القوات المسلحة تهاجم 6 ابريل في بيان رسمي

[عادل أبو عمر]

http://www.youtube.com/watch?v=QrNz0dZgqN8

الظاهر للأسف إن الرويني هيطلع براءة ودا اعتراف من أحد أعضاء الحركة بأنهم تدربوا في صربيا لتهييج الرأي العام ويظهر المنسق العام للحركة أحمد ماهر في الفيديو من قناة الجزيرة وكمان دليل على ان الحركة مش حركة مصرية ولكن هي منظمة عالمية بس حد يترجم لو سمحتوا ودا الفيديو الثاني

http://www.facebook....503175

أستاذ طارق

ليه للأسف ؟

كلمة ( للأسف ) ..

لا أسف سواء هو المجلس براءة أو 6 إبريل براءة .. المهم إن الشعب يطلع براءة بين الاتنين دول وغيرهم ..

كلمة ( للأسف ) .. المفروض نستخدمها للتعبير عن الوضع الحالي فقط .. لأن على رأي أخونا الغريب احنا اللي عملنا كدة في نفسنا ..

( للأسف ) هلال رمضان مش هيطلع قبل يوم الجمعة ... كانت الناس كلها هتصلي التروايح في التحرير و في روكسي و مصطفى محمود .. عشان يعرفوا إنهم شعب واحد و هدفهم واحد و ثورتهم واحدة

(للأسف ) هذا الشعب على موعد أن يرى و يعيش مواجهة اخرى و أكبر يوم الجمعة بين أصحاب الأمس ..

[عصام أبوالفتح]

الرويني فتح النار على 6 إبريل والحقائق هتعلن وكل شيء مرصود من زمان من 2009 م والشقة الفاخرة في نص البلد والتحريض بقول إيه حد يجيب نث الحديث أو تلخيصه

غلط يا طارق ومالكش دعوة بالموضوع ده عشان ما يتاخدش عليك كلام

ولما هما راصدينهم ومسجلين لهم شرايط فاضحه كمان من سنة 2009 .. كانوا فين ده كله ؟

وبعدين في جهات قضائية هي اللي تتولى التحقيق وتُعلن الحقائق بالأدلة والبراهين ...

إفتكر الكلام ده كويس يا طارف ...

النهاردة بيقولوا شقق فاخرة في نص البلد لـ 6 إبريل .. وسكتنا وصدقنا

بكره وأبصم بالعشرة هايقولوا فلل وشاليهات في مارينا كان السلفيين بيجتمعوا فيها هما والأخوان من سنة 1919 .. وكله متسجل وعاوز نذيع قول ذيع

الكلام ده عيب جداً ... ويبقى كده ما فرقناش عن نظام مبارك وشرايط الكنرتول بتاعت صفوت الشريف ...

الامور التي تمس الأمن القومي المصري لا يجب أن يتم تناولها هكذا ..

ولما يكونوا 6 إبريل أو حتى 15 مايو وإنت داخل على حلوان من الأوتوستراد .. فيجب أن يتم تناول الموضوع بشكل قانوني محترم .. مش لا مؤخذه تلقيح كلام إعلامي وفرش ملايات زي اللي بيحصل .. ومن مين ؟ من ناس عسكريين معروف عنهم الدقة والإنضباط ..

فين أدلة اتهام كذبة ابريل للمشير بالتواطؤ مع مبارك والحاحهم الممل على ذلك ?

دى الفيصل ولازم تطلع الادلة . . الملايات الابريلية مفروشة هنا من مايو ايام الثورة الثانية وتصدى الشعب لها بكل قوة ووعى فى كل مكان مش هنا بس . . متزعلش لو قلت عليك وعلى ادارة المنتدى انكم متواطئين مع 6 ابريل انك تسمح لهم ينشروا ادعائتهم وتحريضهم ضد المجلس العسكرى بدون أدلة

تيمور لما بيتزنق يروح رامى فيديو لاا حد ويقولك دليل والباقى فى وقته

اذا مكنش ده وقته لو هو موجود اصلا . . امال هاتطلعوا أدلة امتى?

كن منصفا واطلب من كذبة ابريل ما تطلبه من المجلس العسكرى

ملحوظة . زيارتى للميدان والمنطقة المحيطة به يوم 15 يوليو وبعده ازالت كل علامات الاستفهام لدى وأدعى انى أملك تصور واضح عما يحدث سأطرحه حين أملك وقتا لذلك

[ابراهيم عبد العزيز]

السيد / مرسي منصور الأمين العام لتحالف ثوار مصر :

(( اعترض الأمين العام لتحالف ثوار مصر على بعض ما جاء فى بيان المجلس العسكرى الأخير ضد حركة 6 أبريل، وقال "لا توجد أى فتنة بين الجيش والشعب ومازالت جموع الشعب والثوار تردد الجيش والشعب إيد واحدة، لكننا فى الميدان نختلف باحترام مع المجلس العسكرى))

[pink rose]

اتفضلوا المخلول بتاع ليبيا بيوجه رسالة للشعب المصري

على الجزيرة مباشر

ناقصين جنانه هو التاني

[م تيمور المراغي]

نوارة نجم ع الجزيرة دلوقتي معانا في المسيرة

هيا كمان عميله وجاسوسه

حاجه تخنق

بتقول عن القنابل المسيله للدموع

بتقول محاصرين والجيش رفض تامينهم

والامن المركزي بيضربهم والبلطجيه بتضربهم

طالبه تامين جماعي للخروج

[م تيمور المراغي]

في كل دول العالم المتحضر

تقوم السلطة بحماية المسيرات الاحتجاجيه و اعتقال كل من يحتك بالمسيره من الخارجين على القانون

خصوصا انها مسيرة معلن عنها قبلها بيوم

لكن الصمت والسكوت ده فعلا غير مفهوم وغير مبرر

[زقلط]

معلش يا جماعة التمسكم العذر في جهلي

هما رايحين العباسية ليه، وايه طلباتهم...وهل هذه الطلبات تخص الشعب المصري؟

[م تيمور المراغي]

البيان مسمي البلطجيه ( لجان شعبيه ) بتحمي الجيش

و البيان بالكامل بيدافع عن اللجان الشعبيه

ادينا مسكنا ناس منهم

وحنشوف اذا كانوا لجان شعبيه ولا لجان مش شعبيه

[م تيمور المراغي]

معلش يا جماعة التمسكم العذر في جهلي

هما رايحين العباسية ليه، وايه طلباتهم...وهل هذه الطلبات تخص الشعب المصري؟

المسيرة سلمية تهدف الى التظاهر امام مقر المجلس العسكري للمطالبه بتحقيق مطالب الثورة

[م تيمور المراغي]

#m6april #egypt #tahrir #8jul #abbasiya #massira

شيخ مسجد النور يبكي في الميكروفون

.. و هو يناجي داعيا فى الميكروفون :

تخلي الناس عنا .. فإحم الثوار يا رب

[se_ Elsyed]

أنا بأحمل المجلس العسكري كل هذا التصعيد على الأقل لإنه المنوط بحفظ الأمن .. ولم يقول في البيان إن هناك لجان شعبية كانت بتعمل كحائط صد بين المعتصمين وبين الجيش ... يبقى ده قمة التهريج ... ولما نلاقي المولوتوف من فوق البيوت ومن البلطجية بيترمي على المعتصمين .. يبقى ده تسيب والمسئول عنه المجلس العسكري

----------

متزعلش لو قلت عليك وعلى ادارة المنتدى انكم متواطئين مع 6 ابريل انك تسمح لهم ينشروا ادعائتهم وتحريضهم ضد المجلس العسكرى بدون أدلة

إنت عارف كويس إن هذا ليس حقيقةً من بعيد أو قريب ....

أما إذا كان إنتقاد سُلطة سياسية حاكمة هو تحريض .. فأنا أول المحرضين ...

ولا عاوزنا نقول أمن ونقعد 6 شهور كمان في هيصه ومش عارفين راسنا من رجلنا والحال في النازل والسبب إفتقار المجلس العسكري لأبسط مهارات الإدارة .. يا راجل شوف الوزارة إتغيرت كام مرة وشوف طريقة شيل او تعيين أي وزير او محافظ

[م تيمور المراغي]

tahernagaty Taher Nagaty

by kalnaga

بكلم ظابط جيش صغير علي انه يفتحلنا طريق قالي انا خالفت تعليمات حمدي بدين و فتحت الجامع

[ابراهيم عبد العزيز]

وزارة الصحة تقيم مستشفى ميداني فى ميدان العباسية لعلاج المصابين الذين وصل عدهم حتى الان الى مائة وخمسين فى سيناريو أشبه ما يكون بموقعة الجمل

[se_ Elsyed]

السؤال هنا الواضح للجميع

معتصمين يتوجهون من التحرير للعباسية بشكل سلمي ... وبالمناسبة مش بينهم 6 إبريل اللي أعلنوا ذلك ... أياً كان إسم المعتصمين ... أوك ؟

على الجانب الأخر هناك دبابات ومدرعات وشرطة عسكرية وأمن مركزي منتظرهم في العباسية .. أوك ؟

فجاة لما يقرب المعتصمين من العباسية يخرج عليهم البلطجية من العباسية بالمولوتوف ومن فوق الأسطح وهاتك يا ضرب

حد يفهمني إزاي وجم منين دول وتسربوا من تحت يد كل الجحافل دي إزاي ؟

[pink rose]

 صرح الدكتور عادل عدوي، مساعد وزير الصحة للشئون العلاجية، بأن إجمالي المصابين من أحداث العباسية، التي وقعت مساء اليوم السبت، بلغ حتى الآن 55 مصابا، تم إسعاف 49 من بينهم في موقع الحادث، وتم تحويل 6 حالات إلى 3 مستشفيات حتى الآن.

وأوضح الدكتور عدوي، أنه تم تحويل حالة إلى مستشفى عين شمس التخصصي، وحالة إلى مستشفى القبة العسكري، و4 حالات إلى مستشفى الدمرداش، مشيرا إلى أن الإصابات كانت ما بين إصابات في الرأس وجروح كدمات، وقامت فرق المسعفين بتقديم الإسعافات اللازمة لهم، كما قامت الفرق الطبية بالمستشفيات بتقديم الرعاية اللازمة لهم.

وأوضح أنه فور وقوع الأحداث، تم دفع 16 سيارة إسعاف مجهزة بالمستلزمات الطبية، كما تم دفع العيادات المتنقلة التي قامت بتقديم الإسعافات اللازمة للمصابين في موقع الحادث، ونقل الحالات التي تستدعى النقل إلى المستشفيات القريبة في منطقة العباسية.

الشروق

[se_ Elsyed]

على فكرة .. عيب قوي الهرتلة اللي بيهرتلها اللوا حسن الرويني ...أيوه هرتلة

لما أسمع من شوية تصريحات حدثت اليوم إن أعضاء 6 إبريل تدربوا سنة 2009 في صربيا على إسقاط انظمة الدول

والنبي في كده في الدنيا ؟

ولما هما كده بقى لهم 3 سنين أهم ... أجتمعت معاهم عشرات المرات ليه ؟

واجتمع معاهم عصام شرف الأسبوع الماضي ليه ؟

و3 سنين كان فين أمن الدولة ؟

ومرة اخرى ... هي إيه نوعية التدريبات بتاعت إسقاط الأنظمة دي يا سيادة اللوا ؟

[se_ Elsyed]

الصحة تُرسل مستشفى ميداني لتجميع القتلى والمصابين

يا فرحتي ياما

أما الجيش والشرطة والامن المركزي والمدرعات كإنهم لسه حالاً واصلين من سويسرا وواقفين على الحياد التام وخلي الناس يدعكوا في بعض

عرفتوا دلوقت موقعة الجمل اللي أستمرت أكثر من 12 ساعة حدثت إزاي ؟

[se_ Elsyed]

بالمناسبة

هل تتوقعوا إن بكره نسمع بيان من المجلس العسكري بيقول إن اللي حصل في 25 يناير كان إنقلاب وكان مخطط له من عملاء تدربوا في الخارج ؟؟؟

[tarek hassan]

كان بإمكان أعضاء حركة 6 إبريل أن يكونوا أبطالا في نظر الشعب بدلا من أن يتصرفوا بطريقة معينة ضد الجيش بالمطالب الكثيرة والتعجيزية ورفض الجلوس معه وضد الشعب بتعطيل مصالحه

والآن لم يعد لهم سوى مطلب واحد وهو مناشدة المجلس العسكري أن ينجيهم من اللجان الشعبية حتى يعودوا فقط

ولكن لا أحد يتحدث عن الفشل وعن الرفض الشعبي

[mfarag]

معلش يا جماعة التمسكم العذر في جهلي

هما رايحين العباسية ليه، وايه طلباتهم...وهل هذه الطلبات تخص الشعب المصري؟

عشان نحط البنزين جنب النار

و اى شرارة تولع فى البلد

زى اللى بيحصل فى العباسية دلوقتى