اللبان .... على فكرة ده ممكن يكون علاج فعال , بمعنى انه فعلا بيمد الجسم باحتياجاته من النيكوتين لكن يتبقى العامل النفسى أو العاده او ربط السيجارة بمكان أو توقيت أو حالة نفسية ..... و بالرغم أن الجسم عنده احتياجاته من المادة المخدرة .. و لكن اسلوب الحياة يناديها ..... لذا فى كل مرة كان ينقصنى عامل مهم جدا تم التثبت منه فى النهاية و هو..... التحدى .....

تحدى العادة و الجسد و تحمل عذاب و توجع و ألم و حزن فراق صديقة العمر و معشوقة القلب و العقل ..... me0:

عملتها متوكلا على الله بدون باتش او أى مساعدات ....

لو ناوى ممكن أحكيلك بالتفصيل و اساعدك انشاء الله .....

سلمك الله من كل سقم و داء وأنعم عليك بالشفاء و الصحة ....

[حشيش]

أخى العزيز هشام

أطيب التمنيات بالشفاء العاجل :o mf(...حقول لك على حاجة سمعتها من طبيب كبير متخصص فى الأمراض الباطنية...يقول أن العرقسوس (بجد والله مش بهزر) مفيد جداً فى حالات قرحة المعدة والإثنى عشر...إنتهز فرصة شهر رمضان وأكثر من شرب العرقسوس...أنا معرفش طريقة عمايله فى البيت إزاى بس ممكن أجيبلك الوصفة...أوعى تشرب عرقسوس فى الشارع ليجيلك إلتهاب كبدى وبائى يكمل على بقيتك :angry:... صحيح صدق من قال (شفا وخمير ياعرقسوس :rolleyes: )...